បទបញ្ជាម៉ឺងម៉ាត់របស់លោកឧត្តមសេនីយ៍ឯកស្នងការ ធ្វើឡើងស្របពេលដែលមានករណីភ្ញាក់ផ្អើលមួយបានកើតឡើង ដោយជនបរទេស ជាជនជាតិជប៉ុន ០២ នាក់ បានបាត់លុយចំនួន ២ ពាន់ដុល្លារ ក្នុងហាងម៉ាស្សាមួយកន្លែង ស្ថិតតាមបណ្តោយផ្លូវលេខ ១៧២ ក្នុងសង្កាត់ជ័យជំនះ ខណ្ឌដូនពេញ នៅវេលាយប់រំលងអាធ្រាត្រឈានចូលថ្ងៃទី ២៦ ខែមេសា ឆ្នាំ ២០២៦ គ្រាដែលពួកគេទាំង ០២ បានចូលទៅម៉ាស្សានៅទីនោះ។

លោកឧត្តមសេនីយ៍ឯក ជួន ណារិន្ទ បានដាក់បញ្ជាឲ្យនគរបាលជំនាញ អធិការខណ្ឌទាំង ១៤ ត្រូវសហការជាមួយគណៈបញ្ជាការឯកភាពខណ្ឌ ចុះធ្វើបច្ចុប្បន្នភាពពិនិត្យ និងស្រង់ស្ថិតិលើអាជីវកម្មម៉ាស្សាជូនភ្ញៀវអន្តរជាតិទាំងអស់ ដើម្បីកំណត់ពីអត្តសញ្ញាណអ្នកទទួលខុសត្រូវ នៃអាជីវកម្មទាំងមូលឲ្យបានច្បាស់លាស់ ដើម្បីឲ្យម្ចាស់អាជីវកម្មត្រូវចូលរួមក្នុងការថែរក្សាសន្តិសុខ សុខវត្ថិភាព និងទ្រព្យជូនភ្ញៀវអន្តរជាតិ ដែលចូលមកលេងប្រទេសកម្ពុជា។

លោកឧត្តមសេនីយ៍ សង្កត់ធ្ងន់ថា ករណីសមត្ថកិច្ចបានរកឃើញថា អ្នកគ្រប់គ្រងទីតាំងនោះបានអនុញ្ញាតឲ្យបុគ្គលិកខ្លួនប្រព្រឹត្តិអំពើទុច្ចរិតណាមួយ ដែលនាំបង្កឲ្យមានអំពើអសន្តិសុខ ឬខូចខាត ឬបាត់បង់ទ្រព្យសម្បត្តិភ្ញៀវដោយចេតនានោះ នោះអ្នកគ្រប់គ្រងទីតាំង និងអ្នកដែលបានប្រព្រឹត្តិ គឺនឹងត្រូវចាត់វិធានការទៅតាមផ្លូវច្បាប់ ដោយគ្មានការលើកលែងជាដាច់ខាត៕
អត្ថបទ ៖ សុភា

The post ស្នងការរាជធានី ចេញបទបញ្ជាដល់នគរបាលអនុវត្តច្បាប់ដោយមិនលើកលែងលើអាជីវកម្មម៉ាស្សា ដែលមានចេតនាធ្វើឲ្យបាត់បង់ទ្រព្យសម្បត្តិភ្ញៀវជាតិ-អន្តរជាតិ appeared first on Kampuchea Thmey Daily.

ប្រតិបត្តិការចុះឡោមព័ទ្ធនេះ បានធ្វើឡើងកាលពីវេលាម៉ោង១២រំលងអធ្រាត្រ ឈានចូលថ្ងៃទី២២ ខែមករា ឆ្នាំ២០២៦ ទីតាំងម៉ាស្សាខាងលើ ស្ថិតនៅម្តុំលូ៥ ស្ថិតក្នុងសង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ​។

តាមប្រភពព័ត៌មានបឋមពីកម្លាំងអាវុធហត្ថបានឲ្យដឹងថា មុនចុះធ្វើការឡោមព័ទ្ធទីតាំងម៉ាស្សានេះ គឺកម្លាំងអាវុធហត្ថបានទទួលដំណឹងតាមរយៈ HOTLINE មានទីតាំងម៉ាស្សានៅម្តុំលូ៥ខាងលើ មានបង្កប់សេវាកម្មប​ម្រើផ្លូវភេទ និងមានអនីតិជនមិនទាន់គ្រប់អាយុកំពុងបម្រើការក្នុងទីតាំងទាំងនោះ។ លុះមកដល់វេលាម៉ោង១២រំលងអធ្រាត្រ កម្លាំងអាវុធហត្ថក៏បានចុះធ្វើការឡោមព័ទ្ធទីតាំងម៉ាស្សាទាំង៦ទីតាំង និងធ្វើការសាកសួរនាំទៅកាន់ម្ចាស់ទីតាំង រួមទាំងនារីៗដែលធ្វើការផ្នែកខាងក្នុង ដើម្បីប្រមូលភស្តុតាងបន្ថែម។

បច្ចុប្បន្នកម្លាំងអាវុធហត្ថបានធ្វើការនាំខ្លួនម្ចាស់ទីតាំងម៉ាស្សាខាងលើ រួមទាំងនារីៗដែលបម្រើការនៅក្នុងហាងខាងលើនោះ ទៅកាន់ការិយាល័យអាវុធហត្ថរាជធានីភ្នំពេញ ដើម្បីធ្វើការសាកសួរនាំ និងអនុវត្តបន្តតាមនីតិវិធីច្បាប់៕ អត្ថបទ៖ រដ្ឋា

The post អាវុធហត្ថរាជធានីភ្នំពេញ ឆ្មក់ចុះបង្រ្កាបទីតាំង ម៉ាស្សាចំនួន ៦ទីតាំង ដែលមានបង្កប់សេវាកម្មផ្លូវភេទ appeared first on Kampuchea Thmey Daily.

ប្រតិបត្តិការនេះធ្វេីឡេីងនៅវេលាម៉ោង៨និង៤៥នាទីយប់ ថ្ងៃទី៣០ ខែកញ្ញា ឆ្នាំ២០២៥ នៅចំណុចទីតាំងហាងម៉ាស្សាយីហោ ១១១១ហេងហេង និងហាងម៉ាស្សាកោសជប់៧៧៧៧ ស្ថិតតាមបណ្ដោយផ្លូវបេតុង អមផ្លូវរថភ្លើង (ឈូកវ៉ា ២) សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។

តាមប្រភពព័ត៌មានពីមន្រ្តីជំនាញក្នុងរង្វង់ប្រតិបត្តិការបានឲ្យដឹងថា មុនឈានដល់ការចុះបង្ក្រាបទីតាំងហាងម៉ាស្សាទាំង០២កន្លែងនៅក្បែរគ្នា មានម្ចាស់គ្រប់គ្រងតែមួយសង្ស័យថាមានលួចបង្កប់នៅសេវាកម្មបម្រើផ្លូវភេទខុសច្បាប់ ទើបកម្លាំងអាវុធហត្ថរាជធានីភ្នំពេញ ផែនប្រឆាំងការជួញដូរមនុស្ស និងការពារអនិតិជនសហការជាមួយកម្លាំងអាវុធហត្ថមូលដ្ឋានខណ្ឌ ធ្វើការស្រាវជ្រាវរហូតឆ្មក់បង្រ្កាបជាក់ស្តែងតែម្តង បន្ទាប់មកសមត្ថកិច្ចជំនាញក៏បានចូលទៅពិនិត្យនៅតាមបន្ទប់នីមួយៗហើយប្រមូលបានសម្ភារៈមួយចំនួនធំ និងធ្វើការឃាត់ខ្លួននារីចំនួន០៧ដែលបម្រើកាងារនៅក្នុងទីតាំងម៉ាស្សា។

ក្រោយពីសមត្ថកិច្ចឃាត់ខ្លួន ក្រុមជនសង្ស័យត្រូវបាននាំខ្លួនយកទៅបញ្ជាការដ្ឋានកងរាជអាវុធហត្ថរាជធានីភ្នំពេញដេីម្បីធ្វើការសាកសួរ និងបន្តតាមនីតិវិធីច្បាប់៕

អត្ថបទ៖ សុភា

The post អាវុធហត្ថរាជធានីឆ្មក់បង្ក្រាបហាងម៉ាស្សា២ទី តាំងជាប់គ្នាឃាត់ខ្លួននារី ៧នាក់ appeared first on Kampuchea Thmey Daily.

សារព័ត៌មាន Thai Examiner បានរាយការណ៍ថា វេជ្ជបណ្ឌិតអាមេរិកម្នាក់បានចេញការព្រមានយ៉ាងខ្លាំងដល់អ្នកដំណើរ បន្ទាប់ពីឧប្បត្តិហេតុគួរឱ្យភ្ញាក់ផ្អើលមួយដែលអ្នកទេសចរម្នាក់បានឆ្លងមេរោគស្បែកយ៉ាងធ្ងន់ធ្ងរបន្ទាប់ពីទទួលបានការម៉ាស្សាបែបថៃក្នុងតម្លៃទាប។

ការ​ចេញ​កា​រព្រមាន​នេះ​ កើត​ឡើង​​​​ក្រោយ​បុរស​​​ជន​ជាតិអូស្រ្តាលីម្នាក់​វ័យ ៤៣ឆ្នាំ បានដេកស្លាប់​ក្នុងបន្ទប់ម៉ាស្សា​ដែលខ្លួន​បាន​ចំណាយ​ប្រាក់​ជា​ង​១២​ដុល្លារ​ សម្រាប់​ការ​ម៉ាស្សា​រយៈពេល​១ម៉ោង ​កាល​ពីដើម​សប្តាហ៍នេះ។

​ការ​ដកស្រង់​ផ្សាយ​បន្ត​របស់​សារ​ព័ត៌មាន វៀតណាម VN Express ​បាន​ឲ្យ​ដឹងថា ការម៉ាស្សាដែលមានតំលៃថោកនៅក្នុងប្រទេសថៃកំពុងបង្កភាពចម្រូងចម្រាស ខណៈដែលចំនួនអ្នកទេសចរកំពុងកើនឡើងរាយការណ៍ពីបញ្ហាសុខភាព ដែល​បង្កើនការព្រួយបារម្ភអំពីស្តង់ដារអនាម័យ និងសុវត្ថិភាពនៃសេវាកម្មទាំងនេះ។

​​​ពេលនេះព័ត៌មាន​នៃ​ការស្លាប់ និង​ហានិភ័យសុខភាព​​ដោយសារ​ការឆ្លង​រោគ​​ពី​​ការ​ទទួលសេវាកម្មម៉ាស្សាកំពុង​ផ្សព្វផ្សាយ​យ៉ាងទូលំទូលាយតាមបណ្តាញ​សង្គម។ សារ​ព័ត៌មាន​វៀតណាម ផ្សាយថា​ វេជ្ជបណ្ឌិត Joe Whittington គ្រូពេទ្យបន្ទប់សង្គ្រោះបន្ទាន់បានឆ្លើយតបទៅនឹងវីដេអូ TikTok ដ៏ពេញនិយមមួយដែលត្រូវបានបង្ហោះដោយស្ត្រីម្នាក់។

វីដេអូ​នោះ បង្ហាញពីជើងរបស់មិត្តប្រុសរបស់នាងមានស្នាមក្រហម ខ្ទុះពេញខ្លួន បន្ទាប់ពីម៉ាស្សា ៥ដុល្លារដែលធ្វើឡើងដោយស្ត្រីចំណាស់ម្នាក់នៅទីតាំង​ហាងម៉ាស្សា​នៅ​ផ្លូវ​តូច​​ក្នុងប្រទេសថៃ។ តាមការ​ផ្សព្វផ្សាយ​នោះ ដំបូង បទពិសោធន៍ហាក់ដូចជាគ្មានគ្រោះថ្នាក់អ្វីឡើយ។ ទោះបីជាយ៉ាងណាក៏ដោយ នៅព្រឹកបន្ទាប់ បុរសនោះបានក្រោកពីដំណេក ឃើញជើងរបស់គាត់រលាក និងគ្របដណ្តប់ដោយដំបៅឈឺចាប់។ ការ​ផុស​វីដេអូនោះ​បាន​ទាក់​ទាញ​អ្នក​ចូលមើលជាង​៣៦ម៉ឺន​ដងពេលចេញផ្សាយ​នៅ​ថ្ងៃទី​១២ខែ​កក្កដានេះ​។

​នៅ​ដើម​សប្តាហ៍នេះ បុរសជនជាតិអូស្ត្រាលីអាយុ ៤៣​ឆ្នាំម្នាក់ត្រូវបានគេប្រទះឃើញដេកស្លាប់នៅក្នុងហាងម៉ាស្សាមួយកន្លែងនៅលើ​កោះ​សាមុយ​​​​ស្ថិតនៅ​​​ភាគខាងត្បូង​ប្រទេសថៃ ក្រោយ​ទទួលសេវាកម្មម៉ាស្សា។ ការ​ស្លាប់​របស់​បុរស​នោះ ត្រូវ​បាន​សារ​ព័ត៌មានថៃរាយការណ៍ថា បាន​កើត​ឡើង​ក្រោយពី​ការ​ដេក​លង់​លក់​ក្នុងបន្ទប់​ម៉ាស្សា ហើយ បុគ្គលិក​ម៉ាស្សា បាន​ដឹង​ពី​​ការ​ដេកស្រមុកប៉ុន្មានដងនៅម៉ោង​៤​ទៀប​ភ្លឺ ហើយ នៅ​ពេលព្រឹក​ក៏​ប្រទះឃើញបាត់បង់ជីវិត។

​​ជនជាតិ​អូស្ត្រាលី​ដែ​ល​ទទួលសេវាកម្ម​ម៉ាស្សាបាត់​បង់​ជីវិតនោះ ត្រូវបានគេ​រាងការណ៍ថា ឈ្មោះ Christopher បានទៅលេងប្រទេសថៃជាមួយភរិយា ប៉ុន្តែបានដើរតែម្នាក់ឯងពីកន្លែងស្នាក់នៅក្បែរនោះ ទៅកាន់ហាងម៉ាស្សា។

ការ​ទទួ​លសេវាកម្ម​ម៉ាស្សា​រួច​បាត់​បង់​ជីវិត​នោះ​ក៏ធ្លាប់​កើត​មាន​​លើ​បុរស​ជនជាតិសិង្ហបុរីអាយុ ៥២ឆ្នាំម្នាក់កាល​ពីចុងឆ្នាំ​២០២៤ ដែល​បាន​ទៅកម្សាន្តនៅក្នុងតំបន់ទេសចរណ៍ដ៏ពេញនិយមរបស់ប្រទេសថៃនៅ​ខេត្ត​ភូកេត​ ភាគខាងត្បូង​ថៃ​ដែរ​។​

តាមសេចក្តី​រាយការណ៍ របស់​ Bangkok Post ដោយ​ស្រង់​សម្តី​ប៉ូលិស​ក្នុង​តំបន់ កាលពីពេលនោះ​ បុរស​នោះ​បាន​ម៉ាស្សា​ខ្លួន​ដោយ​ប្រើ​ប្រេង​រយៈពេល ៤៥នាទី ប៉ុន្តែ​បាន​ថប់​ដកដង្ហើម​ភ្លាមៗ​​ក្នុងអំឡុង​ពេលម៉ាស្សា៕​

រ៉ាន់ រើយ​

The post ​​​សេវាកម្ម​ម៉ាស្សា​ថោកនៅ​ថៃ កំពុង​​​រង​ការ​វាយប្រហារ​​អំពី​​កង្វះអនាម័យ​និង​ប្រភពឆ្លងរោគ​ appeared first on Kampuchea Thmey Daily.

ប្រតិបត្តិការនេះធ្វើឡើងនៅចំណុចទល់មុខអាកាសយានដ្ឋានអន្តរជាតិភ្នំពេញ ក្នុងមូលដ្ឋានសង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ។

តាមប្រភពព័ត៌មានបានអោយដឹងថា បន្ទាប់ពីទទួលបានសេចក្ដីរាយការណ៍ គណៈបញ្ជកាឯកភាពខណ្ឌពោធិសែនជ័យ បានដាក់កម្លាំងចុះស្រាវជ្រាវរហូតឈានដល់ការចុះបង្ក្រាបឃាត់ខ្លួនបុរសជនជាតិចិនជាថៅកែម្នាក់ ភ្ញៀវម្នាក់ រួមទាំងនារីជាបុគ្គលិកសរុបចំនួន១៣នាក់ ព្រមទាំងសម្ភារមួយចំនួន។

ក្រោយប្រតិបត្តិការកម្លាំងគណៈបញ្ជការឯកភាពខណ្ឌបាននាំខ្លួនមនុស្សប្រុសស្រីទាំង១៣នាក់ ទៅអធិការដ្ឋាននគរបាលខណ្ឌពោធិសែនជ័យ ដើម្បីចាត់ការបន្តតាមនីតិវិធី៕

អត្ថបទ៖ សុភា

The post បង្ក្រាបហាងម៉ាស្សាមួយកន្លែងលួចបង្កប់សេវាផ្លូវភេទឃាត់ខ្លួនមនុស្សប្រុស ស្រី ១៣នាក់ appeared first on Kampuchea Thmey Daily.

តាមប្រភពព័ត៌មានពីនគរបាលនៃនាយកដ្ឋានប្រឆាំងការជួញដូរមនុស្ស និងការពារអនីតិជនបានប្រាប់ឱ្យដឹងថា ទីតាំងខាងលើនេះមានបងប្អូនប្រជាពលរដ្ឋបានរាយការណ៍ថា « មានក្មេងស្រីៗខ្លះក្រោមអាយុ១៧ឆ្នាំបាន មកធ្វើជានារីម៉ាស្សា និងមានចបង្កប់សេវាបម្រើកម្សាន្តដោយលួចលាក់ » ។ បន្ទាប់មកកម្លាំងបានសហការជាមួយកម្លាំងនគរបាលប៉ុស្តិ៍ រួមទាំងសមត្ថកិច្ចនគរបាលខណ្ឌពោធិ៍សែនជ័យ និងអាជ្ញាធរខណ្ឌដើម្បីចុះ បង្ក្រាបទីតាំងម៉ាស្សាខាងលើភ្លាមៗតែម្ដង។

សមត្ថកិច្ចបញ្ជាក់ថា ខណៈពេលកម្លាំងនគរបាលចុះមកដល់កន្លែងកើតហេតុ ភ្លាមៗថៅកែប្រុសម្នាក់ក៏រត់គេចខ្លួនបាត់ស្រមោលតែម្ដងនៅសល់តែនារីចំនួនចំនួន៧នាក់នៅក្នុងហាងម៉ាស្សា យីហោ « ពន្លៃ ជក់ចិត្ត » បន្ទាប់មកកម្លាំងនគរបាលក៏បានឃាត់នារីៗ ទាំងនោះយកមកសាកសួរភ្លាមផងដែរ។

បន្ទាប់ពីឃាត់ខ្លួន កម្លាំងបានបញ្ជូននារីម៉ាស្សាទាំង៧នាក់ទៅផ្នែកជំនាញដើម្បីចាត់ការតាមនីតិវិធីច្បាប់បន្តទៀត៕

អត្ថបទ៖ សុខា

The post បង្ក្រាបទីតាំងម៉ាស្សាបង្កប់សេវាកម្មផ្លូវភេទឃាត់ខ្លួនមនុស្ស៧នាក់ appeared first on Kampuchea Thmey Daily.

សមត្ថកិច្ចបានឲ្យដឹងថា ក្នុងរង្វង់ប្រតិបត្តិការ និងត្រួតពិនិត្យទីតាំងខាងលេី រកឃេីញមានស្រោមអនាម័យមួយចំនួនដោយសង្ស័យទីតាំងខាងលេីបង្កប់សេវាកម្មផ្លូវភេទ។

បច្ចុប្បន្នទីតាំងខាងលេី ត្រូវបានបិទជាបណ្តោះអាសន្ន ចំណែកម្ចាស់ទីតាំង រួមទាំងនារីរងគ្រោះ ត្រូវបានកម្លាំងសមត្ថកិច្ចនាំខ្លួនទៅការិយាល័យដេីម្បីសាកសួរបន្ត៕

អត្ថបទ ៖ សុខា

The post បង្ក្រាបទីតាំងម៉ាស្សា ឃាត់ខ្លួនម្ចាស់ទីតាំង ៣ នាក់ និងរំដោះនារីរងគ្រោះ ៣ នាក់ appeared first on Kampuchea Thmey Daily.

ប្រតិបត្តិការនេះបានធ្វេីឡេីងកាលពីវេលាម៉ោង០៩និង១០នាទី យប់ថ្ងៃទី១៧ ខែមករា ឆ្នាំ២០២៣ ចំណុចហាងម៉ាស្សា​កោសជប់យីហោ«៩៩៩៩» ស្ថិតនៅផ្ទះគ្មានលេខ ចំណុចចុងស្ពានព្រែកព្នៅខាងលិច ផ្លូវវិមានឈ្នះឈ្នះ ភូមិឡកំបោរ សង្កាត់ស្វាយប៉ាក ខណ្ឌឬស្សីកែវ រាជធានីភ្នំពេញ។

សមត្ថកិច្ចបានឱ្យដឹងថា ដោយមានការចង្អុលបង្ហាញពីឯកឧត្តមឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ និងលោកឧត្តមសេនីយ៍ទោ ចាន់ កិត្តិខុម ស្នងការរងទទួលផែនការងារប្រឆាំងការជួញដូរមនុស្សនិងការពារអនីតិជន នៃស្នងការដ្ឋាននគរបាលរាជាធានីភ្នំពេញ ក្រោមការសម្របសម្រួលដោយលោក សិត វណ្ណៈ ព្រះរាជអាជ្ញារងអយ្យការអមសាលាដំបូងរាជធានីភ្នំពេញ និងលោកវរសេនីយ៍ទោ ហាក់ លី នាយការិយាល័យ បានដឹកបញ្ជាផ្ទាល់តែម្តង។

ស្រ្តីជាម្ចាស់ទីតាំងមានឈ្មោះ សេក មុំ អាយុ៤០ឆ្នាំ ស្ថិតនៅផ្ទះគ្មានលេខ ផ្លូវវិមានឈ្នះឈ្នះ ភូមិឡកំបោរ សង្កាត់ស្វាយប៉ាក ខណ្ឌឬស្សីកែវ រាជធានីភ្នំពេញ។

តាមប្រភពបានឱ្យដឹងថា ទីតាំងហាងម៉ាស្សាកោសជប់យីហោ«៩៩៩៩» បើកដំណើរការទទួលភ្ញៀវចាប់ពីម៉ោង០៥ល្ងាច រហូតដល់យប់អធ្រាត្រទើបបិទទ្វារ មានបន្ទប់សម្រាប់រួមភេទចំនួន០៤បន្ទប់ តម្លៃម៉ាស្សាធម្មតា២.០០០០រៀល ក្នុងមួយម៉ោង និងតម្លៃនៃការរួមភេទក្នុងមួយដងចាប់ពី ២០$ ទៅ ២៥$ ហើយលុយដែលបានមកពីការរួមភេទ គឺម្ចាស់ទីតាំង​ចែកស្មើគ្នាជាមួយនារីៗម៉ាស្សាទាំងនោះ។

ក្រោយប្រតិបត្តិការកម្លាំងជំនាញបាននាំខ្លួនស្រ្តីម្ចាស់ទីតាំង ទៅការិយាល័យប្រឆាំងការជួញដូរមនុស្សនិងការពារអនីតិជន ដើម្បីសួរនាំកសាងសំណុំរឿងចាត់ការតាមនីតិវិធី។ ចំណែកនារីរងគ្រោះទាំង០៨នាក់ត្រូវបានប្រគល់ជូនមន្ទីរសង្គមកិច្ចរាជធានីភ្នំពេញធ្វើការអប់រំដោយឡែកទីតាំងខាងលេីត្រូវបានបិទជាបណ្ណោះអាសន្ន៕

អត្ថបទ៖ សុខា

The post បង្ក្រាបហាងម៉ាស្សាកោសជប់បង្កប់សេវាផ្លូវភេទឃាត់ខ្លួនម្ចាស់ទីតាំងម្នាក់និងនារីរងគ្រោះ៨នាក់ appeared first on Kampuchea Thmey Daily.