លោក គន់ សោភា ប្រធាន​ការិយាល័យ​សាធារណការ​ខណ្ឌ អម​ដំណើរ លោក ជិន ប៊ុនធឿន អភិបាល​ខណ្ឌ​ឫស្សីកែវ បាន​ឱ្យ​ដឹង​ថា សកម្មភាព​នេះ កាលពី​ថ្ងៃ​ទី ៤ ខែ​ធ្នូ ឆ្នាំ ២០២៥ ក្នុង​នោះ លោក​អភិបាល បាន​បញ្ជា​ក្រុមការងារ​របស់​រដ្ឋបាល​ខណ្ឌ ឈូស​ដី បាញ់​ទឹក និង​សម្អាត​កាក​សំណល់​តាម​គែម​ផ្លូវ ដើម្បី​ធានា​ថា​ផ្លូវ​ថ្មី ស្ពាន​ថ្មី មាន​ភាព​ស្អាត និង​សុវត្ថិភាព​សម្រាប់​អ្នក​ធ្វើ​ដំណើរ។

លោក​បាន​បន្ថែម​ថា ផ្លូវ និង​ស្ពាន​បេតុង​ថ្មី​នេះ ក៏​មាន​បំពាក់​ភ្លើង​បំភ្លឺ​ផ្លូវ​គ្រប់គ្រាន់ ហើយ​ផ្លូវ​មួយ​ខ្សែ​នេះ ត្រូវ​បាន​សាងសង់​ឡើង​ដើម្បី​ឱ្យ​មាន​ភាព​ងាយស្រួល​ក្នុង​ការ​ធ្វើដំណើរ និង​កាត់បន្ថយ​បញ្ហា​កកស្ទះ​ចរាចរណ៍​រវាង​តំបន់​ជាយក្រុង​ចូល​មក​កាន់​រាជធានី​ភ្នំពេញ។

លោក គង់ សុផល អ្នក​លក់ដូរ​តាម​រទេះ​នៅ​ទីនោះ បាន​លើក​ពី​ចំណាប់អារម្មណ៍​ថា លោក​ពិត​ជា​សាទរ​ដល់​រដ្ឋបាល​ខណ្ឌ​ដែល​ខិតខំ​ដើម្បី​ប្រជាពលរដ្ឋ ហើយ​ពេលនេះ​ផ្លូវ​ស្អាត មាន​ស្ពាន​ថ្មី​ទៀត ធ្វើដំណើរ​រលូន​ជាង​មុន​ខ្លាំង។ ជាពិសេស ស្ពាន​ថ្មី នឹង​ជួយ​ឱ្យ​មាន​អ្នក​ធ្វើ​ដំណើរ​ច្រើន​ជាង​មុន ការ​លក់ដូរ ក៏​ងាយ​ជាង​មុន។

ជាមួយ​នេះ លោក ជិន ប៊ុនធឿន ក៏បាន​បញ្ជា​ឱ្យ​ដាក់​គ្រឿងចក្រ​យក​ចេញ​នូវ​ដើមឈើ​ងាប់​ធំៗ ជាច្រើន​ដើម ដែល​គេ​យក​ប្លុង​ចោល​នៅ​ដី​ឡូត៍​មួយ​កន្លែង ដើម្បី​មាន​វិធានការ​បន្ត​ផង​ដែរ៕

អត្ថបទ ៖ សំណាង

The post សមិទ្ធផលស្ពានបេតុងថ្មីភ្ជាប់ខណ្ឌឫស្សីកែវ-សែនសុខ បានលាងសម្អាត និងរៀបចំបន្ថែម បម្រើសេវាសាធារណៈ appeared first on Kampuchea Thmey Daily.

ការស្ថាបនាស្ពានបេតុងនេះ ជំនួសឱ្យស្ពានឈើព្រះពន្លា ដែលត្រូវបានបាក់ដោយទឹកជំនន់ អស់រយៈពេលច្រើនឆ្នាំមកហើយចាប់ពីឆ្នាំ ២០២០មក ដែលបានបង្កការលំបាកដល់ប្រជាពលរដ្ឋធ្វើដំណើរក្នុងរយៈកាលកន្លងមកនេះ។ យ៉ាងណាមិញ កាលពីថ្ងៃទី ៧ ខែវិច្ឆិកា​ ឆ្នាំ ២០២៥ មន្រ្តីក្រសួង និងមន្ទីរអភិវឌ្ឍន៍ជនបទខេត្ត បានចុះត្រួតពិនិត្យឃើញថាស្ថាបនាបាន ១០០% ហើយ។

លោក ជា យុទ្ឋារុណ ប្រធានមន្ទីរអភិវឌ្ឍន៍ជនបទខេត្តបន្ទាយមានជ័យ បានឱ្យដឹងថា ការងារស្ថាបនាស្ពានបេតុង(ស្ពានព្រះពន្លា)នេះមានប្រវែង៩០ម៉ែត្រ ទទឹង១០ម៉ែត្រ និងស្ថាបនាផ្លូវបេតុងសងខាងក្បាលស្ពានប្រវែង២០០ម៉ែត្រ ទទឹង១០ម៉ែត្រ កម្រាស់០.២ម៉ែត្រ តភ្ជាប់ពីភូមិ៣ ទៅភូមិព្រៃឫស្សី សង្កាត់ព្រះពន្លា ក្រុងសិរីសោភ័ណ និងអនុវត្តដោយនាយកដ្ឋានផ្លូវលំជនបទ នៃក្រសួងអភិវឌ្ឍន៍ជនបទ។

លោកបញ្ជាក់ថា ជាលទ្ធផលគិតមកដល់ថ្ងៃនេះអនុវត្តបាន១០០%ហើយ ដែលជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី នៃព្រះរាជាណាចក្រកម្ពុជា តាមរយៈលោក កែ គឹមយ៉ាន អ្នកតំណាងរាស្ត្រមណ្ឌលខេត្តបន្ទាយមានជ័យ និងជាឧត្តមប្រឹក្សាផ្ទាល់ព្រះមហាក្សត្រ និងលោកជំទាវ៕

ដោយ៖ ពៅ

The post ស្ពានបេតុងអំណោយសម្តេចតេជោ ហ៊ុន សែន ដាក់ឱ្យដំណើរបន្ទាប់ពីបញ្ចប់សាងសង់ ១០០% appeared first on Kampuchea Thmey Daily.

លោក អ៊ុន ចាន់ដា អភិបាលនៃគណៈអភិបាលខេត្តកំពង់ចាម កាលពីព្រឹកថ្ងៃទី៤ ខែតុលា ឆ្នាំ២០២៥នេះ បានដឹកនាំមន្រ្តីអញ្ជើញចុះពិនិត្យការដ្ឋានស្ថាបនាស្ពានបេតុង “ស្ទឹងឆ្វេង” ដើម្បីពិនិត្យស្ថានភាពជាក់ស្តែង និងបានណែនាំក្រុមការងារត្រៀមពន្លឿនការស្ថាបនាក្រោយទឹកស្រកវិញ។

គួររំលឹកថា បន្ទាប់ពីមានការស្នើសុំរបស់បងប្អូនប្រជាពលរដ្ឋ ក្នុងការកសាងស្ពានឈើមួយកន្លែងនៅតំបន់ស្ទឹងឆ្វេង ដើម្បីសម្រួលដល់ការធ្វើដំណើររបស់ក្មួយៗសិស្សានុសិស្ស នារដូវទឹកឡើង ពោលគឺតាមរយៈការស្នើសុំរបស់អាជ្ញាធរខេត្តកំពង់ចាម សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ក៏បានសម្រេចផ្តល់ការស្ថាបនាជាស្ពានបេតុងតែម្តង ដើម្បីសម្រួលដល់ការធ្វើដំណើរបានយូរអង្វែង និងសុវត្ថិភាពផងដែរ ។

គួរបញ្ជាក់ផងដែរថា គម្រោងស្ថាបនាស្ពានស្ទឹងឆ្វេងនេះ គឺជាស្ពានបេតុងសរសៃដែកប្រវែង ៨៤ម៉ែត្រ ទទឹង ១០ម៉ែត្រ ក្នុងនោះក៏មានការស្ថាបនាផ្លូវសងខាងក្បាលស្ពាន ប្រភេទកៅស៊ូពីរ ស្រទាប់ស្តើង (DBST) ប្រវែង ២៨៧ម៉ែត្រ ទទឹង ៨ម៉ែត្រ ចិញ្ចើមដីល្បាយថ្ម ១ម៉ែត្រ​ សងខាង ដែលគ្រោងប្រើប្រាស់ពេលវេលាសាងសង់រយៈពេល ១ឆ្នាំ​ ដោយស្ពានស្ទឹងឆ្វេងនេះត្រូវបានបើកការដ្ឋានសាងសង់​ កាលពី​ថ្ងៃទី៣០ ខែមីនា ឆ្នាំ២០២៥ ហើយបើគិតមកដល់ពេលនេះ សំណង់ខាងលើសម្រេចការ សាងសង់បានប្រមាណ ៤០%ហើយ៕

The post កំពង់ចាម! គម្រោងស្ថាបនាស្ពានបេតុង”ស្ទឹងឆ្វេង” ផ្អាកបណ្តោះអាសន្នដោយសារទឹកឡើងខ្លាំង appeared first on Kampuchea Thmey Daily.

លោក​ អ៉ឹង​ វិសុទ្ធ​ ប្រធានមន្ទីរអភិវឌ្ឍន៍ជនបទ​ខេត្តកំពង់ចាម​ បានឲ្យដឹងថា​ ស្ពានបេតុងថ្មីដែលមានប្រវែង៣០ម៉ែត្រ ទទឹង៨ម៉ែត្រ ស្ថិតនៅចំណុចត្រដក់ពង​ ក្នុងភូមិទទួលសំបួរ ឃុំទួលសំបួរ ស្រុកស្ទឹងត្រង់ ខេត្តកំពង់ចាម ត្រូវបានសាងសង់ទ្បើងវិញរួចរាល់ជាស្ថាពរ ជាសមិទ្ធផលរបស់រដ្ឋាភិបាលតាមរយៈក្រសួងអភិវឌ្ឍន៍ជនបទ។

លោកប្រធាន​មន្ទីរបញ្ជាក់ទៀតថា​ ស្ពានត្រដក់ពងនេះ​ ត្រូវរងការបាក់ស្រុត​ កំទ្បុងពេលទឹកជំនន់​ កាលពីថ្ងៃទី១៧ ខែតុលា ឆ្នាំ២០២៣ម្ល៉េះ៕

អត្ថបទ​​៖​ ឡេក​ ចាន់ពេជ្រ

The post ស្ពានបេតុងថ្មីក្នុងឃុំទួលសំបួរ​ ស្រុកស្ទឹងត្រង់​ស្ថាបនារួចរាល់ដាក់ឲ្យពលរដ្ឋឆ្លងកាត់ appeared first on Kampuchea Thmey Daily.

លោក អន ដាវុធ ប្រធានមន្ទីរសាធារណការ និងដឹកជញ្ចូនខេត្តកោះកុង បានប្រាប់ឱ្យកម្ពុជាថ្មីដឹងនៅថ្ងៃទី២៥ ខែមករា ឆ្នាំ២០២៥ ថា ខេត្តកោះកុង នឹងមានភ័ព្វសំណាងមួយទៀត បន្ទាប់ពីគម្រោងលើកកម្ពស់គុណភាពផ្លូវជាតិលេខ៤៨ គឺស្ពានកោះកុងថ្មី។ ក្រុមអ្នកជំនាញការ កំពុងជីកខួងពិនិត្យសណ្ឋានដីនៅបាតក្រោមទឹកសមុទ្រ ដើម្បីវាយតម្លៃផ្នែកបច្ចេកទេស។

លោក អន ដាវុធ គូសបញ្ជាក់ថា នេះជាដំណាក់កាលសិក្សាបច្ចេកទេសដ៏សុក្រិត្យមួយ ដោយអនុវត្តរយៈពេល១ឆ្នាំ រួចហើយរចនាម៉ូតស្ពាន ដែលត្រូវកំណត់សម្រេចយកជារួមទាំងអស់។ ចំពោះពេលវេលាដំណើរសាងសង់ អាចថាដើមឆ្នាំ២០២៦ ឬឆ្នាំ២០២៧ឯណោះ។

លោកប្រធានមន្ទីរសាធារណការ និងដឹកជញ្ជូនខេត្តកោះកុង បង្ហាញថា ស្ពានកោះកុងថ្មី នឹងមានគន្លងផ្លូវ ២ទៅ២មក និងមានផ្លូវសម្រាប់ថ្មើរជើងទទឹងជាង២ម៉ែត្រ បម្រើការដល់សម្រួលចរាចរណ៍ធ្វើដំណើរ ឬដឹកជញ្ជូនទំនិញពាណិជ្ជកម្មបានលឿនឆាប់រហ័សប្រកបដោយសុវត្ថិភាព។

យ៉ាងណានោះ កំណាត់ផ្លូវជាតិលេខ៤៨ ដែលផ្តើមពីខាងលិចស្ពានកោះកុងឆ្ពោះទៅព្រំដែនអន្តរជាតិចាំយាមប្រវែងជិត១០គីឡូម៉ែត្រ ក៏នឹងត្រូវកសាងថ្មីប្រភេទកៅស៊ូ AC ហើយមានសួនច្បារកណ្តាលផ្លូវ។

គម្រោងសិក្សាកសាងស្ពានកោះកុងថ្មីនេះ ត្រូវបានលោក ជួន វស្សា ជាអ្នករត់ម៉ូតូឌុប និងអ្នកស្រី លន់ សុផល ជាអ្នកលក់ដូរនំ បានគាំទ្រ និងសប្បាយរីករាយយ៉ាងខ្លាំង ពេលដឹងថា នឹងមានគម្រោងថ្មីកើតឡើង។ បើតាមពលរដ្ឋ បន្តថា ស្ពានកោះកុង បច្ចុប្បន្ន តូចចង្អៀតមានគន្លងទៅមកតែ២ ងាយប្រឈមនឹងការកក់ស្ទះចរាចរណ៍ គ្រាស្ថានភាពចាស់ទ្រុឌទ្រោមបន្តិច រីឯការដឹកទំនិញធ្ងន់ៗក៏ច្រើន។

តំណាងពលរដ្ឋ ក៏សង្ឃឹមជឿជាក់ថា នៅពេលគម្រោងសាង់ស្ពានកោះកុងថ្មីអនុវត្តជាផ្លូវការមែននោះ ភាគរីកចម្រើនៅក្នុងខេត្តកាន់តែសំបូរសប្បាយអភិវឌ្ឍន៍ទៅអនាគតយ៉ាងឆាប់រហ័សបំផុត ខណៈខេត្តមានសក្តានុពលស្ទើរគ្រប់វិស័យទាំងអស់៕

អត្ថបទៈសិរីវឌ្ឍនៈ

The post ក្រុមអ្នកជំនាញបច្ចេកទេសកំពុងសិក្សាសង់ស្ពានកោះកុងថ្មីបន្ថែមមួយទៀត appeared first on Kampuchea Thmey Daily.

លោក ចាប ច័ន្ទវិទ្យា អភិបាល​ស្រុក​លើកដែក បាន​ឱ្យ​ដឹង​នៅ​រសៀល​ថ្ងៃ​ទី ១៨ ខែ​មីនា ឆ្នាំ ២០២៤ នេះ​ថា រដ្ឋបាល​ខេត្ត​កណ្តាល បាន​ឯកភាព​គាំទ្រ​គម្រោង​ស្ថាបនា​ស្ពានបេតុង​ប្រវែង ៣៥០ ម៉ែត្រ ទទឹង ៨ ម៉ែត្រ កម្រាស់ ០,២០ ម៉ែត្រ ឆ្លងកាត់​ឆ្ពោះ​ទៅ​ភូមិ​កោះ​ចំរើន ស្ថិត​នៅ​ឃុំ​កំពង់​ភ្នំ រួច​អស់​ហើយ នៅឡើយ​ការ​ត្រៀម​រៀបចំ​ពិធី​បើក​ការដ្ឋាន​ជា​ផ្លូវការ​នា​ពេល​ឆាប់ៗ ខាងមុខ។

បើ​តាម​លោក​អភិបាលស្រុក​លើកដែក បន្ត​ថា គម្រោង​ស្ថាបនា​ហេដ្ឋារចនាសម្ព័ន្ធ​ដ៏​មាន​សារៈសំខាន់​មួយ​នេះ នឹង​បង្ក​លក្ខណៈ​កាន់តែ​ងាយស្រួល​ធ្វើដំណើរ​ទៅ​មក​របស់​ប្រជាពលរដ្ឋ ដោយ​ត្រូវ​ប្រើប្រាស់​ពេលវេលា​សាងសង់ ២៤ ខែ។

លោក ផានិត និង​លោក ប៊ុត សុវតិ្ថ ជា​អ្នក​ភូមិ​កោះ​ចំរើន ក៏បាន​បង្ហាញ​ការ​ពេញចិត្ត​ពេញ​ថ្លើម​ចំពោះ​គម្រោង​ធ្វើ​ស្ពាន​នេះ ដោយ​ពួកគាត់​ជឿជាក់​ថា រាល់​ការ​ធ្វើ​ដំណើរ​ទៅ​មក គឺ​មិន​ពិបាក​ដូច​ពេល​មុនៗ ព្រោះ​ខែវស្សា​ត្រូវ​ជិះ​ទូកដ ឯ​ខែប្រាំង​ចំណាយ​ថវិកា គ្រា​បើកបរ​កង់ ម៉ូតូ និង​រថយន្ត​ឆ្លង​កាត់​ដី​ឯកជន។

តំណាង​ប្រជាពលរដ្ឋ​ភូមិ​កោះ​ចំរើន សូម​ថ្លែង​អំណរ​អរគុណ​យ៉ាង​ខ្លាំង​ជូន​ចំពោះ​រាជរដ្ឋាភិបាល​កម្ពុជា លោក គង់ សោភ័ណ្ឌ អភិបាលខេត្ត​កណ្តាល និង​លោក ចាប ច័ន្ទ​វិទ្យា អភិបាលស្រុក​លើក​ដែក ដែល​គិតគូរ​អំពី​ទុក្ខ​លំបាក ក៏ដូចជា​សេចក្តី​ត្រូវការ​ចង់​បាន​ប្រចាំថ្ងៃ​របស់​ពលរដ្ឋ​ក្នុង​ឃុំ​កំពង់ភ្នំ។

គួរ​ជម្រាប​ថា កាលពី​ថ្ងៃ​ទី ១៣ ខែ​តុលា ឆ្នាំ ២០២២ កន្លងទៅ មាន​ឧបទ្ទវហេតុ​លិច​ទូក​នៅ​ក្នុង​ភូមិ​កោះ​ចំរើន ឃុំ​កំពង់​ភ្នំ ស្រុក​លើកដែក ខេត្ត​កណ្តាល បាន​បណ្តាល​ឱ្យ​សិស្សសាលា​ប្រុស​-ស្រី​ចំនួន ១១ នាក់ បាត់​បង់ជីវិត ក្នុង​ចំណោម​ជនរងគ្រោះ​ក្នុង​ហេតុការណ៍​លិច​ទូក​សរុប​ចំនួន ១៥ នាក់ ដោយ​មាន​តែ ៤ នាក់​ប៉ុណ្ណោះ រួច​ផុត​ពី​អាយុជីវិត។ ក្រោយ​មក លោក​អភិបាល​ខេត្ត​កណ្តាល ទទួល​បាន​ការ​ឯកភាព​ពី សម្តេច​តេ​ជោ ហ៊ុន សែន អតីត​នាយករដ្ឋមន្ត្រី​កម្ពុជា សម្រេច​ឱ្យ​សាងសង់​ស្ពាន​នៅ​ក្នុង​ភូមិ​កោះ​ចំរើន ស្រុក​លើកដែក ដើម្បី​សម្រួល​ឱ្យ​ពលរដ្ឋ និង​សិស្សានុសិស្ស​ឆ្លងកាត់​ ដើម្បី​បញ្ចៀស​កុំ​ឱ្យ​កើត​មាន​ឧបទ្ទវហេតុ​លិច​ទូក​បណ្តាល​ឱ្យ​ស្លាប់​មនុស្ស​តទៅទៀត៕

អត្ថបទ ៖ សិរីវឌ្ឍនៈ

The post រដ្ឋបាលខេត្តកណ្ដាល ឯកភាពគម្រោងស្ថាបនាស្ពានបេតុងប្រវែង ៣៥០ ម៉ែត្រ ឆ្លងទៅកោះចំរើន appeared first on Kampuchea Thmey Daily.

​លោក ស គឹមណាត ប្រធានមន្ទីរសាធារណៈការ និងដឹកជញ្ជូនខេត្តស្ទឹងត្រែងបានឱ្យដឹងថា ស្ពានបេតុង​ថ្មីនេះ ជាអំណោយរបស់សម្តេចអគ្គមហាសេនាបតីតេជោ ហ៊ុន សែន និងជាស្ពានទី៨ នៅតាម​បណ្តោយផ្លូវជួរមាត់ទន្លេទៅកាន់ទំនប់វារីអគ្គិសនីសេសានក្រោម២ ដែលសម្តេចបានផ្តល់ជូនជាចំណងដៃដល់ប្រជាពលរដ្ឋកាលពីអាណត្តិទី៦ ហើយក្រុមផ្នែកបច្ចេកទេសទើបបញ្ជាប់​ការសាង​សង់រួចរាល់នៅក្នុងខែធ្នូ ឆ្នាំ ២០២៣នេះ។

​លោកបន្តថា សមិទ្ធផលផ្លូវស្ពានទាំងអស់នេះមានតម្លៃ រាប់ពាន់លានរៀល ដូចនេះអាជ្ញាធរ​ និង​ប្រជាពលរដ្ឋនៅក្នុងមូលដ្ឋាន ត្រូវរួមគ្នាជួយថែរក្សា ដើម្បីបម្រើផលប្រយោជន៍រួមទាំងអស់គ្នា។

លោកស្រី ត្រែ ដាវណ្ណ រស់នៅឃុំសាមឃួយ បានចាត់ទុកថា៖ នេះជាសារមួយបានដាស់តឿនដល់អ្នកប្រើប្រាស់ផ្លូវ ជាពិសេសអ្នកមានរថយន្តធំៗដឹកទំនិញ សូមឱ្យគោរពតាមការណែនាំ ដើម្បីយើងចូលរួមជួយថែរក្សាផ្លូវស្ពានទាំងអស់គ្នា។

លោកស្រីបន្តថា៖ ប្រជាពលរដ្ឋនៅស្រុកសេសាន ទទួលបានសមិទ្ធផលផ្លូវស្ពានថ្មីៗ ពីសម្តេចតេជោ ស្រួលក្នុងការធ្វើចរាចរណ៍ទៅមកទាំងអស់គ្នា មិនលំបាកវាងឆ្ងាយទៀតទេ។

លោកស្រី ខាវ ខាំអន មេឃុំសាមឃួយបានបញ្ជាក់ថា៖ ភាពលំបាកនេះត្រូវបានលុបបំបាត់ជំនួសមកវិញនូវភាពងាយស្រួលសប្បាយរីករាយ បងប្អូនស្រួលធ្វើចរាចរណ៍ទៅមក ដឹកកសិផលបានឆាប់លឿន កូនចៅទៅរៀនបានទាន់ពេលវេលា ឈឺថ្កាត់ទៅមន្ទីរពេទ្យក៏បានឆាប់រហ័សផងដែរ។     

ស្ពានអូរសាមឃួយនេះមានប្រវែងបណ្តោយ ៤៨ម៉ែត្រ ទទឹង៨ម៉ែត្រ បានសាងសង់ឡើងដោយក្រុមបច្ចេកទេស របស់មន្ទីរសាធារណៈការ និងដឹកជញ្ជូនខេត្ត កាលពីខែមីនា ហើយបានរួចរាល់ជាផ្លូវការ នៅដើមខែ ធ្នូ ឆ្នាំ២០២៣នេះ និងបានបើកឱ្យប្រជាពលរដ្ឋយើងធ្វើចរាចរណ៍ឆ្លងកាត់ហើយ និងមានភាពងាយស្រួលសម្រាប់ភ្ញៀវទេសចរ ទៅកាន់រមណី​យដ្ឋាននានាក្នុងស្រុកសេសាន្តផងដែរ៕

អត្ថបទ៖ ងិនលីម

The post ពលរដ្ឋស្រុកសេសាន​ ដឹងគុណ​អតីតនាយករដ្ឋមន្ត្រី ផ្តល់ស្ពាន​បេតុងថ្មី appeared first on Kampuchea Thmey Daily.

ពិធីនេះបានធ្វើឡើងនៅភូមិស្ទឹងស្ងួត ឃុំអំពិលទឹក ស្រុកកំពង់ត្រឡាច ខេត្តកំពង់ឆ្នាំង ដោយមានការអញ្ជើញចូលរួមពី ឯកឧត្តមបណ្ឌិតសភាចារ្យ អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ ប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ឆ្នាំង ឯកឧត្ដម ស៊ុន សុវណ្ណារិទ្ធិ អភិបាលនៃគណៈអភិបាលខេត្តកំពង់ឆ្នាំង ឯកឧត្ដម លោកជំទាវ លោក លោកស្រី ក្រុមការងាររាជរដ្ឋាភិបាលចុះមូលដ្ឋានស្រុក ឃុំ និងប្រជាពលរដ្ឋយ៉ាងច្រើនកុះករ។

សម្ដេចចៅហ្វាវាំង វរវៀងជ័យ អធិបតីស្រីង្គារ គង់ សំអុល បាននាំនូវបណ្ដាំផ្ញើសាកសួរសុខទុក្ខប្រកបដោយក្ដីនឹករលឹក ពីសំណាក់សម្ដេចតេជោ ហ៊ុន សែន នាយករដ្ឋមន្រ្ដី និងសម្ដេចកិត្តិព្រឹទ្ធបណ្ឌិត ជូនចំពោះប្រជាពលរដ្ឋនៅស្រុកកំពង់ត្រឡាច ក៏ដូចជាប្រជាពលរដ្ឋនៅទូទាំងខេត្តកំពង់ឆ្នាំង ដែលទទួលបានសមិទ្ធផលថ្មីនេះ ។

សម្ដេចចៅហ្វាវាំ វរវៀងជ័យ បានលើកឡើងពីសារៈប្រយោជន៍នៃស្ពាននេះ ដែលបម្រើផ្នែកសេដ្ឋកិច្ច និងសង្គម មានសក្ដានុពលសម្រាប់ការទំនាក់ទំនង ទទួលសេវាសង្គម និងសេវាសាធារណៈជូនប្រជាពលរដ្ឋក្នុងភូមិសាស្រ្ដស្រុកកំពង់ត្រឡាច និងស្រុកជលគិរី នៃខេត្តកំពង់ឆ្នាំង។

ជាមួយគ្នានេះ សម្ដេចចៅហ្វាវាំង បានជម្រាបជូនពីព្រះរាជសាររបស់ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជាជូនជនរួមជាតិឲ្យអញ្ជើញទៅបោះឆ្នោតឲ្យបានគ្រប់ៗគ្នាដើម្បីបំពេញនូវកាតព្វកិច្ចជាពលរដ្ឋ ។

សម្ដេចបានលើកឡើងពីសមិទ្ធផលនានាជាច្រើនរបស់រាជរដ្ឋាភិបាល ទាំងវិស័យពុទ្ធចក្រ និងអាណាចក្រ ក្នុងនោះមាន ហេដ្ឋារចនាសម្ព័ន្ធផ្លូវ ថ្នល់ ស្ពាន សាលារៀន មន្ទីរពេទ្យ ទីវត្តអារាម និងសមិទ្ធផលជាច្រើនទៀតនៅទូទាំងប្រទេស ដែលកើតចេញពីការខិតខំប្រឹងប្រែងរបស់រាជរដ្ឋាភិបាល មានសម្ដេចតេជោ ហ៊ុន សែន ជាប្រមុខដឹកនាំ ។ សមិទ្ធផលជាប្រវត្តិសាស្រ្ដទាំងអស់នេះ គឺកើតចេញពីផ្លែផ្កានៃសន្តិភាព បើគ្មានសុខសន្តិភាពទេ នោះយើងក៏គ្មានឱកាសអភិវឌ្ឍន៍ប្រទេសជាតិដែរ។

រាជរដ្ឋាភិបាល បាននិងកំពុងយកចិត្តទុកដាក់ ក្នុងការលើកកម្រិតកម្ពស់ផ្លូវជនបទ ពីផ្លូវក្រាលក្រួសក្រហម ទៅជាផ្លូវក្រាលកៅស៊ូ ឬបេតុង ស្ពានឈើ ឬស្ពានដែក ឲ្យទៅជាស្ពានបេតុង ដើម្បីធានាដល់ការប្រើប្រាស់បានគ្រប់រដូវកាល  ជាក់ស្ដែងស្ពានស្ទឹងស្ងួតប្រវែង ៩០ម៉ែត្រ ដែលយើងកំពុងប្រារព្ធពិធីសម្ពោធដាក់ឲ្យប្រើប្រាស់នាពេលនេះ។

សម្ដេចចៅហ្វាវាំង វរវៀងជ័យ អធិបតីស្រីង្គារ គង់ សំអុល បានអំពាវនាវដល់ ប្រជាពលរដ្ឋទាំងអស់អញ្ជើញទៅបោះឆ្នោត នៅថ្ងៃទី២៣ ខែកក្កដា ឆ្នាំ២០២៣ ឲ្យបានគ្រប់ៗគ្នា និងបោះជូនគណបក្សប្រជាជនកម្ពុជា ដើម្បីបន្តគាំទ្រ សម្តចតេជោ ហ៊ុន សែន ជានាយករដ្ឋមន្រ្តីសម្រាប់នីតិកាលទី ៧ នៃរដ្ឋសភា ដែលមានលេខរៀងទី១៨ និងដើម្បីបន្តគាំទ្រ ឯកឧត្តមបណ្ឌិត ហ៊ុន ម៉ាណែត ជាបេក្ខភាពនាយករដ្ឋមន្រ្តីសម្រាប់ពេលអនាគត។ 

ឯកឧត្ដម គង់ ភឿន ទីប្រឹក្សាក្រសួង និងជាប្រធាននាយកដ្ឋានផ្លូវលំជនបទ នៃក្រសួងអភិវឌ្ឍន៍ជនបទ បានបញ្ជាក់ថា ដោយមានការចង្អុលបង្ហាញពីឯកឧត្ដមបណ្ឌិតសភាចារ្យ អ៊ុក រ៉ាប៊ុន រដ្ឋមន្រ្ដីក្រសួងអភិវឌ្ឍន៍ជនបទ ក្រុមការងារបច្ចេក​ទេសរបស់នាយកដ្ឋានផ្លូវលំជនបទ បានធ្វើការសិក្សា និងបានចាប់ផ្ដើមសាងសង់ស្ពានស្ទឹងស្ងួតនេះ កាលីថ្ងៃទី០១ ខែមិថុនា ឆ្នាំ២០២២ ហើយបានបញ្ចប់នៅនៅថ្ងៃទី១០ ខែមេសា ឆ្នាំ២០២៣ ចំណាយថវិកាសរុប ៤ ៥០០លានរៀល ជារបស់រាជរដ្ឋាភិបាល អនុវត្តដោយ ក្រសួងអភិវឌ្ឍន៍ជនបទ៕

អត្ថបទ៖ វ៉ាន់ សេដ្ឋា

The post សម្ដេចចៅហ្វាវាំង គង់ សំអុល សម្ពោធដាក់ឲ្យប្រើប្រាស់ស្ពានបេតុងប្រវែង៩០ម៉ែត្រនៅស្រុកកំពង់ត្រឡាច appeared first on Kampuchea Thmey Daily.