១. ត្រូវមានសុខភាពល្អ និងមានទំហំសមល្មម

អ្នកលើសគីឡូ ឬខ្វះគីឡូមិនគួរធ្វើការជ្រមុជទឹកទេ។ ក្នុងករណីមិនធ្លាប់ជ្រមុជទឹកពីមុនមក អ្នកគួរទៅពេទ្យឆែកសុខភាពនិងពិគ្រោះមុនមកជ្រមុជទឹក។

២. ស្ដាប់តាមអ្នកនាំជ្រមុជ

អ្នកដែលនាំផ្លូវត្រូវតែជាអ្នកជំនាញ ឬបទពិសោធន៍យូរឆ្នាំ រាល់ពាក្យបង្គាប់របស់គាត់អ្នកត្រូវយកចិត្តទុកដាក់ស្ដាប់និងធ្វើតាមជៀសវាងជួបបញ្ហា។

៣. ពិនិត្យមើលឧបករណ៍ឲ្យម៉ត់ចត់

បំពង់អុកស៉ីសែន ខោអាវ ឬឧបករណ៍ផ្សេងៗត្រូវមានគុណភាពមិនដាច់រហែកឬបែកបាក់។

៤. យកចិត្តទុកដាក់នឹងមនុស្សជុំវិញខ្លួន

ចុះទៅប៉ុន្មាននាក់ មើលជុំវិញខ្លួន កុំឲ្យមានបញ្ហាបាត់គ្នា។

៥. កុំបង្អត់ដង្ហើម

មុនចុះទឹក អ្នកជំនាញនឹងបង្រៀនអ្នកពីរបៀបដកដង្ហើម។

៦. ហឹងត្រចៀក

ស្រដៀងគ្នានឹងការជិះយន្តហោះដែរ នៅក្នុងទឹកផ្ដល់សម្ពាធឲ្យអ្នកខុសពីលើគោក ដូច្នេះការហឹងត្រចៀកគឺជារឿងធម្មតា។

៧. នៅក្បែរអ្នកនាំផ្លូវជានិច្ច

ទោះបីជាចុះទៅដើម្បីទស្សនាទេសភាពផ្កាថ្មក្ដី អ្នកមិនត្រូវខ្វះការយកចិត្តទុកដាក់ចំពោះអ្នកនាំផ្លូវទេ។

៨. ឧស្សាហ៍ពិនិត្យអុកស៉ីសែន

អ្នកនាំផ្លូវជំនាញប្រាកដជាឧស្សាហ៍សួរអ្នកពីបរិមាណអុកស៉ីសែនដែលនៅសល់។

៩. ហាមជ្រមុជទឹកមិនហួសជម្រៅកំណត់

មិនគួរជ្រមុជលើស ៤០ម៉ែត្រដាច់ខាត ណាមួយហួស ៤០ម៉ែត្រទៅក៏មិនមានអ្វីមើលដែរ។

១០. ហាមប៉ះពាល់អ្វីផ្ដេសផ្ដាស

ផ្កាថ្មភាគច្រើនមានសភាពរឹង ងាយធ្វើឲ្យមនុស្សរបួស ជួនកាលពុលក៏ថាបាន។

១១. ប្រាប់អ្នកនៅក្បែរខ្លួន បើមានអារម្មណ៍មិនស្រួល

ពេលថប់ដង្ហើម ពិបាកដកដង្ហើម ឬហត់ ត្រូវផ្ដល់សញ្ញាឲ្យអ្នកនាំផ្លូវភ្លាម។ 

១២. ហាមជិះយន្តហោះបន្ទាប់ពីជ្រមុជទឹកហើយក្រោម ២៤ម៉ោង

ការផ្លាស់ប្ដូរសម្ពាធលឿនពេកអាចបណ្ដាលឲ្យអ្នកឈឺ ដូច្នេះអ្នកគប្បីរង់ចាំ២៤ម៉ោងសិន មុននឹងឡើងទៅការផ្លាស់ប្ដូរសម្ពាធមួយទៀត។

បន្ទាប់ពីថ្ងៃជ្រមុជទឹក យល់ល្អគួរចំណាយពេលមួយថ្ងៃលំហែកាយនៅតាមឆ្នេរសមុទ្រឲ្យស្រឡះខួរក្បាលល្អសម្រាប់សុខភាពជាងទៅផ្ទះភ្លាម៕

ប្រែសម្រួលដោយ៖ វារី

ចុចអាន៖ កំហុសឆ្គង ៥យ៉ាង អ្នកដើរលេងឆ្លងឆ្នាំ ប្រព្រឹត្តដោយមិនដឹងខ្លួន

ចុចអាន៖ ៦ យ៉ាង ត្រូវត្រៀមជាស្រេច មុនពេលទៅលេងសមុទ្រ

The post ចង់ជ្រមុជទឹកមើលផ្កាថ្ម ត្រូវដឹងពីរឿងទាំងនេះសិន appeared first on Kampuchea Thmey Daily.

លោក តាំង ​សុចិត្រ គ្រឹះស្នា ប្រធានមន្ទីរទេសចរណ៍ ខេត្តព្រះសីហនុ ឱ្យដឹងថា ​កោះចំនួនពីរ ក្នុងចំ​ណោម​កោះទាំងសាមសិបពីរ ត្រូវបានក្រុមហ៊ុនវិនិយោគអភិវឌ្ឍយ៉ាងស្រស់ស្អាត តែមានតម្លៃស្នាក់នៅថ្លៃគួរសម ។

លោកបញ្ចាក់ថា តម្លៃស្នាក់នៅលើកោះសង្សារ និងកោះក្របី មានតម្លៃចាប់ពីជាង១០០០ពាន់ដុល្លារ ឡើងទៅ ក្នុងមួយយប់ ខណៈតាមកោះមួយចំនួនទៀត មានតម្លៃទាបជាងនេះ។ លោកលើកឡើងថា កន្លែង​ស្នាក់នៅលើកោះទាំងពីរនេះ ស្ថិតក្នុងលំដាប់ផ្កាយប្រាំពីរ៕

​

The post សេវាស្នាក់នៅ​លើកោះចំនួនពីរ ក្នុងខេត្តព្រះសីហនុ ១យប់មិនក្រោម១០០០ដុល្លារ​ appeared first on Kampuchea Thmey Daily.

ការណែនាំរបស់ក្រសួងសាធារណការ​ បានធ្វើឡើងដោយ​សារតែរដូវនេះ មានខ្យល់បក់បោកខ្លាំង​ពិ​សេស​នៅតំបន់មាត់សមុទ្រ ដែលអាចធ្វើឲ្យមានគ្រោះថ្នាក់ជាយថាហេតុដល់អ្នកធ្វើ​ដំណើរ​តាម​នាវា​តាម​សមុទ្រ។

យោងតាមសេចក្តីជូនដំណឹងរបស់ក្រសួងសាធារណការ និងដឹកជញ្ជូនចុះថ្ងៃទី១០ ខែធ្នូនេះ បានឲ្យដឹងថា យោងលើស្ថានភាពអាកាសធាតុបច្ចុប្បន្ន គឺនៅខេត្តតំបន់ឆ្នេរសមុទ្រ កំពុងមានខ្យល់បក់បោកខ្លាំង និង​រលក​សមុទ្រខ្ពស់ៗដែលអាចបង្កឱ្យមានគ្រោះថ្នាក់ដល់អាយុជីវិត និងខូចខាតទ្រព្យសម្បត្តិ ដែល​​តម្រូវ​ឲ្យ​ម្ចាស់​ក្រុមហ៊ុន​ដឹកជញ្ជូនតាមនាវា ម្ចាស់នាវា អ្នកបើកបរនាវា នាវិក និងប្រជានេសាទទាំង​អស់យកចិត្ត​ទុក​ដាក់ខ្ពស់ និង​បញ្ចៀស​នូវ​ហានិភ័យ​ដែលអាចកើតមានឡើង។

ក្រសួងសាធារណការ បានលើកឡើងថា «កន្លងមកមានម្ចាស់ទូកមួយចំនួនតូចពុំបានចូលរួមអនុវត្តទៅ​តាម​ការណែនាំរបស់សមត្ថកិច្ចស្តីពីបញ្ហាអាកាសធាតុឡើយ ដូច្នេះ ហើយទើបក្រសួងអំពាវនាវដល់​ម្ចាស់​ក្រុមហ៊ុនដឹកជញ្ជូនតាមនាវា ម្ចាស់នាវា អ្នកបើកបរនាវា នាវិក និងប្រជានេសាទទាំងអស់ ឱ្យបង្កើនការ​យក​ចិត្តទុកដាក់ប្រុងប្រយ័ត្នខ្ពស់ ដោយបំពាក់​ឧបករណ៍​សុវត្ថិភាព​ឱ្យបានគ្រប់គ្រាន់ទៅតាមចំនួន​អ្នកដំណើរ​ដែលមានដូចជា អាវពោង ពោងកង ពោងស ខ្សែពួរ ជា​ដើម ដើម្បីបញ្ចៀសគ្រោះថ្នាក់ជាយថាហេតុពេល​ធ្វើដំណើរតាមនាវានៅតាមសមុទ្រ»៕

អត្ថបទ ៖ សំអឿន

The post ព្រឹកនេះ នៅ​តំបន់សមុទ្រ ខ្យល់បោក​បក់ខ្លាំង រលកខ្ពស់ៗសូម​អ្នក​នេសាទ​ បង្កើន​ការ​ប្រុង​ប្រយ័ត្ន appeared first on Kampuchea Thmey Daily.

ទន្ទឹមនោះវីដេអូដ៏អស្ចារ្យមួយបង្ហាញពីអ្នកបុរាណវិទូជនជាតិកូរ៉េខាងត្បូងក៏បានរកឃើញកំណល់ដ៏ធ្ងន់ដែលត្រូវបានប្រើសម្រាប់កប៉ាល់ដឹកទំនិញចិនកាលពី ៩០០ ឆ្នាំមុនរួមជាមួយថូសេរ៉ាមិចបុរាណ និកាក់មាសជាច្រើន ។

ការរកឃើញនេះបានធ្វើឡើងក្នុងអំឡុងការស៊ើបអង្កេតផ្នែកបុរាណវិទ្យានៅក្រោមទឹករបស់កូរ៉េខាងត្បូងនៅឯនាយឆ្នេរ Sinchangli លើកោះ Jeju ចន្លោះពីខែឧសភាដល់ខែកក្កដាឆ្នាំនេះ ។

នៅពេលដែលអ្នកបុរាណវិទូទៅមើលកាន់តែជិតនឹងកំណប់ដែលរាយប៉ាយវាបង្ហាញពីវត្ថុភ្លឺៗ និងបំណែកតូចៗនៃចាន កែវ និងថូនៅក្នុងសមុទ្រ ហើយបានប្រមូល និងដាក់ដោយប្រុងប្រយ័ត្ននៅក្នុងកន្ត្រកដោយអ្នកមុជទឹក ។

យោងតាមវិទ្យាស្ថានជាតិនៃសម្បត្តិវប្បធម៌សមុទ្ររបស់ប្រទេសកូរ៉េខាងត្បូង និងសារមន្ទីរជាតិនៃកោះ Jeju ដែលទាំងពីរនេះបានចូលរួមក្នុងការស៊ើបអង្កេតនោះបានឲ្យដឹងថា កំណល់ថ្មដ៏ធំនោះបានបាក់ជាពីរចំណែកនៅពេលពួកគេរកឃើញ ។ តួថ្មគឺរាងពងក្រពើ និងមានកម្រាស់ក្រាស់នៅកណ្តាល ហើយត្រូវបានតភ្ជាប់នៅចុងខាងឆ្វេង និងខាងស្តាំ ។

កំណល់ថ្មដែលត្រូវបានគេស្គាល់ថាជាជម្រាលចុះកប៉ាល់មានប្រវែង ៣.១ ម៉ែត្រ និងមានទម្ងន់ ៥៨៦ គីឡូក្រាម ។ វាមានរន្ធដោតទំហំ ២២ សង់ទីម៉ែត្រនៅចំកណ្តាល និងរន្ធទំហំ ៧ សង់ទីម៉ែត្រសម្រាប់ខ្ទាស់យុថ្កា ។

យោងតាមការសិក្សាបានឲ្យដឹងថា កំណល់ដូចនេះត្រូវបានគេពេញនិយមនៅក្នុងប្រទេសចិនក្នុងរាជវង្សសុង និងយាន ។ លើសពីនេះអ្នកជំនាញក៏បានរកឃើញកាក់ និងថូសេរ៉ាមិចពីរាជវង្សសុងខាងជើងផងដែរដែលបានចាប់ផ្តើមនៅទស្សវត្សឆ្នាំ ៩៦០ និងបន្តរហូតដល់ឆ្នាំ ១២៧៩ ។

ការរកឃើញនេះបង្ហាញថា ខេត្ត Jeju ធ្លាប់កាន់កាប់ទីតាំងសំខាន់ៗនៅក្នុងពាណិជ្ជកម្មតាមសមុទ្រអាស៊ីបូព៌ា ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Daily Star

The post កូរ៉េខាងត្បូងរកឃើញកំណប់ដ៏មហាសាលនៅបាតសមុទ្រ (មានវីដេអូ) appeared first on Kampuchea Thmey Daily.

នៅក្នុងកិច្ចពិភាក្សានាព្រឺកថ្ងៃទី២៣ ខែវិច្ឆិកា ឆ្នាំ២០២០ ដែលធ្វើឡើងនៅខេត្តកំពត លោក​ឧត្ដមសេនីយ៍​ឯក​ ឌី វិជ្ជា អគ្គស្នងការរង នគរបាលជាតិ បានមានប្រសាសន៍លើកឡើងដោយ​ផ្ដោត​សំខាន់លើបេសកកម្ម ត្រួតពិនិត្យ និងពង្រឹងការងារសន្តិសុខ​សណ្ដាប់ធ្នាប់ និង​របៀបរៀបរយ​សង្គម​តាម​បណ្ដា​ខេត្ត​ជាប់​ព្រំដែន​សមុទ្រ។

​​លោក​ឧត្ដមសេនីយ៍ឯក ​​បានជម្រាបអំពីគោលបំណងបេសកកម្ម និងបទពិសោធន៍ ដែលបាន​អនុវត្តន៍​កន្លង​មក​ក្នុង​ខេត្ត​កោះកុង និង​ខេត្ត​ព្រះសីហនុ ជូន​អភិបាល​ខេត្ត​កំពត ​ផង​ដែរ ដើម្បី​ធ្វើ​យ៉ាងណា​ឲ្យ​ដំណើរការ​បេសកកម្មរបស់គណៈ​ប្រតិ​ភូទទួលបានជោគជ័យ និងមាន​ប្រសិទ្ធិភាព​ខ្ពស់។

​លោក ជាវ តាយ អភិបាលខេត្ត​កំពត បាន​ជម្រាប​អំពី​ស្ថានភាព​ភូមិសាស្ត្រ សន្តិសុខ​សណ្ដាប់ធ្នាប់ និង​ស្ថានភាព​នយោ​បាយ ក្នុងខេត្ត ដែល​កើតមានកន្លងមក និងការ​អនុវត្ត​ការងារ​របស់​រដ្ឋបាល​ខេត្ត និង​ស្នងការ​ដ្ឋាន នគរបាលខេត្ត ជូនគណៈប្រតិភូ។

ជាមួយគ្នានោះ លោកអភិបាលខេត្ត ក៏បានថ្លែងអំណរគុណចំពោះគណៈប្រតិភូ និង លោក ឌី វិជ្ជា ដែល​បាន​ខិតខំលើ​ការងារបំពេញ​បេសកកម្ម​នេះ ដែល​ជា​ចលករ​មួយ​ជួយ​ជំរុញ និង​ពង្រឹង​ប្រសិទ្ធិភាព​ក្នុង​ការងារ​កំណត់ និង​ឈាន​ទៅ​បង្ក្រាប​បទល្មើស​ចំ​មុខសញ្ញា៕

​អត្ថបទ ៖ សេង ណារិទ្ធ

The post ​អាជ្ញាធរ​ខេត្ត​កំពតពិភាក្សា​ពង្រឹង​ការពារ​សន្តិសុខ appeared first on Kampuchea Thmey Daily.

កម្មករបានឆ្លងជំងឺឆ្លងចម្លែកនេះនៅភាគខាងលិចប្រទេសសេណេហ្គាល់នៃទ្វីបអាហ្វ្រិកនៅពេលពួកគេវិលត្រឡប់មកដីគោកវិញ។

ពួកគេមានដំបៅនៅលើមុខហើយក្នុងករណីខ្លះក៏មានដំបៅនៅលើប្រដាប់ភេទផងដែរ។

អ្នកនេសាទដែលមកពីទីក្រុងនេសាទជាច្រើននៅជុំវិញរដ្ឋធានី Dakar ត្រូវបានគេដាក់ឲ្យនៅដាច់ដោយឡែកពីគ្នាដើម្បីព្យាបាល។

ករណីដំបូងនៃជំងឺនេះត្រូវបានគេរាយការណ៍កាលពីសប្តាហ៍មុន។

រូបភាពដែលគេចែករំលែកនៅលើបណ្តាញសង្គមបានបង្ហាញថា បុរសទាំងនោះមានហើមនិងពងបបូរមាត់ហើយមានអុជៗនៅលើដៃរបស់ពួកគេ។

មន្ត្រីសុខាភិបាលជាន់ខ្ពស់នៅក្នុងប្រទេសនេះបានបញ្ជាក់ពីស្ថានភាពដ៏គួរឲ្យភ្ញាក់ផ្អើលនេះកាលពីថ្ងៃព្រហស្បតិ៍។

លោក Ousmane Gueye នាយកផ្នែកព័ត៌មាននិងអប់រំសុខភាពជាតិបាននិយាយថា “វាជាជំងឺរលាកស្បែកដែលទាក់ទងនឹងជំងឺឆ្លងមួយ។ យើងកំពុងពិនិត្យបន្ថែមទៀតហើយសង្ឃឹមថានឹងដឹងថាវាជាអ្វីក្នុងពេលឆាប់ៗនេះ”។

កងទ័ពជើងទឹកសេណេហ្គាល់នឹងត្រូវបញ្ជូនទៅយកទឹកសម្រាប់ធ្វើការវិភាគ៕

ប្រែសម្រួលដោយ៖ Vann Vann

ប្រភព៖ Daily Star

The post អ្នកនេសាទ៥០០នាក់កើតជំងឺចម្លែកក្រោយពេលវិលត្រឡប់មកពីសមុទ្រ appeared first on Kampuchea Thmey Daily.