ការចុះណែនាំអប់រំនេះ ធ្វើឡើងបន្ទាប់ពីជារឿយៗ តែងសង្កេតឃើញមានពលរដ្ឋអ្នកដំណើរមួយចំនួន តែងល្មើសទិសចរាចរណ៍ ដោយពេលធ្វើដំណើរដល់ចំណុចរង្វង់មូលក្រោមស្ពានអាកាសមរតកតេជោ ពួកគាត់ពុំបានធ្វើដំណើរស្របតាមទិសដៅចរាចរណ៍នៃរង្វង់មូលដែលច្បាប់បានកំណត់នោះទេ បែរជានាំគ្នាបត់បញ្ច្រាសផ្លូវ ដើម្បីធ្វើដំណើរសំដៅឡើងត្រលប់ទៅកាន់ស្ពានអាកាសក្បាលថ្នល់វិញ។

តាមការលើកឡើងពីមន្ត្រីនគរបាលចរាចរាណ៍ កត្តាទាំងនេះ គឺអាចប្រឈមឲ្យមានការកកស្ទះ ពិសេសការកើតមាននូវគ្រោះថ្នាក់ជាយថាហេតុណាមួយក៏ថាបាន។ ដូច្នោះហើយទើបនគរបាលរាជធានីភ្នំពេញ ចុះទៅអប់រំបញ្ច្រៀបការយល់ដឹងដល់អ្នកដែលល្មើស និងអំពាវនាវឲ្យពលរដ្ឋអ្នកដំណើរទាំងអស់ ចូលរួមគោរពច្បាប់ឲ្យបានខ្ជាប់ខ្ជួន។

សូមបញ្ជាក់ថា ស្ពានអាកាសមរតកតេជោ ជាស្ពានអាកាសថ្មីស្អាត និងមានច្រើនជាន់ជាងគេ នៅក្នុងរាជធានីភ្នំពេញ ។ ស្ពាននេះ ត្រូវបានកំណត់យ៉ាងច្បាស់ អំពីច្បាប់ចរាចរណ៍ ដោយនៅចំណុចក្រោមស្ពាន ចំណុចស្ពានផ្នែកខាងលើទាំងជាន់ទី១ និងទី២ សុទ្ធតែមានការបំពាក់នូវស្លាកសញ្ញាចរាចរណ៍ កំណត់ទាំងល្បឿន និងបង្ហាញពីទិសដៅសម្រាប់ការធ្វើដំណើរ អមជាមួយគំនូសសញ្ញាចរាចរណ៍ដែលបានគូសស្រាប់នៅលើស្ពាន ដែលអាចឲ្យពលរដ្ឋអ្នកដំណើរចូលរួមគោរពទៅតាមអ្វីដែលច្បាប់បានកំណត់៕

អត្ថបទ៖ សុភា

The post នគរបាលចរាចរណ៍រាជធានី ចុះអប់រំពលរដ្ឋអ្នកធ្វើដំណើរឆ្លងកាត់ក្រោមស្ពានអាកាសមរតកតេជោ ចៀស​វាង​ជិះបញ្ច្រាសទិសដៅចរាចរណ៍ appeared first on Kampuchea Thmey Daily.

ប្រជាពលរដ្ឋ យល់​ឃើញ​ថា ស្ពាន​អាកាស​នេះ​បាន​ជួយ​សម្រួល​ដល់​ការ​ធ្វើ​ដំណើរ​ទៅ​មក​របស់​ពួកគាត់​បាន​លឿន​រហ័ស​ មិន​ចំណាយ​ពេល និង​អាច​បញ្ចៀស​បាន​ពី​ការ​កកស្ទះ ដែល​តែង​បាន​រំខាន និង​ប៉ះពាល់​ដល់ពេល​វេលា​ធ្វើដំណើរ។ ជាពិសេស​ស្ពាន​អាកាស​មរតក​តេ​ជោ មាន​កម្ពស់ ២ ជាន់​នេះ ជា​ស្ពាន​ទី ​១ ​ក្នុង​ព្រះរាជាណាចក្រ​កម្ពុជា។

បន្ថែម​ទៀត​នោះ ​ពួកគាត់ បាន​ថ្លែងអំណរគុណ​រាជរដ្ឋាភិបាល ចំពោះ​ការ​បន្ត​គិតគូរ​យកចិត្តទុកដាក់​ក្នុង​ការ​កសាង​សមិទ្ធផល​ថ្មីៗ​ ជាច្រើន​ ជា​បន្តបន្ទាប់ ​ជូន​ប្រជាពលរដ្ឋ​ប្រើប្រាស់ ដែល​ស្ពាន​មរតក​តេ​ជោ​នេះ ក៏​នឹង​ក្លាយ​ជា​កេរដំណែល​សម្រាប់​កូនចៅ​ក្នុង​ពេល​បច្ចុប្បន្ន និង​តទៅ​អនាគតកាល​ផង​ដែរ។

គួរ​រំលឹក​ថា ស្ពាន​អាកាស “​មរតក​តេ​ជោ​” គឺ​បាន​ដំណើរការ​បើក​ការដ្ឋាន​សាងសង់​កាលពី​ថ្ងៃទី​ ៣១ ខែ​សីហា ឆ្នាំ​ ២០២២​ កន្លងទៅ ក្រោម​អធិបតីភាព​ដ៏​ខ្ពង់ខ្ពស់​បំផុត​របស់ សម្តេច​អគ្គមហាសេនាបតី តេ​ជោ ហ៊ុន សែន អតីត​នាយករដ្ឋមន្ត្រី នៃ​ព្រះរាជាណាចក្រ​កម្ពុជា។

គិត​ត្រឹម​ថ្ងៃទី​ ០៧ ខែមេសា ឆ្នាំ​ ២០២៥​ នេះ ស្ពាន​អាកាស​ខាងលើ ត្រូវ​បានដាក់​សម្ពោធ​ឱ្យ​ប្រើ​ប្រាស់​ជា​ផ្លូវការ​ក្រោម​អធិបតីភាព​ដ៏​ខ្ពង់ខ្ពស់​របស់​ សម្តេច​មហា​បវរ​ធិបតី ហ៊ុន ម៉ាណែត នាយករដ្ឋមន្ត្រី នៃ​ព្រះរាជាណាចក្រ​កម្ពុជា។ ស្ពាន​អាកាស​នេះ​ដែរ ត្រូវ​បាន​ទទួល​ការ​សាងសង់​ដោយ​ក្រុមហ៊ុន​វិនិយោគទុន​អាណិកជន​កម្ពុជា ( OCIC ) ដោយ​ចំណាយ​ថវិកា​សាងសង់​ជាង ៣៦ លាន​ដុល្លារ​អាមេរិក៕

អត្ថបទ ៖ សុភា

The post ពលរដ្ឋសម្ដែងក្ដីរីករាយសាទរជាខ្លាំងចំពោះសមិទ្ធផលស្ពានអាកាសមរតកតេជោ ដែលបានផ្ដល់អត្ថប្រយោជន៍ច្រើន appeared first on Kampuchea Thmey Daily.

ពិធីក្រុងពាលី ជាប្រពៃណីទំនៀមទំលាប់ដែលដូនតាខ្មែរតែងតែរៀបចំធ្វើឡើងនៅមុនពិធីសម្ពោធសមិទ្ធិផលថ្មីៗនានា ដែលទើបបានកសាងឡើងរួចរាល់ ដើម្បីប្រាប់និងឧទ្ទិសដល់ម្ចាស់ទឹកម្ចាស់ដីឱ្យជួយបីបាច់ថែរក្សាអ្នកប្រើប្រាស់ សមិទ្ធិផលថ្មីនេះឲ្យមានក្តីសុខសប្បាយ។

ស្ពានអាកាសមរតកតេជោប្រសព្វរវាងមហាវិថីព្រៈមុនីវង្ស,មហាវិថីសម្តេចតេជោហ៊ុន សែន និងមហាវិថីយោធពលខេមរភូមិ(ផ្លូវ២៧១)ក្នុងខណ្ឌមានជ័យ និងខណ្ឌចំការមនដែលជាស្ពានអាកាសកំពស់២ជាន់លើកដំបូងនៅកម្ពុជា។ លោកស្រីដោ សម្ផស្សនាយិការងនិងជាអ្នកនាំពាក្យរដ្ឋបាលរាជធានីភ្នំពេញបានឱ្យដឹងថា៖ស្ពានអាកាសមរតកតេជោ នឹងជួយកាត់បន្ថយការចំណាយពេលវេលាក្នុងការធ្វើដំណើរ,សម្រួលលំហូរចរាចរធ្វើឪ្យិប្រជាពលរដ្ឋងាយស្រួលក្នុងការធ្វើ ដំណើរទៅមក ពិសេសពេលមានបុណ្យទានធំៗមានបុណ្យភ្ជុំបិណ្ឌ,បុណ្យចូលឆ្នាំ,បុណ្យអុំទូកជាដើម។

គូររំលឹកថា ពិធីភ្ជាប់ស្ពានមរតកតេជោជំហ៊ានទី២បានធ្វើឡើងកាលពីរសៀលថ្ងៃទី១៧ធ្នូ ឆ្នាំ២០២៤ក្រោមអធិបតីភាពលោកឃួង ស្រេង អភិបាល នៃគណៈអភិបាលរាជធានីភ្នំពេញ និងអ្នកឧកញ៉ាពុង ឃាវសែ ប្រធានក្រុម
ប្រឹក្សាភិបាលក្រុមហ៊ុនOCIC។ ស្ពានអាកាសមរតកតេជោនេះនឹងរៀបចំពិធីសម្ពោធដាក់ឱ្យប្រើប្រាស់ជាផ្លូវការនាថ្ងៃទី៧មេសា ឆ្នាំ២០២៥ស្អែកនេះ ក្រោម អធិបតីភាពសម្តេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទ័មុនី៕

ដោយ៖ ស្រីរ័ត្ន

The post ស្ពានអាកាសមរតកតេជោនឹងដាក់សម្ពោធប្រើប្រាស់ជាផ្លូវការនាថ្ងៃ៧ មេសា ស្អែកនេះ appeared first on Kampuchea Thmey Daily.

តាមសេចក្តីជូនដំណឹងរបស់រដ្ឋបាលរាជធានីភ្នំពេញបានឱ្យដឹងថា រដ្ឋបាលរាជធានីភ្នំពេញ សូមជម្រាបជូនដំណឹងដល់បងប្អូនប្រជាពលរដ្ឋទាំងអស់ឱ្យបានជ្រាបថា រដ្ឋបាល រាជធានីភ្នំពេញនឹងរៀបចំពិធីសម្ពោធដាក់ឱ្យប្រើប្រាស់ជាផ្លូវការស្ពានអាកាសមរតកតេជោ ស្ថិតនៅចំណុច ប្រសព្វ​រវាងមហាវិថី សម្តេចតេជោ ហ៊ុន សែន (ផ្លូវ៦០ម៉ែត្រ) មហាវិថីព្រះមុនីវង្ស នឹងមហាវិថីកងយោធពល ខេមរភូមិន្ទ (ផ្លូវលេខ២៧១) ក្នុងខណ្ឌចំការមន និងខណ្ឌមានជ័យ រាជធានីភ្នំពេញ នៅលើមហាវិថី សម្តេចតេជោ ហ៊ុន សែន ស្ថិតក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ នាថ្ងៃចន្ទ ១០កើត ខែចេត្រ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី០៧ ខែមេសា ឆ្នាំ២០២៥ វេលាម៉ោង ០៨:០០នាទី ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។

ដើម្បីឱ្យកម្មវិធីខាងលើប្រព្រឹត្តទៅដោយរលូន រក្សាបាននូវសន្តិសុខ សុវត្ថិភាព សណ្តាប់ធ្នាប់ និងរបៀបរៀបរយ សាធារណៈ អាជ្ញាធរ​មានសមត្ថកិច្ចនឹងធ្វើការបញ្ចៀស និងផ្អាកចរាចរជាបណ្តោះអាសន្នជុំវិញទីតាំងប្រារព្ធពិធី ដោយ មិន​អនុញ្ញាតឱ្យយានជំនិះគ្រប់ប្រភេទឆ្លងកាត់កំណាត់មហាវិថី សម្តេចតេជោ ហ៊ុន សែន (ផ្លូវ៦០ម៉ែត្រ) ចាប់ពីចំណុចប្រសព្វមហាវិថី សម្តេចតេជោ ហ៊ុន សែន មហាវិថីព្រះមុនីវង្សជាមួយនឹងវិថីកងយោធពលខេមរភូមិន្ទ (ផ្លូវលេខ២៧១) រហូតដល់ស្តុបចំណុចប្រសព្វរវាងមហាវិថី សម្តេចតេជោ ហ៊ុន សែន (ផ្លូវ៦០ម៉ែត្រ) ជាមួយនឹង មហាវិថីអ្នកឧកញ៉ាមហាភក្តីសប្បុរិសភោគាធិបតី ហ៊ុន នាង (ផ្លូវ៣០ម៉ែត្រ) ចាប់ពីវេលាម៉ោង ០៥:០០នាទី រហូតដល់បញ្ចប់កម្មវិធី៕

ដោយ ៖ ស្រីរ័ត្ន

The post ស្ពាន​អាកាស​មរតក​តេជោ នឹងសម្ពោធ​​ឱ្យ​ប្រើប្រាស់​​នា​ថ្ងៃ​ទី០៧ ខែមេសា អាជ្ញាធរ​រាជធានី​នឹង​បិទ​ផ្លូវ​មួយ​ចំនួន appeared first on Kampuchea Thmey Daily.

ស្ពាន​អាកាស «មរតក​តេ​ជោ» នឹង​ជួយ​កាត់បន្ថយ​ការ​ខាតបង់​ពេលវេលា​ក្នុង​ការ​ធ្វើ​ដំណើរ សន្សំ​សំចៃ សម្រួល​លំហូរ​ចរាចរណ៍ ធ្វើ​ឱ្យ​ប្រជាពលរដ្ឋ​ងាយស្រួល​ធ្វើដំណើរ ជាពិសេស​ពេល​រដូវ​បុណ្យ​ទាន​ម្តងៗ ដូចជា ក្នុងអំឡុងពេល​ពិធីបុណ្យ​ចូលឆ្នាំ​ខ្មែរ ប្រពៃណី​ជាតិ​ខាងមុខនេះ ជា​ដើម។

សមិទ្ធផល​ថ្មីៗ ជា​បន្តបន្ទាប់​ទៀត នឹង​លេច​រូបរាង​ឡើង ក្រោម​ការ​ដឹកនាំ​ប្រកប​ដោយ​គតិបណ្ឌិត របស់ សម្តេច​មហា​បវរ​ធិបតី ហ៊ុន ម៉ាណែត នាយករដ្ឋមន្ត្រី នៃ​ព្រះរាជាណាចក្រ​កម្ពុជា។

លោកស្រី ដោ សម្ផស្ស នាយិកា​រង​រដ្ឋបាល និង​ជា​អ្នកនាំពាក្យ​រដ្ឋបាល​រាជធានី​ភ្នំពេញ បាន​ឱ្យ​ដឹង​ថា ស្ពាន​អាកាស «មរតក​តេ​ជោ​» នឹង​បើក​សម្ពោធ​ដាក់​ឱ្យ​ប្រើប្រាស់​ជា​ផ្លូវការ​ក្រោម​អធិបតីភាព​ដ៏​ខ្ពង់ខ្ពស់​បំផុត​របស់ សម្តេច​មហា​បវរ​ធិបតី ហ៊ុន ម៉ាណែត និង លោកជំទាវ​បណ្ឌិត នា​ថ្ងៃ​ទី ០៧ ខែ​មេសា ខាងមុខនេះ ដើម្បី​ជួយ​សម្រួល​ដល់​ការ​ធ្វើដំណើរ​របស់​ប្រជាពលរដ្ឋ និង​ដើម្បី​ដោះស្រាយ​ការ​កកស្ទះ​ចរាចរណ៍​នៅ​ទីតាំង​នេះ​ផង​ដែរ។

គួរ​រំលឹក​ថា ស្ពាន​អាកាស «​មរតក​តេ​ជោ​» ក្នុង​ជំហាន​ទី ២ បាន​ធ្វើ​ពិធី​ត​ភ្ជាប់​ស្ពាន​(​ស្ពាន​អាកាស​ជាន់​ទី ១) កាលពី​រសៀល​ថ្ងៃទី ​១៧ ខែធ្នូ ឆ្នាំ ​២០២៤ ក្រោម​អធិបតីភាព​ លោក ឃួង ស្រេង អភិបាល​រាជធានី​ភ្នំពេញ និង អ្នកឧកញ៉ា ពុង ឃាវសែ ប្រធាន​ក្រុមប្រឹក្សាភិបាល OCIC។ ស្ពាន​អាកាស​ថ្មី​នេះ ត្រូវ​បាន​អភិបាល នៃ​គណៈ​អភិបាល​រាជធានី​ភ្នំពេញ លោក ឃួង ស្រេង និង លោកស្រី អញ្ជើញ​ជា​អធិបតី ក្រុង​ពាលី​បញ្ចុះ​បឋម​សិលា សុំ​ម្ចាស់​ទឹក​ម្ចាស់​ដី​ កាលពី​រសៀល​ថ្ងៃទី​ ៣០ ខែសីហា ​ឆ្នាំ ២០២២ ហើយ​នៅ​ព្រឹក​ថ្ងៃទី​ ៣១ ខែសីហា ឆ្នាំ​ ២០២២ ត្រូវ​បាន​ សម្តេច​អគ្គ​មហា​សេនា​បតី​តេ​ជោ ហ៊ុន សែន អតីត​នាយករដ្ឋមន្ត្រី ​អញ្ជើញ​ជា​អធិបតីភាព​ដ៏​ខ្ពង់ខ្ពស់ បើក​ការដ្ឋាន​ស្ថាបនា។

ស្ពាន​អាកាស​នេះ សាងសង់​ដោយ​ក្រុមហ៊ុន​វិនិយោគទុន​អាណិកជន​កម្ពុជា OCIC នៅ​ចំណុច​ប្រសព្វ​មហាវិថី​ សម្តេច​តេ​ជោ ហ៊ុន សែន មហាវិថី​ព្រះមុនីវង្ស ជាមួយ​វិថី​កងយោធពលខេមរភូមិន្ទ ហៅ​ផ្លូវ​លេខ​ ២៧១ ក្នុង​ទឹកដី​ខណ្ឌចំការមន និង​ ខណ្ឌមានជ័យ ដោយ​គ្រោង​ចំណាយ​ថវិកា ជាង ៣៦ ​លាន​ដុល្លារ និង​ចំណាយ​ពេលវេលា​សាងសង់ ៣៦ ខែ។

ស្ពាន​អាកាស​ថ្មី​នេះ នឹង​ដោះស្រាយ​បាន​នូវ​លំហូរ​ចរាចរណ៍​ពី​ខេត្តកណ្ដាល​ឆ្លងកាត់​មហាវិថី​តេ​ជោ​ហ៊ុន សែន ពី​ព្រលានយន្តហោះ​ថ្មី ខេត្ត​កណ្ដាល ចូល​មក​រាជធានី​ភ្នំពេញ និង​ទី​ ២ ​ទៀត អាច​កាត់​បន្ថយ​បាន​នូវ​ការ​កកស្ទះ​ចរាចរណ៍​នៅ​តាម​បណ្ដោយ​ផ្លូវជាតិ​ ១​ ចូល​មក​រាជធានី​ភ្នំពេញ​ផង​ដែរ៕

អត្ថបទ ៖ ស្រីរ័ត្ន

The post ស្ពានអាកាស«មរតកតេជោ» នឹងសម្ពោធដាក់ឱ្យប្រើប្រាស់ជាផ្លូវការ ក្រោមអធិបតីភាព សម្ដេចមហាបវរធិបតី ហ៊ុន ម៉ាណែត និង លោកជំទាវបណ្ឌិត នាថ្ងៃទី ០៧ មេសាខាងមុខ appeared first on Kampuchea Thmey Daily.

នាយិការរងរដ្ឋបាល និងជាអ្នកនាំពាក្យរដ្ឋបាលរាជធានីភ្នំពេញ លោកស្រី ដោ សម្ផស្ស បានឱ្យដឹងនៅព្រឹកថ្ងៃទី១១មីនានេះថា ស្ពានអាកាស «មរតកតេជោ» នេះ រដ្ឋបាលរាជធានីភ្នំពេញគ្រោងនឹងដាក់ឱ្យប្រើប្រាស់ជាបណ្តោះអាសន្ននៅមុនថ្ងៃបុណ្យចូលឆ្នាំថ្មីប្រពៃណីខ្មែរ ឆ្នាំ២០២៥ខាងមុខនេះ ដើម្បីជួយសម្រួលដល់ការធ្វើដំណើររបស់ប្រជាពលរដ្ឋ និងដើម្បីដោះស្រាយការកកស្ទះចរាចរនៅទីតាំងនេះផងដែរ។

បើតាមព័ត៌មានពីមន្ទីរសាធារណការ និងដឹកជញ្ជូនរាជធានីភ្នំពេញ បានឱ្យដឹងថា គិតត្រឹមថ្ងៃទី១០ ខែមីនា ឆ្នាំ២០២៥ ការដ្ឋានសាងសង់ស្ពានអាកាស មរតកតេជោ សម្រេចបាន ៩៩% ដែលនឹងបញ្ចប់ការសាងសង់ទាំងស្រុងនៅថ្ងៃទី២០ ខែមីនា ឆ្នាំ២០២៥ ខាងមុខ។ ស្ពានអាកាសកម្ពស់ ២ជាន់នេះ នឹងជួយលំហូរចរាចរបានល្អប្រសើរ និងកាត់បន្ថយការកកស្ទះចរាចរនៅចំណុចប្រសព្វរវាងមហាវិថី ព្រះមុនីវង្ស មហាវិថីកងយោធពលខេមរភូមិន្ទ និងមហាវិថីសម្តេចអគ្គមហាសេនាបតីតេជោ ហ៊ុន សែន។

គួររំលឹកថា ស្ពានអាកាស «មរតកតេជោ»ក្នុងជំហានទី២ បានធ្វើពិធីតភ្ជាប់ស្ពាន(ស្ពានអាកាសជាន់ទី១) កាលពីរសៀលថ្ងៃទី១៧ ខែធ្នូ ឆ្នាំ២០២៤ ក្រោមអធិបតីភាពលោក ឃួង ស្រេង អភិបាលរាជធានីភ្នំពេញ និងអ្នកឧកញ៉ា ពុង ឃាវសែ ប្រធានក្រុមប្រឹក្សាភិបាល OCIC។ ស្ពានអាកាសថ្មីនេះ ត្រូវបានអភិបាលនៃគណៈអភិបាលរាជធានីភ្នំពេញ លោក ឃួង ស្រេង និងលោកស្រី អញ្ជើញជាអធិបតី ក្រុងពាលីបញ្ចុះបឋមសិលា សុំម្ចាស់ទឹកម្ចាស់ដីកាលពីរសៀលថ្ងៃទី៣០ សីហាឆ្នាំ២០២២ ហើយនៅព្រឹកថ្ងៃទី៣១ ខែសីហា ឆ្នាំ២០២២ ត្រូវបានសម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រីអញ្ជើញជាអធិបតីភាពដ៏ខ្ពង់ខ្ពស់ បើកការដ្ឋានស្ថាបនា។

ស្ពានអាកាសនេះ សាងសង់ដោយក្រុមហ៊ុនវិនិយោគទុនអាណិកជនកម្ពុជា OCIC នៅចំណុចប្រសព្វមហាវិថីសម្តេចតេជោ ហ៊ុន សែន មហាវិថីព្រះមុនីវង្ស ជាមួយវិថីកងយោធពលខេមរភូមិន្ទ ហៅផ្លូវលេខ២៧១ ក្នុងទឹកដីខណ្ឌចំការមន និងខណ្ឌមានជ័យ ដោយគ្រោងចំណាយថវិកា ជាង ៣៦លានដុល្លារ និងចំណាយពេលវេលាសាងសង់ ៣៦ខែ។ ស្ពានអាកាសថ្មីនេះ នឹងដោះស្រាយបាននៅលំហូរចរាចរណ៍ពីខេត្តកណ្ដាល ឆ្លងកាត់មហាវិថីតេជោហ៊ុន សែន ពីព្រលានយន្តហោះថ្មី ខេត្តកណ្ដាល ចូលមករាជធានីភ្នំពេញ និងទី២ អាចកាត់បន្ថយបាននូវការកកស្ទះចរាចរណ៍នៅតាមបណ្ដោយផ្លូវជាតិ១ចូលមករាជធានីភ្នំពេញផងដែរ៕

អត្ថបទ៖ ស្រីរ័ត្ន

The post ស្ពានអាកាស «មរតកតេជោ»នឹងដាក់ឲ្យប្រើប្រាស់​​បណ្តោះអាសន្នមុនថ្ងៃបុណ្យចូលឆ្នាំថ្មីប្រពៃណីខ្មែរ appeared first on Kampuchea Thmey Daily.

ពួកគាត់បានបង្ហាញភាពរីករាយពេលបានប្រើប្រាស់សម្មទ្ធិផលថ្មីនេះ ដោយស្ពាននេះបានជួយសម្រួលដល់ការធ្វើដំណើរទៅមករបស់ពួកគាត់បានលឿនរហ័សមិនចំណាយពេល និងអាចបញ្ចៀសពីការកកស្ទះ ដែលតែងបានរំខាន និងប៉ះពាល់ដល់ពេលវេលាធ្វើដំណើររបស់ពលរដ្ឋ ។

ពួកគាត់បានថ្លែងអំណរគុណដល់រាជរដ្ឋាភិបាល ចំពោះការបន្តគិតគូរយកចិត្តទុកដាក់ក្នុងការកសាងសម្មទ្ធិផលថ្មីៗជាបន្តបន្ទាប់ជូនប្រជាពលរដ្ឋប្រើប្រាស់ ដែលស្ពាន មរតកតេជោនេះ ក៏នឹងក្លាយជាកេរ្តិ៍ដំណែលសម្រាប់កូនចៅក្នុងពេលបច្ចុប្បន្ន និងតទៅអនាគត់កាលផងដែរ។ ប្រជាពលរដ្ឋបានបន្តទៀតថា សូមអរគុណសន្តិភាព ប្រទេសមានសន្តិភាព ប្រទេសមានការអភិវឌ្ឍ គ្រប់វិស័យ។

សូមបញ្ជាក់ថា ស្ពានអាកាស មរតកតេជោ ដំណាក់កាលទី២នេះ បានដាក់ឱ្យដំណើរការប្រើប្រាស់ជាបណ្តោះអាសន្ន កាលពីថ្ងៃ២៥ ខែធ្នូ ឆ្នាំ២០២៤ កន្លងទៅ។ គួររំលឹកថា ស្ពានអាកាស “មរតកតេជោ” គឺបានដំណើរការបើកការដ្ឋានសាងសង់កាលពីថ្ងៃទី៣១ ខែសីហា ឆ្នាំ២០២២កន្លងទៅ ក្រោមអធិបតីភាពដ៏ខ្ពង់ខ្ពស់បំផុតរបស់ សម្តេចអគ្គមហាសេនាបតី តេជោ ហ៊ុន សែន អតីតនាយករដ្ឋមន្ត្រី នៃព្រះរាជាណាចក្រកម្ពុជា។ ស្ពាននេះទទួលការសាងសង់ដោយក្រុមហ៊ុនវិនិយោគទុនអាណិកជនកម្ពុជា ( OCIC ) ដោយគ្រោងចំណាយថវិការសាងសង់ជាង ៣៦លានដុល្លារអាមេរិក ៕

អត្ថបទ៖ សុភា

The post អ្នកធ្វើដំណើរឆ្លងកាត់ស្ពានអាកាសមរតកតេជោ សម្ដែងក្ដីរីករាយ និងថាងាយស្រួលធ្វើដំណើរ ចំណេញពេលវេលា appeared first on Kampuchea Thmey Daily.

សូមបញ្ជាក់ថា ស្ពានអាកាសជាន់ទី១នេះ គឺមានរង្វង់មូលនៅចំ ចំណុចកណ្តាល ដោយប្រសព្វខ្វាត់ខ្វែងជា៤ទិស ភ្ជាប់គ្នាពីមហាវិថីព្រះមុនីវង្ស មហាវិថីកងយោធពលខេមរភូមិន្ទ ( 271 ) មហាវិថីសម្តេចតេជោ (ផ្លូវ៦០ម៉ែត្រ) និងតំបន់ក្បាលថ្នល់ ទៅច្បារអំពៅជាដើម។

អ្នកដំណើរបានបង្ហាញភាពរីករាយពេលបានប្រើប្រាស់សមិទ្ធផលថ្មីខាងលើនេះ ដោយស្ពាននេះបានជួយសម្រួលដល់ការធ្វើដំណើរទៅមករបស់ពួកគាត់បានលឿនរហ័សមិនចំណាយពេលយូរ និងអាចបញ្ចៀសបានពីការកកស្ទះដែលតែងបានរំខាន និងប៉ះពាល់ដល់ពេលវេលាធ្វើដំណើររបស់ពលរដ្ឋ។

អ្នកដំណើរបានថ្លែងអំណរគុណដល់រាជរដ្ឋាភិបាល ចំពោះការបន្តគិតគូរយកចិត្តទុកដាក់ក្នុងការកសាងសមិទ្ធផលថ្មីៗជាបន្តបន្ទាប់ជូនប្រជាពលរដ្ឋប្រើប្រាស់ ពិសេសស្ពានអាកាសមរតកតេជោនេះតែម្ដង។ ប្រជាពលរដ្ឋបានបញ្ជាក់ថា ប្រទេសមានសុខសន្តិភាព ទើបមានការអភិវឌ្ឍន៍ និងរីកចំរើនជាបន្តបន្ទាប់។

គួររំលឹកថា ស្ពានអាកាស “មរតកតេជោ” គឺបានដំណើរការបើកការដ្ឋានសាងសង់កាលពីថ្ងៃទី៣១ ខែសីហា ឆ្នាំ២០២២ កន្លងទៅ ក្រោមអធិបតីភាពដ៏ខ្ពង់ខ្ពស់បំផុតរបស់សម្តេចអគ្គមហាសេនាបតី តេជោ ហ៊ុន សែន អតីតនាយករដ្ឋមន្ត្រី នៃព្រះរាជាណាចក្រកម្ពុជា។ ស្ពានអាកាសនេះ ទទួលការសាងសង់ដោយក្រុមហ៊ុនវិនិយោគទុនអាណិកជនកម្ពុជា ( OCIC ) ដោយគ្រោងចំណាយថវិការសាងសង់សរុប ជាង៣៦លានដុល្លារអាមេរិក៕

អត្ថបទ៖ សុភា

The post ស្ពានអាកាស មរតកតេជោ ជាន់ទី១ បើកឲ្យដំណើរការបណ្តោះអាសន្នទាំងស្រុង appeared first on Kampuchea Thmey Daily.