សុទ្ធ បញ្ចកា Archives - Kampuchea Thmey Daily

អេដ វីន ត្រូវបានដោះលែងឲ្យនៅក្រៅឃុំ ខណៈ សុទ្ធ បញ្ចកា បង្ហាញការឈឺចាប់ខ្លាំង

Sokhom Khon — Fri, 03 Sep 2021 07:05:59 +0000

តារាសម្តែងប្រុសលោក អេដ វីន បន្ទាប់ពីត្រូវបានឃុំខ្លួននៅពន្ធនាគារព្រៃសរយ:ពេលប្រមាណ២ខែពេលនេះ ស្រាប់តែមានការបង្ហើបថា លោកត្រូវបានដោះលែងឲ្យនៅក្រៅឃុំបណ្តោះអាសន្ន។ នេះបើយោងតាមការឲ្យដឹងពីអតីតសង្សារអ្នកនាង សុទ្ធ បញ្ចកា។

អ្នកនាង សុទ្ធ បញ្ចកា បានលើកឡើងថា លោក អេដ វីន ត្រូវបានដោះលែងឲ្យនៅក្រៅឃុំហើយ។ប៉ុន្តែលោក អេដ វីន ក្រោយដោះលែងនៅក្រៅឃុំ គឺពេលនេះមិនបានមករួមរស់ ឬត្រូវគ្នាជាមួយនាងវិញទេ ពោលគឺ អេដ វីន បានវិលត្រឡប់ទៅសាងសេចក្តីសុខជាមួយអតីតគូស្នេហ៍ចាស់វិញ។

ដោយសារតែហេតុផលនេះហើយទើបអ្នកនាង សុទ្ធ បញ្ចកា បានទម្លាយសាររៀបរាប់ពីរឿងក្នុងចិត្តយ៉ាងវែងអន្លាយធ្លាប់សាងសេ្នហាជាមួយលោក អេដ វីដ កន្លងមក។

អ្នកនាង សុទ្ធ បញ្ចកា បានបញ្ជាក់នៅក្នុងសំណេរដ៏ឈឺចាប់នោះថា អីដែលហួសចិត្តគឺគេនៅក្រៅឃុំបណ្តោះអាសន្នទេ តែធម្មតាមិនអាចដើរហើរសេរីទេ តែគេនិងគូស្នេហ៍គេជិះឡានឌុបគ្នានៅម្តុំផ្សារដើមគរធម្មតាដូចគ្មានរឿងអី្វកើតឡើង ។

បញ្ចកា បន្ថែមថា ប្រាប់ទៅ អេដ វីន ផង ខ្ញុំលែងឈឺហើយ ដល់វេនដែលខ្ញុំសងទាំងការទាំងដើម។ ខ្ញុំដឹងថា ពេលនេះគេនៅក្រៅឃុំ សុវត្ថិភាពខ្ញុំមិនល្អទេ ដូច្នេះខ្ញុំនឹងដាក់ពាក្យបណ្តឹងការពារគ្រួសារនិងកូនអោយហើយ។ គេសួរថា បណ្តឹងអាជ្ញាជាប់គុកតែ២ខែទេហី ជាក់ស្តែងតាមច្បាប់ពី២ឆ្នំាំទៅ៥ឆ្នាំតើ។

គួររម្លឹកថា តារាសម្តែងលោក អេដ វីន នៅរសៀលថ្ងៃទី២៣ ខែមិថុនា ឆ្នាំ២០២១ត្រូវបានសមត្ថកិច្ចជំនាញនៃការិយាល័យប្រឆាំងការជួញដូរមនុស្ស កងរាជអាវុធហត្ថ រាជធានីភ្នំពេញ បញ្ជូនទៅកាន់ពន្ធនាគារព្រៃស ឃុំខ្លួនបណ្តោះអាសន្ន។ ការបញ្ជូនខ្លួននេះ គឺធ្វើឡើងតាមដីកាបង្គាប់ឲ្យឃុំខ្លួនលេខ៖ ៤៤៣ ៥” ញ”ដ.ឃ.ដ ចុះថ្ងៃទី២៣ ខែមិថុនា ឆ្នាំ២០២១របស់សាលាដំបូងរាជធានីភ្នំពេញ៕

អត្ថបទ៖ ចាន់រ៉ា

The post អេដ វីន ត្រូវបានដោះលែងឲ្យនៅក្រៅឃុំ ខណៈ សុទ្ធ បញ្ចកា បង្ហាញការឈឺចាប់ខ្លាំង appeared first on Kampuchea Thmey Daily.

គ្រូពេទ្យម្នាក់ទម្លាយមូលហេតុដែល សុទ្ធ បញ្ចកា ដកពាក្យបណ្តឹង អេដវីន

Sokhom Khon — Tue, 29 Jun 2021 03:40:57 +0000

ករណីរឿងរ៉ាវរបស់តារាសម្តែងប្រុសលោកអេដវីន ដែលបានប្រើហិង្សាវាយដំលើនារីគូស្នេហ៍អ្នកនាង សុទ្ធ បញ្ចកា បណ្តាលឲ្យមានរបួសស្នាមសុះសាច់បង្កការភ្ញាក់ផ្អើលនោះ ទីបំផុត អេដវីន ត្រូវបានតុលាការសម្រេចឃុំខ្លួនបណ្តោះអាសន្ន។

បើតាមការបញ្ជាក់ ការឃុំខ្លួនបណ្តោះអាសន្នរបស់តារាប្រុសលោក អេដវីន នេះគឺធ្វើឡើងដោយមានជាប់បណ្តឹងពីរករណី និងបណ្តឹងអាជ្ញាផងដែរ ខណ:គូស្នេហ៍ សុទ្ធ បញ្ចកា បានព្យាយាមដកពាក្យបណ្តឹងវិញប៉ុន្តែនៅតែមិនអាចគេចផុតពីការឃុំខ្លួននៅឡើយទេ។

ដោយឡែកស្របពេលដែលរឿងរ៉ាវនេះនៅតែមានការតាមដានរបស់មហាជននោះ ក៏ស្រាប់តែប្រភពថ្មីមួយទៀតបានទម្លាយពីមូលហេតុដែលអ្នកនាង សុទ្ធ បញ្ចាកា សម្រេចដកពាក្យបណ្តឹង អេដវីន។

លោកគ្រូពេទ្យម្នាក់ឈ្មោះថា ហ៊ាង រតនា បានរៀបរាប់ថា សុំនិយាយបន្តិចព្រោះខ្ញុំអ្នកដឹងរឿងហើយក៏ប្រហែលជាអាចធ្វើអោយអ្នកជំងឺ Panhchaka June សុទ្ធ បញ្ចកា គាត់បានធូរស្រាលផ្លូវចិត្តខ្លះ។

លោកបន្តថា តាមពិតគាត់សម្រេចដកពាក្យបណ្តឹងវិញដោយសារតែគាត់អាណិតម្តាយ អេដវីន ពេក ព្រោះម្តាយអេដវីនកំពុងមានជំងឺមហារីកមាត់ស្បូនធ្ងន់ធ្ងរដំណាក់កាលចុងក្រោយ គាត់ក៏បានសុំអង្វរ បញ្ចកាអោយដកពាក្យបណ្តឹងទាំងខ្លួនកំពុងជាប់សេរ៉ូម និងជាប់សុងនោមតាមខ្លួន។

គ្រូពេទ្យរូបនេះនិយាយទៀតថា ដោយអាណិតអ៊ុំស្រីពេក ខ្លាចមិនបានឃើញមុខកូនលើកចុងក្រោយគាត់ក៏សម្រេចដកពាក្យបណ្តឹងទៅ (គ្មានហេតុផលអីផ្សេងទៀតទេ) តែរឿងតុលាការដោះលែង ឬមិនដោះលែងជាឆន្ទានុសិទ្ធិរបស់តុលាការ ព្រោះមិនដឹងថា គាត់ជាប់បណ្តឹងអាជ្ញាដែរឬក៏អត់ទេ។

សូមជម្រាបថា តារាសម្តែងលោក អេដវីន នៅរសៀលថ្ងៃទី២៣ ខែមិថុនា ឆ្នាំ២០២១ ត្រូវបានសមត្ថកិច្ចជំនាញនៃការិយាល័យប្រឆាំងការជួញដូរមនុស្ស កងរាជអាវុធហត្ថរាជធានីភ្នំពេញ បញ្ជូនទៅកាន់ពន្ធ នាគារព្រៃស ឃុំខ្លួនបណ្តោះអាសន្ន។ ការបញ្ជូនខ្លួននេះ គឺធ្វើឡើងតាមដីកាបង្គាប់ឲ្យឃុំខ្លួនលេខ៖ ៤៤ ៣៥”ញ”ដ.ឃ.ដចុះថ្ងៃទី២៣ ខែមិថុនា ឆ្នាំ២០២១របស់សាលាដំបូងរាជធានីភ្នំពេញ៕

អត្ថបទ ៖ ចាន់រ៉ា

The post គ្រូពេទ្យម្នាក់ទម្លាយមូលហេតុដែល សុទ្ធ បញ្ចកា ដកពាក្យបណ្តឹង អេដវីន appeared first on Kampuchea Thmey Daily.

សុទ្ធ បញ្ចកា បញ្ជាក់ថាដោយជាប់បណ្តឹងអាជ្ញាទើប អេដវីន ឃុំបណ្តោះអាសន្ន និងរង់ចាំថ្ងៃកាត់ក្តីសិន

KC Virak — Fri, 25 Jun 2021 08:53:16 +0000

ភ្នំពេញ៖ អ្នកនាង សុទ្ធ បញ្ចកា ដែលជាគូស្នេហ៍របស់តារាសម្តែង លោក យិត មាសឧស្សាហ៍ ហៅ អេដវីន បានបញ្ជាក់មុននេះថា ដោយសារតែជាប់បណ្តឹងអាជ្ញា ទើបលោក អេដវីដ ត្រូវឃុំបណ្តោះអាសន្ន និងរង់ចាំថ្ងៃកាត់ក្តីសិនទើបដឹងលទ្ធផលបន្តទៀត។

ជាមួយគ្នានៃការបញ្ជាក់ខាងលើនេះអ្នកនាង សុទ្ធ បញ្ចកា បានបំភ្លឺដែរថា ដោយមានព័ត៌មានខ្លះយល់ខុសថា បន្ទាប់ពីប្រើហិង្សាគាត់ (អេដវីដ) គេចខ្លួននោះ អ្នកនាងថាអះអាងថា អេដវីដ មិនបានគេច ហើយមុនថ្ងៃទៅសារភាពមួយថ្ងៃគាត់បានទៅលុតជង្គង់សំពះម្តាយឪពុកនាង ហើយក៏យំសុំទោសពួកគាត់។

អ្នកនាង សុទ្ធ បញ្ចកា បានបន្តទៀតថា មិនត្រឹមតែប៉ុណ្ណោះ អេដវីថ ក៏បានផ្ញើសារទៅសុំទោសមិត្តភក្តិជិតដិតនាងស្ទេីរទាំងអស់គ្នាថា គាត់ដឹងកំហុសហើយ ដោយសារតែស្រលាញ់ខ្លាំងពេកទើបគាត់តែងតែខ្លាចបាត់បង់នាងពីដើមទ្រូង។

នាងបញ្ជាក់បន្ថែមថា សម្រាប់ដីការកោះហៅ គឺនៅថ្ងៃទី២៤ ខែមិថុនាទេ តែម្តាយនាងបានជូនគាត់ទៅសារភាពមុនថ្ងៃគឺ នៅថ្ងៃទី២០ ខែមិថុនា ហើយពេលនោះគាត់ក៏បានជាប់បណ្ដឹងអាជ្ញាឃុំបណ្តោះអាសន្នចាំថ្ងៃកាត់ក្តីសិន។ មូលហេតុនៃការស្រលាញ់ខ្លាំងខ្វះការពិចារណាវាមិនបានអី្វមកវិញទេ វាមានតែធ្វើឱ្យខ្លួនឯងមានសំពាធ ខ្លាចនេះខ្លាចនោះ។

គួរបញ្ជាក់ដែរថា លោក អេដវីន ត្រូវបានសមត្ថកិច្ចនៃការិយាល័យ ប្រឆាំងការជួញដូរមនុស្ស កងរាជអាវុធហត្ថរាជធានីភ្នំពេញ ធ្វើការឃាត់ខ្លួនកាលពីវេលាម៉ោង ១៤និង១៥នាទី ថ្ងៃទី២០ ខែមិថុនា ឆ្នាំ២០២១ បន្ទាប់ពីមានពាក្យបណ្តឹងរបស់ភាគីនារីរងគ្រោះជាអតីតសង្សារ គឺអ្នកនាង សុទ្ធ បញ្ចកា ពាក់ព័ន្ធករណីអំពើហិង្សាយ៉ាងព្រៃផ្សៃ បង្កឲ្យមានរបួសស្នាម ជាច្រើនកន្លែង និងបំផ្លិចបំផ្លាញនូវទ្រព្យសម្បត្តិ ក្នុងលំនៅដ្ឋានជនរងគ្រោះ ស្នាក់នៅ ដែលលំនៅដ្ឋាននេះ គឺជាកម្មសិទ្ធិរបស់ម្តាយបង្កើតជនរងគ្រោះ៕

អត្ថបទ៖ ចាន់រ៉ា

The post សុទ្ធ បញ្ចកា បញ្ជាក់ថាដោយជាប់បណ្តឹងអាជ្ញាទើប អេដវីន ឃុំបណ្តោះអាសន្ន និងរង់ចាំថ្ងៃកាត់ក្តីសិន appeared first on Kampuchea Thmey Daily.

សុទ្ធ បញ្ចកា ប្រកាសផ្លូវច្បាប់ជាមួយ អេដវីន ក្រោយទម្លាយរូបភាពហិង្សាជាច្រើនសន្លឹក

Sokhom Khon — Thu, 17 Jun 2021 04:15:19 +0000

បន្ទាប់ពីទម្លាយរូបភាពជាច្រើននៃអំពើហិង្សាពីសំណាក់គូស្នេហ៍លោក អេដវីន ដែលបណ្តាលឲ្យមានស្នាមជាំពេញខ្លួននោះ ពេលនេះអ្នកនាង សុទ្ធ បញ្ចកា បានប្រកាសវិធានការផ្លូវច្បាប់ជាមួយតារាប្រុសរូបនេះ។

ការប្រកាសរបស់អ្នកនាង សុទ្ធ បញ្ចកា នេះ បានកើតឡើងក្រោយពេលផ្ទុះនូវរឿងរ៉ាវជម្លោះជាមួយតារាសម្តែងលោក អេដវីន រហូតតារាប្រុសរូបនេះ បានប្រើហិង្សាវាយដំបណ្តាលឲ្យមានរបួសស្នាមពេញខ្លួនព្រោះអំណាចនៃភ្លើងប្រច័ណ្ឌ និងការយល់ច្រឡំ។ នេះបើតាមការបញ្ជាក់ពី បញ្ចកា ។

អ្នកនាង សុទ្ធ បញ្ចកា បានបញ្ជាក់ដោយខ្លីថា រឿងរ៉ាវជម្លោះរវាងនាងនិងគូស្នេហ៍ អេដវីន រង់ចាំដោះ ស្រាយគ្នាតាមផ្លូវច្បាប់។ នាងនិយាយថា នាងការពារកិត្តិយសគាត់ណាស់ ថែចិត្តណាស់ ហើយគាត់ក៏ផ្តល់ឲ្យនាងនូវក្តីសុខមួយរយ:ពេល តែទោះជាយ៉ាងណានាងមិនស្អប់គាត់ទេ ព្រោះគាត់នៅតែជាមនុស្សម្នាក់ដែលនាងធ្លាប់ស្រលាញ់ខ្លាំង។

ទោះបីជាយ៉ាងណា សុទ្ធ បញ្ចកា បានបន្ថែមទៀតថា ពេលនេះ នាងមិនអនុញ្ញាតឲ្យលោក អេដវីន មកវាយធ្វើបាបលើរាងកាយ ឬផ្លូវចិត្តនាងទៀតទេ ព្រោះនាងអស់និស្ស័យកម្មជាមួយគ្នាទៀតហើយ។ រហូតមកទល់ពេលនេះ នៅមិនទាន់មានការបកស្រាយពីលោក អេដវីដ នៅឡើយទេ៕

អត្ថបទ ៖ ចាន់រ៉ា

The post សុទ្ធ បញ្ចកា ប្រកាសផ្លូវច្បាប់ជាមួយ អេដវីន ក្រោយទម្លាយរូបភាពហិង្សាជាច្រើនសន្លឹក appeared first on Kampuchea Thmey Daily.

សុទ្ធ បញ្ចកា Archives - Kampuchea Thmey Daily

អេដ វីន ត្រូវបានដោះលែងឲ្យនៅក្រៅឃុំ ខណៈ សុទ្ធ បញ្ចកា បង្ហាញការឈឺចាប់ខ្លាំង​

គ្រូពេទ្យ​ម្នាក់​ទម្លាយ​មូលហេតុដែល សុទ្ធ បញ្ច​កា ដក​ពាក្យបណ្តឹង អេ​ដ​វីន​

សុទ្ធ បញ្ចកា បញ្ជាក់ថាដោយជាប់បណ្តឹងអាជ្ញាទើប អេដវីន ឃុំបណ្តោះអាសន្ន និងរង់ចាំថ្ងៃ​កាត់​ក្តីសិន

សុទ្ធ បញ្ចកា ប្រកាសផ្លូវច្បាប់ជាមួយ អេដវីន ក្រោយទម្លាយរូបភាពហិង្សាជាច្រើនសន្លឹក​

អេដ វីន ត្រូវបានដោះលែងឲ្យនៅក្រៅឃុំ ខណៈ សុទ្ធ បញ្ចកា បង្ហាញការឈឺចាប់ខ្លាំង

គ្រូពេទ្យម្នាក់ទម្លាយមូលហេតុដែល សុទ្ធ បញ្ចកា ដកពាក្យបណ្តឹង អេដវីន

សុទ្ធ បញ្ចកា បញ្ជាក់ថាដោយជាប់បណ្តឹងអាជ្ញាទើប អេដវីន ឃុំបណ្តោះអាសន្ន និងរង់ចាំថ្ងៃកាត់ក្តីសិន

សុទ្ធ បញ្ចកា ប្រកាសផ្លូវច្បាប់ជាមួយ អេដវីន ក្រោយទម្លាយរូបភាពហិង្សាជាច្រើនសន្លឹក