ជីវិតកម្សាន្ដ

ច្បាស់ហើយ អតីតម្ចាស់ផលិតកម្មKH បច្ចុប្បន្នកំពុងប្រកបរបរទាំងនេះ

បានផុស

៥ years មុន

នៅ

ថ្ងៃសុក្រ ២១ ឧសភា ២០២១

ដោយ

ថ្មីៗនេះមានការចាប់អារម្មណ៍បន្ទាប់ពីមានការចែករំលែក និងផ្សព្វផ្សាយជុំវិញរឿងរ៉ាវផ្ទាល់ខ្លួនរបស់អតីតម្ចាស់ផលិតកម្មKH ក្រោយពេលឃ្លាតឆ្ងាយពីសិល្ប:អស់មួយរយ:ធំកន្លងមក។

ចំពោះរឿងរ៉ាវមួយចំនួន ដែលគេចាប់អារម្មណ៍លើវិថីជីវិតឯកជនបច្ចុប្បន្នរបស់លោក តាំង គឹមហេងនោះ ដោយកន្លងមកមានការលើកឡើងថា បន្ទាប់ពីស្ងាត់សិល្ប: លោកបានធ្លាក់ខ្លួនប្រកបរបរដូចជា,លក់គ្រឿងភេសជ្ជ: និងដឹកឥវ៉ានឲ្យគេជាដើម ដំណឹងនេះបានធ្វើឲ្យអ្នកគាំទ្រភ្ញាក់ផ្អើលគ្រប់គ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើម្បីស្រាយចម្ងល់ និងមន្ទិលទាំងនេះ កម្ពុជាថ្មីនៅរសៀលថ្ងៃទី២០ ខែឧសភា ឆ្នាំ២០២១នេះធ្វើការភ្ជាប់ទំនាក់ទំនងតាមទូរស័ព្ទទៅកាន់អតីតម្ចាស់ផលិតកម្មKH លោក តាំង គីមហេង ធ្វើការសួរនាំជុំវិញរឿងរ៉ាវទាំងនេះឲ្យមហាជនបានដឹងកាន់តែច្បាស់ពីការពិត។

អតីតម្ចាស់ផលិតកម្មKH លោក តាំង គីមហេង បានថ្លែងប្រាប់ឲ្យដឹងថា លោកបានឃ្លាតឆ្ងាយសិល្ប មួយរយ:មែន តែសម្រាប់គម្រោងបោះបង់ ឬឈប់ទាំងស្រុងនោះ មិនទាន់មានទេ ពោលគឺបើមានគេហៅសម្តែងអាចចូលវិញ។ ចំណែកផលិតកម្មKH ក៏មិនទាន់ប្រកាសថា ឈប់ធ្វើនោះដែរ គ្រាន់តែពេលនេះ ទុកសិនព្រោះខ្វះខាតដើមទុន។

បើងាកមកអាជីពរកស៊ីបច្ចុប្បន្នត្រូវបានលោក គឹម ហេង បញ្ជាក់ថា សព្វថ្ងៃលោកប្រកបរបររកស៊ីតាមអនឡាញផង និងខាងក្រៅផង។ ក្នុងនោះលោកបានលើកឡើងថា ការងារអ្វីក៏លោកអាចធ្វើបានដែរ មិនថាបានចំណូលតិចឬច្រើនទេ ឲ្យតែចេញពីកម្លាំងញើសឈាមខ្លួនឯង។

អតីតម្ចាស់ផលិតកម្មKHលោក តាំង គីមហេង បានបន្ថែមថា ក្រៅពីលក់គ្រឿងភេសជ្ជ: លោកក៏ មានលក់ផ្លែពុទ្រាធម្មជាតិ ពុទ្រាឆឹងជាមួយស្ករ ហើយក៏ទទួលដឹកឥវ៉ានឲ្យគេផងដែរព្រោះនេះជាការពិត៕

អត្ថបទ ៖ ចាន់រ៉ា