​ផ្ទុយទៅវិញ ចិន​បាន​ងាកទៅរកការផ្គត់ផ្គង់ជំនួសពីបណ្ដាប្រទេសនៅអាមេរិកខាងត្បូង ដែលរួមចំណែកទីផ្សារសរុបជិត ១០០ ភាគរយ។

ទិន្នន័យពីរដ្ឋបាលទូទៅ​ចិន ដែលចេញផ្សាយនៅថ្ងៃចន្ទ ទី ២០ តុលា នេះ បាន​បង្ហាញថា ការនាំចូលសណ្ដែកសៀង​ពីសហរដ្ឋអាមេរិក បាន​ធ្លាក់ចុះដល់សូន្យ ពី ១,៧ លាន​តោន ក្នុងរយៈពេលដូចគ្នាឆ្នាំមុន។

ការធ្លាក់ចុះនេះ បណ្ដាលមកពីការងាកចេញទៅរកអ្នកផ្គត់ផ្គង់ថ្មី ក្រោយ​ចិន​ដាក់ពន្ធខ្ពស់សងសឹកទៅនឹង​វិធានការបង្កហេតុរបស់ ត្រាំ ដែ​លដាក់ពន្ធខ្ពស់លើចិន​ជាបន្តបន្ទាប់ក្រោ​យឡើងកាន់អំណាចនៅចុង​ខែមករា។ ចិនគឺអ្នកនាំចូលសណ្ដែកសៀងដ៏ធំបំផុតរបស់ពិភព​លោក។

ផ្ទុយទៅវិញ ការនាំចូលសណ្ដែកសៀងពីប្រទេសប្រេស៊ីលបាន​កើនឡើង ២៩,៩ ភាគរយ ដល់ ១០,៩៦ លានតោន នៅខែកញ្ញា ដោយ​ស្មើនឹង​ ៨៥,២ ភាគរយ នៃការនាំចូលសរុបរបស់ចិន។ ការនាំចូល​ពី​អាហ្សង់ទីន​វិញ បាន​កើនឡើង ៩១,៥ ភាគរយ ដល់ ១,១៧ លាន​តោន ឬរួមចំណែកប្រមាណ ៩ ភាគរយ នៃការនាំចូលសរុបរបស់ចិន។

នៅខែកញ្ញា ចិន​នាំចូលសណ្ដែកសៀងសរុប ១២,៨៧ លាន​តោន ដែលជាកម្រិតខ្ពស់បំផុតទី២ក្នុងកំណត់ត្រា។

បច្ចុប្បន្ន ការលក់សណ្តែកសៀងរបស់សហរដ្ឋអាមេរិកកំពុងធ្លាក់ចុះ ខណៈ​អ្នកទិញធានាការនាំចេញរហូតដល់ខែវិច្ឆិកា ដែលភាគច្រើនមកពី​ប្រេស៊ីល និងអាហ្សង់ទីន ដែលជួយដោយការបន្ធូរបន្ថយពន្ធបណ្តោះអាសន្នរបស់​អាហ្សង់ទីន។

បើគ្មាន​វឌ្ឍនភាព​ក្នុងកិច្ចពិភាក្សាពាណិជ្ជកម្មទេ កសិករអាមេរិកប្រថុយនឹងការខាតបង់រាប់ពាន់​លាន​ ដោយសារក្រុមហ៊ុន​ចិនបន្តទិញសណ្ដែកសៀង​ពីអាមេរិកខាងត្បូង។ បច្ចុប្បន្ន រដ្ឋបាល ត្រាំ កំពុងត្រៀមចំណាយថវិការដ្ឋដើម្បីជួយកសិករ ប៉ុន្តែកសិករអាមេរិកដែលបាត់បង់អតិថិជនចិន ទាមទារ​ចង់បាន​ដំណោះស្រាយរយៈពេលវែង។

ទោះជាយ៉ាងណាក៏ដោយ ​ចិនឯណោះវិញ អាចនឹងប្រឈមមុខនឹងវិបត្តិផ្គត់ផ្គង់ខ្សោយផងដែរ ​នៅដើមឆ្នាំក្រោយ មុនពេល​រដូវប្រមូលផលថ្មីរបស់ប្រេស៊ីលចូលមកដល់។

​

​

​

The post ចិន​ឆ្លើយតបពន្ធ ត្រាំ៖ ​ការនាំចូលសណ្ដែក​សៀង​ពី​អាមេរិកធ្លាក់ចុះដល់ ០% ខែមុន appeared first on Kampuchea Thmey Daily.

ប្រធាន​មន្ទីរ​កសិកម្ម រុក្ខា​ប្រមាញ់​និង​នេសាទ​ខេត្តរតនគិរី លោក សយ សូ​ណា បាន​ឲ្យ​ដឹង​ថា ការ​ប្រមូល​ផល​សណ្តែក​សៀង​នៅក្នុង​ខេត្តរតនគិរី​បាន ឈាន​ជិត​ដល់​ការ​បិទ​រដូវ​កាល​ប្រមូល​ផល​ហើយ ។

លោក​បន្ត​ថា​ ឆ្នាំនេះ​ដោយសារ​មិន​ខូច​ដោយសារ​ទឹកភ្លៀង​ធ្វើ​ឲ្យ​ការ​ប្រមូល​ផល​សណ្តែកសៀង​លើ ផ្ទៃដី​ជាង​៤០០០​ហិកតា ទទួល​បាន​ទិន្នផល​សរុប​ប្រមាណ​ជាង ៥ ០០០ តោន​ច្រើនជាង​ឆ្នាំ​២០២០ ។ ចំណែក​តម្លៃ​ក៏​ល្អ​គឺ​លក់​បាន​២.៥០០​រៀល​ក្នុង មួយ​គីឡូក្រាម ដែល​កាលពី​ឆ្នាំ ២០២០ តម្លៃ​សណ្តែកសៀង ១ គីឡូក្រាម​បាន​ត្រឹម​ពី​១.៨០០​រៀល​ទៅ​២.០០០​រៀល ប៉ុណ្ណោះ​។

លោក​ប្រធាន​មន្ទីរ​បាន​បន្ត​ថា ​ការ​ប្រមូល​ផល​សណ្តែកសៀង​មកដល់ពេលនេះ​(១១ វិច្ឆិកា​)​ជិត​អស់ហើយ​ប្រមូលបាន​ប្រមាណ​ជា​៥​ពាន់​តោន​ដោយ​ក្នុង មួយ​ហិកតា​បាន​ផល​ពី ១ តោន​កន្លះ ទៅ​២​តោន ល្អ​ជាង​កាលពី​ឆ្នាំមុន​ដែល​ភាគច្រើន​បាន​ខូច​ដោយសារ​ទឹកភ្លៀង​កើតមាន​ចំពេល​កំពុង​ប្រមូល​ផល​ធ្វើ ឱ្យ​សណ្តែក​ដុះ​ខូច​អស់​ច្រើន​។ សណ្តែក​សៀង​ក្នុង​ខេត្តរតនគិរី​ត្រូវ​បាន​ឈ្មួញ​ប្រមូល​ទិញ​យកទៅលក់​នៅ​ប្រទេស​វៀតណាម៕

ដោយ​ ៖​ ណា​រី

The post កសិករ​ខេត្តរតនគិរី​រីករាយ​ជាមួយ​ទិន្នផល​សណ្តែកសៀង​និង​តម្លៃ​ខ្ពស់ជាង​ឆ្នាំមុន appeared first on Kampuchea Thmey Daily.

ជំនួសឱ្យ​ទឹកដោះដែលអាចមានលើសកូលេស្តរ៉ូល ទឹក​សណ្តែកសៀងនៅតែជាជម្រើសល្អនាំមកនូវសុខភាព​រឹងមាំដោយសារ​វាផ្ទុកនូវ​ជីវជាតិបំប៉នសំខាន់ៗជាស្រេច រួមទាំងអាស៊ីតខ្លាញ់អូមេហ្គាផង។

យោងតាម foodbase យើង​អាចហូប​ទឹកសណ្តែកជំនួសឱ្យទឹកដោះគោទំាងផ្ទាល់ និងទំាងលាយវាទៅក្នុងកាហ្វេឬក៏នៅក្នុងភេសជ្ជៈផ្សេងៗ។

មនុស្ស​ជាច្រើន​ដែល​ព្យាយាមសម្រកទម្ងន់គួរពិសារទឹកសណ្តែកជាជាងទឹកដោះគោ។ ចំណែក​អ្នកខ្វះជាតិ lactose ដែលមានន័យថា ពួកគេមានបញ្ហាក្នុងការរំលាយអាហារជាតិស្ករ ដែលជាកាបូអ៊ីដ្រាតមានច្រើន​នៅក្នុងទឹកដោះគោឆៅ អាចប្តូរមកប្រើទឹកសណ្តែក​សៀងជំនួរបានពិតមែន។

វេជ្ជបណ្ឌិត  Barbara Schmidt នៃវិទ្យាស្ថាន RDN អ្នកឯកទេសខាងកម្មវិធីអាហារបំប៉ននៅមន្ទីរពេទ្យ Norwalk ទីក្រុង Norwalk រដ្ឋ Connecticut អះអាងថា  ផលប៉ះពាល់នៃក្រពះពោះវៀនដែលដំណើរការ​មិនបាន​ស្រួល ការប្តូរ​មកផឹកទឹកធញ្ញជាតិគឺជាជម្រើស​ដ៏ឈ្លាសវៃ។

ក្នុងទឹកសណ្តែកសៀងមួយកែវ​មាន៖

កាឡូរី: ៨០ក្រាម​

ខ្លាញ់: ៤ ក្រាម (ក្រាម)

ខ្លាញ់ឆ្អែត: ០.៥ ក្រាម

កាបូអ៊ីដ្រាត៖ ៣ ក្រាម

ជាតិសរសៃ៖ ២ ក្រាម

ប្រូតេអ៊ីន៖ ៧ ក្រាម

នៅពេលប្រៀបធៀបរួច យើងអាចនិយាយបានថា ទឹកសណ្តែកសៀង មានសារធាតុចិញ្ចឹមប្រហាក់ប្រហែលគ្នា​នឹងទឹកដោះគោដែលមានជាតិខ្លាញ់ទាប៕

ប្រែសម្រួល៖ ស្រស់

ចុចអាន៖ ឪពុកម្តាយជាច្រើនបំពុលអនាគតកូនដោយការបញ្ច្រក​ថ្នាំ

ចុចអាន៖​កុំឃើញក្រូចឆ្មារ​ពណ៌​​លឿងស្មាន​គ្មាន​វីតាមីនស្មើពណ៌បៃតង អានហើយ​​អាចភ្ញាក់ផ្អើល

The post ភេសជ្ជៈដ៏ល្អវិសេសដែលយើង​មើលរំលង ហើយមានតម្លៃថោក appeared first on Kampuchea Thmey Daily.