បច្ចេកវិទ្យា

ស្ថាប័នជំនាញ ប្រាប់ពីគន្លឹះសំខាន់ៗ ដើម្បីការពារគណនី Telegram ឱ្យមានសុវត្ថិភាព

បានផុស

១ ខែ មុន

នៅ

ថ្ងៃចន្ទ ២៧ មេសា ២០២៦

ដោយ

ដោយសង្កេតឃើញមានជនរងគ្រោះត្រូវបានជនខិលខូចលួចចូលគ្រប់គ្រងគណនី Telegram និងបានក្លែងបន្លំជាជនរងគ្រោះ ដើម្បីបទល្មើសតាមបណ្ដាញសង្គម ក្រុមការងារបច្ចេកទេស នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ បានបង្ហាញពីគន្លឹះសំខាន់ៗមួយចំនួន ដើម្បីការពារសុវត្ថិភាពគណនី Telegram ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីសង្ស័យថា មានជនអនាមិក កំពុងលួចប្រើប្រាស់ ឬកាន់កាប់គណនី Telegram របស់លោកអ្នក ក្រុមការងារបច្ចេកទេស នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ បានណែនាំឱ្យអនុវត្តដូចខាងក្រោម៖

១. ពិនិត្យលើ Active Sessions

ដើម្បីដឹងអំពីឧបករណ៍ដែលកំពុងបើកប្រើប្រាស់គណនី Telegram របស់អ្នក៖

• ចូលទៅកាន់ Settings > Devices ដើម្បីពិនិត្យទៅលើឈ្មោះឧបករណ៍ដែលកំពុងប្រើប្រាស់។ ប្រសិនបើឃើញឧបករណ៍ខុសប្រក្រតី លោកអ្នកអាចចុចលើពាក្យ “Terminate Session” ឬ “Terminate All Other Sessions”។

២. វិធីពង្រឹងសុវត្ថិភាពគណនី

ដើម្បីការពារកុំឱ្យមានការជ្រៀតចូល លោកអ្នកគួរអនុវត្តដូចខាងក្រោម៖

• បើក Two-Step Verification (2FA)៖ ចូលទៅ Settings > Privacy and Security > Two-Step Verification ដើម្បីកំណត់លេខសម្ងាត់ (Password) បន្ថែម

• ដាក់ Passcode Lock & Face ID៖ ការពារកុំឱ្យអ្នកដែលកាន់កាប់ទូរសព្ទលោកអ្នកផ្ទាល់ បើកចូលកម្មវិធី Telegram បាន

• កុំចុចលើតំណភ្ជាប់ (Link) គ្មានប្រភពច្បាស់លាស់៖ ជៀសវាងការចុចលើ Link ដែលតម្រូវឱ្យអ្នកបញ្ចូលលេខទូរសព្ទ ឬលេខកូដ OTP