កាលពីថ្ងៃទី០១ ខែកក្កដា ឆ្នាំ២០២៦ នេះ សាលាដំបូងខេត្តកណ្តាល បានចេញសេចក្តីប្រកាសព័ត៌មានស្តីពី ការសម្រេចឃុំខ្លួនបណ្តោះអាសន្នលើជនត្រូវចោទចំនួន ៣នាក់ ជាប់ពាក់ព័ន្ធនឹងករណីហិង្សាដោយចេតនា និងចាប់បង្ខាំងមនុស្សដោយខុសច្បាប់ ដែលបានកើតឡើងនៅក្នុងក្រុងអរិយក្សត្រ។

យោងតាមអ្នកនាំពាក្យសាលាដំបូងខេត្តកណ្តាល បានឱ្យដឹងថា កាលពីថ្ងៃទី៣០ ខែមិថុនា ឆ្នាំ២០២៦ តុលាការបានទទួលចាត់ការលើសំណុំរឿងព្រហ្មទណ្ឌលេខ ១៤៩៣ អ.ក ចុះថ្ងៃទី២៧ ខែមិថុនា ឆ្នាំ២០២៦។ នៅក្នុងសំណុំរឿងនេះ មានជនត្រូវចោទចំនួន ៣នាក់ បានជិះរថយន្តមួយគ្រឿងម៉ាក Ford ពណ៌ស ពាក់ស្លាកលេខ ភ្នំពេញ 2BU-5414 ទៅធ្វើសកម្មភាពចាប់ក្របួចកអាវជនរងគ្រោះឈ្មោះ ចាន់ ណារ៉ុង ញាត់បញ្ចូលក្នុងរថយន្ត និងបានប្រើហិង្សាទៅលើជនរងគ្រោះថែមទៀតផង ដោយហេតុការណ៍នេះបានកើតឡើងនៅចំណុចផ្ទះជនរងគ្រោះ ក្នុងភូមិព្រែកតាកូវ សង្កាត់ព្រែកតាកូវ ក្រុងអរិយក្សត្រ ខេត្តកណ្តាល។

ប្រភពដដែលបានបន្តថា បន្ទាប់ពីចាប់បង្ខាំងរួច ក្រុមជនត្រូវចោទបានឌុបជនរងគ្រោះឆ្លងតាមកំពង់ចម្លងស្វាយជ្រំ។ លុះធ្វើដំណើរជិតដល់ត្រើយម្ខាង (ខាងជ្រោយចង្វារ) ជនរងគ្រោះបានសុំចុះពីលើរថយន្តដើម្បីបត់ជើងតូច ហើយក៏បានឆ្លៀតឱកាសលោតចុះពីលើទូកដរចូលទៅក្នុងទឹកទន្លេ បណ្តាលឱ្យលិចបាត់ស្រមោលតែម្តង។រហូតមកដល់ថ្ងៃទី១៩ ខែមិថុនា ឆ្នាំ២០២៦ ទើបសមត្ថកិច្ចបានរកឃើញសាកសពជនរងគ្រោះ អណ្តែតមកទើនៅចំណុចមាត់ច្រាំងទន្លេមេគង្គ កោះនរា សង្កាត់និរោធ ខណ្ឌច្បារអំពៅ រាជធានីភ្នំពេញ។

ផ្អែកលើឯកសារ និងភស្តុតាងនានាដែលមាននៅក្នុងសំណុំរឿង ចៅក្រមស៊ើបសួរនៃសាលាដំបូងខេត្តកណ្តាល បានសម្រេចចេញដីកាឃុំខ្លួនបណ្តោះអាសន្នលើជនត្រូវចោទទាំង ៣នាក់ នៅក្នុងពន្ធនាគារខេត្តកណ្តាល ដើម្បីបន្តកិច្ចស៊ើបសួរទៅតាមនីតិវិធីច្បាប់៕

The post សាលាដំបូងខេត្តកណ្តាល ឃុំខ្លួនអធិការរងខណ្ឌជ្រោយចង្វារម្នាក់ និងបក្សពួក២នាក់ ពីបទហិង្សានិងបង្ខាំងមនុស្សខុសច្បាប់ appeared first on Kampuchea Thmey Daily.

យោងតាមការបញ្ជាក់របស់លោក ខា ដែនណា អ្នកនាំពាក្យអយ្យការ និងលោក សូ សារិន អ្នកនាំពាក្យសាលាដំបូងខេត្តកណ្ដាល កាលពីថ្ងៃទី២៦ ខែមិថុនា ឆ្នាំ២០២៦ បានឱ្យដឹងថា ជនសង្ស័យទាំងអស់ត្រូវបានបញ្ជូនទៅឃុំខ្លួន ដើម្បីរង់ចាំការកាត់ទោសតាមច្បាប់។

ករណីទី១៖ ក្រុមក្មេងទំនើង ៥នាក់ កាន់កាំបិតផ្គាក់ និងចំពាមកៅស៊ូ ជិះម៉ូតូបង្អើលអ្នកភូមិ ករណីនេះបានកើតឡើងកាលពីថ្ងៃទី១៤ ខែមិថុនា ឆ្នាំ២០២៦ នៅភូមិទួលស្រម៉រ ឃុំពើក ស្រុកអង្គស្នួល។ ក្រុមក្មេងទំនើងចំនួន ៥នាក់ បានបំពាក់ដោយកាំបិតផ្គាក់ ដំបង និងចំពាមកៅស៊ូ ជិះម៉ូតូប្រសាចពេញផ្លូវ បង្កការភិតភ័យដល់ប្រជាពលរដ្ឋ រហូតមានឈានដល់ការឃាត់ខ្លួន។ ក្រោយការសាកសួរ លោក លាង អ៊ូ ព្រះរាជអាជ្ញារង បានចោទប្រកាន់ពីបទ៖ «កាន់កាប់អាវុធដោយគ្មានការអនុញ្ញាត» តាមបញ្ញត្តិមាត្រា ៤៩០ នៃក្រមព្រហ្មទណ្ឌ ហើយត្រូវបានចៅក្រម លោក ហោ ពិសី សម្រេចឃុំខ្លួនដាក់ពន្ធនាគារ។

ជនសង្ស័យទាំង ៥នាក់ (គ្មានសារធាតុញៀន)៖ ១. ឈឿន រតន: (ហៅណាក់) (អ្នកកាន់កាំបិត) , ឈ្មោះ ពៅ សោភណ្ឌ (អ្នកកាន់ចំពាម) ,ឈ្មោះ ទី ប៊ុនហេង ,ឈ្មោះសែន វិចិត្រ និង ឈ្មោះ ហឿន ផានី

ករណីទី២៖ “ក្រុមប្លុកតាន់” មានគ្នា ១៤នាក់ ដេញកាប់ប្រហារយុវជន ៦នាក់ ឱ្យរបួសធ្ងន់ ករណីហិង្សាដោយចេតនានេះ បានកើតឡើងនៅថ្ងៃទី១៤ ខែមិថុនា ឆ្នាំ២០២៦ ដូចគ្នា ស្ថិតនៅភូមិត្រពាំងសុក្រុំ ឃុំបែកចាន ស្រុកអង្គស្នួល។ ក្រុមក្មេងទំនើងដែលមានរហ័សនាម “ក្រុមប្លុកតាន់” មានគ្នា ១៤នាក់ បានធ្វើសកម្មភាពកាប់ប្រហារទៅលើក្រុមយុវជនរងគ្រោះមានគ្នា ៦នាក់ បណ្តាលឱ្យរងរបួស។ក្រោមប្រតិបត្តិការរួមគ្នារវាងសមត្ថកិច្ចស្រុកអង្គស្នួល និងសមត្ថកិច្ចរាជធានីភ្នំពេញ ជនសង្ស័យចំនួន ៧នាក់ ត្រូវបានចាប់ក្របួចខ្លួន ខណៈ ៧នាក់ទៀតកំពុងគេចខ្លួន។

ចំពោះករណីនេះ លោកស្រី ផាត់ សគន្ធថង តំណាងអយ្យការ បានចោទប្រកាន់ពីបទ៖ «ហិង្សាដោយចេតនាមានស្ថានទម្ងន់ទោស និងធ្វើឲ្យខូចខាតដោយចេតនា» តាមបញ្ញត្តិមាត្រា ២១៨ និង ៤១០ នៃក្រមព្រហ្មទណ្ឌ។ លោកចៅក្រម ម៉ាង ណុល បានសម្រេចឃុំខ្លួនអ្នកមានខ្លួនទាំង ៧នាក់ និងកាត់ទោសកំបាំងមុខចំពោះបក្ខពួកដែលកំពុងគេចខ្លួន។

បច្ចុប្បន្ន សមត្ថកិច្ចជំនាញកំពុងតែបន្តស្រាវជ្រាវយ៉ាងក្តៅគគុក ដើម្បីតាមស្រាវជ្រាវបក្ខពួកក្រុមដេញកាប់ប្រហារដែលកំពុងគេចខ្លួនទាំង ៧នាក់នោះ យកមកផ្តន្ទាទោសទៅតាមផ្លូវច្បាប់បន្ថែមទៀត៕

The post តុលាការខេត្តកណ្ដាល សម្រេចឃុំខ្លួនក្រុមក្មេងទំនើង ១៩នាក់ ដាក់ពន្ធនាគារ លើករណី ២ផ្សេងគ្នា នៅស្រុកអង្គស្នួល appeared first on Kampuchea Thmey Daily.

តាមសេចក្ដីប្រកាសព័ត៌មានរបស់សាលាដំបូងខេត្តកណ្ដាល ជនត្រូវចោទជាប្ដីមានឈ្មោះ គឹម វណ្ណា អាយុ៣៥ឆ្នាំ ត្រូវបានចោទប្រកាន់ពីបទ ចាប់ឃុំឃាំង និងបង្ខាំងដោយខុសច្បាប់ មានស្ថានទម្ងន់ទោស ឃាតកម្មដែលមានស្ថានទម្ងន់ទោសទាក់ទងអាយុជនរងគ្រោះ តាមបញ្ញាត្តិមាត្រា ២៥៤ និងមាត្រា ២០២ នៃក្រមព្រហ្មទណ្ឌ។ និងឈ្មោះ ធី ណារ៉ុង អាយុ២៧(ជាប្រពន្ធ) ត្រូវបានចោទប្រកាន់ពីបទ សមគំនិតក្នុងអំពើចាប់ឃុំឃាំង និងបង្ខាំងដោយខុសច្បាប់ មានស្ថានទម្ងន់ទោស ឃាតកម្មដែលមានស្ថានទម្ងន់ទោសទាក់ទងអាយុជនរងគ្រោះ តាមបញ្ញាត្តិមាត្រា ២៩ និងមាត្រា២៥៤ និងមាត្រា ២០២ នៃក្រមព្រហ្មទណ្ឌ។

គួរជម្រាបថា ករណីចាប់ជំរិតក្មេងស្រីអាយុ៥ឆ្នាំ បានកើតឡើងកាលពីថ្ងៃទី១០ ខែឧសភា ឆ្នាំ២០២៦ នៅចំណុចផ្ទះជនដៃដល់ឈ្មោះ គីម វណ្ណា ស្ថិតនៅភូមិកូនជ្រែ ឃុំព្រែកអំបិល ស្រុកស្អាង ខេត្តកណ្ដាល។ ជនសង្ស័យជាប្ដីត្រូវបានកម្លាំងសមត្ថកិច្ចឃាត់ខ្លួនបានក្រោយកើតហេតុ ចំណែកជនសង្ស័យជាប្រពន្ធត្រូវបានឃាត់ខ្លួននៅថ្ងៃទី១៤ ខែឧសភា ឆ្នាំ២០២៦ បន្ទាប់ពីកិច្ចប្រតិបត្តិការយ៉ាងសកម្ម និងហ្មត់ចត់របស់ស្នងការដ្ឋាននគរបាលខេត្តកណ្តាល សហការជាមួយអង្គភាពជំនាញពាក់ព័ន្ធ ពិនិត្យ និងវិភាគយ៉ាងល្អិតល្អន់ទៅលើភស្តុតាង និងអង្គហេតុជុំវិញការស្លាប់របស់ជនរងគ្រោះ។ ជនសង្ស័យត្រូវបានគេស្គាល់ថា គឺជាពូសាច់ថ្លៃ និងម្ដាយមីងបង្កើតរបស់ក្មេងស្រីជនរងគ្រោះ បានផ្ញើសារគំរាមឪពុកម្ដាយក្មេងរងគ្រោះ និងជំរិតទារប្រាក់ចំនួន១ម៉ឺនដុល្លារជាថ្នូរនឹងការដោះលែងកូនស្រី។ ក្រោយពីទទួលបានសារពីជនសង្ស័យ ឪពុកម្ដាយក្មេងស្រីរងគ្រោះបានដាក់ពាក្យបណ្ដឹងឲ្យសមត្ថកិច្ចជួយអន្តរាគមន៍តែជនគ្រោះបានស្លាប់បាត់ទៅហើយ៕

The post ករណីជំរិតទារប្រាក់នៅខេត្តកណ្ដាល ៖ តុលាការសម្រេច ឃុំខ្លួនជនត្រូវចោទពីរនាក់ប្ដីប្រពន្ធដាក់ពន្ធនាគារ appeared first on Kampuchea Thmey Daily.

ដោយអនុវត្តតាមបទបញ្ជារបស់ លោកឧត្តមសេនីយ៍ទោ ឈឿន សុចិត្ត ស្នងការនៃស្នងការដ្ឋាននគរបាលខេត្តកណ្តាល កាលថ្ងៃទី១១ខែឧសភាឆ្នាំ២០២៦ កម្លាំងជំនាញព្រហ្មទណ្ឌក្រុងតាខ្មៅ រួមនឹងប៉ុស្តិ៍នគរបាលរដ្ឋបាលសិត្បូ ដឹកនាំដោយ លោកវរសេនីយ៍ឯក យី វណ្ណដា អធិការនៃអធិការដ្ឋាននគរបាលក្រុងតាខ្មៅ ធ្វើការស្រាវជ្រាវឈានដល់ការឃាត់ខ្លួន ជនសង្ស័យ៥នាក់ ក្នុងចំណោម៧នាក់ បានប្រព្រឹត្តិ ករណីហិង្សាដោយចេតនា និងធ្វើឲ្យខូចខាតដោយចេតនា (បង្កឡើងដោយក្មេងទំនើង) ចំណុចភូមិសិត្បូ សង្កាត់សិត្បូ ក្រុងតាខ្មៅ ខេត្តកណ្តាល។

ក្នុងប្រតិ្តបតិការនេះឃាត់ជនសង្ស័យបានចំនួន៥នាក់ ឈ្មោះ សុផាត ផាន់ណា ភេទប្រុស អាយុ១៣ឆ្នាំ, ឈ្មោះ រដ្ឋ សុខហេង ភេទប្រុស អាយុ១៦ឆ្នាំ, ឈ្មោះ បូ សម្បត្តិ ភេទប្រុស អាយុ១៥ឆ្នាំ, ឈ្មោះ ហ៊ន់ គីមហ៊ួន ភេទប្រុស អាយុ១៥ឆ្នាំ, ឈ្មោះ បញ្ញា ងួនហ៊ង ហៅស្វិត ភេទប្រុស អាយុ១៥ឆ្នាំ។

នៅចំពោះមុខសមត្ថកិច្ ចជនសង្ស័យបាននាំគ្នាឆ្លើយសារភាពថាពួកខ្លួនពិតជាបានធ្វើសកម្មភាពយកដុំថ្មគុបទៅលើជនរងគ្រោះ ដោយសាខឹងជនរងគ្រោះជេរពួកខ្លួនតាមTiKTOK កាលពីប៉ុន្មានថ្ងៃមុន ធ្វើឲ្យពួកខ្លួនខឹងក៏យកដុំថ្មមកគុបលើ ជនរងគ្រោះប្រាកដមែន។

បច្ចុប្បន្នក្រុមក្មេងទំនើងទំាង៥នាក់ក្នុងចំណោម៧នាក់ ត្រូវបានបញ្ជូនទៅអយ្យការអមសាលាដំបូងដើម្បីបន្តរនីតិវិធី៕

The post ទាស់ពាក្យសម្ដីតាមបណ្តាញសង្គម ក្មេងទំនើងមួយក្រុម យកដុំថ្មគប់ បំផ្លាញម៉ូតូជនរងគ្រោះ ត្រូវសមត្ថកិច្ចឃាត់បញ្ជូនទៅតុលាការ appeared first on Kampuchea Thmey Daily.

អនុវត្តតាមបទបញ្ជា លោកឧត្តមសេនីយ៍ទោ ឈឿន សុចិត្ត ស្នងការនៃស្នងការដ្ឋាននគរបាលខេត្តកណ្តាល កម្លាំងជំនាញព្រហ្មទណ្ឌ អធិការដ្ឋានគរបាលក្រុងតាខ្មៅ សហការជាមួយជំនាញខេត្ត បើកការស្រាវជ្រាវ ករណីហិង្សាដោយចេតនានិងធ្វើឲ្យខូចខាតដោយចេតនា(បង្កឡើងដោយក្មេងទំនើង) កើតហេតុថ្ងៃទី២៩ខែមេសាឆ្នាំ២០២៦ ម៉ោង១៩និង០០នាទី ចំណុចក្រោយសាលារៀនសុវណ្ណភូមិ ស្ថិតនៅភូមិតាខ្មៅ២ សង្កាត់តាខ្មៅ ក្រុងតាខ្មៅ ខេត្តកណ្តាល ឈានដល់ការឃាត់ខ្លួនជនសង្ស័យបានចំនួន៣នាក់ រហ័សនាមក្រុម(Moon កែង)

ឈ្មោះ ឃុន ខុនគីមូន ភេទប្រុស អាយុ១៩ឆ្នាំ, ឈ្មោះបែន ចេស្តា ហៅនាថ ភេទប្រុស អាយុ២០ឆ្នាំ ជនជាតិខ្មែរ, ឈ្មោះង្វៀង យ៉ាំងលឿង ហៅជា ភេទប្រុស អាយុ១៨ឆ្នាំ។ ចំពោះបក្ខពួកផ្សេងទៀតដែរកំពុងរត់គេចខ្លួនកម្លាំងជំនាញកំពុងតាមស្រាវជ្រាវដើម្បីឃាត់ខ្លួនមកអនុវត្តច្បាប់បន្ត។

បច្ចុប្បន្នជនសង្ស័យបានបញ្ជូនទៅអយ្យការអមសាលាដំបូងខេត្តកណ្តាលដើម្បីបន្តរនីតិវិធី។

The post សមត្ថកិច្ចក្រុងតាខ្មៅស្រាវជ្រាវ បង្រ្កាបក្រុមក្មេងទំនើង ០៣នាក់បញ្ជូនទៅតុលាការពាក់ព័ន្ធករណីកាប់បំផ្លាញម៉ូតូជនរងគ្រោះ appeared first on Kampuchea Thmey Daily.

លោកវរសេនីយ៍ឯក ព្រុំ សំណាង អធិការនគរបាលស្រុកកៀនស្វាយ បានឲ្យដឹងថា ជនសង្ស័យទាំង ៤នាក់ ដែលត្រូវឃាត់ខ្លួនរួមមាន ឈ្មោះ អឿន ជ័យរដ្ឋ (ប្រុស២១ឆ្នាំ) , ឈ្មោះ ង៉ិ ស្រីនិត (ស្រី, ២២ឆ្នាំ) ,ឈ្មោះ ធី វឌ្ឍនា ហៅ ហ៊រ (ប្រុស, ២៣ឆ្នាំ) និង ឈ្មោះ ខុម សុខធារ៉ា ហៅ អុំ (ប្រុស, ២៩ឆ្នាំ)។ សមត្ថកិច្ចបានដកហូតវត្ថុតាងមានម្សៅក្រាមពណ៌សថ្លាសង្ស័យជាម៉ាទឹកកក ៧កញ្ចប់តូច សម្ភារៈប្រើប្រាស់ និងវេចខ្ចប់មួយចំនួន ជញ្ជីងថ្លឹង ១ ទូរស័ព្ទដៃ ៣គ្រឿង និងក្រដាសវេលុយវីង ២សន្លឹក។ លោកអធិការបានបន្តថា មុនពេលឈានដល់ការឃាត់ខ្លួនខាងលើ គឺមានប្រជាពលរដ្ឋបានរាយការណ៍ថាមានសកម្មភាពជួញដូរ និងប្រើប្រាស់គ្រឿងញៀននៅផ្ទះរបស់ឈ្មោះ អឿន ជ័យរដ្ឋ ក្នុងភូមិព្រែកស្វាយ២។ ភ្លាមៗនោះ កម្លាំងប៉ុស្តិ៍ឈើទាល និងកម្លាំងផ្នែកប្រឆាំងគ្រឿងញៀនបានចុះដល់កន្លែងកើតហេតុ ឃាត់ខ្លួនម្ចាស់ផ្ទះឈ្មោះ អឿន ជ័យរដ្ឋ និងឈ្មោះង៉ិ ស្រីនិត រួមទាំងដកហូតបានថ្នាំញៀន ៦កញ្ចប់តូច។

នៅចំពោះមុខសមត្ថកិច្ច ពួកគេបានសារភាពថាថ្នាំញៀននេះគឺទិញពីឈ្មោះ ហ៊រ ក្នុងតម្លៃ ៥ម៉ឺនរៀល ដើម្បីយកមកវេចខ្ចប់លក់បន្ត ហើយឈ្មោះ ង៉ិ ស្រីនិត បានបញ្ជាក់ថា ឈ្មោះ ហ៊រ ធ្លាប់ប្រាប់ថាយកថ្នាំញៀនពីបងអុំ មកឲ្យពួកគេ។

លោកអធិការបានបញ្ជាក់ទៀតថា ផ្អែកតាមចម្លើយសារភាព កាលពីថ្ងៃទី៣១ មីនា ២០២៦ វេលាម៉ោង ១៤ និង៥០នាទី កម្លាំងជំនាញបានបន្តនីតិវិធីចុះទៅដល់ផ្ទះរបស់ឈ្មោះ ខុម សុខធារ៉ា ហៅ អុំ នៅសង្កាត់កោះអន្លង់ចិន ក្រុងតាខ្មៅ រួចឃាត់ខ្លួនរូបគេ និងឈ្មោះធី វឌ្ឍនា ហៅ ហ៊រ ព្រមទាំងដកហូតបានថ្នាំញៀន ១កញ្ចប់តូចបន្ថែមទៀត។ ពេលសាកសួរ ឈ្មោះ ហ៊រ បានសារភាពថាខ្លួនពិតជាបានយកថ្នាំញៀនពីឈ្មោះ អុំ ទៅលក់បន្តប្រាកដមែន។ ចំណែកឈ្មោះ អុំ ក៏បានសារភាពដែរថា ខ្លួនធ្លាប់ឲ្យថ្នាំញៀនទៅឈ្មោះ ហ៊រ ប្រហែល ៣០០ដងមកហើយ ដោយថ្នាំញៀនទាំងនោះខ្លួនបានទិញពីបុរសម្នាក់នៅម្ដុំវត្តព្រែកប្រា ចំនួនកន្លះគីឡូក្រាមក្នុងតម្លៃ ៤ពាន់ដុល្លារ ដោយបានប្រគល់លុយឲ្យមុន ២ពាន់៦រយដុល្លារ។

បច្ចុប្បន្នជនសង្ស័យទាំង ៤នាក់ ត្រូវបានកម្លាំងសមត្ថកិច្ចស្រុកកៀនស្វាយ កសាងសំណុំរឿងបញ្ជូនទៅតុលាការ ដើម្បីចាត់ការតាមនីតិវិធីច្បាប់៕

The post សមត្ថកិច្ចជំនាញស្រុកកៀនស្វាយ បញ្ជូនក្រុមជួញដូរគ្រឿងញៀនប្រុសស្រី៤នាក់ ទៅសាលាដំបូងខេត្តកណ្ដាល appeared first on Kampuchea Thmey Daily.

យោង​តាម​សេចក្ដីប្រកាស​របស់​សាលាដំបូង​ខេត្ត​កណ្ដាល បាន​ឲ្យ​ដឹង​ថា ជនជាប់ចោទ ឈ្មោះ ឆេង ស្រីរ័ត្ន ហៅ «Love Riya» ត្រូវ​បាន​តុលាការ​សម្រេច​ឃុំខ្លួន​ក្រោម​បទចោទប្រកាន់​ចំនួន ០២ ដោយ​បទល្មើស ញុះញង់​ឲ្យ​មាន​ការ​រើសអើង និង ធ្វើ​ឲ្យ​ខូច​ទឹកចិត្ត​កងទ័ព ប្រព្រឹត្ត​នៅ​ចំណុច​បុរី ML ស្ថិត​នៅ​ភូមិ​កំពង់​សំណាញ់ ០១ សង្កាត់​កំពង់​សំណាញ់ ក្រុង​តាខ្មៅ ខេត្ត​កណ្តាល កាលពី​ថ្ងៃ​ទី ០៦ និង​ថ្ងៃ​ទី ១៣ ខែ​សីហា ឆ្នាំ ២០២៥ បទល្មើស​ព្រហ្មទណ្ឌ​ដែល​ចែង​ឲ្យ​ផ្ដន្ទាទោស​តាម​មាត្រា ៤៧២ និង​មាត្រា ៤៩៦ នៃ​ក្រមព្រហ្មទណ្ឌ។

គួរ​រំលឹក​ថា កាលពី​ព្រឹក​ថ្ងៃ​ទី ១៤ ខែ​សីហា ឆ្នាំ ២០២៥ កម្លាំង​ជំនាញ នៃ​ស្នងការដ្ឋាន​នគរបាល​ខេត្ត​កណ្ដាល បាន​ចុះ​ទៅ​ឡោមព័ទ្ធ និង​ឃាត់ខ្លួន​ថៅកែ​លក់​ឡេ Love Riya ស្ថិត​នៅ​ភូមិគ្រឹះ​ក្នុង​បុរី ML ក្រុង​តាខ្មៅ ខេត្ត​កណ្ដាល ដើម្បី​សាកសួរ៕

អត្ថបទ ៖ រដ្ឋា

The post សាលាដំបូងខេត្តកណ្ដាល សម្រេចឃុំខ្លួនអ្នកលក់ឡេ Love Riya ក្រោមបទចោទប្រកាន់ «ញុះញង់ឲ្យមានការរើសអើង និងធ្វើឲ្យខូចទឹកចិត្តកងទ័ព» appeared first on Kampuchea Thmey Daily.

ជនរងគ្រោះឈ្មោះ រ៉ុណ ដារ៉ូ ភេទប្រុស អាយុ១៩ឆ្នាំ សញ្ជាតិខ្មែរ ជនជាតិខ្មែរ មុខរបរបុគ្គលិកដឹកជញ្ជូនអីវ៉ាន់ មានទីលំនៅភូមិសាមគ្គី ឃុំព្រែកដំបង ស្រុកមុខកំពូល ខេត្តកណ្តាល។

ជនត្រូវចោទចំនួន០៥នាក់ ទី១ឈ្មោះ វ៉ុន ម៉េងហួត ភេទប្រុស អាយុ១៤ឆ្នាំ សញ្ជាតិខ្មែរ ជនជាតិខ្មែរ មុខរបរ មិនពិតប្រាកដ មានទីលំនៅភូមិអញ្ជែងលើ ឃុំពុកឬស្សី ស្រុកខ្សាច់កណ្ដាល ខេត្តកណ្ដាល។ ទី២ឈ្មោះ ង៉ូក សុខណា ភេទប្រុស អាយុ១៨ឆ្នាំ សញ្ជាតិខ្មែរ ជនជាតិខ្មែរ មុខរបរកម្មករដំឡើងរោងការ មានទីលំនៅភូមិស្វាយមាស ឃុំវិហារសួគ៌ ស្រុកខ្សាច់កណ្ដាល ខេត្តកណ្ដាល។ ទី៣ឈ្មោះ ឡាត់ លីអូ ភេទប្រុស អាយុ១៨ឆ្នាំ សញ្ជាតិខ្មែរ ជនជាតិខ្មែរ មុខរបរជួសជុលម៉ូតូ មានទីលំនៅភូមិសន្លុង ឃុំសន្លុង ស្រុកខ្សាច់កណ្ដាល ខេត្តកណ្ដាល។ ទី៤ឈ្មោះ ស្រ៊ី សុខជា ភេទប្រុស អាយុ១៨ឆ្នាំ សញ្ជាតិខ្មែរ ជនជាតិខ្មែរ មុខរបរកម្មករធ្វើរោងការ មានទីលំនៅភូមិត្បូង ឃុំកោះចូរ៉ាម ស្រុកខ្សាច់កណ្ដាល ខេត្តកណ្ដាល។ និងទី៥ឈ្មោះ ស្រេង ប៊ុនហេង ភេទប្រុស អាយុ១៧ឆ្នាំ សញ្ជាតិខ្មែរ ជនជាតិខ្មែរ មុខរបរជាងកាត់សក់ មានទីលំនៅភូមិក្នុងឃុំព្រែកតាមាក់ ស្រុកខ្សាច់កណ្តាល ខេត្តកណ្តាល ។

នគរបាលស្រុកកៀនស្វាយ បានប្រាប់អោយដឹងថា នៅថ្ងៃទី២៤ ខែមករា ឆ្នាំ២០២៣ វេលាម៉ោង០៣និង០០នាទី ជនរងគ្រោះជិះម៉ូតូចេញពីផ្ទះមកឌុបសង្សារចេញពីធ្វើការនៅសាវេនផាប់ នៅឃុំព្រែកតាមាក់ ពេលជិះម៉ូតូដល់រង្វង់មូលព្រែកតាមាក់ ក្រុមជនសង្ស័យមានគ្នា ០៥នាក់ បានជិះម៉ូតូ ០២គ្រឿង ដោយកាន់កាំបិតខ្វែវ និងជំពាមកៅស៊ូ ជិះដេញកាប់​ជនរងគ្រោះ រហូតដល់ភូមិព្រែកតាទន់ ឃុំព្រះប្រសប់ ជនរងគ្រោះបានបិទភ្លើងម៉ូតូ ហើយជិះគេចចូលផ្លូវក្នុងភូមិ ពេលនោះជនរងគ្រោះជិះម៉ូតូបុកខឿនផ្លូវបណ្តាលឲ្យដួលបែក្បាំង និងបាក់ខ្នងកង់ម៉ូតូខាងមុខ បន្ទាប់មកជនរងគ្រោះបានលើម៉ូតូយកទៅលាក់ក្នុងចំការចេក។ ចំណែកជនសង្ស័យរកជនរងគ្រោះមិនឃើញក៏នាំគ្នាទៅអង្គុយនៅមាត់ទន្លេ ភូមិព្រះប្រសប់ ឃុំព្រះប្រសប់ ក្រោយមកកម្លាំងប៉ុស្តិ៍ព្រះប្រសប់ចុះល្បាត ប្រទះឃើញក៏ឃាត់ខ្លួន មកសាកសួរនៅអធិការដ្ឋាននគរបាល ស្រុកខ្សាច់កណ្តាល។

តាមការឆ្លើយសារភាពរបស់ក្រុមជនសង្ស័យបញ្ជាក់ថា មូលហេតុដែលខ្លួនដេញកាប់ជនរងគ្រោះ ព្រោះក្រុមជនរងគ្រោះធ្លាប់ដេញកាប់ខ្លួន៕

អត្ថបទ៖ ឆៃ យ៉ា

The post តុលាការឃុំខ្លួនក្រុមក្មេងទំនើង៤នាក់ដាក់ពន្ធនាគារបណ្តោះអាសន្ន appeared first on Kampuchea Thmey Daily.