សន្តិសុខសង្គម
ហេតុការណ៍លិចទូកនៅទន្លេសេកុង បាត់ខ្លួនយោធាម្នាក់ និង២ នាក់រួចជីវិត
មន្ត្រីយោធាការពារព្រំដែន ចំនួនបីនាក់បានជិះទូកទៅបង់ត្រីក្នុងទន្លេក្រោមស្ពានកោះទន្សាយ ត្រូវបានលិចទូកបាត់ខ្លួនម្នាក់ ខណៈពីរនាក់ហែលឡើងគោករួចពីគ្រោះថ្នាក់។
ហេតុការណ៍គ្រោះថ្នាក់លិចទូកខាងលើនេះបានកើតឡើងនៅវេលាម៉ោង ២ រសៀល ថ្ងៃទី ២៩ ខែឧសភាឆ្នាំ ២០២៤ នៅចំណុចក្រោមស្ពានកោះទន្សាយស្ថិតក្នុងទន្លេសេកុង ឃុំសន្តិភាពស្រុកសៀមប៉ាង ខេត្តស្ទឹងត្រែង។
![](https://www.kampucheathmey.com/wp-content/uploads/2024/05/photo_2024-05-30_15-22-10-1024x573.jpg)
ប្រភពព័ត៌មានបានឱ្យដឹងថា មន្ត្រីយោធាទាំងបីនាក់ម្នាក់ដែលបាត់បង់ជីវិតមានឈ្មោះ នួន ម៉ានី ជាមន្ត្រីយោធានៅវីរៈ២ រួមទាំងមន្ត្រីយោធាពីរនាក់ដែលរួចផុតជីវិត ជាមន្ត្រីវរៈការពារព្រំដែនលេខ ១០១ ចំណុះឲ្យតំបន់ប្រតិបត្តិការសឹករងខេត្តស្ទឹងត្រែង។
ប្រភពពីមន្ត្រីយោធាបានបន្តឲ្យដឹងទៀតថា នៅមុនកើតហេតុមន្ត្រីយោធាទាំងបីនាក់ឃើញគេនេសាទត្រីបានច្រើនក្នុងមួយសំណាញ់ៗ គេអាចបង់បានត្រីពី៥ទៅជិត១០ គីឡូ។ ពេលដែលមន្ត្រីយោធាទាំងបីនាក់ទៅជិតដល់ចំណុចកើតហេតុជិតស្ពានកោះទន្សាយស្រាប់តែទឹកហូរខ្លាំងបានគួចទូកបណ្ដាលឲ្យលិចភ្លាមតែម្ដង។
![](https://www.kampucheathmey.com/wp-content/uploads/2024/05/photo_2024-05-30_15-22-11-2-1024x579.jpg)
ប្រភពព័ត៌ដដែលបន្តថា ចំណុចកើតហេតុខាងលើ ភាគច្រើនជាគ្រួសារកងទ័ពដែលនៅប្រចាំការនៅទីនោះ។ ក្រោយមានភ្លៀងធ្លាក់ត្រីឡើងច្រើនគ្រួសារកងទ័ពតែងតែនាំគ្នាទៅរកត្រីនៅចំណុចកើតហេតុកាងលើរួមទាំងមន្ត្រីយោធាទាំងបីនាក់ផងដែរ។ តែជាអកុសលពេលដែលទៅដល់ចំណុចជិតកន្លែងបង់ត្រីទូកក៏បានលេចបណ្ដាលឱ្យយោធាម្នាក់បាត់បង់ជីវិត។
ក្រោយកើតហេតុកម្លាំងយោធាវីរៈ១០១ចំណុះឲ្យតំបន់ប្រតិបត្តិការសឹករងខេត្តស្ទឹងត្រែង រួមជាមួយនិងវរៈការពារព្រំដែនដទៃទៀតបានដាក់កម្លាំងនាំគ្នាចុះរកមន្ត្រីយោធាបាត់ខ្លួនរហូតមកដល់រសៀលថ្ងៃទី ៣០ ខែឧសភានេះនៅពុំទាន់រកឃើញនៅឡើយនោះទេ៕
![](https://www.kampucheathmey.com/wp-content/uploads/2024/05/photo_2024-05-30_15-22-11-1024x598.jpg)
អត្ថបទ៖ ងិន លីម
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ