ស៊ន អេលីត Archives - Kampuchea Thmey Daily

សូរិយ៉ា មេឃា មានមហិច្ឆតាជាមួយក្លឹបថ្មីចង់ល្បីចង់មានផ្ទះ មានឡាន ដូចរៀមច្បងៗ

Sina Noun — Sat, 04 Oct 2025 06:10:06 +0000

កីឡាករ សូរិយ៉ា មេឃា ថាការមកកាន់ក្លឹបថ្មីនេះគឺខ្លួនចង់សាងកេរ្តិ៍ឈ្មោះឲ្យបានល្បីដូចរៀមច្បងៗក្នុងគុនខ្មែរ និងជោគជ័យមានឡាន មានផ្ទះ មានលុយ នៅថ្ងៃខាងមុខ។

អេលីត មេឃា ពេលកំពុងហ្វឹកហាត់

សូរីយ៉ា មេឃា ឬហៅឈ្មោះថ្មីថា អេលីត មេឃា បានឲ្យដឹងថា ខ្លួនពិតជាមានចិត្តសប្បាយរីករាយដែលមកកាន់ក្លឹបថ្មី ស្របស្រឿយគុនខ្មែរ នៅពេលនេះ។ ក្លឹបថ្មីនេះស្អាតល្អ មានសម្ភារហ្វឹកហាត់សំបូរគ្រប់គ្រាន់ និងហ្វឹកហាត់ខ្លាំងជាងក្លឹបចាស់ទៀតផង។

អ្នកលេងគុនខ្មែររូបនេះបន្តទៀតថា មហិច្ឆតារបស់ខ្លួនជាមួយក្លឹបថ្មីនេះគឺនឹងខំប្រឹងហ្វឹកហាត់ និងឡើងប្រកួតឲ្យបានល្អសាងកេរ្តិ៍ឈ្មោះឲ្យបានល្បី។ មួយវិញទៀតគឺនឹងប្រឹងឲ្យក្លាយជាកីឡាករល្អមួយរូប និងទទួលបានភាពជោគជ័យដូចជាមានឡានជិះ មានផ្ទះនៅ មានលុយ ដូចរៀមច្បងផ្សេងៗដែលជោគជ័យកន្លងមក។

អេលីត មេឃា ពេលកំពុងហ្វឹកហាត់

អេលីត មេឃា សូមឲ្យមហាជនជួយគាំទ្រខ្លួនផងនៅពេលឡើងប្រកួតថ្ងៃខាងមុខនេះ។ រូបគេនឹងខំប្រឹងឲ្យអស់ពីសមត្ថភាព និងដឹងគុណចំពោះអ្នកគាំទ្រខ្លួនដែលស្រឡាញ់ចូលចិត្តផងដែរ។

បញ្ជាក់ដែរថា កីឡាករ អេលីត មេឃា បានផ្លាស់ប្ដូរក្លឹបថ្មីហើយគឺមកកាន់ក្លឹបស្របស្រឿយគុនខ្មែរ ដែលមានលោក ស៊ន អេលីត ជាអ្នកបង្ហាត់មើលការខុសត្រូវ។ កីឡាកររូបនេះកំពុងសម្រុកហ្វឹកហាត់ខ្លាំងដើម្បីត្រៀមចេញប្រកួតតាមកម្មវិធីផ្សេងៗនៅពេលខាងមុខ៕

មេឃា ពេលប្ដូរមកក្លឹបថ្មី

អត្ថបទដោយ៖ នួន ស៊ីណា

The post សូរិយ៉ា មេឃា មានមហិច្ឆតាជាមួយក្លឹបថ្មីចង់ល្បីចង់មានផ្ទះ មានឡាន ដូចរៀមច្បងៗ appeared first on Kampuchea Thmey Daily.

ស៊ន អេលីត លើកឡើងថា សហព័ន្ធគួរពិនិត្យកីឡាករមានគុណភាព មុនអនុញ្ញាតឲ្យចេញទៅក្រៅប្រទេស

Sina Noun — Tue, 02 Sep 2025 02:19:47 +0000

លោក ស៊ន អេលីត បានបង្ហោះសារនៅលើហ្វេសបុករបស់លោកកាលពីយប់មិញនេះថា សហព័ន្ធគួរពិនិត្យមើលសមត្ថភាពកីឡាករដែលត្រូវចេញទៅប្រកួតឯក្រៅប្រទេសបន្តិចមុនអនុញ្ញាតឲ្យប្រកួតតំណាងកម្ពុជាពិសេសទៀតនោះគឺការប៉ះគ្នាជាមួយកីឡាករផ្ទះលេខ២ ឬកីឡាករសៀមតែម្ដង។

ការបង្ហោះរបស់លោក ស៊ន អេលីត

ក្នុងអត្ថន័យ នៃការបង្ហោះរបស់លោក ស៊ន អេលីត ខាងលើនេះគឺលោកចង់ឲ្យកីឡាករដែលចេញទៅប្រកួតនៅឯក្រៅស្រុកទាំងអស់មានសមត្ថភាពល្អក្នុងការប្រកួតបន្តិចជាជាងកីឡាករមានសមត្ថភាពល្មម ឬមានកម្រិតទាបបានចេញទៅដូចឥលូវៗនេះ។ កីឡាករដែលមានកម្រិតសមត្ថភាពនៅទាបមួយចំនួនចេញទៅគឺដូចជាទៅឲ្យគេវាយអីចឹង។

លោក ស៊ន អេលីត

លោក ស៊ន អេលីត បង្ហោះសារនេះជាមតិយោបល់ផ្ទាល់ខ្លួនសំដៅទៅកាន់សហព័ន្ធគួរពិនិត្យឲ្យបានល្អិតល្អន់ជាងនេះបន្តិចពាក់ព័ន្ធកីឡាករដែលត្រូវបញ្ជូនទៅប្រកួតនៅឯក្រៅប្រទេសបែបនេះ។ ព្រោះជាការប្រកួតតំណាងគុនខ្មែរ តំណាងប្រទេសទាំងមូលត្រូវតែមានសមត្ថភាពលេចធ្លោបន្តិចហើយដើម្បីកុំឲ្យខ្មាស់គេជាពិសេសនៅពេលប្រកួតជាមួយកីឡាករផ្ទះលេខ២ ឬកីឡាករសៀមបែបនេះ។

បញ្ជាក់ដែរថា ការស៊ែអមដោយចំណងជើង (Caption) របស់លោក ស៊ន អេលីត នេះបន្ទាប់ពីឃើញមានការបង្ហោះមួយបញ្ជាក់ការចេញទៅប្រកួតនៅឯប្រទេសចិនរបស់កីឡាករគុនខ្មែរ សូត្រ ខេវិន ឆាប់ៗខាងមុខនេះ៕

អត្ថបទដោយ៖ នួន ស៊ីណា

The post ស៊ន អេលីត លើកឡើងថា សហព័ន្ធគួរពិនិត្យកីឡាករមានគុណភាព មុនអនុញ្ញាតឲ្យចេញទៅក្រៅប្រទេស appeared first on Kampuchea Thmey Daily.

លោកគ្រូ ស៊ន អេលីត ប្រកាសឈប់ទទួលកូនសិស្សទៀតហើយ

chean virakbot — Tue, 01 Aug 2023 03:48:27 +0000

ប្រធានក្លិបប្រដាល់គុនខ្មែរ នាយកដ្ឋានអង្គរក្ស លោកគ្រូ ស៊ន អេលីត បានប្រកាសឈប់ទទួលកូនសិស្សទៀតហើយ បន្ទាប់ពីមានបងប្អូនស្រឡាញ់គុនខ្មែរជាច្រើនបានសុំចូលវឹកហាត់នៅក្លិបរបស់លោកគ្រូ។

លោកគ្រូ ស៊ន អេលីត និយាយថា៖«តាមពិតទៅ ខ្ញុំចង់ទទួលកូនសិស្សបន្ថែមទៀតដែរ ប៉ុន្តែខ្ញុំជួបបញ្ហាលំបាកក្នុងការរកទីផ្សារឲ្យកីឡាករថ្មីៗប្រកួតមិនបាន។ រឿងសង្វៀនថ្នាលក៏ខ្ញុំចង់ផ្អាកឈប់ធ្វើដែរ ដោយសារខ្ញុំត្រូវចំណាយលុយខ្លួនឯងនិងមានបញ្ហាប្រឈមជាច្រើន ប្រសិនបើកីឡាករទាំងអស់មានបញ្ហារបួសស្នាមទៀតគឺខ្ញុំកាន់តែពិបាក»។

ការលើកឡើងរបស់លោកគ្រូ ស៊ន អេលីត បែបនេះ បន្ទាប់ពីវិស័យគុនខ្មែរហាក់មានសន្ទុះគាំទ្រខ្លាំងពីមហាជន និងមានបងប្អូនជាច្រើន ដែលស្រឡាញ់គុនខ្មែរបានសុំចូលហ្វឹកហាត់ក្នុងក្លិបរបស់លោកគ្រូជាបន្តបន្ទាប់។

បើក្រឡែកមើលទៅទីផ្សារប្រកួតនៅក្រៅស្រុកនាពេលបច្ចុប្បន្ន ជាពិសេសការប្រកួតនៅប្រទេសថៃវិញគឺខាងភាគីថៃបានបិទទីផ្សារក្នុងការយកកីឡាករខ្មែរទៅប្រកួតទេ បន្ទាប់ពីកីឡាប្រដាល់គុនខ្មែរត្រូវបានដាក់បញ្ចូលជាផ្លូវការក្នុងកីឡាស៊ីហ្គេម លើកទី៣២ ដែលប្រទេសកម្ពុជាម្ចាស់ផ្ទះ។ វិវាទជាច្រើនទៀតរវាងគុនខ្មែរនិងមួយថៃ។

លោកគ្រូ ស៊ន អេលីត បានបន្ថែមថា៖«ពាក់ព័ន្ធជាមួយកម្មពិធីខ្មែរ-ថៃ យើងមានបញ្ហាដោយសារអ្នកគាំទ្រទាំងសងខាងប៉ះទង្គិចគ្នាបង្កទៅជាវិវាទ ដែលធ្វើឲ្យយើងពិបាកក្នុងការទៅប្រកួតនៅប្រទេសថៃ។ ខ្ញុំសង្ឃឹមថា នឹងមានការយោគយល់ហើយស្វែងរកចំណុចកណ្ដាលណាមួយដើម្បីឲ្យកីឡាករខ្មែរអាចចូលសង្វៀនថៃបាន»៕

អត្ថបទ៖ ផា រតនា

The post លោកគ្រូ ស៊ន អេលីត ប្រកាសឈប់ទទួលកូនសិស្សទៀតហើយ appeared first on Kampuchea Thmey Daily.

ស៊ន អេលីត Archives - Kampuchea Thmey Daily

សូរិយ៉ា​ មេឃា​ មាន​មហិច្ឆតា​ជា​មួយ​ក្លឹប​ថ្មី​ចង់​ល្បី​ចង់​មាន​ផ្ទះ​ មាន​ឡាន​ ដូច​រៀមច្បងៗ

ស៊ន​ អេលីត​ លើក​ឡើង​ថា សហព័ន្ធ​គួរ​ពិនិត្យ​កីឡាករ​មាន​គុណភាព​ មុន​អនុញ្ញាតឲ្យ​ចេញ​ទៅ​ក្រៅ​ប្រទេស​ ​

លោកគ្រូ ស៊ន អេលីត ប្រកាសឈប់ទទួលកូនសិស្សទៀតហើយ

សូរិយ៉ា មេឃា មានមហិច្ឆតាជាមួយក្លឹបថ្មីចង់ល្បីចង់មានផ្ទះ មានឡាន ដូចរៀមច្បងៗ

ស៊ន អេលីត លើកឡើងថា សហព័ន្ធគួរពិនិត្យកីឡាករមានគុណភាព មុនអនុញ្ញាតឲ្យចេញទៅក្រៅប្រទេស