អេ ភូថង Archives - Kampuchea Thmey Daily

លោក អេ ភូថង ចង់ឲ្យ ធឿន ធារ៉ា សងសឹកដៃគូចាស់ ប៉ុន្តែសុំលេងហ្គង់ធំ ៥ទឹក

Sina Noun — Thu, 02 Oct 2025 04:20:04 +0000

គ្រូប្រដាល់ជើងចាស់លោក អេ ភូថង ចង់ឲ្យ ធឿន ធារ៉ា សងសឹកដៃគូចាស់កីឡាករ RUSLAN NAGIYEV ដែលឈ្នះនៅទឹកទី១ កាលពីថ្ងៃទី២៦ កញ្ញា ២០២៥ ប៉ុន្តែប៉ះគ្នាជាថ្មីសុំវាយបែបលក្ខណៈហ្គង់ធំ ចំនួន ៥ទឹកវិញម្ដង។

កីឡាករផ្ដួល ធារ៉ា (Town Sports)

លោក អេ ភូថង បានឲ្យដឹងថា លោកមានបំណងចង់ឲ្យកូនសិស្សរបស់លោកគឺ ធឿន ធារ៉ា សងសឹកលើកីឡាករ RUSLAN NAGIYEV ដែលទើបឈ្នះក្នុងទឹកទី១ កាលពីថ្ងៃទី២៦ ខែកញ្ញា ឆ្នាំ២០២៥ ថ្មីៗនេះម្ដងទៀត។

យ៉ាងណាចាំមើលរបួសជាសៈស្បើយសិន និងសាកសួរម្ចាស់ខ្លួនផងដែរ។ ប៉ុន្តែបើរូបលោកផ្ទាល់បណ្ដោយគឺចង់ឲ្យប្រកួតសងសឹកវិញ ប៉ុន្តែសុំវាយបែបហ្គង់ធំ ចំនួន៥ទឹក។ លោកក៏មានបំណងលែងចង់ឲ្យ ធារ៉ា ប្រកួតបែបអំបោះឆៅតទៀតដែរ។

លោក អេ ភូថង (រូបភាពផេកសហព័ន្ធ)

បញ្ជាក់ដែរថា កីឡាករ ធឿន ធារ៉ា បានរងរបួសឈឺភ្នែកខាងស្ដាំបន្ទាប់ពីចូលកណ្ដាប់ដៃឆ្វេងរបស់កីឡាករបរទេស RUSLAN NAGIYEV អំឡុងទឹកទី១ និងត្រូវបោះបង់ការប្រកួតក្នុងជំនួបមិត្តភាពអន្តរជាតិលើសង្វៀនថោន កាលពីថ្ងៃទី២៦ ខែកញ្ញា ឆ្នាំ២០២៥៕

ធារ៉ា និង RUSLAN NAGIYEV

អត្ថបទដោយ៖ នួន ស៊ីណា

The post លោក អេ ភូថង ចង់ឲ្យ ធឿន ធារ៉ា សងសឹកដៃគូចាស់ ប៉ុន្តែសុំលេងហ្គង់ធំ ៥ទឹក appeared first on Kampuchea Thmey Daily.

លោក អេ ភូថង រីករាយពេលឃើញស្ថានការណ៍ធូរស្រាលបែបនេះឆាប់បានក្មេងៗឡើងប្រកួតវិញ

Sina Noun — Fri, 08 Aug 2025 04:53:18 +0000

លោក អេ ភូថង ថាលោកពិតជារីករាយជាខ្លាំងពេលឃើញស្ថានការណ៍ព្រំដែនធូរស្រាលឡើងវិញបែបនេះអាចនឹងមានការប្រកួតប្រដាល់តាមស្ថានីយផ្សេងៗឡើងវិញឆាប់ៗ។

លោក អេ ភូថង និងគ្រួសារ

គ្រូបង្វឹកឆ្នើមលោក អេ ភូថង បានឲ្យដឹងថា លោករីយរាជាខ្លាំងនៅពេលឃើញស្ថានការណ៍ព្រំដែនចាប់ផ្ដើមធូរស្រាលឡើងវិញបែបនេះ។ លោកសង្ឃឹមថាតាមរយៈស្ថានភាពធូរស្រាលនេះនឹងអាចអនុញ្ញាតឲ្យមានការប្រកួតនានាតាមស្ថានីយទូរទស្សន៍ឡើងវិញឆាប់ៗដើម្បីឲ្យក្មេងៗបានប្រកួតរកចំណូលចិញ្ចឹមក្រុមគ្រួសារ។

ការផ្អាកប៉ុន្មានសប្ដាហ៍មុននេះរូបលោកក៏ពិបាកដែរដោយសារសិស្សៗបន្តស្នាក់នៅហូបចុកក្នុងក្លឹបជាធម្មតា ដូច្នេះការចំណាយផ្សេងៗក៏ច្រើនដូចគ្នាស្របពេលមិនមានចំណូលនោះឡើយ។ សិស្សៗពឹងលើការឡើងប្រកួត ដូច្នេះបើមិនបានប្រកួតគឺពួកគេបាត់ចំណូលសម្រាប់ការរស់នៅប្រចាំថ្ងៃដូចគ្នា។

បញ្ជាក់ដែរថា បន្ទាប់រងការឈ្លានពានពីសំណាក់ប្រទេសសៀមកន្លងទៅនេះរហូតមានការប្រយុទ្ធគ្នា និងមានស្ថានការណ៍ព្រំដែនតានតឹងខ្លាំង ទន្ទឹមនិងនោះសហព័ន្ធប្រដាល់គុនខ្មែរបានសម្រេចផ្អាកការប្រកួតតាមស្ថានីយជាបណ្ដោះអាសន្នជាការរួមចំណែកផ្ដោតលើបញ្ហាព្រំដែនផង និងជាការផ្អាកសកម្មភាពអ៊ូអរផងក្នុងពេលប្រទែសជាតិជួបទុក្ខលំបាកដូចនេះ។ យ៉ាងណាបន្ទាប់ពីមានបទឈប់បាញ់នៅថ្ងៃទី២៨ ខែកក្ដដា និងមានកិច្ចប្រជុំវិសាមញ្ញ GBC នៅប្រទេសម៉ាឡេស៊ី កាលពីរសៀលថ្ងៃទី៧ ខែសីហា ឆ្នាំ២០២៥ ស្ថានការណ៍ព្រំដែនកាន់តែល្អប្រសើរឡើងវិញហើយ៕

អត្ថបទដោយ៖ នួន ស៊ីណា

The post លោក អេ ភូថង រីករាយពេលឃើញស្ថានការណ៍ធូរស្រាលបែបនេះឆាប់បានក្មេងៗឡើងប្រកួតវិញ appeared first on Kampuchea Thmey Daily.

លោក អេ ភូថង វិភាគយ៉ាងណាចំពោះគូ សុខ រិទ្ធ ប៉ះ មហា ម៉ាត់ សប្ដាហ៍នេះ

Sina Noun — Fri, 25 Jul 2025 02:31:47 +0000

អតីតអ្នកប្រដាល់ល្បីឈ្មោះ និងជាគ្រូបង្វឹកចាស់វស្សា លោក អេ ភូថង មានចំណាប់អារម្មណ៍ក៏ដូចជាវិភាគផងដែរចំពោះការប៉ះគ្នារវាង សុខ រិទ្ធ ជាមួយកូនសិស្សលោក សេន ប៊ុនថេន។ គូនេះលោក អេ ភូថង ដាក់ក្ដីសង្ឃឹមខ្ពស់ទៅលើ សុខ រិទ្ធ។

លោក អេ ភូថង

លោក អេ ភូថង បានឡើងថា ចំពោះគូ សុខ រិទ្ធ និង មហា ម៉ាត់ ថ្ងៃទី២៦ កក្កដា នេះបើឲ្យលោកជ្រើសរើសគឺលោកយក សុខ រិទ្ធ ហើយ។ ព្រោះតែកីឡាករមកពីខេត្តបន្ទាយមានជ័យរូបនេះមានបទពិសោធច្រើននៅលើសង្វៀន និងជាកីឡាករមានក្បាច់ បទពិសោធច្រើនធ្លាប់ប៉ះជើងខ្លាំងស្ទើរគ្រប់ប្រភេទទៅហើយ។

កម្មវិធីប្រកួត

ឪពុករបស់ ម៉ឺន មេឃា រូបនេះបន្ថែមទៀតថា ឥលូវនេះបងប្អូនត្រកូល សុខ ទាំងពីរនេះកំពុងរៀបចំគម្រោងវាយទប់ទលជាមួយ មហា ម៉ាត់ ហើយ។ ប្រសិនបើ មហា ម៉ាត់ វាយ សុខ រិទ្ធ មិនឲ្យរាប់ ឬបោះបង់ការប្រកួតទេគឺយ៉ាប់របស់ដៃគូវិញហើយ។ មហា ម៉ាត់ ក៏ជាកីឡាករល្អមួយរូបដែរ ប៉ុន្តែរូបគេគឺមិនទាន់បានប្រកួតប៉ះអ្នកល្អខ្លាំងប្រភេទដូច សុខ រិទ្ធ។

កីឡាករ សុខ រិទ្ធ

បញ្ជាក់ដែរថា ជំនួនគួរឲ្យចាប់អារម្មណ៍រវាង សុខ រិទ្ធ ប៉ះ មហា ម៉ាត់ នេះធ្វើឡើងនៅឯសង្វៀនហង្សមាស ថ្ងៃទី២៦ ខែកក្កដា ឆ្នាំ២០២៥ វេលាម៉ោង ៣តទៅ។ នេះជាការប្រកួតដាក់ខ្សែក្រវ៉ាត់ម្នាក់មួយគ្រឿង ដូច្នេះហើយជំនួបរវាងអ្នកទាំងពីរគឺមានការចាប់អារម្មណ៍ពីសំណាក់អ្នកតាមដានគុនខ្មែរ។ រង់ចាំមើលថានរណានឹងស្ពាយខ្សែក្រវាត់២ខ្សែត្រឡប់ទៅផ្ទះវិញ៕

អត្ថបទដោយ៖ នួន ស៊ីណា

The post លោក អេ ភូថង វិភាគយ៉ាងណាចំពោះគូ សុខ រិទ្ធ ប៉ះ មហា ម៉ាត់ សប្ដាហ៍នេះ appeared first on Kampuchea Thmey Daily.

អេ ភូថង Archives - Kampuchea Thmey Daily

លោក​ អេ​ ភូថង​ ចង់​ឲ្យ​ ធឿន​ ធារ៉ា​ សងសឹក​ដៃគូ​ចាស់​ ប៉ុន្តែ​សុំ​លេង​ហ្គង់ធំ​ ៥ទឹក​

លោក​ អេ ភូថង​ រីករាយ​ពេលឃើញ​ស្ថានការណ៍​ធូរស្រាលបែប​នេះ​​ឆាប់បាន​ក្មេងៗ​ឡើង​ប្រកួត​វិញ​

លោក​ អេ ភូថង​ វិភាគ​យ៉ាងណា​ចំពោះ​គូ​ សុខ​ រិទ្ធ​ ប៉ះ​ មហា ម៉ាត់​ សប្ដាហ៍​នេះ​

លោក អេ ភូថង ចង់ឲ្យ ធឿន ធារ៉ា សងសឹកដៃគូចាស់ ប៉ុន្តែសុំលេងហ្គង់ធំ ៥ទឹក

លោក អេ ភូថង រីករាយពេលឃើញស្ថានការណ៍ធូរស្រាលបែបនេះឆាប់បានក្មេងៗឡើងប្រកួតវិញ

លោក អេ ភូថង វិភាគយ៉ាងណាចំពោះគូ សុខ រិទ្ធ ប៉ះ មហា ម៉ាត់ សប្ដាហ៍នេះ