ទោះយ៉ាងណា ខ្លាញ់មិនតែងតែគួរឲ្យខ្លាច ឬអាក្រក់សម្រាប់រាងកាយ​នោះទេ។ ដោយសារតែរាងកាយ​ត្រូវការ​ខ្លាញ់ល្អ ដែលត្រូវបានគេស្គាល់ថាជា កូលេស្តេរ៉ុលល្អ ឬខ្លាញ់ HDL ក្នុងការដឹកជញ្ជូនអាស៊ីដខ្លាញ់ និងកូលេស្តេរ៉ុលទៅកាន់ថ្លើម ដើម្បីបំផ្លាញ និងបញ្ចេញតាមទឹកប្រមាត់។

អាហារ​ដែល​សម្បូរ​ខ្លាញ់​ល្អ​អាច​រួម​មាន៖

១​ ប្រេង​អូលីវ​អាច​ជួយ​បង្កើន​កម្រិត​នៃជាតិខ្លាញ់ល្អ និង​កាត់បន្ថយ​ការ​រលាក​ក្នុង​រាងកាយ​ដែល​បណ្ដាល​មក​ពី​ខ្លាញ់​អាក្រក់

ដោយសារតែប្រេងអូលីវមានផ្ទុកសារធាតុ polyphenols (ប៉ូលីហ្វេណុល) ដែល​អាចបង្កើនខ្លាញ់ល្អដល់រាងកាយ។ ការសិក្សាមួយបានពិនិត្យមើលឥទ្ធិពលនៃសារធាតុ polyphenols នៅក្នុងប្រេងអូលីវ លើហានិភ័យនៃជំងឺ​បេះដូង។ ការបោះពុម្ពផ្សាយនៅក្នុង Annals of Internal Medicine នៃសហរដ្ឋអាមេរិកក្នុងឆ្នាំ ២០០៦ អ្នកស្ម័គ្រចិត្តបុរសដែលមានសុខភាពល្អចំនួន ២០០ នាក់បានទទួលទានប្រេងអូលីវដែលមានសមាសធាតុ phenolic ដែលជាសារធាតុប្រឆាំងអុកស៊ីតកម្មនៅក្នុងប្រេងអូលីវក្នុងកម្រិត LDL ខ្ពស់ មធ្យម និងទាបនៃអ្នកចូលរួមបានថយចុះយ៉ាងខ្លាំង។

២ គ្រាប់ធញ្ញជាតិ​ ដូចជា អង្ករ​សំរូប ធញ្ញជាតិ នំបុ័ង​គ្រាប់​ធញ្ញជាតិ

វា​សម្បូរ​ទៅ​ដោយជាតិសរសៃ ដែលអាចជួយកាត់បន្ថយជាតិខ្លាញ់អាក្រក់នៅក្នុងខ្លួន។

៣ ត្រី​ដូចជាត្រី salmon, mackerel, និង sardines

គឺជាត្រីសមុទ្រទឹកជ្រៅដែលសំបូរទៅដោយអូមេហ្គា 3s ដែលអាចជួយកាត់បន្ថយជាតិ​ខ្លាញ់អាក្រក់ និងបង្កើនខ្លាញ់ល្អក្នុងរាងកាយ។

៤ ផ្លែបឺរ

គឺជាផ្លែឈើមួយប្រភេទដែលផ្ទុកនូវសារធាតុ folate (Folate) អាស៊ីត oleic (អាស៊ីត Oleic) និងខ្លាញ់ monounsaturated fat ដែលអាចជាខ្លាញ់ដែលមានសុខភាពល្អបេះដូង រួមទាំង beta-sitosterol ដែលអាចជួយកាត់បន្ថយកម្រិតកូឡេស្តេរ៉ុលក្នុងឈាម។

៥ សណ្តែកសៀង

មានសារធាតុប្រឆាំងអុកស៊ីតកម្មដូចជា isoflavones, lecithin, saponins និងជាតិសរសៃ និងប្រូតេអ៊ីនសណ្តែកសៀង ដែលអាចជួយបន្ថយកម្រិតកូឡេស្តេរ៉ុលក្នុងឈាម។ កាត់បន្ថយហានិភ័យនៃការវិវត្តទៅជាជំងឺសរសៃឈាមបេះដូង។

លើសពីនេះទៀត ការផ្លាស់ប្តូររបៀបរស់នៅមួយចំនួន ដូចជាការធ្វើលំហាត់ប្រាណឲ្យបានទៀងទាត់យ៉ាងហោចណាស់ ៣០ នាទី/ថ្ងៃ ចៀសវាងការជក់បារី រួមទាំងការញ៉ាំអាហារដែលមានប្រយោជន៍ដល់រាងកាយ ក៏អាចជួយកាត់បន្ថយជាតិខ្លាញ់អាក្រក់នៅក្នុងខ្លួនផងដែរ៕

ប្រែសម្រួល៖ សាង ស្រីល័ក្ខ

ចុចអាន៖អាហារ ៥ មុខ បង្កើនការឈឺក្បាលប្រកាំងកាន់តែធ្ងន់ធ្ងរ

The post អាហារ ៥ ប្រភេទ ជាខ្លាញ់ល្អ ជួយកាត់បន្ថយកូលេស្តេរ៉ុលនៃជំងឺធ្ងន់ធ្ងរ appeared first on Kampuchea Thmey Daily.

ខាងក្រោមនេះគឺជាបញ្ជីនៃអាស៊ីដខ្លាញ់អូមេហ្គា ៣ ដែលមាននៅក្នុងអាហារ៖

១ ប្រភពត្រី

ពពួកត្រី ​Mackerel​​ ផ្ទុកទៅដោយសារធាតុសេលេញ៉ូមវីតាមីនB ១២ និងប្រេងអូមេហ្គា ៣ ។ ត្រីសំបូរ​ខ្លាញ់នេះមានរសជាតិឆ្ងាញ់ ដែលធ្វើ​ឲ្យ​វាងាយស្រួលក្នុងការបញ្ចូលទៅក្នុងម្ហូបណាមួយ។ វាមាន DHA ០,៥៩ ក្រាម និង ០,៤៣ ក្រាមនៃ EPA។

អយស្ទឺរ ​គឺជាមុខម្ហូបពិសេសមួយក្នុងចំណោមអាហារ​សមុទ្រ​លំដាប់​កំពូល។ វាត្រូវបានបម្រើក្នុងទម្រង់​ជាមុខម្ហូប​ឬអាហារសម្រន់។ រួមជាមួយប្រេងអូមេហ្គា ៣ អយស្ទ័រក៏ផ្ទុកបរិមាណវីតាមីន B ១២ និងស័ង្កសីរួមទាំងមាន ALA ០,១៤ ក្រាម DHA ០,២៣ ក្រាម និង EPA០,៣០ ក្រាម។

ត្រីសាលមុនមានផ្ទុកប៉ូតាស្យូម ប្រូតេអ៊ីន ម៉ាញ៉េស្យូម សេលេញ៉ូម វីតាមីន B និង E ជាត្រីមានជីវជាតិខ្ពស់ និងផ្តល់នូវកម្រិតអូមេហ្គា ៣ ខុសៗគ្នា។ ក្បាលវាមានផ្ទុក DHA ១,២៤ ក្រាមនៃ DHA ខ្លួន ០,៥៩ ក្រាមនៃ EPA និង កន្ទុយមានផ្ទុក ១,២២ ក្រាម DHA ០,៣៥ ក្រាមនៃ EPA។

ពពួកត្រី Sardines នេះ មានផ្ទុកសារជាតិ selenium, វីតាមីន B១២និង D រួមទាំងប្រេងអូមេហ្គា ៣ ។ ជាពិសេស​វាមានផ្ទុកនៅ DHA ០,៧៤ ក្រាម និង ០,៤៥ ក្រាមនៃ EPA។

ត្រី Seabass ជា​ត្រីជប៉ុន​ និង​ត្រូវបានបម្រើតាមវិធីផ្សេងៗគ្នា​ ហើយផ្តល់នូវបរិមាណ​ប្រូតេអ៊ីន​និង​សេលេញ៉ូម​ត្រឹមត្រូវ។ វា​ផ្ទុក DHA ០,៤៧ ក្រាម និង EPA ០,១ ក្រាម។

បង្គា មានផ្ទុកប៉ូតាស្យូមប្រូតេអ៊ីននិងប្រេងអូមេហ្គា ៣ ។ អាហារសមុទ្រដ៏ឈ្ងុយឆ្ងាញ់នេះ​មាន DHA ០,១២ក្រាម និង EPA ០,១២ ។

២ ប្រភពបន្លែ

សារាយសមុទ្រប្រភេទសារាយ ដូចជា chlorella (smoothie), nori (ប្រើក្នុងការរុំ​ស៊ូស៊ី), សារ៉ាយសមុទ្រ (ប្រភេទអាហារសម្រន់) និង spirulina (smoothie) មានផ្ទុកនូវសុខភាពជាច្រើន ដូចជាប្រេងអូមេហ្គា ៣, DHA និង EPA ។ សារាយសមុទ្រជាទូទៅមានសារធាតុប្រឆាំងអុកស៊ីតកម្មខ្ពស់ និងមានមុខងារជួយដល់ជំងឺទឹកនោមផ្អែម និងគ្រប់គ្រងជំងឺលើសឈាម។

គ្រាប់ជី សំបូរទៅដោយជាតិ​សរសៃប្រូតេអ៊ីននិងអាស៊ីតខ្លាញ់អូមេហ្គា ៣ ។ ការរួម​បញ្ចូល​វា​ទៅ​ក្នុង​អាហារ​សាឡាត់​ឬម្ហូបផ្សេងទៀតអាចជួយ​ក្នុងការថែរក្សាសុខភាព​រាងកាយ​ឲ្យកាន់​តែរឹងមាំ៕

ប្រែសម្រួល៖ សាង ស្រីល័ក្ខ

ប្រភព​៖practicalheal

ចុចអាន៖អ្នក​ខ្វះ​កោសិកា​គ្រាប់​ឈាម​ក្រហម ​​អាហារ​ទាំងនេះ​អាច​ជួយ​បាន

ចុចអាន៖ប៉ិកួកជាចំណីសុខភាព មានឥទ្ធិពលថែរក្សាប្រព័ន្ធរំលាយអាហារ និងបង្កើនភាពស៊ាំកាន់តែខ្លាំង

The post គួរដឹង! ប្រភេទអាហារដែលសំបូរទៅដោយអាស៊ីដខ្លាញ់អូមេហ្គា ៣​ និងប្រយោជន៍ចំពោះ​សុខភាព appeared first on Kampuchea Thmey Daily.