សុខភាព

អាហារ ៥ មុខ បង្កើនការឈឺក្បាលប្រកាំងកាន់តែធ្ងន់ធ្ងរ

បានផុស

១ year មុន

នៅ

ថ្ងៃពុធ ១៦ វិច្ឆិកា ២០២២

ដោយ

មានមនុស្សមិនតិចទេ ដែលមានទំនោរកើតជំងឺប្រកាំងឬឈឺក្បាលប្រកាំងញឹកញាប់។ អ្នកខ្លះឈឺស្ទើររាល់ថ្ងៃ រហូតស្ទើរតែផ្ទុះ។ ទាំងនេះវាត្រូវបានគេដឹងយ៉ាងច្បាស់ថា ជារោគសញ្ញានៃជំងឺឈឺក្បាលប្រកាំង កើតឡើងនៅពេលដែលអាកាសធាតុក្តៅ ធុំក្លិនអ្វីមួយ ឬសំឡេងដែលខ្លាំងពេក រហូតធ្វើឱ្យមានជំងឺប្រកាំង។

ទោះយ៉ាងណា មានមនុស្សតិចណាស់ដែលដឹងថា របបអាហារមួយចំនួន ក៏អាចបង្កឲ្យមានការវាយប្រហារនៃជំងឺឈឺក្បាលប្រកាំងផងដែរ។ ដូច្នេះសូមពិនិត្យមើល អាហារដែលរួមចំណែកធ្វើឲ្យជំងឺឈឺក្បាលប្រកាំងកាន់តែធ្ងន់ធ្ងរ។

១ តែ និងកាហ្វេ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មនុស្សជាច្រើនប្រហែលជាមិនដឹងទេ ការផឹកតែ-កាហ្វេ ក៏អាចបណ្ដាលឲ្យឈឺក្បាលប្រកាំងបានដែរ។ នោះដោយសារតែជាតិកាហ្វេអ៊ីននៅក្នុងតែ និងកាហ្វេប៉ះពាល់ដល់ប្រព័ន្ធសរសៃប្រសាទកណ្ដាល។ ប្រសិនបើអ្នកមានការឈឺចាប់ឈឺក្បាលប្រកាំងរួចហើយ អ្នកនឹងងាយប្រតិកម្មចំពោះសារធាតុនេះ ដោយសារតែជាតិកាហ្វេអ៊ីនអាចបណ្ដាលឲ្យឈឺក្បាល។

២ ភេសជ្ជៈមានជាតិអាល់កុល-ស្រាក្រហម

ជារឿយៗការឈឺក្បាលប្រកាំងត្រូវបានបង្កឡើងដោយគ្រឿងស្រវឹង។ ដោយសារតែជាតិអាល់កុលមានផ្ទុក tyramine, sulfide, histamine និង flavonoids សារធាតុទាំងនេះនឹងកាត់បន្ថយកម្រិត serotonin នៅក្នុងខួរក្បាលធ្វើឲ្យឈឺក្បាលកាន់តែខ្លាំង។

៣ នំបុ័ង-ភីហ្សា

ដោយសារតែ នំបុ័ង ឬ ភីហ្សា គឺជាមុខម្ហូបដែលមានគ្រឿងផ្សំដំបែ ហើយនៅក្នុងផ្សិតក៏មានសារធាតុ tyramine ផងដែរ។ សារធាតុនេះជាសារធាតុភ្ញោច អាចធ្វើឲ្យឈឺប្រកាំងកាន់តែធ្ងន់ធ្ងរថែមទៀត។

៤ ប៊ីចេង

ជារៀងរាល់ថ្ងៃ អ្នកត្រូវញ៉ាំអាហារឲ្យបានច្រើន ហើយអាហារខ្លះមានផ្ទុកនូវសារធាតុ MSG ឬសារធាតុបន្ថែមរសជាតិ។ នៅពេលទទួលទាន វាអាចជំរុញការសម្ងាត់នៃសារធាតុបញ្ជូនសរសៃប្រសាទមួយចំនួន ដែលជាសារធាតុដែលធ្វើឲ្យសរសៃឈាមរីកធំ បណ្តាលឲហយឈឺក្បាលដោយខ្លួនឯង។

៥ សូកូឡា

ដោយសារតែសូកូឡាសម្បូរទៅដោយទឹកដោះគោ ប៊ឺ និងស្ករ ប៉ុន្តែមិនមានការស្រាវជ្រាវណាមួយដែលបញ្ជាក់យ៉ាងច្បាស់ថា ហេតុអ្វីបានជាសូកូឡាអាចបង្កឲ្យមានការឈឺក្បាលប្រកាំងនោះទេ។ ប៉ុន្តែមនុស្សជាច្រើនមានការឈឺក្បាលបន្ទាប់ពីញ៉ាំសូកូឡា។ ដើម្បីការពារការឈឺចាប់ដែលអាចកើតមាន វាជាការល្អបំផុតដើម្បីចៀសវាងសូកូឡាសម្រាប់ពេលនេះ។