ជីវិតកម្សាន្ដ
២០២៣! មច្ចុរាជឆក់យកជីវិតសិល្បករល្បី ២ រូបគួរឲ្យសោកស្ដាយបំផុត
តាមការកត់សម្គាល់គិតមកត្រឹមចុងខែវិច្ឆិកា ឆ្នាំ២០២៣ នេះ គឺមានរយៈពេលមិនដល់មួយសប្ដាហ៍ផង គេសង្កេតឃើញថាមានសិល្បករល្បីរបស់ខ្មែរចំនួន ២រូបត្រូវបានបាត់បង់ជីវិតគួរ ឲ្យសោកស្តាយបំផុត។
![](https://www.kampucheathmey.com/wp-content/uploads/2023/11/IMG_20231130_091115.jpg)
យ៉ាងណាមិញ ចំពោះការបាត់បង់ធនធានអ្នកសិល្ប: ដែលពោរពេញទៅដោយទេពកោសល្យទាំង ២រូបនេះ បានធ្វើឲ្យមហាជនមានការសោកស្ដាយ និងក្ដុកក្ដួលខ្លាំងបំផុត។ខណៈដែលការបាត់បង់ត្រូវបានគេយល់ថា ជាការបាត់បង់ធនធានដ៏មានតម្លៃផ្នែកវិស័យសិល្បៈខ្មែរ។ សិល្បករផ្នែកចម្រៀង និងសម្ដែងចាស់ក្មេងទាំង ២រូបដែលទើបទទួលមរណភាពថ្មីៗនេះរួមមាន,
១. លោក ពេជ្រ ភិរុណ ដែលជាតារាភាពយន្តខ្មែរនាអំឡុងទសវត្សរ៍ឆ្នាំ៨០-៩០ បានទទួលមរណភាពដោយសារជំងឺប្រចាំកាយកាលពីថ្ងៃទី២៦ ខែវិច្ឆិកា ឆ្នាំ២០២៣ កន្លងទៅ។
![](https://www.kampucheathmey.com/wp-content/uploads/2023/11/IMG_20231130_091104.jpg)
មរណភាពរបស់តារាភាពយន្តជើងចាស់លោក ពេជ្រ ភារុណ គឺជាការបាត់បង់ធនធានមនុស្សដ៏មានតម្លៃផ្នែកវិស័យភាពយន្តរបស់ខ្មែរ។ ដំណឹងនេះគេឃើញមានមហាជន និងអ្នកគាំទ្រព្រមទាំងសិល្បករ-សិល្បការិនីខ្មែរជាច្រើនបានសម្ដែងការសោកស្ដាយ និងមានក្តីរន្ធត់ចិត្តខ្លាំងចំពោះការបាត់បង់វីរសិល្បករខ្មែររូបនេះ។
២.តារាចម្រៀងប្រុសវ័យក្មេងរបស់ផលិតកម្ម Town Production លោក ពេជ្រ រដ្ឋា បានទទួលមរណភាពដោយគ្រោះថ្នាក់ចរាចរណ៍នៅស្រុកភ្នំក្រវាញ ខេត្តពោធិ៍សាត់ នាវេលាទៀបភ្លឺថ្ងៃទី២៩ ខែវិច្ឆិកា ឆ្នាំ២០២៣ ពោលគឺនៅថ្ងៃទី៣ នៃចុងបញ្ចប់ព្រះរាជពិធីបុណ្យអុំទូក។
![](https://www.kampucheathmey.com/wp-content/uploads/2023/11/IMG_20231130_073328_289.jpg)
ជាមួយដំណឹងមរណភាពរបស់តារាចម្រៀងវ័យក្មេងលោក ពេជ្រ រដ្ឋា បានធ្វើឲ្យមហាជន និងអ្នកគាំទ្រព្រមទាំងសិល្បករ-សិល្បការិនីជាច្រើនបានសម្ដែងការសោកស្ដាយ និងមានក្តីរន្ធត់ចិត្តជាពន់ពេក ខណៈអ្នកខ្លះទៀតបានចូលរួមរំលែកទុក្ខដល់ក្រុមគ្រួសារនៃសពផងដែរ។
![](https://www.kampucheathmey.com/wp-content/uploads/2023/11/IMG_20231130_073324_252.jpg)
សូមបញ្ជាក់ដែរថា ចំពោះដំណឹងមរណទុក្ខដ៏ក្រៀមក្រំ និងសោកសៅសិល្បករពីររូបបានធ្វើឲ្យអ្នកសិល្បៈរួមអាជីពព្រមទាំងអ្នកគាំទ្រមួយចំនួនធំបានសម្ដែងក្តីរន្ធត់ព្រមទាំងការចូលរួមសោកស្ដាយយ៉ាងខ្លាំងជាមួយក្រុមគ្រួសារសព។ ម្យ៉ាងទៀត នេះក៏ជាការបាត់បង់ធនធានសិល្បៈមានតម្លៃក្នុងសង្គមខ្មែរ៕
អត្ថបទ៖ ចាន់រ៉ា
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ