លោក ពេជ្រ រដ្ឋា Archives - Kampuchea Thmey Daily

២០២៣! មច្ចុរាជឆក់យកជីវិតសិល្បករល្បី ២ រូបគួរឲ្យសោកស្ដាយបំផុត

Din Thary — Thu, 30 Nov 2023 04:05:38 +0000

តាមការកត់សម្គាល់គិតមកត្រឹមចុងខែវិច្ឆិកា ឆ្នាំ២០២៣ នេះ គឺមានរយៈពេលមិនដល់មួយសប្ដាហ៍ផង គេសង្កេតឃើញថាមានសិល្បករល្បីរបស់ខ្មែរចំនួន ២រូបត្រូវបានបាត់បង់ជីវិតគួរ ឲ្យសោកស្តាយបំផុត។

យ៉ាងណាមិញ ចំពោះការបាត់បង់ធនធានអ្នកសិល្ប: ដែលពោរពេញទៅដោយទេពកោសល្យទាំង ២រូបនេះ បានធ្វើឲ្យមហាជនមានការសោកស្ដាយ និងក្ដុកក្ដួលខ្លាំងបំផុត។ខណៈដែលការបាត់បង់ត្រូវបានគេយល់ថា ជាការបាត់បង់ធនធានដ៏មានតម្លៃផ្នែកវិស័យសិល្បៈខ្មែរ។ សិល្បករផ្នែកចម្រៀង និងសម្ដែងចាស់ក្មេងទាំង ២រូបដែលទើបទទួលមរណភាពថ្មីៗនេះរួមមាន,

១. លោក ពេជ្រ ភិរុណ ដែលជាតារាភាពយន្តខ្មែរនាអំឡុងទសវត្សរ៍ឆ្នាំ៨០-៩០ បានទទួលមរណភាពដោយសារជំងឺប្រចាំកាយកាលពីថ្ងៃទី២៦ ខែវិច្ឆិកា ឆ្នាំ២០២៣ កន្លងទៅ។

មរណភាពរបស់តារាភាពយន្តជើងចាស់លោក ពេជ្រ ភារុណ គឺជាការបាត់បង់ធនធានមនុស្សដ៏មានតម្លៃផ្នែកវិស័យភាពយន្តរបស់ខ្មែរ។ ដំណឹងនេះគេឃើញមានមហាជន និងអ្នកគាំទ្រព្រមទាំងសិល្បករ-សិល្បការិនីខ្មែរជាច្រើនបានសម្ដែងការសោកស្ដាយ និងមានក្តីរន្ធត់ចិត្តខ្លាំងចំពោះការបាត់បង់វីរសិល្បករខ្មែររូបនេះ។

២.តារាចម្រៀងប្រុសវ័យក្មេងរបស់ផលិតកម្ម Town Production លោក ពេជ្រ រដ្ឋា បានទទួលមរណភាពដោយគ្រោះថ្នាក់ចរាចរណ៍នៅស្រុកភ្នំក្រវាញ ខេត្តពោធិ៍សាត់ នាវេលាទៀបភ្លឺថ្ងៃទី២៩ ខែវិច្ឆិកា ឆ្នាំ២០២៣ ពោលគឺនៅថ្ងៃទី៣ នៃចុងបញ្ចប់ព្រះរាជពិធីបុណ្យអុំទូក។

ជាមួយដំណឹងមរណភាពរបស់តារាចម្រៀងវ័យក្មេងលោក ពេជ្រ រដ្ឋា បានធ្វើឲ្យមហាជន និងអ្នកគាំទ្រព្រមទាំងសិល្បករ-សិល្បការិនីជាច្រើនបានសម្ដែងការសោកស្ដាយ និងមានក្តីរន្ធត់ចិត្តជាពន់ពេក ខណៈអ្នកខ្លះទៀតបានចូលរួមរំលែកទុក្ខដល់ក្រុមគ្រួសារនៃសពផងដែរ។

សូមបញ្ជាក់ដែរថា ចំពោះដំណឹងមរណទុក្ខដ៏ក្រៀមក្រំ និងសោកសៅសិល្បករពីររូបបានធ្វើឲ្យអ្នកសិល្បៈរួមអាជីពព្រមទាំងអ្នកគាំទ្រមួយចំនួនធំបានសម្ដែងក្តីរន្ធត់ព្រមទាំងការចូលរួមសោកស្ដាយយ៉ាងខ្លាំងជាមួយក្រុមគ្រួសារសព។ ម្យ៉ាងទៀត នេះក៏ជាការបាត់បង់ធនធានសិល្បៈមានតម្លៃក្នុងសង្គមខ្មែរ៕

អត្ថបទ៖ ចាន់រ៉ា

The post ២០២៣! មច្ចុរាជឆក់យកជីវិតសិល្បករល្បី ២ រូបគួរឲ្យសោកស្ដាយបំផុត appeared first on Kampuchea Thmey Daily.

សុគន្ធ នីសា ខ្លោចចិត្តអាណិត ពេជ្រ រដ្ឋា ខ្លាំង ទើបជួបគ្នាបាន ១ ថ្ងៃ ទទួលដំណឹងមរណភាព

អ៊ិន ពិសី — Wed, 29 Nov 2023 08:35:01 +0000

តារាចម្រៀងសំនៀងផ្អែមអ្នកនាង សុគន្ធ នីសា បានបង្ហាញអារម្មណ៍រន្ធត់ចិត្តខ្លាំង បន្ទាប់ពីទទួលដំណឹងមរណភាពរបស់តារាចម្រៀងសិស្សប្អូនលោក ពេជ្រ រដ្ឋា ដោយសារហេតុការណ៍គ្រោះថ្នាក់ចរាចរណ៍ កាលពីទៀបភ្លឺឈានចូលថ្ងៃទី ២៩ ខែវិច្ឆិកា។

អ្នកនាង សុគន្ធ នីសា បានរៀបរាប់ទាំងក្តីរន្ធត់ចិត្តថា «ពុទ្ធោអើយ បងទើបបានជួបច្រៀងជាមួយប្អូនលើកទីមួយម្សិលម្ង៉ៃនេះទេ គឺឃើញប្អូនប្រុសស្លូតបូតណាស់ ខ្លោចចិត្តណាស់ប្អូនអើយ ជីវិតមនុស្សគ្មានអ្វីទៀងជាងការស្លាប់នោះឡើយ មួយថ្ងៃជួប មួយថ្ងៃបែក មួយថ្ងៃសើច មួយថ្ងៃទៀតក៏យំ»។

តារាចម្រៀងមនោសញ្ចេតនា សុគន្ធ នីសា បានបន្តថា «សូមចូលរួមរំលែកទុក្ខក្រុមគ្រួសារប្អូនប្រុស ពេជ្រ រដ្ឋា តារាចម្រៀងប្រចាំផលិតកម្ម Town Production ដែលបានទទួលមរណភាពកាលពីពាក់កណ្តាលយប់មិញនេះដោយគ្រោះថ្នាក់ចរាចរណ៍ សូមប្អូនបានទៅកាន់ទីស្ងប់សុខ(អស់វេលាថ្ងៃស្អែក)»។

សូមបញ្ជាក់ថា តារាចម្រៀងរបស់ផលិតកម្ម Town Production លោក ពេជ្រ រដ្ឋា បានទទួលមរណភាពដោយគ្រោះថ្នាក់ចរាចរណ៍ នៅស្រុកភ្នំក្រវាញ ខេត្តពោធិ៍សាត់ កាលពីវេលាទៀបភ្លឺថ្ងៃទី ២៩ ខែវិច្ឆិកា ឆ្នាំ ២០២៣ ពោល នៅថ្ងៃទី ៣ នៃចុងបញ្ចប់ព្រះរាជពិធីបុណ្យអុំទូក។

ជាមួយដំណឹងមរណភាពរបស់តារាចម្រៀងវ័យក្មេងលោក ពេជ្រ រដ្ឋា បានធ្វើឲ្យមហាជន និងអ្នកគាំទ្រ ព្រមទាំងសិល្បករ-សិល្បការិនីជាច្រើន បានសម្តែងការសោកស្ដាយ និងមានក្តីរន្ធត់ចិត្តជាពន់ពេក ខណៈខ្លះទៀតចូលរួមរំលែកទុក្ខក្រុមគ្រួសារ នៃសពផងដែរ៕

អត្ថបទ ៖ ចាន់រ៉ា

The post សុគន្ធ នីសា ខ្លោចចិត្តអាណិត ពេជ្រ រដ្ឋា ខ្លាំង ទើបជួបគ្នាបាន ១ ថ្ងៃ ទទួលដំណឹងមរណភាព appeared first on Kampuchea Thmey Daily.

តារាចម្រៀងប្រចាំផលិតកម្ម Town លោក ពេជ្រ រដ្ឋា ទទួលមរណភាពដោយគ្រោះថ្នាក់ចរាចរណ៍

អ៊ិន ពិសី — Wed, 29 Nov 2023 03:02:37 +0000

មហាជន និងអ្នកគាំទ្រ បានបង្ហាញក្តីរន្ធត់ចិត្ត ហើយសោកស្ដាយជាខ្លាំង បន្ទាប់ពីទទួលដំណឹង នៃការស្លាប់របស់លោក ពេជ្រ រដ្ឋា តារាចម្រៀងប្រចាំនៅផលិតកម្ម Town Production ដោយសារជួបហេតុការណ៍គ្រោះថ្នាក់ចរាចរណ៍។

ប្រភពបានឲ្យដឹងថា តារាចម្រៀងរបស់ផលិតកម្ម Town Production លោក ពេជ្រ រដ្ឋា បានទទួលមរណភាពដោយគ្រោះថ្នាក់ចរាចរណ៍នៅស្រុកភ្នំក្រវាញ ខេត្តពោធិ៍សាត់ កាលពីវេលាម៉ោង ៣ និង ០០ នាទី ទៀបភ្លឺថ្ងៃទី ២៩ ខែវិច្ឆិកា ឆ្នាំ ២០២៣ ពោលនៅថ្ងៃទី ៣ នៃចុងបញ្ចប់ព្រះរាជពិធីបុណ្យអុំទូក។

ចំណែកប្អូនប្រុសតារាចម្រៀងរូបនេះក៏បានបង្ហោះដំណឹងនេះដែរថា «ខ្ញុំបាទ ត្រូវជាប្អូនប្រុសរបស់បង ពេជ្រ រដ្ឋា សូមប្រកាសជាសាធារណៈ ពេលនេះគាត់បានជួបគ្រោះថ្នាក់បាត់បង់ជីវិតបាត់ទៅហើយ ខ្ញុំពិតជាទទួលយកមិនបានទេ សូមឲ្យវិញ្ញាណក្ខន្ធបងប្រុសទៅកាន់សុគតិភពផងចុះ បើបងប្អូនទាក់ទងមក FB ឬ Chat គាត់មិនតប សូមទាក់ទងតាមលេខគាត់ចុះ នឹងមានបងប្អូនខ្ញុំជាអ្នកទទួល»។

ជាមួយដំណឹងមរណភាពរបស់តារាចម្រៀងវ័យក្មេងលោក ពេជ្រ រដ្ឋា ធ្វើឲ្យមហាជន និងអ្នកគាំទ្រ ព្រមទាំងសិល្បករ-សិល្បការិនីជាច្រើន បានសម្តែងការសោកស្ដាយ និងមានក្តីរន្ធត់ចិត្តជាពន់ពេក ខណៈមានខ្លះទៀតក៏បានចូលរួមរំលែកទុក្ខក្រុមគ្រួសារ នៃសពផងដែរ។

សូមរម្លឹកដែរថា កន្លងមក សម្ដេចតេជោ ហ៊ុន សែន ក៏បានសរសើរ លោក ពេជ្រ រដ្ឋា ថា ច្រៀងពីរោះ៕

អត្ថបទ ៖ ចាន់រ៉ា

The post តារាចម្រៀងប្រចាំផលិតកម្ម Town លោក ពេជ្រ រដ្ឋា ទទួលមរណភាពដោយគ្រោះថ្នាក់ចរាចរណ៍ appeared first on Kampuchea Thmey Daily.