ការឃាត់ខ្លួននេះដែរធ្វើឡើងកាលពីថ្ងៃទី៧ ខែមិថុនា ឆ្នាំ២០២៦ ដោយអនុវត្តតាមបទបញ្ជារលោកឧត្តមសេនីយ៍ឯក ជួន ណារិន្ទ អគ្គស្នងការរងនគបាលជាតិ និងជាស្នងការនគរបាលរាជធានីភ្នំពេញ កម្លាំងការិយាល័យនគរបាលព្រហ្មទណ្ឌកម្រិតស្រាល សហការជាមួយកម្លាំងអធិការដ្ឋាននគរបាលខណ្ឌព្រែកព្នៅ ដឹកនាំដោយលោកឧត្តមសេនីយ៍ត្រី ប៊ុន សត្យា ស្នងការរង ទទួលផែនការងារនគរបាលព្រហ្មទណ្ឌ លោកឧត្តមសេនីយ៍ទោ លី ប៊ុនអេង ស្នងការរងទទួលការិយាល័យនគរបាលព្រហ្មទណ្ឌកម្រិតស្រាល និងលោកវរសេនីយ៍ឯក ម៉ម សាវន នាយការិយាល័យនគរបាលព្រហ្មទណ្ឌកម្រិតស្រាល បានធ្វើការស្រាវជ្រាវឃាត់ខ្លួនជនសង្ស័យចំនួន០៦នាក់ ពាក់ព័ន្ធករណីហិង្សា ដោយចេតនាមានស្ថានទម្ងន់ទោស (កាប់ជនរងគ្រោះបណ្តាលឲ្យរងរបួសដៃធ្ងន់ធ្ងរ ) និងដកហូតវត្ថុតាង ដាវ ០២ដើម។

បច្ចុប្បន្នជនសង្ស័យខាងលើ និងវត្ថុតាង កម្លាំងជំនាញព្រហ្មទណ្ឌ បានកសាងសំណុំរឿងចាត់ការតាមនីតិវិធី។

គួរបញ្ជាក់ផងដែរថា  កាលពីវេលាប្រហែល ម៉ោង០៣ និង៣០នាទីរសៀលថ្ងៃទី១៤ ខែឧសភា ឆ្នាំ ២០២៦ ជនសង្ស័យទាំង០៦នាក់ បានយកដាវ ធ្វើសកម្មភាពកាប់លើជនរងគ្រោះ បណ្តាលអោយរងរបួសធ្ងន់ នៅចំណុចវាលស្រែ១០០  ភូមិបែកបក សង្កាត់គោករកា ខណ្ឌព្រែកព្នៅ រាជធានីភ្នំពេញ៕ អត្ថបទ ៖ រដ្ឋា

The post ចាប់បានហើយ ! ក្មេងទំនើង០៦នាក់ ធ្វើសកម្មភាពកាប់បណ្តាលអោយជនរងគ្រោះរងរបួសធ្ងន់ នៅមូលដ្ឋានខណ្ឌព្រែកព្នៅ appeared first on Kampuchea Thmey Daily.

លោកឧត្តមសេនីយ៍ទោ ហេង រតនា ស្នងការរងផែនការងារនគរបាលចរាចរណ៍

លោកឧត្តមសេនីយ៍ទោស្នងការរងបន្ថែមថា ៖ កត្តាគ្រោះថ្នាក់ចរាចរណ៍ គឺ ជាក្តីកង្វល់និងចាំបាច់ត្រូវព្រួយបារម្ភ ដើម្បីទប់ស្កាត់ឲ្យបានខ្ពស់ ពិសេសនោះក្នុងនាមនគរបាលជំនាញ គឺ មិនត្រូវបណ្តែតបណ្តោយនោះឡើយ។

លោកស្នងការរងបានសង្កត់ធ្ងន់ថា សកម្មភាពពលរដ្ឋនៅតែដដែល មិនកែចរិកសោះ ស្តាប់តែពេលណែនាំ ណែនាំហើយដដែលមិនកែ ចាប់យកម៉ូតូទុកមួយខែបានរាងមើលទៅ បើមិនគិតគ្រោះថ្នាក់ខ្លួនអែង ត្រូវចេះគិតគ្រោះថ្នាក់ដល់គេផ្សេងផង ដោយរាល់មានអ្នកស្លាប់រាល់ថ្ងៃ គ្មានថ្ងៃណាមិនស្លាប់ដោយសារគ្រោះថ្នាក់ចរាចរណ៍ ប៉ូលីសណែនាំឡើងចង់អស់ខ្យល់ហើយ ពេលខ្លះជេទាំងប៉ូលីសទៀតក៏មានហួសចិត្ត។

បើទោះបីជាច្បាប់ត្រូវបានផ្អាកការអនុវត្តក៏ពិតមែន ក៏ប៉ុន្តែក្រុមយុវជននិងជាពលរដ្ឋ ក្នុងសង្គមបង្ហាញការបន្តចូលរួមគោរពច្បាប់ចរាចរណ៍ឲ្យបានត្រឹមត្រូវ ដើម្បីការពារអាយុជីវិតខ្លួនឯង និង ដើម្បីសុខសុវត្ថិភាពលើដងផ្លូវសាធារណៈផងដែរ។

ក្រុមយុវជននិងជាពលរដ្ឋ

គួរបញ្ជាក់ថា៖បច្ចុប្បន្ននេះកម្លាំងនគរបាលជំនាញផែនចរាចរណ៍នៅក្នុងក្របខណ្ឌទីទាំងរាជធានីភ្នំពេញតែងតែបង្កើនការយកចិត្តទុកដាក់ក្នុងការផ្សព្វផ្សាយតាមបណ្តាញសង្គមនិងចុះអប់រំណែនាំពីច្បាប់ចរាចរណ៍ដល់ពលរដ្ឋដើម្បីជាការបញ្ចៀបការយល់ដឹងឲ្យបានទូលំទូលាយនិងដើម្បីឲ្យពួកគាត់ចូលរួមគោរពច្បាប់ដើម្បីកាត់បន្ថយគ្រោះថ្នាក់ជាអតិបរិមា៕អត្ថបទ៖សុភា

The post នគរបាលរាជធានី អំពាវនាវដល់ពលរដ្ឋគោរពច្បាប់ចរាចរណ៍ ខណៈគ្រោះថ្នាក់បាត់បង់អាយុជីវិតមានរាល់ថ្ងៃ appeared first on Kampuchea Thmey Daily.

ដោយអនុវត្តតាមអនុសាសន៍ដ៏ខ្ពង់ខ្ពស់របស់ លោកនាយឧត្តមសេនីយ៍ ស ថេត អគ្គស្នងការនគរបាលជាតិ និង អនុវត្តន៍តាមបទបញ្ជាពី លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និង ដឹកនាំដោយលោកឧត្តសេនីយ៍ត្រី ប៊ុត សត្យា ស្នងការរងទទួលផែនការងារនគរបាលព្រហ្មទណ្ឌ និងបញ្ហារដោយផ្ទាល់ពីលោក លោកឧត្តសេនីយ៍ទោ លី ប៊ុនអេង ស្នងការរងទទួលការិយាល័យនគរបាលព្រហ្មទណ្ឌកម្រិតស្រាល និងអនុវត្តន៍ដោយផ្ទាល់ពីលោកវរ សេនីយ៍ឯក ម៉ម សាវន នាយការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ កម្លាំងជំនាញបានបើកការស្រាវជ្រាវរហូតឈានដល់ ការឃាត់ខ្លួនជនសង្ស័យចំនួន២៤នាក់ ពាក់ព័ន្ធបទល្មើសចំនួន ០៥ករណី ក្នុងនោះរួមមានករណីលួច ០៣ករណី, វាយប្លន់យកទូរស័ព្ទ ០១ករណី និងប៉ុនប៉ងឃាតកម្ម ០១ករណី។

ករណីទី០១ ៖ ហិង្សាដោយចេតនាមានស្ថានទម្ងន់ទោស (ព្រួតគ្នាយកដុំថ្ម និងដែកដងឆ័ត្រ ដេញវាយជនរងគ្រោះតែមិនត្រូវ) ប្រព្រឹត្តនៅចំណុចភ្លើងស្តុបទួលពង្រ ផ្លូវបេតុង ភូមិទួលពង្រ សង្កាត់ចោមចៅ១ ខណ្ឌពោធិសែនជ័យ រាជធានីភ្នំពេញ កាលពីថ្ងៃទី២៣ ខែឧសភា ឆ្នាំ២០២៦ វេលាម៉ោង ២២ និង ០០ នាទី និងហិង្សាដោយចេតនាមានស្ថានទម្ងន់ទោស និងធ្វើឲ្យខូចខាតដោយចេតនាមានស្ថានទម្ងន់ទោស (ប្រើដាវដែកកែច្នៃ,ដែកដងឆ័ត្រ,ដែកដងជូតឥដ្ឋ និង ដុំថ្ម កាប់ វាយ និងគប់ តែមិនត្រូវដោយជនរងគ្រោះរត់គេចខ្លួន ហើយនាំគ្នាព្រួតវាយម៉ូតូបណ្តាលឲ្យបែកកុងទ័រ ,បែកក្បាំង ,វៀច ឈ្នាន់ម៉ូតូនិងដាច់ផ្លាកលេខម៉ូតូ រងការខូចខាតម៉ូតូចំនួន ០២ គ្រឿង) ប្រព្រឹត្តនៅចំណុចស្ថានីយ៍ប្រេងឥន្ទនៈតូតាល់ ផ្លូវ បេតុង ភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ កាលពីថ្ងៃទី២៤ ខែឧសភា ឆ្នាំ២០២៦ វេលាម៉ោង ០១ និង ៥៧ នាទី ម៉ោងក្នុងកាមេរ៉ាសុវត្ថិភាពក្រុមក្មេងទំនើងឈ្មោះ កាហ្វ្រិកែងទួលពង្រ (TPR)។

ករណីទី០២ ៖ អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា និងធ្វើឲ្យខូចខាតដោយចេតនាមានស្ថានទម្ងន់ – ទោស (យកជើងធាក់ម៉ូតូបណ្តាលឲ្យដួល រួចយកកាំបិតផ្គាក់ដេញកាប់លើជនរងគ្រោះ តែមិនត្រូវ រួចកាប់ម៉ូតូបណ្តាលឲ្យ ភូមិត្រពាំងក្រសាំង សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ កាលពីថ្ងៃទី២២ ខែឧសភា ឆ្នាំ២០២៦ រងការខូចខាតនិងប្លន់យកទូរស័ព្ទដៃម៉ាកអាយហ្វូន១៥ប្រូម៉េ ពណ៌ខៀវ ចំនួន០១គ្រឿង)ប្រព្រឹត្តនៅចំណុចផ្លូវបេតុង វេលាម៉ោង ០២ និង ១០ នាទី។

ករណីទី០៣ ៖ ឆបោកមានស្ថានទម្ងន់ទោស (បន្លំយកប្រាក់ដោយមានការចាត់តាំង)ប្រព្រឹត្តនៅចំណុចផ្ទះលេខផ្ទះលេខ ៩២A ផ្លូវលេខC០១ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ កាលពីថ្ងៃទី ២១ ខែឧសភា ឆ្នាំ២០២៦។

ករណីទី០៤ ៖ ប្រើប្រាស់លិខិតឆ្លងដែនក្លែងក្លាយ ប្រព្រឹត្តនៅរាជធានីភ្នំពេញ និង ករណីទី០៥ ៖ លេខ៤១B ភូមិជម្ពូវន្ត័២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ កាលពីថ្ងៃទី២៨ ខែឧសភា ប៉នប៉ងឃាតកម្ម (ប្រើកាំបិតចិតបន្លែកាប់ជនរងគ្រោះបណ្តាលឲ្យរងរបួសធ្ងន់ធ្ងរ។

បច្ចុប្បន្ន សមត្ថកិច្ចបានបញ្ជូនជនសង្ស័យទាំង ២៤នាក់ ទៅកាន់សាលាដំបូងរាជធានីភ្នំពេញ ដើម្បីបន្តនីតិវីធីច្បាប់៕អត្ថបទ៖ អុឹងម៉េង

The post បង្ហាញមុខជនសង្ស័យ២៤នាក់ ជាសាធារណៈមុនបញ្ជូនទៅតុលាការ ពាក់ព័ន្ធបទល្មើស៥ករណីផ្សេងគ្នា appeared first on Kampuchea Thmey Daily.

ជនសង្ស័យទាំង៤នាក់មាន ឈ្មោះ YANG FU DE ភេទប្រុស ជនជាតិចិន, ឈ្មោះ TAN YANGY ភេទប្រុស ជនជាតិចិន, ឈ្មោះ WANG YINFU ភេទប្រុស ជនជាតិ ចិន,និង ឈ្មោះ CHEN ZHIQIN ភេទប្រុស ជនជាតិចិន។

ដោយអនុវត្តតាមបទបញ្ជារបស់ លោកនាយឧត្តមសេនីយ៍ ស ថេត អគ្គស្នងការនគរបាលជាតិ និង លោកឧត្តមសេនីយ៍ឯក ជួន ណារិន្ទ អគ្គស្នងការរងកម្លាំងការិយាល័យ នគរបាលព្រហ្មទណ្ឌកម្រិតស្រាល បានធ្វើការសហការជាមួយ នគរបាលច្បារអំពៅ និងនគរបាលខណ្ឌទួលគោក តាមពាក្យបណ្តឹងជនរងគ្រោះ ស្រាវជ្រាវមុខសញ្ញាចំនួន ០៤នាក់ ដែលជាជនជាតិចិន ដើរធ្វើសកម្មភាព បន្លំលួចលុយ នៅកន្លែងដូរប្រាក់វីង ចំនួន ០៣ករណី ក្នុងភូមិសាស្រ្តរាជធានីភ្នំពេញ។ រហូតឈានដល់វេលាម៉ោង ០៦យប់ថ្ងៃដដែល នគរបាលជំនាញបានឃាត់ខ្លួនជនសង្ស័យចំនួន០៤នាក់ ដែលជាមុខសញ្ញាធើ្វសកម្មភាពយ៉ាងសកម្ម។

យោងតាមរបាយការណ៍ បានបញ្ជាក់ថាករណីទី១ បានធ្វើការឆបោក កាលពីថ្ងៃទី២១ ខែឧសភា ឆ្នាំ២០២៦ វេលាម៉ោង០៩ និ០៤នាទីព្រឹក ស្ថិតនៅចំណុច នៅផ្ទះ(ប្តូរប្រាក់វីង) ភូមិក្ដីតាកុយ សង្កាត់វាល់ស្បូវ ខណ្ឌច្បារអំពៅ រាជធានីភ្នំពេញ , ករណីទី២ ថ្ងៃទី២២ ខែឧសភាឆ្នាំ២០២៦ នៅផ្ទះ(ប្តូរប្រាក់វីង) ផ្លូវបេតុង ភូមិចុងព្រែក សង្កាត់ព្រែកឯង ខណ្ឌច្បារអំពៅ , ករណីទី ៣ នៅថ្ងែទី២៦ ខែឧសភាឆ្នំា២០២៦ វេលាម៉ោង៨ និង៥៧នាទី ស្ថិតនៅផ្ទះប្តូរប្រាក់វឹង ភូមិខ្ចៅ សង្កាត់បឹងធំ ខណ្ឌកំបូល រាជធានីភ្នំពេញ។

បច្ចុប្បន្ននគរបាលព្រហ្មទណ្ឌកម្រិតស្រាលរាជធានីភ្នំពេញ កំពុងធ្វើការសាកសួរតាមនីតិវិធី៕ អត្ថបទ ៖ រដ្ឋា

The post ចាប់ខ្លួនជនជាតិចិន០៤នាក់ ដែលជាមុខសញ្ញាដើរបន្លះដូរលុយ តាមផ្ទះដែលបើកអាជីវកម្មប្តូរប្រាក់ appeared first on Kampuchea Thmey Daily.

បទបញ្ជាធ្ងន់ៗ របស់លោកស្នងការរាជធានីភ្នំពេញធ្វើឡើង បន្ទាប់ពីមានការបង្ហោះរិះគន់ព្រោងព្រាតនៅលើបណ្តាញទំនាញទំនងសង្គម អំពីក្រុមម៉ូតូធំមួយចំនួនតូចៗ បានបើកបរវ៉ាជែងពេញដងផ្លូវ និងបានបង្ហោះម៉ូតូ ហើយថតជាវីឌីអូរចែកចាយជាសាធារណៈ ដែលជាកត្តាប៉ះពាល់ធ្ងន់ធ្ងរ ដល់សណ្តាប់ធ្នាប់ និងសុវត្ថិភាពសាធារណៈ។

លោកឧត្តមសេនីយ៍ឯក ជួន ណារិន្ទ បញ្ជាក់ថា ៖ រឿងម៉ូតូ ធំតូច មិនមានអភ័យឯកសិទ្ឋទេ គឺត្រូវគោរពច្បាប់ចរាចរណ៌ផ្លូវគោកស្មើៗគ្នា។ លោកបានចាត់ឱ្យជំនាញ តាមដានពិនិត្យនិងស្រាវជ្រាវ និងដឹងអត្តសញ្ញាណហើយ និងចាត់ទៅជំនាញ កោះហៅ មកសួរនាំ និងបំភ្លឺ ។

លោកមិនអនុញ្ញាតឲ្យក្រុមទាំងនោះ ធ្វើអ្វីតាមតែចិត្តនឹកឃើញនោះទេ ពិសេសបើកបរបង្កការរំខានខ្លាំង ដល់អ្នកដំណើរដទៃ ដែលកំពុងចរាចរធ្វើដំណើរស្របពេលជាមួយគ្នានោះ ៕ អត្ថបទ៖ សុភា

The post មេប៉ូលីសរាជធានី ដាក់បទបញ្ជាដល់កម្លាំងនគរបាលអនុវត្តច្បាប់តឹងរឹងលើអ្នកបើកបរ បង្កភាពអាណាធិបតេយ្យលើ ដងផ្លូវសាធារណៈ appeared first on Kampuchea Thmey Daily.

ក្រោយមានការផ្សព្វផ្សាយតាមបណ្តាញសង្គម ករណីក្មេងទំនើង៤នាក់ជិះម៉ូតូ២គ្រឿងបង្កភាពអនាធិបតេយ្យតាមផ្លូវសាធារណៈ។ ដោយអនុវត្តតាមបទបញ្ជារបស់លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានបញ្ជារអោយកម្លាំងជំនាញបើកការស្រាវជ្រាប កាលពីយប់ថ្ងៃទី៧ ខែឧសភា ឆ្នាំ២០២៦ វេលាម៉ោង០៣:៣០នាទីយប់អធ្រាត្រ កម្លាំងការិយាល័យនគរបាលព្រហ្មទណ្ឌកម្រិតស្រាល បានស្រាវជ្រាវឃាត់ខ្លួនក្មេងទំនើងចំនួន០៤នាក់ នៅចំណុចស្ពានជ្រោយចង្វារ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ពាក់ព័ន្ធករណីក្មេងទំនើងបើកបរម៉ូតូបង្កភាពអនាធិបតេយ្យ នៅតាមផ្លូវសារធារណៈ ប្រព្រឹត្តនៅចំណុចស្ពានអាកាសផ្សារដីហុយ សង្កាត់ទឹកថ្លា ខណ្ឌសែនសុខ រាជធានីភ្នំពេញ កាលពីយប់អធ្រាត្រថ្ងៃទី០៥ ខែឧសភា ឆ្នាំ២០២៦។

ប្រតិបត្តិការនេះកម្លាំងជំនាញ ការិយាល័យនគរបាលព្រហ្មទណ្ឌកម្រិតស្រាល បានស្រាវជ្រាវរហូតឈានដល់ឃាត់ខ្លួនក្មេងទំនើងចំនួន៤នាក់ ក្នុងចំណោមនោះ៣នាក់ជាប្រុសក្លែងជាស្រី ៖ ឈ្មោះ សឹម ច័ន្ទរតន៍ ភេទប្រុស កើតឆ្នាំ២០០៨, ឈ្មោះ ថន ច័ន្ទដារ៉ា ភេទប្រុស កើតឆ្នាំ២០០៨, ឈ្មោះ កឹម គន្ធី ភេទ ស្រី កើតឆ្នាំ២០០៨ និងឈ្មោះ ជា មករា ភេទ ប្រុស កើតឆ្នាំ២០០៨ ជនជាតិខ្មែរ។

បច្ចុប្បន្នកម្លាំងការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ កំពុងធ្វើការសាកសួរតាមនីតិវិធី៕

The post សមត្ថកិច្ចព្រហ្មទណ្ឌរាជធានី ឃាត់ខ្លួនក្មេងទំនើង៤នាក់ជិះម៉ូតូបង្កភាពអនាធិបតេយ្យតាមផ្លូវសាធារណៈ appeared first on Kampuchea Thmey Daily.

បទបញ្ជាម៉ឺងម៉ាត់របស់លោកឧត្តមសេនីយ៍ឯកស្នងការ ធ្វើឡើងស្របពេលដែលមានករណីភ្ញាក់ផ្អើលមួយបានកើតឡើង ដោយជនបរទេស ជាជនជាតិជប៉ុន ០២ នាក់ បានបាត់លុយចំនួន ២ ពាន់ដុល្លារ ក្នុងហាងម៉ាស្សាមួយកន្លែង ស្ថិតតាមបណ្តោយផ្លូវលេខ ១៧២ ក្នុងសង្កាត់ជ័យជំនះ ខណ្ឌដូនពេញ នៅវេលាយប់រំលងអាធ្រាត្រឈានចូលថ្ងៃទី ២៦ ខែមេសា ឆ្នាំ ២០២៦ គ្រាដែលពួកគេទាំង ០២ បានចូលទៅម៉ាស្សានៅទីនោះ។

លោកឧត្តមសេនីយ៍ឯក ជួន ណារិន្ទ បានដាក់បញ្ជាឲ្យនគរបាលជំនាញ អធិការខណ្ឌទាំង ១៤ ត្រូវសហការជាមួយគណៈបញ្ជាការឯកភាពខណ្ឌ ចុះធ្វើបច្ចុប្បន្នភាពពិនិត្យ និងស្រង់ស្ថិតិលើអាជីវកម្មម៉ាស្សាជូនភ្ញៀវអន្តរជាតិទាំងអស់ ដើម្បីកំណត់ពីអត្តសញ្ញាណអ្នកទទួលខុសត្រូវ នៃអាជីវកម្មទាំងមូលឲ្យបានច្បាស់លាស់ ដើម្បីឲ្យម្ចាស់អាជីវកម្មត្រូវចូលរួមក្នុងការថែរក្សាសន្តិសុខ សុខវត្ថិភាព និងទ្រព្យជូនភ្ញៀវអន្តរជាតិ ដែលចូលមកលេងប្រទេសកម្ពុជា។

លោកឧត្តមសេនីយ៍ សង្កត់ធ្ងន់ថា ករណីសមត្ថកិច្ចបានរកឃើញថា អ្នកគ្រប់គ្រងទីតាំងនោះបានអនុញ្ញាតឲ្យបុគ្គលិកខ្លួនប្រព្រឹត្តិអំពើទុច្ចរិតណាមួយ ដែលនាំបង្កឲ្យមានអំពើអសន្តិសុខ ឬខូចខាត ឬបាត់បង់ទ្រព្យសម្បត្តិភ្ញៀវដោយចេតនានោះ នោះអ្នកគ្រប់គ្រងទីតាំង និងអ្នកដែលបានប្រព្រឹត្តិ គឺនឹងត្រូវចាត់វិធានការទៅតាមផ្លូវច្បាប់ ដោយគ្មានការលើកលែងជាដាច់ខាត៕
អត្ថបទ ៖ សុភា

The post ស្នងការរាជធានី ចេញបទបញ្ជាដល់នគរបាលអនុវត្តច្បាប់ដោយមិនលើកលែងលើអាជីវកម្មម៉ាស្សា ដែលមានចេតនាធ្វើឲ្យបាត់បង់ទ្រព្យសម្បត្តិភ្ញៀវជាតិ-អន្តរជាតិ appeared first on Kampuchea Thmey Daily.

ការចេញមកបញ្ជាក់នាពេលនេះ ធ្វើឡើងក្រោយពីបុគ្គលឈ្មោះ ស៊ិន សុភា អតីតមន្ត្រីការិយាល័យនគរបាលចរាចរណ៍ នៃស្នងការដ្ឋាននគរបាលរាជធានីភ្នំពេញ កាលពីពេលថ្មីៗនេះ បានបង្ហោះសារនៅលើបណ្ដាញសង្គមរបស់ខ្លួនរៀបរាប់ពីការឈឺចាប់ និងការរងគ្រោះដោយសារអ្វីដែលលោកហៅថា “របាយការណ៍ភូតកុហក” និង “បក្ខពួកនិយម” នៅក្នុងអង្គភាព។ លោក ស៊ិន សុភា ក៏បានសម្តែងនូវការមិនសុខចិត្តយ៉ាងខ្លាំង ចំពោះសេចក្តីសម្រេចបណ្តេញលោកចេញពីការងារ។

នៅក្នុងសំណេររបស់លោក ស៊ិន សុភា អតីតមន្ត្រីការិយាល័យនគរបាលចរាចរណ៍ នៃស្នងការដ្ឋាននគរបាលរាជធានីភ្នំពេញ ក៏បានស្នើទៅ​ លោក ស​ សុខា ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ និងនាយឧត្តមសេនីយ៍ ស ថេត អគ្គស្នងការដ្ឋាននគរបាលជាតិឲ្យជួយរកយុត្តិធម៌ជូនលោកផង ហើយក៏ស្នើសុំឲ្យអធិការកិច្ច​ ក្រសួង​មហាផ្ទៃ​ ចុះស៊ើបអង្កេត​រឿងរបស់លោកឡើងវិញ។

តាមការបំភ្លឺរបស់ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញបានឲ្យដឹងថា ឈ្មោះ ស៊ិន សុភា អតីតមន្ត្រីការិយាល័យនគរបាលចរាចរណ៍ ដែលក្នុងពេលបម្រើការងារជាមន្រ្តីនគរបាលអនុវត្តច្បាប់ចរាចរណ៍ផ្លូវគោក បានសាងកំហុសឆ្គងជាបន្តបន្ទាប់បង្កប៉ះពាល់កិត្តិយសសេចក្តីថ្លៃថ្នូរនគរបាលជាតិ និងធ្វើឲ្យប៉ះពាល់ផលប្រយោជន៍ប្រជាពលរដ្ឋ ស្លូតត្រង់ ដែលកន្លងមក ស្នងការដ្ឋាននគរបាលរាជធានីភ្នំពេញ ផ្តល់ឱកាសឲ្យឈ្មោះ ស៊ិន សុភា កែប្រែកំហុសឆ្គងនៅការិយាល័យបុគ្គលិកជាច្រើនដង តែឈ្មោះ ស៊ិន សុភា មិនព្រមកែខ្លួនហើយនៅតែបន្តកសាងកំហុសឆ្គង។

ស្នងការដ្ឋាននគរបាលរាជធានីភ្នំពេញ ក៏បញ្ជាក់ថា កាលពីអំឡុងឆ្នាំ២០២១: ឈ្មោះ ស៊ិន សុភា កន្លងមកធ្លាប់ល្មើសបទវិន័យនគរបាលជាតិកម្ពុជា ដោយបានប្រើប្រាស់ឯកសណ្ឋាន សញ្ញាស័ក្ដិ បង្ហោះជាវីដេអូចម្រៀងនៅលើបណ្ដាញសង្គមហ្វេសប៊ុក និងTik Tok ដើម្បីផលប្រយោជន៍ផ្ទាល់ខ្លួន ដែលនាំឲ្យប៉ះពាល់កិត្តិយស សេចក្ដីថ្លៃថ្នូរ របស់កងកម្លាំងនគរបាលជាតិ ហើយត្រូវបានអគ្គស្នងការដ្ឋាននគរបាលជាតិ អនុវត្តទណ្ឌកម្មខាងវិន័យក្រោមរូបភាព បន្ថយឋានន្តរស័ក្ដិចំនួន១ថ្នាក់។

កាលពីអំឡុងខែកុម្ភៈ ឆ្នាំ២០២៤: ឈ្មោះ ស៊ិន សុភា យកជនស៊ីវិលឲ្យចុះអនុវត្តការងារជំនាញនៅគោលដៅរបស់ខ្លួនគ្រប់គ្រង រៀបចំឲ្យឈ្មោះ យឹម សុផាណា ផ្ទេរប្រាក់ផាកពិន័យក្លែងក្លាយទំលាក់កំហុសឲ្យមន្ត្រីនគរបាលចរាចរណ៍នៅគោលដៅស្តុបក្ដាន់ពីរ និងផ្ដើមគំនិតបង្កើតផេកក្លែងក្លាយឈ្មោះ គង់ ម៉ូលីកា បង្ហោះផ្សព្វផ្សាយព័ត៌មានមិនពិត និងដាក់កំហុសលើមន្ត្រីនគរបាលចរាចរណ៍ នៅគោលដៅស្តុបក្តាន់ពីរ ថាមានភាពអសកម្ម ដែលខ្លួនបានរៀបចំ ដែលធ្វើឲ្យសាធារណៈមតិរិៈគន់ស្ថាប័ននគរបាលជាតិ។

កាលពីថ្ងៃទី២៨ ខែធ្នូ ឆ្នាំ២០២៤: ឈ្មោះ ស៊ិន សុភា ឃាត់រថយន្ត១គ្រឿង ល្មើសភ្លើង សញ្ញាចរាចរណ៍ មិនមានបណ្ណបើកបរនៅចំណុចស្តុបអូរបែកក្អម បុគ្គលរូបនេះ បានប្រើប្រាស់ វិធានការស្របច្បាប់គំរាមទារប្រាក់ ដោយយកតួនាទីសិទ្ធអំណាចគាបសង្កត់ដើម្បីផលប្រយោជន៍។ ចាត់ចែងបញ្ជាឲ្យមន្ត្រីនាំរថយន្តចេញពីគោលដៅ ដើម្បីបិទបាំងពីមហាជន និងមានភាពងាយស្រួលដល់ការដាក់សម្ពាធក្នុងការទារប្រាក់ រហូតធ្វើឲ្យម្ចាស់រថយន្តបានឡើងតោងខាងក្រោយរថយន្ត បង្កឲ្យមានការភ្ញាក់ផ្អើលដល់ប្រជាពលរដ្ឋដែលធ្វើដំណើរលើដងផ្លូវ ថតសកម្មភាពបង្ហោះលើបណ្ដាញសង្គម។ សកម្មភាពនេះបានលាក់បាំងព័ត៌មានមិនរាយការណ៍ជូននាយការិយាល័យ ដើម្បីមានគោលការណ៍ដោះស្រាយ មុនហេតុការណ៍មិនទាន់ផ្ទុះលើបណ្ដាញសង្គម ហើយត្រូវបានអគ្គស្នងការដ្ឋាននគរបាលជាតិ អនុវត្តទណ្ឌកម្មខាងវិន័យក្រោមរូបភាព ព្រមានជាលាយលក្ខណ៍អក្សរ និងបន្ថយ ឋានន្តរស័ក្ដិចំនួន១ថ្នាក់។

កាលពីថ្ងៃទី០៣ ខែកញ្ញា ឆ្នាំ២០២៥: គឺផ្ដើមចេញពីការមិនសប្បាយចិត្តជាមួយថ្នាក់ដឹកនាំការិយាល័យ ដែលពុំបានដាក់ឈ្មោះរូបគេ (ស៊ិន សុភា) ចុះគោលដៅ ទើបធ្វើឲ្យមានការថ្នាំងថ្នាក់ចិត្ត ឈានដល់បែកធ្លាយឯកសារផ្ទៃក្នុងអង្គភាពឲ្យទៅសារព័ត៌មានយកបង្ហោះខ្លឹមសារវាយប្រហារមកលើការិយាល័យនគរបាលចរាចរណ៍ផ្លូវគោក។

គួររំលឹកថា លោក ស៊ិន សុភា អតីតមន្ត្រីការិយាល័យនគរបាលចរាចរណ៍ នៃស្នងការដ្ឋាននគរបាលរាជធានីភ្នំពេញ កាលពីថ្ងៃទី២០ ខែមករា ឆ្នាំ២០២៦ ត្រូវបានលោក ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ សម្រេចអនុវត្តទណ្ឌកម្មតាមរូបភាព ដកហូតមុខតំណែង ឋានន្ដរស័ក្ដិ និងបណ្ដេញចេញពីក្របខ័ណ្ឌមន្ត្រីនគរបាលជាតិ ដោយមូលហេតុល្មើសវិន័យកងកម្លាំងនគរបាលជាតិកម្ពុជា៕

The post ស្នងការរាជធានី បញ្ជាក់ពីការអនុវត្តវិន័យនគរបាលជាតិលើឈ្មោះ ស៊ិន សុភា អតីតមន្ត្រីការិយាល័យនគរបាលចរាចរណ៍ផ្លូវគោក appeared first on Kampuchea Thmey Daily.