នាយករដ្ឋមន្ត្រីអង់គ្លេស លោក Winston Churchill ត្រូវ​បាន​គេ​សរសើរ​ ដោយសារតែការដាក់​បញ្ចូល​ពាក្យ​នេះ ទៅ​ក្នុង​សុន្ទរកថា​ឆ្នាំ១៩៤៦ ពេល​ដែលលោក​និយាយ​អំពី​រដ្ឋ​កុម្មុយនិស្ត​ថា “ពី Stettin នៅ​ Baltic ទៅ​ដល់ Trieste នៅ Adriatic, វាំងនន​ដែក ​បានធ្លាក់​ចុះ ​ពាសពេញទ្វីបអឺរ៉ុប”។

លោកបានថ្លែងសុន្ទរកថា នៅពេលចក្រភពអង់គ្លេស សហរដ្ឋអាមេរិក និងសូវៀត កំពុងបែងចែកអឺរ៉ុបទៅជា “ផ្នែកនៃឥទ្ធិពល” ខណៈពួកគេរៀបផែនការសន្តិភាពក្រោយសង្គ្រាម ជាមួយក្តីសង្ឃឹមថា នឹងចៀសវាងកំហុសដែលបង្កើតឡើងបន្ទាប់ពីបញ្ចប់សង្គ្រាមលោកលើកទីមួយ។

ទោះដំបូងមានភាពស្មោះត្រង់ ប៉ុន្តែកិច្ចពិភាក្សាចាប់ផ្តើមបែកបាក់បន្តិចម្តងៗ នៅពេលមេដឹកនាំសូវៀតលោក Joseph Stalin ធ្វើការ បង្កើតតំបន់ការពាររដ្ឋសម្ព័ន្ធមិត្តនៅអឺរ៉ុបខាងកើត ដើម្បីការពារប្រទេសរុស្ស៊ី ពីការវាយប្រហារដោយអឺរ៉ុបកណ្តាល ដែលបង្កឲ្យមានការភ័យខ្លាចក្នុងចំណោមសម្ព័ន្ធមិត្តលោកខាងលិចថា សូវៀតអាចក្លាយជាអ្នកមានអំណាចគ្រប់គ្រាន់ដើម្បីគ្រប់គ្រងទ្វីបទាំងមូល។

ហេតុនេះ នាំឲ្យមានការបង្កើតអង្គការណាតូនៅឆ្នាំ១៩៤៩ ហើយជំរុញឲ្យមានការបង្កើតសន្ធិសញ្ញាគូប្រជែង គឺសន្ធិសញ្ញាទីក្រុងវ៉ាសូវីនៃរដ្ឋសូវៀតនៅឆ្នាំ ១៩៥៥។

ពាណិជ្ជកម្ម ការធ្វើចំណាកស្រុក ការផ្លាស់ប្តូរវប្បធម៌ និងការប្រាស្រ័យទាក់ទងគ្នា រវាងប្លុកទាំងពីរត្រូវបានរឹតបន្តឹងយ៉ាងខ្លាំង ដោយសារតែភាគីទាំងពីរ បានប្រយុទ្ធគ្នាក្នុងសង្គ្រាមប្រូកស៊ីប្រឆាំងនឹងគ្នាទៅវិញទៅមក, ចូលរួមក្នុងការប្រកួតប្រជែងអាវុធនុយក្លេអ៊ែរ និងឌឺដងដាក់គ្នាក្នុងផ្នែកសេដ្ឋកិច្ច និងបច្ចេកវិទ្យា។

ទោះបីជាព្រំដែនខាងកើត-ខាងលិច មានមនោគមវិជ្ជាច្រើនក៏ដោយ ប៉ុន្តែវាបានរួមបញ្ចូលព្រំដែនរូបវន្តមួយចំនួន ជាពិសេសជញ្ជាំងប៊ែរឡាំង ដែលបានបំបែកទីក្រុងបែរឡាំងខាងលិច ពីអាល្លឺម៉ង់ខាងកើតចាប់ពីឆ្នាំ១៩៦១ រហូតដល់ការដួលរលំនៅឆ្នាំ ១៩៨៩។

នៅឆ្នាំដដែលនោះ ប្រទេសប៉ូឡូញបានរំលាយរដ្ឋាភិបាលកុម្មុយនិស្តរបស់ខ្លួន និងបង្កើតលទ្ធិប្រជាធិបតេយ្យឡើងវិញ ដែលជាសញ្ញានៃការចាប់ផ្តើមនៃការបញ្ចប់សម្រាប់វាំងននដែក ដែលបានដួលរលំនៅឆ្នាំ ១៩៩១ ជាមួយនឹងការរំលាយសហភាពសូវៀត៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ រុស្ស៊ី ព្រមានថា “វាំងននដែកថ្មី” ចាប់ផ្តើមទម្លាក់ចុះមកហើយ

The post អ្វីទៅជា វាំងននដែក? appeared first on Kampuchea Thmey Daily.

លោក Sergei Lavrov បាននិយាយនៅក្នុងទីក្រុង Minsk បន្ទាប់ពីជួបជាមួយមេដឹកនាំបេឡារុសថា ប្រទេសរុស្ស៊ី លែងជឿទុកចិត្តលើសហរដ្ឋអាមេរិក ឬសហភាពអឺរ៉ុបលើអ្វីៗទាំងអស់ ចាប់ពីពេលនេះតទៅ។ លោក​​បន្ត​ថា ​ចំពោះ​វាំងនន​ដែក​ដែល​សំខាន់ វា​បាន​ធ្លាក់​ចុះ​រួច​ទៅហើយ។ គេគួរតែប្រយ័ត្នកុំឲ្យប៉ះអ្វីទាំងអស់។

ការព្រមាននេះកើតឡើង បន្ទាប់ពីលោកខាងលិចបានដាក់ទណ្ឌកម្មយ៉ាងខ្លាំងក្លាលើរុស្ស៊ី ជាការសងសឹកចំពោះលោកពូទីន ដែលបញ្ជាឲ្យកងទ័ព ចូលទៅក្នុងប្រទេសអ៊ុយក្រែន ហើយលោកសេរី ចាប់ផ្តើមផ្តល់អាវុធដល់ទីក្រុង កៀវ ដើម្បីវាយតបត។

ដើមឡើយ ពាក្យថា​ “វាំងននដែក” គឺពិពណ៌នាអំពីវិធីដែលសហភាពសូវៀត និងរដ្ឋសម្ព័ន្ធមិត្តនៅអឺរ៉ុបខាងកើត បានកាត់ផ្តាច់ទំនាក់ទំនងជាមួយបស្ចិមប្រទេស បន្ទាប់ពីសង្គ្រាមលោកលើកទីពីរ។

ឥឡូវនេះ បណ្តាប្រទេសលោកខាងលិចបានចាប់ផ្តើមកាត់ខ្លួនចេញពីប្រទេសរុស្ស៊ី និងសម្ព័ន្ធមិត្តរបស់ខ្លួនជុំវិញសង្គ្រាមនៅអ៊ុយក្រែន ដោយចាត់ទុកថា ជាការគំរាមកំហែងដល់សន្តិសុខពិភពលោក និងសណ្តាប់ធ្នាប់ដែលបានបង្កើតឡើង។

ទោះបីជាយ៉ាងណាក៏ដោយ លោក Lavrov បានព្យាយាមច្រានចោលការដែលខ្លួនត្រូវបានគេទុកនៅឯកោ ដោយនិយាយថា ទីក្រុងមូស្គូមិនមានទំនាក់ទំនងការទូតជាមួយសហភាពអឺរ៉ុប ចាប់តាំងពីខ្លួនបានវាយប្រហារអ៊ុយក្រែនលើកចុងក្រោយ ក្នុងឆ្នាំ ២០១៤មកម្ល៉េះ។

លោក លើកឡើងថា សហភាពអឺរ៉ុប មិនចាប់អារម្មណ៍ ចង់ដឹងអ្វី អំពីផលប្រយោជន៍របស់យើងនោះទេ។ ពួកគេចាប់អារម្មណ៍លើអ្វីដែលបានសម្រេចចិត្ត នៅទីក្រុងព្រុចសែល។ ហើយអ្វីដែលបានសម្រេចចិត្តនៅទីក្រុងវ៉ាស៊ីនតោន គឺត្រូវបានសម្រេចនៅទីក្រុងព្រុចសែល។

គួរបញ្ជាក់ថា ឥឡូវនេះ រុស្ស៊ីបានឈានចូលដល់ខែទីប្រាំហើយ នៃការប្រយុទ្ធ ក្នុងប្រទេសអ៊ុយក្រែន បន្ទាប់ពីអ្វីដែលត្រូវបានសន្មត់ថាជា “ប្រតិបត្តិការយោធាពិសេស” គួរឲ្យភ្ញាក់ផ្អើល។

ទោះបីជាទទួលបានលទ្ធផលវិជ្ជមាននៅភាគខាងត្បូង និងខាងកើតក៏ដោយ ប៉ុន្តែរុស្ស៊ី ហាក់ដូចជាជួបឧបសគ្គក្នុងសមរភូមិ នៅកោះពស់៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ រុស្ស៊ី ដកទ័ពចេញពីកោះពស់, អ៊ុយក្រែន អបអរជ័យជម្នះ

The post រុស្ស៊ី ព្រមានថា “វាំងននដែកថ្មី” ចាប់ផ្តើមទម្លាក់ចុះមកហើយ  appeared first on Kampuchea Thmey Daily.