ដោយអនុវត្ដតាមបទបញ្ជាការណែនាំដ៏ខ្ពង់ ខ្ពស់របស់លោក នាយឧត្ដមសេនីយ៍ ស ថេត អគ្គស្នងការនគរបាលជាតិ លោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ ណែនាំដល់ កំលាំង ផែនការងារសណ្ដាប់ធ្នាប់ការិយាល័យនគរបាលចរាចរណ៍ផ្លូវគោក ផ្នែកសណ្ដាប់ធ្នាប់ នៃអធិការដ្ឋាននគរបាលក្រុង-ស្រុក ត្រូវអនុវត្ដវិធានការច្បាប់ ចំពោះមធ្យោបាយយានគ្រប់ប្រភេទដែលកែច្នៃលក្ខណៈបច្ចេកទេសខុសពី ឯកសារផ្លូវការចេញដោយក្រសួងសាធារណការ បណ្ណសម្គាល់ទោចក្រយានយន្ត និងវិញ្ញាបនបត្រ ត្រួតពិនិត្យលក្ខណៈបច្ចេកទេស (ឈៀករថយន្ដ) ករណីឃាត់ពិនិត្យឃើញថា មធ្យោបាយមួយចំនួនខុសពី ឯកសារ ឬកែច្នៃខុសលក្ខណៈបច្ចេកទេសត្រូវឃាត់ ទុកដើម្បីធ្វើការត្រួតពិនិត្យនិងអនុវត្ដតាមនីតិវិធី។

ជាមួយគ្នាផងដែរ សមត្ថកិច្ចជំនាញក៏បានស្នើដល់ម្ចាស់យានគ្រប់ប្រភេទ ត្រូវអនុវត្ដតាមគោលការណ៍ច្បាប់ក្នុងប្រើប្រាស់មធ្យោបាយគ្រប់ប្រភេទ បំរើដល់អាជីវកម្មនិងបទដ្ឋានយាន ដើម្បីបញ្ជៀសនូវការរងទណ្ឌកម្មផាកពិន័យនិងខកខានពេលវេលាក្នុងការរកស៊ីប្រចាំថៃ្ង៕

The post សមត្ថកិច្ចខេត្តកំពង់ស្ពឺ អនុវត្ដវិធានការច្បាប់ចំពោះមធ្យោបាយយានគ្រប់ប្រភេទដែលកែច្នៃលក្ខណៈបច្ចេកទេសខុស appeared first on Kampuchea Thmey Daily.

ក្នុងឱកាសអញ្ជើញជាអធិបតីបើកសិក្ខាសាលាថ្នាក់ជាតិស្តីពីការងារនីតិកម្មនិងការងារកែទម្រង់ច្បាប់របស់រាជរដ្ឋាភិបាល កាលពីព្រឹកថ្ងៃទី១៦ ខែធ្នូ ឆ្នាំ២០២៤ លោក វង្សី វិស្សុត បានលើកឡើងថា ការតាក់តែងច្បាប់ និងការអនុវត្តច្បាប់ មានទំនាក់ទំនងគ្នាស្អិតរមួត ពឹងផ្អែក និងគាំទ្រគ្នាទៅវិញទៅមក។ ឧបនាយករដ្ឋមន្ត្រីប្រចាំការ គូសបញ្ជាក់ថា គុណភាពនៃការតាក់តែងច្បាប់ គឺបានគាំទ្រដល់ប្រសិទ្ធភាពនៃការអនុវត្តច្បាប់ ហើយប្រសិទ្ធភាពនៃការអនុវត្តច្បាប់ គឺជាសូចនាករវាស់វែងសមិទ្ធកម្មនៃការតាក់តែងច្បាប់។

ដូច្នេះ ជោគជ័យនៃការកែទម្រង់ច្បាប់ គឺមានលក្ខណៈពឹងផ្អែកគ្នាជាអន្តរសកម្ម ហើយលទ្ធផល គឺបង្កើតបាននូវមូលដ្ឋានគ្រឹះសម្រាប់សង្គមមួយមានស្ថិរភាព វិបុលភាព វឌ្ឍនភាព និងសមធម៌។ ក្នុងន័យនេះ លោកឧបនាយករដ្ឋមន្ត្រីប្រចាំការ វង្សី វិស្សុត សង្កត់ធ្ងន់ថា ដើម្បីសម្រេចចក្ខុវិស័យនៃការកែទម្រង់ច្បាប់របស់រាជរដ្ឋាភិបាល គុណភាពនៃការតាក់តែងច្បាប់ និងប្រសិទ្ធភាពនៃការអនុវត្តច្បាប់ ជាកត្តាគន្លឹះដែលមិនអាចខ្វះបាន សំដៅធានាចីរភាពនៃការកសាងនីតិរដ្ឋ និងអភិបាលកិច្ចល្អ។

ក្នុងសិក្ខាសសាលានេះ មន្ត្រីជាន់ខ្ពស់កម្ពុជារូបនេះ ក៏បានចែករំលែកអំពីសាវតារនៃការកែទម្រង់ច្បាប់នៅកម្ពុជា ដែលមានតាំងពីសម័យបុរាណកាលមក ដល់សម័យទំនើប ដែលក្នុងនោះ លោក បានរំលឹកថា តាមប្រវត្តិសាស្ត្រសិលាចារឹកកម្ពុជា បង្ហាញថា កម្ពុជាធ្លាប់មាន និងបានប្រើប្រាស់ច្បាប់សម្រាប់គ្រប់គ្រងសង្គម និងប្រទេសជាតិ ចាប់តាំងពីការកកើតប្រទេសមកម្ល៉េះ។

ដោយឆ្លងកាត់ជាច្រើនសម័យកាល ពិសេសក្រោយដំណាក់កាលសង្គ្រាមស៊ីវិល ពោលគឺនៅក្រោយឆ្នាំ១៩៩៣ កម្ពុជាបានរៀបចំប្រព័ន្ធច្បាប់ និងរដ្ឋបាលរបស់ខ្លួនឡើងវិញនៅក្រោមដំបូលរដ្ឋធម្មនុញ្ញឆ្នាំ១៩៩៣ ដោយទទួលយកជំនួយពីដៃគូអភិវឌ្ឍន៍ជាច្រើនប្រទេស ទាំងប្រទេសប្រកាន់យកប្រព័ន្ធច្បាប់ Civil Law និងប្រទេសដែលប្រកាន់យកប្រព័ន្ធច្បាប់ Common Law ក្នុងគោលដៅចម្បង គឺសមាហរណកម្មប្រទេសឡើងវិញ។ ជាហេតុ ច្បាប់កម្ពុជាបច្ចុប្បន្នមានអត្តសញ្ញាណបែបចម្រុះពណ៌ ច្រើនស្រទាប់ លាយឡំដោយច្បាប់បែបប្រពៃណីផង ច្បាប់បែបទំនើបផង និងទស្សនវិជ្ជាច្បាប់បែបចម្រុះផង។

ទោះជាយ៉ាងនេះក្តី លោក វង្សី វិស្សុត អះអាងថា ជាងពីរទស្សវត្សរ៍ចុងក្រោយនេះ កម្ពុជាបានបោះជំហានយ៉ាងស្វាហាប់ក្នុងការធ្វើទំនើបកម្មច្បាប់ ស្របតាមស្តង់ដារអន្តរជាតិ ដោយប្រកាន់យកនូវគោលការណ៍ «នីតិរដ្ឋ» ជាមូលដ្ឋានគ្រឹះ និងបានចារឹកក្នុងរដ្ឋធម្មនុញ្ញកម្ពុជា ឈរលើគុណតម្លៃស្នូល ប្រព័ន្ធនយោបាយលទ្ធិប្រជាធិបតេយ្យ សេរីពហុបក្ស ការគោរពសិទ្ធិមនុស្សនិងសិទ្ធិបុគ្គល និងប្រព័ន្ធសេដ្ឋកិច្ចទីផ្សារ។ លោក បន្ថែមថា ក្នុងអាណត្តិរាជរដ្ឋាភិបាល នីតិកាលទី៧ សម្តេធិបតី ហ៊ុន ម៉ាណែត នាយករដ្ឋមន្ត្រីកម្ពុជា ក៏បានបង្កើតស្ថាប័នពីរ ទី១.គឺគណៈកម្មាធិការដឹកនាំការកែទម្រង់ច្បាប់ មានភារកិច្ចផ្តោតលើការកែទម្រង់ប្រព័ន្ធច្បាប់ទាំងមូលរបស់ប្រទេសកម្ពុជា និងទី២ គណៈកម្មាធិការដឹកនាំការកែទម្រង់ប្រព័ន្ធយុត្តិធម៌ ផ្តោតលើការកែទម្រង់ប្រព័ន្ធយុត្តិធម៌៕

The post មន្ត្រីជាន់ខ្ពស់ ថា កែទម្រង់ច្បាប់ជោគជ័យ អាស្រ័យលើគុណភាពតាក់តែង និងប្រសិទ្ធភាពអនុវត្ត appeared first on Kampuchea Thmey Daily.

ឧបនាយករដ្ឋមន្ត្រីប្រចាំការ វង្សី វិស្សុត បានគូសបញ្ជាក់ថា សម្រាប់កម្ពុជា នីតិរដ្ឋដែលមានចារឹកក្នុងរដ្ឋធម្មនុញ្ញ គឺជាការគ្រប់គ្រងរដ្ឋ ដែលយកច្បាប់ជាធំ ដើម្បីបន្តការពារ និងកសាងប្រទេស ស្របតាមចក្ខុវិស័យរបស់រាជរដ្ឋាភិបាល ដូចមាន ចែងក្នុងយុទ្ធសាស្ត្របញ្ចកោណ។ បើតាមលោកឧបនាយករដ្ឋមន្ត្រីប្រចាំការ នៅកម្ពុជាបច្ចុប្បន្ន ស្ថានភាពច្បាប់មានអត្តសញ្ញាណបែបចម្រុះពណ៌ និងចម្រុះប្រព័ន្ធ ដែលលាយឡំដោយច្បាប់បែបប្រពៃណីផង ច្បាប់បែបទំនើបផង និងទស្សនវិជ្ជាច្បាប់បែបចម្រុះផង ដែលស្ថិតនៅជាមួយគ្នាដោយសុខដុមនីយកម្មខ្លះ ដោយភាពផ្ទុយគ្នាខ្លះ។ លោកឧបនាយករដ្ឋមន្ត្រីប្រចាំការ ក៏បានរំលឹកពីភាពចាំបាច់ក្នុងការកសាងប្រព័ន្ធច្បាប់ ដែលមានប្រសិទ្ធភាព សង្គតិភាព សន្តិសុខគតិយុត្ត ភាពអាចប៉ាន់ប្រមាណបាន។

ការលើកឡើងរបស់លោកឧបនាយករដ្ឋមន្ត្រីប្រចាំការ វង្សី វិស្សុត រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងប្រធានគណៈកម្មាធិការដឹកនាំការកែទម្រង់ច្បាប់ បានធ្វើឡើងក្នុងឱកាសដឹកនាំកិច្ចប្រជុំសាមញ្ញលើកទី១​ របស់គណៈកម្មាធិការដឹកនាំការកែទម្រង់ច្បាប់ ដើម្បីប្រមូលធាតុចូលក្នុងការរៀបចំទស្សនាទាននៃការរៀបចំការកែទម្រង់ច្បាប់ ក៏ដូចជាផ្លាស់ប្តូរទស្សនៈ និងមតិយោបល់លើការរៀបចំក្របខណ្ឌយុទ្ធសាស្ត្រនៃកម្មវិធីកែទម្រង់ច្បាប់របស់រាជរដ្ឋាភិបាល។

លោក វង្សី វស្សុត បានលើកឡើងថា គណៈកម្មាធិការដឹកនាំការកែទម្រង់ច្បាប់ មានគោលដៅរៀបចំនូវនិម្មាបនកម្ម ក៏ដូចជាផែនទីបង្ហាញផ្លូវ ទាំងរយៈពេលខ្លី មធ្យម និងវែង ព្រមទាំងផែនការសកម្មភាព ដើម្បីឈានទៅសម្រេចគោលដៅនិងបង្គោលចរសំខាន់ៗនៃការកែទម្រង់ច្បាប់នៅកម្ពុជា។ ទន្ទឹមគ្នានេះ ភាពចាំបាច់ក្នុងការពង្រឹងយន្តការតាក់តែង អនុវត្ត តាមដាន និងវាយតម្លៃការអនុវត្តច្បាប់នៅគ្រប់ដំណាក់កាលនៃវដ្តច្បាប់ និងលិខិតបទដ្ឋានគតិយុត្ត ដោយចាប់ផ្តើមពីការពិនិត្យអំពីតម្រូវការនៃវិធានការច្បាប់ ការរៀបចំ និងតាក់តែងសេចក្តីព្រាង ការអនុម័តនិងដាក់ឱ្យអនុវត្ត ការផ្សព្វផ្សាយនិងណែនាំអនុវត្ត ការពិនិត្យនិងវាយតម្លៃប្រសិទ្ធភាពនិងស័ក្តិសិទ្ធិភាពនៃការអនុវត្ត និងការលើកសំណើនិងរៀបចំវិសោធនកម្មច្បាប់។ នេះជាការគូសរំលេចបន្ថែមរបស់លោកឧបនាយករដ្ឋមន្ត្រីប្រចាំការ វង្សី វិស្សុត។

ជាការណែនាំសម្រាប់ការអនុវត្តការងារដ៏សំខាន់នេះ លោកឧបនាយករដ្ឋមន្ត្រីប្រចាំការ បានផ្តល់ទស្សនាទានសំខាន់ៗពាក់ព័ន្ធនឹងការកំណត់ចក្ខុវិស័យ បេសកកម្ម និងយុទ្ធសាស្ត្រគន្លឹះរបស់គណៈកម្មាធិការដឹកនាំការកែទម្រង់ច្បាប់ ក្នុងក្របខណ្ឌយុទ្ធសាស្ត្រនៃកម្មវិធីកែទម្រង់ច្បាប់របស់រាជរដ្ឋាភិបាល ព្រមទាំងណែនាំឱ្យពន្លឿនការបង្កើតគណៈកម្មការជំនាញ និងក្រុមការងារបច្ចេកទេសផ្សេងៗចំណុះឱ្យគណៈកម្មាធិការដឹកនាំការកែទម្រង់ច្បាប់ ដើម្បីលើកកម្ពស់ប្រសិទ្ធភាពការងារ៕

The post លោក វង្សី វិស្សុត៖ នីតិរដ្ឋ ជាមូលដ្ឋានគ្រឹះក្នុងការគ្រប់គ្រងប្រទេសឱ្យមានភាពខ្លាំង appeared first on Kampuchea Thmey Daily.

ស្នងការដ្ឋាននគរបាលរាជធានីភ្នំពេញ​ បានឲ្យដឹងនៅព្រឹកថ្ងៃទី ១០ ខែកុម្ភៈនេះថា លទ្ធផលការអនុវត្តរឹត​បន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុល ក្រោមការអនុវត្តតាមបទបញ្ជាផ្ទាល់ពី លោកនាយឧត្តមសេនីយ៍ ស ថេត អគ្គស្នងការនគរបាលជាតិ និងមានការដឹកនាំត្រួតពិនិត្យអនុវត្តផ្ទាល់ពីលោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅយប់ថ្ងៃទី ៩ ខែកុម្ភៈ ឆ្នាំ ២០២៤ តាមបណ្តាអធិការដ្ឋាននគរបាលខណ្ឌ បានចុះអនុវត្តរឹត​បន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុលដូចខាងក្រោម៖

ឃាត់យានយន្តល្មើស ចំនួន ៦៧គ្រឿង (រថយន្ត ១៧គ្រឿង, ម៉ូតូ ចំនួន ៥០គ្រឿង)

១.ល្មើសជាតិស្រវឹង ចំនួន ៣៥គ្រឿង

+កម្រិត ០.២៥ -០.៣៩ mg/L ចំនួន ៦គ្រឿង

-អ្នកបើកបរម៉ូតូ ចំនួន ៣នាក់

-អ្នកបើកបររថយន្ត ចំនួន ៣នាក់

+កម្រិត ០.៤០ mg/L ឡើង ចំនួន ២៩គ្រឿង

-អ្នកបើកបរម៉ូតូ ចំនួន១៦នាក់

-អ្នកបើកបររថយន្ត ចំនួន ១៣នាក់

២.បទល្មើសផ្សេងៗ ចំនួន ៣២គ្រឿង

-អត់មួកសុវត្ថិភាព ចំនួន ២៩គ្រឿង

-ម៉ូតូកែច្នៃស៊ីម៉ាំង ចំនួន ១គ្រឿង

-រថយន្តគ្មានប័ណ្ណបើកបរ ចំនួន ១គ្រឿង

-ម៉ូតូមានសារធាតុញៀន ចំនួន ១គ្រឿង៕

The post យប់ថ្ងៃទី ៩ កុម្ភៈ សមត្ថកិច្ចឃាត់យានយន្តល្មើសចំនួន ៦៧គ្រឿង ក្នុងនោះល្មើសជាតិស្រវឹងចំនួន ៣៥គ្រឿង appeared first on Kampuchea Thmey Daily.

ការបញ្ជាក់នេះ ធ្វើឡើងក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤ របស់ក្រសួងព័ត៌មាន នារសៀលថ្ងៃទី ២៣ ខែមករា ឆ្នាំ ២០២៤នេះ។

សម្ដេចធិបតី ហ៊ុន ម៉ាណែត បានថ្លែងដោយកត់សម្គាល់ថា កន្លងទៅ នៅពេលរាជរដ្ឋាភិបាល បានលើកឡើងអំពីការរៀបចំបទដ្ឋានច្បាប់ ដើម្បីគ្រប់គ្រងទៅលើវិស័យអ្វីមួយ តែងតែមានទស្សនៈមួយចំនួនសង្ស័យ និងចោទថា រាជរដ្ឋាភិបាល រៀបចំច្បាប់ឡើងដើម្បីតែបិទលំហប្រជាធិបតេយ្យ និងសិទ្ធិសេរីភាព ជាពិសេសព័ត៌មាននឹងវិស័យសារព័ត៌មាន។

សម្ដេចនាយករដ្ឋមន្ត្រី បានថ្លែងថា «ច្បាប់នៅគ្រប់ប្រទេស វាតែងតែមាន ហើយខ្ញុំរស់នៅប្រទេសប្រជាធិបតេយ្យយូរឆ្នាំមកហើយ ប្រជាធិបតេយ្យដែលមានសុពលភាព និងមានភាពធន់ និងនិរន្តភាព គឺមូលដ្ឋានច្បាប់ជាគោល ប្រជាធិបតេយ្យ អត់មានច្បាប់ គេហៅថា អាណាធិបតេយ្យ»។

សម្ដេចធិបតី ហ៊ុន ម៉ាណែត បានបញ្ជាក់ថា ការរៀបចំ និងការបង្កើតច្បាប់ ពាក់ព័ន្ធនឹងវិស័យសារព័ត៌មាននាពេលកន្លង និងទៅថ្ងៃអនាគត មិនមែនដើម្បីបិទសិទ្ធិអ្នកសារព័ត៌មាននោះទេ តែដើម្បីការពារអ្នកសារព័ត៌មាន។ ការពារអ្នកសារព័ត៌មាន ដែលអនុវត្តត្រឹមត្រូវតាមក្រមសីលធម៌វិជ្ជាជីវៈ និងតាមច្បាប់។

ប្រមុខរាជរដ្ឋាភិបាល បានថ្លែងទៀតថា «តាមពិត ការចេញច្បាប់ដើម្បីអី មិនមែនដើម្បីបិទសិទ្ធិអ្នកសារព័ត៌មាននោះទេ ប៉ុន្តែគឺផ្ទុយទៅវិញគឺដើម្បីការពារអ្នកសារព័ត៌មាន ការពារអ្នកសារព័ត៌មាន ដែលប្រព្រឹត្តត្រឹមត្រូវតាមច្បាប់ ការពារតម្លៃរបស់ខ្លួនទៅវិញ បើគាត់ធ្វើអីមួយគេចោទប្រកាន់គាត់ មានច្បាប់ការពារ បើគាត់អនុវត្តតាមក្រមសីលធម៌ និងតាមច្បាប់របស់គាត់ នេះជាការការពារសិទ្ធិសេរីភាពរឹងមាំ ទៅវិញទេ ដោយសារច្បាប់»។

បើតាមសម្ដេចនាយករដ្ឋមន្ត្រី ប្រសិនបើមិនច្បាប់ទេនោះ នឹងពិបាកនៅក្នុងការកំណត់សិទ្ធិសេរីភាព ថាតើត្រូវមានកម្រិតណា ទាំងសិទ្ធិរបស់អ្នកសារព័ត៌មាន ក៏ដូចជាសិទ្ធិរបស់ប្រជាពលរដ្ឋ៕

The post នាយករដ្ឋមន្ត្រី ៖ ការរៀបចំច្បាប់ពាក់ព័ន្ធវិស័យសារព័ត៌មាន មិនមែនដើម្បីបិទសិទ្ធិអ្នកសារព័ត៌មាននោះទេ appeared first on Kampuchea Thmey Daily.

ច្បាប់ស្តីពី “ការគ្រប់គ្រងទឹកស្អាត” នេះ គឺបានកំណត់អំពីក្របខណ្ឌគតិយុត្តសម្រាប់ការគ្រប់គ្រង និងអភិវឌ្ឍន៍ការផ្គត់ផ្គង់ទឹកស្អាតនៃកម្ពុជា។ ការបង្កើតច្បាប់នេះ គឺមានគោលបំណងធានាគុណភាព សុវត្ថិភាព និរន្តរភាព និងតម្លៃសមរម្យ ព្រមទាំងចូលរួមលើកកម្ពស់សុខុមាលភាពសាធារណៈ និងជីវភាពរស់នៅរបស់ប្រជាជនប្រកបដោយបរិយាបន្ន។

មាត្រា៦នៃច្បាប់នេះ បានចែងនូវគោលការណ៍សំខាន់ៗចំនួន៤ស្តីបញ្ហាទឹកស្អាត គឺទី១ ឱ្យមានតម្លាភាពក្នុងការផ្តល់សេវាទឹកស្អាត ទី២ ធ្វើឱ្យមានសមភាព និងមិនមានការរើសអើងរវាងអ្នកផ្តល់សេវា និងអ្នកទទួលសេវាទឹកស្អាត។ ទី៣ លើកទឹកចិត្តដល់អ្នកវិនិយោគគិនជាតិ និងអន្តរជាតិចូលរួមវិនិយោគវិស័យទឹកស្អាតនៅកម្ពុជា និងទី៤ ផ្តល់សេវាផ្គត់ផ្គង់ទឹកស្អាតដោយឈរលើលក្ខខណ្ឌ៤យ៉ាង​ គឺទឹកស្អាតត្រូវមានគុណភាព សុវត្ថិភាព និរន្តរភាព និងតម្លៃសមរម្យ។

ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ និងអង្គការ JICA របស់ជប៉ុន បានរួមសហការអនុវត្តគម្រោងជាបន្តបន្ទាប់លើវិស័យទឹកស្អាតនៅកម្ពុជា។ ទន្ទឹមនោះ សេចក្តីព្រាងច្បាប់ស្តីពីការគ្រប់គ្រងទឹកស្អាត ត្រូវបានផ្ដួចផ្ដើម និងគាំទ្រក្នុងជំហានដំបូងតាមរយៈគម្រោងពង្រឹងសមត្ថភាពគ្រប់គ្រងវិស័យទឹកស្អាតទីប្រជុំជនកម្ពុជា ​(ជំហានទី៣) ដែលបានអនុវត្តចាប់ពីឆ្នាំ២០១២ ដល់ឆ្នាំ២០១៨។ នេះបើតាមសេចក្តីប្រកាសព័ត៌មានរូមគ្នារវាងក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ និងអង្គការ JICA កាលពីថ្ងៃទី២៧ ខែមីនា ឆ្នាំ២០២៣។

អង្គការ JICA គឺជាដៃគូអភិវឌ្ឍដ៏យូរអង្វែងលើវិស័យទឹកស្អាតនៅកម្ពុជា។ អង្គការ JICA បានប្តេជ្ញាចិត្តធ្វើការងារយ៉ាងជិតស្និតជាមួយរាជរដ្ឋាភិបាលកម្ពុជា ដើម្បីសម្រេចឱ្យបាននូវការទទួលបានទឹកស្អាត និងសុវត្ថិភាពសម្រាប់ប្រជាជនកម្ពុជាទាំងមូលនាពេលអនាគត៕

The post កម្ពុជា បង្កើតឱ្យមានច្បាប់“ការគ្រប់គ្រងទឹកស្អាត​” ដើម្បីធានាគុណភាព សុវត្ថិភាព និងតម្លៃ appeared first on Kampuchea Thmey Daily.

ការលើកឡើងនេះ គ្រាដែលគណៈកម្មាធិការជាតិរៀបចំការបោះឆ្នោត (គ.ជ.ប) នៅថ្ងៃទី ៩ ខែកុម្ភៈ ឆ្នាំ ២០២៣ បាន​បើកកិច្ចប្រជុំក្រោមអធិបតីភាពលោក ប្រាជ្ញ ចន្ទ ប្រធាន គ.ជ.ប ដើម្បីពិនិត្យ និងសម្រេចលើឯកសារមួយចំនួនពាក់ព័ន្ធ នឹងការប្រឡងជ្រើសរើសមន្ត្រីជាប់កិច្ចសន្យារយៈពេលខ្លី ឯកសារពាក់ព័ន្ធនឹងការដាក់ពាក្យសុំ ចុះឈ្មោះជាអ្នកសារព័ត៌មាន សេចក្ដីណែនាំពាក់ព័ន្ធនឹងការបោះឆ្នោត និងការផ្តល់សុពលភាព លើបញ្ជីបោះឆ្នោតផ្លូវការឆ្នាំ ២០២២។

នៅក្នុងកិច្ចប្រជុំនោះ លោក ប្រាជ្ញ ចន្ទ ប្រធាន គ.ជ.ប មានប្រសាសន៍ថា ឯករាជ្យរបស់ គ.ជ.ប ត្រូវផ្អែកលើច្បាប់ អនុវត្តឲ្យបានត្រឹមត្រូវតាមច្បាប់កំណត់ ដូចនេះមន្ត្រីបោះឆ្នោតគ្រប់លំដាប់ថ្នាក់ទាំងអស់ ត្រូវខិតខំពង្រឹងការអនុវត្តច្បាប់បោះឆ្នោត និងបទបញ្ជា និងនីតិវិធី នៃការបោះឆ្នោតឲ្យមានប្រសិទ្ធភាព។ គ.ជ.ប ក៏ត្រូវអនុវត្តក្នុងការផ្តល់សេវាជូនគ្រប់ភាគីពាក់ព័ន្ធឲ្យបានល្អ និងស្មើភាពគ្នា៕

The post ប្រធាន គ.ជ.ប ៖ ឯករាជ្យរបស់ គ.ជ.ប ត្រូវផ្អែកលើច្បាប់ appeared first on Kampuchea Thmey Daily.

ការបញ្ជាក់នេះ បន្ទាប់ពីក្រសួងការបរទេសសហរដ្ឋអាមេរិក កាលពីថ្ងៃទី ១ ខែកុម្ភៈ ឆ្នាំ ២០២៣ បានប្រកាសថា កញ្ញា ឈឹម ស៊ីថរ មេសហជីពមួយរូបនៅកម្ពុជា គឺជាម្ចាស់ពានម្នាក់ក្នុងចំណោម ១០ រូបជុំវិញសាកលលោក ដែលទទួលពានរង្វាន់អ្នកការពារសិទ្ធមនុស្សប្រចាំឆ្នាំ។

សេចក្ដីថ្លែងការណ៍ នៅថ្ងៃទី ២ ខែកុម្ភៈ បានសរសេរថា អ្នកនាំពាក្យក្រសួងការបរទេសកម្ពុជា បានសង្កេតទៅលើការប្រកាសនាពេលថ្មីៗនេះ របស់ក្រសួងការបរទេសសហរដ្ឋអាមេរិក ដែលបានសម្រេចផ្ដល់ពានរង្វាន់ដល់បុគ្គលល្មើសច្បាប់មួយរូប នៅក្នុងប្រទេសកម្ពុជា ដូចតទៅ៖

១. ពានរង្វាន់ជារឿយៗគឺសម្រាប់ទទួលស្គាល់បុគ្គលដែលតស៊ូ ដើម្បីសន្តិភាព ភាពសុខដុម រមនានិងការបង្រួបបង្រួមជាតិ ការកាត់បន្ថយសព្វាវុធ ការលុបបំបាត់ការរើសអើង អំពើ ហិង្សា និងការស្អប់ខ្ពើមជាតិសាសន៍ ឬក៏បង្កើតស្នាដៃណាមួយសម្រាប់សង្គម ជាដើម។ ការប្រកាសរបស់ក្រសួងការបរទេសសហរដ្ឋអាមេរិក មិនតំណាងឲ្យបំណងប្រាថ្នាពិត ប្រាកដនៃប្រជាពលរដ្ឋកម្ពុជាភាគច្រើនទេ ព្រោះទង្វើបែបនេះ គឺជាសារជំរុញផ្តល់កម្លាំងដល់ក្រុមជាក់លាក់ ដែលបានត្រៀមខ្លួនរួចជាស្រេច កេងយកប្រយោជន៍ពីស្ថានការណ៍ ដើម្បីបម្រើរបៀបវារៈលាក់ពុតរបស់ខ្លួន ដែលពួនជ្រកក្រោមស្លាកសិទ្ធិមនុស្ស និងប្រជាធិបតេយ្យ។

២. ចំណាត់ការផ្លូវច្បាប់ចំពោះបុគ្គលរូបនោះ ពុំពាក់ព័ន្ធនឹងសិទ្ធិមនុស្ស ឬក៏វិវាទការងារទ ប៉ុន្តែគឺដោយសារការបំពានជាក់ស្ដែង លើបម្រាមមិនឲ្យចាកចេញពីដែនដីនៃព្រះរាជាណាចក្រកម្ពុជា ខណៈពេលកំពុងស្ថិតក្រោមការត្រួតពិនិត្យតាមផ្លូវតុលាការ។ មាត្រា ២៣០ នៃក្រមនីតិវិធីព្រហ្មទណ្ឌរបស់ប្រទេសកម្ពុជា បានចែងថា «ប្រសិនបើជនត្រូវចោទបានគេចវេះដោយចេតនា ពីកាតព្វកិច្ចត្រួតពិនិត្យតាមផ្លូវតុលាការ ចៅក្រមស៊ើប សួរអាចសម្រេចឲ្យឃុំខ្លួនជនត្រូវចោទបណ្ដោះអាសន្នបាន»។

៣. ពានរង្វាន់នេះ មិនមែនជាមធ្យោបាយស្របច្បាប់សម្រាប់ការពារខ្លួន នៅក្នុងតុលាការរបស់ប្រទេសណាមួយឡើយ។ មធ្យោបាយស្របច្បាប់ គឺការចូលរួមក្នុងដំណើរការកាត់ក្តី និងផ្ដល់ទឡ្ហី​ករណ៍ផ្លូវច្បាប់ជាមួយភស្តុតាងរឹងមាំ ដើម្បីដោះបន្ទុកនៅក្រោមច្បាប់ និងនីតិវិធីតុលាការរបស់រដ្ឋពាក់ព័ន្ធ៕

The post ក្រសួងការបរទេសកម្ពុជា ៖ «ពានរង្វាន់មិនមែនជាមធ្យោបាយស្របច្បាប់ សម្រាប់ការពារខ្លួនក្នុងតុលាការបស់ប្រទេសណាមួយឡើយ» appeared first on Kampuchea Thmey Daily.