កីឡា

លោក អេ ភូថង វិភាគយ៉ាងណាចំពោះគូ សុខ រិទ្ធ ប៉ះ មហា ម៉ាត់ សប្ដាហ៍នេះ

បានផុស

១២ ខែ មុន

នៅ

ថ្ងៃសុក្រ ២៥ កក្កដា ២០២៥

ដោយ

អតីតអ្នកប្រដាល់ល្បីឈ្មោះ និងជាគ្រូបង្វឹកចាស់វស្សា លោក អេ ភូថង មានចំណាប់អារម្មណ៍ក៏ដូចជាវិភាគផងដែរចំពោះការប៉ះគ្នារវាង សុខ រិទ្ធ ជាមួយកូនសិស្សលោក សេន ប៊ុនថេន។ គូនេះលោក អេ ភូថង ដាក់ក្ដីសង្ឃឹមខ្ពស់ទៅលើ សុខ រិទ្ធ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អេ ភូថង

លោក អេ ភូថង បានឡើងថា ចំពោះគូ សុខ រិទ្ធ និង មហា ម៉ាត់ ថ្ងៃទី២៦ កក្កដា នេះបើឲ្យលោកជ្រើសរើសគឺលោកយក សុខ រិទ្ធ ហើយ។ ព្រោះតែកីឡាករមកពីខេត្តបន្ទាយមានជ័យរូបនេះមានបទពិសោធច្រើននៅលើសង្វៀន និងជាកីឡាករមានក្បាច់ បទពិសោធច្រើនធ្លាប់ប៉ះជើងខ្លាំងស្ទើរគ្រប់ប្រភេទទៅហើយ។

កម្មវិធីប្រកួត

ឪពុករបស់ ម៉ឺន មេឃា រូបនេះបន្ថែមទៀតថា ឥលូវនេះបងប្អូនត្រកូល សុខ ទាំងពីរនេះកំពុងរៀបចំគម្រោងវាយទប់ទលជាមួយ មហា ម៉ាត់ ហើយ។ ប្រសិនបើ មហា ម៉ាត់ វាយ សុខ រិទ្ធ មិនឲ្យរាប់ ឬបោះបង់ការប្រកួតទេគឺយ៉ាប់របស់ដៃគូវិញហើយ។ មហា ម៉ាត់ ក៏ជាកីឡាករល្អមួយរូបដែរ ប៉ុន្តែរូបគេគឺមិនទាន់បានប្រកួតប៉ះអ្នកល្អខ្លាំងប្រភេទដូច សុខ រិទ្ធ។

កីឡាករ សុខ រិទ្ធ

បញ្ជាក់ដែរថា ជំនួនគួរឲ្យចាប់អារម្មណ៍រវាង សុខ រិទ្ធ ប៉ះ មហា ម៉ាត់ នេះធ្វើឡើងនៅឯសង្វៀនហង្សមាស ថ្ងៃទី២៦ ខែកក្កដា ឆ្នាំ២០២៥ វេលាម៉ោង ៣តទៅ។ នេះជាការប្រកួតដាក់ខ្សែក្រវ៉ាត់ម្នាក់មួយគ្រឿង ដូច្នេះហើយជំនួបរវាងអ្នកទាំងពីរគឺមានការចាប់អារម្មណ៍ពីសំណាក់អ្នកតាមដានគុនខ្មែរ។ រង់ចាំមើលថានរណានឹងស្ពាយខ្សែក្រវាត់២ខ្សែត្រឡប់ទៅផ្ទះវិញ៕

អត្ថបទដោយ៖ នួន ស៊ីណា