ស៊ន រ៉ាគីម Archives - Kampuchea Thmey Daily

ស៊ន រ៉ាគីម ឆ្លងកាត់ការលំបាក របួស បរាជ័យជាច្រើនដង ប៉ុន្តែមិនដែលគិតថាបោះបង់អាជីពប្រដាល់

Sina Noun — Wed, 08 Oct 2025 07:59:04 +0000

កីឡាករ ស៊ន រ៉ាគីម ដោយរងបរាជ័យដោយសារឈឺជើងអំឡុងការប្រកួតអន្តរជាតិកាលពីថ្ងៃទី៥ ខែតុលា ឆ្នាំ២០២៥ នៅសង្វៀនថោនរួចមករូបគេបង្ហោះសារលើហ្វេសបុកបញ្ជាក់ពីជំហរថាមិនដែលមានគំនិតបោះបង់អាជីពគុនខ្មែរនេះទេតាំងតែមុនរហូតមកដល់ពេលឥលូវ។

ការបង្ហោះសាររបស់ រ៉ាគីម

បរាជ័យដោយការទាត់ដៃគូរួចឈឺជើងខ្លួនឯងរហូតបោះបង់ការប្រកួតកាលពីថ្ងៃទី៥ តុលា ២០២៥ នេះហាក់ដូចជាបំបាក់ទឹកចិត្ត ស៊ន រ៉ាគីម ជាខ្លាំង ព្រោះតែជំងឺមួយនេះធ្វើឲ្យរូបគេសម្រាកពីសង្វៀនរយៈពេលជិតមួយឆ្នាំមកហើយ។

ការសំងំព្យាបាលរបួសអស់ថវិកាជាច្រើន និងការបាត់ចំណូលផ្គត់ផ្គង់ក្រុមគ្រួសារកន្លងទៅជិតមួយឆ្នាំនេះធ្វើឲ្យ ស៊ន រ៉ាគីម ជួបបញ្ហាជីវភាពរស់នៅប្រចាំថ្ងៃជាខ្លាំង និងទន្ទឹងរង់ចាំជាសៈស្បើយដើម្បីបានប្រកួតឡើងវិញ។

ដៃគូដែលប្រកួតគ្នាថ្ងៃទី៥ តុលា ២០២៥

ចំពោះបរាជ័យដោយសារឈឺជើងប៉ុន្មានថ្ងៃមុននេះហាក់ធ្វើឲ្យប៉ះពាល់អារម្មណ៍ រ៉ាគីម ផងដែររហូតរូបគេបានបង្ហោះសារលើកទឹកចិត្តខ្លួនឯង និងបញ្ជាក់ពីជំហរបន្តដំណើរលើវិថីគុនខ្មែរតទៅទៀតដោយមិនដែលគិតថាបោះបង់អាជីពមួយនេះឡើយ។

បន្ទាប់ពីថ្ងៃប្រកួតនោះមក ស៊ន រ៉ាគីម បានទៅថតជើងពិនិត្យជើងផងដែរគឺលទ្ធផលមិនមានបញ្ហាធ្ងន់ធ្ងរ ឬប៉ះពាល់ដល់របួសចាស់នោះទេ ពោលដោយសារទាត់ចំសាច់ដុំធ្វើឲ្យឈឺចាប់ភ្លាមៗអំឡុងពេលប្រកួតកាលនោះប៉ុណ្ណោះ។

រ៉ាគីម ពេលពិនិត្យរួច

បញ្ជាក់ដែរថា កីឡាករ ស៊ន រ៉ាគីម ទើបតែឡើងសង្វៀនវិញបាន២ប្រកួតប៉ុណ្ណោះបន្ទាប់ពីរបួសជើង និងដៃកាលពីជិតមួយឆ្នាំមុន។ ការប្រកួតលើកទី២ របស់អ្នកលេងគុនខ្មែរ ស៊ន រ៉ាគីម នេះចាញ់កីឡាករ Titoun (ទី ទួន) កាលពីថ្ងៃទី៥ ខែតុលា ឆ្នាំ២០២៥ នៅឯសង្វៀនថោន៕

អត្ថបទដោយ៖ នួន ស៊ីណា

The post ស៊ន រ៉ាគីម ឆ្លងកាត់ការលំបាក របួស បរាជ័យជាច្រើនដង ប៉ុន្តែមិនដែលគិតថាបោះបង់អាជីពប្រដាល់ appeared first on Kampuchea Thmey Daily.

ស៊ន រ៉ាគីម បុកហាត់ខ្លាំង៣សប្ដាហ៍ត្រៀមប្រកួតជាថ្មីក្រោយសម្រាកព្យាបាលរបួសអស់៩ខែ

Sina Noun — Thu, 11 Sep 2025 07:08:07 +0000

អ្នកលេងគុនខ្មែរ ស៊ន រ៉ាគីម ថារូបគេបុកហ្វឹកហាត់ខ្លាំងប្រហែល ៣សប្ដាហ៍ហើយដើម្បីត្រៀមលក្ខណៈឲ្យបានល្អគ្រប់គ្រាន់វិលមកកាន់ការប្រកួតស្អែកនេះក្រោយសម្រាកព្យាបាលរបួសជើងអស់រយៈពេល ៩ខែមកនេះ។

កីឡាករ ស៊ន រ៉ាគីម

កីឡាករ ស៊ន រ៉ាគីម បានឲ្យដឹងមកថា ចំពោះបញ្ហារបួសកន្លងទៅនោះគឺបានជាសះស្បើយ និងបានហ្វឹកហាត់ខ្លាំងដូចដើមវិញហើយ។ ការហ្វឹកហាត់ទាត់ធ្ងន់ៗ និងស្នៀតវាយដៃគឺខ្លួនបានសាកល្បងរួចរាល់ហើយមិនមានអ្វីជាបញ្ហានោះឡើយ ប៉ុន្តែក៏រងចាំមើលការប្រកួតជាក់ស្ដែងលើសង្វៀនសិន។

រ៉ាគីម និង វណ្ណថង

អ្នកប្រដាល់ដើមកំណើតពីខេត្តបាត់ដំបងរូបនេះបន្ថែមទៀតថា រូបគេនឹងខំប្រឹងប្រែងប្រកួតឲ្យបានល្អជូនអ្នកគាំទ្រ។ ដោយសារខ្លួនអាក់ខានឡើងសង្វៀនជិត១ឆ្នាំមកហើយ ដូច្នេះបើការប្រកួតនេះល្អ ឬមិនល្អដល់កម្រិតណានោះសូមប្រិយមិត្តកុំប្រកាន់។

កម្មវិធីប្រកួត

បញ្ជាក់ដែរថា កីឡាករ ស៊ន រ៉ាគីម បាត់មុខពីសង្វៀនគុនខ្មែរប្រហែល ៩ខែមកហើយដោយសារបួសដៃ និងរបួសជើង។ នៅថ្ងៃទី១២ ខែកញ្ញា ឆ្នាំ២០២៥ ស្អែកនេះរូបគេនឹងត្រូវប្រកួតមិត្តភាពអន្តរជាតិជាមួយកីឡាករឡាវនៅសង្វៀនថោន ចាប់ពីម៉ោង ៧យប់តទៅ៕

អត្ថបទដោយ៖ នួន ស៊ីណា

The post ស៊ន រ៉ាគីម បុកហាត់ខ្លាំង៣សប្ដាហ៍ត្រៀមប្រកួតជាថ្មីក្រោយសម្រាកព្យាបាលរបួសអស់៩ខែ appeared first on Kampuchea Thmey Daily.

កីឡាករ ស៊ន រ៉ាគីម ចូលហ្វឹកហាត់សាកឡើងវិញ ប៉ុន្តែអាការៈរបួសនៅឈឺ

Sina Noun — Mon, 12 May 2025 05:39:38 +0000

កីឡាករ ស៊ន រ៉ាគីម ថារូបគេបានសាកចូលហ្វឹកហាត់ឡើងវិញ ប៉ុន្តែនៅឈឺរបួសនៅឡើយទេនឹងជួបពេទ្យពិនិត្យជាថ្មីទៀតដើម្បីដឹងពីស្ថានភាពរបួសត្រូវសម្រាក ឬអាចចូលហ្វឹកហាត់វិញនៅពេលណា។

កីឡាករ ស៊ន រ៉ាគីម

នេះបើតាមការឲ្យដឹងពីកីឡាករ ស៊ន រ៉ាគីម នៅមុននេះថា បន្ទាប់ពីសម្រាកព្យាបាលរបួសបាក់ជើង និងប្រេះដៃតាំងពីអំឡុងខែមករារួចមករូបគេក៏សាកចូលហ្វឹកហាត់វិញខ្លះៗ ប៉ុន្តែអាការៈនៅឈឺចាប់ជើងនៅឡើយទេបើទោះជាហ្វឹកហាត់វាយដៃស្រាលៗក៏ដោយ។

កីឡាករ ស៊ន រ៉ាគីម និងកូន

អ្នកប្រដាល់ខេត្តបាត់ដំបងរូបនេះបន្ថែមទៀតថា ស្អែកនេះនឹងទៅជួបពេទ្យម្ដងទៀតដើម្បីបញ្ជាក់ពីអាការៈឈឺនេះឲ្យច្បាស់ដើម្បីដឹងថាត្រូវសម្រាកប៉ុន្មានខែទៀត ឬអាចចាប់ផ្ដើមហាត់វិញនៅពេលណាជាដើម។ រ៉ាគីម ឲ្យដឹងទៀតថា នៅពេលមេឃត្រជាក់គឺចាប់អួលៗដៃ។ បច្ចុប្បន្នរូបគេនៅតែបន្តញុំថ្នាំវីតាមីន និងទឹកដោះគោ ជារៀងរាល់ថ្ងៃដើម្បីព្យាបាលរបួសឆ្អឹងនេះឲ្យឆាប់ជាសះស្បើយឡើងវិញឆាប់ៗ។

កីឡាករ ស៊ន រ៉ាគីម

កូនសិស្សលោក ឈុត សេរី រូបនេះបន្ថែមទៀតថា រូបគេចង់ឲ្យឆាប់ជាឡើងវិញដើម្បីបានចូលហ្វឹកហាត់ ឬប្រកួត ព្រោះតែការចំណាយច្រើនក្នុងក្រុមគ្រួសារ ខណៈចំណូលទាំងស្រុកគឺពឹងផ្អែកលើខ្លួនតែម្នាក់គត់។ ដូច្នេះបើមិនបានឡើងប្រកួតបែបនេះការរ៉ាប់រងផ្សេងៗក្នុងគ្រួសារក៏ជួបការលំបាកដែរ។ ស្របពេលថ្លៃទឹកដោះគោ ថ្នាំវីតាមីន ក្នុងមួយខែៗរូបគេចំណាយខ្ទង់ ៣០០ដុល្លារឯណោះ។

បញ្ជាក់ដែរថា ស៊ន រ៉ាគីម ជាអ្នកប្រដាល់នៅក្លឹបរ៉ាហ៊ូខេត្តបាត់ដំបង និងជាកូនសិស្សលោក ឈុត សេរី។ រូបគេរបួសបាក់ឆ្អឹងតូចជើងស្ដាំ និងប្រេះ ចំណែកដៃវិញគឺស្រាំ ក្នុងការប្រកួតផ្ដាច់ព្រ័ត្រដណ្ដើមឡានជាមួយកីឡាករ ពុទ្ធ សំបូរ កាលពីថ្ងៃទី១៨ ខែឧសភា ឆ្នាំ២០២៥ ៕

អត្ថបទដោយ៖ នួន ស៊ីណា

The post កីឡាករ ស៊ន រ៉ាគីម ចូលហ្វឹកហាត់សាកឡើងវិញ ប៉ុន្តែអាការៈរបួសនៅឈឺ appeared first on Kampuchea Thmey Daily.

ស៊ន រ៉ាគីម Archives - Kampuchea Thmey Daily

ស៊ន​ រ៉ាគីម​ ឆ្លងកាត់​ការ​លំបាក​ របួស​ បរាជ័យ​ជា​ច្រើន​ដង ប៉ុន្តែ​មិន​ដែល​គិត​ថា​បោះបង់​អាជីព​ប្រដាល់​

ស៊ន​ រ៉ាគីម​ បុក​ហាត់​ខ្លាំង​៣សប្ដាហ៍​ត្រៀម​ប្រកួត​ជា​ថ្មី​ក្រោយ​សម្រាក​ព្យាបាល​របួស​អស់​៩​ខែ​

កីឡាករ​ ស៊ន​ រ៉ាគីម​ ចូល​ហ្វឹកហាត់​សាក​ឡើង​វិញ​ ប៉ុន្តែ​អាការៈ​របួស​នៅ​ឈឺ​

ស៊ន រ៉ាគីម ឆ្លងកាត់ការលំបាក របួស បរាជ័យជាច្រើនដង ប៉ុន្តែមិនដែលគិតថាបោះបង់អាជីពប្រដាល់

ស៊ន រ៉ាគីម បុកហាត់ខ្លាំង៣សប្ដាហ៍ត្រៀមប្រកួតជាថ្មីក្រោយសម្រាកព្យាបាលរបួសអស់៩ខែ

កីឡាករ ស៊ន រ៉ាគីម ចូលហ្វឹកហាត់សាកឡើងវិញ ប៉ុន្តែអាការៈរបួសនៅឈឺ