រុស្ស៊ី ដកទ័ពចេញពីកោះពស់, អ៊ុយក្រែន អបអរជ័យជម្នះ

អ៊ុយក្រែន កំពុងអបអរជ័យជម្នះដ៏សំខាន់មួយ បន្ទាប់ពីទាហានរុស្ស៊ីបានដកចេញពីកោះពស់ ដែលពួកគេបានរឹបអូសបាន នៅថ្ងៃដំបូងនៃការលុកលុយ។

វាអាចជាជ័យជម្នះតូចតាច ប៉ុន្តែរឿងនេះ ជាចំណុចដ៏សំខាន់ ក្នុងសង្គ្រាមរបស់រុស្ស៊ីនៅអ៊ុយក្រែន។

ការបោះបង់ចោលកោះពស់ ឬគេស្គាល់នៅអ៊ុយក្រែនថាជាកោះ Zmiinyi ពីសំណាក់កងកម្លាំងរុស្ស៊ី បានកើតឡើង បន្ទាប់ពីមានការទម្លាក់គ្រាប់បែកម្តងហើយម្តងទៀតរយៈពេល៤ខែ។

បន្ទាយនេះ មានចម្ងាយត្រឹមតែ៣៥គីឡូម៉ែត្រប៉ុណ្ណោះ ពីឆ្នេរសមុទ្រអ៊ុយក្រែន ពោលគឺគឺស្ថិតក្នុងរយៈចម្ងាយពេញលេញនៃការបាញ់មីស៊ីល កាំភ្លើងធំ និងយន្តហោះគ្មានមនុស្សបើកពីដីគោក។

ទោះបីជាយ៉ាងណាក៏ដោយ រុស្ស៊ីនិយាយថា នេះមិនមែនជាបរាជ័យទេ តែខ្លួនបានដកយោធភូមិរបស់ខ្លួនជា “កាយវិការសុច្ឆន្ទៈ” ប៉ុណ្ណោះ ដើម្បីបង្ហាញថា ខ្លួនមិនបានរារាំងការនាំចេញគ្រាប់ធញ្ញជាតិឡើយ ប៉ុន្តែអ៊ុយក្រែនបានច្រានចោលការអះអាងនេះ៕

ប្រែសម្រួល៖ Vann Vann

ប្រភព៖ BBC

ចុចអាន៖ អាមេរិក ថា ពូទីន នៅតែចង់ដណ្តើមយកទឹកដី អ៊ុយក្រែន ភាគច្រើន