ក្នុងប្រតិបត្តិការចុះត្រួតពិនិត្យ និងរៀបចំសណ្តាប់ធ្នាប់នេះ លោកអភិបាលស្រុក បានធ្វើការណែនាំដោយផ្ទាល់ដល់តំណាងរោងចក្រ សហគ្រាស អាជីវករ និងប្រជាពលរដ្ឋដែលប្រកបអាជីវកម្មតាមដងផ្លូវជាតិលេខ២ ឱ្យចូលរួមថែរក្សាអនាម័យ បរិស្ថាន និងមិនដាក់តាំងសម្ភារៈ ឬលក់ដូររំលោភលើចិញ្ចើមផ្លូវ និងទ្រូងផ្លូវសាធារណៈ ដែលអាចបង្កការកកស្ទះចរាចរណ៍ និងប៉ះពាល់ដល់សុវត្ថិភាពអ្នកធ្វើដំណើរ។

លោក សាយ វណ្ណៈ បានលើកឡើងថា ការរៀបចំសណ្តាប់ធ្នាប់តាមដងផ្លូវ មិនត្រឹមតែជួយលើកកម្ពស់សោភ័ណភាពទីប្រជុំជនប៉ុណ្ណោះទេ ប៉ុន្តែថែមទាំងជួយកាត់បន្ថយបញ្ហាគ្រោះថ្នាក់ចរាចរណ៍ បង្កើនភាពងាយស្រួលក្នុងការធ្វើដំណើរ និងបង្ហាញពីវប្បធម៌រស់នៅមានរបៀបរៀបរយរបស់ប្រជាពលរដ្ឋក្នុងមូលដ្ឋានផងដែរ។ លោកក៏បានអំពាវនាវឱ្យគ្រប់ភាគីពាក់ព័ន្ធ បន្តសហការជាមួយអាជ្ញាធរ ក្នុងការរក្សាអនាម័យ ការគោរពច្បាប់ចរាចរណ៍ និងការប្រើប្រាស់ទីសាធារណៈឱ្យបានត្រឹមត្រូវ ដើម្បីរួមចំណែកធ្វើឱ្យស្រុកបាទីកាន់តែមានសោភ័ណភាព និងទាក់ទាញ។

ជាមួយគ្នានេះ តំណាងរោងចក្រ ម្ចាស់សហគ្រាស និងអាជីវករ បានសម្តែងនូវការគាំទ្រ និងសាទរចំពោះការយកចិត្តទុកដាក់របស់អាជ្ញាធរស្រុក ដែលបានចុះដឹកនាំ និងណែនាំដោយផ្ទាល់។ ពួកគាត់បានប្តេជ្ញាចូលរួមសហការអនុវត្តតាមការណែនាំរបស់អាជ្ញាធរ ដើម្បីធានាបាននូវបរិស្ថានស្អាត សណ្តាប់ធ្នាប់ល្អ និងសោភ័ណភាពតាមដងផ្លូវកាន់តែប្រសើរ សមស្របនឹងការរីកចម្រើនរបស់មូលដ្ឋាន៕

អត្ថបទ៖ វីរៈ

The post អភិបាលស្រុកបាទី បន្តដឹកនាំកម្លាំងរៀបចំសណ្តាប់​ធ្នាប់តាមដងផ្លូវជាតិលេខ២ ដើម្បីលើកកម្ពស់សោភ័ណភាព និងសុវត្ថិភាពសាធារណៈ appeared first on Kampuchea Thmey Daily.

ការចុះអន្តរាគមន៍នេះ បានធ្វើឡើងនាព្រឹកថ្ងៃទី១៥ ខែឧសភា ឆ្នាំ២០២៦ ដោយមានការចូលរួមពីលោកអភិបាលរងស្រុក មន្ត្រីការិយាល័យជំនាញពាក់ព័ន្ធ និងអាជ្ញាធរឃុំត្រពាំងក្រសាំង ចុះពិនិត្យ និងសម្របសម្រួលដោយផ្ទាល់ដល់ទីតាំងកើតហេតុ។

ប្រភពបានឱ្យដឹងថា វិវាទនេះកើតឡើងរវាងភាគីម្ចាស់ផ្ទះឈ្មោះ ខន ស្រីអូន និងភាគីម្ចាស់ស្រែឈ្មោះ ស៊ូ សម្បត្តិ បន្ទាប់ពីមានការបង្ហូរទឹកស្អុយចូលក្នុងដីស្រែ ដែលបង្កឱ្យមានការមិនពេញចិត្តរវាងភាគីទាំងពីរកន្លងមក។
ក្នុងឱកាសចុះពិនិត្យជាក់ស្តែង លោក សាយ វណ្ណៈ បានប្រើប្រាស់វិធីសាស្ត្រដោះស្រាយវិវាទក្រៅប្រព័ន្ធតុលាការ ដោយផ្អែកលើគោលការណ៍សម្រុះសម្រួល ការយោគយល់គ្នា និងការអធ្យាស្រ័យ ក្នុងនាមជាបងប្អូនរស់នៅក្នុងភូមិជាមួយគ្នា។ ជាមួយគ្នានេះ លោកអភិបាលស្រុក ក៏បានធ្វើការណែនាំអំពីផលប៉ះពាល់នៃទឹកស្អុយទៅលើបរិស្ថាន សុខភាពប្រជាពលរដ្ឋ និងជីវភាពកសិកម្មផងដែរ។

បន្ទាប់ពីមានការពិភាក្សា និងសម្របសម្រួលយ៉ាងយកចិត្តទុកដាក់ពីអាជ្ញាធរ ភាគីទាំងពីរបានព្រមព្រៀងទទួលយកដំណោះស្រាយ និងឯកភាពបញ្ចប់វិវាទដោយសន្តិវិធី ក្រោមការអធ្យាស្រ័យខ្ពស់។

ប្រជាពលរដ្ឋនៅក្នុងមូលដ្ឋាន បានសម្តែងការកោតសរសើរចំពោះការដឹកនាំ និងការយកចិត្តទុកដាក់របស់រដ្ឋបាលស្រុកបាទី ដែលតែងតែចុះដោះស្រាយបញ្ហាជូនប្រជាពលរដ្ឋបានទាន់ពេលវេលា និងប្រកបដោយតម្លាភាព សំដៅរក្សាបាននូវសុខសន្តិភាព សាមគ្គីភាព និងការរស់នៅដោយសុខដុមរមនាក្នុងសហគមន៍៕

​អត្ថបទ៖ វីរៈ

The post អភិបាលស្រុកបាទី ចុះអន្តរាគមន៍បញ្ចប់វិវាទបង្ហូរ​ទឹកស្អុយចូលស្រែដោយសន្តិវិធី appeared first on Kampuchea Thmey Daily.

ការជំរុញណែនាំនេះ​ ធ្វើឡើងនៅពេលលោកអភិបាលស្រុក រួមជាមួយលោកអភិបាលរងស្រុក មន្ត្រីការិយាល័យជំនាញពាក់ព័ន្ធ និងអាជ្ញាធរមូលដ្ឋាន នៅថ្ងៃទី១២ ខែឧសភា ឆ្នាំ២០២៦ បានចុះពិនិត្យស្ថានភាពជាក់ស្តែងនៅរមណីយដ្ឋានទន្លេបាទី និងតំបន់ប្រាសាទតាព្រហ្ម ស្ថិតក្នុងឃុំក្រាំងធ្នង់ ស្រុកបាទី ដើម្បីតាមដានការរៀបចំសន្តិសុខ សណ្តាប់ធ្នាប់ អនាម័យ និងបរិស្ថាន ក្នុងតំបន់ទេសចរណ៍ដ៏មានសក្តានុពលមួយនេះ។

ក្នុងឱកាសចុះពិនិត្យនោះ លោកអភិបាលស្រុក បានណែនាំ និងជំរុញដល់សហគមន៍ទន្លេបាទី បន្តសហការយ៉ាងជិតស្និទ្ធជាមួយអាជ្ញាធរមូលដ្ឋាន និងស្ថាប័នពាក់ព័ន្ធដើម្បីថែរក្សាសន្តិសុខ សុវត្ថិភាព អនាម័យ និងបរិស្ថាននៅក្នុងបរិវេណរមណីយដ្ឋានទន្លេបាទីទាំងមូលឱ្យកាន់តែល្អប្រសើរ សំដៅបង្កើនភាពទាក់ទាញ និងផ្តល់ភាពកក់ក្តៅជូនភ្ញៀវទេសចរជាតិ និងអន្តរជាតិដែលអញ្ជើញមកលេងកម្សាន្ត។

លោក សាយ វណ្ណៈ ក៏បានបង្ហាញពីគម្រោងដាំដើមឈើផ្កាសងខាងផ្លូវ ចាប់ពីផ្លូវជាតិលេខ២ រហូតដល់រមណីយដ្ឋានទន្លេបាទី ដើម្បីលើកសោភ័ណភាព បង្កើនបរិស្ថានបៃតង និងទាក់ទាញភ្ញៀវទេសចរឱ្យមកកម្សាន្តកាន់តែច្រើនថែមទៀត។ ជាមួយគ្នានេះ លោកអភិបាលស្រុក បានកោតសរសើរចំពោះអាជ្ញាធរមូលដ្ឋាន និងកម្លាំងពាក់ព័ន្ធ ដែលបានខិតខំរៀបចំសន្តិសុខ សណ្តាប់ធ្នាប់ និងអនាម័យបរិស្ថាន នៅក្នុងតំបន់រមណីយដ្ឋានបានល្អប្រសើរ ធ្វើឱ្យទីតាំងទេសចរណ៍មានភាពស្អាត និងមានរបៀបរៀបរយ។

ក្រៅពីនេះ លោកអភិបាលស្រុក ក៏បានអំពាវនាវដល់បងប្អូនអាជីវករ និងអ្នកលក់ដូរប្រចាំថ្ងៃក្នុងតំបន់ទេសចរណ៍ ត្រូវប្រកាន់ខ្ជាប់នូវភាពស្មោះត្រង់ ទាំងតម្លៃ និងគុណភាពម្ហូបអាហារ ដើម្បីធានាបាននូវសេវាកម្មល្អ បង្កើនទំនុកចិត្ត និងភាពពេញចិត្តជូនអតិថិជន ភ្ញៀវទេសចរជាតិ និង​ភ្ញៀវ​ទេសចរ​បរទេស​ដែលមកកម្សាន្ត៕

​អត្ថបទ៖ វីរៈ

The post អភិបាលស្រុកបាទី ជំរុញរៀបចំបរិស្ថាន និងដាំដើមឈើនៅរមណីយដ្ឋានទន្លេបាទី និងប្រាសាទតាព្រហ្ម ដើម្បីទាក់ទាញទេសចរ appeared first on Kampuchea Thmey Daily.

យោងតាមសំណេររបស់លោកអភិបាលស្រុកបានសរសេរបង្ហោះនៅលើទំព័រហ្វេសរបស់លោកកាលពីថ្ងៃទី២៧មីនាម្សិលមិញនេះថា «សូមជម្រាបជូនសាធារណ:ជនមេត្តាជ្រាបថា ផេកFacebookដែលបង្ហោះផ្សព្វផ្សាយរកជំនួយថាកុមារី រ័ត្ន​ គន្ធា​ ស្លាប់ មានអាស័យដ្ឋាននៅភូមិរយ៉ក ឃុំកុមារាជា ស្រុកបាទី មិនពិតទេ បច្ចុប្បន្ននាងកំពុងសម្រាកព្យាលនៅពេទ្យក្រុងភ្នំពេញទេ facebook នេះត្រូវជនអនាមិកហេកយកទៅប្រើដើម្បីគៀរគរកលុយផ្ទាល់ខ្លួន»។ ជាមួយគ្នានេះ លោកអភិបាលស្រុកក៏បានអំពាវនាវកុំឲ្យប្រជាពលរដ្ឋមានការចាញ់បោកជនអនាមិកនេះបន្តទៀត។

សូមជម្រាបថា កាលពីថ្ងៃទី២៥ ខែមីនា ឆ្នាំ២០២៤ មានគណនីហ្វេសប៊ុកផេកមួយឈ្មោះ អ្នកគាំទ្រ អ្នកគ្រូ ណាលី បានបង្ហោះសារសុំជំនួយពីសប្បុរសជនដើម្បីបានលុយទិញក្ដារមឈូសឲ្យកុមារីរងគ្រោះដោយបានសរសេររៀបរាប់ថា «ទុក្ខជាន់លើទុក្ខវិនាទីចុងក្រោយនៃជីវិតហើយសូម្បីលុយទិញក្តារមឈូសក៏គ្មានដែរ បងប្អូនសូមជួយគាត់ផង ក្រគ្មាន​លុយ​ធ្វើបុណ្យទេ មកដល់ពេលនេះខ្ញុំរកជំនួយត្រឹមមឈូសអោយសព្វក្មួយស្រីខ្ងុំមិនបានទេ តើស្អែកត្រូវបូជាបែបមិចទៅ ពិតជាអាណិតណាស់ សូមបងប្អូនជួយជាមឈូសដល់គ្រួសារបងខ្ងុំផង ព្រោះគ្រួសារគាត់ពិតជា ក្រីក្រ និងខ្វះខាតខ្លាំងណាស់ ក្មួយស្រីខ្ងុំ ស្លាប់ដោយសារដុះសាច់ក្នុងខួរក្បាល សុំមឈូស១តម្លៃ ២០ម៉ឺន / ឃុំសូរភី ស្រុកបាទី ខេត្តតាកែវ២៥ មិនា ២០២៤ ម៉ោង 3:06 នាទី R.i.P មានកុងWing 100185431 CHOUM AULAS។

បន្ទាប់ពីការបង្ហោះរបស់ម្ចាស់គណនីនេះ គេសង្កេតឃើញមានប្រជាពលរដ្ឋមួយចំនួនបានវេរប្រាក់មួយចំនួនតាមគណនីធនាគារ វីង ដែលម្ចាស់គណនីហ្វេសប៊ុកនោះផ្ដល់ឲ្យ ដោយមិនបានសួរនាំឲ្យបានច្បាស់លាស់ជាមុន ដែលនេះជាការចាញ់ល្បិចនៃការបោកបញ្ឆោតរបស់ក្រុមទុចរិតទាំងនេះដើម្បីតែផលប្រយោជន៍ខ្លួនប៉ុណ្ណោះ៕

អត្ថបទ៖ សុខុម

The post អភិបាលស្រុកបាទីច្រានចោលការចុះផ្សាយពីស្លាប់របស់ក្មេងស្រីម្នាក់ដែលជាការបោកប្រាស់ដើម្បី​ផលប្រយោជន៍ appeared first on Kampuchea Thmey Daily.