ការ​ប្រកួត​ដណ្តើម​ខ្សែ​ក្រវាត់​ពិភព​លោក ISKA នេះ កីឡាករ សោម ពិសិដ្ឋ ត្រូវ​ប៉ះ​ដៃ​គូ​ដែល​មាន​កាយ​សម្បទា​ល្អ និង​បទ​ពិសោធ​ច្រើន George Mouzakitis ជា​កូន​កាត់​អង់គ្លេស-ក្រិក។ កីឡាករ​​ដែល​មាន​ កម្ពស់ ១.៨០​ម៉ែត្រ និង​ទម្ងន់​៦៥​គីឡូក្រាម បានចាប់​អាជីព​ប្រដាល់​ជា​ច្រើន​ឆ្នាំ​មក​ហើយ ប៉ុន្តែ​មិន​សូវ​បាន​ប្រកួត​ញឹក​ញាប់​ទេ។ រូប​គេ​បាន​ប្រកួត​មិន​អាជីព​ ឬ​ស្ម័គ្រ​ចិត្ត​ជា​ច្រើន​មុន​ពេល​​​ប្រកួត​កម្រិត​អាជីព។

កីឡាករ George Mouzakitis បាន​ប្រកួត​នៅ​សង្វៀន ONE Championship ចំនួន ២ លើក ប៉ុន្តែ​បរាជ័យ​ទាំង​ពីរលើក។ លើក​ទី១ រូប​គេ​បាន​ចាញ់​ពិន្ទុ​កីឡាករ​តួកគី Ferzan Cicek នៅ​ថ្ងៃ​ទី​៨ ខែ​មីនា ឆ្នាំ ២០២៥ និង លើក​ទី​២ រូប​គេ​បាន​ចាញ់​សន្លប់​ក្នុង​ទឹក​ទី​៣ ក្រោម​ស្នាដៃ​របស់​កីឡាករ Parham Gheirati នៅ​​ថ្ងៃ​ទី​២៥ ខែ​តុលា ឆ្នាំ ២០២៤។

តាម​ស្ថិតិ​ដែល​បង្ហាញ​ច្បាស់​សម្រាប់​ការ​ប្រកួតអាជីព​គឺ ឈ្នះ ៧ លើក និង​ចាញ់ ៤ លើក។ ក្នុង​ចំណោម​ការ​ឈ្នះ​ទាំង ៧ លើក​គឺ រូប​គេ​បាន​ផ្តួល​ដៃ​គូ​ឲ្យ​សន្លប់ ១ លើក និង​ឈ្នះ ពិន្ទុ ៦ លើក ខណៈ​​ចាញ់​ពិន្ទុ ៣ លើក និង​ចាញ់​សន្លប់ ១ លើក។ ការ​ប្រកួត​ចុង​ក្រោយ កាល​ពី​ថ្ងៃ​ទី​៨ ខែ​មីនា ឆ្នាំ ២០២៥ រូប​គេ​បាន​ឈ្នះ​ពិន្ទុ​កីឡាករ Damien Alamos។

តាម​សេចក្តី​ប្រកាស​របស់​កម្មវិធី Muay Thai Grand Prix ​​បាន​បង្ហាញ​ថា កីឡាករ​ George Mouzakitis មាន​ខ្សែ​ក្រវាត់​ចំនួន ៤ គឺ​ខ្សែ​ក្រវាត់​ពិភព​លោក​ IMC World Champion, ខ្សែ​ក្រវាត់​ថ្នាក់​ជាតិ​ WBC National Champion, ខ្សែ​ក្រវាត់​ WBC NKT និង​ខ្សែ​ក្រវាត់​ MTGP ទ្វីប​អឺរ៉ុប។

ឥឡូវ​នេះ Mouzakitis ចាប់​ផ្តើម​ប្រកួត​ដណ្តើម​ខ្សែ​ក្រវាត់​ពិភព​លោក ISKA ជា​លើក​ដំបូង​ដែល​ត្រូវ​តទល់​នឹង​កីឡាករ​កម្ពុជា សោម ពិសិដ្ឋ ​នៅ​ថ្ងៃ​ទី​៨​ ខែ​វិច្ឆិកា ឆ្នាំ ២០២៥។ កីឡាករ​គុនខ្មែរ​មាន​ប្រវត្តិ​ប្រកួត ៧៥​ដង រាប់​បញ្ចូល​ទាំង​ការ​ប្រកួត​អាជីព និងមិន​អាជីព ក្នុង​នោះ​ឈ្នះ ៥១​ដង។ ពិសិដ្ឋ បាន​ឈ្នះ​មេដាយ​មាស​គុន​ខ្មែរ​​ថ្នាក់​ជាតិ​ឆ្នាំ ២០២២ និង​មេដាយ​មាស​កីឡា​ជាតិ ឆ្នាំ ២០២៣។

ទោះ​ពី​ជា​យ៉ាង​ណា សោម ពិសិដ្ឋ មិន​សូវ​មាន​កេរ្ត៍​ឈ្មោះ​ល្បី​​នៅ​ក្នុង​ប្រទេស ហើយ​ការ​ប្រកួត​នៅ​ក្នុង​ស្រុក​ទៀត​សោត​ក៏​មិន​សូវ​ទទួល​បាន​ឱកាស​ប្រកួត​ក្នុង​ព្រឹត្តិការណ៍​ធំ​ៗ​ដែរ។ ការ​បោះ​ជំហាន​ទៅ​ប្រទេស​អង់គ្លេស​លើក​នេះ​គឺ​ជា​ឱកាស​ធំ​ដែល​រូប​គេ​ត្រូវ​បង្ហាញ​សមត្ថភាព សាង​កេរ្តិ៍​ឈ្មោះ និង​ស្វែង​រក​ឧត្តម​សម្រាប់​ខ្លួន​ឯង ព្រម​ទាំង​ប្រទេស​ជាតិ៕

អត្ថបទ៖ វីរបុត្រ

The post កីឡាករ Mouzakitis ជា​ម្ចាស់​ខ្សែ​ក្រវាត់ ៤ ប៉ះ សោម ពិសិដ្ឋ ដណ្តើម​ខ្សែ​ក្រវាត់ ISKA នៅ​អង់គ្លេស appeared first on Kampuchea Thmey Daily.

លោក សោម ពិសិដ្ឋ អភិបាលខេត្តកែប បានមានប្រសាសន៍បញ្ជាក់ឱ្យដឹងថា ផ្លូវប្របមាត់សមុទ្រនេះជាការស្ថាបនាថ្មីសុទ្ធសាទ តាមរយៈការចុះដោះស្រាយផលប៉ះពាល់នានា ដែលជាប់គាំងប្រមាណជាង ៦ ឆ្នាំ រហូតមានការស្រុះស្រួលគ្នារវាងពលរដ្ឋ និងអាជ្ញាធរ ទើបទទួលបានសមិទ្ធផលថ្មីដូចពេលនេះ ហើយបច្ចប្បន្នឃើញថា ការក្រាលកៅស៊ូបានសម្រេចរួចរាល់ ហើយការស្ថាបនាផ្លវូថ្មើរជើង និងជិះកង់ ក៏ជិតរួចរាល់ហើយដែរ។

លោក សោម ពិសិដ្ឋ បានមានប្រសាសន៍បន្ថែមថា ការស្ថាបនាផ្លូវដែលជាសសៃឈាមទេសចរណ៍ដ៏មានសារៈសំខាន់នេះ គឺស្របតាមគោលនយោបាយរបស់រាជរដ្ឋាភិបាលតាំងពីអាណត្តិមុន រហូតមកដល់អាណត្តិថ្មីនេះ ក្រោមការដឹកនាំរបស់ សម្តេចធិបតី ហ៊ុន ម៉ាណែត ដែល សម្តេច តែងតែជំរុញឱ្យទូទាំងរាជធានី-ខេត្ត ពង្រីកនូវសក្តានុពលទេសចរណ៍របស់ខ្លួន តាមរយៈការខិតខំរួមគ្នារបស់ថ្នាក់ដឹកនាំ ខេត្តកែប បានលេចចេញនូវសមិទ្ធផលធំៗជាច្រើន ហើយសមិទ្ធផលទាំងនោះ បានរួមចំណែកទាញចំណូលបន្ថែមដល់ប្រជាពលរដ្ឋផងដែរ៕

អត្ថបទ ៖ សឹង រ៉ាត់

The post ផ្លូវមាត់សមុទ្រ កំពង់ផែ «កោះទន្សាយ» ស្ថាបនាបានប្រមាណ ៩៥ ភាគរយ appeared first on Kampuchea Thmey Daily.

លោក សោម ពិសិដ្ឋ អភិបាលខេត្តកែប បានថ្លែងណែនាំនៅក្នុងឱកាសសំណេះសំណាលជាមួយអាជ្ញាធរក្រុង ស្រុក កងម្លាំងប្រដាប់អាវុធគ្រប់អង្គភាព និងមន្ត្រីបុគ្គលិកសុខាភិបាល នៅព្រឹកនេះថា ថ្វីត្បិតកាលពីប៉ុន្មានថ្ងៃមុន ខេត្តកែបមានស្ត្រីអាយុ៣៤ឆ្នាំម្នាក់មកពីខេត្តព្រះសីហនុ មានវិជ្ជមានកូវីដ១៩ ប៉ុន្តែអ្នកពាក់ព័ន្ធ៥នាក់ទៀត គឺទទួលលទ្ធផលអវិជ្ជមានទាំងអស់ក្នុងការធ្វើតេស្តលើកទី១។

លោក សោម ពិសិដ្ឋបន្តថា ដើម្បីបង្ការ ការពារ កុំឲ្យមានការរីករាលដាលជំងឺកូវីដ១៩ នៅក្នុងសហគមន៍នីមួយៗ ចាំបាច់មន្ត្រីគ្រប់ជំនាញត្រូវតែសហការគ្នា បន្តធ្វើការផ្សាយរាល់វិធានការចាំបាច់ទាំងឡាយ ពិសេសវិធានការប្រយុទ្ធប្រឆាំងនឹងជំងឺកូវីដ១៩ និងអនុវត្តតាមគោលការណ៍របស់ក្រសួងសុខាភិបាល និងអនុវត្តតាមអនុសាសន៍របស់សម្តេច តេជោ ហ៊ុន សែន ដែលជាវិធានការដ៏សំខាន់ គឺ”៣ការពារ ៣កុំ”។

បន្ទាប់ពីព្រឹត្តិការណ៍សហគមន៍ ២០កុម្ភៈ រដ្ឋបាលខេត្តកែប បានណែនាំដល់មន្ត្រីក្រោមឱវាទ ធ្វើផ្សព្វផ្សាយនិងអនុវត្តវិធានការរបស់ក្រសួងសុខាភិបាល និងដាក់រនាំងដើម្បីត្រួតពិនិត្យ វាស់កម្តៅ លាងសម្អាតដៃ នឹងបាញ់អាល់កុល ដល់អ្នកធ្វើដំណើរឆ្លងកាត់ក្នុងភូមិសាស្រ្តខេត្តកែប ដោយការត្រួតពិនិត្យនេះបានអនុវត្តឡើងលើ២៤ម៉ោង ដែលមាន៣​គោលដៅ រួមមាន៖ គោលដៅក្រុងកែប ចំណុចមុខវិទ្យាល័យ ប៊ុនរ៉ានី ហ៊ុន សែន ចរិយាវង្ស(ផ្លូវជាតិលេខ៣៣) និងគោលដៅស្រុកដំណាក់ចង្អើរ មាន២កន្លែង គឺត្រង់ចំណុច រោងចក្រពូចិន(ផ្លូវជាតិលេខ៣៣) និងចំណុចស្ពានដែក (ផ្លូវជាតិលេខ១៣៣២)។

ជាមួយគ្នានេះបន្ទាប់ពីសំណេះសំណាល សួរសុខទុក្ខ ដល់កម្លាំងចម្រុះ នៅតាមគោលដៅនិមួយៗរួចមក រដ្ឋបាលខេត្តកែប បានពាំនាំនូវអំណោយរបស់សម្តេច កិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ក្នុងនោះមានគ្រឿងឧបភោគ បរិភោគ និងសម្ភារៈ សម្រាប់បង្ការ ការពារជំងឺកូវីដ ១៩ មានម៉ាស់ ជែល អាកុល អង្ករ និងថវិកាមួយចំនួនផងដែរ៕

អត្ថបទ៖សេង ណារិទ្ធ

The post អភិបាលខេត្តកែប ណែនាំឲ្យមន្ត្រីបង្កើនសកម្មភាពក្នុងយុទ្ធនាការបង្ការជំងឺកូវីដ១៩ appeared first on Kampuchea Thmey Daily.

ដោយឡែកគណនីហ្វេសប៊ុកដែលមានឈ្មោះថា«សោម ពិសិដ្ឋ» ដែលបានឆាតទៅទំនាក់ទំនងជាមួយគណនីហ្វេសប៊ុកមួយឈ្មោះ «Jëë Mēÿ» គឺគណនីក្លែងក្លាយ។ សូមអំពាវនាវដល់សារព័ត៌មានជាតិ និងអន្តរជាតិ ជាពិសេសគណនីហ្វេសប៊ុក ឈ្មោះ«Jëë Mēÿ» កែតម្រូវព័ត៌មានរបស់ខ្លួនដែលបានចុះផ្សាយនេះជាបន្ទាន់ និងសូមសំណូមពរឲ្យអាជ្ញាធរមានសមត្ថកិច្ចស្វែងរកជនដែលបង្កើតព័ត៌មានក្លែងក្លាយនេះ មកផ្តន្ទាទោសតាមច្បាប់ជាធរមាន។

The post ច្រានចោលព័ត៌មាន​លោកអភិបាលខេត្ត​កែប លួច​ទាក់ទងស្រីក្មេង appeared first on Kampuchea Thmey Daily.