ជាក់ស្ដែងកាលពីថ្ងៃទី ២៤ ខែមិថុនា ឆ្នាំ ២០២៦ ដោយបានការអនុញ្ញាតពី លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និង មានការចង្អុលបង្ហាញពី លោកឧត្តមសេនីយ៍ទោ ហម វ៉ាន់ថា ស្នងការរង ផែនការងារអត្តសញ្ញាណកម្ម លោកស្រីវរសេនីយ៍ទោ សុផេត សេដ្ឋាវតី នាយការិយាល័យអត្តសញ្ញាណប័ណ្ណសញ្ជាតិខ្មែរ បានដឹកនាំមន្រ្តីក្រោមឱវាទ ចុះណែនាំតម្រង់ទិសពីនីតិវិធីការផ្តល់អត្តសញ្ញាណប័ណ្ណសញ្ជាតិខ្មែរ និង ចុះត្រួតពិនិត្យម៉ាស៊ីនថតតាមបណ្តាប៉ុស្ត៍ នៃអធិការដ្ឋាននគរបាលខណ្ឌ ៧ មករា ដើម្បីសម្រួលភាពងាយស្រួល បម្រើសេវាជូនដល់ប្រជាពលរដ្ឋបានលឿនរហ័ស ជៀសវាងមានភាពរអាក់រអួល បច្ចេកទេស ម៉ាស៊ីនថត ឬអ្វីមួយ។

ក្នុងឱកាសនោះ លោកស្រីវរសេនីយ៍ទោ សុផេត សេដ្ឋាវតី បានណែនាំមន្រ្តីឱ្យប្រកាន់ខ្ជាប់នូវ សីលធម៌ សុជីវធម៌ សេក្តីថ្លៃថ្នូរ ប្រកបដោយវិជ្ជាជីវៈ ក្នុងការបម្រើសេវាសាធារណៈជូនប្រជាពលរដ្ឋ។ បន្ថែមទៀតនោះ ប្រធានការិយាល័យ ក៏បានណែនាំដល់មន្រ្តីជំនាញពាក់ព័ន្ធ ជាពិសេស មន្រ្តីអ្នកថត និង បញ្ចូលទិន្នន័យ ជៀសវាងខុស ត្រូវផ្ដល់ឲ្យសាមីខ្លួនត្រួតពិនិត្យផ្ទៀងផ្ទាត់ជាមួយគ្នា រួចបញ្ជូនទិន្នន័យសម្រេច។

លោកស្រី បញ្ជាក់បន្ថែមថា អត្តសញ្ញាណប័ណ្ណ គឺមានអត្ថប្រយោជន៍សំខាន់ណាស់សម្រាប់ប្រជាពលរដ្ឋម្នាក់ យកទៅប្រើប្រាស់តាមតម្រូវការ។ ដូច្នេះ ដើម្បីកុំឲ្យខាតពេលវេលារងចាំរបស់ប្រជាពលរដ្ឋ មន្រ្តីផ្ដល់អត្តសញ្ញាណប័ណ្ណ ត្រូវធ្វើការឲ្យបានម៉ត់ចត់ត្រឹមត្រូវ ជៀសវាងខុសខូចដោយប្រការណាមួយ៕
អត្ថបទ ៖ សុភា

The post មន្រ្តីជំនាញអត្តសញ្ញាណប័ណ្ណ ចុះត្រួតពិនិត្យម៉ាស៊ីនថត និង ណែនាំតម្រង់ទិសដល់មន្រ្តីតាមថ្នាក់ប៉ុស្តិ៍មូលដ្ឋាន appeared first on Kampuchea Thmey Daily.

ការបង្ហាញមុខនេះដែរធ្វើឡើងកាលពីព្រឹកថ្ងៃទី ២៣ ខែមិថុនា ឆ្នាំ ២០២៦ នៅស្នងការដ្ឋាននគរបាលរាជធានីភ្នំពេញ បន្ទាប់ពីសាកសួររួចរាល់។

តាមការបញ្ជាក់ពីនគរបាលជំនាញ បានឲ្យដឹងថា ដោយអនុវត្តតាមបទបញ្ជាពី លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការដ្ឋាននគរបាលរាជធានីភ្នំពេញ , លោកឧត្តមសេនីយ៍ត្រី ប៊ុន សត្យា ស្នងការរងទទួលផែនព្រហ្មទណ្ឌ , លោកឧត្តមសេនីយ៍ទោ ញ៉ុង រស់មេត្តា ស្នងការរងទទួលដឹកនាំការិយាល័យព្រហ្មទណ្ឌកម្រិតធ្ងន់ , លោកឧត្តមសេនីយ៍ទោ លី ប៊ុនអេង ស្នងការរងទទួលដឹកនាំការិយាល័យព្រហ្មទណ្ឌកម្រិតស្រាល , លោកវរសេនីយ៍ឯក ម៉ម សាវន នាយការិយាល័យកម្រិតស្រាល និង លោកវរសេនីយ៍ឯក អេង សោភា នាយការិយាល័យកម្រិតធ្ងន់ បានបើកប្រតិបត្តិការបង្រ្កាបជនសង្ស័យសរុបចំនួន ២៤ នាក់ ដោយជនសង្ស័យ ២៣ នាក់ ពាក់ព័ន្ធករណីហិង្សាដោយចេតនា និង ជនសង្ស័យជនជាតិចិនម្នាក់ ករណីកាន់កាប់អាវុធខុសច្បាប់។

នគរបាល បន្តថា កម្លាំងជំនាញ សហការជាមួយ អធិការដ្ឋាននគរបាលខណ្ឌច្បារអំពៅ និង អធិការដ្ឋាននគរបាលខណ្ឌដង្កោ បង្រ្កាបបានករណីហិង្សាចំនួន ៣ ករណី និង កាន់កាប់អាវុធខុសច្បាប់ ១ ករណី។ ក្នុងនោះរួមមាន ៖ ករណីទី ១.ឃាត់ខ្លួនជនជាតិចិន (រក្សាទុកអាវុធខុសច្បាប់) ស្ថិតនៅចំណុចផ្ទះលេខ ៦២ អា ផ្លូវ R០២ នៅក្នុង(បុរីប៉េងហួត) ភូមិស្វាយតាអុក សង្កាត់វាលស្បូវ ខណ្ឌច្បារអំពៅ រាជធានីភ្នំពេញ , ករណីទី ២.ហិង្សាដោយចេតនាមានស្ថានទម្ងន់ទោស , កាន់កាប់អាវុធដោយគ្មានការអនុញ្ញាត និង ប្រឆាំងនឹងមន្ត្រីរាជការសាធារណៈ (ជិះម៉ូតូកាន់ដងឆ័ត្រអូសតាមផ្លូវ និង ព្រួតគ្នាយកជើងធាក់ម៉ូតូជនរងគ្រោះជាសមត្ថកិច្ច) ប្រព្រឹត្តនៅចំណុចភ្លើងស្តុបវត្តឬស្សីសាញ់ ផ្លូវ ៥០ ម៉ែត្រ ភូមិប្រការ សង្កាត់ព្រៃស ខណ្ឌដង្កោ រាជធានីភ្នំពេញ កាលពីថ្ងៃទី ២១ ខែមិថុនា ឆ្នាំ ២០២៦ វេលាម៉ោង ៣ និង ៥០ នាទី , ករណីទី ៣.ហិង្សាដោយចេតនា និង កាន់កាប់អាវុធដោយគ្មានការអនុញ្ញាត (យកដុំថ្មទុកគប់សងសឹកលើគូទំនាស់) ប្រព្រឹត្តនៅចំណុចស្ថានីយប្រេងឥន្ធនៈតេលា ផ្លូវជាតិលេខ ៣ ភូមិត្រពាំងគ សង្កាត់ពងទឹក ខណ្ឌដង្កោ រាជធានីភ្នំពេញ កាលពីថ្ងៃទី ២១ ខែមិថុនា ឆ្នាំ ២០២៦ វេលាម៉ោង ២ និង ៣០ នាទី ជាក្រុមក្មេងទំនើងឈ្មោះ ស្រែញី(SR) , ករណីទី ៤.ហិង្សាដោយចេតនាធ្វើឲ្យខូចខាតដោយចេតនា(យកដុំថ្មគប់ចំចិញ្ចើមចេញឈាម ផុងលលាដ៏ក្បាល រងរបួសជាទម្ងន់ ,ជាំជើងខាងឆ្វេង , ស្នាមកាប់នឹងកាំបិតរលាត់ចេញឈាម ,ខូចខាត ផ្លាកប៉ាណូ LED , ធ្លុះដំបូលសង្ក័សី បែកថូស្រាបៀរ និង របស់របរផ្សេងទៀត) ប្រព្រឹត្តនៅចំណុចហាងស៊ុបខ្យង ផ្លូវបេតុង ភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ កាលពីថ្ងៃទី ២ ខែឧសភា ឆ្នាំ ២០២៦ វេលាម៉ោង ៣ និង ៣៩ នាទី នៅចំណុចផ្លូវបេតុង ភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ កាលពីថ្ងៃទី ១៩ ខែមិថុនា ឆ្នាំ ២០២៦ វេលាម៉ោង ៤ និង ៥២ នាទី (ក្រុមក្មេងទំនើងឈ្មោះ បឹងឈូក (BCT)។

បច្ចុប្បន្ន នគរបាលជំនាញ បានធ្វើការកសាងសំណុំរឿងបញ្ជូនជនសង្ស័យទាំង ២៤ នាក់ ទៅសាលាដំបូងរាជធានីភ្នំពេញ ដើម្បីអនុវត្តនីតិវិធីតាមផ្លូវច្បាប់៕
អត្ថបទ ៖ រដ្ឋា

The post នគរបាលព្រហ្មទណ្ឌកម្រិតធ្ងន់-ស្រាល បង្ហាញមុខជនសង្ស័យ ២៤ នាក់ ពាក់ព័ន្ធករណីហិង្សា និង កាន់កាប់អាវុធខុសច្បាប់ appeared first on Kampuchea Thmey Daily.

ដោយអនុវត្តតាមអនុសាសន៍ដ៏ខ្ពង់ខ្ពស់របស់ លោកនាយឧត្តមសេនីយ៍ ស ថេត អគ្គស្នងការ នគរបាលជាតិ និងអនុវត្តន៍តាមបទបញ្ជាពី លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នង ការនគរបាលរាជធានីភ្នំពេញ និងដឹកនាំដោយលោកឧត្តសេនីយ៍ត្រី ប៊ុន សត្យា ស្នងការរងទទួលផែនការងារ នគរបាលព្រហ្មទណ្ឌ និងបញ្ហារដោយផ្ទាល់ពីលោកឧត្តសេនីយ៍ទោ លី ប៊ុនអេង ស្នងការរងទទួលការិយាល័យ នគរបាលព្រហ្មទណ្ឌកំរិតស្រាល និងអនុវត្តន៍ដោយផ្ទាល់ពីលោកវរសេនីយ៍ឯក ម៉ម សាវន នាយការិយាល័យ នគរបាលព្រហ្មទណ្ឌកំរិតស្រាលរាជធានីភ្នំពេញ។

សូមបញ្ជាក់ថា កាលពីថ្ងៃទី០៧-០៨ ខែមិថុនា ឆ្នាំ២០២៦ កម្លាំងការិយាល័យនគរបាលព្រហ្មទណ្ឌកំរិតស្រាល សហការ ជាមួយកម្លាំងអធិការខណ្ឌមានជ័យ បានធ្វើការឃាត់ខ្លួនជនសង្ស័យសរុបចំនួន១៧នាក់ ពាក់ព័ន្ធនិងបទល្មើស ០៣ ករណី ដូចខាងក្រោម ៖ ហិង្សាដោយចេតនា មានស្ថានទម្ងន់ទោស (កាប់ទៅលើជនរងគ្រោះបណ្តាលឲ្យរងរបួសដៃ ធ្ងន់ធ្ងរ) ប្រព្រឹត្តនៅចំណុចវាលស្រែ១០០ ភូមិបែកបក សង្កាត់គោករកា ខណ្ឌព្រែកព្នៅ រាជធានីភ្នំពេញ កាល ពីថ្ងៃទី១៤ ខែឧសភា ឆ្នាំ ២០២៦ វេលាម៉ោងប្រហែល ម៉ោង១៥ និង ៣០នាទី។ ដកហូតបានវត្ថុតាងដាវធ្វើសកម្មភាព ២ដើម , ករណីទី០២ កាលពីថ្ងៃទី០៧ ខែមិថុនា ឆ្នាំ២០២៦ វេលាម៉ោងប្រហែល០២ និង ៣០ នាទីយប់ ហិង្សាដោយចេតនា ដោយមានស្ថានទម្ងន់ទោស (វាយទៅលើជនរងគ្រោះ នឹងវាយសមត្ថកិច្ច) ប្រព្រឹត្តនៅចំណុច បុរីសូនី សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ

ក្នុងនោះសមត្ថកិច្ចដកហូតបានវត្ថុតាង ដងឆត្រ័ធ្វើសកម្មភាព ៣ដើម ដែកទីបជ្រុង ចំនួន១ជ្រុង , ករណីទី០៣ ៖ កាលពីថ្ងៃទី២៩ ខែឧសភា ឆ្នាំ២០២៦ វេលាម៉ោង១៧ និង៤៣នាទី ឆក់ទូរស័ព្ទដៃ (បានសម្រេច) ប្រព្រឹត្តនៅចំណុចមុខហាងចិន មុខបុរីពិភពរស្មី ភូមិព្រែកតាគង់ សង្កាត់ចាក់អង្រែរលើ ខណ្ឌមានជ័យ រាជធានីភ្នំពេញ។

បច្ចុប្បន្នជនសង្ស័យទាំង១៧នាក់ រួមជាមួយនិងវត្ថុ ត្រូវបានកម្លាំងសមត្ថកិច្ចព្រហ្មទណ្ឌរាជធានីបញ្ជូនទៅកាន់តុលាការ ដើម្បីអនុវត្តតាមនីតិវិធីច្បាប់ ចំណែកបក្ខនៅសេសសល់កំពុងស្រាវជ្រាវ រកបក្ខពួកសេសសល់ ៕

The post នរគបាលរាជធានីភ្នំពេញ ស្រាវជ្រាវបង្រ្កាបក្មេងទំនើងប្រើហិង្សា-ឆក់ សរុបចំនួន១៧នាក់ យកបង្ហាញមុខជាសាធារណៈ appeared first on Kampuchea Thmey Daily.

ដោយអនុវត្តតាមអនុសាសន៍ដ៏ខ្ពង់ខ្ពស់របស់ លោកនាយឧត្តមសេនីយ៍ ស ថេត អគ្គស្នងការនគរបាលជាតិ និងអនុវត្តន៍តាមបទបញ្ជាពី លោកឧត្តមសេនីយ៍ឯក ជួន ណារិន្ទ អគ្គស្នងការរងនិងជាស្នងការនគរបាលរាជធានីភ្នំពេញ និង ដឹកនាំដោយលោកឧត្តសេនីយ៍ត្រី ប៊ុត សត្យា ស្នងការរងទទួលផែនការងារនគរបាលព្រហ្មទណ្ឌ និង បញ្ជារដោយផ្ទាល់ពីលោកឧត្តសេនីយ៍ទោ លី ប៊ុនអេង ស្នងការរងទទួលការិយាល័យនគរបាលព្រហ្មទណ្ឌកំរិតស្រាល និងអនុវត្តន៍ដោយផ្ទាល់ពីលោកវរសេនីយ៍ឯក ម៉ម សាវន នាយការិយាល័យនគរបាលព្រហ្មទណ្ឌកំរិតស្រាល រាជធានីភ្នំពេញ បានបើកការស្រាវជ្រាវរហូតដល់កំណត់មុខសញ្ញា និងចុះដល់ទីតាំងកើតហេតុ ឈានដល់ឃាត់ខ្លួនជនដៃដល់ និងអ្នកពាក់ព័ន្ធ។

សូមបញ្ជាក់ថា កាលពីថ្ងៃទី០១ ខែមិថុនា ឆ្នាំ២០២៦ កម្លាំងការិយាល័យនគរបាលព្រហ្មទណ្ឌកំរិតស្រាល សហការជាមួយ កម្លាំងអធិការដ្ឋាននគរបាលខណ្ឌច្បារអំពៅ និងកម្លាំងអធិការដ្ឋាននគរបាលខណ្ឌជ្រោយចង្វា បានស្រាវជ្រាវឃាត់ ខ្លួនជនសង្ស័យ និងអ្នកពាក់ព័ន្ធចំនួន០៤ នាក់ ពាក់ព័ន្ធករណី ឃាតកម្មគិតទុកជាមុន ប្រព្រឹត្តនៅចំណុចផ្ទះសំណាក់១៦៨០ ផ្លូវ បេតុង ភូមិកោះក្របី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ នៅថ្ងៃទី២៣ ខែឧសភា ឆ្នាំ២០២៦ វេលាម៉ោង ២៣ និង ៣០ នាទី។

នៅចំពោះមុខសមត្ថិច្ច តាមចម្លើយសារភាពរបស់ជនសង្ស័យខាងលើ សមត្ថកិច្ចក៏បានស្រាវជ្រាវរកឃើញសាកសពជនរងគ្រោះទាំងពីរខាងលើ កប់ក្នុងរណ្តៅលូ មានចាក់បេតុងពី នៅចំណុចផ្ទះគ្មានលេខ ផ្លូវបេតុង ភូមិបាក់ខែង សង្កាត់ព្រែកលៀប ខណ្ឌជ្រោយចង្វារ ដកហូតបានវត្ថុតាងមួយចំនួន៖ ដំបង ចំនួន០១, ពូថៅ ចំនួន០១, ខ្សែភ្លើងមួយចំនួន និងទូរស័ព្ទម៉ាកអាយហ្វូន ០១គ្រឿង។

បច្ចុប្បន្នជនសង្ស័យទាំង៤នាក់ រួមជាមួយនិងវត្ថុ ត្រូវបានកម្លាំងសមត្ថកិច្ចព្រហ្មទណ្ឌរាជធានីបញ្ជូនទៅកាន់តុលាការ ដើម្បីអនុវត្តតាមនីតិវិធីច្បាប់ ចំណែកបក្ខនៅសេសសល់កំពុងស្រាវជ្រាវ រកបក្ខពួកសេសសល់៕អត្ថបទ៖ អុឹងម៉េង

The post បង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ appeared first on Kampuchea Thmey Daily.

លោកឧត្តមសេនីយ៍ឯក ជួន ណារិន្ទ អគ្គស្នងការរង និង ជាស្នងការនគរបាលរាជធានីភ្នំពេញ

លោកឧត្តមសេនីយ៍ឯក ជួន ណារិន្ទ ណែនាំបែបនេះ ក្នុងឱកាសដែលលោកអញ្ជើញដឹកនាំកិច្ចប្រជុំបូកសរុបវាយតម្លៃ សភាពការណ៍បទល្មើស និងលទ្ធផលកិច្ចប្រតិបត្តិការបង្រ្កាបបទល្មើស ប្រចាំឆមាសទី១ឆ្នាំ២០២៦ និងពិធីប្រកាសផ្ទេរភារកិច្ច តែងតាំងមុខតំណែង ជូនមន្រ្តីនគរបាលជាតិនៃស្នងការដ្ឋាននគរបាលជាតិ កាលពីថ្ងៃទី២៧ ខែឧសភា ឆ្នាំ២០២៦ នៅស្នងការដ្ឋាននគរបាលរាជធានីភ្នំពេញ ។

ក្នុងឱកាសនេះ លោកឧត្តមសេនីយ៍ឯក ជួន ណារិន្ទ បានណែនាំឲ្យមានការគ្រប់គ្រងនិងពង្រឹងការត្រួតពិនិត្យកម្លាំង នៅតាមអង្គភាពនីមួយៗឲ្យបានម៉ឺងម៉ាត់ និងអនុវត្តតួនាទីភារកិច្ចរបស់ខ្លួនឲ្យមានប្រសិទ្ធភាពនិងការទទួលខុសត្រូវខ្ពស់។

បន្ថែមពីនេះ លោកឧត្តមសេនីយ៍ឯក ជួន ណារិន្ទ បានណែនាំលោកអធិការនគរបាលខណ្ឌទាំង១៤ បន្តយកចិត្តទុកដាក់រៀបចំផែនការនិងទិសដៅ សហការជាមួយរដ្ឋបាលខណ្ឌក្នុងការចុះត្រួតពិនិត្យកន្លែងធ្វើការនិងស្នាក់នៅ ប្រមូលផ្តុំរបស់ជនបរទេសខុសច្បាប់ ដែលលួចលាក់ប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា។

លើសពីនេះ លោកបានណែនាំបន្តបង្ការបង្រ្កាបក្មេងទំនើង និងស្រាវជ្រាវតាមជំនាញបង្រ្កាបមុខសញ្ញាដែលកំពុងគេចខ្លួន និងមុខសញ្ញាក្រុមក្មេងទំនើបទើបកើតថ្មី, បន្តយកចិត្តទុកដាក់ ថែទាំគ្រប់គ្រងប៉ុស្តិ៍នគរបាលរដ្ឋបាលឲ្យបានល្អ និងធ្វើរបាយការណ៍អំពីប៉ុស្តិ៍ដែលទ្រុឌទ្រោម,បន្តចុះល្បាតត្រួតពិនិត្យដើម្បីបង្ការបង្រ្កាបបទល្មើសគ្រប់ប្រភេទ ជាពិសេស ស្រាវជ្រាវតាមដាន ក្នុងមូលដ្ឋាន គ្រប់គ្រងជនបរទេស និង បោសសម្អាត Online Scams ដែលលួចលាក់នៅតាមមូលដ្ឋានដោយភាពទទួលខុសត្រូវខ្ពស់បំផុត បើមិនធ្វើឫគប់គិត និងទទួលខុសត្រូវចំពោះមុខច្បាប់ជាដាច់ខាត។

ទន្ទឹមគ្នានេះ លោកថែមទាំងបានណែនាំឲ្យមានការយកចិត្តទុកដាក់ដោះស្រាយបញ្ហាកកស្ទះចរាចរណ៍នៅតាមគោលដៅដែលមានបញ្ហាប្រឈកកស្ទះផងដែរ៕ អត្ថបទ៖ សុភា

The post ស្នងការរាជធានី ណែនាំអធិការខណ្ឌទាំង១៤ បន្តចុះត្រួតពិនិត្យកន្លែងស្នាក់នៅជនបរទេស ដែលសង្ស័យលួចលាក់ប្រព្រឹត្តបទល្មើសOnline scam appeared first on Kampuchea Thmey Daily.

ការបង្ក្រាបនេះធ្វើឡើងក្រោមបទបញ្ជាផ្ទាល់ លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ដោយកម្លាំងនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ សហការជាមួយកម្លាំងនគរបាលខេត្តព្រះសីហនុ ដែលជាម្ចាស់ករណី បង្ក្រាបក្រុមជនសង្ស័យក្នុងទឹកដីភូមិសាស្ត្ររាជធានីភ្នំពេញ។

ជនសង្ស័យទាំង ០៦ នាក់ រួមមាន ៖ ០១.ឈ្មោះ WANG HU ភេទប្រុស អាយុ ៣៥ ឆ្នាំ , ០២.ឈ្មោះ LYU XIAN KUI ភេទប្រុស អាយុ ៤៧ ឆ្នាំ , ០៣.ឈ្មោះ PU XING WANG ភេទប្រុស អាយុ ៣៦ ឆ្នាំ , ០៤.ឈ្មោះ YINGLEł ភេទប្រុស អាយុ ៣៩ ឆ្នាំ , ០៥.ឈ្មោះ CHEN YIFING EI ភេទប្រុស អាយុ ២៤ ឆ្នាំ , ០៦.ឈ្មោះ WANG LING ភេទប្រុស អាយុ ៤៣ ឆ្នាំ។

ក្នុងការបង្ក្រាប កម្លាំងសមត្ថកិច្ច ដកហូតបានរថយន្តម៉ាក TOYOTA ALPHARD ០១ គ្រឿង ពណ៌ស ស៊េរីឆ្នាំ ២០១៥ ពាក់ផ្លាកលេខ កម្ពុជា H.DAV289 , អាវុធខ្លី ម៉ាក NP៤២ ០១ ដើម បង់ចំនួន ០១ និង គ្រាប់ចំនួន ១០ គ្រាប់ , ទូរសព្ទ័ដៃចំនួន ០៦ គ្រឿង និង វត្ថុតាងពាក់ព័ន្ធមួយចំនួនទៀត។

បច្ចុប្បន្ន ជនសង្ស័យ និង វត្ថុតាង ត្រូវបានបញ្ជូនទៅកាន់ស្នងការដ្ឋាននគរបាលខេត្តព្រះសីហនុ ដើម្បីចាត់វិធានការទៅតាមផ្លូវច្បាប់៕
អត្ថបទ ៖ សុភា

The post នគរបាលរាជធានី ស្រាវជ្រាវបង្ក្រាបជនជាតិចិន ០៦ នាក់ លួចផ្លាកលេខរថយន្ត និង កាន់កាប់អាវុធខុសច្បាប់ ប្រព្រឹត្តិនៅខេត្តព្រះសីហនុ appeared first on Kampuchea Thmey Daily.

ដោយអនុវត្តតាមអនុសាសន៍ដ៏ខ្ពង់ខ្ពស់របស់ លោកនាយឧត្តមសេនីយ៍ ស ថេត អគ្គស្នងការនគរបាលជាតិ និងអនុវត្តន៍តាមបទបញ្ជាពី លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និងដឹកនាំដោយលោកឧត្តសេនីយ៍ត្រី ប៊ុត សត្យា ស្នងការរងទទួលផែនការងារនគរបាលព្រហ្មទណ្ឌ និងបញ្ហារដោយផ្ទាល់ពីលោកឧត្តសេនីយ៍ទោ លី ប៊ុនអេង ស្នងការរងទទួលការិយាល័យនគរបាលព្រហ្មទណ្ឌកំរិតស្រាល និងអនុវត្តន៍ដោយផ្ទាល់ពីលោកវរសេនីយ៍ឯក ម៉ម សាវន នាយការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ ។ កម្លាំងនគរបាលនៃការិយាល័យព្រហ្មទណ្ឌកំរិតស្រាល បានសហការតាមបណ្តាខណ្ឌនានា បង្ក្រាបបានក្រុមជនសង្ស័យ ដែលធើ្វសកម្មភាពយ៉ាងសកម្ម ធ្វើការបង្ហាញមុខជាសាធារណៈនៅពេលនេះ។

លោកវរសេនីយ៍ឯក ម៉ម សាវន បានឲ្យដឹងទៀតថា បន្ទាប់ពីទទួលបានពត៌មានថា ថ្ងៃទី១៦ ខែឧសភា ឆ្នាំ២០២៦ វេលាម៉ោង១៩ និង៣០ នាទី (ក្រុមក្មេងទំនើងកាប់គោ(KKO)  បានប្រើហិង្សាដោយចេតនាមានស្ថានទម្ងន់ទោស និងធ្វើឲ្យខូចខាតដោយចេតនាមានស្ថានទម្ងន់ទោស (បើដកដង ឆ័ត្រ ចំនួន០២ដើម ដេញវាយជនរងគ្រោះតែមិនត្រូវ រួចវាយម៉ូតូបណ្តាលឲ្យរងការខូចខាតទាំងស្រុង) ប្រព្រឹត្តនៅចំណុចលើផ្លូវឌីប៉ុក ភូមិសែនសុខ២ សង្កាត់ឈ្មួញ ខណ្ឌសែនសុខ រាជធានីភ្នំពេញ និងលួចមានស្ថានទម្ងន់ទោស (គាស់ទម្លុះទម្លាយទ្វារផ្ទះលួចយករថយន្តម៉ាកHYUNDIAពណ៌ស សេរីឆ្នាំ២០១៩ ពាក់ស្លាកលេខភ្នំពេញ ២AZ-៨៤៣៨) ០១ករណី ឃាត់ខ្លួន ០៤នាក់ មានសារធាតុញៀន។

សូមបញ្ជាក់ថា រយៈពេល៣ថ្ងៃ ចាប់ពីថ្ងៃទី១៨ ដល់ថ្ងៃទី២១ ខែឧសភា ឆ្នាំ២០២៦ នៅតាមបណ្តោខណ្ឌក្នុងរាជធានីភ្នំពេញបានធើ្វការស្រាវជ្រាវបង្រ្កាបបទល្មើសដូចជា ខណ្ឌសែនសុខ៖ ០២ករណី ឃាត់ខ្លួន ០៣នាក់ , ខណ្ឌច្បារអំពៅ៖ ០១ករណី ឃាត់ខ្លួន ០១នាក់, ខណ្ឌទួលគោក៖ ០១ករណី ឃាត់ខ្លួន ០៣នាក់ និង ខណ្ឌដង្កោ៖ ០១ករណី ឃាត់ខ្លួន០៣នាក់។

បច្ចុប្បន្នជនសង្ស័យរួមទាំងវត្ថុតាងត្រូវបានត្រូវបានកម្លាំងសមត្ថកិច្ច កសាងសំណុំរឿងបញ្ជូនទៅកាន់តុលាការ ដើម្បីអនុវត្តតាមនីតិវីធីច្បាប់ ៕អត្ថបទ ៖ ម៉េង

The post រយៈពេល៣ថ្ងៃ សមត្ថកិច្ចធើ្វការស្រាវជ្រាវបង្រ្កាបបានជនសង្ស័យ១៩នាក់ សុរប០៧ករណី យកមកបង្ហាញមុខមុនបញ្ជូនទៅតុលា appeared first on Kampuchea Thmey Daily.

សមត្ថកិច្ចបានឲ្យដឹងថា មូលហេតុដែលក្រុមអតិថិជនក្រុមហ៊ុន ហួយវ័ន មកប្រមូលផ្តុំ នៅមុខធនាគារជាតិនៃកម្ពុជា គឺ ដើម្បីដាក់បន្ទុកនិងជំរុញឲ្យធនាគារជាតិ ដោះស្រាយសងប្រាក់ត្រឡប់មកពួកគេវិញ ទើបពួកគេធ្វើការបិទផ្លូវសាធារណៈដោយខុសច្បាប់ បើទោះបីជាអាជ្ញាធរមានការហាមឃាត់យ៉ាងណាក៏ដោយ ក៏មិនព្រមស្តាប់ ថែមទាំងប្រើហិង្សាមកលើសមត្ថកិច្ចថែមទៀត។

ក្នុងនោះកម្លាំងសមត្ថកិច្ចបានឃាត់ខ្លួនបុរស០២នាក់មានឈ្មោះ សួន សុវណ្ណថៃ ភេទប្រុស អាយុ ៤០ឆ្នាំ ជនជាតិខ្មែរ និងម្នាក់ទៀតមានឈ្មោះ វ៉ាត់ មករា ភេទប្រុស អាយុ ៣៧ឆ្នាំ ជនជាតិខ្មែរ។ការឃាត់ខ្លួននេះគឺក្រោយមានហេតុការណ៍មានការប្រមូលផ្តុំធ្វើបាតុកម្ម តវ៉ាបិទផ្លូវខុសច្បាប់ បង្កឲ្យមានអំពើហិង្សាកើតឡើង។

សូមបញ្ជាក់ថា កន្លងមកធនាគារជាតិ នៃកម្ពុជាបានចេញសេចក្ដីជូនដំណឹង ក្រុមហ៊ុន ហួយវ័ន ផេ ពុំស្ថិតក្រោមសមត្ថកិច្ចរបស់ធនាគារជាតិទៀតឡើយ តែសម្រាប់បុគ្គលដែលរងគ្រោះក្នុងក្រុមហ៊ុន អេច ផេ ត្រូវទៅចុះឈ្មោះផ្តល់ព័ត៌មានជូនក្រុមហ៊ុនកំពុងជម្រះបញ្ជី។

បច្ចុប្បន្នបុរសទាំង០២នាក់ ត្រូវបានសមត្ថកិច្ចជំនាញនៃស្នងការដ្ឋាននគរបាលរាជធានីភ្នំពេញ កំពុងអនុវត្តតាមនីតិវិធី៕

The post ចាប់ខ្លួនមេខ្លោង ០២នាក់ ពាក់ព័ន្ធការតវ៉ាបិទផ្លូវសាធារណៈប្រើហិង្សានៅមុខធនាគារជាតិនៃកម្ពុជា appeared first on Kampuchea Thmey Daily.