ហេតុការណ៍​នេះ​បង្ក​ការ​ភ្ញាក់ផ្អើល​កាលពី​វេលា​ម៉ោង ០៨ និង ២០ នាទី​ព្រឹក ថ្ងៃ​ទី ១៧ ខែ​កក្កដា ឆ្នាំ ២០២៥ ស្ថិត​នៅ​ចំណុច​ច្រាំង​ទន្លេសាប ក្បែរ​សាលាឆាន់ ក្នុង​សង្កាត់​ព្រែក​តាសេក ខណ្ឌ​ជ្រោយ​ចង្វារ រាជធានី​ភ្នំពេញ។

តាម​ប្រភព​ព័ត៌មាន​ពី​កូនសិស្ស​របស់​ព្រះសង្ឃ ប្រាប់​ឲ្យ​ដឹង​ថា មុន​ប្រទះឃើញ​សព គាត់​បាន​យក​ស្រាក់​បាយ ដើម្បី​ប្រគេន​ចង្ហាន់​ទៅកាន់​ព្រះសង្ឃ នៅ​សាលាឆាន់​ក្បែរ​នឹង​ច្រាំងទន្លេ។ នៅ​ពេល​នោះ​ដែរ ក៏​មាន​ក្លិនស្អុយ គាត់​ក៏​ដើរ​ទៅ​មើល​ខាងក្រោយ​សាលាឆាន់ ស្រាប់តែ​ប្រទះឃើញ​សព​បុរស​ម្នាក់ ពាក់អាវ​ខ្មៅ​ដៃ​វែង​ ខោវប៊យ​ជើង​ខ្លី ពណ៌​ខៀវ អណ្តែត​ជាប់​នឹង​កំប្លោក ហើម​រលួយ។ ភ្លាមៗ គាត់​ក៏​ប្រញាប់​រាយការណ៍​ជូន​សមត្ថកិច្ច​មូលដ្ឋាន​មកកាន់​ទីតាំង​កើតហេតុ។

បច្ចុប្បន្ន សមត្ថកិច្ច​ជំនាញ​ចក្ខុ​កោសល្យវិច័យ​ធ្វើការ​ត្រួតពិនិត្យ​រួចរាល់ បាន​សន្និដ្ឋាន​ថា សព​មាន​ស្នាម​របួស​ក្បាលជង្គង់​ខាងស្តាំ និង​មាន​រយៈពេល ០៣ ទៅ ០៤ ថ្ងៃ មក​ហើយ (ស្លាប់​ដោយសារ​លោត​ទឹក)៕

អត្ថបទ ៖ រដ្ឋា

The post យកស្រាក់បាយទៅប្រគេនព្រះសង្ឃ ស្រាប់តែប្រទះឃើញសាកសពហើមស្អុយ រលួយ ជាប់កំប្លោក នៅសង្កាត់ព្រែកតាសេក appeared first on Kampuchea Thmey Daily.

តាមរបាយការណ៍សមត្ថកិច្ចប៉ុស្តិ៍នគបាលកាចូន បានឱ្យដឹងថា សាកសពមានឈ្មោះ ចាំភូ វ៉ែង ភេទប្រុស អាយុប្រហែល ៦២ឆ្នាំ ជនជាតិគ្រឹង មុខរបរកសិករ បច្ចុប្បន្នរស់នៅភូមិទៀមលើ ឃុំកាចូន។ សមត្ថកិច្ចបានបញ្ចាក់ថា សាកសពខាងលើ ពិតជាស្លាប់ដោយសារលង់ទឹកប្រាកដមែន។

ប្រពភពីគ្រួសារនៃសព បានប្រាប់ថា គាត់បានបើកទូកទៅស៊ីការបងប្អូន នៅភូមិផាក់ណាម ឃុំកោះពាក្យ រយៈពេល៣ថ្ងៃហើយ ទើបនៅថ្ងៃព្រឹកថ្ងៃទី២៤ ខែ មីនា ឆ្នាំ ២០២៥ នេះប្រជាពលរដ្ឋនៅភូមិវើនសៃ ប្រទះឃើញសាកសព គាប់ជួនពេលនោះប្រជាជននៅភូមិឡាម៉ើយ ឃុំកុកឡាក់ ប្រទះឃើញទូកអណ្តែតទៅដល់ច្រាំងគ្រឿង និងមានអាវកីឡាឈ្មោះ សិស្សអ្នកភូមិទៀមលើ ទើបសមត្ថកិច្ចដឹងពីអត្តសញ្ញាណ ហើយបានប្រគល់សពទៅក្រុមគ្រួសារចាត់ចែងធ្វើបុណ្យតាមប្រពៃណី៕

ដោយ៖ ខៀវ ចាប

The post សាកសពបុរសម្នាក់ ត្រូវបានប្រទះឃើញនៅដងទន្លេសេសាន ខេត្តរតនគិរី appeared first on Kampuchea Thmey Daily.

ហេតុការណ៍​យក​សព​មកប្លុងចោលនេះ បង្កភ្ញាក់ផ្អើលកាលពីវេលាម៉ោង៨និង ៣០នាទីរសៀល ថ្ងៃទី១០ ខែមីនា ឆ្នាំ២០២៥ នៅ​ចំណុច​ដីឡូតិ៍​មួយ​កន្លែង តាមបណ្តោយផ្លូវបេតុង សង្កាត់ស្វាយប៉ាក ខណ្ឌឬស្សីកែវ រាជធានីភ្នំពេញ។

បើតាមការបញ្ជាក់ពីប្រជាពលរដ្ឋបាន​ឱ្យ​ដឹង​ថា នៅវេលាព្រឹកព្រលឹម គាត់បានជិះម៉ូតូឆ្លងកាត់ចំណុចកើតហេតុ បាន​ឃើញពី​ចម្ងាយ មាន​ជនសង្ស័យម្នាក់បានជិះកង់បីខ្មែរ រួមជាមួយស្រ្តីវ័យជាង៣០ឆ្នាំខាងលើ ដោយ​ឃើញ​មាន​ការ​ប្រតាយប្រតប់​គ្នា ធ្វើ​ឱ្យជនសង្ស័យខាងលើវាយក្បាលស្រ្តីរងគ្រោះ នឹង​បាន​ខ្ទប់ដង្ហើម បណ្តាល​ឱ្យ​ស្រ្តីរងគ្រោះស្លាប់ ។ ភ្លាមៗ ជន​សង្ស័យ​បានបន្តជិះកង់បីខ្មែរ មកចំណុចដីឡូតិ៍រួចយកសពស្រ្តីរងគ្រោះទៅបោះចោលក្នុងដីឡូតិ៍ខាងលើ រួច​ក៏​ជិះ​កង់​បី​គេច​ខ្លួន​បាត់ស្រមោលតែម្តង។ ស្របពេលនោះគាត់ក៏ប្រញាប់រាយការណ៍ទៅកាន់សមត្ថកិច្ចមូលដ្ឋាន ដើម្បីចុះមកអន្តរាគមន៍ផងដែរ ។

បច្ចុប្បន្ន សពរងគ្រោះ​ត្រូវ​បាន​សមត្ថកិច្ចយកទៅតម្កល់នៅវត្តស្ទឹងមានជ័យ ។ ចំណែក​ជនសង្ស័យត្រូវ សមត្ថកិច្ចជំនាញកំពុងបើកការស្រាវជ្រាវ ដើម្បីកំណត់មុខសញ្ញាយកមកផ្តន្ទាទោសតាមផ្លូវច្បាប់៕

អត្ថបទ ៖ រដ្ឋា

The post UPDATE ៖ មុន​ប្លុង​សាកសព​ស្ត្រីវ័យជាង៣០ឆ្នាំ​ ជនសង្ស័យ​អាច​វាយ​ក្បាល​ ហើយ​ខ្ទប់​ដង្ហើម appeared first on Kampuchea Thmey Daily.

សាកសពចំនួន១៣៧​ត្រូវបានគេរកឃើញនៅទីក្រុង Rafah ភាគខាងត្បូងហ្គាហ្សានៅថ្ងៃទី២​នៃបទឈប់បាញ់អ៊ីស្រាអែល-ហាម៉ាស ជាមួយនឹង ការដោះលែងចំណាប់​ខ្មាំង​បីនាក់ដំបូងដែលកាន់កាប់ដោយក្រុមហាម៉ាស និងអ្នកទោស​​ប៉ាឡេស្ទីន​៩០នាក់ ពីពន្ធនាគាររបស់អ៊ីស្រាអែល។ .

យោងតាមអាជ្ញាធរសុខាភិបាលក្នុងតំបន់ហ្គាហ្សា ការវាយប្រហាររបស់អ៊ីស្រាអែលលើតំបន់ហ្គាហ្សា បានសម្លាប់ជនជាតិប៉ាឡេស្ទីនជាង ៤៧០០០នាក់ ដែលភាគច្រើនជាស្ត្រី និងកុមារ និងជាង១១​​ម៉ឺនានក់​នាក់រងរបួស។ ប៉ុន្តែ​ទីភ្នាក់ងារ​ការពារ​ជនស៊ីវិល​ប៉ាឡេស្ទីន​បាន​និយាយ​ថា​ ខ្លួន​បាន​ប៉ាន់​ស្មាន​ថា​មាន​សាកសព​ចំនួន ១ម៉ឺន​នាក់​នៅ​ក្រោមស្ថិតនៅក្រោមគំនរបាក់បែក។

លោក Mahmoud Basal អ្នកនាំពាក្យនៃ​កង​កម្លាំង​សង្គ្រោះបន្ទាន់ស៊ីវិលប៉ាឡេស្ទីនប្រចាំតំបន់ហ្គាហ្សាបាននិយាយថា យ៉ាងហោចណាស់សាកសពចំនួន ២៨៤០ នាក់ ត្រូវបានរលាយមិនអាចរកឃើញ។ ទន្ទឹមនឹងនេះ អ្នកស្រុកជាច្រើនដែលបានផ្លាស់ទីលំនៅត្រឡប់ទៅផ្ទះរបស់ពួកគេវិញបានរកឃើញថាពួកគេស្ទើរតែមិនអាចស្គាល់ស្រុកកំណើតពួកគេបានដោយសារតែការបំផ្លិចបំផ្លាញពីសង្គ្រាមជាង១៥ខែ។

ការវាយតម្លៃការខូចខាតរបស់អង្គការសហប្រជាជាតិដែលបានចេញផ្សាយក្នុងខែនេះបានបង្ហាញថាការបោសសម្អាតកម្ទេចកម្ទីជាង ៥០ លានតោនដែលបន្សល់ទុកបន្ទាប់ពីការទម្លាក់គ្រាប់បែករបស់អ៊ីស្រាអែលអាចចំណាយពេល ២១ ឆ្នាំ និងចំណាយប្រាក់រហូតដល់ ១.២ពាន់លានដុល្លារ។

របាយការណ៍របស់អង្គការសហប្រជាជាតិកាលពីឆ្នាំមុនបាននិយាយថា ការសាងសង់ផ្ទះដែលត្រូវបានខូចខាតនៅហ្គាហ្សាឡើងវិញអាចចំណាយពេលយ៉ាងហោចណាស់រហូតដល់ឆ្នាំ ២០៤០ ប៉ុន្តែអាចបន្តអស់រយៈពេលជាច្រើនទសវត្សរ៍។ មន្ត្រីកម្មវិធីអភិវឌ្ឍន៍របស់អង្គការសហប្រជាជាតិបាននិយាយកាលពីថ្ងៃអាទិត្យថា ការអភិវឌ្ឍន៍នៅតំបន់ហ្គាហ្សាត្រូវបានកំណត់ត្រឡប់ថយក្រោយមកវិញក្នុងរយៈពេល៦៩ឆ្នាំ ដោយសារតែជម្លោះ៕

អត្ថបទ៖ ប៊ុន សុភាព

The post ​រក​ឃើញ​សាកសព​រាប់​សិប​នាក់​នៅ​តំបន់​ហ្គាហ្សា​ចំពេល​បទ​ឈប់​បាញ់​រវាង​អ៊ីស្រាអែល​និង​ក្រុម​ហាម៉ាស appeared first on Kampuchea Thmey Daily.

ព្រះរាជអាជ្ញា Veronica Hernandez បានប្រាប់អ្នកយកព័ត៌មានថា ជនសង្ស័យ ៦ នាក់ត្រូវបានឃុំខ្លួន បន្ទាប់ពីរកឃើញករណីឃាតកម្មក្នុងទីក្រុង Poza Rica ។

ការរកឃើញនេះត្រូវបានធ្វើឡើងកាលពីថ្ងៃអាទិត្យ ទី១៣ ខែសីហា ខណៈប៉ូលិសបានដេញតាមជនសង្ស័យម្នាក់ដល់អគារមួយដែលធ្លាប់មានករណីចាប់ជំរិតមនុស្ស ៣ នាក់ ។ បន្ទាប់​មក​ប៉ូលិស​បាន​ធ្វើ​ប្រតិបត្តិការ​នៅ​​តំបន់​នោះ ទើប​រក​ឃើញសាកសព​នៅ​កន្លែង​ផ្សេង​ៗទៀត ​។

សូមជម្រាបថា Veracruz គឺជាតំបន់សម្បូរអំពើហឹង្សាបំផុតរបស់ម៉ិកស៊ិក ដោយសារការប្រយុទ្ធគ្នារវាងក្រុមគូប្រជែង ដើម្បីគ្រប់គ្រងផ្លូវជួញដូរគ្រឿងញៀន ។

ជាមួយគ្នានោះ ប្រទេសអាមេរិកឡាទីនបានកត់ត្រាករណីឃាតកម្មជាង ៤០០ ០០០ តាំងពីការចាប់ផ្តើមនៃការវាយលុកប្រឆាំងគ្រឿងញៀនយោធាដ៏ចម្រូងចម្រាសក្នុងឆ្នាំ ២០០៦ ។

ចំណែកឯការបាត់ខ្លួនក៏មានច្រើនជាង ១១០ ០០០ ករណីទៅទៀត ចាប់តាំងពីឆ្នាំ ១៩៦២ មក ដែលភាគច្រើនត្រូវបានសន្មតថាជា ឧក្រិដ្ឋកម្ម ៕

ប្រែសម្រួល៖ វារី

ប្រភព៖ CNA

ចុចអាន៖ ស្រ្តីជនជាតិកូរ៉េ សម្លាប់កូនពីរនាក់ ក្លាស្សេទូរទឹកកកជិត ៥ឆ្នាំ ទើបបែកធ្លាយដល់ប៉ូលិស

The post រកឃើញសាកសពមនុស្ស ១៣ នាក់ក្នុងទូទឹកកក នៅប្រទេសម៉ិកស៊ិក appeared first on Kampuchea Thmey Daily.