សន្តិសុខសង្គម

យកស្រាក់បាយទៅប្រគេនព្រះសង្ឃ ស្រាប់តែប្រទះឃើញសាកសពហើមស្អុយ រលួយ ជាប់កំប្លោក នៅសង្កាត់ព្រែកតាសេក

បានផុស

១២ ខែ មុន

នៅ

ថ្ងៃព្រហស្បតិ៍ ១៧ កក្កដា ២០២៥

ដោយ

សាកសពអណ្ដែតលើផ្ទៃទន្លេសាបដែលមានរយៈពេលប្រមាណ ០៣ ទៅ ០៤ ថ្ងៃ បានរសាត់អណ្តែតទៅជាប់ជាមួយកំប្លោកក្បែរច្រាំង ក្នុងសង្កាត់ព្រែកតាសេក ផ្អើលប្រជាពលរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបង្កការភ្ញាក់ផ្អើលកាលពីវេលាម៉ោង ០៨ និង ២០ នាទីព្រឹក ថ្ងៃទី ១៧ ខែកក្កដា ឆ្នាំ ២០២៥ ស្ថិតនៅចំណុចច្រាំងទន្លេសាប ក្បែរសាលាឆាន់ ក្នុងសង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ។

តាមប្រភពព័ត៌មានពីកូនសិស្សរបស់ព្រះសង្ឃ ប្រាប់ឲ្យដឹងថា មុនប្រទះឃើញសព គាត់បានយកស្រាក់បាយ ដើម្បីប្រគេនចង្ហាន់ទៅកាន់ព្រះសង្ឃ នៅសាលាឆាន់ក្បែរនឹងច្រាំងទន្លេ។ នៅពេលនោះដែរ ក៏មានក្លិនស្អុយ គាត់ក៏ដើរទៅមើលខាងក្រោយសាលាឆាន់ ស្រាប់តែប្រទះឃើញសពបុរសម្នាក់ ពាក់អាវខ្មៅដៃវែង ខោវប៊យជើងខ្លី ពណ៌ខៀវ អណ្តែតជាប់នឹងកំប្លោក ហើមរលួយ។ ភ្លាមៗ គាត់ក៏ប្រញាប់រាយការណ៍ជូនសមត្ថកិច្ចមូលដ្ឋានមកកាន់ទីតាំងកើតហេតុ។

បច្ចុប្បន្ន សមត្ថកិច្ចជំនាញចក្ខុកោសល្យវិច័យធ្វើការត្រួតពិនិត្យរួចរាល់ បានសន្និដ្ឋានថា សពមានស្នាមរបួសក្បាលជង្គង់ខាងស្តាំ និងមានរយៈពេល ០៣ ទៅ ០៤ ថ្ងៃ មកហើយ (ស្លាប់ដោយសារលោតទឹក)៕

អត្ថបទ ៖ រដ្ឋា