ឥរិយាបថវិជ្ជមាន Archives - Kampuchea Thmey Daily

ចំណុចធំៗ សិស្ស-និស្សិតទើបបញ្ចប់ការសិក្សា ឬ Internship គួរធ្វើនៅកន្លែងការងារលើកដំបូង

សាង ស្រីល័ក្ខ — Tue, 19 Apr 2022 08:39:22 +0000

មានមនុស្សច្រើនណាស់ នៅពេលឈានដល់វ័យចូលធ្វើការ នឹងមានអារម្មណ៍តានតឹង ឬរំភើបលាយឡំគ្នា។ ជំហានមួយទៀតដែលយើងត្រូវប្រឈមមុខគឺ ជានិស្សិតថ្មីនៅកន្លែងធ្វើការ។ ការចាប់ផ្តើមដំបូង យើងនឹងក្លាយជាមនុស្សដែលគ្មានបទពិសោធន៍ពីមុន មិនដឹងទាំងការងារ និងជីវិតនៅកន្លែងធ្វើការ។

ទោះជាយ៉ាងណា នោះគឺជាអ្វីដែលយើងអាចរៀនបាន ទោះបីជាវាត្រូវការពេលវេលាខ្លះក៏ដោយ។ ប្រសិនបើយើងជានិស្សិតទើបបញ្ចប់ការសិក្សា តើយើងគួរធ្វើសកម្មភាពបែបណា ដើម្បីត្រួសត្រាយផ្លូវ ឲ្យការងារដំបូងមានភាពរលូនបំផុត?

១ បំពេញភារកិច្ចរបស់យើងឲ្យបានល្អ និស្សិតបញ្ចប់ការសិក្សា ដែលទើបបានការងារលើកដំបូង ប្រាកដជាមានអារម្មណ៍រំភើបចំពោះការផ្លាស់ប្ដូរនេះ។ ការផ្លាស់ប្ដូរពីជីវិតនៅសាលា ទៅជាអ្នកធ្វើការពេញម៉ោង គឺមិនមែនជារឿងងាយស្រួលទេ។ គ្រប់និស្សិតទាំងអស់ មិនអាចកែឥរិយាបថបានរហ័ស ទាំងអារម្មណ៍ឆ្គង ហើយអ្វីៗគឺខុស និងខុសទិសដៅដែលគេចង់បានភ្លាមៗ។ ដូច្នេះនិស្សិតគួររៀបចំខ្លួនឲ្យបានល្អ ដោយធ្វើកិច្ចការរផ្ទាល់ខ្លួនដូចជា មុខតំណែង ភារកិច្ច និងទំនួលខុសត្រូវ។ ដែលរឿងទាំងនេះ យើងនឹងដឹងយ៉ាងប្រកៀកតាំងពីពេលដាក់ពាក្យចូលធ្វើការ និងទៅសម្ភាសន៍ការងារ រួមទាំងជំនាញផ្សេងៗដែលបានបង្កើតឡើង ដើម្បីត្រៀមខ្លួនធ្វើការឲ្យបានច្រើនតាមតែអាចធ្វើទៅបាន។

២ យកចិត្តទុកដាក់ចំពោះការស្វាគមន៍ និងការណែនាំរបស់រៀមច្បង ការកសាងទំនាក់ទំនងល្អជាមួយមិត្តរួមការងារ គឺជារឿងល្អ ហើយនិសិត្យគួរចាប់ផ្ដើមដោយការសួរសួស្ដី សួរសុខទុក្ខ ដែលវាហាក់ដូចជារឿងសាមញ្ញសម្រាប់អ្នកណាក៏អាចធ្វើបាន។ យើងគួរតែបង្កើតវាជាទម្លាប់។ កុំភ្លេចណែនាំខ្លួនឯងឲ្យរៀមច្បង ឬមិត្តរួមការងារបានស្គាល់ទាំងអស់គ្នា។ ទុកខ្លួនឯងដោយស្នាមញញឹមរាក់ទាក់ បង្កើតចំណាប់អារម្មណ៍ដំបូងដោយសុភាពរាបសារ គោរពពួកគេ រួមទាំងព្យាយាមចងចាំឈ្មោះមិត្តរួមការងារឲ្យបានលឿន តាមដែលអាចធ្វើទៅបាន។ ត្រូវចងចាំថា ភាពរួសរាយរាក់ទាក់ នឹងធ្វើឲ្យយើងមើលទៅគួរឲ្យស្រលាញ់ មិត្តរួមការងារងាយចងចាំយើងជាងគេ ជាពិសេសការងារក៏រលូនទៅជាមួយផងដែរ។

៣ កត់សម្គាល់ពីអ្វីដែលអ្នកដទៃធ្វើ វាជាការសង្កេតមើលនូវអ្វី ដែលមិត្តរួមការងារអង្គុយក្បែរយើងកំពុងធ្វើ។ ការកត់សំគាល់ អាចឲ្យយើងដឹងពីរបៀបធ្វើការនៅទីនេះ ជួយយើងសម្របទៅនឹងកន្លែងធ្វើការថ្មីបានលឿនជាងមុន។ វាក៏អនុញ្ញាតឲ្យនិស្សិតថ្មីថ្មោងដូចយើង មើលឃើញទិដ្ឋភាពទូទៅនៃការងារផងដែរ។ យ៉ាងណាក៏ដោយ នេះមិនមែនមានន័យថាយើងត្រូវយកតម្រាប់តាមអាកប្បកិរិយារបស់អ្នកដទៃនោះទេ។ អ្វីដែលមិនសមហេតុផល ឬមិនចាំបាច់ធ្វើ ក៏អាចចៀសបានដែរ ។

៤ មិនយល់ត្រូវសួរ ចំនុចនេះពិតជាមានសារៈសំខាន់ខ្លាំងណាស់។ ដោយសារយើងជានិស្សិតទើបបញ្ចប់ការសិក្សា យើងមិនមានបទពិសោធន៍អ្វីទាំងអស់។ យើងជាមនុស្សថ្មីដែលចាប់ផ្តើមពីដំបូង ផ្ដើមចេញពីមិនដឹងអ្វីទាំងអស់ នៅទីនេះ។ ភាគច្រើនរៀមច្បងរួមការងារ ឬអ្នកគ្រប់គ្រងនឹងមកបង្រៀនយ៉ាងជិតស្និទ្ធ ដែលអាចចំណាយពេល ប្រហែលជា១សប្តាហ៍ ឬ២សប្ដាហ៍ មុនពេលពួកគេហ៊ានឲ្យយើងធ្វើការងារទាំងអស់នោះ ដោយខ្លួនឯង។ ត្រូវប្រាកដថា សួរឲ្យបានឆាប់ កុំបណ្ដោយឲ្យខ្លួនឯងមានការយល់ច្រឡំ ដែលអាចឈានទៅបំផ្លាញការងាររបស់អ្នកទៅថ្ងៃមុខ។

៥ សួររៀមច្បងដោយឆ្លាតវ៉ៃបំផុត ពេលយើងចាប់ផ្ដើមធ្វើការមួយរយៈប្រហែល១-២ខែ យើងនឹងចាប់ផ្ដើមចេះកែសម្រួលកំហុសដោយខ្លួនឯង។ ប៉ុន្តែឥឡូវនេះ យើងលែងជាមនុស្សដែលគ្រប់យ៉ាងគឺសូន្យហើយ។ ការសាកសួររៀមច្បងអាចត្រូវការការកែតម្រូវមួយចំនួន។ ការធ្វើការជាមួយអ្នកដទៃ និងធ្វើឲ្យអ្នកដទៃមានអារម្មណ៍ថា ពួកគេកំពុងជាប់គាំងការងាររបស់ពួកគេដែរ ដូច្នេះវិធីសាមញ្ញបំផុតក្នុងការសួរសំណួរ ត្រូវមានយុទ្ធសាស្ត្រ ដូចជាមនុស្សវ៉ៃឆ្លាត ដែលមើលទៅដូចជាមនុស្សមានលក្ខណៈវិជ្ជាជីវៈជាង។

៦ ត្រូវមានទំនាក់ទំនងច្រើន ជារឿងធម្មតា សម្រាប់អ្នកដែលទើបនឹងធ្វើការ អាចងាយស្រួលមើលអ្វីដែលអ្នកដទៃបង្រៀន។ បញ្ហាខ្លះអាចដោះស្រាយបានដោយខ្លួនឯង តែរឿងខ្លះមិនមែនទេ។ អ្វីដែលត្រូវធ្វើ គឺកុំនៅស្ងៀម ហើយបន្តព្យាយាមដូចជាគ្មានអ្វីកើតឡើង។ អ្វីដែលត្រូវនិយាយ ត្រូវសួរ ចាំបាច់ត្រូវធ្វើបច្ចុប្បន្នភាព ទំនាក់ទំនងជាមួយក្រុមឲ្យបានច្រើនតាមដែលអាចធ្វើទៅបាន។ កុំរអង្គុយធ្វើការស្ងាត់ៗតែម្នាក់ឯង ព្រោះបើបែបនេះ អ្វីត្រូវ ឬខុស ឬការងារខូចគ្មាននរណាដឹង។ គ្មាននរណាម្នាក់អាចណែនាំបានទេ។ មុននឹងដឹងម្ដងទៀត ការងារត្រូវបានបញ្ចប់ ប៉ុន្តែការងារមិនអាចប្រើបាន។ វាអាចនឹងធ្វើឲ្យអ្នកដទៃមានអារម្មណ៍មិនទុកចិត្តចំពោះយើងក្នុងការធ្វើការ ហើយអាចជាមុខសញ្ញាមនុស្សខ្ចិល។

៧ទន្ទេញ និងអនុវត្ត រយៈពេលសិក្សាការងារ វត្ថុសំខាន់មួយដែលមាននៅជាមួយអ្នកគ្រប់ពេល គឺសៀវភៅកត់ត្រាតូចមួយជាមួយប៊ិច ឬខ្មៅដៃ ឬអ្នកអាចប្រើបច្ចេកវិទ្យានៅក្នុងទូរស័ព្ទដៃដើម្បីជួយក៏បាន។ បើយើងមិនឆ្លាត យើងមិនអាចចាំអ្វីគ្រប់យ៉ាងដែលគាត់បានបង្រៀនក្នុងពេលតែមួយ ជាមួយនឹងខួរក្បាលដ៏តូចមួយនេះទេ គ្រាន់តែស្ដាប់វាមួយភ្លែតនោះនឹងភ្លេចទាំងអស់។ ការរក្សាទុកទិនានុប្បវត្តិ នឹងជួយយើងរក្សាព័ត៌មានលម្អិតនៃកិច្ចការទាំងនោះ ឲ្យបានយូរតាមដែលអាចធ្វើទៅបាន។

៨ រក្សាសីលធម៌សង្គម ចរិតជារបស់ដែលមិនចាំបាច់ត្រូវបង្រៀន អ្នករាល់គ្នាគួរមាន។ វាជារបស់ដែលយើងត្រូវប្រើពេលយើងនៅជាមួយគ្នា។ អត្តចរិតជួយបង្កើតបរិយាកាសការងារកាន់តែប្រសើរ ហើយការងារកាន់តែអំណោយផលដល់ការកសាងទំនាក់ទំនង និងធ្វើការជាមួយគ្នាជាងពេលមុនៗ។ សូមចាំថា ពិភពការងារ ច្រើនតែធ្វើការជាក្រុម។ ដូច្នេះហើយ យើងមិនអាចរស់នៅតែម្នាក់ឯងបានទេ។ មិនថាមនុស្សប្រភេទណាទេ អ្វីដែលត្រូវការគឺសុជីវធម៌ទូទៅ។ សូមប្រយ័ត្នជាមួយឥរិយាបថ ភាសាកាយវិការ និងអត្ថបទដែលបានសរសេរចេញទៅឲ្យអ្នកអាន៕

ប្រែសម្រួល៖ សាង ស្រីល័ក្ខ

ចុចអាន៖គន្លឹះសន្សំប្រាក់ទាំង ៧ ជានិស្សិតមហាវិទ្យាល័យគួរតែអនុវត្ត កុំឲ្យដាច់ខែដាច់ខ្យល់

ចុចអាន៖ជំនាញទំនាក់ទំនង៖ ដំណោះស្រាយជាមនុស្សយឺតស្ទក់

The post ចំណុចធំៗ សិស្ស-និស្សិតទើបបញ្ចប់ការសិក្សា ឬ Internship គួរធ្វើនៅកន្លែងការងារលើកដំបូង appeared first on Kampuchea Thmey Daily.

ការសិក្សា៖ ក្មេងៗកើតពីឪពុកម្ដាយវ័យចាស់ៗ មានឥរិយាបថល្អ

Sonya — Fri, 17 Dec 2021 03:49:25 +0000

ដោយសារការសិក្សាចំណាយពេលយូរ ហើយទម្រាំធ្វើការបានសល់លុយខ្លះទៀត គ្នាយើងខ្លះ ទាល់តែអាយុ ២០ ក្រាស់ ឬចូលដល់ ៣០ហើយ ទើបសម្រេចរៀបការ។ ទម្រាំមានកូនម្នាក់ៗ ចាស់ៗអស់ហើយ តែការសិក្សាមួយរកឃើញថា ក្មេងៗដែលកើតពីម៉ាក់ប៉ាវ័យចាស់ៗដូច្នេះ មានឥរិយាបថល្អ។

ការរកឃើញលទ្ធផលនេះ គឺតាមរយៈការវិភាគលើឥរិយាបថកុមារហូឡង់ ៣២.៨០០នាក់ រហូតដល់ពួកគេអាយុពី ១០-១២ ឆ្នាំ ដោយកុមារទាំងនេះកើតនៅកើតក្រោយឆ្នាំ១៩៨០។ ការវាយតម្លៃឥរិយាបថកុមារទាំងនេះ ធ្វើឡើងដោយប៉ា ម៉ាក់ គ្រូបង្រៀន និងកុមារខ្លួនឯង តាមរយៈកម្រងការវាយតម្លៃដែលមានស្ដង់ដារ។

ក្នុងការសិក្សានេះ អាយុម៉ាក់ក្មេងបំផុត ១៦ ឆ្នាំ និងចាស់បំផុត ៤៨ឆ្នាំ ចំណែកប៉ាវិញ ក្មេងបំផុត ១៧ ឆ្នាំ និងចាស់បំផុត ៦៨ឆ្នាំ។

លោកសាស្ត្រាចារ្យ Dorret Boomsma មកពីសាកលវិទ្យាល័យ Vrije Universiteit Amsterdam និងជាអ្នកដឹកនាំការសិក្សា បញ្ជាក់ថា ម៉ាក់ប៉ាវ័យចាស់ៗ កើតកូនមានឥរិយាបថល្អ ប្រហែលដោយសារពួកគេ មានធនធានច្រើន និងកម្រិតការអប់រំខ្ពស់។

តែយ៉ាងណា អ្នកស្រាវជ្រាវក៏បានលើកឡើងដែរថា ស្រីៗកាន់តែចាស់ អត្រាមានពពោះ ក៏កាន់តែធ្លាក់ចុះផងដែរ។ ជាមួយគ្នានេះ ការពពោះនៅវ័យកាន់តែចាស់ ប្រឈមនឹងការរលូតកូន ជំងឺបម្រុងក្រឡាភ្លើង ហើយអាចត្រូវសម្រាលដោយវះកាត់៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ មិនចង់ឱ្យកូនធំឡើងកោងកាច ឪពុកម្ដាយកុំធ្វើរឿងទាំងនេះនៅមុខកូន

ចុចអាន៖ គន្លឹះទាំង ៥ ជួយឱ្យកូនក្លាយជាក្មេងរៀនឆាប់ចេះឆាប់ចាំ

The post ការសិក្សា៖ ក្មេងៗកើតពីឪពុកម្ដាយវ័យចាស់ៗ មានឥរិយាបថល្អ appeared first on Kampuchea Thmey Daily.

ទាញយកឥទ្ធិពលល្អៗ វិជ្ជមានប្រចាំថ្ងៃដោយវិធីទាំងនេះ

សាង ស្រីល័ក្ខ — Sat, 27 Mar 2021 08:30:00 +0000

មានអារម្មណ៍ថាធុញ? ធ្វើតែរឿងដដែលៗ សាំមិនចង់ធ្វើ ឬខ្ជិលៗក្នុងកិច្ចការពារប្រចាំថ្ងៃ? បើមានអារម្មណ៍បែបនេះ សូមប្រញាប់ដោះស្រាយជាប្រញាប់ កុំឲ្យគំនិតទាំងនោះរាលដាលក្នុងរាងកាយយើងកាន់តែខ្លាំងជាងមុន។

នេះគឺជាគំនិតចំនួន ៧ ដើម្បីទាញយកឥទ្ធិពលល្អៗប្រចាំថ្ងៃរបស់យើងមកវិញ៖

១. បង្កើតកម្មវិធីណែនាំសម្រាប់ស្ត្រីវ័យក្មេងនៅក្នុងវិស័យរបស់យើង ហើយលើកទឹកចិត្តឲ្យមានការសន្ទនាបើកចំហនិងស្មោះត្រង់ ជុំវិញប្រធានបទដូចជាប្រាក់ខែល្អ ដើម្បីចរចាសម្រាប់កម្រិតនីមួយៗនៃអាជីពរបស់ពួកគេ។

២. ប្រសិនបើការិយាល័យរបស់យើងមិនមានកម្មវិធីច្នៃនៅកន្លែងធ្វើការទេ សូមចាប់ផ្ដើមធ្វើមួយជាគំរូដល់គ្រប់គ្នា។

៣. បើយើងជាអ្នកសរសេរ ចូរស្វែងរកប្រភពដែលមិនមានឱកាស ឬបានស្គាល់ ហើយចែករំលែករឿងរ៉ាវឬទស្សនៈរបស់យើងទៅពួកគេ។

៤. មិនថានៅកន្លែងធ្វើការបច្ចុប្បន្នរបស់យើងឬក្នុងពេលសម្ភាសន៍សម្រាប់តួនាទីថ្មីទេ សូមសួរធនធានមនុស្សប្រសិនបើក្រុមហ៊ុនតាមដានស្ថិតិភាពចម្រុះនិងបញ្ចូល ហើយប្រសិនបើពួកគេអាចចែកចាយស្ថិតិទាំងនោះជាមួយយើង គឺរឹតតែល្អ។

ខណៈពេលដែលក្រុមហ៊ុនជាច្រើនបានសម្ដែងការគាំទ្ររបស់ពួកគេចំពោះការបង្កើនភាពចម្រុះនៅក្នុងប៉ុន្មានខែថ្មីៗនេះ យើងអាចជួយឲ្យពួកគេមានគណនេយ្យភាពនិងឆ្ពោះទៅរកគោលដៅទាំងនោះ ដោយគ្រាន់តែចូលមើល ហើយបង្ហាញថាវាមានសារៈសំខាន់សម្រាប់យើង។

៥. បរិច្ចាគសំលៀកបំពាក់ដែលឈប់ប្រើដល់អង្គការក្នុងតំបន់ ដល់ជនទីទ័លក្រជាដើម។ នោះយើងនឹងមានថាមពលផ្លូវចិត្តល្អ ជារៀងរាល់ថ្ងៃមិនខាន។

៦. នៅពេលក្រុមហ៊ុនរបស់យើងចង់ធ្វើផ្លាកយីហោ ឬបង្កើតអីថ្មី សូមធ្វើការតស៊ូមតិក្នុងក្រុមហើយជ្រើសរើសរឿងដែលមាននិរន្តរភាពដល់ក្រុមហ៊ុន។

៧. បើយើងជាអ្នកទីផ្សារឌីជីថល សូមបន្ថែមចំណងជើងទៅផ្នែកខាងក្រោមនៃវីដេអូទាំងអស់នៅលើគេហទំព័រ ដើម្បីឲ្យអតិថិជនរបស់យើង អាចរីករាយនឹងមាតិការបស់បានដោយងាយស្រួល។

ប្រែសម្រួល៖ សាង ស្រីល័ក្ខ

ប្រភព៖success

The post ទាញយកឥទ្ធិពលល្អៗ វិជ្ជមានប្រចាំថ្ងៃដោយវិធីទាំងនេះ appeared first on Kampuchea Thmey Daily.

ទម្លាប់ប្រចាំថ្ងៃតូចៗបង្កើតជីវិតជោគជ័យមួយដោយមិនដឹងខ្លួន

សាង ស្រីល័ក្ខ — Tue, 10 Nov 2020 08:37:12 +0000

ជារឿយៗគ្នាយើងតែងសន្មតថា ដើម្បីទទួលបានជោគជ័យត្រូវផ្លាស់ប្ដូរយ៉ាងខ្លាំងទៅនឹងអ្វីមួយ។ ប៉ុន្តែមិនទាំងអស់នោះទេ ទោះបីការផ្លាស់ប្ដូរទាំងអស់នាំមកនូវសុភមង្គលនិងភាពជោគជ័យ នោះមិនមែនមានន័យថា យើងគួរតែមើលរំលងរឿងតូចតាចនោះទេ។

ការពិត ការផ្លាស់ប្ដូរទម្លាប់ប្រចាំថ្ងៃតូចៗទៅវិញទេ ដែលជាឥទ្ធិពលជាងអ្វីទាំងអស់៖

១. មានទម្លាប់ពេលព្រឹក

ពេលព្រឹករបស់យើងអាចកំណត់អារម្មណ៍ពេញមួយថ្ងៃបាន។ រឿងដំបូងគួរធ្វើគឺត្រូវមានទម្លាប់ភ្ញាក់ពីព្រឹក ហាត់ប្រាណថែសុខភាព ទទួលទានអាហារមានជីវជាតិ ផឹកកាហ្វេអានសៀវភៅ ហើយសម្លឹងមើលព្រះអាទិត្យរះចូលមកក្នុងផ្ទះ។

២. រៀនពីរបៀបសុំជំនួយ

យើងទាំងអស់គ្នាជឿជាក់ថា យើងមិនមែនជាមនុស្សពូកែ ហើយអាចធ្វើអ្វីគ្រប់យ៉ាងបានទេ។ ដូច្នេះចែករំលែកបន្ទុក និងសុំជំនួយ មានន័យថា យើងងាយទទួលជោគជ័យដូចគ្នា។

៣. ដឹងគុណ

ជោគជ័យមិនមែនជាអ្វីដែលកើតឡើងដោយគ្មានជំនួយទេ ដូច្នេះត្រូវចេះអរគុណដល់អ្នករាល់គ្នានិងអ្វីៗទាំងអស់ដែលធ្វើឱ្យយើងជោគជ័យ និងមានថ្ងៃនេះមកបាន។

៤. ជៀសវាងការរំខាន

ផ្លូវទៅកាន់ភាពជោគជ័យត្រូវតែច្បាស់លាស់ ដើម្បីបានទៅដល់ទីនោះ។ កុំឲ្យអ្វីមួយចូលផ្លូវរបស់យើងឲ្យសោះ។ នោះមានន័យថា ចៀសវាងការរំខាន ភាពរញ៉េរញ៉ៃរាំងដំណើររបស់យើង។ បើអាចគួរតែចាកចេញពីប្រព័ន្ធផ្សព្វផ្សាយសង្គម នៅពេលដែលយើងមានរឿងអស្ចារ្យដែលត្រូវធ្វើ។

៥. ស្វែងរកចំណេះដឹងថ្មីៗជានិច្ច

កុំចាត់ទុកខ្លួនឯងជាអ្នកជំនាញ ត្រូវចេះស្វែងរកចំណេះដឹងថ្មីៗជានិច្ច ហើយទទួលយកថានឹងមានអ្វីត្រូវរៀនជានិច្ច។ រៀនច្រើនឆ្ងល់ច្រើន នោះឱកាសជោគជ័យអាចឈានមករកយើងបាន។

៦. តាមដានបញ្ជីការងារត្រូវធ្វើ

តាមដាននូវបញ្ជីការងារ ហើយដាក់កាលវិភាគធ្វើវាដោយលំអិត នោះទើបចេញលទ្ធផលសមតាមចិត្ត។ ការជ្រើសរើសអ្វីដែលយើងបានធ្វើ និងការដឹងពីអ្វីដែលត្រូវធ្វើ គឺវិធីចុងក្រោយដើម្បីលុបបំបាត់រាល់ឧបសគ្គទាំងអស់ នៅក្នុងផ្លូវនៃភាពជោគជ័យរបស់យើង។

៧. កុំប្រៀបធៀបខ្លួនឯង

ជារឿយៗគោលដៅផ្ទាល់ខ្លួនរបស់យើង អាចត្រូវបានរំខានដោយសមិទ្ធផលរបស់អ្នកដទៃ។ ឈប់ប្រៀបធៀបខ្លួនឯង ជាមួយគេផ្សេង។ ផ្ដោតលើគោលដៅផ្ទាល់ខ្លួន ដើម្បីឲ្យឱកាសល្អៗមករកយើងនិងឈានដល់គោលដៅទាំងនោះបានឆាប់រហ័ស៕

ប្រែសម្រួល៖ សាង ស្រីល័ក្ខ

ប្រភព៖ careergirldaily

ចុចអាន៖ ធ្វើ«ប្លក់» គំនិតអាជីវកម្មតាមអ៊ិនធើណែតដែលល្អបំផុតសម្រាប់ឆ្នាំ២០២១

ចុចអាន៖ ជីវិតលឿនណាស់ រស់នៅឲ្យបានពេញលេញទើបមិនសោកស្ដាយ

The post ទម្លាប់ប្រចាំថ្ងៃតូចៗបង្កើតជីវិតជោគជ័យមួយដោយមិនដឹងខ្លួន appeared first on Kampuchea Thmey Daily.

ឥរិយាបថវិជ្ជមាន Archives - Kampuchea Thmey Daily

ចំណុចធំៗ សិស្ស-និស្សិតទើបបញ្ចប់ការសិក្សា ឬ Internship គួរធ្វើនៅកន្លែងការងារលើកដំបូង

ការសិក្សា៖ ក្មេងៗកើតពីឪពុកម្ដាយវ័យចាស់ៗ មានឥរិយាបថល្អ

ទាញ​យក​ឥទ្ធិពល​ល្អៗ​ វិជ្ជមាន​ប្រចាំ​ថ្ងៃ​ដោយ​វិធី​ទាំងនេះ

ទម្លាប់​ប្រចាំថ្ងៃ​តូច​ៗ​បង្កើតជីវិត​​ជោគជ័យ​មួយដោយមិន​ដឹង​ខ្លួន

ទាញយកឥទ្ធិពលល្អៗ វិជ្ជមានប្រចាំថ្ងៃដោយវិធីទាំងនេះ

ទម្លាប់ប្រចាំថ្ងៃតូចៗបង្កើតជីវិតជោគជ័យមួយដោយមិនដឹងខ្លួន