លោក ជួន ណារិន្ទ លើកឡើងថា៖ «គាត់ចេញមកគាត់បន្តធ្វើទៀត! អ៊ីចឹងថ្មីៗនេះពេលយើងឃាត់ចាប់ទៅឃើញថាសុទ្ធតែអ្នកធ្លាប់ជាប់អស់អាជ្ញាទោសក្នុងពន្ធនាគារ ហើយចេញមកប្រព្រឹត្តិដដែល»។

នាយកប្រតិបត្តិមជ្ឈមណ្ឌលប្រជាពលរដ្ឋដើម្បីអភិវឌ្ឍន៍ និងសន្តិភាពលោក យង់ គិមអេង លើកឡើងថាវាជារឿងខាងបង់មួយយ៉ាងធំដែលរដ្ឋខិតខំអប់រំកែប្រែអ្នកទោសហើយទទួលបានលទ្ធផលបែបនេះ។ លោកយល់ថាមូលហេតុដែលបណ្ដាលឱ្យអ្នកទោសលួច ឆក់ ប្លន់ ចេញមកវិញប្រព្រឹត្តិបទល្មើសដដែលអាចបណ្ដាលមកពីកង្វះសមត្ថភាពក្នុងការស្ថានីតិសម្បទា និងសម្មាហរណកម្មចូលសង្គមវិញ។

លោកថា៖ «ទាំងអស់នេះគឺសំខាន់! បើយើងមិនបានគិតពីបញ្ហានេះ​ទេយើងមិនដោះស្រាយទេ យើងមិនស្វែងរកវិធីថ្មីសម្រាប់ការតម្រង់ទិសទាំងយុវវ័យដែលជាប់ពន្ធនាគារ និងមនុស្សធំ គឺស្ថានភាពនេះគឺវាអត់បានធ្វើឱ្យប្រសើរទេ។ អ៊ីចឹងការដាក់ពន្ធនាគារគឺជាការបង្ខាំងសិទ្ធិសេរីភាពគាត់មួយរយៈហើយក៏អត់បានជួយគាត់ឱ្យកែប្រែ»។

លោកជំរុញឱ្យមានកម្មវិធីបណ្ដុះបណ្ដាលវិជ្ជាជីវៈ និងបំនិនជីវិតសម្រាប់អ្នកទោសឱ្យក្លាយជាកម្មករជំនាញ ហើយប្រសិនជាអាចធ្វើកិច្ចសហការជាមួយក្រុមហ៊ុនសហគ្រាសបង្កើតការងារដល់ពួកគាត់ ធ្វើឱ្យគាត់មានចំណូលនិងស្គាល់ពីតម្លៃនៃការងារ និងសល់ប្រាក់ខ្លះដែលពេលពួកគេចេញពីពន្ធនាគារអាចប្រកបរបរចិញ្ចឹមជីវិតបានដូចពលរដ្ឋទូទៅ។

ទាក់ទងនឹងករណីនេះប្រធានវិទ្យាស្ថានប្រជាធិបតេយ្យកម្ពុជាលោកបណ្ឌិត ប៉ា ច័ន្ទរឿន បានលើកឡើងថាបញ្ហាដែលអ្នកជាប់ទោសដោយលួច ឆក់ ប្លន់ នៅតែប្រព្រឹត្តិបទល្មើសដដែលជាដដែលនេះបានឆ្លុះបញ្ចាំងពីកម្សោយនៃពន្ធនាគារនៅកម្ពុជា ដែលទាមទារឱ្យមានការដោះស្រាយជាប្រព័ន្ធដើម្បីជួយដល់អ្នកទោសទាំងនោះទទួលបាននូវការស្ដានីតិសម្បទាន និងបំនិនជីវិតរបស់ពួកគេ។

លោកថា៖ «គោលបំណងនៃការដាក់ទោសជនល្មើស ឬក៏ឧក្រិដ្ឋជន មិនមែនគ្រាន់តែជាផ្តន្ទាទោសឃុំខ្លួនជនទាំងអស់ហ្នឹងមិនឱ្យបន្តសកម្មភាពឬក៏ការដាក់ទណ្ឌកម្មចំពោះទង្វើឃោឃៅឬក៏ទង្វើខុសច្បាប់របស់ខ្លួនទេ។ តែក៏មានចំណែកមួយនៅក្នុងការស្ដានីតិសម្បទា អ៊ីចឹងហើយបានជាពន្ធនាគារគេប្រើពាក្យថាមជ្ឈមណ្ឌលកែប្រែ។ កែប្រែតាំងពីផ្នត់គំនិតរបៀបគិតការឱ្យតម្លៃឥរិយាបថរបស់បុគ្គលហ្នឹងពេលដែលចប់ការទទួលទោសហ្នឹងមានការគិតផ្នត់គំនិតថ្មី និងមានជំនាញទៀត»។

កម្ពុជាថ្មីមិនអាចទាក់ទងអ្នកនាំពាក្យអគ្គនាយកដ្ឋានពន្ធនាគារលោក ឃៀង សុណាឌីន ដើម្បីឆ្លើយតបបាននៅឡើយទេ។

តែសម្រាប់អគ្គនាយក​រងនៃអគ្គ​នាយកដ្ឋាន​ពន្ធនាគារ និងជាប្រធានមណ្ឌលអប់រំកែប្រែទី១ ពន្ធនាគារព្រៃស លោក នុត សវនា ថាការវិនិច្ឆ័យចំពោះអ្នកណាម្នាក់ដែលបានប្រព្រឹតិ្តបទល្មើសលួច ឆក់ ប្លន់ គឺខុសគ្នាទៅតាមសមាសភាព៣ គឺនគរបាលដែលឃាត់ខ្លួនជនសង្ស័យផ្ទាល់ តុលាការដែលជាអ្នកសម្រេចអំពីទោសទណ្ឌឬដោះលែង និងពន្ធនាគារដែលជាអ្នកអនុវត្តន៍តាមបញ្ជាឃុំខ្លួនរបស់តុលាការ។

លោកថា៖ «ពេលដែលខ្ញុំស៊ីញ៉េបទបញ្ជាឃុំគឺតាមហ្នឹង(ការសម្រេចរបស់តុលាការ) យើងមានឯកសារអីត្រឹមត្រូវ ហើយយើងរាប់តែអ្នកដែលអនុវត្តន៍ទោសពីមុនទេ! ប្រសិនជាអ្នកនោះ តុលាការទម្លាក់បទចោទហើយត្រូវមកជាប់ឃុំយើងអត់គិតថាគាត់ធ្លាប់ជាប់ទេ ព្រោះពីមុនគាត់អត់មានទោសផង! ហើយចំពោះខាងនគរបាល ឬប៉េអ៊ឹមអីខ្ញុំអត់ដឹងទេព្រោះគេគិតតែពេលចាប់(ជនសង្ស័យ)ទេ»។

លោក នុត សវនា ក៏បានឱ្យដឹងដែរថាក្នងមណ្ឌលអប់រំកែប្រែទី១ដែលជាមណ្ឌលលោកគ្រប់គ្រងបានរកឃើញថាអ្នកទោសភាគច្រើនគឺជាអ្នកមិនចេះអក្សរដែលជាកត្តាមួយធ្វើឱ្យពួកគេខូចខ្លួនរហូតប្រព្រឹត្តិបទល្មើស ដោយហេតុនេះលោកបានសម្រេចឱ្យអនុវត្តន៍កម្មវិធីអក្ខរកម្មបង្រៀនអក្សរដល់អ្នកទោសឱ្យគាត់អាចមានមូលដ្ឋានយល់ដឹងខ្លះៗ ព្រមទាំងបណ្ដុះបណ្ដាលជំនាញវិជ្ជាជីវៈដែលសហការជាមួយក្រសួងការងារ និងវិស័យឯកជន បង្រៀនកាត់ដេរខោអាវ ស្បែកជើង ពត់ដែក ផ្សារដែរ ការងារសំណង់ ធ្វើម្ហូប ជូសជុលម៉ាស៊ីនត្រជាក់ និងជាងម៉ាស៊ីនត្រជាក់ និងបច្ចេកទេសមួយចំនួនផ្សេងទៀតដោយសង្ឃឹមថានឹងធ្វើឱ្យពួកគេអាចយកជំនាញទាំងនេះទៅចិញ្ចឹមជីវិតបានក្រោយពេលចេញពីពន្ធនាគារ និងមិនត្រលប់ធ្វើចោរលួច ឆក់ ប្លន់ សាជាថ្មីទៀត។

លោកបន្ថែមថាសម្រាប់ជនល្មើសដែលមិនរាងចាលពេលដែលត្រូវបានតុលាការផ្តន្ទាទោសនិងបញ្ជូនមកឃុំខ្លួនសាជាថ្មី សម្រាប់ពន្ធនាគារព្រៃសនិងចាត់ទុកជាមុខសញ្ញាខ្ពស់នៃការប្រុងប្រយ័ត្ន ហើយនៅពេលដែលអនុវត្តន៍ទោសរួចរាល់ក៏មានការសហការជាមួយសមត្ថកិច្ចខាងក្រៅផងដែរពេលដោះលែងដែរ។

លោកបណ្ឌិត ប៉ា ច័ន្ទរឿន ជំរុញដល់រដ្ឋាភិបាលភាគីពាក់ព័ន្ធឱ្យមានការយកចិត្តទុកដាក់ឱ្យបានខ្ពស់លើបញ្ហានេះ ដើម្បីធានាដល់សន្ដិសុខ សុខភាពសាធារណៈ លើកស្ទួយវិស័យទេសចរណ៍ និងការវិនិយោគនៅក្នុងប្រទេស។ លោកថាការធានាបានសុខសុវត្ថិភាពដល់ប្រជាពលរដ្ឋ និងបរទេសដែលមកកម្សាន្តនៅកម្ពុជាគឺជារឿងចាំបាច់សម្រាប់ការលូតលាស់ និងការវិវត្តន៍របស់កម្ពុជាឆ្ពោះទៅមុខ៕

អត្ថបទដោយ ហ៊ុន សិរីវឌ្ឍន៍

The post អ្នកតាមដានបញ្ហាសង្គមជំរុញឱ្យមានដំណោះស្រាយករណីចោរមុខដដែលៗ appeared first on Kampuchea Thmey Daily.

ប្រធានអង្គភាពអ្នកនាំពាក្យរាជរដ្ឋាភិបាលលោក ប៉ែន បូណា បានប្រាប់កម្ពុជាថ្មី​ថាច្បាប់នេះ​គឺកំពុង​ស្ថិត​​ក្នុងការសិក្សារៀបចំដោយក្រសួងយុត្តិធម៌។

ជាមួយគ្នានេះអ្នកនាំពាក្យក្រសួងយុត្តិធម៌លោក សេង ឌីណា ថាក្រសួងពិតជា​កំពុងសិក្សា​រៀបចំ​ច្បាប់នេះ​មែន​ តែលោក​មិនទាន់អាចបញ្ជាក់លម្អិតបន្ថែមបាននៅឡើយទេ​។

លោកបានបញ្ជាក់មកកម្ពុជាថ្មីថា៖ «ក្រសួងកំពុងសិក្សា អំពីការរៀបចំច្បាប់នេះ ហើយ​ក្នុងដំណាក់​កាល​នេះ​ខ្ញុំនៅមិនទាន់អាចផ្ដល់ព័ត៌មានលម្អិតនៅឡើយទេ»។

នាយកប្រតិបត្តិ​អង្គការ​លីកាដូ លោក អំ សំអាត យល់ថាកន្លងមកកម្ពុជាមាន​ច្បាប់មួយចំនួនដូចជា​ច្បាប់​ប្រឆាំងភេរវកម្ម​ជាដើម​រួច​ហើយ​​ដោយ​លោកជំរុញការពង្រឹងការអនុវត្តន៍​ច្បាប់កន្លង​ទៅច្រើន​ជាង​។ ​ទោះជាយ៉ាងណា​ការ​បង្កើត​ច្បាប់​ថ្មី​នេះ​លោកក៏ជំរុញឱ្យមានការសិក្សា​ និងទទួល​យកការពិគ្រោះ​យោបល់​​ពីភាគី​​ពាក់ព័ន្ធ​ឱ្យបានគ្រប់ជ្រុងជ្រោយដើម្បីធានាថាគ្មានកំហុសឆ្គងពេលដាក់អនុវត្តន៍។

លោកថា៖ «ធម្មតាតែច្បាប់អនុម័តហើយគឺត្រូវអនុវត្តន៍ហើយលុះមានបញ្ហាទើបធ្វើវិសោធនកម្ម​បន្ថែម។ ខ្ញុំចង់ឱ្យមានការពិនិត្យពិគ្រោះយោបល់ចែករំលែកឱ្យ​គ្រប់ជ្រុងជ្រោយដើម្បី​ធានាពីការ​អនុវត្តន៍​។  

ក្នុងកម្មវិធីវេទិកាអ្នកជំនាញរបស់កម្ពុជាថ្មី កាលពីចុងខែធ្នូ ឆ្នាំ២០២៤ រដ្ឋមន្ដ្រី​ប្រតិភូ​អម​នាយក​រដ្ឋ​មន្ដ្រី​លោក​ សូ ណារ៉ូ បានលើកឡើងថាការរៀបចំច្បាប់​ដាក់ក្រុមជ្រុលនិយម​ជាពួកភេរវករគឺអាចសិក្សា​ពីច្បាប់ដាក់​កម្ពុជាប្រជាធិបតេយ្យនៅក្រៅច្បាប់មកសិក្សា។ ការបង្កើតនេះ​គឺជាការឆ្លើយតប​ទៅនឹង​ការបង្កើត​​ចលនា​របស់​ក្រុម​ក្រៅច្បាប់ដែលបានបង្កើតចលនាផ្សេងៗនៅពេល​ចុងក្រោយនេះ​បំពាន​រដ្ឋធម្មនុញ្ញកម្ពុជាធ្ងន់ធ្ងរ។

លោកថា៖ «វានឹងធ្វើឱ្យឯកោដល់ពួកជ្រុលនិយមនេះពួកដែលឃ្លានអំណាចដោយគ្មានព្រំដែនទោះបី​ជាបំផ្លិចបំផ្លាញជាតិខ្លួនឯងធ្លាក់ក្នុងនរកនៃសង្គ្រាមអីក៏គេមិនខ្វល់។ អ៊ីចឹងខ្ញុំជឿថា​វានឹងឈាន​ដល់​ដំណាក់​​កាលហ្នឹង»។

កាលពីខែវិច្ឆិកា ឆ្នាំ២០២៤ ទណ្ឌិត សម រង្ស៊ី ដែលកំពុងរស់នៅក្រៅប្រទេសបានបង្កើតចលនាជាតិ​តស៊ូមួយនៅក្រៅប្រទេស និងបានញ៉ុះញ៉ង់ដល់ពលរដ្ឋ មន្ត្រីរាជការប្រឆាំងរដ្ឋាភិបាល តាម​យុទ្ធ​សាស្ត្រ​​ផ្ការីករបស់ខ្លួនដោយឱ្យរៀបចំកម្លាំងបង្កប់ដើម្បី​បំផ្ទុះសកម្មភាពប្រឆាំងរដ្ឋ​ចេញ​ពីក្នុង​ប្រទេស​វិញ។

អ្នកវិភាគភូមិសាស្រ្តនយោបាយ និងសន្ដិសុខ លោក ថុង ម៉េងដាវីត បានប្រាប់កម្ពុជាថ្មី​តាមសារ​អេឡិច​​ត្រូនិច​តេឡេក្រាម​ថា សកម្មភាពរបស់លោក សម រង្ស៊ី ដែលបាន​បង្កើត​ចលនា​ផ្សេងៗ​​ បង្ក​ឱ្យមានការ​ព្រួយបារម្ភខ្លាំងចំពោះសន្ដិសុខ។

លោកថា៖ «អំពាវនាវបែបនេះធ្វើឱ្យប៉ះពាល់ដល់នីតិរដ្ឋ និងហានិភ័យនៃការកើនឡើង​ទៅ​ជាអំពើ​ហឹង្សា​​ជាផ្នែកមួយនៃអំពើភេរវកម្ម និងបដិវត្តន៍ពណ៌»។

លោក​យល់ស្របពីការបង្កើតច្បាប់ដាក់ក្រុមជ្រុលនិយមជាភេរករ​ដោយថា វានឹងជួយធានា​ដល់​សុវត្ថិភាព​ និងស្ថិរភាពសង្គម។ លោកថាវិធានការផ្លូវច្បាប់​ដែលមានគោលដៅ​និងព័ត៌មានច្បាស់​លាស់អាច​ឱ្យ​អាជ្ញាធរ​​កំណត់​អត្តសញ្ញាណ និង​កាត់បន្ថយ​ហានិភ័យ​ មុនពេលពួកគេ​ធ្វើសកម្មភាព​ផ្សេងៗ​។

លោកថា៖ «​ការបង្កើតច្បាប់ប្រឆាំងអំពើភេរវកម្មដ៏ទូលំទូលាយមួយ​នឹងជួយដល់​កម្ពុជា​ក្នុងការ​តម្រឹម​ច្បាប់ និងវិធានការផ្លូវច្បាប់ជាមួយនឹងក្របខណ្ឌប្រឆាំងភេរវកម្មសកល តាមរយៈការពង្រឹងសមត្ថភាព​របស់ខ្លួន​ក្នុងការ​សហការជាមួយដៃគូអន្តរជាតិ។ ការសហការបែបនេះ អាចរួមបញ្ចូលការ​ចែករំលែក​ស៊ើបការណ៍​ ការពង្រឹងសមត្ថភាព និងការចូលរួមក្នុងគំនិតផ្តួចផ្តើមក្នុងតំបន់ ដែលទាំងអស់នេះ​នឹងលើកកម្ពស់​ហេដ្ឋារចនាសម្ព័ន្ធសន្តិសុខរបស់ប្រទេសកម្ពុជា»។

ជាមួយគ្នានេះលោក ថុង ម៉េងដាវីត បានជំរុញដល់ការរៀបចំច្បាប់ឱ្យមានលក្ខណៈគ្រប់ជ្រុង​ជ្រោយ ស្រប​តាមស្តង់ដារ​ច្បាប់ប្រឆាំង​ភេរវកម្ម​អន្តរជាតិផងដែរដោយថាការធ្វើដូច្នេះ កម្ពុជាមិន​ត្រឹមតែ​ពង្រឹង​សន្តិសុខផ្ទៃក្នុងរបស់ខ្លួនប៉ុណ្ណោះទេ​ថែមទាំងពង្រឹងជំហររបស់កម្ពុជា​ជា​ប្រទេស​​ដែលមាន​ស្ថិរភាព និងអធិបតេយ្យភាពក្នុងបរិយាកាស​សន្តិសុខពិភពលោក​ដែលកាន់​តែស្មុគ​ស្មាញ​។

ច្បាប់ដាក់ក្រុមជ្រុលនិយមមានបំណងបង្កអសន្តិសុខ បង្កើតសង្គ្រាម ជាពួកភេវករ ត្រូវបានបង្ហើបឡើង​ពីប្រធានព្រឹទ្ធសភាកម្ពុជា សម្ដេចតេជោ ហ៊ុន សែន ក្នុងមីទិញអបអរខួប៤៦ឆ្នាំ ទិវាជ័យជម្នះ៧ មករា កាលពីថ្ងៃទី៧ ខែមករា ឆ្នាំ២០២៥ ថាកម្ពុជាដល់ពេលហើយដែលត្រូវរៀបចំច្បាប់នេះ​ដោយ​ថា​ដើម្បី​ការពារ​សន្ដិភាព​ ស្ថិរភាពសង្គម និងការអភិវឌ្ឍន៍របស់ប្រទេស៕

អត្ថបទដោយ ហ៊ុន សិរីវឌ្ឍន៍

The post រដ្ឋាភិបាលកំពុងរៀបចំច្បាប់ដាក់ក្រុមជ្រុលនិយមចង់ផ្ដួលរំលំរដ្ឋាភិបាលជាពួកភេវករ appeared first on Kampuchea Thmey Daily.

ថ្លែងក្នុងពិធីបិទសន្និបាតបូកសរុបសភាពការណ៍ និងលទ្ធផលកិច្ចប្រតិបត្តិការក្នុងការរក្សាសន្ដិសុខ សណ្ឋាប់ធ្នាប់សាធារណៈ និងសុវត្ថិភាពសង្គមប្រចាំឆ្នាំ២០២៤ របស់អគ្គស្នងការដ្ឋាននគរបាលជាតិ ថ្ងៃទី៣១ ខែធ្នូ ឆ្នាំ២០២៤ ឧបនាយករដ្ឋមន្ត្រី ស សុខា បានកត់សម្គាល់ថាពេលបច្ចុប្បន្នតាមបណ្តាប៉ុស្តិ៍រដ្ឋបាលឃុំ សង្កាត់មួយចំនួនមិនទាន់មានមន្ត្រីគ្រប់គ្រាន់ និងសមមូលទៅនឹងចំនួនប្រជាពលរដ្ឋ ក៏ដូចជាភូមិសាស្ត្រដែលត្រូវគ្រប់គ្រងនៅឡើយទេ ដែលត្រូវឱ្យមន្ត្រីនគរបាលធ្វើការលើសម៉ោងពេលវេលាច្បាប់កំណត់ ដោយលោកបានប្រកាសពីគម្រោងក្នុងការបង្កើនមន្ត្រីនគរបាលឱ្យកើនដល់យ៉ាងហោច១០នាក់ក្នុងមួយប៉ុស្តិ៍នគរបាល។

ជាមួយគ្នានោះលោកឧបនាយករដ្ឋមន្ត្រីបានជំរុញឱ្យអាជ្ញាធរ និងកងកម្លាំងនគរបាលជាតិ បន្តយកចិត្តទុកដាក់ លើការផ្តល់សេវាសារធារណៈជូនប្រជាពលរដ្ឋ ជាពិសេសជំរុញចលនាគោលនយោបាយ ភូមិ ឃុំ សង្កាត់មានសុវត្ថិភាព ដើម្បីលើកកម្ពស់សុវត្ថិភាពសន្តិសុខសង្គម កែប្រែឥរិយាបថធ្វើការងារផ្តល់សេវាតម្រូវការ និងសេវាចាំបាច់នានាជូនដល់ប្រជាពលរដ្ឋ ប្រកបដោយតម្លាភាព លឿនរហ័ស មានគុណធម៌ សុជីវធម៌ និងភាពថ្លៃថ្នូរ។

នាយកប្រតិបត្តិសម្ព័ន្ធគណនេយ្យភាពសង្គមកម្ពុជាលោក សន ជ័យ សាទរចំពោះគម្រោងនេះតែលោកយល់ថា ក្រសួងមហាផ្ទៃគួរមានផែនការតាមដានលើការអនុវត្តតួនាទីរបស់នគរបាលផងដែរទើបគម្រោងនេះមានលទ្ធផលថ្មីជូនប្រជាពលរដ្ឋ។

លោកចង់ឱ្យរដ្ឋបង្កើតយន្តការណ៍ទទួលការរាយការណ៍ពីមូលដ្ឋានការដែលនគរបាលបដិសេធមិនទទួលបណ្ដឹងពីពលរដ្ឋ។

លោកថា៖ «យើងមានអ្វីថ្មីហើយ លទ្ធផលគួរតែថ្មីដែរ ដើម្បីបង្កើនការទុកចិត្តពីពលរដ្ឋ»។

គួរឱ្យដឹងផងដែរថា ប៉ុស្តិ៍នគរបាលរដ្ឋបាល មានតួនាទីស្ថិតនៅក្រោមឱវាទមេឃុំ ចៅសង្កាត់ និងស្ថិតក្រោមការគ្រប់គ្រងបញ្ជាដឹកនាំជំនាញរបស់អធិការដ្ឋានគរបាលក្រុង ស្រុក ខណ្ឌ មានសមត្ថកិច្ចថែរក្សា ការពារសន្តិសុខ សណ្ដាប់ធ្នាប់សាធារណៈ សុវត្ថិភាព និងស្ថិរភាពសង្គមជូនប្រជាពលរដ្ឋក្នុងឃុំ សង្កាត់។ នាយប៉ុស្តិ៍ នាយរងប៉ុស្តិ៍ និងមន្រ្តី នៃប៉ុស្តិ៍នគរបាលរដ្ឋបាលឃុំ សង្កាត់ គឺជាតួអង្គសំខាន់មួយក្នុងចំណោមតួអង្គផ្សេងទៀតនៅ​មូលដ្ឋាន រួមមានក្រុមប្រឹក្សាឃុំ សង្កាត់ ស្មៀន មេភូមិ អនុភូមិ ប្រជាការពារ នាយក នាយករង និងគ្រូបង្រៀន ព្រះចៅអធិការវត្តនិងព្រះសង្ឃ និងមណ្ឌលសុខភាព ដែលប្រៀបបាននឹងបណ្ដុំសសរគ្រឹះដែលធានាឱ្យការរស់នៅរបស់ប្រជាជនប្រកបដោយភាពកក់ក្ដៅ ជាពិសេសធានា​ប្រសិទ្ធភាពនៃការអនុវត្តគោលនយោបាយភូមិ-ឃុំ-សង្កាត់មានសុវត្ថិភាពរបស់រាជរដ្ឋាភិបាល៕

អត្ថបទដោយ ហ៊ុន សិរីវឌ្ឍន៍៍

The post រដ្ឋមន្ត្រីមហាផ្ទៃត្រៀមបង្កើនមន្ត្រីនគរបាលឱ្យបានយ៉ាងតិច១០នាក់ក្នុងមួយប៉ុស្តិ៍នគរបាល appeared first on Kampuchea Thmey Daily.

ថ្លែងក្នុងសន្នីសិទសារព័ត៌មានកាលពីថ្ងៃទី៣១ ខែធ្នូ លោក ជា ពៅ បានលើកឡើងថា តទៅមុខការបង្ក្រាបការផ្សាយល្បែងស៊ីសងខុសច្បាប់នេះក៏ត្រូវការចូលរួមពីអាជ្ញាធរដែនដីផងដែរ ដោយថា«រកឃើញមួយត្រូវបង្ក្រាបមួយ»។

លោកថា៖ «នេះក៏ជាសារមួយជូនដល់ម្ចាស់អាជីវករទាំងអស់ដែលនៅតែរឹងទទឹងមិនអនុវត្តន៍ចំពោះសារាចរលេខ០៧២នេះទេគឺយើងមិនអនុគ្រោះ ហើយយើងមិនអត់អោនឱ្យដែរ»។

ក្នុងសារាចរណែនាំលេខ០៧២ ចុះថ្ងៃទី៤ ខែធ្នូ ឆ្នាំ២០២៤ នគបាលជាតិបានសម្រេចទុកពេលត្រឹមថ្ងៃ១០ ខែធ្នូ ដើម្បីឱ្យអ្នកប្រើប្រាស់បណ្ដាញសង្គម ប្រព័ន្ធផ្សព្វផ្សាយ អ្នកផលិតមាតិកាសង្គម ក៏ដូចជាបុគ្គលមានប្រជាប្រិយមួយចំនួនធ្វើការលុបចោលព័ត៌មានល្បែងអនឡាញពីបណ្ដាញសង្គមឱ្យអស់ បើមិនដូច្នោះនឹងទទួលរងនូវវិធានការតាមផ្លូវច្បាប់។

ក្រោយចប់ឱសាននុវាទមានមនុស្ស៤នាក់ ដែលត្រូវបានឃាត់ខ្លួនបញ្ជូនទៅតុលាការកាលពីថ្ងៃទី២៥ ខែធ្នូ បន្ទាប់ពីមិនគោរពតាមការណែនាំនេះ។

នាយកប្រតិបត្តិសម្ព័ន្ធគណនេយ្យភាពសង្គមកម្ពុជាលោក សន ជ័យ ថាការបង្ក្រាបការផ្សព្វផ្សាយអនឡាញនេះទទួលបានលទ្ធផលគួរឱ្យកត់សម្គាល់ តែលោកចង់ឃើញវិធានការទៅលើការផ្សព្វផ្សាយផ្សេងទៀតដែលមិនមែនអនឡាញដូចជានៅក្នុងក្រុមតេឡេក្រាមជាដើម។

លោក សន ជ័យ ក៏ជំរុញឱ្យមាននីតិវិធីងាយស្រួលដល់ពលរដ្ឋក្នុងការរាយការណ៍ពីការផ្សាយល្បែងអនឡាញមកកាន់សមត្ថកិច្ចផងដែរ។

វិធានការទាក់ទងនឹងការបង្ក្រាបការផ្សាយល្បែងស៊ីសងនេះត្រូវបានរដ្ឋមន្ត្រីមហាផ្ទៃឧបនាយករដ្ឋមន្ត្រី ស សុខា បញ្ជាកាលពីថ្ងៃទី៤ ខែធ្នូ កន្លងទៅបន្ទាប់ពីឃើញមានការផ្សព្វផ្សាយជំរុញការល្បែងស៊ីសងពីបុគ្គលល្បីៗ និងអ្នកផលិតមាតិកាសង្គមបង្កផលប៉ះពាល់ដល់សង្គម។

ក្នុងកិច្ចប្រជុំគណៈរដ្ឋមន្ត្រីកាលពីថ្ងៃទី៦ ខែធ្នូ ឆ្នាំ២០២៤កន្លងទៅ នាយរដ្ឋមន្ត្រី សម្ដេចធិបតី ហ៊ុន ម៉ាណែត ក៏បានណែនាំឱ្យអាជ្ញាធរពាក់ព័ន្ធបង្ក្រាបឱ្យអស់នូវល្បែងស៊ីសងខុសច្បាប់ ល្បែងអនឡាញផ្សងសំណង និងការជួញដូរគ្រឿងញៀន ដោយថាទាំងនេះគឺសុទ្ធតែជាបញ្ហានាំឱ្យប៉ះពាល់ដល់ជីវភាពរបស់ប្រជាពលរដ្ឋ បង្កឧបសគ្គដល់គោលនយោបាយរបស់រដ្ឋាភិបាល និងសន្តិសុខសង្គម៕

ដោយ ហ៊ុន សិរីវឌ្ឍន៍  

The post មនុស្ស៤នាក់ត្រូវឃាត់ខ្លួន ខណៈរដ្ឋគ្រោងរៀបចំក្រុមការងារចុះបង្ក្រាបការផ្សាយល្បែងអនឡាញ appeared first on Kampuchea Thmey Daily.

ថ្លែងក្នុងពិធីប្រគល់សញ្ញាបត្រជូនដល់និស្សិតសាកលវិទ្យាល័យធនធានមនុស្ស ព្រឹកថ្ងៃទី២៦ ខែធ្នូ ឆ្នាំ២០២៤ នៅរាជធានីភ្នំពេញ សម្ដេចធិបតី ហ៊ុន ម៉ាណែត បានបញ្ជាទៅក្រសួងយុត្តិធម៌ឱ្យពិនិត្យមើលទម្ងន់ទោសលើអ្នកដាក់តាមម៉ូតូ និងអួតដាវ កាំបិត លើបណ្ដាញសង្គមគំរាមអ្នកដទៃ។

សម្ដេចថា៖ «ឱ្យពិនិត្យមើលច្បាប់ហើយបើច្បាប់មើលទៅស្រាលពេកសុំឱ្យធ្វើវិសោធនកម្មដើម្បីពិនិត្យមុខព្រួញនេះឱ្យកាន់តែខ្លាំងតែម្ដង»។

សម្ដេចថា ការអនុវត្តច្បាប់តឹងរឹងលើក្រុមក្មេងទំនើងគឺជាការជួយដល់ពួកគេ ជួយដល់ឪពុកម្ដាយរបស់ពួកគេ និងជួយដល់ពលរដ្ឋផ្សេងទៀត។ វាមិនមែនជារឿងដែលត្រេកអរនោះទេដែលចាប់ក្មេងទាំងនោះទៅឃុំនៅមណ្ឌលអប់រំកែប្រែនោះ តែដើម្បីការពារសណ្ដាប់ធ្នាប់សង្គម និងមនុស្សរាប់ម៉ឺននាក់ទៀតដែលអាចទទួលផលប៉ះពាល់ពីក្មេងទាំងនេះបើនៅតែបណ្ដោយដោយគ្មានការចាប់អប់រំពួកគេ។

សម្ដេចថា៖ «បើមិនដាក់វិធានការនេះទេ! តើមនុស្សប៉ុន្មាននាក់? រាប់ម៉ឺននាក់ដែលរងគ្រោះដោយសារគាត់ត្រូវតែធ្វើហើយជាពិសេសសង្ឃឹមថាវិធានការដែលម៉ឺងម៉ាត់បែបនេះនឹងជួយទម្លាក់បំបាក់ទឹកចិត្តអ្នកផ្សេងកុំឱ្យលេងអាកាប់ហ្នឹង ហើយអាចសុំទោស ឬមួយក៏ត្រឹមវិធានការរដ្ឋបាលនោះ»។

បើតាមសម្ដេចធិបតីបច្ចុប្បន្នអាជ្ញាធរបានកសាងសំណុំរឿងក្មេងទំនើងជាង៦០០ករណី ដែលបានឃាត់ខ្លួនក្មេងទំនើងប្រហែល៣ពាន់នាក់ ក្នុងនោះប្រមាណ២ពាន់នាក់ត្រូវបន្តនីតិវិធីនៅតុលាការ។

ប្រធាន​មជ្ឈមណ្ឌលប្រជាពលរដ្ឋ​ដើម្បី​អភិវឌ្ឍន៍​​និង​សន្តិភាព​​លោក យ៉ង់ គឹមអេង គាំទ្រវិធានការរបស់ប្រមុខរាជរដ្ឋាភិបាលតែលោកស្នើឱ្យគិតគូរពីបរិស្ថានសង្គមផងដែរ។ លោកថាក្នុងស្ថានភាពសង្គមបច្ចុប្បន្នដែលសម្បូរទៅដោយការផ្សព្វផ្សាយគ្រឿងស្រវឹង និងបញ្ហាគ្រឿងញៀននោះវាជារឿងដែលអូសទាញយុវជនខ្លាំងបំផុតឱ្យក្លាយជាក្មេងទំនើងដែលបញ្ហានេះរដ្ឋគួរគិតគូរបន្ថែម។

លោកថា៖ «បើរដ្ឋចាំតែដាក់ទោសកំហុសគាត់(ក្មេង​ទំនើង) មិនដាក់វិធានការខាងសង្គមឱ្យម៉ឺងម៉ាត់ ការដាក់តែទណ្ឌកម្មតែលើក្មេងហ្នឹងក៏មិនសមទំនងដែរ»។

ទិន្នន័យពីក្រសួងយុត្តិធម៌ក្នុងរយៈពេល៧ខែក្នុងយុទ្ធនាការបង្ក្រាបក្មេងទំនើងនេះរាជធានីភ្នំពេញទទួលបានសំណុំរឿងច្រើនជាង និងលេខ២គឺខេត្តកំពង់ស្ពឺ និងលេខ៣គឺខេត្តតាកែវ ដោយឡែកខេត្តដែលមិនមានសំណុំរឿងក្មេង​ទំនើងសោះគឺខេត្តស្ទឹងត្រែង បន្តដោយខេត្តកែប ប៉ៃលិន និងព្រះវិហារ៕

អត្តបទដោយ ហ៊ុន សិរីវឌ្ឍន៍

The post នាយករដ្ឋមន្ត្រីបញ្ជាឱ្យពិនិត្យធ្វើវិសោធនកម្មច្បាប់រឹតបន្ដឹងលើសកម្មភាពក្មេងទំនើង appeared first on Kampuchea Thmey Daily.

ហេតុការណ៍គ្រោះថ្នាក់លិចទូកខាងលើនេះបានកើតឡើងនៅវេលាម៉ោង ២ រសៀល ថ្ងៃទី ២៩ ខែឧសភាឆ្នាំ ២០២៤ នៅចំណុចក្រោមស្ពានកោះទន្សាយស្ថិតក្នុងទន្លេសេកុង ឃុំសន្តិភាពស្រុកសៀមប៉ាង ខេត្តស្ទឹងត្រែង។

ប្រភពព័ត៌មានបានឱ្យដឹងថា មន្ត្រីយោធាទាំងបីនាក់ម្នាក់ដែលបាត់បង់ជីវិតមានឈ្មោះ នួន ម៉ានី ជាមន្ត្រីយោធានៅវីរៈ២ រួមទាំងមន្ត្រីយោធាពីរនាក់ដែលរួចផុតជីវិត ជាមន្ត្រីវរៈការពារព្រំដែនលេខ ១០១ ចំណុះឲ្យតំបន់ប្រតិបត្តិការសឹករងខេត្តស្ទឹងត្រែង។

ប្រភពពីមន្ត្រីយោធាបានបន្តឲ្យដឹងទៀតថា នៅមុនកើតហេតុមន្ត្រីយោធាទាំងបីនាក់ឃើញគេនេសាទត្រីបានច្រើនក្នុងមួយ​សំណាញ់ៗ គេអាចបង់បានត្រីពី៥ទៅជិត១០ គីឡូ។ ពេលដែលមន្ត្រីយោធាទាំងបីនាក់ទៅជិតដល់ចំណុចកើតហេតុជិតស្ពានកោះទន្សាយស្រាប់តែទឹកហូរខ្លាំងបានគួចទូកបណ្ដាលឲ្យលិចភ្លាមតែម្ដង។

ប្រភពព័ត៌ដដែលបន្តថា ចំណុចកើតហេតុខាងលើ ភាគច្រើនជាគ្រួសារកងទ័ពដែលនៅប្រចាំការនៅទីនោះ។ ក្រោយមានភ្លៀងធ្លាក់ត្រីឡើងច្រើនគ្រួសារកងទ័ពតែងតែនាំគ្នាទៅរកត្រីនៅចំណុចកើតហេតុកាងលើរួមទាំងមន្ត្រីយោធាទាំងបីនាក់ផងដែរ។ តែជាអកុសលពេលដែលទៅដល់ចំណុចជិតកន្លែងបង់ត្រីទូកក៏បានលេចបណ្ដាលឱ្យយោធាម្នាក់បាត់បង់ជីវិត។

ក្រោយកើតហេតុកម្លាំងយោធាវីរៈ១០១ចំណុះឲ្យតំបន់ប្រតិបត្តិការសឹករងខេត្តស្ទឹងត្រែង រួមជាមួយនិងវរៈការពារព្រំដែនដទៃទៀតបានដាក់កម្លាំងនាំគ្នាចុះរកមន្ត្រីយោធាបាត់ខ្លួនរហូតមកដល់រសៀលថ្ងៃទី ៣០ ខែឧសភានេះនៅពុំទាន់រកឃើញនៅឡើយនោះទេ៕

អត្ថបទ៖ ងិន លីម

The post ហេតុការណ៍លិចទូកនៅទន្លេសេកុង បាត់ខ្លួនយោធាម្នាក់ និង២ នាក់រួចជីវិត appeared first on Kampuchea Thmey Daily.

លោក ចាន់ រដ្ឋា រស់នៅភូមិដើមស្លែង សង្កាត់ច្បារអំពៅទី២ ខណ្ឌច្បារអំពៅបាននិយាយថា កាលពីយប់ថ្ងៃទី ១៣ ខែកញ្ញានេះកម្លាំងចម្រុះរបស់សង្កាត់បានចុះប្រមូលក្រុមជនអនាធិបតេយ្យមានស្រីមានប្រុសចំនួន៨នាក់យកទៅអប់រំនៅមន្ទីរសង្គមកិច្ចរាជធានីភ្នំពេញជាផែនការលុបបំបាត់ក្រុមអុកឡុកក្នុងមូលដ្ឋាន។

លោក យុិន វុធ ចៅសង្កាត់ច្បារអំពៅទី២បានឲ្យដឹងថា ក្រុមជនទាំង៨នាក់ដែលឃាត់ខ្លួននេះគឺជាជនញៀនថ្នាំហើយធ្លាប់ជាប់គុករាប់ភ្លេចប៉ុន្តែចេញមកវិញមិនរាងចាលហើយពិសេសជាងនេះពួកគេតែងបង្កហិង្សា និងលួចសម្ភារប្រជាពលរដ្ឋដូចទៅ និងចោរហារយអញ្ចឹង។

ម្យ៉ាងទៀតប៉ះពាល់ដល់កិត្តិយសប្រទេសជាតិដែលមើលទៅសម្បូទៅដោយមនុស្សពាលាប៉ះពាល់ដល់ជាតិទាំងមូលផង៕

អត្ថបទ៖ នរា

The post ​ប្រជាពលរដ្ឋគាំទ្រចំណាត់ការចាប់ប្រមូលក្រុមអនាធិបតេយ្យយកទៅមន្ទីរសង្គមកិច្ច appeared first on Kampuchea Thmey Daily.