ជីវិតកម្សាន្ដ

តារាចម្រៀងប្រចាំផលិតកម្ម Town លោក ពេជ្រ រដ្ឋា ទទួលមរណភាពដោយគ្រោះថ្នាក់ចរាចរណ៍

បានផុស

៣ years មុន

នៅ

ថ្ងៃពុធ ២៩ វិច្ឆិកា ២០២៣

ដោយ

មហាជន និងអ្នកគាំទ្រ បានបង្ហាញក្តីរន្ធត់ចិត្ត ហើយសោកស្ដាយជាខ្លាំង បន្ទាប់ពីទទួលដំណឹង នៃការស្លាប់របស់លោក ពេជ្រ រដ្ឋា តារាចម្រៀងប្រចាំនៅផលិតកម្ម Town Production ដោយសារជួបហេតុការណ៍គ្រោះថ្នាក់ចរាចរណ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពបានឲ្យដឹងថា តារាចម្រៀងរបស់ផលិតកម្ម Town Production លោក ពេជ្រ រដ្ឋា បានទទួលមរណភាពដោយគ្រោះថ្នាក់ចរាចរណ៍នៅស្រុកភ្នំក្រវាញ ខេត្តពោធិ៍សាត់ កាលពីវេលាម៉ោង ៣ និង ០០ នាទី ទៀបភ្លឺថ្ងៃទី ២៩ ខែវិច្ឆិកា ឆ្នាំ ២០២៣ ពោលនៅថ្ងៃទី ៣ នៃចុងបញ្ចប់ព្រះរាជពិធីបុណ្យអុំទូក។

ចំណែកប្អូនប្រុសតារាចម្រៀងរូបនេះក៏បានបង្ហោះដំណឹងនេះដែរថា «ខ្ញុំបាទ ត្រូវជាប្អូនប្រុសរបស់បង ពេជ្រ រដ្ឋា សូមប្រកាសជាសាធារណៈ ពេលនេះគាត់បានជួបគ្រោះថ្នាក់បាត់បង់ជីវិតបាត់ទៅហើយ ខ្ញុំពិតជាទទួលយកមិនបានទេ សូមឲ្យវិញ្ញាណក្ខន្ធបងប្រុសទៅកាន់សុគតិភពផងចុះ បើបងប្អូនទាក់ទងមក FB ឬ Chat គាត់មិនតប សូមទាក់ទងតាមលេខគាត់ចុះ នឹងមានបងប្អូនខ្ញុំជាអ្នកទទួល»។

ជាមួយដំណឹងមរណភាពរបស់តារាចម្រៀងវ័យក្មេងលោក ពេជ្រ រដ្ឋា ធ្វើឲ្យមហាជន និងអ្នកគាំទ្រ ព្រមទាំងសិល្បករ-សិល្បការិនីជាច្រើន បានសម្តែងការសោកស្ដាយ និងមានក្តីរន្ធត់ចិត្តជាពន់ពេក ខណៈមានខ្លះទៀតក៏បានចូលរួមរំលែកទុក្ខក្រុមគ្រួសារ នៃសពផងដែរ។