ក្នុងឱកាសចុះត្រួតពិនិត្យនោះ លោក គួច ចំរើន បានណែនាំ និងផ្តាំផ្ញើដល់ក្រុមការងារសាងសង់ ត្រូវយកចិត្តទុកដាក់ ខ្ពស់ ក្នុងការសាងសង់ច្រាំងស្ទឹង ដោយអនុវត្តឲ្យបានត្រឹមត្រូវ តាមបទដ្ឋានបច្ចេកទេស សំដៅធានាបាននូវសុវត្ថិភាព និងមានគុណភាពរឹងមាំល្អ ព្រមទាំងសាងសង់ឲ្យសម្រេចរួចរាល់ជាស្ថាពរតាមផែនការដែលបានគ្រោងទុក។

គួរបញ្ជាក់ដែរថា តាមមន្ត្រីជំនាញបច្ចេកទេសបានឲ្យដឹងថា៖ គម្រោងស្ថាបនាកែលម្អច្រាំងស្ទឹងព្រែកត្នោតប៉ែកខាងត្បូងស្ទឹង ក្នុងក្រុងតាខ្មៅ ខេត្តកណ្តាល កំពុងសាងសង់ដោយយកចិត្តទុកដាក់ និងមិនមានអ្វីរំខានឡើយ និងបញ្ចប់ការសាងសង់តាមកាលវិភាគដែលបានគ្រោងទុកនាពេលខាងមុខនេះ។

គួររំលឹកផងដែលថា តាមមន្ត្រីជំនាញបច្ចេកទេសគម្រោងស្ថាបនាកែលម្អច្រាំងស្ទឹងព្រែកត្នោតប៉ែកខាងត្បូងស្ទឹង ក្នុងក្រុងតាខ្មៅ នេះមានប្រវែងសួនសាធារណៈ ៥៩០ម៉ែត្រ និងគ្រឿងបង្គំថ្មីប្រវែង ៤៥០ម៉ែត្រ។ ក្នុងនោះបានរៀបចំចំនួន ៣ ថ្នាក់ ដែលគម្រោងនេះគ្រោងនឹងបញ្ចប់ការសាងសង់ ១០០% នៅចុងឆ្នាំ២០២៦ ខាងមុខនេះ។ ដោយ ៖ ម៉េង

The post អភិបាលខេត្តកណ្ដាល ដឹកនាំមន្រី្ដជំនាញចុះពិនិត្យវឌ្ឍនភាព កែលម្អច្រាំងស្ទឹងព្រែកត្នោតប៉ែកខាងត្បូង ក្នុងក្រុង តាខ្មៅ appeared first on Kampuchea Thmey Daily.

លោកទូតជប៉ុន បន្តថា កិច្ចសហប្រតិបត្តិការទាំងនេះ គឺជាមូលដ្ឋានគ្រឹះដ៏សំខាន់ ដែលគាំទ្រដល់កំណើនសេដ្ឋកិច្ចរបស់ប្រទេសកម្ពុជា ការពង្រឹងការតភ្ជាប់ក្នុងតំបន់ និងការលើកកម្ពស់កម្រិត ជីវភាពរបស់ប្រជាជន។

សូមបញ្ជាក់ថា ទីភ្នាក់ងារសហប្រតិបត្តិការជប៉ុនអន្តរជាតិ (JICA) បានរៀបចំODA Press Tour ពីថ្ងៃទី២៣-២៤ ខែមីនា ទៅទស្សនកិច្ចទីតាំងនានាដូចជាកំពង់ផែក្រុងព្រះសីហនុ និងរោងចក្រប្រព្រឹត្តិកម្មទឹកស្អាតនិរោធ ជាដើម ដើម្បីបង្ហាញនូវសមទ្ធផលនៃកិច្ចសហប្រតិបត្តិការរបស់ប្រទេសជប៉ុន។

ទូតជប៉ុន បន្ថែមថា កំពង់ផែក្រុងព្រះសីហនុ គឺជាកំពង់ផែសមុទ្រទឹកជ្រៅតែមួយគត់របស់កម្ពុជា ដែលត្រូវបានអភិវឌ្ឍន៍ តាមរយៈការគាំទ្រពីប្រទេសជប៉ុន និងបានចូលរួមចំណែកយ៉ាងធំធេងក្នុងការអភិវឌ្ឍសេដ្ឋកិច្ចកម្ពុជា ក្នុងនាមជាមជ្ឈមណ្ឌលឡូជីស្ទិក។ ចំណែក រោងចក្រប្រព្រឹត្តិកម្មទឹកស្អាតនិរោធ គឺជាផ្នែកមួយនៃកិច្ចខិតខំប្រឹងប្រែងក្នុងការអភិវឌ្ឍការផ្គត់ផ្គង់ទឹកស្អាត ក្រោមការគាំទ្រជាបន្តបន្ទាប់របស់ប្រទេសជប៉ុនចាប់តាំងពីទសវត្សរ៍ឆ្នាំ១៩៩០ ហើយវាជាទីតាំងមួយដែលតំណាងឱ្យភាពប្រសើរឡើងនៃសេវាកម្មទឹកស្អាតនៅរាជធានីភ្នំពេញ។

គួររម្លឹកថា កម្ពុជា និងជប៉ុន បានចាប់ផ្ដើមបង្កើតទំនាក់ទំនងការទូតជាមួយគ្នាជាផ្លូវការនៅ ថ្ងៃទី៩ ខែមករា ឆ្នាំ១៩៥៣ ដែលគិតមកទល់ឆ្នាំ២០២៦ នេះ ទំនាក់ទំនងប្រទេសទាំងពីរឈានដល់ខួប៧៣ឆ្នាំហើយ។ ថ្នាក់ដឹកនាំកម្ពុជា និងជប៉ុន បានព្រមព្រៀងគ្នាដំឡើងកម្រិតទំនាក់ទំនងការទូតទ្វេភាគីទៅជា«ភាពជាដៃគូយុទ្ធសាស្ត្រគ្រប់ជ្រុងជ្រោយ» ដែលជាកម្រិតខ្ពស់បំផុត នៅដើមឆ្នាំ២០២៣ ចំគ្រាដែលទំនាក់ទំនងប្រទេសទាំងពីរគ្រប់អាយុ៧០ឆ្នាំគត់។

ជប៉ុន បានដើរតួនាទីយ៉ាងសំខាន់ក្នុងការអភិវឌ្ឍន៍ហេដ្ឋារចនាសម្ព័ន្ធ ការអភិវឌ្ឍធនធានមនុស្ស និងការកែ លម្អសេវាសាធារណៈនៅកម្ពុជា។ កិច្ចសហប្រតិបត្តិការដែលជប៉ុនមានជាមូយកម្ពុជា គឺជាមូលដ្ឋានគ្រឹះដ៏សំខាន់ដែលគាំទ្រ ដល់កំណើនសេដ្ឋកិច្ចរបស់ប្រទេសកម្ពុជា ការពង្រឹងការតភ្ជាប់ក្នុងតំបន់ និងការលើកកម្ពស់កម្រិត ជីវភាពរបស់ប្រជាជន៕

អត្ថបទ៖ ង៉ិល ណារ៉ាត់

The post ទូតជប៉ុន៖ ជំនួយអភិវឌ្ឍន៍ផ្លូវការរបស់ជប៉ុន រួមចំណែកយ៉ាងធំធេងក្នុងការអភិវឌ្ឍន៍សេដ្ឋកិច្ចសង្គមកម្ពុជា appeared first on Kampuchea Thmey Daily.

ក្នុងការចុះត្រួតពិនិត្យនោះ លោក គួច ចំរើន បានធ្វើការ ណែនាំ និងផ្តាំផ្ញើដល់ក្រុមការងារសាងសង់ ត្រូវយកចិត្តទុកដាក់ ខ្ពស់ ក្នុងការសាងសង់ច្រាំងស្ទឹង ដោយអនុវត្តឲ្យបានត្រឹមត្រូវ តាមបទដ្ឋានបច្ចេកទេស សំដៅធានាបាននូវសុវត្ថិភាព និងមានគុណភាពរឹងមាំល្អ ព្រមទាំងសាងសង់ឲ្យសម្រេចរួចរាល់ជាស្ថាពរតាមផែនការដែលបានគ្រោងទុក។

តាមមន្ត្រីជំនាញបច្ចេកទេសបានឲ្យដឹងថា៖ គម្រោងស្ថាបនាកែលម្អច្រាំងស្ទឹងព្រែកត្នោតប៉ែកខាងត្បូងស្ទឹង ក្នុងក្រុងតាខ្មៅ ខេត្តកណ្តាល មានប្រវែងសួនសាធារណៈ ៥៩០ម៉ែត្រ និងគ្រឿងបង្គំថ្មីប្រវែង ៤៥០ម៉ែត្រ។ ក្នុងនោះបានរៀបចំចំនួន ៣ ថ្នាក់ ដែលគម្រោងនេះគ្រោងនឹងបញ្ចប់ការសាងសង់ ១០០% នៅចុងឆ្នាំ២០២៦ ខាងមុខនេះ។ ដោយ ៖ ម៉េង

The post អាជ្ញាធរខេត្តកណ្ដាល ចុះពិនិត្យវឌ្ឍនភាព និងពន្លឿន ការស្ថាបនាកែលម្អច្រាំងស្ទឹងព្រែកត្នោតប៉ែកខាងត្បូងស្ទឹង ក្នុងក្រុងតាខ្មៅ appeared first on Kampuchea Thmey Daily.

អ្នកស្រី ផាន សុគន្ធ ជាពលរដ្ឋរស់នៅតំបន់ខាងលើ បានប្រាប់ឲ្យដឹងថា ចំណុចផ្លូវបេតុងមួយខ្សែនេះ តែងមានការជន់លិច ទឹកដក់លើផ្លូវ រហូតធ្វើឲ្យភាយក្លិនស្អុយ ព្រោះតែប្រព័ន្ធលូចាស់ ហូរយឺត និងចាស់ទ្រុឌទ្រោមផង ដោយសារអាយុកាលទើបបង្កការលំបាកដល់ពួកគាត់ជាប្រជាពលរដ្ឋ។ ពលរដ្ឋរស់នៅលើកំណាត់ផ្លូវបេតុងខាងលើ សូមថ្លែងអំណរអរគុណ និងកោតសរសើរ ដល់អាជ្ញាធរពាក់ព័ន្ធ ដែលបានដាក់ប្រព័ន្ធលូមួយខ្សែ ជូនពលរដ្ឋក្នុងមូលដ្ឋាន កុំឲ្យមានការលិចលង់ ពិបាករស់នៅបន្តទៀត។

ពាក់ព័ន្ធបញ្ហានេះដែរ លោក ញ៉ាត សាម៉េត ចៅសង្កាត់គោកឃ្លាង បានឲ្យដឹងថា ការដាក់ប្រពន្ធលូរំដោះទឹកនេះដែរ គឺជាកញ្ចប់ថវិកាសម្រាប់អភិវឌ្ឍន៍ ក្នុងមូលដ្ឋានសង្កាត់គោកឃ្លាង ដើម្បីសម្រួលរាល់ការលំបាករបស់ពលរដ្ឋដែលបានជួបកន្លងមក។ លោកចៅសង្កាត់បន្តថា ចំពោះការដាក់ប្រព័ន្ធលូរំដោះទឹកនេះ មានប្រវែង ១,៩៣៥ ម៉ែត្រ និងទំហំលូមានអង្កត់ផ្ចិត ០.៨ម៉ែត្រ។

ជាចុងក្រោយ លោក ញ៉ាត សាម៉េត ចៅសង្កាត់គោកឃ្លាង បានបញ្ជាក់បន្ថែមថា ក្នុងនាមជាអាជ្ញាធរមូលដ្ឋានសង្កាត់គោកឃ្លាង បានសំណូមពរទៅដល់ប្រជាពលរដ្ឋ ពេលបានប្រព័ន្ធលូថ្មី ត្រូវចេះថែទាំរក្សា និង ត្រូវវេចខ្ចប់សំរាមទុកដាក់ឲ្យត្រូវតាមទីតាំង និងវេលាម៉ោងកំណត់ ដើម្បីកុំឲ្យកំណកសម្រាមស្ទះចរន្ត ប្រព័ន្ធលំហូរទឹក៕

អត្ថបទ ៖ រដ្ឋា

The post ពលរដ្ឋសង្កាត់គោកឃ្លាង សាទរ ក្រោយអាជ្ញាធរដាក់ប្រព័ន្ធលូរំដោះទឹកថ្មី ១ ខ្សែ ប្រវែងជិត ២ ពាន់ម៉ែត្រ appeared first on Kampuchea Thmey Daily.

គម្រោងនោះ ត្រូវបានលោក ជា យុទ្ឋារុណ ប្រធានមន្ទីរអភិវឌ្ឍន៍ជនបទខេត្តបន្ទាយមានជ័យ រួមជាមួយលោក សាន ពិសិដ្ឋ អនុប្រធានការិយាផ្គត់ផ្គង់ទឹកជនបទ និងក្រុមការងារ ចុះពិនិត្យវឌ្ឍនភាព កាលពីថ្ងៃទី៩ ខែកក្តដា ឆ្នាំ២០២៥។

លោក ជា យុទ្ឋារុណ បានបញ្ជាក់ថា វឌ្ឍនភាពគម្រោងកម្មវិធីអភិវឌ្ឍន៍នេះ ក្រសួងបានផ្តល់ជូនប្រជាពលរដ្ឋក្នុងឃុំតាគង់មាន:១,ស្តារស្រះសហគមន៍ចំនួន៦២ ២,អណ្តូងខួងបំពាក់ស្នប់ចំនួន៣៥៣ ៣,ពាងត្រងទឹកភ្លៀងចំណុះ១ ០០០លីត្រ ចំនួន៣ ៦២៥ពាង៤ ៤,ធុងជ័រត្រងទឹកភ្លៀងចំណុះ១០ ០០០លីត្រ សម្រប់សាលារៀន និងមណ្ឌលសុខភាព ចំនួន១៤៥ ៥,បង្គន់អនាម័យតាមសាលារៀនចំនួន២៦ ៦,បង្គន់អនាម័យគ្រួសារចំនួន១៣៣។

លោកប្រធានមន្ទីរអភិវឌ្ឍន៍ជនបទខេត្ត ក៏បានធ្វើការណែនាំដល់ក្រុមការងារបច្ចេកទេសទាំងអស់ និងក្រុមហ៊ុនសាងសង់ ឱ្យខិតខំជំរុញការងារសាងសង់ទៅតាមជំនាញស្របទៅតាមស្តង់ដារ និងមានគុណភាពខ្ពស់ប្រើប្រាស់បានយូរអង្វែង ហើយឱ្យសម្រេចរួចរាល់តាមផែនការដែលបានកំណត់។

ជាមួយគ្នានោះក៏ សំណូមពរដល់បងប្អូនប្រជាពលរដ្ឋទាំងអស់ សូមចូលរួមថែរក្សាសមិទ្ធផល ដែលទទួលបា​នថ្មី​នេះ តាមរយៈការសម្អាតបរិស្ថាននៅតាមបរិវេណជុំវិញស្រះ អណ្តូងទឹក បង្គន់អនាម័យ..ល..។ ពិសេសសូមចូលរួមផ្តល់ការសហការណ៍ និងជំរុញគម្រោងកម្មវិធីអភិវឌ្ឍន៍ និងធ្វើឱ្យប្រសើរឡើងលើវិស័យផ្គត់ផ្គង់ទឹកស្អាត និងអនាម័យជនបទ ប្រកបដោយនិរន្តរភាពបន្តទៀត៕

ដោយ ៖ អ ពៅ

The post ស្រុកម៉ាឡៃ ទទួលបានគម្រោងអភិវឌ្ឍន៍លើវិស័យផ្គត់ផ្គង់ទឹកស្អាត និងអនាម័យជនបទ appeared first on Kampuchea Thmey Daily.

លោក ហេង រតនា ប្រតិភូរាជរដ្ឋាភិបាលទទួលបន្ទុកអគ្គនាយកមជ្ឈមណ្ឌលសកម្មភាពកំចាត់មីនកម្ពុជា (ស៊ីម៉ាក់) បានថ្លែងអំពីដំណើរការ និងវឌ្ឍនភាពការសាងសង់សារមន្ទីរតេជោសន្តិភាព។ សារមន្ទីរមួយនេះ ត្រូវសាងសង់ឡើងនៅលើផ្ទៃដី១២ហិកតា ស្ថិតឃុំត្រពាំងធំ ស្រុកបាគង ខេត្តសៀមរាប ហើយត្រូវបានសាងសង់ឡើង ក្រោមជំនួយឧបត្ថម្ភគាំទ្រពីប្រទេសជប៉ុន ដែលមានរូបរាងជាគ្រាប់មីនប្រឆាំងមនុស្សធំជាងគេនៅលើពិភពលោក។

លោក បានបន្តទៀតថា រយៈពេលជាង៣២ឆ្នាំមកនេះ ប្រទេសជប៉ុន បានជួយដល់ស៊ីម៉ាក់ សម្រាប់វិស័យមីននៅកម្ពុជា ដែលជំនួយទាំងនោះមានជាសម្ភារមានជាថវិកាដូចជាការផ្តល់ជំនួយប្រឹក្សាបច្ចេកទេសជាដើម។

សម្តេចកិត្តិសង្គហបណ្ដិត ក៏បានថ្លែងនូវការកោតសសើរ និងវាយតម្លៃខ្ពស់ ចំពោះមជ្ឈមណ្ឌលសកម្មភាពកំចាត់មីនកម្ពុជា ក្រោមការដឹកនាំរបស់ លោកហេង រតនា ប្រតិភូរាជរដ្ឋាភិបាលទទួលបន្ទុកអគ្គនាយកមជ្ឈមណ្ឌលសកម្មភាពកំចាត់មីនកម្ពុជា ដែលបានផ្តួចផ្តើមគំនិតក្នុងការកសាងសារមន្ទីរតេជោសន្តិភាពនេះឡើង។ មិនតែប៉ុណ្ណោះ ក៏បានកសាងនូវស្នាដៃ រួមជាមួយសមិទ្ធិផលជាច្រើនដែលពាក់ព័ន្ធនឹងវិស័យមីននៅព្រះរាជាណាចក្រកម្ពុជា តាមរយៈ ការចូលរួមកែប្រែតំបន់សង្គ្រាមឲ្យទៅជាតំបន់អភិវឌ្ឍន៍ ស្របតាមប្រសាសន៍សម្តេចតេជោ ហ៊ុន សែន ប្រធានព្រឹទ្ធសភា អតីតនាយករដ្ឋមន្ត្រី និងជាប្រធានគណបក្សប្រជាជនកម្ពុជា។ ក្រោមការដឹកនាំប្រកបដោយចក្ខុវិស័យវែងឆ្ងាយរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៅក្នុងអណត្តិទី ៧ ក៏បានជម្រុញអនុវត្តការងារនេះស្របតាមយុទ្ធសាស្ត្របញ្ចកោណដំណាក់ទី ១ និងផែនការយុទ្ធសាស្ត្រជាតិសកម្មភាពមីន ២០១៨- ២០២៥ និងចក្ខុវិស័យ «កម្ពុជាគ្មានមីនឆ្នាំ២០២៥»។

សម្ដេចបានចាត់ទុក វត្តមានរបស់សារមន្ទីរ ថាបានក្លាយទៅជាមជ្ឈមណ្ឌលប្រវត្តិសាស្ត្រសង្រ្គាម និងការដោះស្រាយវិបត្តិនៃសំណល់ជាតិផ្ទុះក្រោយសង្រ្គាម ហើយក៏ជាសក្ខីភាព និងបានរំលឹកពីអតីតកាលដែលកម្ពុជាបានឆ្លងកាត់នូវសង្គ្រាមដ៏រ៉ាំរ៉ៃ និងបង្ហាញពីវិនាសកម្មនៃសង្គ្រាមបាននាំមកនូវភាពឈឺចាប់ ការនិរាសព្រាត់ប្រាស់គ្រួសារ និងជនពិការ ហើយបានបន្សល់ទុកនូវផលវិបាកយ៉ាងធ្ងន់ធ្ងរ ទាំងខាងប្រជាសាស្រ្ត ភូមិសាស្រ្តនយោបាយ សេដ្ឋកិច្ច សង្គម និងវប្បធម៌ផងដែរ៕

អត្ថបទ÷ វិមាន

The post សម្តេច ម៉ែន សំអន ៖ កម្ពុជាមានសន្តិភាព ទើបអាចអភិវឌ្ឍន៍សេដ្ឋកិច្ច សង្គម និងសុខមាលភាពប្រជាជន ផ្ទុយពីប្រទេសមានសង្គ្រាម appeared first on Kampuchea Thmey Daily.

ថ្លែងក្នុងពិធីសំណេះសំណាលជាមួយសិស្សនិទ្ទេស A ព្រឹកថ្ងៃច័ន្ទ ទី២៣ ខែធ្នូ ឆ្នាំ២០២៤ នៅ រាជធានីភ្នំពេញ សម្ដេចធិបតី ហ៊ុន ម៉ាណែត បានលើកឡើងថាការចង់ចាកចេញពីប្រទេសដែលមានការអភិវឌ្ឍតិចតួចជាការគិតគូរដល់ចំណូលរបស់ពលរដ្ឋ និងភាពរឹងមាំរបស់កម្ពុជា។​

សម្ដេចថា៖ «យើងនៅប្រទេសក្រីក្រ LDC គេឱ្យលក្ខខន្តអនុគ្រោះច្រើនណាស់។ នាំចេញពន្ធអី! តែទាល់តែជីវភាពរបស់ប្រជាជន ចំណូលរបស់ប្រជាជននៅទាបក្រោមកម្រិតនេះ លើសពីហ្នឹងគេអត់ឱ្យ។ អ៊ីចឹងតើយើងនៅសុខចិត្តខំប្រឹងមួយរស់ៗ កុំឱ្យប្រជាជនយើងមានបាន? អត់ទេ! យើងត្រូវតែហ៊ានដាក់ទិសដៅថា​ប្រទេសយើងត្រូវតែហ៊ានម្ចាស់ការលើខ្លួនឯងពីមួយជំហានទៅមួយជំហានទោះបីជាប្រទេសផ្សេងៗលែងជួយយើង ជួយលក្ខខន្តពេញក៏ដោយដើម្បីឱ្យយើងប្រឹងខ្លួនឯង»។

យោងតាមអង្គការសហប្រជាជាតិ ប្រទេសអភិវឌ្ឍន៍តិចតួចត្រូវបានកំណត់ដោយចំណូលប្រចាំឆ្នាំរបស់មនុស្សម្នាក់ៗក្រោម ១ ៣០៦ដុល្លារ សន្ទស្សន៍នៃការអអភិវឌ្ឍន៍ធនធានមនុស្សមានពិន្ទុក្រោម៦០ពិន្ទុ និងសន្ទស្សន៍ងាយរងគ្រោះផ្នែកសេដ្ឋកិច្ចនិងបរិស្ថានក្នុងប្រទេសខ្ពស់ជាង៣២ពិន្ទុ។

ចំណូលប្រចាំឆ្នាំរបស់ប្រជាជនកម្ពុជាម្នាក់មាន ១ ៥៩០ដុល្លារ ខណៈសន្ទុះអភិវឌ្ឍន៍ធនធានមនុស្សទទួលបាន ៧៧,៨ពិន្ទុ និងសន្ទស្សន៍ងាយរងគ្រោះផ្នែកសេដ្ឋកិច្ចនិងបរិស្ថានទទួលបាន២៤,១ ដែលគ្រប់លក្ខខន្តទាំងអស់សម្រាប់ត្រៀមខ្លួនចាកចេញពីប្រទេសអភិវឌ្ឍន៍តិចតួច។

មហាសន្និបាតនៃអង្គការសហប្រជាជាតិ បានអនុម័តសេចក្តីសម្រេច A/៧៩/L.៤៩ សម្រាប់ការចាកចេញរបស់ប្រទេសកម្ពុជាពីក្រុមប្រទេសអភិវឌ្ឍតិចតួច (LDC) កាលពីថ្ងៃទី១៩ ខែធ្នូកន្លងទៅ ហើយការចាកចេញពីក្រុមប្រទេសអភិវឌ្ឍន៍តិចតួចជាផ្លូវការគឺនៅរយៈពេល៥ឆ្នាំទៀត។ ដើម្បីបន្តតាមដានថាប្រទេសទាំងពីរនេះអាចរៀបចំខ្លួនប្រកបដោយប្រសិទ្ធភាព និងប្រាកដថាចាកចេញមានភាពរលូនមិនត្រលប់មកក្នុងបញ្ជីវិញ។

តំណាងអចិន្ត្រៃយ៍ កម្ពុជាប្រចាំអង្គការសហប្រជាជាតិ (អ.ស.ប) បានបញ្ជាក់ថា ការចាកចេញពី LDCs Category នេះ មិនត្រឹមតែជាសមិទ្ធផលជាតិប៉ុណ្ណោះទេ តែវាថែមទាំងជាតំណាងឲ្យភាពជោគជ័យរួមនៃសាមគ្គីភាព និងភាពជាដៃគូសកល ដូចដែលបានចារឹកទុកនៅក្នុងរបៀបវារៈឆ្នាំ២០៣០ សម្រាប់ការអភិវឌ្ឍន៍ប្រកបដោយចីរភាព។

តំណាងកម្ពុជាប្រចាំ UN ក៏បានលើកឡើងពីបញ្ហាប្រឈមមួយចំនួនផងដែរពេលដែលម្ពុជាចាកចេញពីប្រទេសអភិវឌ្ឍន៍តិចតួចដែលមានដូចជា ការបាត់បង់ការទទួលបាននូវការអនុគ្រោះពន្ធនាំចេញ និងលក្ខខណ្ឌអនុគ្រោះក្នុងការទទួលបានហិរញ្ញប្បទានសម្បទាន ជាដើម។

កម្ពុជាអំពាវនាវឱ្យសហគមន៍អន្តរជាតិ បន្តការគាំទ្រខ្លួននៅក្នុងដំណើរការចាកចេញពី LDC Category របស់កម្ពុជាដោយរលូន តាមរយៈគំនិតផ្តួចផ្តើមកសាងសមត្ថភាព និងយន្តការហិរញ្ញវត្ថុផ្សេងៗប្រកបដោយភាពច្នៃប្រឌិត ហើយកម្ពុជាក៏ប្តេជ្ញានឹងធានាឱ្យបាននូវដំណាក់កាលអន្តរកាលដ៏រលូន និងមាននិរន្តភាពមួយ តាមរយៈការធ្វើឱ្យមានភាពចម្រុះនៃសេដ្ឋកិច្ចដ៏រឹងមាំ ការពង្រឹងសមត្ថភាពស្ថាប័ន និងការចូលរួមកាន់តែស៊ីជម្រៅជាមួយភាពជាដៃគូក្នុងតំបន់ និងពិភពលោក៕

អត្ថបទដោយ ហ៊ុន សិរីវឌ្ឍន៍

The post នាយករដ្ឋមន្ត្រី៖ យើងមិនអាចផ្ដេកផ្ដួលលើការជួយរបស់គេនោះទេ appeared first on Kampuchea Thmey Daily.

យោងតាមការចុះផ្សាយលើគេហទំព័រអង្គការសហប្រជាជាតិ កម្ពុជា ជាមួយនឹងប្រទេស ហ្សេណេហ្គាល់ នឹងត្រូវដកចេញពីក្រុមប្រទេសអភិវឌ្ឍន៍តិចតួចជាផ្លូវការនៅថ្ងៃទី១៩ ខែធ្នូ ឆ្នាំ២០២៩។ ការរង់ចាំ៥ឆ្នាំទៀតនេះគឺដើម្បីបន្តតាមដានថាប្រទេសទាំងពីរនេះអាចរៀបចំខ្លួនប្រកបដោយប្រសិទ្ធភាព និងប្រាកដថាចាកចេញមានភាពរលូនមិនត្រលប់មកក្នុងបញ្ជីវិញ។

ហ្វេសបុកផេករបស់ UN ប្រចាំកម្ពុជាបានអបអរសារទរចំពោះលទ្ធផលដែលកម្ពុជាសម្រេចបាននេះដោយថា «នេះ គឺជាការជំហានដ៏សំខាន់ឆ្ពោះទៅរកវឌ្ឍនភាព និងវិបុលភាពនាពេលអនាគត»។

មានប្រទេស៤៤ត្រូវអង្គការសហប្រជាជាតិដាក់ចូលជាប្រទេសមានការអភិវឌ្ឍតិចតួច។ ប្រទេសកម្ពុជាត្រូវបានដាក់បញ្ចូលក្នុងក្រុមប្រទេសទាំងនេះក្នុងឆ្នាំ១៩៩១។ ការដាក់បញ្ចូលក្នុងប្រទេសអភិវឌ្ឍន៍តិចតួចដោយពិនិត្យទៅលើចំណូលប្រចាំឆ្នាំរបស់មនុស្សម្នាក់ៗ សន្ទស្សន៍នៃការអប់រំនិងសុខភាពសាធារណៈ និងសន្ទស្សន៍ងាយរងគ្រោះផ្នែកសេដ្ឋកិច្ចនិងបរិស្ថានក្នុងប្រទេសនោះ៕

ដោយ ហ៊ុន សិរីវឌ្ឍន៍

The post UN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច appeared first on Kampuchea Thmey Daily.