សម្ដេចពិជ័យសេនា ទៀ បាញ់ នៅព្រឹកថ្ងៃទី២៩ ខែកក្កដា ឆ្នាំ២០២៥នេះ បានបញ្ចេញសំណេរលើបណ្ដាញទំនាក់ទំនងសង្គមហ្វេសប៊ុក ដោយភ្ជាប់នូវរូបថតមួយសន្លឹកបង្ហាញអំពីការថតជុំគ្នានៃគណៈប្រតិភូក្រសួងការពារជាតិកម្ពុជា ជាមួយអតីតនាយករដ្ឋមន្ត្រីថៃ លោក ប្រាយុទ្ធ ចាន់អូចា ក្នុងឱកាសសម្ដេចបានទៅបំពេញទស្សនកិច្ចជាផ្លូវការកាលពីខែកក្កដា ឆ្នាំ២០១៤។

សំណេររបស់សម្ដេចពិជ័យសេនា បានរំលឹកយ៉ាងដូច្នេះថា៖ «កាលពី១១ឆ្នាំមុននេះ ខ្ញុំក្នុងនាមជារដ្ឋមន្រ្តីក្រសួងការពារជាតិ បានដឹកនាំប្រតិភូទៅបំពេញទស្សនកិច្ចជាផ្លូវការនៅប្រទេសថៃ និងជួបពិភាក្សាការងារជាមួយឯកឧត្តម ប្រាយុទ្ធ ចាន់អូចា អតីតនាយករដ្ឋមន្រ្តីថៃ ប្រកបដោយភាពជិតស្និទ្ធក្នុងស្មារតីមិត្តភាពជាប្រពៃណី ភាពជាអ្នកជិតខាងល្អ និងការយោគយល់គ្នា»។

ការរំលឹកឡើងវិញរបស់អតីតរដ្ឋមន្ត្រីការពារជាតិនូវទំនាក់ទំនងដ៏ជិតស្និទ្ធរវាងកម្ពុជា-ថៃ ក្នុងកាលៈទេសៈពេលនេះ គឺបានធ្វើឡើងចំពេលដែលប្រទេសទាំងពីរ ទើបតែឯកភាពគ្នាលើបទឈប់បាញ់ជាបន្ទាន់មួយ ដោយឥតលក្ខខណ្ឌ ដែលបានចូលជាធរមាននៅវេលាម៉ោង២៤:០០នាទី ថ្ងៃទី២៨ ខែកក្កដា ឆ្នាំ២០២៥នេះ ដែលនេះជាជំហានឆ្ពោះទៅការបន្ថយការតានតឹង និងការស្តារឡើងវិញនៅសន្តិភាពនិងសន្តិសុខតាមបន្ទាត់ព្រំដែនប្រទេសទាំងពីរ បន្ទាប់មានការប្រយុទ្ធគ្នាដ៏ក្ដៅគគុក រយៈពេល៥ថ្ងៃកន្លងមកនេះ។

តាមការអះអាងរបស់អ្នកនាំពាក្យក្រសួងការពារជាតិកម្ពុជា ឧត្តមសេនីយ៍ឯក ម៉ាលី សុជាតា ចាប់ពីម៉ោង២៤:០០នាទី រំលងអធ្រាត្រ រហូតមកដល់ព្រឹកថ្ងៃទី២៩ ខែកក្កដានេះ គឺនៅគ្រប់ទិសសមរភូមិលែងមានសកម្មភាពបាញ់ប្រហារទៀតហើយ ពោលគឺរក្សាបានបទឈប់បាញ់ ដែលភាគីទាំងពីរ កម្ពុជា-ថៃ បានព្រមព្រៀងគ្នាកាលពីម្សិលមិញ។

លោកស្រី ម៉ាលី សុជាតា បានថ្លែងឱ្យដឹងដែរថា ថ្នាក់ដឹកនាំកម្ពុជា-ថៃ ក៏បានឯកភាពគ្នានឹងបន្តឡើងវិញនូវទំនាក់ទំនងដោយផ្ទាល់រវាងនាយករដ្ឋមន្ត្រី រដ្ឋមន្ត្រីក្រសួងការបរទេស និងរដ្ឋមន្ត្រីក្រសួងការពារជាតិផងដែរ៕

ដោយ៖ ធឿន វ៉ាន់សុង

The post សម្ដេច ទៀ បាញ់ រំលឹកពីភាពជាអ្នកជិតខាងល្អកម្ពុជា-ថៃ ពេល ប្រាយុទ្ធ ចាន់អូចា ជានាយករដ្ឋមន្ត្រីថៃ appeared first on Kampuchea Thmey Daily.

ក្នុងឱកាសអញ្ជើញ ចុះពិនិត្យវឌ្ឍនភាពនៃការសាងសង់នោះ ក៏មានការចូលរួមពី លោក ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ លោក​ទេសរដ្ឋមន្ត្រី អ៊ី ឈាន លោកជំទាវ បាន ស្រីមុំអភិបាលនៃគណៈអភិបាលខេត្តប៉ៃលិន លោក សៅ សារ៉ាត់ អ្នកតំណាងរាស្ត្រមណ្ឌលខេត្តប៉ៃលិន លោក​ជា ចាន់ឌិនប្រធានក្រុមប្រឹក្សាខេត្ត រួមទាំងមាន​ការ​អញ្ជើញចូលរួមពីមេបញ្ជាការកងកម្លាំងប្រដាប់អាវុធទាំងបីប្រភេទ ថ្នាក់ដឹកនាំមន្ត្រីរាជការ អាជ្ញាធរក្រុង ស្រុក ផងដែរ។

សម្ដេចពិជ័យសេនា ទៀ បាញ់ បានមានប្រសាសន៍ថា ខេត្តប៉ៃលិនគឺជាតំបន់ឈ្នួនផ្ទុះសន្តិភាពដ៏ធំ ហើយតំបន់នេះបានធ្វើឲ្យមានការធ្វើសមាហរណកម្មគ្រប់តំបន់ផ្សេងៗទៀតនៅទូទាំងប្រទេសរហូតចុងក្រោយគឺតំបន់អន្លង់វែង។  ដោយសារតំបន់ប៉ៃលិនជាតំបន់បំផ្ទុះសន្តិភាពសម្ដេចបានបញ្ជាក់ថា ការជំរុញការសាងសង់ស្តូបអនុស្សាវរីយ៍នយោបាយឈ្នះឈ្នះ នេះប្រសិនបើអនុវត្តការងាររួចរាល់ សម្ដេចនឹងគ្រោងរៀបចំសម្ពោធជាផ្លូវការនៅថ្ងៃទី២២ខែតុលាឆ្នាំ២០២៥ ខាងមុខ។

សម្ដេចបានរំលឹកឡើងវិញថា ហេតុអ្វីបានយើងកំណត់យកថ្ងៃទី២២ ខែតុលា គឺជាថ្ងៃដែលត្រូវសម្ពោធស្តូបអនុស្សាវរីយ៍នយោបាយឈ្នះឈ្នះ នៅខេត្តប៉ៃលិន ? ព្រោះថាថ្ងៃទី ២២ ខែតុលា គឺ​ជា​ថ្ងៃ​ប្រវត្តិសាស្ត្រធំបំផុតសម្រាប់ជាតិយើង ដោយ​ក្នុង​នោះ​គឺ​សម្ដេចអគ្គមហាសេនាបតីតេជោ ហ៊ុន សែន បាន​យក​អាយុជីវិតជាដើមទុន ដើម្បី​ដោះដូរ​នៅ​សន្តិភាព ដោយសម្ដេចបានអញ្ជើញធ្វើដំណើរមកកាន់តំបន់ប៉ៃលិន ដែល​កាល​ណោះ​តំបន់​នេះ​ហាក់​មាន​ភាពផុយស្រួយនៅឡើយ។ ចេញពីតំបន់ប៉ៃលិន វត្តរតនសោភ័ណ្ឌហៅវត្តកោងកាង សម្ដេចអគ្គមហាសេនាបតីតេជោ ហ៊ុន សែន បានថ្លែងសារ​ក្នុង​ការ​បង្រួបបង្រួម និង ការ​ធ្វើ​ចលនា​សមាហរណកម្ម​កងកម្លាំងប្រដាប់អាវុធ​ទាំងអស់​ចូល​ទៅ​ក្នុង​កងកម្លាំងជាតិ​តែមួយគឺកងយោធពលខេមរភូមិន្ទ តាមរយៈការធានាបីយ៉ាង  គឺការធានា រូបកាយ និងអាយុជីវិត ធានាអាជីព និងមុខរបរ និងការធានាកម្មសិទ្ធិ និងទ្រព្យសម្បត្តិ ដែល​ចំណុចទាំងនេះ គឺ​ជា​ដើម​ចម​តែមួយគត់ ដែលបាននាំមកនូវសន្តិភាពពេញលេញសម្រាប់ប្រទេសកម្ពុជាទាំងមូល។សម្ដេច​ពិជ័យបានសង្កត់ធ្ងន់ថា ដោយសារសន្តិភាពមានតម្លៃជាប្រវត្តិសាស្ត្រ រាជរដ្ឋាភិបាល​បាន​កំណត់​យក​ថ្ងៃទី២៩ ខែធ្នូ  កំណត់ជាទិវាសន្តិភាព សម្រាប់ជាការរំលឹក​និង​ការ​ចងចាំ​ដល់​គុណូបការៈ​ចំពោះ ស្ថាបនិកមគ្គុទេសឯក និងប្រតិបត្តិករនយោបាយឈ្នះឈ្នះ ព្រម​ទាំង​វីរ​យុទ្ធជន​ដែល​បាន​ពលីជីវិត​ដើម្បី​បុព្វហេតុសន្តិភាព។

ស្តូបអនុស្សាវរីយ៍នយោបាយឈ្នះឈ្នះ  ត្រូវបាន​សាងសង់​ឡើង ដោយ​បញ្ជាក់​នូវអត្ថន័យដ៏មាន សារសំខាន់ចំនួនបីរួមមាន៖ ទី ១. កំពូលវិមានដែលមានជ្រុងបីតំណាង​ឱ្យ​នយោបាយ​គន្លឹះ​សំខាន់ៗចំនួន៣នាំ​ឱ្យ​នយោបាយ​ឈ្នះ-ឈ្នះទទួលបានជោគជ័យ (ទី១. ការធានារូបកាយ និង​អាយុជីវិត, ទី២. ធានាអាជីព និងមុខរបរ និងទី៣. ការ​ធានាកម្មសិទ្ធិ និងទ្រព្យសម្បត្តិ ទាំងចលនទ្រព្យ និងអចលនទ្រព្យ), ទី ២. តួវិមានដែលមានជ្រុង ៥ តំណាងឲ្យយុទ្ធសាស្ដ្រ DIFID (បំបែក ឯកោ បញ្ចប់ ធ្វើសមាហរណកម្ម និង អភិវឌ្ឍ) ដែល​ជា​យុទ្ធសាស្ដ្ររំលាយ​អង្គការ​ចាត់តាំងនយោបាយ និង យោធាខ្មែរក្រហម និងសារសំខាន់ ទី៣. តួវិមានមានជ្រុង ប្រាំពីរ តំណាងកត្តា នាំឲ្យនយោបាយ ឈ្នះ-ឈ្នះ ទទួលបានជោគជ័យ ។

គួរបញ្ជាក់​ថា ស្តូបអនុស្សាវរីយ៍នយោបាយឈ្នះឈ្នះខេត្តប៉ៃលិន ត្រូវបានសាងសង់ឡើង​ដោយ​សម្រេច​បានផ្ទៃអគារទាំងមូល១០០% ជាមួយនេះការរៀបចំផ្នែកខាងក្នុង ការ​បំពាក់​នៅ​រូប​ចម្លាក់នានាកំពុងតែបន្ត និងការរៀបចំទីធ្លាបរិវេណខាងក្រៅផងដែរ៕

អត្ថបទ ៖ សេង សុវណ្ណារិទ្ធ

The post សម្ដេច​ពិជ័យ​សេនា ទៀ បាញ់ អញ្ជើញ​ពិនិត្យវឌ្ឍនភាព​ការ​សាងសង់​ស្តូប​អនុស្សាវរីយ៍​នយោបាយ​ឈ្នះឈ្នះ នៅ​ខេត្ត​ប៉ៃលិន appeared first on Kampuchea Thmey Daily.

សម្តេចពិជ័យសេនា ទៀ បាញ់ បានបញ្ជាក់ពីអត្ថន័យខ្លឹមសារនៃសន្ទរកថារបស់សម្តេចតេជោ ប្រធានគណបក្ស ក្នុងការរំលឹក ថ្ងៃទី២៨ ខែមិថុនា ឆ្នាំ១៩៥១ ជាថ្ងៃកំណើតនៃគណបក្សប្រជាជនកម្ពុជា ហើយគណបក្សនេះជាកម្លាំងនយោបាយតែមួយគត់ ដែលបានក្រោកឈរតស៊ូ ហើយបានប្រមូលផ្ដុំរាល់កម្លាំងស្នេហាជាតិ ប្រឆាំងនឹងពួកអាណានិគម និងបង្កើតឡើងរណសិរ្សសាមគ្គីសង្គ្រោះជាតិកម្ពុជា ដើម្បីបំផុស និងដឹកនាំចលនាប្រជាជននៅទូទាំងប្រទេស វាយផ្ដួលរំលំរបបប្រល័យពូជសាសន៍ ប៉ុល ពត រហូតទទួលបានជោគជ័យនាថ្ងៃទី៧ ខែមករា ឆ្នាំ១៩៧៩ ដែលធ្វើឱ្យប្រជាជនបានរស់រានមានជីវិតឡើង។  

សម្តេចពិជ័យសេនា បានបញ្ជាក់បន្ថែមថា ក្នុងដំណើរដ៏វែងឆ្ងាយនៃការត្រួសត្រាយផ្លូវ ដើម្បីបុព្វហេតុជាតិ និងប្រជាជន គណបក្សប្រជាជនកម្ពុជា បានឆ្លងកាត់ឧបសគ្គច្រើនស្អេកស្កះរាប់មិនអស់ រាប់តាំងពីការតស៊ូប្រឆាំងអាណានិគមនិយម សង្គ្រាមជិត៣០ឆ្នាំ ក្រោយរដ្ឋប្រហារថ្ងៃ១៨ ខែមីនា ឆ្នាំ១៩៧០ ការបន្តបន្សាបឥទ្ធិពលមនោគមវិជ្ជាបំផ្លាញជាតិរបស់ក្រុមជ្រុលនិយម និងវេលាចុងក្រោយនេះ ការរារាំងមហិច្ឆតាថៃ ដែលចង់លេបទឹកដីកម្ពុជាថែមទៀត។ 

ជុំវិញការប៉ុនប៉ងឈ្លានពានរបស់ថៃមកលើកម្ពុជានេះ សម្ដេច ទៀ បាញ់ ក៏បានលើកអំពីស្ថានការណ៍នៅតាមព្រំដែនកម្ពុជា និងថៃ ដែលបាននិងកំពុងប្រឈមមុខដាក់គ្នា។ សម្ដេច ថា ទោះបីជាមហិច្ឆតាថៃនៅបន្តចង់ប្លន់ដណ្តើមយកដី និងប្រាសាទបុរាណខ្មែរ តាមបណ្តោយព្រំដែនភាគខាងលិចក៏ដោយ ប៉ុន្តែឱ្យតែមានគណបក្សប្រជាជនកម្ពុជា នាវាជាតិកម្ពុជានៅតែបន្តបោះពួយទៅកាន់ត្រើយសុភមង្គល។

សម្ដេច សង្កត់ធ្ងន់ថា រយៈពេលជាងពីរទសវត្សរ៍មកនេះ ក្រោមការដឹកនាំរបស់គណបក្សប្រជាជនកម្ពុជា ប្រទេសកម្ពុជាបានឆ្លងកាត់ការផ្លាស់ប្តូរគួរឱ្យកត់សម្គាល់ គឺ«ទីណាមានគណបក្សប្រជាជនកម្ពុជា ទីនោះមានសន្តិភាព និងការអភិវឌ្ឍ» ។ នៅពេលដែលគណបក្សប្រជាជនកម្ពុជា ប្រារព្ធខួបលើកទី៧៤ ឆ្នាំ២០២៥នេះ កេរ្ត៍ដំណែលរបស់បក្ស បានឈរជាសក្ខីភាពនៃការរស់រានមានជីវិតរបស់ជាតិ ការដឹកនាំ និងការផ្លាស់ប្តូរ ពីសង្គ្រាមនាំមកនូវសន្តិភាព និងពីភាពលំបាកនាំមកនូវវឌ្ឍនភាព៕

អត្ថបទ៖ គឿនវេត

The post សម្ដេច ទៀ បាញ់៖ គណបក្សប្រជាជនកម្ពុជា ជាកម្លាំងនយោបាយតែមួយគត់នៃអ្នកស្នេហាជាតិ appeared first on Kampuchea Thmey Daily.

លោក ប្រាក់ សោភ័ណ អភិបាលខេត្តសៀមរាប បានលើកឡើងថា ការចុះបញ្ជីដីធ្លីគឺជាការងារដ៏សំខាន់ សម្រាប់ធានាដល់ការអភិវឌ្ឍនូវសង្គមជាតិ សុវត្ថិភាពការកាន់កាប់ដីធ្លី និងរក្សានូវសណ្តាប់ធ្នាប់សង្គម ដូចដែលបាន កំណត់នៅចំណុចបញ្ចកោណទី៤ មុំទី៤ នៃយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាលនីតិកាលទី៧ នៃរដ្ឋសភា និងការងារអាទិភាពចំនួន បី គឺ “ការចុះបញ្ជីដីធ្លីបង្ហើយ សេវាគាប់ចិត្ត និងបរិយាកាសគ្មានវិវាទ” ត្រូវបានកំណត់ដោយ លោក សាយ សំអាល់។ លោក បន្តថា លទ្ធផលក្នុងការវាស់វែងដីធ្លីជាលក្ខណៈប្រព័ន្ធ ដែលមានសមាសភាពចូលរូមមាន ៣៦៧រូប ស្រី៨១នាក់ មន្ត្រីក្របខណ្ឌ ១០៤រូប កិច្ចសន្យា ៣រូប មន្ត្រីស្ម័ត្រចិត្ត ២២៦រូប និងសហការជាមួយសហភាពសហព័ន្ធយុវជនកម្ពុជា៣៤រូប ដោយប្រើប្រាស់ម៉ាស៊ីនវាស់វាង៩៥គ្រឿង ។ ក្នុងការវាស់ វែងដីធ្លីនេះ ភូមិសាស្ត្រមួយចំនួនស្ថិតក្នុងតំបន់រមណីយដ្ឋានអង្គរ និងតំបន់ការពារមួយចំនួន ។ ក្នុងនោះបានប្រកាសតំបន់វិនិច្ឆ័យ ៨៥៥ភូមិ លើ៩១០ភូមិ និង ៩២ឃុំសង្កាត់ ដោយវាស់វែងបាន៨៨៥ពាន់៤២៦ក្បាលដី និង ប្រមូលទិន្និន័យ ចំនួន ៣១៧ពាន់១៩៦ក្បាលដី  ធ្វើការផ្សព្វផ្សាយបាន១៩១ភូមិ ស្មើនឹង២០៩ពាន់ ៣១៣ក្បាលដី  ចេញបណ្ណបាន ១៧៤ពាន់១៨៥បណ្ណ និង ចែកបណ្ណបាន ១០៩ពាន់៧៧០បណ្ណ។ ចំពោះបណ្ណនៅសល់ចំនួន ៦៤ពាន់៤១៧បណ្ណ ត្រូវបន្តចែកជូន ។ ចំពោះការដកចេញពីបញ្ជីបុរាណដ្ឋាន ព្រមទាំងឯកភាពចេញបណ្ណ បាន៤ពាន់៤២៣ក្បាលដី និង គ្រោងបន្តផ្តល់បណ្ណលើកទី២ចំនួន ២ពាន់១២០ក្បាលដី ព្រមទាំងរៀបចំផែនការប្រើប្រាស់ដីតំបន់រមណីយដ្ឋានអង្គរទាំង១១៤ភូមិ និង ធ្វើការកាត់ឆ្វៀលដីតំបន់២ និងតំបន់៣ បឹងទន្លេសាបទៀតផង ។

សម្តេចពិជ័យសេនា នាយឧត្តមសេនីយ៍ផុតលេខ ផ្កាយមាស៥  ទៀ បាញ់ ឧត្តមក្រុមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា មានប្រសាសន៍ថា ការចុះបញ្ជីដីធ្លីគឺបានផ្តល់នូវសារប្រយោជន៍ជាសារវន្តទាំងពេលបច្ចុប្បន្ន និងនាពេល អនាគត សម្រាប់កម្មសិទ្ធិករ ជារដ្ឋក្តី រូបវន្តបុគ្គលក្តី និងនីតិបុគ្គលក្តី ដូចជា ៖១-រដ្ឋគ្រប់គ្រងបានដីធ្លីទាំងដីរដ្ឋ និងដីឯកជន ដែលធ្វើអោយរដ្ឋ មានភាពងាយស្រួលក្នុង ការងាររៀបចំដែនដីរដ្ឋបាលដីធ្លី ការបែងចែកដី ការលើកស្ទួយកំរិតជីវភាពរស់នៅរបស់ ប្រជាពលរដ្ឋ និងការកាត់បន្ថយទំនាស់ដីធ្លី។ ២-ធានាសុវត្ថិភាព ក្នុងការកាន់កាប់ដីធ្លីរបស់ប្រជាពលរដ្ឋ ។ ៣-ទទួលបាននូវសិទ្ធិស្របច្បាប់ ក្លាយជាម្ចាស់ដីពិតប្រាកដ ដែលត្រូវបានការពារដោយច្បាប់ និងធានាដោយរដ្ឋ ដែលអាចធ្វើការបង្កបង្កើនផល ឬប្រកបមុខរបរផ្សេងៗទៀត លើដីធ្លី របស់ខ្លួនដោយគ្មានការព្រួយបារម្ភ ។ ៤-អាចប្រើប្រាស់ប័ណ្ណកម្មសិទ្ធិដី ដើម្បីផលប្រយោជន៍ផ្សេងៗ ក្នុងការប្រកបមុខរបរ ឬអាជីវកម្មរបស់ខ្លួន ។

សម្តេច ពិជ័យសេនា បន្តថា ការចុះបញ្ជីដីធ្លីគឺជាការផ្តល់នូវសិទ្ធិ សុវត្ថិភាព ផ្លូវច្បាប់ក្នុងការកាន់កាប់អចលនទ្រព្យស្របច្បាប់ដល់ប្រជាពលរដ្ឋ ហើយការងារវាស់វែងចុះបញ្ជីដីធ្លីជូនប្រជាពលរដ្ឋនេះ ត្រូវបានសម្ដេចតេជោ ហ៊ុន សែន រៀបចំធ្វើឡើងតាំពីឆ្នាំ១៩៨៥ រហូតដល់ឆ្នាំ១៩៨៩ ទើបមានការចេញប័ណ្ណផ្ដល់សិទ្ធិឯកជន លើអចលនទ្រព្យជូនប្រជាពលរដ្ឋ លើកទី១  ដូច្នេះពីឆ្នាំ១៩៨៩ រហូតដល់ឆ្នាំ២០២៩ខាងមុខនេះឲ្យបានរួចរាល់ ។  សម្តេចពិជ័យសេនា ក៏បានថ្លែងនូវការកោតសរសើរដល់រដ្ឋបាលខេត្តសៀមរាប និងថ្លែងនូវការអរគុណចំពោះប្រជាពលរដ្ឋ អាជ្ញាធរដែនដីគ្រប់លំដាប់ថ្នាក់ មន្ទីរជំនាញ ជាពិសេសមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត ដែលជាប្រតិបត្តិករផ្ទាល់ និងអង្គភាពពាក់ព័ន្ធទាំងអស់ដែលបានខិតខំប្រឹងប្រែងចូលរួមទាំងកម្លាំងកាយចិត្តយ៉ាងមមាញឹក និងមិនខ្លាចពីការនឿយហត់ នៅក្នុងដំណើរការចុះបញ្ជីដីធ្លីលើគ្រប់នីតិវិធី និងគ្រប់ដំណាក់កាល ដើម្បីជម្រុញការងារចេញបណ្ណសម្គាល់ម្ចាស់អចលនវត្ថុជូនប្រជាពលរដ្ឋទទួលបានជាផ្លែផ្កា នាពេលនេះ ។ 

សម្តេចពិជ័យសេនា បានលើកឡើងបន្តថា ការចែកប័ណ្ណកម្មសិទ្ធិជូន បងប្អូននៅពេលនេះ គឺជាការរួមចំណែកយ៉ាងសំខាន់ក្នុងការដោះស្រាយ បញ្ហាទំនាស់ ដីធ្លីរវាងប្រជាពលរដ្ឋ និងប្រជាពលរដ្ឋ ក៏ដូចជារវាងប្រជាពលរដ្ឋ និងក្រុមហ៊ុនផ្សេងៗ ដែលកន្លងមកជួបបញ្ហាទាំងនេះ ហើយតែងតែធ្វើឲ្យមានការប៉ះពាល់ដល់ជីវភាពរស់នៅ របស់បងប្អូនប្រជាពលរដ្ឋ។ ដូចច្នេះការទទួលបានប័ណ្ណកម្មសិទ្ធិប្រើប្រាស់ស្របច្បាប់ របស់បងប្អូន ប្រជាពលរដ្ឋនៅពេលនេះ បានស្ដែងចេញឲ្យឃើញពីការគិតគូរយ៉ាងហ្មត់ ចត់របស់រាជរដ្ឋាភិបាល ដែលមានសម្តេចធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ដែលបាននិងកំពុងអនុវត្តន៍យ៉ាងសកម្មលើគោល នយោបាយដីធ្លី ជូនដល់ប្រជាពលរដ្ឋ និងដើម្បីផលប្រយោជន៍របស់ប្រជាពលរដ្ឋយ៉ាងពិតប្រាកដ។ នៅក្នុងឱកាសនោះ សម្តេចក៏បានលើកផងដែនូវចំណុចវិជ្ជមាន អវិជ្ជមានមួយចំនួន ដែលកើត ឡើងនៅតាមតំបន់មួយចំនួន ព្រមទាំងបានធ្វើការជម្រុញដល់ក្រុមការងារវាស់វែងទាំងអស់ បន្តធ្វើការរបស់ខ្លួនដែលនៅ សេសសល់ក្នុងមូលដ្ឋាន ឆ្ពោះទៅសម្រេចឲ្យបានជោគជ័យនូវផែនការយុទ្ធសាស្ត្ររបស់រាជរដ្ឋាភិបាល ឲ្យមានប្រសិទ្ធភាពលើការគ្រប់គ្រងដីធ្លី ៕

ដោយ៖ គឿនវេត

The post សម្តេច ទៀ បាញ់ ចែកវិញ្ញាបនប័ត្រសម្គាល់ម្ចាស់អចលនវត្ថុជាង៤ម៉ឺនប័ណ្ណ ដល់ពលរដ្ឋខេត្តសៀមរាប appeared first on Kampuchea Thmey Daily.

ឥស្សរជនជាន់ខ្ពស់ទាំង៥រូប ដែលត្រូវបានតម្លើងឋានន្តរសក្ដិថ្នាក់នាយឧត្តមសេនីយ៍ផុតលេខ ផ្កាយមាស៥ មានដូចជា៖

១/ សម្តេចអគ្គមហាធម្មពោធិសាល ជា ស៊ីម អតីតប្រធានព្រឹទ្ធសភាកម្ពុជា និងអតីតប្រធានគណបក្សប្រជាជនកម្ពុជា

សម្ដេច ជា ស៊ីម (ទទួលមរណភាព)  ត្រូវ​បានតម្លើងឋានន្តរសក្តិ ថ្នាក់ នាយឧត្តមសេនីយ៍ផុតលេខផ្កាយមាស ៥ នៃ កងយោធពលខេមរភូមិន្ទ នៅថ្ងៃទី ២១ ធ្នូ ឆ្នាំ ២០០៩ ដោយព្រះមហាក្សត្រ នៃកម្ពុជា សម្តេចព្រះបរមនាថ នរោត្តម សីហមុនី។

២/ សម្តេចអគ្គមហាពញាចក្រី ហេង សំរិន

សម្ដេច ហេង សំរិន  ប្រធានកិត្តិយស នៃក្រុមឧត្តមប្រឹក្សាផ្ទាល់ព្រះមហាក្សត្រ និងជាប្រធានកិត្តិយសគណបក្សប្រជាជនកម្ពុជា ត្រូវបានព្រះមហាក្សត្រ នៃកម្ពុជា ត្រាស់បង្គាប់តម្លើងឋានន្តរសក្តិ ថ្នាក់ នាយឧត្តមសេនីយ៍ផុតលេខផ្កាយមាស ៥ នៃ កងយោធពលខេមរភូមិន្ទ នៅក្នុងថ្ងៃទី២១ ខែធ្នូ ឆ្នាំ២០០៩។

៣/ សម្តេចអគ្គមហាសេនាបតីតេជោ ហ៊ុន សែន

នៅក្នុងថ្ងៃជាមួយនឹងសម្ដេច ជា ស៊ីម និងសម្ដេច ហេង សំរិន គឺក្នុងថ្ងៃទី២១ ខែធ្នូ ឆ្នាំ២០០៩ ព្រះមហាក្សត្រ ព្រះបាទសម្តេចព្រះបរមនាថ នរោត្តម សីហមុនី ត្រាស់បង្គាប់ តម្លើងឋានន្តរសក្តិ ថ្នាក់ នាយឧត្តមសេនីយ៍ផុតលេខផ្កាយមាស ៥ នៃ កងយោធពលខេមរភូមិន្ទ ជូនសម្តេចតេជោ ហ៊ុន សែន។ ព្រះមហាក្សត្រ ទ្រង់យល់ថា សម្តេចតេជោ ហ៊ុន សែន ជា មគ្គុទេសក៍ដ៏ល្អឆ្នើម ជាទីគោរពស្រឡាញ់របស់ប្រជារាស្ត្រ ដឹកនាំប្រជាជាតិកម្ពុជាតាមរដ្ឋធម្មនុញ្ញ នៃ ព្រះរាជាណាចក្រកម្ពុជាឆ្នាំ ១៩៩៣ កសាងបាននូវសន្តិភាពជាតិ ស្ថេរភាពជាតិ ឯកភាពជាតិ សេដ្ឋកិច្ចជាតិ ការអភិវឌ្ឍន៍ជាតិគ្រប់វិស័យ ការពារ លទ្ធិប្រជាធិបតេយ្យ និង មានកិច្ចសហប្រតិបត្តិ ការអន្តរជាតិល្អ ព្រមទាំង រក្សា និងការពារ បាននូវឯករាជ្យជាតិ និងបូរណភាពទឹកដី តាមទស្សនវិស័យសង្គមរាស្រ្តនិយម ដឹកនាំកសាង និងគោរព ព្រះពុទ្ធសាសនា និងសាសនាផ្សេងៗ ឱ្យមានការរីកចំរើន ព្រមទាំងមានស្វាមីភក្តិ ចំពោះព្រះរាជបល្ល័ង្គ ការពារយុត្តិធម៌ ដើម្បីនិរន្តភាព រាជានិយម នៃ ព្រះរាជាណាចក្រកម្ពុជា។

៤/ សម្ដេចពិជ័យសេនា ទៀ បាញ់ អតីតឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ

ព្រះមហាក្សត្រកម្ពុជា ត្រាស់បង្គាប់តម្លើងតម្លើងឋានន្តរសក្តិ ថ្នាក់ នាយឧត្តមសេនីយ៍ផុតលេខផ្កាយមាស ៥ នៃ កងយោធពលខេមរភូមិន្ទ ដល់សម្ដេច ទៀ បាញ់ ដែលបច្ចុប្បន្នជាសមាជិកក្រុមឧត្ដមប្រឹក្សាផ្ទាល់ព្រះមហាក្សត្រនៅក្នុងថ្ងៃទី១៦ ខែមីនា ឆ្នាំ២០២៥។

៥/ សម្ដេចកត្តិសង្គហបណ្ឌិត ម៉ែន សំអន អតីតឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងព្រឹទ្ធសភា រដ្ឋសភា និងអធិការកិច្ច

ក្នុងថ្ងៃជាមួយនឹងសម្ដេច ទៀ បាញ់ ដែរ, សម្ដេច ម៉ែន សំអន គឺជាស្ត្រីដំបូងគេបង្អស់នៅកម្ពុជា ត្រូវបានព្រះមហាក្សត្រ នៃកម្ពុជា តម្លើងឋានន្តរសក្តិ ថ្នាក់ នាយឧត្តមសេនីយ៍ផុតលេខផ្កាយមាស ៥ នៃ កងយោធពលខេមរភូមិន្ទ៕

ដោយ៖ ង៉ិល ណារ៉ាត់

The post ពីឆ្នាំ២០០៩ ដល់បច្ចុប្បន្ន ឥស្សរជនជាន់ខ្ពស់៥រូប ត្រូវបានតម្លើងឋានន្តរសក្ដិ ថ្នាក់នាយឧត្តមសេនីយ៍ផុតលេខ ផ្កាយមាស៥ appeared first on Kampuchea Thmey Daily.

សម្តេចពិជ័យសេនា លើកឡើងបែបនេះ នាថ្ងៃទី១០ ខែមករា ឆ្នាំ២០២៥ ក្នុងឱកាសជាអធិបតីក្នុងមីទ្ទិញអបអរសាទរខួបអនុស្សាវរីយ៍លើកទី៤៦ នៃថ្ងៃជ័យជម្នះ៧មករា (១៩៧៩-២០២៥) ដោយមានការនិមន្ត អញ្ជើញចូលរួមប្រមាណជា ៥ពាន់នាក់នៅសួនច្បារព្រះរាជដំណាក់ ខេត្តសៀមរាប។ ក្នុងឱកាសនេះ សម្តេចពិជ័យសេនា ទៀ បាញ់ បន្ថែមថា ពលរដ្ឋត្រូវចូលរួមការពារសុខសន្តិភាពដែលមានសព្វថ្ងៃដែលកម្ពុជាបានមកដោយលំបាក ឲ្យនៅគង់វង្សយូរអង្វែងក្រោមការដឹកនាំរបស់គណបក្សប្រជាជនកម្ពុជា ដែលមានសម្តេចតេជោ ជាប្រធាន និងសម្តេចធិបតី ជាអនុប្រធាន និង សម្តេចអនុប្រធានជាច្រើនរូបទៀត ដើម្បីឲ្យប្រទេសយើងកាន់តែអភិវឌ្ឍរីកចម្រើនតទៅមុខថែមទៀត។

នៅក្នុងពិធីនេះ សម្តេចពិជ័យសេនា ទៀ បាញ់ ក៏បានលើកឡើងពីគុណបំណាច់ដ៏ធំធេងមិនអាចកាត់ថ្លៃបាន នៃការរំដោះប្រជាពលរដ្ឋកម្ពុជាពីរបបប្រល័យពូជសាសន៍ ប៉ុល ពត ដែលជាការពុះពររបស់សម្ដេចតេជោ ហ៊ុន សែន រួមនឹងឥស្សរជនសំខាន់ជាច្រើនទៀតរបស់គណបក្សប្រជាជនកម្ពុជា ដែលធ្វើឱ្យប្រជាពលរដ្ឋចាត់ទុកថ្ងៃ៧មករា ជាថ្ងៃកំណើតទី២របស់ខ្លួន។ សម្តេចប្រធានក្រុមការងារគណបក្សចុះជួយខេត្តសៀមរាបបានបន្តថា មហាជ័យជម្នះ ថ្ងៃ៧ មករា ១៩៧៩ ជាព្រឹត្តិការណ៍ប្រវត្តិសាស្ត្រដែលបានចារជាប់នៅក្នុងបេះដូងប្រជាជនកម្ពុជាគ្រប់រូប ដែលបានសង្រ្គោះជាតិនិងប្រជាជនកម្ពុជាឲ្យមានជីវិតរស់ឡើងវិញរួចផុតពីការកាប់សម្លាប់ នៃរបបប្រល័យពូជសាសន៍ ប៉ុល ពត និង បាននាំមកជូនប្រជាជនវិញនូវសិទ្ធិនិងសេរីភាពគ្រប់ បែបយ៉ាង និង បានស្តារ កសាងជាតិមាតុភូមិឡើងវិញពីគំនរផេះផង់ ឆ្លងកាត់ឧបសគ្គ និងការលំបាករាប់ម៉ឺនជំពូក រហូតមានសុខសន្តិភាព ការអភិវឌ្ឍរីកចម្រើនលើគ្រប់វិស័យគួរជាទីមោទនភាពបំផុត ។ សម្តេចពិជ័យសេនា ធ្វើការអរគុណនយោបាយ ឈ្នះ ឈ្នះ ! ដឹងគុណជានិច្ច ស្ថាបនិកមគ្គទេសក៍ឯក និង ប្រតិបត្តិករនយោបាយ ឈ្នះ ឈ្នះ ដែលនាំមកនូវសន្តិភាព និង ការឯកភាពជាតិពេញលេញ។

សម្តេចពិជ័យសេនា ទៀ បាញ់ ក៏បានបញ្ជាក់ទៀតថា ការរៀបចំមីទ្ទិញអបអរសាទរខួបអនុស្សាវរីយ៍លើកទី៤៦ នៃទិវាជ័យជម្នះ៧មករា នាឱកាសនេះ ប្រកបដោយបរិយាកាសដ៏សប្បាយរីករាយ ស្ថិតក្រោមដំបូលនៃសុខសន្តិភាព ក្រោមការដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ដែលបានបន្តដឹកនាំប្រទេសជាតិ រក្សាបាននូវសុខសន្តិភាព ស្ថិរភាពនយោបាយ និងការអភិវឌ្ឍរីកចម្រើនលើគ្រប់វិស័យ ព្រមទាំងបានដាក់ចេញនូវចក្ខុវិស័យ ប្រែក្លាយកម្ពុជាជាប្រទេសមានចំណូលខ្ពស់នៅឆ្នាំ២០២៥០៕

ដោយ៖ គឿនវេត

The post សម្តេចពិជ័យសេនា ទៀ បាញ់ អំពាវនាវជនរួមជាតិរក្សាឱ្យបានរាល់សមិទ្ធផលដែលសម្រេចបានក្រោយថ្ងៃរំដោះ ៧ មករា appeared first on Kampuchea Thmey Daily.

ក្នុង​ដំណើរ​នាំយក​ទៀនវស្សា និង​ទេយ្យទាន​មួយ​ចំនួនធំ​ទៅ​ប្រគេន​ព្រះសង្ឃ​គង់​ចាំ​ព្រះវស្សា​នៅ​វត្ត​កោះ​ប៉ោ ស្ថិតនៅក្នុង​ឃុំ​ប៉ាក់​ខ្លង ស្រុក​មណ្ឌលសីមា ព្រឹក​ថ្ងៃទី​១៧ ខែកក្កដា ឆ្នាំ​២០២៤​នេះ សម្តេច​ពិជ័យ​សេនា បាន​រៀបរាប់​ពី​ភាព​សោកសៅ​ថា «​ខ្ញុំ នឹកឃើញ​និង​ចងចាំ​ជានិច្ច​នូវ​អនុស្សាវរីយ៍​ដ៏ (១៧ កក្កដា ១៩៦៥-១៧ កក្កដា ២០២៤) ដែល​ខ្ញុំ​រួមជាមួយ​កម្មាភិបាល យុទ្ធជន បាន​តស៊ូ​រួមគ្នា​ប្រយុទ្ធ​ជាមួយ​ខ្មាំងសត្រូវ ដើម្បី​រំដោះជាតិ​មាតុភូមិ​»​។

​សម្តេច​ពិជ័យ​បន្ត​ថា «​នៅថ្ងៃ​នេះ ខ្ញុំ​សូម​បង្សុកូល​ឧទ្ទិស​មហា​កុសល​ដល់ក​ម្មា​ភិ​បាល វីរ​យុទ្ធជន​ដ៏​អង់អាច​ក្លាហាន ដែល​បាន​ពលី​ជីវិត ដើម្បី​រំដោះជាតិ​មាតុភូមិ សូមជួយ​តាម​បីបាច់រក្សា ការពារ​ដល់​ប្រជាពលរដ្ឋ ជៀស​ផុត​ពី​ជំងឺ​កាច​សាហាវ និង​សូម​ដួង​វិញ្ញាណក្ខន្ធ​កម្មាភិបាល វីរ​យុទ្ធជន បាន​ទៅកាន់​សុគតិភព​កុំបី​ឃ្លៀងឃ្លាត​ឡើយ​»​។

សម្តេច ទៀ បាញ់ លើកឡើង​ទៀត​ថា តំបន់​កោះ​ប៉ោ មួយ​នេះ បានធ្វើឱ្យ​យុទ្ធ​មិត្ត​របស់​សម្តេច​ចំនួន​១៨​នាក់ ស្ថិតក្រោម​ការគ្រប់គ្រង​បញ្ជា​របស់​សម្តេច​ក្នុង​អនុ​បញ្ជាការ​កងវរៈសេនាតូច​៣០៩ គឺ​បាន​ពុះពារ​តស៊ូ​ប្រយុទ្ធ​ជាមួយ​ក្រុម​ខ្មាំងសត្រូវ គ្រា​មាន​អ្នកស្លាប់ និង​រង​របួស​ស្រាល ដោយ​បន្សល់ទុក​នូវ​វិនាសកម្ម​យ៉ាងខ្លាំង​ក្លា​ក្នុង​ជំនាន់​សង្គ្រាម​។

ខេត្តកោះកុង ជា​ខេត្ត​មួយ​ក្នុងចំណោម​រាជធានី​ខេត្ត​ដទៃ​ទៀត​ដែរ ដែល​ជួប​វិនាសកម្ម​សង្គ្រាម​ដូចគ្នា ស្រប​ខត្ត​មួយ​នេះ​នៅ​ដាច់​ស្រ​យោល​ពី​គេ ហើយ​លំបាក​វេទនា និង​កង្វះ​ហេដ្ឋារចនាសម្ព័ន្ធ​ត​ភ្ជាប់​ទៅវិញទៅមក​។ ប៉ុន្តែ​ឥឡូវ​ខេត្តកោះកុង ចាប់តាំងពី​ស្រុកទេស​មាន​សុខសន្តិភាព និង​ការអភិវឌ្ឍន៍​ខេត្តកោះកុង បាន​នឹង​កំពុង​រីកមុខ​មាត់​ជាច្រើន​គួរឱ្យកត់សម្គាល់ ទាំង​ផ្នែក​សេដ្ឋកិច្ច​ពាណិជ្ជកម្ម ប្រព័ន្ធ​ផ្លូវ​គមនាគមន៍ កសិកម្ម​នេសាទ និង​វិស័យ​ទេសចរណ៍​៕

The post សម្តេច​ពិជ័យ​សេនា បង្ហាញ​ការ​ចងចាំ​ប្រវត្តិ​ជូរចត់​កាលពី​៥៩​ឆ្នាំមុន​អំឡុង​សម័យ​សង្គ្រាម​ appeared first on Kampuchea Thmey Daily.

ក្នុង​ពិធី​រុក្ខទិវា ៩ កក្កដា ឆ្នាំ ២០២៤ ដោយ​មាន​ការ​ដាំ​កូនឈើ​គគីរ ចំនួន ៥០០ ដើម នៅ​ស្តូប​អនុស្សាវរីយ៍​នយោបាយ ឈ្នះ ឈ្នះ ស្ថិត​ក្នុង​ក្រុង​ខេមរភូមិន្ទ ខេត្ត​កោះកុង សម្តេច​ពិជ័យ​សេនា ទៀ បាញ់ បាន​មាន​ប្រសាសន៍​ថា ការ​ដាំ​ស្តារ​កូនឈើ​គ្រប់​ប្រភេទ​ជា​ចលនា​បង្កើន​ចំនួន​កូនឈើ​កាន់តែ​ច្រើន ទោះបីជា​ខេត្ត​កោះកុង​សំបូរ​ទៅ​ដោយ​ព្រៃឈើ​ក៏ដោយ។

សម្តេច​ពិជ័យ​សេនា ទៀ បាញ់ បាន​បន្ថែម​ថា មិន​ត្រឹមតែ​ការ​ដាំ​ស្តារ​នៅ​តំបន់​ការពារ​អភិរក្ស​ប៉ុណ្ណោះ​ទេ សូម​បន្ត​ដាំ​កូនឈើ​នៅ​តាម​ទី​សាធារណៈ ឬ រមណីយដ្ឋាន​ទេសចរណ៍​នានា​បន្ថែម​ទៀត ដើម្បី​លើក​កម្ពស់​សោភ័ណភាព​បៃតង ក៏ដូចជា​ការពារ​ការ​ប្រែប្រួល​អាកាសធាតុ​ជាដើម។

សម្តេច គូស​បញ្ជាក់​ថា ច្បាស់​ណាស់​ថា ការ​ដាំ​កូនឈើ​នៅ​ជុំវិញ​បរិវេណ​ស្តូប​នយោបាយ​ឈ្នះ​ឈ្នះ​នៅ​ពេលនេះ វា​នឹង​ជួយ​លើកកម្ពស់​បរិស្ថាន​សោភ័ណភាព​ស្អាត​ល្អ​ទៅ​ថ្ងៃមុខ ព្រោះ​វា​ជា​ទី​កន្លែង​តំបន់​ប្រវត្តិសាស្ត្រ​ចំពោះ​ការ​តស៊ូ​ប្រឆាំង​នឹង​ខ្មាំងសត្រូវ​ក្នុង​សម័យ​សង្គ្រាម ដោយ​បន្សល់​ទុក​ឱ្យ​កូនចៅ​ជំនាន់​ក្រោយៗ បាន​ដឹង​ស្គាល់។

បច្ចុប្បន្ន ស្តូប​នយោបាយ​ឈ្នះ​ឈ្នះ ស្ថិត​ក្នុង​ភូមិ​បឹង​ឃុន​ឆាង សង្កាត់​ស្មាច់មានជ័យ ក្រុង​ខេមរភូមិន្ទ សម្រេច​ការដ្ឋាន​សាងសង់​ស្ទើរតែ ១០០ ភាគ​ហើយ នៅឡើយ​សេសសល់​តែ​ការងារ​មួយ​ចំនួន​តូច​ប៉ុណ្ណោះ​ដូចជា ៖ ការ​ចម្លាក់​រូប​ដែល​ជា​តឹកតាង​កាលពី​សម័យ​រំដោះ​សង្គ្រាម ឥស្សរជន​សំខាន់ៗ និង​តំបន់​ប្រវត្តិសាស្ត្រ​ជាច្រើន​ទៀត​ក្នុង​ខេត្ត​កោះកុង។

យ៉ាងណាមិញ សម្តេច ក៏បាន​លើក​ឡើង​ទៀត​ថា នៅ​ថ្ងៃ​ទី ១៧ ខែ​កក្កដា ជា​ខួប ៥៩ ឆ្នាំ​ហើយ នៃ​ថ្ងៃ​ជន​ពិឃាដ​យក សម្តេច ទៅ​បាញ់​ចោល​នៅ​ព្រៃភ្នំ ប៉ុន្តែ​មាន​ព្រេងវាសនា និង​ទឹកដោះ​ម្តាយ​ថ្លៃ ទើប​ធ្វើ​ឱ្យ សម្តេច បាន​រស់រាន​មានជីវិត​ឡើងវិញ​ពី​ចុង​កាណុង​កាំភ្លើង​របស់​កងទ័ព​ខ្មែរក្រហម ដោយសារ​តែ​តំណក់​ទឹកភ្លៀង​ដែល​ជួយសង្គ្រោះ សម្តេច មក​ទល់​ពេលនេះ៕

អត្ថបទ ៖ សិរីវឌ្ឍនៈ

The post សម្តេច ទៀ បាញ់ ជំរុញដាំកូនឈើឱ្យបានច្រើន នៅតំបន់ការពារអភិរក្ស និងទីសាធារណៈ appeared first on Kampuchea Thmey Daily.