សិល្បករ Archives - Kampuchea Thmey Daily

សិល្បករជាច្រើនដួងទទួលបានការចាក់វ៉ាក់សាំងដូសទី៣

Sokhom Khon — Thu, 12 Aug 2021 04:43:55 +0000

ស្របពេលដែលវ៉ាក់សាំងដូសទី៣ ឬដូសជំរុញកំពុងដំណើរការចាក់ទៅលើកងកម្លាំងជួរមុខដែលប្រឈមខ្លាំងនោះ គេក៏សង្កេតឃើញសិល្បករ-សិល្បការិនីល្បីៗមួយចំនួនបានទទួលការចាក់ដូសទី៣នេះផងដែរ។

ការផ្តល់វ៉ាក់សាំងសម្រាប់ដូសទី៣នេះ គឺបន្ទាប់ពីសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានសម្រេចអនុញ្ញាតឱ្យប្រើប្រាស់វ៉ាក់សាំងដូសទី៣ ឬដូសជំរុញទៅលើកងកម្លាំងជួរមុខដែលប្រឈមខ្លាំង និងប្រជាពលរដ្ឋនៅរយៈពេលចាប់ពី៦ទៅ៨ខែ ក្រោយពីចាក់ដូសទី១នឹងដូសទី២រួចរាល់។

ដោយឡែកចាប់អារម្មណ៍ចំពោះអ្នកសិល្ប:ដែលទទួលបានការចាស់ដូសទី៣រួចហើយនោះ រួមមាន តារាចម្រៀងកញ្ញា សុខ ពិសី, តារាកំប្លែង ចាប ចៀន,នាយ ក្រឹម, នាយ ព្រែក ,កញ្ញា ឈិន មុន្នីនាថ, លោក អ៊ុក ណារីម និងភរិយា ព្រមទាំងសិល្បករសិល្បការិនីជាច្រើនទៀតផងដែរ ។

តាមការកត់សម្គាល់ បន្ទាប់ពីទទួលបានវ៉ាក់សាំងដូសទី៣ ឬដូសជំរុញនេះសិល្បករ-សិល្បការិនីគ្រប់រូបបានបង្ហាញស្នាមញញឹមរីករាយគ្រប់គ្នា ខណ:ដែលពួកគេក៏បានបន្តអំពាវនាវឲ្យប្រុងប្រយ័ត្ននិងអនុវត្តតាមការណែនាំ ៣កុំ ៣ការពារ៕

អត្ថបទ ៖ ចាន់រ៉ា

The post សិល្បករជាច្រើនដួងទទួលបានការចាក់វ៉ាក់សាំងដូសទី៣ appeared first on Kampuchea Thmey Daily.

ច្បាស់ហើយ អតីតម្ចាស់ផលិតកម្មKH បច្ចុប្បន្នកំពុងប្រកបរបរទាំងនេះ

Sokhom Khon — Fri, 21 May 2021 06:32:24 +0000

ថ្មីៗនេះមានការចាប់អារម្មណ៍បន្ទាប់ពីមានការចែករំលែក និងផ្សព្វផ្សាយជុំវិញរឿងរ៉ាវផ្ទាល់ខ្លួនរបស់អតីតម្ចាស់ផលិតកម្មKH ក្រោយពេលឃ្លាតឆ្ងាយពីសិល្ប:អស់មួយរយ:ធំកន្លងមក។

ចំពោះរឿងរ៉ាវមួយចំនួន ដែលគេចាប់អារម្មណ៍លើវិថីជីវិតឯកជនបច្ចុប្បន្នរបស់លោក តាំង គឹមហេងនោះ ដោយកន្លងមកមានការលើកឡើងថា បន្ទាប់ពីស្ងាត់សិល្ប: លោកបានធ្លាក់ខ្លួនប្រកបរបរដូចជា,លក់គ្រឿងភេសជ្ជ: និងដឹកឥវ៉ានឲ្យគេជាដើម ដំណឹងនេះបានធ្វើឲ្យអ្នកគាំទ្រភ្ញាក់ផ្អើលគ្រប់គ្នា។

ដើម្បីស្រាយចម្ងល់ និងមន្ទិលទាំងនេះ កម្ពុជាថ្មីនៅរសៀលថ្ងៃទី២០ ខែឧសភា ឆ្នាំ២០២១នេះធ្វើការភ្ជាប់ទំនាក់ទំនងតាមទូរស័ព្ទទៅកាន់អតីតម្ចាស់ផលិតកម្មKH លោក តាំង គីមហេង ធ្វើការសួរនាំជុំវិញរឿងរ៉ាវទាំងនេះឲ្យមហាជនបានដឹងកាន់តែច្បាស់ពីការពិត។

អតីតម្ចាស់ផលិតកម្មKH លោក តាំង គីមហេង បានថ្លែងប្រាប់ឲ្យដឹងថា លោកបានឃ្លាតឆ្ងាយសិល្ប មួយរយ:មែន តែសម្រាប់គម្រោងបោះបង់ ឬឈប់ទាំងស្រុងនោះ មិនទាន់មានទេ ពោលគឺបើមានគេហៅសម្តែងអាចចូលវិញ។ ចំណែកផលិតកម្មKH ក៏មិនទាន់ប្រកាសថា ឈប់ធ្វើនោះដែរ គ្រាន់តែពេលនេះ ទុកសិនព្រោះខ្វះខាតដើមទុន។

បើងាកមកអាជីពរកស៊ីបច្ចុប្បន្នត្រូវបានលោក គឹម ហេង បញ្ជាក់ថា សព្វថ្ងៃលោកប្រកបរបររកស៊ីតាមអនឡាញផង និងខាងក្រៅផង។ ក្នុងនោះលោកបានលើកឡើងថា ការងារអ្វីក៏លោកអាចធ្វើបានដែរ មិនថាបានចំណូលតិចឬច្រើនទេ ឲ្យតែចេញពីកម្លាំងញើសឈាមខ្លួនឯង។

អតីតម្ចាស់ផលិតកម្មKHលោក តាំង គីមហេង បានបន្ថែមថា ក្រៅពីលក់គ្រឿងភេសជ្ជ: លោកក៏ មានលក់ផ្លែពុទ្រាធម្មជាតិ ពុទ្រាឆឹងជាមួយស្ករ ហើយក៏ទទួលដឹកឥវ៉ានឲ្យគេផងដែរព្រោះនេះជាការពិត៕

អត្ថបទ ៖ ចាន់រ៉ា

The post ច្បាស់ហើយ អតីតម្ចាស់ផលិតកម្មKH បច្ចុប្បន្នកំពុងប្រកបរបរទាំងនេះ appeared first on Kampuchea Thmey Daily.

ពិតទេ ម្ចាស់ផលិតកម្មមួយធ្លាក់ខ្លួនរកស៊ីដឹកឥវ៉ាន់ឲ្យគេ

Sokhom Khon — Thu, 20 May 2021 06:28:09 +0000

អ្នកគាំទ្រនិងមហាជនជាច្រើនបានបង្ហាញការភ្ញាក់ផ្អើលគ្រប់គ្នាបន្ទាប់មានដំណឹងថា អតីតម្ចាស់ផលិតកម្មKH លោក តាំង គីមហេង ក្រោយពេលឃ្លាតឆ្ងាយពីសិល្ប:មួយរយៈ ពេលនេះក៏ស្រាប់តែធ្លាក់ខ្លួនប្រកបរបរដឹកឥវ៉ាន់ឲ្យគេ។

ប្រភពបានបញ្ជាក់ថា សម្រាប់ការប្រកបរបរដឹកឥវ៉ាន់នេះ គឺលោក តាំង គីមហេង ទទួលបានកម្រៃនៃជើងសារម្តងចាប់ពី៤០០០រៀល ឬលើសពីនេះតាមទីកន្លែងជិត ឬឆ្ងាយ។ដំណឹងនេះក៏បានធ្វើឲ្យអ្នកសិល្ប:ជាច្រើនសម្តែងការផ្ញាក់ផ្អើលផងដែរ។

ដោយឡែកងាកទៅចាប់អារម្មណ៍នៅលើហ្វេសប៊ុករបស់លោក ក៏បានលើកឡើងថា គាត់ពិតជាទទួលដឹកឥវ៉ាន់ឲ្យគេមែន។ លោករៀបរាប់ថា ដឹកឥវ៉ាន់ឲ្យភ្ញៀវបាន៤កន្លែងដែរថ្ងៃនេះ “បងប្អូនត្រូវការដឹកឥវ៉ាន់យកទៅជូនអតិថិជនក្នុងខណ្ឌទាំង១៤ នៃក្រុងភ្នំពេញ ខ្ញុំដឹកយកសេវាតែ៤ពាន់រៀលទេសូមមេត្តាជួយចែកការងារខ្ញុំធ្វើផង”។

តាមរយ:នេះ មានមហាជននិងអ្នកគាំទ្រជាច្រើនបានបង្ហាញការចាប់អារម្មណ៍ និងសម្តែងការហួសចិត្តខ្លាំង ដោយស្ទើរមិនជឿថា អតីតម្ចាស់ផលិតកម្ម K Hរូបនេះ ធ្លាក់ខ្លួនបែបនេះទេ។

កម្ពុជាថ្មីនឹងព្យាយាមទាក់ទង ដើម្បីស្វែងរកការសួរនាំជុំវិញរឿងរ៉ាវនេះបន្ថែមឲ្យបានដឹងច្បាស់ការពិតដលើមហាជន៕

អត្ថបទ ៖ ចាន់រ៉ា

The post ពិតទេ ម្ចាស់ផលិតកម្មមួយធ្លាក់ខ្លួនរកស៊ីដឹកឥវ៉ាន់ឲ្យគេ appeared first on Kampuchea Thmey Daily.

សិល្បករ-សិល្បការិនីខ្វះខាតនៅតំបន់បិទខ្ទប់ ៣៣រូបទទួលបានអំណោយ

Sokhom Khon — Mon, 17 May 2021 06:52:21 +0000

ដើម្បីចូលរួមចំណែកសម្រាលជីវភាព និងការលំបាកស្ថិតក្នុងដំណាក់កាលនៃជំងឺកូវីដ-១៩ នោះសិល្បករ-សិល្បការិនីខ្វះខាតនៅតំបន់បិទខ្ទប់៣៣រូបទទួលបានអំណោយពីសមាគម។

លោក ហេង ឡុង ប្រធានសមាគមមិត្តសិល្បៈស្ម័គ្រចិត្តជួយសង្គម បានថ្លែងថាសមាគមបានឧបត្ថម្ភ« មូលនិធិសិល្បករចាស់ជរា» ដែលរួមមានថវិកា១០ម៉ឺនរៀល ,អង្ករ២៥គីឡូ ,ត្រីខ១យួរ ,មី១កេស,ម៉ាស១ដុំ(៥០ម៉ាស) និងទឹកស៊ីអ៊ីវ១យួរដល់សិល្បករ -សិល្បការិនីខ្វះខាតនៅតំបន់បិទខ្ទប់ចំនួន៣៣រូប ។

លោកបន្ថែមថា សមាគមមិត្តសិល្បៈស្ម័គ្រចិត្តជួយសង្គមសូមគោរពថ្លែងអំណរគុណដល់សប្បុរសជនទាំងអស់ ដែលបានជួយឧបត្ថម្ភដល់«មូលនិធិសិល្បករចាស់ជរា»ជាពិសេសសូមគោរពថ្លែងអំណរគុណដល់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុនរ៉ានី ដែលបានឧបត្ថម្ភថវិកា៥ម៉ឺនដុល្លារក្នុង១ឆ្នាំក្នុងរយ:ពេល៥ឆ្នាំ៕

អត្ថបទ ៖ ចាន់រ៉ា

The post សិល្បករ-សិល្បការិនីខ្វះខាតនៅតំបន់បិទខ្ទប់ ៣៣រូបទទួលបានអំណោយ appeared first on Kampuchea Thmey Daily.

សូមចូលរួមរំលែកទុក្ខ! អ្នកគ្រូ ឱម យុវណ្ណា គ្រូបណ្ដុះបណ្ដាលរបាំបុរាណទទួលមរណភាពហើយ

Sokhom Khon — Mon, 17 May 2021 06:41:57 +0000

នេះជាដំណឹងដ៏សោកស្តាយ និងសោកសៅបំផុតសម្រាប់ក្រុមគ្រួសារ និងអ្នកគាំទ្រ ខណ:ដែលអ្នកស្រី ឱម យុវណ្ណា ដែលជាគ្រូបណ្ដុះបណ្ដាលរបាំក្បាច់បូរាណ បានទទួលមរណភាពហើយនៅមុននេះបន្តិច។

តារាសម្តែងលោក អ៊ឹម ជីវ៉ា បានបញ្ជាក់នៅលើហ្វេសប៊ុកនៅថ្ងៃទី១៧ ខែឧសភានេះថា អ្នកគ្រូ ឱម យុវណ្ណា បានទទួលមរភាពហើយថ្ងៃនេះ។ លោកបន្តថា សូមចូលរួមរំលែកទុក្ខដ៏ក្រៀមក្រំបំផុតចំពោះការបាត់បង់អ្នកគ្រូ ឱម យុវណ្ណា ដែលជាគ្រូបណ្ដុះបណ្ដាលរបាំក្បាច់បូរាណ សូមវិញ្ញាណក្ខន្ធបានសេចក្តីសុខ ។

តាមរយ:ដំណឹងមរណទុក្ខដ៏ក្រៀមក្រំនិងសោកសៅខាងលើនេះ គឺមានអ្នកសិល្ប:និងមហាជនព្រមទាំងអ្នកគាំទ្រជាច្រើនបានសម្តែងការចូលរួមសោកស្តាយផ្ញើសារចូលរួមរំលែកទុក្ខនេះគ្រប់គ្នាផងដែរ៕

អត្ថបទ ៖ ចាន់រ៉ា

The post សូមចូលរួមរំលែកទុក្ខ! អ្នកគ្រូ ឱម យុវណ្ណា គ្រូបណ្ដុះបណ្ដាលរបាំបុរាណទទួលមរណភាពហើយ appeared first on Kampuchea Thmey Daily.

អ្នកសិល្ប:ជើងចាស់៣រូបទទួលការឧបត្ថម្ភពីមូលនិធិសិល្បករចាស់ជរាអំឡុងវិបត្តិកូវីដ

Sokhom Khon — Tue, 11 May 2021 03:37:27 +0000

តារាកំប្លែង២រូប និងអ្នកនិពន្ធមួយដែលមានវ័យជរាធ្លាក់ខ្លួនឈឺបាត់បង់សមត្ថភាពសិល្ប: គឺនាយ ក្តិប ,នាយ ចេក និងលោក សុម ម៉ាត់ ទទួលបានការឧបត្ថម្ភពីមូលនិធិសិល្បករចាស់ជរា។

ចំពោះអ្នកសិល្ប:ទាំង៣រូបដែលទទួលបានអំណោយនោះរួមមាន,១.តារាកំប្លែងជើងចាស់នាយក្តិប ដែលបច្ចុប្បន្នកំពុងមានជំងឺស្លាប់មួយចំហៀងខ្លួន និងជីវភាពខ្វះខាត។ ២.កវីនិពន្ធជើងចាស់លោកតា សុម ម៉ាត់ ខណ:ដែលបច្ចុប្បន្នក៏មានជំងឺលើសឈាមនិងជីវភាពខ្វះខាតផងដែរ។ ៣.តារាកំប្លែងជើងចាស់លោកតា ចេក ដែលបច្ចុប្បន្នមានជំងឺប្រចាំកាយនិងជីវភាពខ្វះខាតដូចគ្នា។

លោក ហេង ឡុង បានបញ្ជាក់ថា សមាគមមិត្តសិល្បៈស្ម័គ្រចិត្តជួយសង្គមសូមគោរពថ្លែងអំណរគុណដល់សប្បុរសជនទាំងអស់ដែលបានជួយឧបត្ថម្ភដល់«មូលនិធិសិល្បករចាស់ជរា»ជាពិសេសសូមគោរពថ្លែងអំណរគុណដល់សម្តេចតេជោ ហ៊ុន សែននិងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ដែលបានឧបត្ថម្ភថវិកា៥ម៉ឺនដុល្លារក្នុង១ឆ្នាំរយ:ពេល៥ឆ្នាំ៕

អត្ថបទ ៖ ចាន់រ៉ា

The post អ្នកសិល្ប:ជើងចាស់៣រូបទទួលការឧបត្ថម្ភពីមូលនិធិសិល្បករចាស់ជរាអំឡុងវិបត្តិកូវីដ appeared first on Kampuchea Thmey Daily.

តារាសិល្បៈ៣០រូបទៀតទទួលអំណោយពីសមាគម

Sokhom Khon — Mon, 29 Mar 2021 09:04:31 +0000

សិល្បករ-សិល្បការិនីចំនួន៣០រូបបន្ថែមទៀតដែលមានជីវភាពខ្វះខាត បានមកទទួលអំណោយពីសមាគមមិត្តសិល្បៈស្ម័គ្រចិត្តជួយសង្គមតាមរយៈ«មូលនិធិសិល្បករចាស់ជរា»ដើម្បីជួយសម្រួលជីវភាពអំឡុងពេលជំងឺកូវីដ-១៩។

អំណោយដែលសិល្បករ-សិល្បការិនីទទួលបាននោះរួមមាន ,អង្ករ៥០គីឡូ ត្រីខ១យួរ មី ១កេស និងម៉ាស់១ដុំ(៥០ម៉ាស)។

លោកហេង ឡុង បញ្ជាក់ថា អំណោយនេះគឺដើម្បីជួយសម្រួលសិល្បករ-សិល្បការិនីដែលជួបការខ្វះខាតដោយសារការរីករាលដាលវីរុសកូវីដ-១៩។

លោកបន្តថា សមាគមមិត្តសិល្បៈស្ម័គ្រចិត្តជួយសង្គមសូមគោរពថ្លែងអំណរគុណដល់សប្បុរសជនទាំងអស់ដែលបានជួយឧបត្ថម្ភដល់«មូលនិធិសិល្បករចាស់ជរា» ជាពិសេសសូមគោរពថ្លែងអំណរគុណដល់សម្តេចតេជោ ហ៊ុន សែន និង សម្តេចកិត្តិព្រឹទ្ធបណ្ឌិត ប៊ុនរ៉ានី ដែលបានឧបត្ថម្ភថវិកា៥ម៉ឺនដុល្លារក្នុង១ឆ្នាំក្នុងរយៈពេល៥ឆ្នាំ៕

អត្ថបទ ៖ ចាន់រ៉ា

The post តារាសិល្បៈ៣០រូបទៀតទទួលអំណោយពីសមាគម appeared first on Kampuchea Thmey Daily.

លែងយល់មុខ ! ពិធីករ សុខ រ៉ាស៊ី ព្រមានទម្លាយអត្តសញ្ញាណបុគ្គលជំពាក់លុយមិនព្រមសង

Sokhom Khon — Tue, 22 Dec 2020 04:59:25 +0000

ពិធីករប្រុសរូបសង្ហាសម្បូរដោយវោហាស័ព្ទមិនចេះរឹងស្ងួត លោក សុខ រ៉ាស៊ី ដោយសារអស់ភាពអត់ទ្រាំលែងបាន ជាមួយបុគ្គលមួយចំនួនដែលខ្ចីលុយហើយមិនព្រមសងតាមការសន្យានោះ ពេលនេះលោកបានប្រកាសព្រមានបង្ហាញមុខជាសាធារណៈ ចំពោះបុគ្គលទាំងនោះដោយគ្មានការយល់មុខទៀតឡើយ។

ការប្រកាសព្រមានពីសំណាក់ពិធីករប្រុសមានប្រជាប្រិយភាពលោក សុខ រ៉ាស៊ី នេះបាននឹងកំពុងធ្វើឲ្យមហាជនមានការចាប់អារម្មណ៍ហើយចង់ដឹងគ្រប់គ្នាថា តើបុគ្គលរូបនោះគឺជាមិត្តភក្តិស្ថិតក្នុងរង្វង់សិល្បៈដូចគ្នាឬត្រឹមអ្នករាប់អានគ្នាខាងក្រៅឬយ៉ាងណា?។ ម្យ៉ាងទៀតក៏មានទស្សនិកជនខ្លះទៀតចង់ដឹងថា ទឹកប្រាក់របស់ រ៉ាស៊ី ដែលត្រូវគេជំពាក់នោះ មានចំនួនប៉ុន្មានទើប បានជាលោកខឹងបែបនេះ?។

ទោះបីជាមានការសួរនាំយ៉ាងណាក៏ដោយ រហូតមកទល់ពេលនេះ ពិធីកររូបសង្ហា លោកសុខ រ៉ាស៊ីនៅមិនទាន់បានបញ្ជាក់ប្រាប់ឬបង្ហាញនូវមុខមាត់របស់បុគ្គលរូបនោះនៅឡើយទេ។ ខណៈដែលលោកបានបញ្ជាក់ដោយខ្លីថា លោកនឹងបង្ហាញមុខចំពោះបុគ្គលដែលមិនព្រមសងលុយប្រសិនបើគ្មានដំណោះស្រាយលើរឿងនេះ។

ចាប់អារម្មណ៍នៅលើបណ្តាញសង្គមហ្វេសប៊ុករបស់លោក សុខ រ៉ាស៊ី ក៏បានបង្ហោះសារខ្លីដែរថាចង់បង្ហាញមុខ អ្នកមិនព្រមសងលុយ ចង់ស្គាល់អត់បងប្អូន?។

ពិធីករប្រុសលោក សុខ រ៉ាស៊ី បើតាមការកត់សម្គាល់ក្រោយពេលចូលប្រឡូកលើវិថីសិល្បៈមានរយៈពេលយូឆ្នាំមកនោះ ឃើញថាទាំងសន្ទុះនៃការគាំទ្រនិងឱកាសនៃទីផ្សាសិល្បៈ(ពិធីករ)ហាក់មានការលូតលាស់ហើយរីកចម្រើនខ្លាំងដែលអាចប្រែមុខមាត់របស់ពិធីករប្រុសរូបនេះឲ្យឆ្ពោះទៅរកភាពជោគជ័យលើវិថីមួយនេះ៕

អត្ថបទ ៖ ចាន់រ៉ា

The post លែងយល់មុខ ! ពិធីករ សុខ រ៉ាស៊ី ព្រមានទម្លាយអត្តសញ្ញាណបុគ្គលជំពាក់លុយមិនព្រមសង appeared first on Kampuchea Thmey Daily.

សិល្បករ Archives - Kampuchea Thmey Daily

សិល្បករជាច្រើនដួងទទួលបានការចាក់វ៉ាក់សាំងដូសទី៣

ច្បាស់ហើយ អតីត​ម្ចាស់​ផលិតកម្ម​KH​ បច្ចុប្បន្នកំពុងប្រកប​របរ​ទាំងនេះ​

ពិតទេ​ ម្ចាស់​ផលិតកម្ម​មួយធ្លាក់ខ្លួន​រកស៊ី​ដឹកឥវ៉ាន់​ឲ្យ​គេ​

សិល្បករ​-​សិល្បការិនី​ខ្វះខាត​នៅ​តំបន់​បិទ​ខ្ទប់​ ៣៣​រូប​ទទួលបាន​អំណោយ​

សូម​ចូលរួម​រំលែក​ទុក្ខ! អ្នកគ្រូ ឱម យុ​វណ្ណា គ្រូ​បណ្ដុះបណ្ដាល​របាំ​បុរាណ​ទទួលមរណភាព​ហើយ​

អ្នកសិល្ប​:​ជើងចាស់​៣​រូប​ទទួល​ការឧបត្ថម្ភ​ពី​មូល​និ​ធិ​សិល្បករ​ចាស់ជរា​អំឡុង​វិបត្តិ​កូ​វីដ​

តារា​សិល្បៈ៣០​រូប​ទៀត​ទទួល​អំណោយ​ពី​សមាគម​

លែង​យល់មុខ ! ពិធីករ សុខ រ៉ាស៊ី ព្រមាន​ទម្លាយ​អត្តសញ្ញាណ​បុគ្គល​ជំពាក់​លុយ​មិន​ព្រម​សង​

ច្បាស់ហើយ អតីតម្ចាស់ផលិតកម្មKH បច្ចុប្បន្នកំពុងប្រកបរបរទាំងនេះ

ពិតទេ ម្ចាស់ផលិតកម្មមួយធ្លាក់ខ្លួនរកស៊ីដឹកឥវ៉ាន់ឲ្យគេ

សិល្បករ-សិល្បការិនីខ្វះខាតនៅតំបន់បិទខ្ទប់ ៣៣រូបទទួលបានអំណោយ

សូមចូលរួមរំលែកទុក្ខ! អ្នកគ្រូ ឱម យុវណ្ណា គ្រូបណ្ដុះបណ្ដាលរបាំបុរាណទទួលមរណភាពហើយ

អ្នកសិល្ប:ជើងចាស់៣រូបទទួលការឧបត្ថម្ភពីមូលនិធិសិល្បករចាស់ជរាអំឡុងវិបត្តិកូវីដ

តារាសិល្បៈ៣០រូបទៀតទទួលអំណោយពីសមាគម

លែងយល់មុខ ! ពិធីករ សុខ រ៉ាស៊ី ព្រមានទម្លាយអត្តសញ្ញាណបុគ្គលជំពាក់លុយមិនព្រមសង