ក្រុមការងារបច្ចេកទេស នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ បានលើកយកវិធីសាស្រ្តសំខាន់ៗចំនួន៣ ដល់មាតាបិតា និងអាណាព្យាបាលសម្រាប់អនុវត្ត ដើម្បីការការពារកុមារពីមាតិកាមិនសមរម្យនៅលើបណ្តាញអ៊ីនធឺណិត ឬបណ្តាញសង្គម។

១. ការកត់សម្គាល់លើការរិះគន់រំលោភបំពានតាមបណ្តាញអ៊ីនធឺណិត (Cyberbullying)

កូនរបស់លោកអ្នកអាចជាជនរងគ្រោះនៃ Cyberbullying ដោយលោកអ្នកអាចកត់សម្គាល់អាកប្បកិរិយារបស់កូន ដូចជាការមួម៉ៅ ស្ងៀមស្ងាត់ ឬការលាក់បាំងក្រោយពេលប្រើប្រាស់អ៊ីនធឺណិត។ ក្នុងករណីមានការរំលោភបំពាន អាណាព្យាបាលគប្បីធ្វើការថតទុកជាភស្តុតាង ដើម្បីស្នើសុំឱ្យមានការដោះស្រាយសមស្រប។

២. ការកំណត់វិន័យនៃការប្រើប្រាស់ (Setting Boundaries)

កំណត់ទីតាំងប្រើប្រាស់ឧបករណ៍បច្ចេកវិទ្យានៅបរិវេណចំហ ចៀសវាងការប្រើប្រាស់ដាច់ដោយឡែកម្នាក់ឯងក្នុងបន្ទប់ និងកំណត់កាលវិភាគប្រើប្រាស់ឱ្យបានត្រឹមត្រូវ។

៣. ការគ្រប់គ្រងលើរបបប្រើប្រាស់ (Parental Controls)

• ប្រើកម្មវិធីដូចជា Google Family Link ឬមុខងារផ្សេងៗទៀតដើម្បីកំណត់ពេលវេលាប្រើប្រាស់ និងការដំឡើងកម្មវិធី (App Setting)។

• បើកមុខងារ SafeSearch នៅលើបណ្តាញអ៊ីនធឺណិតដើម្បីច្រោះចេញនូវមាតិកាមិនសមរម្យ ឬប្រើប្រាស់កម្មវិធីសម្រាប់កុមារដូចជា YouTube Kids៕

The post ស្ថាប័នជំនាញ ប្រាប់ពីវិធីសាស្ត្រសំខាន់ៗ៣ ដើម្បីការពារកុមារពីមាតិកាមិនល្អលើបណ្តាញអ៊ីនធឺណិត appeared first on Kampuchea Thmey Daily.

ករណីសង្ស័យថា មានជនអនាមិក កំពុងលួចប្រើប្រាស់ ឬកាន់កាប់គណនី Telegram របស់លោកអ្នក ក្រុមការងារ​បច្ចេកទេស​ នៃ​អគ្គនាយកដ្ឋាន​បច្ចេកវិទ្យា​ឌីជីថល​ និង​ផ្សព្វផ្សាយ​អប់រំ បានណែនាំឱ្យអនុវត្តដូចខាងក្រោម៖

ប្រសិនបើអ្នកបាន ‘Terminate’ រួចរាល់ហើយ សូមប្រញាប់ដាក់ Two-Step Verification ភ្លាម ដើម្បីការពារកុំឱ្យជនខិលខូចចូលបានម្ដងទៀត៕

The post ស្ថាប័នជំនាញ ប្រាប់ពីគន្លឹះសំខាន់ៗ ដើម្បីការពារគណនី Telegram ឱ្យមានសុវត្ថិភាព appeared first on Kampuchea Thmey Daily.

បើតាមអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ពាក្យថា OTP មកពីឃ្លាពេញជាភាសាអង់គ្លេសថា One-Time Password ដែលប្រែមកជាភាសាខ្មែរថា «លេខសម្ងាត់ប្រើតែម្តង»។ វាជាលេខកូដដែលប្រព័ន្ធបង្កើតឡើងដោយស្វ័យប្រវត្តិ ដើម្បីផ្ញើទៅកាន់ម្ចាស់គណនី សម្រាប់បញ្ជាក់អត្តសញ្ញាណក្នុងប្រតិបត្តិការណាមួយ។

១.លក្ខណៈពិសេសរបស់ OTP គឹ

២. តើយើងទទួលបាន OTP តាមណាខ្លះ? ជាទូទៅ លេខ OTP ត្រូវបានផ្ញើមកកាន់យើងតាមរយៈ៖

៣. តើពេលណាខ្លះដែលយើងត្រូវការប្រើ OTP?

ដូច្នេះ ដើម្បីរក្សាសុវត្ថិភាពឌីជីថល សូមកុំប្រាប់លេខ OTP ទៅកាន់អ្នកដទៃ ដាច់ខាត។ ប្រសិនបើអ្នកចែករំលែកលេខនេះ អ្នកដទៃអាចលួចយកប្រាក់ ឬគ្រប់គ្រងគណនីរបស់អ្នកបានយ៉ាងងាយស្រួល៕

The post ស្ថាប័នជំនាញ ហាមកុំឱ្យប្រាប់លេខ OTP ទៅអ្នកដទៃដាច់ខាត ទោះបីអះអាងថាជាបុគ្គលិកធនាគារក៏ដោយ appeared first on Kampuchea Thmey Daily.

ក្រុមការងារបច្ចេកទេស នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ បានចែករំលែកអំពីប្រភេទនៃបទល្មើសបច្ចេកវិទ្យាដែលកើតឡើងជារឿយៗ និងរបៀបការពារខ្លួន៖

I. ប្រភេទបទល្មើសបច្ចេកវិទ្យា

១. ការក្លែងអត្តសញ្ញាណ (Impersonation): ជនខិលខូចបង្កើតគណនីក្លែងក្លាយដោយប្រើរូបភាព និងឈ្មោះរបស់បុគ្គលល្បីៗ មន្ត្រីជាន់ខ្ពស់ ឬមិត្តភក្តិជិតស្និទ្ធ ដើម្បីផ្ញើសារមកខ្ចីប្រាក់ ឬសុំព័ត៌មានផ្ទាល់ខ្លួន។

២. ការផ្តល់រង្វាន់ក្លែងក្លាយ (Scams & Giveaways): ការផ្សព្វផ្សាយថាអ្នកឈ្នះរង្វាន់ធំ ឬផ្តល់ការងារដែលមានប្រាក់ខែខ្ពស់ដោយគ្រាន់តែចុច Like ឬ Share ប៉ុន្តែតម្រូវឱ្យអ្នកបង់ “ប្រាក់កក់” ឬ “ថ្លៃសេវា” ជាមុន។

៣. ការគំរាមកំហែង និងការបំភ័យ (Extortion): ការផ្ញើសារបន្លាចថាគណនីរបស់អ្នកនឹងត្រូវបិទ ឬថាពួកគេមានរូបភាពអាស្រូវរបស់អ្នក លុះត្រាតែអ្នកចុចលើតំណភ្ជាប់ (Link) ឬវេរប្រាក់ឱ្យពួកគេ។

៤. ការលួចយកទិន្នន័យផ្ទាល់ខ្លួន (Phishing): ការផ្ញើ Link ដែលមានរូបរាងដូចគេហទំព័រពិតប្រាកដ (ដូចជា Facebook ឬ App ធនាគារ) ដើម្បីលួចយកលេខសម្ងាត់ (Password) នៅពេលអ្នកវាយបញ្ចូលព័ត៌មាន។

II. វិធីសាស្ត្រនៃការឆបោក

ដើម្បីជៀសវាងការធ្លាក់ក្នុងអន្ទាក់ អ្នកគួរកត់សម្គាល់សញ្ញាព្រមានដូចជា៖

• ការបង្ខំឱ្យធ្វើសកម្មភាពភ្លាមៗ៖ ប្រើពាក្យដូចជា “ប្រញាប់ឡើង” ឬ “ឱកាសចុងក្រោយ” ដើម្បីកុំឱ្យអ្នកមានពេលគិតពិចារណា ឬពិគ្រោះជាមួយអ្នកដទៃ។

• ការសន្យាផ្តល់ផលប្រយោជន៍ខ្ពស់ខុសធម្មតា៖ ការផ្តល់នូវអត្ថប្រយោជន៍ច្រើនលើសលប់ តែងតែជានុយរបស់ក្រុមឧក្រិដ្ឋជនបច្ចេកវិទ្យា។

• ការសួររកព័ត៌មានឯកជន៖ ជនខិលខូចបន្លំខ្លួនដើម្បីស៊ើបសួររកព័ត៌មានដូចជា៖ ឈ្មោះ, ថ្ងៃខែឆ្នាំកំណើត, លេខទូរស័ព្ទ, លេខសម្ងាត់គណនី ឬលេខកូដផ្ទៀងផ្ទាត់ (OTP) តាមរយៈសារ ឬការហៅទូរស័ព្ទ។

III. វិធីសាស្ត្រការពារខ្លួន

១. ផ្ទៀងផ្ទាត់អត្តសញ្ញាណ៖ បើសិនជាមានមិត្តភក្តិ ឬសាច់ញាតិឆាតមកខ្ចីប្រាក់ គួរខលទៅសួរនាំតាមលេខទូរស័ព្ទផ្ទាល់ខ្លួន ឬជួបមុខផ្ទាល់ដើម្បីបញ្ជាក់ព័ត៌មាន។

២. កំណត់មុខងារផ្ទៀងផ្ទាត់ពីរជាន់ (Two-Factor Authentication): ការបើកមុខងារនេះគឺជាវិធីសាស្ត្រដ៏រឹងមាំបំផុតដើម្បីការពារគណនី ទោះបីជាជនខិលខូចដឹងលេខសម្ងាត់របស់អ្នកក៏ដោយ ក៏ពួកគេមិនអាចចូលប្រើប្រាស់បានដែរ។

៣. កុំចុចលើតំណភ្ជាប់ (Link) គ្មានប្រភពច្បាស់លាស់៖ ជៀសវាងការចុចលើ Link ដែលផ្ញើមកតាមរយៈសារ (SMS) ឬការផ្សាយពាណិជ្ជកម្មដែលពុំមានប្រភពត្រឹមត្រូវ។

ប្រសិនបើឃើញគណនី ឬការបង្ហោះដែលមានលក្ខណៈបោកប្រាស់ សូមធ្វើការ Report ឬ Block និងរាយការណ៍មកកាន់អាជ្ញាធរមានសមត្ថកិច្ច៕

The post ឈ្វេងយល់អំពីបទល្មើសបច្ចេកវិទ្យា និងវិធីសាស្ត្រការពារខ្លួន appeared first on Kampuchea Thmey Daily.

ការណែនាំនេះ ធ្វើឡើងបន្ទាប់ពីថ្មីៗនេះ ក្រុមឧក្រិដ្ឋជន​បច្ចេកវិទ្យា​បានប្រើប្រាស់ល្បិចកលបោកប្រាស់ថ្មី ដោយប្រើប្រាស់តំណភ្ជាប់ក្លែងក្លាយ (Fake Link) បន្លំជាប្រព័ន្ធតាមដានកញ្ចប់បញ្ញើ (Parcel Tracking System) របស់ក្រុមហ៊ុនដឹកជញ្ជូនល្បីៗ ឬជាគេហទំព័រ (Website) ល្បីៗទិញទំនិញពីក្រៅប្រទេសដើម្បីបោកបញ្ឆោត និងលួចយកទិន្នន័យឯកជនរបស់ជនរងគ្រោះ។

អគ្គនាយកដ្ឋានបច្ចេកវិទ្យាឌីជីផល និងផ្សព្វផ្សាយអប់រំ បានឱ្យដឹងថា ក្រុមឧក្រិដ្ឋជនបានបង្កើតតំណភ្ជាប់ ឬគេហទំព័រក្លែងក្លាយដែលមានទម្រង់ (form) ឱ្យជនរងគ្រោះបំពេញព័ត៌មានផ្ទាល់ខ្លួនចុះឈ្មោះបង្កើតគណនី ដែលជាការបោកបញ្ឆោតដើម្បីទាញយកទិន្នន័យផ្សេងៗរបស់ជនរងគ្រោះដើម្បីលួចលេខសម្ងាត់ OTP (One Time Password) ដើម្បីចូលគ្រប់គ្រងគណនីធនាគារ និងលួចយកគណនីបណ្តាញសង្គមដូចជា Telegram ឬ Facebook ជាដើម។ ព្រមទាំងយកទិន្នន័យជនរងគ្រោះទៅបង្កើតអត្តសញ្ញាណក្លែងក្លាយ ឬលក់ក្នុងទីផ្សារងងឹត (Dark Web)។

ដើម្បីការពារខ្លួន​ និងធានានូវសុវត្ថិភាពឌីជីថល អគ្គនាយកដ្ឋានបច្ចេកវិទ្យាឌីជីផល និងផ្សព្វផ្សាយអប់រំ បានប្រាប់ឱ្យអនុវត្តតាមការណែនាំដូចខាងក្រោម៖

– ពិនិត្យតំណភ្ជាប់ឱ្យបានច្បាស់លាស់៖ ជៀសវាងការចុចលើគេហទំព័រ ឬតំណភ្ជាប់ដែលគ្មានប្រភពច្បាស់លាស់

– កុំចែករំលែកព័ត៌មានផ្ទាល់ខ្លួន៖ ដាច់ខាតមិនត្រូវបំពេញព័ត៌មានដូចជា លេខគណនីធនាគារ លេខសម្ងាត់ លេខទូរសព្ទ ឬលេខ OTP ក្នុងគេហទំព័រដែលគួរឱ្យសង្ស័យ។

ត្រូវរាយការណ៍ទៅកាន់សមត្ថកិច្ចជំនាញ ឬទាក់ទងទៅធនាគារដែលលោកអ្នកប្រើប្រាស់ជាបន្ទាន់ ប្រសិនបើមានការសង្ស័យ ឬបាត់បង់ការគ្រប់គ្រងលើគណនី៕

The post ស្ថាប័នជំនាញ ប្រាប់ឱ្យប្រុងប្រយ័ត្ន តំណភ្ជាប់ក្លែងក្លាយទម្រង់តាមដាន​កញ្ចប់បញ្ញើ ដែលអាចលួចគណនីធនាគារ​ appeared first on Kampuchea Thmey Daily.

ការក្រើនរម្លឹកនេះ បន្ទាប់ពីនាពេលថ្មីៗ ក្រុមការងារជំនាញ នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ទទួលបានសាររាយការណ៍ពីប្រជាពលរដ្ឋ ជាពិសេសនារី ដោយជនខិលខូចបានផ្ញើសារតាមរយៈបណ្តាញទំនាក់ទំនងសង្គម ដើម្បីទាក់ទាញ និងលួងលោមឱ្យនារីៗ ចូលបម្រើការងារខុសច្បាប់ដែលបង្កអសីលធម៌ដល់សង្គម ដូចជា ថតរូបអាក្រាតកាយ និងសន្យាផ្តល់កម្រៃខ្ពស់។

ករណីនេះ ក្រុមការងារជំនាញ នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ បានក្រើនរំលឹកដល់ប្រជាពលរដ្ឋកុំឱ្យធ្លាក់ចូលអន្ទាក់របស់ជនខិលខូច ដែលអាចបង្កហានិភ័យដូចជា ជំរិតទារប្រាក់(Blackmail/Extortion), ហានិភ័យជួញដូរមនុស្សទៅកាន់ Scam Center  និងហានិភ័យលួចអត្តសញ្ញាណជនរងគ្រោះ។

ជាមួយគ្នានេះ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយ បានណែនាំឱ្យអនុវត្តតាម វិធានការការពារ “៣កុំ” ដើម្បីការពារខ្លួន ១.កុំចែកចាយ រូបភាពឯកជន និងឯកសារសម្គាល់ខ្លួន។ ២.កុំចុច តំណភ្ជាប់ Link ដែលអាចបង្កប់មេរោគលួចទិន្នន័យ ៣.កុំឆ្លើយតប៖ គប្បីReport ឬ Block គណនីនោះភ្លាមៗ។

អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ក៏បានអំពាវនាវដល់ប្រជាពលរដ្ឋ ដែលជួបករណីនេះ សូមធ្វើការរាយការណ៍មកកាន់អាជ្ញាធរមានសមត្ថកិច្ច ដើម្បីសុវត្ថិភាព ពលរដ្ឋទាំងអស់គ្នា៕

The post អគ្គនាយកកដ្ឋានបច្ចេកវិទ្យាឌីជីថល ក្រើនរម្លឹកឱ្យប្រុងប្រយ័ត្នចំពោះសារអូសទាញផ្តល់ការងារខុសច្បាប់បានកម្រៃខ្ពស់ appeared first on Kampuchea Thmey Daily.

តាមគម្រោង អគ្គនាយកដ្ឋាន​បច្ចេកវិទ្យាឌីជីថល និងផ្សព្វផ្សាយអប់រំ នៃក្រសួងមហាផ្ទៃ គឺគ្រោងនឹងរៀបចំសន្និបាតបូកសរុបលទ្ធផលការងារប្រចាំឆ្នាំ២០២៤ និងផែនការការងារឆ្នាំ២០២៥ នៅក្នុងសប្តាហ៍ទី១ នៃខែមករា ឆ្នាំ២០២៥​ ខាងមុខ។ តែ ថ្មីៗនេះក៏លេចចេញព័ត៌មានលើបណ្តាញទំនាក់ទំនងសង្គមដែលថា អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ប្រកាសប្រមូល និងកំណត់ចំនួនថវិកាវិភាគទានពីថ្នាក់ដឹកនាំ និងមន្ត្រី ដើម្បីទ្រទ្រង់លើចំណាយនៃការរៀបចំធ្វើសន្និបាតបូកសរុបផែនការការងារនេះទៅវិញ។

ក្រោយមានការផ្សាយព័ត៌មាននេះ អ្នកនាំពាក្យអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ បានបញ្ជាក់ថា ការចំណាយលើការរៀបចំសន្និបាត អគ្គនាយកដ្ឋាន មានកញ្ចប់ថវិកាសម្រាប់ទ្រទ្រង់ចំណាយបានគ្រប់គ្រាន់ ដោយមិនតម្រូវ ឬកំណត់ជាគោលការណ៍ ដើម្បីប្រមូល ឬរៃអង្គាសថវិកាវិភាគទានណាមួយពីថ្នាក់ដឹកនាំ និងមន្ត្រីនៃអគ្គនាយកដ្ឋាននោះទេ។

ប៉ុន្តែផ្ទុយទៅវិញ ថ្នាក់ដឹកនាំអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ដែលមានឧត្តមសេនីយ៍ឯក ហោ សំអាត ជាអគ្គនាយក តែងតែយកចិត្តទុកដាក់ខ្ពស់ចំពោះសុខទុក្ខរបស់មន្ត្រីខ្លួន តាមរយៈការកំណត់ជាគោលការណ៍លើកទឹកចិត្ត និងផ្តល់ថវិកាសប្បុរសធម៌ជូនដល់មន្ត្រីគ្រប់រូប ប្រកបដោយមនោសញ្ចេតនា ដូចជា ការចូលរួមចំណងដៃអាពាហ៍ពិពាហ៍ ការសម្រាលកូន ពិធីបុណ្យសព ចំណាយព្យាបាលជំងឺ និងការចំណាយលើកម្មវិធីកម្សាន្តសប្បាយនានាជាដើម។ នេះជាការអះអាងរបស់អ្នកនាំពាក្យអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ តាមរយៈសេចក្ដីបញ្ជាក់ព័ត៌មាន នាថ្ងៃទី២២ ខែធ្នូ ឆ្នាំ២០២៤។

ក្នុងន័យនេះ អ្នកនាំពាក្យអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ បានសម្ដែងការហួសចិត្តចំពោះករណីខាងលើជាខ្លាំង ហើយក៏រីករាយចំពោះការលើកឡើងនូវមតិយោបល់ប្រកបដោយសុភវិនិច្ឆ័យខ្ពស់មកលើភាពត្រឹមត្រូវ និងសេចក្តីថ្លៃថ្នូររបស់អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ដោយមិនជឿលើការលើកឡើងដោយមិនសមហេតុផលនោះឡើយ៕

The post អ្នកនាំពាក្យ ថា គ្មានការប្រមូលលុយសម្រាប់រៀបចំសន្និបាតអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំទេ appeared first on Kampuchea Thmey Daily.

ដោយទទួលបានសំណើសុំពី ក្រសួងអប់រំ យុវជន និងកីឡា និងគោលការណ៍ពី​ថ្នាក់ដឹកនាំ ​ក្រសួងមហាផ្ទៃ​ និងដោយមានការអនុញ្ញាតពី ព្រះរាជអាជ្ញា នៃអយ្យការអមសាលាដំបូងរាជធានីភ្នំពេញ អគ្គនាយកដ្ឋាន​បច្ចេកវិទ្យា​ឌីជីថល ​និង​ផ្សព្វផ្សាយ​អប់រំ​ បានធ្វើការស្រាវជ្រាវស៊ើបអង្កេត និងស្វែងរកអត្តសញ្ញាណម្ចាស់គណនីហ្វេសប៊ុក ដែលបានផ្សព្វផ្សាយព័ត៌មានធ្វើឱ្យប៉ះពាល់ដល់ ដំណើរការប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២៣ រហូតឈានដល់កោះហៅបុគ្គលឈ្មោះ ដ.ស.ណ ភេទប្រុស ជាម្ចាស់ទំព័រហ្វេសប៊ុកឈ្មោះ “វិញ្ញាសាត្រៀមប្រឡងសញ្ញាបត្រមធ្យមសិក្សាទុតិយភូមិ” ឱ្យចូលខ្លួនមកបំភ្លឺ នាថ្ងៃទី១៤ ខែកុម្ភៈ ឆ្នាំ២០២៤។

ឈ្មោះ ដ.ស.ណ បានសារភាពបន្ថែមថា រាល់ការបង្ហោះឯកសារពាក់ព័ន្ធខាងលើ ខ្លួនមានចេតនាប្រើប្រាស់ទាញយកប្រជាប្រិយភាពមកលើទំព័រហ្វេសប៊ុក “វិញ្ញាសាត្រៀមប្រឡងសញ្ញាបត្រមធ្យមសិក្សាទុតិយភូមិ” របស់ខ្លួន ឱ្យសាធារណជនកាន់តែមានការចាប់អារម្មណ៍ច្រើនឡើង ទុកសម្រាប់ប្រើប្រាស់បង្កើនចំណូលតាមរយៈការធ្វើអាជីវកម្មលក់សៀវភៅ និងកំណែវិញ្ញាមុខវិជ្ជាសិក្សាផ្សេងៗដែលខ្លួនដាក់លក់លើទំព័រហ្វេសប៊ុកខាងលើនេះ។ ក្រោយពីបានសាកសួរបំភ្លឺ ឈ្មោះ ដ.ស.ណ បានទទួលស្គាល់នូវកំហុស ធ្វើកិច្ចសន្យាជាលាយលក្ខណ៍អក្សរ និងបានថតវីដេអូឃ្លិបសុំទោស ក្រសួងអប់រំ យុវជន និងកីឡា នៅចំពោះមន្ត្រីនគរបាលយុត្តិធម៌ចំពោះកំហុសដែលខ្លួនបានប្រព្រឹត្តកន្លងមក។

ក្នុងន័យនេះ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ សូមធ្វើការក្រើនរំលឹកដល់សាធារណជនទូទៅ មេត្តាប្រើប្រាស់ប្រព័ន្ធផ្សព្វផ្សាយប្រកបដោយទំនួលខុសត្រូវខ្ពស់ ដោយមិនត្រូវចែករំលែកនូវឯកសារ ព័ត៌មាន រូបភាព វីដេអូ ដែលគ្មានប្រភពច្បាស់លាស់ និងកុំប្រើប្រាស់និមិត្តសញ្ញា (logo) របស់ អង្គភាពរដ្ឋាភិបាលដោយគ្មានការអនុញ្ញាត៕

The post ម្ចាស់ទំព័រហ្វេសប៊ុក ផ្សព្វផ្សាយរូបភាពវិញ្ញាសាបាក់ឌុប ចូលខ្លួនសុំទោសក្រសួងអប់រំ appeared first on Kampuchea Thmey Daily.