ទិន្នន័យ​ពី​មជ្ឈមណ្ឌល​ហ្សែន​វេជ្ជសាស្ត្រ Ramathibodi បាន​បង្ហាញ​ថា​ តាម​រយៈ​ការ​បកស្រាយ​ប្រភេទ​ហ្សែន​ទាំង​មូល​ ហើយ​វិភាគ​វា​តាម​ទម្រង់​តារាង​ការ​វិវត្ត​ជនជាតិ។ ការ​ផ្លាស់ប្ដូរ​ហ្សែន​ត្រូវ​បាន​គេ​រក​ឃើញ​ថា​ មាន​ភាព​ខុស​ប្លែក​ពី​ប្រភេទ Wuhan ដើម​ ជាង​ប្រភេទ beta និង epsylon ហើយវាអាច​មាន​ការ​ផ្ទុះ​ឡើង​ខ្លាំង​ជាង​ Delta។

តើ​កូវីដ ១៩ នៃ​ពូជ Lambda មាន​គ្រោះថ្នាក់​ដែរ​ឬទេ?

បច្ចុប្បន្ន​នេះ ប្រភេទ Lambda ត្រូវ​បាន​ចាត់ថ្នាក់​ជា​បំរែបំរួល​នៃ​ការចាប់អារម្មណ៍​ ដោយសារវាត្រូវ​បាន​កំណត់​អត្តសញ្ញាណ​ដំបូង​នៅ​ប្រទេស​ប៉េរូ នៅ​ខែ​សីហា ឆ្នាំ​២០២០ ​ ហើយ​​​រីក​រាលដាល​នៅ​អាមេរិក​ខាងត្បូង​នេះ​លឿន​និង​រហ័ស​ស្ទើរ​មិន​ជឿ។ ប៉ុន្តែ​វា​មិន​ទាន់​គំរាមកំហែង​ដល់​សុខភាព​សាធារណៈ​​ខ្លាំង ​និង​គួរ​ឲ្យ​បារម្ភ​ដូច​វីរុស​បំប្លែង Delta នៅ​ឡើយ។

ថ្វី​បើ​មាន​របាយការណ៍​អំពី​កូវីដ -១៩បញ្ចាក់​ថា ​វា​មិន​ទាន់រាលដាលខ្លាំងក៏ដោយ​ ក៏ Lambda មាន​ភាព​ធ្ងន់ធ្ងរ​ជាង​វីរុស​បំប្លែង​ខ្លួន​ផ្សេងៗ​ និង​កាត់​បន្ថយ​ប្រសិទ្ធភាព​នៃ​វ៉ាក់សាំង។

បើ​ទោះបី​ជា Lambda កាត់​បន្ថយ​ប្រសិទ្ធភាព​នៃ​ការ​ចាក់វ៉ាក់សាំង mRNA ឧទាហរណ៍ Pfizer និង Moderna ត្រឹម​តែ ២-៣ ដង​ប៉ុណ្ណោះ​ ប៉ុន្តែ​មិន​ទាន់​មាន​ទិន្នន័យ​អំពី​វា​ថា ​អាច​កាត់បន្ថយ​ប្រសិទ្ធភាព​នៃ​ការ​ចាក់​វ៉ាក់សាំង Sinowac និងSino farm ឬ​វ៉ាក់សាំង AstraZeneca នូវ​ឡើយ​ទេ។

ដោយឡែក​សម្រាប់​ថ្នាំ​ប្រឆាំង​វីរុស​សំយោគ​ ក៏​ត្រូវ​បាន​គេ​រក​ឃើញ​ថា​មាន​ប្រសិទ្ធភាព​ផង​ដែរ ហើយ​ការ​រក​ឃើញ​នេះ​បាន​បង្ហាញ​ថា ​វ៉ាក់សាំង​ដែល​ប្រើ​បច្ចុប្បន្ន​ នៅ​តែ​អាច​ការពារ​ប្រឆាំង​នឹង​វីរុស​បំប្លែង​ខ្លួន Lambda ។ ជាពិសេស​ការ​ព្យាបាល​ដោយ​អង់ទីគ័រ​សំយោគ​ នឹង​នៅ​តែ​មាន​ប្រសិទ្ធភាព។

វីរុសបំប្លែងខ្លួន Lambda នៅមិនទាន់រាលដាលដល់ប្រទេសកម្ពុជានូវឡើយទេ ប៉ុន្តែពលរដ្ឋក៏មិនត្រូវប្រហែសនិងមើលស្រាលវាដូចគ្នា។ ព្រោះ Lambda ត្រូវបាន​ WHO ចាត់ថ្នាក់ថា ឆ្លងរាលដាលលឿនដូចគ្នានឹង Delta ដែរ៕

ប្រែសម្រួល៖ សាង ស្រីល័ក្ខ

ប្រភព៖sanook

ចុចអាន៖WHO៖ Lambda ជាវីរុសកូវីដបំប្លែងថ្មី មានសមត្ថភាពឆ្លងរាលដាលលឿន

ចុចអាន៖វីរុសបំប្លែងខ្លួន Iota ដែលល្បីមានសមត្ថភាពគេចផុតពីភាពស៊ាំ រកឃើញឆ្លងលឿងជាងប្រភេទផ្សេងទៀតពី ១៥ ទៅ ២៥ ភាគរយ

The post វីរុសបំបែ្លង Delta មានហានិភ័យខ្ពស់ តែពលរដ្ឋក៏មិនត្រូវប្រហែសនឹង Lambda ដែល WHO ចាត់ថ្នាក់ថាឆ្លងលឿនដូចគ្នា appeared first on Kampuchea Thmey Daily.

អង្គការ​សុខភាព​ពិភពលោក (WHO) បាន​ចាត់​វីរុស​បំប្លែង Lambda ជា​វីរុស​បំប្លែង​គួរ​ឲ្យ​ចាប់​អារម្មណ៍​រួម​ជាមួយ​នឹង​វីរុស​បំប្លែង​ចំនួន ៣​ទៀត​ដូច​ជា Eta Iota និង​ Kappa។ វីរុស​បំប្លែង Lambda ត្រូវ​បាន​កំណត់​អត្តសញ្ញាណ​ដំបូង​នៅ​ប្រទេស​ប៉េរូ នៅ​ខែ​សីហា ឆ្នាំ​២០២០។ ឥឡូវ​នេះ ករណី​ឆ្លង​វីរុស​បំប្លែង​នេះ ត្រូវ​បាន​រក​ឃើញ​នៅ​ក្នុង ២៩​ប្រទេស​ទូទាំង​ពិភពលោក ប៉ុន្តែ​វា​មិន​ទាន់​រាលដាល​ខ្លាំង​គួរ​ឲ្យ​បារម្ភ​ដូច​វីរុស​បំប្លែង Delta នៅ​ឡើយ។

អង្គការ​សុខភាព​ពិភព​លោក (WHO) បន្ត​ឲ្យ​ដឹង វីរុស​បំប្លែង Lambda មាន​ភាព​បម្រែបម្រួល​គួរ​ឲ្យ​តាម​ដាន​ខ្ពស់​ដូច​ជា សមត្ថភាព​នៃ​ការ​ឆ្លង​លឿន និង​អាច​ប្រឆាំង​អង្គ​បដិ​ប្រាណ​ក្នុង​រាងកាយ​យើង។ វីរុស​បំប្លែង​នេះ ក៏​ត្រូវ​បាន​សម្គាល់​ថា បណ្ដាល​ឲ្យ​មាន​ករណី​ឆ្លង​ចូល​ក្នុង​សហគមន៍​គួរ​ឲ្យ​កត់​សម្គាល់​ផង​ដែរ។ ទោះ​យ៉ាង​ណា​មិញ វិសាលភាព​នៃ​ផល​ប៉ះពាល់​ទៅ​លើ​សុខភាព​អ្នក​ឆ្លង​វីរុស​បំប្លែង Lambda នេះ​ធ្ងន់ធ្ងរ​ជាង​អ្នក​ឆ្លង​កូវីដ-១៩ យ៉ាង​ណា​នោះ​នៅ​មិន​ទាន់​ដឹង​ច្បាស់​នៅ​ឡើយ និង​ទាម​ទារ​ឲ្យ​មាន​ការ​សិក្សា​បន្ថែម​ទៀត។

ចុះ​ប្រសិទ្ធភាព​វ៉ាក់សាំង​កូវីដ-១៩ អាច​ការពារ​ពី​វីរុស​បំប្លែង Lambda បាន​កម្រិត​ណា?

យើង​ដឹង​ហើយ​ថា រាល់​វ៉ាក់សាំង​កូវីដ-១៩ ដែល​ទទួល​ស្គាល់​ដោយ​អង្គការ​សុខភាព​ពិភពលោក (WHO) សុទ្ធ​តែ​មាន​ប្រសិទ្ធភាព​ការពារ​យើង​មិន​ឲ្យ​ធ្លាក់​ខ្លួន​ឈឺ​ធ្ងន់ និង​កាត់​បន្ថយ​ហានិភ័យ​ស្លាប់​ដោយ​សារ​ជំងឺ​កូវីដ-១៩។

ផ្ទុយ​ទៅ​វិញ នៅ​ក្នុង​ការ​សិក្សា​ដឹក​នាំ​ដោយ​វេជ្ជបណ្ឌិត Soto Rifo និង​វេជ្ជបណ្ឌិត Landua នៃ​សហរដ្ឋអាមេរិក​អំពី​ប្រសិទ្ធភាព​វ៉ាក់សាំង​លើ​វីរុស​បំប្លែង Lambda បង្ហាញ​ឲ្យ​ឃើញ​ថា អង្គ​បដិ​ប្រាណ​បង្កើត​ឡើង​ដោយ​វ៉ាក់សាំង Pfizer និង Moderna មិន​សូវ​មាន​ប្រសិទ្ធភាព​ប្រឆាំង​នឹង​វីរុស​បំប្លែង Lambda ជាង​វីរុស​កូវីដ-១៩​ធម្មតា​ឡើយ ប៉ុន្តែ​វ៉ាក់សាំង​នៅ​តែ​អាច​ការពារ​សុខភាព​យើង​មិន​ឲ្យ​ធ្លាក់​ខ្លួន​ឈឺ​ធ្ងន់​ដោយ​សារ​វីរុស​បំប្លែង​នេះ​បាន។

បន្ថែម​ពី​លើ​នេះ វេជ្ជបណ្ឌិត​ទាំង​២​ខាង​លើ​បញ្ជាក់​ថា ក្នុង​រាងកាយ​យើង​មិន​មែន​តែ​អង្គ​បដិ​ប្រាណ​ទេ​ដែល​ជួយ​ការពារ​វីរុស​វាយ​លុក​សុខភាព។ បើ​អង្គ​បដិ​ប្រាណ​ជួយ​ទប់​ទល់​នឹង​វីរុស​មិន​បាន នៅ​មាន​សមាសធាតុ​ផ្សេង​ទៀត​នៃ​ប្រព័ន្ធ​ភាព​ស៊ាំ​ដូច​ជា កោសិកា T ជាដើម ក៏​អាច​ជួយ​ផ្ដល់​ការ​ការ​ពារ​ដល់​សុខភាព​យើង​ពី​វីរុស​ដែរ៕

អត្ថបទផ្ដល់ដោយ៖ Hello Krupet

ចុចអាន៖ឱសថរុក្ខជាតិ ពិតជាអាចការពារកូវីដបាន ឬគ្រាន់តែជាពាក្យចចាមអារ៉ាម

ចុចអាន៖វីរុសបំប្លែងខ្លួនមិនខ្លាចវ៉ាក់សាំង ២ប្រភេទឆ្លងខ្លាំងជាង Delta កំពុងវាយលុកពិភពលោកជាបណ្តើរៗហើយ

The post WHO៖ Lambda ជាវីរុសកូវីដបំប្លែងថ្មី មានសមត្ថភាពឆ្លងរាលដាលលឿន appeared first on Kampuchea Thmey Daily.

ក្រៅពី Delta ពិភពលោកក៏កំពុងភ័យខ្លាចវីរុសបំប្លែងខ្លួន Delta Plus និង Lambda ផងដែរ។

វីរុសបំប្លែងខ្លួន Delta Plus

Delta plus គឺជាពូជរបស់ Delta។ វាត្រូវបានគេកំណត់អត្តសញ្ញាណជាលើកដំបូងនៅទ្វីបអឺរ៉ុប ហើយយកឈ្មោះរបស់វាពីកំឡាយសរសៃប្រូតេអ៊ីន ដែលគេហៅថា K417N។

វីរុសនេះ ក៏ត្រូវបានគេរាយការណ៍ នៅក្នុងប្រទេសយ៉ាងតិច ១០ រួមទាំងសហរដ្ឋអាមេរិកនិងឥណ្ឌាផងដែរ ហើយត្រូវបានអង្គការសុខភាពពិភពលោក ចាត់ចូលទៅក្នុងក្រុម “វីរុសបំប្លែងខ្លួនដែលត្រូវព្រួយបារម្ភ”។

អ្នកស្រាវជ្រាវបាននិយាយថា រោគសញ្ញារបស់ Delta plus មានលក្ខណៈប្រហាក់ប្រហែលនឹងកូវីដទម្រង់ដើម។

ប្រសិទ្ធភាពវ៉ាក់សាំងប្រឆាំងនឹងវីរុស Delta plus បច្ចុប្បន្នកំពុងត្រូវបានគេសិក្សា ប៉ុន្តែក្រុមមន្រ្តីកូរ៉េខាងត្បូងបាននិយាយថា វ៉ាក់សាំងមិនអាចយកឈ្នះវីរុសនេះបានទេ។

វីរុសបំប្លែងខ្លួន Lambda

វីរុសបំប្លែងខ្លួន Lambda ដែលបច្ចុប្បន្នកំពុងរីករាលដាលភាគច្រើននៅតំបន់អាមេរិកខាងត្បូង ត្រូវបានកំណត់អត្តសញ្ញាណជាលើកដំបូងនៅប្រទេសប៉េរូក្នុងឆ្នាំ ២០២០ និងត្រូវបានរកឃើញនៅក្នុងប្រទេសចំនួន ២៨ ហើយ។

អង្គការសុខភាពពិភពលោកបាននិយាយថា វីរុសបំប្លែងខ្លួន Lambda អាចចម្លងខ្លាំងជាងវីរុសបំប្លែងខ្លួនទាំងអស់ ហើយអាចបង្កើនភាពធន់នឹងវ៉ាក់សាំងនិងអង់ទីគ័រ។

ទោះបីជាយ៉ាងណាក៏ដោយ ប្រសិទ្ធភាពរបស់វ៉ាក់សាំងបច្ចុប្បន្នប្រឆាំងនឹងវីរុស Lambda កំពុងត្រូវបានគេសិក្សា។

បច្ចុប្បន្ន ពេលនេះ WHO បានចាត់ទុក Lambda ជាវីរុសស្ថិតក្នុងការចាប់អារម្មណ៍៕

ប្រែសម្រួល៖ Vann Vann

ប្រភព៖​ AL

ចុចអាន៖ មើលរូបថត សួត អ្នកជំងឺកូវីដដែលបានចាក់វ៉ាក់សាំង និងអ្នកមិនចាក់ ទើបដឹងខុសគ្នាកម្រិតណា

The post វីរុសបំប្លែងខ្លួនមិនខ្លាចវ៉ាក់សាំង ២ប្រភេទឆ្លងខ្លាំងជាង Delta កំពុងវាយលុកពិភពលោកជាបណ្តើរៗហើយ appeared first on Kampuchea Thmey Daily.