តាមប្រភពពីអ្នកដំណើរបាននិយាយថា ពួកគាត់បានឃើញផ្លូវជង្ហុកនេះអស់រយះពេលជិតមួយសប្តាហ៍មកហើយ រហូតដល់ប្រជាពលរដ្ឋដែលមានទីលំនៅក្បែរជង្ហុកត្រូវបង្ខំចិត្តយកធុងស្នោយកមកដាក់លើជង្ហុកដើម្បីឲ្យអ្នកដំណើរបានឃើញ។ ដោយសារតែខ្លាចគ្រោះថ្នាក់ទើបប្រជាពលរដ្ឋក៏ដូចជាអ្នកធ្វើដំណើរសំណូមពរដល់មន្ត្រីជំនាញជួយជួសជុលឲ្យបានលឿន។

ទាក់ទិនទៅនឹងជង្ហុកនេះដែរ លោក គុយ គឹមហ៊ាង នាយករងរដ្ឋបាលសាលាខណ្ឌច្បារអំពៅបានឲ្យដឹងថា លោកនឹងដាក់កម្លាំងជួសជុល៕

អត្ថបទ៖ នរា

The post ពលរដ្ឋស្នើអាជ្ញាធរជួសជុលផ្លូវជង្ហុកនៅសង្កាត់ព្រែកប្រា appeared first on Kampuchea Thmey Daily.

តាមប្រភពពីលោក ស្លៃម៉ាន អលវី អនុប្រធានភូមិអូរអណ្តូង១ បានប្រាប់ កម្ពុជាថ្មី នាថ្ងៃទី២៧ ខែវិច្ឆិកានេះថា ផ្លូវ១ខ្សែដែលប្រជាពលរដ្ឋទទូចគោរពស្នើសុំទៅសម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា គឺដោយសារតែប្រជាពលរដ្ឋរង់ចាំអាជ្ញាធរមូលដ្ឋានអស់រយៈពេល២៤ឆ្នាំមកហើយ។ ម្យ៉ាងទៀតប្រជាពលរដ្ឋបានធ្វើការស្នើសុំក្នុងវេទិកាសាធារណៈជាច្រើនលើក រហូតមានពេលខ្លះប្រជាពលរដ្ឋសឹងអស់ជំនឿទៅលើវេទិកាសាធារណៈទៀតផង។

លោកអនុប្រធានភូមិបានបន្តទៀតថា ផ្លូវដែលប្រជាពលរដ្ឋគោរពស្នើសុំទៅសម្តេចធិបតីហ៊ុន ម៉ាណែត គឺមានប្រវ៉ែង៣៨០ម៉ែត្រ និងទទឹង៨ម៉ែត្រ ស្ថិតក្នុងក្រុមទី១ ភូមិអូរអណ្តូង១ សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ។ប្រជាពលរដ្ឋសង្ឃឹមថា បើព័ត៌មាននេះបានទៅដល់សម្តេចធិបតី ហ៊ុន ម៉ាណែត គឺសម្តេចពិតជាជួយដល់ប្រជាពលរដ្ឋរបស់សម្តេចជាក់ជាពុំខាន ព្រោះផ្លូវនេះមានអាយុ២៤ឆ្នាំហើយដែលអាជ្ញាធរអត់លទ្ធភាពជួយ៕

អត្ថបទ៖ នរា

The post ពលរដ្ឋនៅភូមិអូរអណ្តូង១ សង្កាត់ព្រែកប្រា គោរព​ស្នើសុំផ្លូវបេតុងមួយខ្សែពីសម្តេចធិបតី appeared first on Kampuchea Thmey Daily.

ពិធីនេះក៏មានការអញ្ជើញចូលរួមពី លោក-លោកស្រីជាចៅសង្កាត់ទាំង៨ ប្រជាពលរដ្ឋក្នុងមូលដ្ឋានប្រមាណជិតបីរយនាក់ និងមន្ត្រីជាច្រើនរូបទៀត ។

នៅក្នុងពិធីប្រកាសផ្លាស់ប្តូរ និងទទួលស្គាល់សមាសភាពប្រធានក្រុមប្រឹក្សាសង្កាត់ និងជាចៅសង្កាត់ព្រែកប្រា នេះដែរ លោក ចេង មុនីរ៉ា អភិបាលនៃគណៈអភិបាលខណ្ឌច្បារអំពៅ បានណែនាំឲ្យលោកស្រី ជួប ស៉ីយ៉ុន ដែលជាចៅសង្កាត់ទើបឡើងថ្មីមានចំណុចសំខាន់ៗ ដែលត្រូវអនុវត្តនៅមានចំណុចជាច្រើនទៀតដែលត្រូវរួមគ្នាអនុវត្តនៅក្នុងមូលដ្ឋានសង្កាត់​អោយយបានល្អប្រសើរថែមទៀតរួមមាន៖

ទី១-ពង្រឹងនូវការអនុវត្តគោលនយោបាយភូមិ សង្កាត់ មានសុវត្ថិភាពឱ្យកាន់តែមានប្រសិទ្ធភាព ជាពិសេសលើការងារផ្តល់សេវាសាធារណៈ ធ្វើឱ្យបាន ធ្វើឱ្យលឿន និងមានតម្លាភាព និងវិធានការបង្ការទប់ស្កាត់ល្បែងស៉ីសងគ្រប់ប្រភេទ. សកម្មក្មេងទំនើង គ្រឿងញៀន ។ល។

ទី២-ត្រូវខិតខំដោះស្រាយឲ្យបានជាអតិបរមានូវរាល់សំណូមពររបស់ប្រជាពលរដ្ឋ ធ្វើយ៉ាងណាសម្របសម្រួល ទំនាស់ពីធំអោយទៅជាតូច និងពីតូចអោយទៅជាអត់មានទំនាស់។ រាល់សំណូមពររបស់ប្រជាពលរដ្ឋ លោកមានសំណូមពរច្រើន ដូចជា បញ្ហាផ្លូវ លូ ភ្លើងបំភ្លឺផ្លូ ត្រូវព្យាយាមឆ្លើយតបដោះស្រាយ ជាមួយពួកគាត់ហើយត្រូវឆ្លើយតាមលទ្ធភាពដែលយើងអាចដោះស្រាយបានកុំឆ្លើយឲ្យរួចខ្លួន។ យើងត្រូវធ្វើយ៉ាងណាដោះស្រាយតាមលទ្ធភាពរបស់ថ្នាក់សង្កាត់ បើសង្កាត់មានលទ្ធភាពអាចដោះស្រាយបាន ដោះស្រាយទៅ តែប្រសិនបើបោះស្រាយមិនបានសូមបញ្ជូនសំណើទៅដោះស្រាយបន្តនៅថ្នាក់ខណ្ឌ។

ទី៣-ត្រូវ ពិនិត្យមើលសំណង់នានានៅតាម ព្រែក ប្រឡាយ អោយឲ្យបានម៉ត់ចត់បំផុត ហើយទប់ស្កាត់អោយបាន ចំពោះសំណង់ដែលសង់រំលោភយកដីចំណីផ្លូវ ចំណីព្រែក ដីចំណីបឹង។ ដោយសារតែកន្លងមកមានប្រជាពលរដ្ឋមួយចំនួនធ្វើសំណង់នៅលើដីប្រឡាយ ដីព្រែក ហើយពេលអាជ្ញាធរចុះទៅអោយរុះរើបែរជាតវ៉ាទាមទារប្រាក់សំណងគោលនយោបាយ។

ទី៤-សូមពង្រឹង យន្តការច្រកចេញចូលតែមួយអោយបានល្អប្រសើរថែមទៀត ត្រូវអនុវត្ត តាមអនុសាសន៍ដ៏ខ្ពង់ខ្ពស់របស់ សម្ដេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី ត្រូវធ្វើឲ្យបានធ្វើឲ្យលឿន និងមានតម្លាភាពជូនប្រជាពលរដ្ឋ ទាំងសេវាសំណូមពរ និងសេវាតម្រូវការ និយាយរួមត្រូមរួមគ្នាបំរើសេវ៉ារដ្ឋបាលសាធារណៈគ្រប់ផ្នែកជូនប្រជាពលរដ្ឋអោយបានល្អប្រសើថែមទៀត៕ឮ

អត្ថបទ៖ នរា

The post អភិបាលខណ្ឌច្បារអំពៅប្រកាសតែងតាំងលោកស្រី ជួប ស៊ីយ៉ន ជាចៅសង្កាត់ព្រែកប្រា appeared first on Kampuchea Thmey Daily.

លោក ពេញ សុចន្ទី បានបន្ថែមថា ឆ្នាំនេះអាជ្ញាធរអាចបញ្ចៀសទឹកចេញពីតំបន់ដែលធ្លាប់រងការលិចលង់ចូលទៅក្នុងព្រែក (ព្រែកប្រា)បន្ទាប់ពីអាជ្ញាធរជម្លៀសលំនៅដ្ឋានប្រជាពលរដ្ឋដែលរស់នៅលើព្រែកឲ្យទៅរស់នៅលើដីថ្មីស្របច្បាប់ ថែមទាំងមានបណ្តាញទឹកស្អាតបណ្តាញអគ្គិសនីរដ្ឋ មានផ្លូវថ្នល់សម្រាប់ធ្វើដំណើរទៀតផង។

លោកបន្តថា ពីមុនមកអាជ្ញាធរមិនអាចបញ្ចៀសទឹកឲ្យហូទៅព្រែកប្រាបាន ដោយសារតែប៉ះពាល់លំនៅដ្ឋានបងប្អូនប្រជាពលរដ្ឋ។ ហើយឆ្នាំនេះធានាថាអាចបញ្ចៀសការលិចលង់បានក៏ព្រោះតែមានព្រែកសម្រាប់បង្ហូរចូលទៅក្នុងទន្លេបាសាក់បាន។

ទាក់ទិនបញ្ហាជំនន់ទឹកភ្លៀងនេះ លោក ចេង មុនីរ៉ា អភិបាលខណ្ឌច្បារអំពៅ បានមានប្រសាសន៍ថា ឆ្នាំនេះតំបន់មួយចំនួនដែលស្ថិតនៅជាប់ ព្រែកប្រា ក្នុងនោះមានសង្កាត់ព្រែកប្រា និងសង្កាត់ព្រែកថ្មី អាចចៀសផុតពីការលិចលង់នារដូវវស្សារឆ្នាំនេះ ព្រោះមានព្រែកសម្រាប់បង្ហូរទឹកចូលទៅក្នុងទន្លេបាសាក់បាន។ ហើយក្នុងនោះក៏មានស្ថានីយ៍បូមទឹករបស់សាលារាជធានីសម្រាប់បូមជាប្រចាំរាល់ពេលមានការលិចលង់៕

អត្ថបទ៖ នរា

The post រដូវវស្សាឆ្នាំនេះ តំបន់ព្រែកប្រាអាចកាត់បន្ថយការលិចលង់មិនដូចឆ្នាំ២០២៣ appeared first on Kampuchea Thmey Daily.

ដើម្បីឱ្យដំណើរការនេះប្រព្រឹត្តទៅដោយរលូន អភិបាល នៃគណៈអភិបាលរាជធានីភ្នំពេញ លោក ឃួង ស្រេង នៅព្រឹកថ្ងៃទី៣១ ខែមករា ឆ្នាំ២០២៤ នេះបានដឹកនាំមន្ត្រីជំនាញ និងអាជ្ញាធរមូលដ្ឋានចុះពិនិត្យមើលស្ថានភាពប្រឡាយព្រែកប្រានេះ ដើម្បីឈានទៅធ្វើការស្ដារ ក៏ដូចជាស្ថាបនា និងចាក់ស៊ីផាយនៅអមសងខាងប្រឡាយ ខណៈដែលនៅអមសងខាងប្រឡាយនេះមានផ្លូវបេតុងស្អាតរួចរាល់។

លោក ឃួង ស្រេង អភិបាលរាជធានីភ្នំពេញ មានប្រសាសន៍ថា ជាយុទ្ធសាស្ត្រស្ដារប្រឡាយដើម្បីរំដោះទឹកជូនប្រជាពលរដ្ឋរស់នៅក្នុងខណ្ឌច្បារអំពៅ ដែលជាអនុសាសន៍ដ៏ខ្ពង់ខ្ពស់របស់ សម្ដេចបវរអធិបតី ហ៊ុន ម៉ាណែត នាយករដ្ឋមន្ត្រី រដ្ឋបាលរាជធានីភ្នំពេញបានរៀបចំឱ្យប្រជាពលរដ្ឋដែលរស់នៅលើប្រឡាយចំនួនជាង ២០០ គ្រួសារ ទៅរស់នៅទីតាំងមួយ ដែលរដ្ឋបាលរាជធានីភ្នំពេញបានផ្ដល់កម្មសិទ្ធិស្របច្បាប់ជូន ហើយថែមទាំងបានប្រឡាយរំដោះទឹកថែមទៀតដែលធ្វើឱ្យពួកគាត់សប្បាយក្នុងចិត្ត និងរីករាយសហការជាមួយអាជ្ញាធរយើង ដែលអាចបំពេញភារកិច្ច អភិបាលកិច្ចជូនប្រជាពលរដ្ឋដើម្បីរំដោះទឹក។

លោក ឃួង ស្រេង ក៏បានជំរុញឱ្យមន្ទីរជំនាញ និងអាជ្ញាធរមូលដ្ឋានពិនិត្យ និងធ្វើការសិក្សានៅទីតាំងខាងលើឱ្យបានច្បាស់លាស់ ដើម្បីឱ្យដំណើរការ នៃការស្ថាបនា បុកស៊ីផាយ ការស្តារប្រឡាយនេះ បានលឿនមុនរដូវវស្សាមកដល់។ ជាគម្រោងសម្រាប់រដ្ឋបាលរាជធានីភ្នំពេញ ក្រោយស្ថាបនា ចាក់ស៊ីផាយប្រឡាយនេះរួចរាល់ នឹងស្ថាបនាស្ថានីយ៍បូមទឹកនៅប្រឡាយព្រែកប្រានេះមួយកន្លែង ជាមួយនឹងការស្ថាបនាជាអាងប្រព្រឹត្តិកម្មទឹកស្អាតផងដែរ។

លោក ចេង មុនីរ៉ា អភិបាល នៃគណៈអភិបាលខណ្ឌច្បារអំពៅ មានប្រសាសន៍ថា ប្រឡាយព្រែកប្រា គឺជាប្រឡាយរំដោះទឹកដ៏មានសារៈសំខាន់មួយនៅក្នុងខណ្ឌច្បារអំពៅ តែប្រឡាយនេះត្រូវបានប្រជាពលរដ្ឋមករស់នៅដោយខុសច្បាប់ ដែលបានបង្កឱ្យស្ទះចរន្តផ្លូវទឹកហូរ។ ជុំវិញបញ្ហានេះ អភិបាលរាជធានីភ្នំពេញ បានណែនាំឲ្យអាជ្ញាធរខណ្ឌធ្វើការដោះស្រាយ ដើម្បីឱ្យប្រជាពលរដ្ឋរុះរើចេញពីលើប្រឡាយព្រែកប្រា ដោយស្ម័គ្រចិត្ត។

លោកបន្តថា ប្រជាពលរដ្ឋរស់នៅលើប្រឡាយនេះ មានចំនួន ២២៩ គ្រួសារ តែមកដល់ពេលនេះប្រជាពលរដ្ឋដែលស្ម័គ្រចិត្តរុះរើចេញមានចំនួនជាង ២០០ គ្រួសារ ហើយ ពោលគឺនៅសល់តែចំនួន ២៤ គ្រួសារប៉ុណ្ណោះ ដែលពួកគាត់មិនទាន់បានរុះរើចេញពីលើប្រឡាយ។ ប៉ុន្តែទោះបីយ៉ាងណាក្តី អាជ្ញាធរ និងជំរុញការដោះស្រាយជាមួយប្រជាពលរដ្ឋទាំង ២៤ គ្រួសារនេះឱ្យបានលឿន ដើម្បីឱ្យដំណើរការ នៃការស្ដារប្រឡាយក៏ដូចជាការបុកស៊ីផាយ ដំណើរការទៅដោយរលូន នៅមុនរដូវវស្សា។

លោក ចេង មុនីរ៉ា បញ្ជាក់ថា ប្រជាពលរដ្ឋដែលព្រមស្ម័គ្រចិត្តរុះរើលំនៅដ្ឋានចេញពីទីតាំងប្រឡាយខាងលើនេះ ត្រូវបានអាជ្ញាធររាជធានីភ្នំពេញ រៀបចំទីតាំងដោះដូរមួយកន្លែងនៅ ភូមិចំពុះក្អែក១ សង្កាត់ព្រែកថ្មី ដែលមានទីតាំងមិនឆ្ងាយពីទីតាំងដើមឡើយ ហើយនៅទីតាំងថ្មីនេះ ប្រជាពលរដ្ឋនឹងទទួលបានប្លង់រឹងដីកម្មសិទ្ធិស្របច្បាប់ ទំហំ ៤,៥ ម៉ែត្រ គុណ ១៥ ម៉ែត្រ ក្នុងមួយគ្រួសារ ជាមួយនឹងការរៀបចំហេដ្ឋារចនាសម្ព័ន្ធយ៉ាងល្អប្រសើរ ដែលមានទាំងការធ្វើផ្លូវបេតុង បំពាក់ភ្លើងអគ្គិសនី ទឹកស្អាត និងប្រព័ន្ធបណ្តាញលូផងដែរ។

អភិបាល នៃគណៈអភិបាលខណ្ឌច្បារអំពៅ ខាងលើ បន្តថា ប្រឡាយព្រែកប្រា បានដើរតួនាទីយ៉ាងសំខាន់ក្នុងការរំដោះទឹកចេញពីសង្កាត់ចំនួន៤ នៅក្នុងមូលដ្ឋានខណ្ឌច្បារអំពៅ ក្នុងនោះ មានសង្កាត់ព្រែកប្រា សង្កាត់ព្រែកថ្មី សង្កាត់ព្រែកឯង និងសង្កាត់វាលស្បូវ។ 

គួរបញ្ជាក់ថា ប្រឡាយព្រែកប្រា នេះមានទទឹងពី ៣០ ម៉ែត្រទៅ ៥០ ម៉ែត្រដោយកន្លែង ហើយប្រជាពលរដ្ឋដែលស្ម័គ្រចិត្តរុះរើចេញពីនៅប្រឡាយមានប្រវែងជាង ១ គីឡូម៉ែត្រ៕

អត្ថបទ៖ ស្រីរ័ត្ន

The post ប្រឡាយព្រែកប្រា គ្រោងស្ដារបុកស៊ីផាយ មុនរដូវវស្សា ពលរដ្ឋជាង ២០០ គ្រួសារ ស្ម័គ្រចិត្តរើចេញ appeared first on Kampuchea Thmey Daily.

​លោកនាយករងរដ្ឋបាលសាលាខណ្ឌបានបន្តថា កន្លងមក ប្រជាពលរដ្ឋប្រមាណ ២០០ គ្រួសារបានមកសាងសង់លំនៅឋានលើប្រឡាយនេះ បង្ករស្ទះមុខទឹកនារដូវវស្សា ដែលមុខទឹកហូរចូលទៅទន្លេបាសាក់មានទមហំតូច​បង្កឲ្យសង្កាត់​ចំនួន ៣ រងការលិចលង់ក្នុងនោះមានសង្កាត់ព្រែកប្រា សង្កាត់និរោធ និងសង្កាត់ព្រែកថ្មី និងសង្កាត់​ព្រែក​ឯងផង។ ដូច្នេះហើយបើស្តាប្រឡាយព្រែកប្រានេះបានគឺលែងបារម្ភលិចលង់ដូចរាល់ឆ្នាំហើយ។

តំណាងប្រជាពលរដ្ឋទាំង ៣ សង្កាត់ និងសង្កាត់ព្រែកឯង១ទៀតបានសម្ដែងនូវក្តីត្រេកអរ និងថ្លែងអំណរគុណដល់អាជ្ញាធរ​គ្រប់ជាន់ថ្នាក់ពិសេសលោក ចេង មុនីរ៉ា អភិបាលនៃគណអភិបាលខណ្ឌច្បារអំពៅដែលលោកបានខិតខំជួយផ្សព្វផ្សាយគ្រប់រូបភាពសុំឲ្យបងប្អូនប្រជាពលរដ្ឋរស់នៅលើប្រឡាយព្រែកប្រាប្រមាណ ២០០ គ្រួសារបានចាកចេញដោយ​​ស្ម័គ្រចិត្តដោយទៅរស់នៅលើដីស្របច្បាប់ដែលអាជ្ញាធរប្រគល់ជូនស្ថិតក្នុងសង្កាត់ព្រែកថ្មីចំងាយពីប្រឡាយព្រែកប្រាជាង១គីឡូម៉ែត្រ និងមានបណ្ណកម្មសិទ្ធិស្របច្បាប់ព្រមទាំងមានទឹក និងភ្លើងរដ្ឋប្រើប្រាស់ទៀតផង៕

អត្ថបទ៖ នរា

The post ​អាជ្ញាធរអះអាងថា ពេលស្ដាប្រឡាយព្រែកប្រារួចរាល់ សង្កាត់ ៣ លែងបារម្ភទឹកជន់លិច​ appeared first on Kampuchea Thmey Daily.