ប្រតិបត្តិការខាងលើនេះ បានធ្វើឡើងកាលពីវេលាម៉ោង០៩និង៣០នាទីយប់ ថ្ងៃទី២៦ ខែឧសភា ឆ្នាំ២០២៦ ស្ថិតនៅតំបន់ផ្សារចិន ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។

តាមប្រភពព័ត៌មានឲ្យដឹងថា ទីតាំងនេះត្រូវបានគេសង្ស័យថា បើកលេងល្បែងស៊ីសងខុសច្បាប់ជាយូរមកហើយ និងមានមនុស្សចេញចូលយ៉ាងច្រើនជាពិសេសនៅពេលយប់។ ក្នុងអំឡុងពេលចុះបង្ក្រាប សមត្ថកិច្ចបានធ្វើការត្រួតពិនិត្យយ៉ាងម៉ត់ចត់ និងនាំខ្លួនមនុស្សប្រុសស្រីជាង១០០នាក់ទៅសាកសួរនៅស្នងការដ្ឋាននគរបាលរាជធានីភ្នំពេញ ដើម្បីធ្វើការសាកសួរ និងអនុវត្តបន្តតាមនីតិវិធីច្បាប់៕

អត្ថប៖ សុខា

The post នគរបាលរាជធានី ឆ្មក់បង្ក្រាបទីតាំងល្បែងស៊ីសងទ្រង់ទ្រាយធំ នៅផ្សារចិន ឃាត់ខ្លួនមនុស្សជាង​១០០នាក់ appeared first on Kampuchea Thmey Daily.

ការឆ្មក់ត្រួតពិនិត្យនេះដែរធ្វើឡើង នៅព្រឹកថ្ងៃទី២៩ ខែមេសា ឆ្នាំ២០២៦ ដោយដឹកនាំចុះដោយផ្ទាល់ពីលោក ឯក ឃុនឌឿន អភិបាលរងរាជធានីភ្នំពេញ រួមជាមួយ លោក ជា ពិសី  អភិបាលខណ្ឌទួលគៅក បានដឹកនាំកម្លាំងគណៈបញ្ជាការឯកភាពខណ្ឌ ចុះត្រួតពិនិត្យជាក់ស្ដែង នៅទីតាំងដែលសង្ស័យបង្កប់ល្បែងស៉ីសង តាមបណ្តោយផ្លូវលេខ ២៣០ សង្កាត់ទឹកល្អក់៣ ខណ្ឌទួលគោក រាជធានីភ្នំពេញ។

យោងតាមការបញ្ជាក់ពីអាជ្ញាធរជំនាញបានបញ្ជាក់ថា លើបណ្ដាញសង្គមថ្មីៗនេះ បានបង្ហោះនៅរូបភាពវីឌីអូ អង្គុយលេងល្បែងស៉ីសង ហើយបញ្ជាក់ថា ស្ថិតនៅទីតាំងដីឡូតិ៍មួយកន្លែង តាមបណ្ដោយផ្លូវលេខ ២៣០ សង្កាត់ទឹកល្អក់៣ ខណ្ឌទួលគោក។  ដូច្នេះអាជ្ញាធរខណ្ឌដឹកនាំមន្រ្តី ចុះត្រួតពិនិត្យ នៅទីតាំងជាក់ស្ដែងមិនឃើញមានអ្វី ពាក់ព័ន្ធនឹងល្បែងស៉ីសងនោះទេ ប៉ុន្តែទោះជាយ៉ាង អាជ្ញាធរបានណែនាំដល់ម្ចាស់ តារាងបាល់ទះ ក៏ដូចជាអ្នកគ្រប់គ្រង មិនត្រូវផ្ដល់ទីតាំង សម្រាប់បង្កប់លេងល្បែងស៉ីសងនោះទេ ក្នុងករណីអាជ្ញាធរតាមដានស្រាវជ្រាវឃើញថា មានបង្កប់ល្បែងស៉ីសង និងមានវិធានការតាមផ្លូវច្បាប់។

ជាចុងក្រោយ អាជ្ញាធរខណ្ឌទួលគោក សូមសំណូមពរ និងអរគុណដល់ប្រជាពលរដ្ឋ និងម្ចាស់ទីតាំងចូលរួមសហការនិងផ្ដល់ព័ត៌មាន ជូនដល់អាជ្ញាធរ ដើម្បីមានវិធានការទាន់ពេលវេលា ។

គួរបញ្ជាក់ផងដែរថា រដ្ឋបាលរាជធានីភ្នំពេញ តែងតែប្រជុំក្រើនរំលឹកដល់អាជ្ញាធរទាំង១៤ខណ្ឌ បន្តយកចិត្តទុកដាក់ ពីបញ្ហាសន្តិសុខ បទល្មើសគ្រប់ប្រភេទ ជាពិសេសបញ្ហាល្បែងស៉ីសងគ្រប់ប្រភេទ ដោយអនុវត្តតាមគោលនយោបាយ ភូមិឃុំ សង្កាត់ មានសុខសុវត្តិភាពជូនដល់ពលរដ្ឋ ៕ អត្ថបទ ៖ រដ្ឋា

The post អាជ្ញាធរខណ្ឌទួលគោក ចុះត្រួតពិនិត្យទីតាំងដែលសង្ស័យមានបង្កប់ល្បែងស៉ីសងមួយកន្លែង ក្នុងសង្កាត់ទឹកល្អក់៣ appeared first on Kampuchea Thmey Daily.

ការឆ្មក់ត្រួតពិនិត្យនេះដែរធ្វើឡើង នៅរសៀលថ្ងៃទី២៣ ខែមេសា ឆ្នាំ២០២៦ ដោយមានការណែនាំពី លោក ថេង សុថុល អភិបាលនៃគណៈអភិបាលខណ្ឌ៧មករា បានចាត់ឲ្យ លោក គ្រួច សុធន់ នាយករងរដ្ឋបាល ដឹកនាំកម្លាំងគណៈបញ្ជាការឯកភាពខណ្ឌ ចុះត្រួតពិនិត្យជាក់ស្ដែង នៅទីតាំងដែលសង្ស័យបង្កប់ល្បែងស៉ីសងស្ថិតនៅ ក្បែរតារាបាល់ទះ តាមបណ្ដោយផ្លូវលេខ២១៣ សង្កាត់វាលវង់ ខណ្ឌ៧មករា រាជធានីភ្នំពេញ។

ការ​ចុះ​បង្រ្កាប​នេះត្រូវ​បាន​ធ្វើ​ឡើង​បន្ទាប់ពី​​ កាល​ពីពេល​ថ្មីៗ​នេះបណ្តាញសង្គម​ និងអ្នកព័ត៌មាន​មួយ​ចំនួន​បាន​បង្ហោះនៅរូបភាពវីឌីអូ អង្គុយលេងល្បែងស៉ីសង ហើយបញ្ជាក់ថា ស្ថិតនៅតារាបាល់ទះ តាមបណ្ដោយផ្លូវលេខ២១៣ សង្កាត់វាលវង់ ខណ្ឌ៧មករា។ដូច្នេះអាជ្ញាធរខណ្ឌដឹកនាំមន្រ្តី ចុះត្រួតពិនិត្យ នៅទីតាំងជាក់ស្ដែងមិនឃើញមានអ្វី ពាក់ព័ន្ធនឹងល្បែងស៉ីសងនោះទេ ប៉ុន្តែទោះជាយ៉ាងអាជ្ញាធរបានណែនាំដល់ម្ចាស់ តារាងបាល់ទះ ក៏ដូចជាអ្នកគ្រប់គ្រង មិនត្រូវផ្ដល់ទីតាំង សម្រាប់បង្កប់លេងល្បែងស៉ីសងនោះទេ ក្នុងករណី អាជ្ញាធរតាមដានស្រាវជ្រាវឃើញថា មានបង្កប់ល្បែងស៉ីសង និងមានវិធានការតាមផ្លូវច្បាប់។

យោងតាមលិខិតបដិសេធចេញថ្ងៃទី២៣ ខែមេសាឆ្នាំ២០២៦ របស់ឈ្មោះ លី ឈុនអ៊ូ ហៅអ៊ូ ភេទប្រុស អាយុ ៤៧ ឆ្នាំ ដែលរងការ​ចោទពីអ្នក​សារព័ត៌មាន​ និងបណ្តាញសង្គម​បង្ហោះ ដែល​ជាម្ចាស់​ទីតាំង​ខាងលើ បាន​បដិសេធដាច់ខាតដោយ​អះអាងថា​ ជា​រូបភាពកាត់ត​គ្មានការ អនុញ្ញាត​និងធ្វើឱ្យប៉ះពាល់ដល់កិត្តិយស សេចក្តីថ្លៃថ្នូរបស់លោក។ ដោយឡែកប្រសិនបើទីតាំង ដែលអ្នកសារព័ត៌មានដែលផ្សព្វផ្សាយមានល្បែងស៊ីសងខុសច្បាប់ដូចរូបភាពដែលបានបង្ហោះមែន លោកបានស្នើសុំឱ្យ​ អាជ្ញាធរមានសមត្ថកិច្ចចុះ អនុវត្តតាមផ្លូវច្បាប់។

អានលិខិតបដិសេធ៖​

អត្ថបទ ៖ រដ្ឋា

The post អាជ្ញាធរខណ្ឌ៧មករា ចុះត្រួតពិនិត្យទីតាំងតារាងបាល់ទះ ដែលសង្ស័យមានបង្កប់ល្បែងស៊ីសង appeared first on Kampuchea Thmey Daily.

តាមអាជ្ញាធរបានឱ្យដឹងថា​ ការចុះបង្ក្រាបករណីល្បែងស៊ីសងនេះ ធ្វើឡើងតាមគោលការណ៍ដឹកនាំជាប្រចាំរបស់លោក ឃួង ស្រេង អភិបាលនៃគណៈអភិបាលរាជធានីភ្នំពេញ​ និងមានការសម្របសម្រួលពីលោក ស៊ិត វណ្ណៈ ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ លោក ឃឹម ស៊ុនសូដា អភិបាលនៃគណៈអភិបាលខណ្ឌកំបូល បានចាត់តាំងលោក លឹម ចាន់ដាវុធ អភិបាលរងខណ្ឌកំបូល ដឹកនាំគណៈបញ្ជាការឯកភាពរដ្ឋបាលខណ្ឌ ចុះបង្ក្រាបទីតាំងកត់ឆ្នោត និងចែកចាយឆ្នោតខុសច្បាប់មួយកន្លែង​ ដោយបានឃាត់ខ្លួនជនសង្ស័យចំនួន ០៥នាក់ ក្នុងនោះស្រី០៤នាក់ និងវត្ថុតាងពាក់ព័ន្ធមួយចំនួន។

ក្រោយឃាត់ខ្លួន ជនសង្ស័យទាំង៥នាក់ត្រូវបានកសាងសំណុំរឿងបញ្ជូនទៅអធិការដ្ឋាននគរបាលខណ្ឌកំបូល ដើម្បីបន្តអនុវត្តតាមនីតិវីធីតាមច្បាប់៕

អត្ថបទ៖ សុខា

The post រដ្ឋបាលខណ្ឌកំបូល ចុះបង្ក្រាបទីតាំងល្បែងស៊ីសងមួយកន្លែងឃាត់ខ្លួនមនុស្ស៥នាក់ appeared first on Kampuchea Thmey Daily.

ហេតុការណ៍​នេះ​បង្ក​ការ​ភ្ញាក់ផ្អើល​កាលពី​យប់​ថ្ងៃ​ទី ១២ ខែ​កុម្ភៈ ឆ្នាំ ២០២៦ ស្ថិត​នៅ​ភូមិ​ទួល​ពង្រ សង្កាត់​ចោមចៅ​ទី ១ ខណ្ឌ​ពោធិ៍​សែន​ជ័យ។

តាម​សម្ដី​បុរស​ខាង​លើ ​បាន​ឲ្យ​ដឹង​ថា ដោយសារ​តែ​ងប់ងុល​នឹង​ល្បែង​ស៊ីសង​តាម​អន​ឡាញ​រហូត​អស់​លុយ​ពី​ខ្លួន ទើប​ទៅ​ខ្ចី​ម៉ូតូ​ហុងដា​ឌ្រី​ម ១ គ្រឿង ពី​អ្នក​ធ្វើការ​សំណង់​ជាមួយគ្នា ដោយ​ប្រាប់​ថា ទៅ​រក​ទិញ​អី​ហូប​បន្តិច។ ក្នុង​នោះ ដោយ​ការ​ស្រលាញ់​រាប់អាន​ទុកចិត្ត ម្ចាស់​ម៉ូតូ ក៏​ឲ្យ​ម៉ូតូ​យក​ទៅ។

ប្រភព​ដដែល​បាន​បន្ត​ថា ក្រោយពី​បាន​ម៉ូតូ​ហើយ ខ្លួន​ក៏​យក​ម៉ូតូ​នោះ​ទៅ​បញ្ចាំ​បាន​លុយ ៦៥០ ដុល្លារ មក​ចាក់​ល្បែង​ស៊ីសង​ទៀត រហូត​ចាញ់​អស់​លុយ​ពី​ខ្លួន មិន​ដឹង​ដោះស្រាយ​ជាមួយ​ម្ចាស់​ម៉ូតូ​យ៉ាងម៉េច​ក៏​កុហក​ថា ម៉ូតូ​ត្រូវ​ចោរ​វាយ​ប្លន់​យក​ទៅ​បាត់ ហើយ​អង្គុយ​ស្រែកយំ​ទាំង​កណ្ដាលយប់​ផ្អើល​ដល់​សមត្ថកិច្ច​ចុះ​អន្តរាគមន៍ និង​នាំ​យក​ទៅ​សាកសួរ។

រហូត​ដល់​ព្រឹក​ថ្ងៃ​ទី ១៣ ខែ​កុម្ភៈ ឆ្នាំ ២០២៦ សមត្ថកិច្ច​ក៏​អញ្ជើញ​បុរស​ខាង​លើ​មក​សួរនាំ​បន្ថែម ទើប​ដឹង​ថា បុរស​នោះ​បំប៉ោង​សភាពការណ៍ ចាញ់​ល្បែង​យក​ម៉ូតូ​ទៅ​បញ្ចាំ​លេង​អស់​លុយ​កុហក​ថា​ចោរ​ប្លន់​ម៉ូតូ​ទៅវិញ។

តាម​ការ​សារភាព​របស់​បុរស​ខាង​លើ បាន​បញ្ជាក់​ថា នេះ​ជា​លើក​ទី ២ ហើយ ដែល​យក​ម៉ូតូ​ទៅ​បញ្ចាំ​យក​លុយ​លេងល្បែង​តាម​អន​ឡាញ។ បច្ចុប្បន្ន បុរស​ខាង​លើ ត្រូវ​បាន​សមត្ថកិច្ច​ឃាត់ខ្លួន​បណ្ដោះអាសន្ន​នៅ​អធិការដ្ឋាន​នគរបាល​ខណ្ឌ​ពោធិ៍​សែន​ជ័យ៕

អត្ថបទ ៖ សុខា

The post ខ្ចីម៉ូតូអ្នកធ្វើការជាមួយគ្នាយកទៅបញ្ចាំលេងល្បែងអស់ រួចកុហកសមត្ថកិច្ចថា ចោរប្លន់ appeared first on Kampuchea Thmey Daily.

ស្ត្រីដែលសមត្ថកិច្ចឃាត់ខ្លួនមានឈ្មោះ ទី ឈូករី អាយុ ៤៨ឆ្នាំ ជនជាតិខ្មែរមុខរបរលក់ដូរមានទីលំនៅទីតាំងកើតហេតុ ។ វត្ថុ​តាង​ចាប់យក ទូរសព្ទ័ដៃចំនួន ០១គ្រឿង ក្រដាសA4 កាត់រួច មិនទាន់កត់លេខចំនួន០៥សន្លឹកប៉ិចចំនួន ០១ដើម។

សមត្ថកិច្ចបានឱ្យដឹងទៀតថា ក្រោយទទួលបានសេចក្តីរាយការណ៍ភ្លាម កម្លាំងនគរបាលព្រហ្មទណ្ឌក្រុងបានចុះទៅបង្ក្រាបដល់ទីតាំងកត់ឆ្នោតខាងលើ ដោយឃើញអ្នកកត់ឆ្នោតកំពុងអង្គុយកត់នៅក្នុងផ្ទះរបស់ខ្លួន ទើបកម្លាំងបានចូលទៅឃាត់​ខ្លួន​អ្នកកត់ឆ្នោត និងដកហូតបានវត្ថុតាងមួយចំនួន ហើយបញ្ជូនមកសាកសួរនៅអធិការដ្ឋាននគរបាលក្រុងអរិយក្សត្រ។

នៅចំពោះមុខសមត្ថកិច្ចស្ត្រីជាជនសង្ស័យបានសារភាពថា ខ្លួនពិតជាបានកត់ឆ្នោតវៀតណាម រយៈពេលជាង១ខែមកហើយ ដោយក្នុង១ថ្ងៃកត់ឆ្នោតបានប្រាក់ពី២០ ទៅ៣០ម៉ឺនរៀល ដែលគិតទឹកគឺក្នុង១ម៉ឺនរៀល បានទឹក១ពាន់រៀល ហើយព្រឹកឡើងបានប្រមូលប្រាក់យកទៅអោយមេម្នាក់(មិនស្គាល់) ដោយផ្ញើតាមធនាគារជារៀងរាល់ថ្ងៃ។

បច្ចុប្បន្នស្ត្រីជាជនជនសង្ស័យកំពុងឃាត់ខ្លួនជាបណ្តោះនអាសន្នជាមួយវត្ថុតាង នៅអធិការដ្ឋាននគរបាលក្រុងអរិយក្សត្រ ដើម្បីកសាងសំណុំរឿងតាមនិតិវិធី៕

អត្ថបទ៖ សុខា

The post សមត្ថកិច្ចក្រុងអរិយក្សត្រ ឃាត់ខ្លួនអ្នកកត់ឆ្នោតវៀតណាមម្នាក់យកមកអនុវត្តច្បាប់ appeared first on Kampuchea Thmey Daily.

រយៈពេលដូចគ្នានេះ សមត្ថកិច្ចតាមមូលដ្ឋានបង្រ្កាបករណីល្បែងស៊ីសងបានចំនួន៤៣៣ករណី ឃាត់ខ្លួនជនងប់ល្បែង សរុប១ ២៩៤នាក់។ បើតាមលោក ទូច សុឃៈ ក្នុងចំណោមនោះ មានជនងប់ល្បែង ៤៨៥នាក់ ត្រូវសមត្ថកិច្ចកសាងសំណុំរឿងបញ្ជូនទៅសាលាដំបូងរាជធានី -ខេត្ត។ ដូចគ្នានឹងករណីក្មេងទំនើងដែរ គឺសល់ពីនេះ សមត្ថកិច្ចបានអនុវត្តវិធានការអប់រំ និងធ្វើកិច្ចសន្យា។

បើគិតពីថ្ងៃអនុវត្តបទបញ្ជាសម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា ពោលគឺពីថ្ងៃទី២៣ ខែឧសភា ឆ្នាំ២០២៤ រហូតដល់ថ្ងៃទី១៥ ខែកញ្ញា ឆ្នាំ២០២៥ កម្លាំងនគរបាលជាតិ ចាប់ពីថ្នាក់អគ្គស្នងការ រហូតដល់ប៉ុស្តិ៍នគរបាលរដ្ឋបាល បង្ក្រាបក្រុមក្មេងទំនើងសរុប១ ៥៨១ករណី ឃាត់ខ្លួនមនុស្សចំនួន៥ ៩៥៤នាក់។

ស្របតាមបទបញ្ជាដ៏ម៉ឺងម៉ាត់របស់សម្ដេចធិបតី និងអនុវត្តតាមច្បាប់ដ៏រឹងមាំរបស់ជាតិ លោក ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានកំពុងបង្កើនការយកចិត្តទុកដាក់ជាប្រចាំ ទាំងក្នុងភារកិច្ចដឹកនាំបញ្ជាបង្ការ ទប់ស្កាត់ និងបង្ក្រាបករណីក្មេងទំនើង ព្រមទាំងបោសសម្អាតល្បែងសុីសងគ្រប់ប្រភេទ៕

The post ៩ខែ ក្មេងទំនើង និងអ្នកងប់ល្បែងជាង២ពាន់នាក់ត្រូវសមត្ថកិច្ចចាប់បញ្ជូនទៅតុលាការ appeared first on Kampuchea Thmey Daily.

លោក ទូច សុឃៈ បានបញ្ជាក់ឱ្យដឹងថា គិតចាប់ពីថ្ងៃទី៨ ដល់ថ្ងៃទី១៤ ខែតុលា ឆ្នាំ២០២៥ សមត្ថកិច្ចនគរបាលជាតិ បានចុះបង្ក្រាបក្មេងទំនើងសរុប ១៥ករណី ឃាត់ខ្លួនមនុស្ស ៥៣នាក់ ខណៈករណីល្បែងស៊ីសងបង្ក្រាបបាន ៣ករណី ឃាត់ខ្លួនជនងប់ល្បែង និងអ្នកពាក់ព័ន្ធចំនួន ១៣នាក់។

អ្នកនាំពាក្យរងក្រសួងមហាផ្ទៃ បានបន្ដថា ករណីទាំងនោះ សមត្ថកិច្ចបានអនុវត្តតាមវិធានការច្បាប់ ដោយចាប់បញ្ជូនក្រុមក្មេងទំនើងទាំងអស់ទៅតុលាការ។ ចំណែកអ្នកប្រព្រឹត្តល្បែងទាំង ១៣នាក់ ក៏ត្រូវបានបញ្ជូនទៅតុលាការទាំងអស់ដូចគ្នា។

សូមបញ្ជាក់ថា ករណីក្មេងទំនើង និងល្បែងស៊ីងសងខុសច្បាប់ ដែលសមត្ថកិច្ចបង្ក្រាបបានរយៈពេល៧ថ្ងៃនោះ មានក្នុងមូលដ្ឋាន រាជធានីភ្នំពេញ ខេត្តកណ្ដាល កំពត កំពង់ស្ពឺ កំពង់ធំ កំពង់ចាម ក្រចេះ ពោធិ៍សាត់ និងខេត្តត្បូងឃ្មុំ៕

The post ៧ថ្ងៃ ក្មេងទំនើង និងជនងប់ល្បែងជាង៦០នាក់ត្រូវសមត្ថកិច្ចឃាត់ខ្លួនបញ្ជូនទៅតុលាការ appeared first on Kampuchea Thmey Daily.