សន្តិសុខសង្គម

UPDATE ៖ មុនប្លុងសាកសពស្ត្រីវ័យជាង៣០ឆ្នាំ ជនសង្ស័យអាចវាយក្បាល ហើយខ្ទប់ដង្ហើម

បានផុស

៣ ថ្ងៃ មុន

នៅ

ថ្ងៃចន្ទ ១០ មីនា ២០២៥

ដោយ

ភ្នំពេញ ៖ សពស្រ្តីវ័យជាង៣០ឆ្នាំម្នាក់ ត្រូវបានជនសង្ស័យ ប្រើហិង្សាវាយក្បាល នឹងខ្ទប់ដង្ហើម ទើបបណ្តាលឱ្យស្លាប់រួចយកទៅប្លុងចោលនៅដីឡូតិ៍ ផ្អើលពលរដ្ឋនឹងសមត្ថកិច្ច ចុះអន្តរាគមន៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍យកសពមកប្លុងចោលនេះ បង្កភ្ញាក់ផ្អើលកាលពីវេលាម៉ោង៨និង ៣០នាទីរសៀល ថ្ងៃទី១០ ខែមីនា ឆ្នាំ២០២៥ នៅចំណុចដីឡូតិ៍មួយកន្លែង តាមបណ្តោយផ្លូវបេតុង សង្កាត់ស្វាយប៉ាក ខណ្ឌឬស្សីកែវ រាជធានីភ្នំពេញ។

បើតាមការបញ្ជាក់ពីប្រជាពលរដ្ឋបានឱ្យដឹងថា នៅវេលាព្រឹកព្រលឹម គាត់បានជិះម៉ូតូឆ្លងកាត់ចំណុចកើតហេតុ បានឃើញពីចម្ងាយ មានជនសង្ស័យម្នាក់បានជិះកង់បីខ្មែរ រួមជាមួយស្រ្តីវ័យជាង៣០ឆ្នាំខាងលើ ដោយឃើញមានការប្រតាយប្រតប់គ្នា ធ្វើឱ្យជនសង្ស័យខាងលើវាយក្បាលស្រ្តីរងគ្រោះ នឹងបានខ្ទប់ដង្ហើម បណ្តាលឱ្យស្រ្តីរងគ្រោះស្លាប់ ។ ភ្លាមៗ ជនសង្ស័យបានបន្តជិះកង់បីខ្មែរ មកចំណុចដីឡូតិ៍រួចយកសពស្រ្តីរងគ្រោះទៅបោះចោលក្នុងដីឡូតិ៍ខាងលើ រួចក៏ជិះកង់បីគេចខ្លួនបាត់ស្រមោលតែម្តង។ ស្របពេលនោះគាត់ក៏ប្រញាប់រាយការណ៍ទៅកាន់សមត្ថកិច្ចមូលដ្ឋាន ដើម្បីចុះមកអន្តរាគមន៍ផងដែរ ។

បច្ចុប្បន្ន សពរងគ្រោះត្រូវបានសមត្ថកិច្ចយកទៅតម្កល់នៅវត្តស្ទឹងមានជ័យ ។ ចំណែកជនសង្ស័យត្រូវ សមត្ថកិច្ចជំនាញកំពុងបើកការស្រាវជ្រាវ ដើម្បីកំណត់មុខសញ្ញាយកមកផ្តន្ទាទោសតាមផ្លូវច្បាប់៕

អត្ថបទ ៖ រដ្ឋា