លោកណែនាំបែបនេះ នៅថ្ងៃទី១ ខែវិច្ឆិកា ឆ្នាំ២០២៤ ក្នុងឱកាសដឹកនាំកិច្ចប្រជុំក្រុមការងារបច្ចេកទេសសុខភាពបឋមមន្ទីរពេទ្យបង្អែកកម្រិត៣។ ក្រៅពីការណែនាំខាងលើ លោកក៏បានណែនាំពីចំណុចសំខាន់ៗដល់ថ្នាក់ដឹកនាំដែលចុះគាំទ្រពង្រឹងមន្ទីរពេទ្យបង្អែកកម្រិត៣ សម្រាប់ជុំទី៣ដូចជា ពិនិត្យទៅលើការរៀបចំកែលម្អទីធ្លា សោភណភាពអនាម័យ និងហេដ្ឋារចនាសម្ព័ន្ធរបស់មន្ទីរពេទ្យ និងឯកសណ្ឋានរបស់បុគ្គលិកឱ្យបានសមរម្យ និងមានភាពល្អប្រសើរជាងពេលកន្លងមក។ បន្ថែមពីនេះ ក៏ត្រូវពិនិត្យទៅលើដំណើរការនៃការផ្ដល់សេវារបស់មន្ទីរពេទ្យ និងជួយណែនាំរៀបចំលំហូរអ្នកជំងឺមកទទួលសេវាជាពិសេសផ្នែកពិគ្រោះជំងឺក្រៅ ផ្នែកចុះឈ្មោះ និងកន្លែងបញ្ជរបង់ប្រាក់។

លោកវេជ្ជបណ្ឌិត ណែនាំឱ្យថ្នាក់ដឹកនាំត្រូវពិនិត្យមើលឯកសារព្យាបាលអ្នកជំងឺ ឯកសាររដ្ឋបាល ឯកសារគតិយុត្តផ្សេងៗរបស់មន្ទីរពេទ្យ។ ជាមួយគ្នានេះ ក៏ពិនិត្យណែនាំការប្រើប្រាស់ថវិកាក្នុងការអភិវឌ្ឍន៍មន្ទីរពេទ្យប្រកបដោយតម្លាភាព និងមានប្រសិទ្ធភាពផងដែរ។

សូមជម្រាបថា កិច្ចប្រជុំខាងលើ មានគោលបំណងរៀបចំឡើងដើម្បី ១.ពិនិត្យរបាយការណ៍លទ្ធផលការងាររបស់ថ្នាក់ដឹកនាំដែលបានចុះអភិបាលគាំទ្រពង្រឹងមន្ទីរពេទ្យបង្អែកកម្រិត៣ក្នុងជុំទី២ កន្លងមក។ ទី២ រៀបចំផែនការសកម្មភាពសម្រាប់ជុំទី៣ ដែលនឹងត្រូវចុះអភិបាលគាំទ្រ ចាប់ពីខែធ្នូ ឆ្នាំ២០២៤ ដល់ខែមីនា ឆ្នាំ២០២៥ និងទី៣ ពិភាក្សាពីការអនុវត្ត និងគម្រូនៃការចុះទៅពិនិត្យ៕

The post មន្ត្រីសុខាភិបាល ណែនាំឱ្យមន្ទីរពេទ្យបង្អែកកម្រិត៣ពង្រឹងផ្នែកសង្គ្រោះបន្ទាន់ សង្គ្រោះកម្រិតធ្ងន់ ផ្នែកវះកាត់ ឱ្យកាន់តែមានគុណភាព appeared first on Kampuchea Thmey Daily.

កិច្ចប្រជុំនេះ ដឹកនាំដោយវេជ្ជបណ្ឌិត ង៉ូវ កាង រដ្ឋលេខាធិការក្រសួងសុខាភិបាល ធ្វើឡើងតាមរយៈវីដេអូពីចម្ងាយ ដោយមានការចូលរួមពីប្រធានមន្ទីរសុខាភិបាលនៃរដ្ឋបាលខេត្តទាំង២៥រាជធានីខេត្ត ប្រធានមន្ទីរពេទ្យគ្រប់កម្រិត បុគ្គលិកបម្រើការងារនៅផ្នែកសង្គ្រោះបន្ទាន់ និងបុគ្គលិកបម្រើការនៅតាមរថយន្តគិលានសង្គ្រោះ សរុបចំនួន៤៤០នាក់។

លោក ង៉ូវ កាង បានជំរុញដល់មន្រ្តីពាក់ព័ន្ធខិតខំពង្រឹងសមត្ថភាពរបស់បុគ្គលិកសុខាភិបាលដែលបំពេញការងារនៅផ្នែកសង្គ្រោះបន្ទាន់ និងនៅតាមរថយន្តគិលានសង្គ្រោះក៏ដូចជាការពង្រឹងវិន័យការងារ និងក្រមសីលធម៌វិជ្ជាជីវៈ។

ជាមួយគ្នានោះ អង្គប្រជុំក៏បានពិភាក្សាទៅលើការពង្រឹងសមត្ថភាពនៅផ្នែកសង្គ្រោះបន្ទាន់នៅតាមមន្ទីរពេទ្យគ្រប់កម្រិតទាំងធនធានមនុស្ស សមត្ថភាពបច្ចេកទេស សម្ភារបរិក្ខារ និងហេដ្ឋារចនាសម្ព័ន្ធ ដើម្បីរៀបចំបន្ទប់សង្គ្រោះបន្ទាន់ឱ្យមានលក្ខណៈបច្ចេកទេស និងផ្ដល់សេវាសង្គ្រោះអ្នកជំងឺបានឱ្យទាន់ពេល។

នៅក្នុងកិច្ចប្រជុំនោះដែរ ក៏មានការធ្វើបទបង្ហាញរបស់នាយកដ្ឋានមន្ទីរពេទ្យស្ដីពីការក្រើនរំឭក និងពង្រឹងយន្តការនៃការបញ្ជូនអ្នកជំងឺទៅតាមបទដ្ឋានគតិយុត្តដែលបានណែនាំដោយក្រសួងសុខាភិបាល៕

The post ក្រសួងសុខាភិបាល បើកកិច្ចប្រជុំពង្រឹងសមត្ថភាពផ្នែកសង្គ្រោះបន្ទាន់ទូទាំងប្រទេស appeared first on Kampuchea Thmey Daily.

តាមការគូសបញ្ជាក់ បុរសខាងលើ បានពិសាផ្លែម៉ាក់ប្រាងជាច្រើនគ្រាប់តាំងពីដើមខែមេសា និងបន្តទទួលទានជាបន្ត​បន្ទាប់ ដោយពុំបានយកគ្រាប់ចេញនោះទេ ហើយក៏បន្តទទួលទានបែបនេះប្រហែលជា ៤ ទៅ ៥ថ្ងៃ ។ លុះក្រោយមក គាត់ក៏ចាប់ផ្តើមមានអាការៈឆ្អល់នៅចុងដង្ហើម និងក្អួតជាច្រើនដង ដែលអាការៈនេះបន្តមានរហូតដល់ជិត ១ខែឯណោះ។

ប្រភពដដែលបន្តថា ក្រោយកើតមានអាការៈបែបនេះ ភ្លាមៗ បុរសរូបនេះមិនបានស្វែងរកការសង្គ្រោះពីគ្រូពេទ្យជំនាញឡើយ ដោយគាត់បានព្យាយាមលេបថ្នាំដើម្បីបន្ធូរបន្ថយអាការៈ ប៉ុន្តែដោយពុំមានការធូរស្រាលទាល់តែ ទើបគាត់ក៏សម្រេច​រកការសង្គ្រោះ​ពីមន្ទីរពេទ្យកាល់ម៉ែត​ នៅរសៀលថ្ងៃទី ២៨ ខែមេសា ឆ្នាំ២០២៣ ។
ក្រោយការសាកសួរពីស្ថានភាពជំងឹ ជាមួយពេទ្យជំនាញ​យ៉ាងហ្មត់ចត់ គ្រូពេទ្យក៏បានស្នើសុំធ្វើអេកូពោះ និងស្កេនពោះ អ្នកជំងឺតែម្តង ដើម្បីរកមើលពីបញ្ហាកាន់តែច្បាស់។ ជាលទ្ធផល ក៏ឆ្លុះឃើញមានគ្រាប់ម៉ាក់ប្រាងមួយគ្រាប់ ជាប់នៅនឹង គល់ពោះវៀនតូច (Bulbe) ដែលជាមូលហេតុចម្បង នាំឲ្យគ្រាប់ជាច្រើនផ្សេងទៀតចាល់នៅពេញក្រពះ និងធ្វើឲ្យគាត់ មានអាការៈបែបនេះ។

ប្រភពដដែលបន្ថែមទៀតថា ក្រោយពីបានពិភាក្សាគ្នាយ៉ាងម៉ត់ចត់ រវាងគ្រូពេទ្យឯកទេសរួចមក ក្រុមគ្រូពេទ្យក៏សម្រេចចិត្ត ដើម្បីចាប់គ្រាប់ទាំងនោះចេញភ្លាមៗ ហើយក្រុមគ្រូពេទ្យបានព្យាយាមចាប់គ្រាប់ម៉ាក់ប្រាងទាំងនោះចេញម្តងមួយៗ បានដោយជោគជ័យ សរុបចំនួន ៧៣ គ្រាប់ និងប្រើពេលដល់ទៅជិត ៣ម៉ោង។

គួរបញ្ជាក់ថា ករណីខាងលើនេះ អាចកើតមានផលវិបាកធ្ងន់ធ្ងរ ប្រើសិនបើមិនបានព្យាបាលទាន់ពេលវេលា ព្រោះថា​គ្រាប់​ដែល​កកស្ទះយូរក្នុងពោះវៀនធំនោះ អាចនៅលាយឡំនឹងលាមកក្ដៀន បង្កឲ្យពោះវៀនបាត់បង់សមត្ថភាព​រុញកាកសំណល់ចេញមកក្រៅ ធ្វើឲ្យអ្នកជំងឺមិនអាចជុះលាមកច្រើនថ្ងៃ រហូតដល់តឹងពោះខ្លាំង ហូបមិនបាន និងមានការក្អួត​ខ្លាំង​ក្រោយ​ហូបអាហារ។

លើសពីនេះ គ្រាប់ដែលកកស្ទះយូរក្នុងពោះវៀន នឹងកកិតជាមួយភ្នាស ពោះវៀនដែលកំពុងរលាក ហើយបង្កឲ្យមានការចាក់មុតធ្លុះដាច់ធ្លាយពោះ វៀនសាយភាយលាមក​និងមេរោគ បណ្ដាលឲ្យរលាកស្រោមពោះធ្ងន់ធ្ងរ (Péritonite)។ មួយវិញទៀត បើសិនជាអ្នកជំងឺយឺតយ៉ាវក្នុងការមក កាន់មន្ទីរពេទ្យ នឹងធ្វើឲ្យលំបាកក្នុងការសង្រ្គោះអាយុជីវិតផងដែរ បើទោះបីជាបានព្យាបាលដោយការវះកាត់ក៏ដោយ។ ហេតុនេះ ក្រុមពេទ្យជំនាញ ណែនាំ កុំទទួលទានផ្លែឈើទាំងគ្រាប់ ពិសេសផ្លែឈើដែលមានគ្រាប់ធំៗ៕

The post ក្រុមគ្រូពេទ្យកាល់ម៉ែត ប្រើពេលជិត ៣ម៉ោង ចាប់គ្រាប់ម៉ាក់ប្រាង ៧៣គ្រាប់ ពីពោះវៀនបុរសម្នាក់ appeared first on Kampuchea Thmey Daily.

បើតាមច្បាប់ស្ដីពីចរាចរណ៍ផ្លូវគោក រថយន្តពន្លត់អគ្គិភ័យ រថយន្តសង្គ្រោះបន្ទាន់ យានជំនិះនគរបាលជាតិ យានជំនិះកងយោធពលខេមរភូមិន្ទ ក្បួនគណៈប្រតិភូ ក្បួនថ្នាក់ដឹកនាំជាន់ខ្ពស់ និងក្បួនដែលមាននគរបាលចរាចរណ៍ផ្លូវគោកនាំមុខ គឺត្រូវបានកំណត់ជាប្រភេទយានមានសិទ្ធិអាទិភាពពិសេសជាងយានដទៃទៀត នៅពេលកំពុងបំពេញភារកិច្ចការងារនៅ លើដងផ្លូវ។

នៅពេលកំពុងបំពេញភារកិច្ចការងារ រថយន្តពន្លត់អគ្គិភ័យ រថយន្តសង្គ្រោះបន្ទាន់ យានជំនិះនគរបាលជាតិ យានជំនិះកងយោធពលខេមរភូមិន្ទ ក្បួនគណៈប្រតិភូ ក្បួនថ្នាក់ដឹកនាំជាន់ខ្ពស់ និងក្បួនដែលមាននគរបាលចរាចរណ៍ផ្លូវគោកនាំមុខ គឺមានសិទ្ធិប្រើប្រាស់ភ្លើងសញ្ញាពិសេស និងសញ្ញាសូរស័ព្ទពិសេស (សំឡេងស៊ីរ៉ែន) បានគ្រប់ពេលវេលា ដើម្បីឲ្យដំណឹងជាមុនដល់អ្នកប្រើប្រាស់ផ្លូវផ្សេងទៀត។

ជាមួយគ្នានេះ នៅពេលអ្នកបើកបរទូទៅបានជួបយានជំនិះអាទិភាពទាំងនេះដែលកំពុងបំពេញភារកិច្ចដោយប្រើភ្លើងសញ្ញាពិសេស និងសូរស័ព្ទពិសេស (សំឡេងស៊ីរ៉ែន) គឺអ្នកបើកបរទាំងអស់ត្រូវតែបន្ថយល្បឿន ហើយអែបទៅខាងស្ដាំ បើករណីចាំបាច់អ្នកបើកបរត្រូវឈប់នៅកៀនបំផុតដែលអាចធ្វើទៅបាន មិនត្រូវបើកបរកាត់ជាដាច់ខាត ដើម្បីឲ្យយានអាទិភាពទាំងនោះ បានធ្វើដំណើរ និងឆ្លងកាត់ដោយងាយស្រួល និងសុវត្ថិភាព។ មិនតែប៉ុណ្ណោះ យានជំនិះអាទិភាពខាងលើនេះ ក៏អាចបើកបរបញ្ច្រាសទិសបាន អាចឆ្លងកាត់នៅពេលភ្លើងសញ្ញាចរាចរណ៍ពណ៌ក្រហម មានសិទ្ធិអាទិភាពលើផ្លូវប្រសព្វ និងមិនកំណត់ល្បឿន ជាដើម៕

ដោយ៖ ធឿន វ៉ាន់សុង  

The post ពេលជួបក្បួនគណៈប្រតិភូ ឡានពេទ្យ ឡានទឹក​តើពលរដ្ឋជាអ្នកបើកបរត្រូវធ្វើដូចម្ដេច? appeared first on Kampuchea Thmey Daily.

អ្នកជំនាញផ្នែកវេជ្ជសាស្ត្រមួយចំនួនត្រូវបាក់ស្បាត បន្ទាប់ពីធ្វើការងារហួសកម្លាំងអស់រយៈពេលជាច្រើនខែ។ អ្នកផ្សេងទៀតមិនអាចបន្តការងារបានទេ ខណៈលំហូរមិនចេះចប់នៃអ្នកជំងឺកូវីដធ្ងន់ធ្ងរ បានជំរុញឲ្យប្រព័ន្ធសុខាភិបាលរបស់ប្រទេសនេះឈានទៅរកការដួលរលំ។

ប្រធានសមាគមគ្រូពេទ្យប្រេស៊ីល (AMB) បានប្រាប់ Reuters ថា “គ្រូពេទ្យនៅផ្នែកសង្គ្រោះបន្ទាន់ គឺជាទំនិញដែលខ្វះខាត។ គ្មានវិធីណាដើម្បីបំពេញនូវតម្រូវការដ៏សាហាវព្រៃផ្សៃនេះបានទេ”។

ជំរុញដោយការឆ្លងវីរុសបំប្លែងខ្លួនថ្មី, កង្វះវិធានការទប់ស្កាត់, ការឆ្លើយតបរបស់សហព័ន្ធដែលមានភាពច្របូកច្របល់និងការចាក់វ៉ាក់សាំងក្នុងល្បឿនយឺត ប្រទេសធំបំផុតនៅតំបន់អាមេរិកឡាទីនមួយនេះ បានក្លាយជាចំណុចកណ្តាលនៃការរាតត្បាតរោគជាសកល។

ប្រជាជនប្រេស៊ីលជាង២៨៤,០០០នាក់បានស្លាប់ដោយសារជំងឺកូវីដ១៩ ចាប់តាំងពីរោគរាត​ត្បាតផ្ទុះឡើង ដែលនេះជាចំនួនអ្នកស្លាប់ខ្ពស់បំផុតលើពិភពលោកបន្ទាប់ពីសហរដ្ឋអាមេរិក។

យោងតាមវិទ្យាស្ថានជីវឱសថ Fiocruz បានឲ្យដឹងថា ប្រព័ន្ធសុខាភិបាលរបស់ប្រទេសនេះកំពុងដួលរលំ ខណៈផ្នែក ICU នៅរដ្ឋ២៥ក្នុងចំណោមរដ្ឋចំនួន២៦ និងមណ្ឌលសហព័ន្ធ បានដាក់អ្នកជំងឺលើស៨០ភាគរយ។ បន្ទប់ ICU ក្នុងទីក្រុងចំនួន១៩បានដាក់លើសសមត្ថភាព ៩០ភាគរយ។

កាលពីថ្ងៃព្រហស្បតិ៍ ទីក្រុង Sao Paulo បានកត់ត្រាជាលើកដំបូងនៃមរណភាពរបស់អ្នកជំងឺម្នាក់ ដែលបានស្លាប់ខណៈពេលរង់ចាំគ្រែនៅខាងក្នុងបន្ទប់ ICU។

នៅតាមរដ្ឋជាច្រើន អភិបាលនានាកំពុងពុះពារដើម្បីបើកមន្ទីរពេទ្យនៅតាមមូលដ្ឋាន ដោយសារតែខ្វះអ្នកជំនាញដែលមានសមត្ថភាព។ មន្ត្រីសុខាភិបាលសាធារណៈកំពុងលុបចោលការវះកាត់ជំងឺនានា និងប្តូរមន្ទីរពេទ្យទៅជាផ្នែកសង្គ្រោះបន្ទាន់បណ្តោះអាសន្ន។

គួរបញ្ជាក់ថា ប្រទេសប្រេស៊ីលមានវេជ្ជបណ្ឌិតជាង៥៤ម៉ឺននាក់ ហើយសមាមាត្ររបស់គ្រូពេទ្យគឺមិនខុសឆ្ងាយពីសហរដ្ឋអាមេរិកទេ។ ទោះបីជាយ៉ាងណាក៏ដោយ មានតែមួយភាគតូចប៉ុណ្ណោះដែលមានលក្ខណៈសម្បត្តិគ្រប់គ្រាន់សម្រាប់ទទួលបន្ទុកផ្នែកសង្គ្រោះបន្ទាន់៕

ប្រែសម្រួលដោយ៖ Vann Vann

ប្រភព៖ Reuters 

The post កូវីដធ្ងន់ធ្ងរពេក​​ ប្រេស៊ីលកំពុងខ្វះគ្រូពេទ្យនៅផ្នែកសង្គ្រោះបន្ទាន់ appeared first on Kampuchea Thmey Daily.

ខណៈពេលដែលលោកប្រធានាធិបតី Jair Bolsonaro ប្រឆាំងនឹងការអំពាវនាវពីសំណាក់អភិបាលនានាឲ្យអនុវត្តវិធានការរឹតត្បិតនោះ ក្រុមគ្រូពេទ្យបានបង្ខំចិត្តជ្រើសរើសថាត្រូវព្យាបាលអ្នកជំងឺម្នាក់ណា ដូចជាពួកគេស្ថិតនៅក្នុងតំបន់សង្គ្រាម។

អភិបាលរដ្ឋ Piaui លោក Wellington Dias បានរៀបរាប់ថា អ្នកជំងឺក្នុងមន្ទីរពេទ្យកំពុងស៊ូទ្រាំជាមួយជំងឺ ទាំងគ្មានគ្រែសម្រាកព្យាបាល។ លោកនិយាយថា “យើងបានឈានដល់ដែនកំណត់ទូទាំងប្រទេសប្រេស៊ីល។ ឱកាសនៃការស្លាប់ដោយគ្មានជំនួយពិតជាមានមែន”។

មានការស្លាប់ដោយសារជំងឺកូវីដ១៩ចំនួន២,២៨៦នាក់កាលពីថ្ងៃពុធ និងមានការឆ្លងថ្មីជិត៧០,០០០ករណីនៅក្នុងប្រទេសដែលមានប្រជាជនច្រើនបំផុត របស់តំបន់អាមេរិកឡាទីនមួយនេះ។ ក្នុងរយៈពេល៧ថ្ងៃចុងក្រោយ ប្រេស៊ីលគឺជាប្រទេសមានអ្នកស្លាប់និងឆ្លងកូវីដខ្លាំងជាងគេបំផុតនៅលើពិភពលោក។

ក្រុមប្រឹក្សាជាតិនៃរដ្ឋលេខាធិការសុខភាពប្រេស៊ីល កាលពីសប្តាហ៍មុន បានអំពាវនាវឲ្យដាក់បម្រាមគោចរនិងវិធានការរឹតត្បិតនៅក្នុងតំបន់ណាដែល សមត្ថភាពរបស់មន្ទីរពេទ្យទប់លែងឈ្នះប៉ុន្តែលោក Bolsonaro នៅតែជំទាស់។

នៅក្នុងរដ្ឋដែលមានទ្រព្យសម្បត្តិច្រើនបំផុតរបស់ប្រេស៊ីលគឺ Sao Paulo, អ្នកជំងឺយ៉ាងតិច៣០នាក់បានស្លាប់ក្នុងខែនេះ ខណៈពេលកំពុងរង់ចាំចូលបន្ទប់សង្គ្រោះបន្ទាន់។

នៅរដ្ឋភាគខាងត្បូង Santa Catarina, មនុស្សចំនួន៤១៩នាក់កំពុងរង់ចាំផ្ទេរទៅបន្ទប់ ICU។ ចំណែកក្នុងរដ្ឋ Rio Grande do Sul ដែលនៅជិតខាង អគារសង្គ្រោះបន្ទាន់គឺដាក់លើសសមត្ថភាពរបស់ខ្លួន ពោលគឺដាក់អ្នកជំងឺរហូតដល់ទៅ១០៦ភាគរយឯណោះ៕

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ ធ្ងន់ធ្ងរទៅៗ ២៤ម៉ោងចុងក្រោយ ប្រេស៊ីលមានអ្នកស្លាប់ដោយសារកូវីដលើស២ពាន់នាក់ជាលើកដំបូង

ចុចអាន៖ ប្រេស៊ីល បំបែកកំណត់ត្រាថ្មី មួយថ្ងៃមានអ្នកស្លាប់ដោយសារកូវីដជិត២ពាន់នាក់ ឆ្លងជាង៧ម៉ឺនករណី

The post ធ្ងន់ធ្ងរពេក អ្នកជំងឺកូវីដក្នុងប្រទេសប្រេស៊ីល ត្រូវទុកឲ្យស្លាប់នៅក្រៅបន្ទប់សង្គ្រោះបន្ទាន់ព្រោះអស់កន្លែងដាក់ appeared first on Kampuchea Thmey Daily.

ការសិក្សាដ៏សំខាន់មួយពីសាកលវិទ្យាល័យ Edinburgh បានប្រមូល DNA ពីអ្នកជំងឺកូវីដចំនួន២,៧០០នាក់នៅក្នុងផ្នែកសង្គ្រោះបន្ទាន់ចំនួន២០៨កន្លែងទូទាំងចក្រភពអង់គ្លេស។

ទាំងនេះគឺជាករណីធ្ងន់ធ្ងរបំផុតនៃជំងឺកូវីដ១៩ ហើយ២២ភាគរយនៃអ្នកជំងឺដែលគេសិក្សាគឺបានស្លាប់ខណៈ៧៤ភាគរយមិនអាចដកដង្ហើមដោយខ្លួនឯងបាន និងត្រូវការឧបករណ៍ជំនួយខ្យល់អុកស៊ីហ្សែន។

ព័ត៌មានហ្សែនរបស់អ្នកជំងឺទាំងនេះ ត្រូវបានគេប្រៀបធៀបទៅនឹងជនជាតិអង់គ្លេសចំនួន ១០០,០០០នាក់ហើយមានហ្សែនចំនួន៥ត្រូវបានគេកត់សម្គាល់ឃើញច្រើនបំផុត ក្នុងចំណោមករណីជំងឺកូវីដធ្ងន់ធ្ងរ។

ក្រុមអ្នកស្រាវជ្រាវនិយាយថា ការរកឃើញហ្សែនទាំង៥ដែលបង្ហាញយ៉ាងច្បាស់ថាមានផ្សារភ្ជាប់ទៅនឹងជំងឺនេះ គឺមិនធ្លាប់ត្រូវបានគេគិតទុកពីមុនមកឡើយ។

ទោះបីជាយ៉ាងណាក៏ដោយ ក្រុមអ្នកស្រាវជ្រាវលើកឡើងថា ការដឹងថាហ្សែនមួយណាពាក់ព័ន្ធនឹងករណីធ្ងន់ធ្ងរនៃការឆ្លងមេរោគកូរ៉ូណា គឺអាចជួយអ្នកជំនាញឲ្យកំណត់ថ្នាំដែលមានស្រាប់ដើម្បីជួយព្យាបាលជំងឺកូវីដបាន។

ក្រុមអ្នកវិទ្យាសាស្រ្តដែលលទ្ធផលសិក្សារបស់ពួកគេត្រូវបានបោះពុម្ពផ្សាយនៅក្នុងទស្សនាវដ្តី Nature បានរកឃើញថា ហ្សែនទាំង៥នោះគឺមាន IFNAR2, TYK2, OAS1, DPP9 និង CCR2។

ពូកគេនិយាយថា ពួកគេអាចចង្អុលបង្ហាញបានថា ដំណើរការម៉ូលេគុលចំនួនពីរដូចជាភាពស៊ាំប្រឆាំងវីរុសនិងការរលាកសួតគឺមានជាប់ទាក់ទងនឹងហ្សែនទាំងនេះ៕

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ យល់ព្រមឲ្យប្រើវ៉ាក់សាំងរបស់ក្រុមហ៊ុន Pfizer តែអាមេរិកទិញពី Moderna ១០០ លានដូសបន្ថែមទៀត

ចុចអាន៖ អ្នកល្មើសវិធានការចត្តាឡីស័ក អាច​ទទួលទោសព្រហ្មទណ្ឌ​ថែមទៀត ក្រៅ​ពី​ពិន័យជាប្រាក់

The post អ្នកឆ្លងកូវីដអាចប្រឈមហានិភ័យសង្គ្រោះបន្ទាន់ឬឈានដល់ស្លាប់ បើមានហ្សែន៥ប្រភេទនេះ appeared first on Kampuchea Thmey Daily.

កាសែត New York Times ចុះផ្សាយថា លោកវេជ្ជបណ្ឌិត Hossein Sadrzadeh គ្រូពេទ្យផ្នែករោគមនុស្សចាស់នៅមជ្ឈមណ្ឌលវេជ្ជសាស្ត្រក្រុង Boston បាននិយាយថា​ គាត់មានប្រតិកម្មធ្ងន់ធ្ងរបន្ទាប់ពីចាក់វ៉ាក់សាំងដោយមានអារម្មណ៍វិលមុខនិងបេះដូងលោតញាប់។

នេះគឺជាប្រតិកម្មធ្ងន់ធ្ងរដំបូងបង្អស់ដែលត្រូវបានផ្សារភ្ជាប់ជាសាធារណៈទៅនឹងវ៉ាក់សាំងរបស់ក្រុមហ៊ុន Moderna ក្នុងអំឡុងសប្តាហ៍ដំបូងនៃយុទ្ធនាការចាក់ថ្នាំបង្កាទូទាំងប្រទេស។

លោក David Kibbe អ្នកនាំពាក្យមជ្ឈមណ្ឌលវេជ្ជសាស្ត្រក្រុង Boston បាននិយាយក្នុងសេចក្តីថ្លែងការណ៍មួយនៅថ្ងៃសៅរ៍នេះថា លោកវេជ្ជបណ្ឌិត Sadrzadeh មានអារម្មណ៍ថា គាត់កំពុងវិវត្តទៅជាប្រតិកម្មអាឡ័កស៊ី។ គាត់ត្រូវបានគេនាំទៅបន្ទប់សង្គ្រោះបន្ទាន់ វាយតម្លៃ ព្យាបាលនិងតាមដានតែពេលនេះគាត់ធូរស្រាលហើយ”។

មន្ត្រីរដ្ឋបាលចំណីអាហារនិងឪសថអាមេរិក (FDA) បាននិយាយកាលពីសប្តាហ៍មុនថា FDA កំពុងស៊ើបអង្កេតជុំវិញប្រតិកម្មអាឡ័កស៊ីចំនួន៥ដែលបានកើតឡើងបន្ទាប់ពីមនុស្សត្រូវបានចាក់វ៉ាក់សាំងកូវីដរបស់ក្រុមហ៊ុន Pfizer Inc និង BioNTech នៅសហរដ្ឋអាមេរិក៕

ប្រែសម្រួលដោយ៖ Vann Vann

ប្រភព៖ Reuters

ចុចអាន៖ វ៉ាក់សាំងកូវីដរបស់ ចិន បង្ហាញលទ្ធផលល្អដោយមានប្រសិទ្ធភាពសឹង១០០ភាគរយ

ចុចអាន៖ អង់គ្លេសបញ្ចេញតួលេខអ្នកចាក់វ៉ាក់សាំងកូវីដ ស្របពេលវីរុសកូរ៉ូណាក្លាយពូជថ្មីកំពុងវាយលុកខ្លាំង

The post វេជ្ជបណ្ឌិតអាមេរិកប្រតិកម្មធ្ងន់ធ្ងរ ត្រូវបញ្ជូនទៅសង្គ្រោះបន្ទាន់ភ្លាមៗក្រោយចាក់វ៉ាក់សាំងកូវីដ appeared first on Kampuchea Thmey Daily.