Angkor Ultra Trail Archives - Kampuchea Thmey Daily

ព្រឹត្តិការណ៍រត់ប្រណាំង Ultra Trail Angkor 2026 រៀបចំឡើងក្នុងគោលបំណងសំខាន់ពីរ

Sina Noun — Thu, 08 Jan 2026 05:15:55 +0000

ព្រឹត្តិការណ៍រត់ប្រណាំងចម្ងាយឆ្ងាយឆ្លងកាត់ឧបសគ្គ ឬហៅថា Ultra Trail Angkor 2026 ដែលនឹងប្រព្រឹត្តិទៅចាប់ពីថ្ងៃទី២៤ ខែមករា នេះរៀបចំឡើងក្នុងគោលបំណងសំខាន់ពីរគឺលើកកម្ពស់វិស័យទេសចរណ៍ និងជួយដល់ការងាផ្នែកមនុស្សធម៌។

ទិដ្ឋភាពរត់ប្រណាំងកន្លងទៅ

លោក វ៉ាត់ ចំរើន អគ្កលេខាធិការ នៃគណៈកម្មាធិការជាតិអូឡាំពិកកម្ពុជា បានឲ្យដឹងថា ព្រឹត្តិការណ៍រត់ប្រណាំងដែលផ្សារភ្ជាប់ជាមួយធម្មជាតិ ឬហៅថា Ultra Trail Angkor នេះរៀបចំឡើងជាលើកទី៩ ហើយគិតមកដល់ឆ្នាំ ២០២៦ នេះ។

ទិដ្ឋភាពរត់ប្រណាំងកន្លងទៅ

គោលបំណងធំនៃការរៀបចំព្រឹត្តិការណ៍រត់ប្រណាំងចម្ងាយឆ្ងាយនេះមាន ២គឺ ទី១ ចូលរួមលើកកម្ពស់វិស័យទេសចរណ៍នៅខេត្តសៀមរាបពិសេសតំបន់អង្គរនេះតែម្ដងឲ្យមានការផ្សព្វផ្សាយកាន់តែច្រើនថែមទៀត និងអាចទទួលបានភ្ញៀវទេសចរណ៍មកលេងកម្ពុជាកាន់តែច្រើន។ ទី២ ជួយដល់ការងារផ្នែកមនុស្សធម៌ផ្សេងៗ។ ថវិកាដែលបានពីការចូលរួមរត់ចម្ងាយនេះគឺនឹងយកទៅជួសជុលសាលារៀន សាងសង់អណ្ដូងទឹក ឧបត្ថម្ភជាសម្ភារសិក្សាដល់ក្មេងងៗពិសេសនៅស្រុកពួក ខេត្តសៀមរាបនេះតែម្ដង។

រូបភាពលើផេក Ultra Trail Angkor

បញ្ជាក់ដែរថា ព្រឹត្តិការណ៍រត់ប្រណាំងចម្ងាយឆ្ងាយ Ultra Trail Angkor 2026 នេះនឹងធ្វើឡើងនៅថ្ងៃទី២៤ ខែមករា ឆ្នាំ២០២៦ ខាងមុខនេះ។ ការប្រកួតធ្វើឡើងនៅឯខេត្តសៀមរាប ដោយមាន 8 វិញ្ញាសាគឺ រត់ចម្ងាយ 8km, 18km, 32km, Marathon 42 km, 64 km, 100 km, 18 km Nordic walking, 18 km Walk and Hike។ អ្នកចង់ចុះឈ្មោះចូលរួមអាចទំនាក់ទំនងទៅកាន់អ្នករៀបចំកម្មវិធី sdpo@sdpo.com ឬ www.ultratrail-angkor.com៕

ទិដ្ឋភាពរត់ប្រណាំងកន្លងទៅ

អត្ថបទដោយ៖ នួន ស៊ីណា

The post ព្រឹត្តិការណ៍រត់ប្រណាំង Ultra Trail Angkor 2026 រៀបចំឡើងក្នុងគោលបំណងសំខាន់ពីរ appeared first on Kampuchea Thmey Daily.

អ្នកចង់សាកល្បងសមត្ថភាពខ្លួនឯងអាចចុះឈ្មោះចូលរួមរត់ប្រណាំងឆ្លងកាត់ឧបសគ្គ Ultra Trail Angkor 2026

Sina Noun — Tue, 06 Jan 2026 06:26:17 +0000

ព្រឹត្តិការណ៍រត់ប្រណាំងឆ្លងកាត់ឧបសគ្គឆ្នាំ ២០២៦ Ultra Trail Angkor បានប្រកាសទទួលការចុះឈ្មោះហើយសម្រាប់មហាជនដែលចង់សាកល្បងសមត្ថភាពខ្លួនឯងអាចចូលរួមបាននៅថ្ងៃទី២៤ ខែមករា ឆ្នាំ២០២៦ នៅខេត្តសៀមរាប។

ទិដ្ឋភាពរត់កន្លងទៅ

លោក វ៉ាត់ ចំរើន អគ្គលេខាធិការ នៃគណៈកម្មាធិការជាតិអូឡាំពិកកម្ពុជា បានឲ្យដឹងថា ឆ្នាំ២០២៦ នេះជាលើកទី៩ ហើយដែលព្រឹត្តិការណ៍រត់ចម្ងាយឆ្ងាយឆ្លងកាត់ឧបសគ្គបានរៀបចំឡើងនៅឯខេត្តសៀមរាបកន្លងទៅ។ ជាមួយគ្នានោះដែរកំណើននៃការចូលរួមមានកាន់តែច្រើនផងដែរ។

Ultra Trail Angkor ជាព្រឹត្តិការណ៍រត់ប្រណាំងមួយដែលផ្សារភ្ជាប់ជាមួយធម្មជាតិ ព្រោះមិនមែនរត់នៅតាមផ្លូវកៅស៊ូស្អាតនោះទេ ពោលអ្នករត់ត្រូវរត់ឆ្លងកាត់ភូមិ វាលស្រែ ក្រោមដើមឈើ និងជួបផ្លូវដែលលំបាកៗជាច្រើនអំឡុងពេលប្រកួតនេះ។ ដូច្នេះអ្នកដែលចង់ទទួលបាននូវអ្វីដែលថ្មី ប្លែកអារម្មណ៍ និងចង់សាកល្បងខ្លួនឯងអាចចុះឈ្មោះចូលរួមបានទៅតាមប្រភេទវិញ្ញាសាទាំង ៨ដែលមាននេះ។

ទិដ្ឋភាពរត់កន្លងទៅ

បញ្ជាក់ដែរថា ព្រឹត្តិការណ៍រត់ប្រណាំងចម្ងាយឆ្ងាយ Ultra Trail Angkor 2026 នេះនឹងធ្វើឡើងនៅថ្ងៃទី២៤ ខែមករា ឆ្នាំ២០២៦ ខាងមុខនេះ។ ការប្រកួតធ្វើឡើងនៅឯខេត្តសៀមរាប ដោយមាន 8 វិញ្ញាសាគឺ 8km, 18km, 32km, Marathon 42 km, 64 km, 100 km, 18 km Nordic walking, 18 km Walk and Hike។ អ្នកចង់ចុះឈ្មោះចូលរួមអាចទំនាក់ទំនងទៅកាន់អ្នករៀបចំកម្មវិធី sdpo@sdpo.com ឬ www.ultratrail-angkor.com៕

កម្មវិធីរត់ និង QR ចុះឈ្មោះ

អត្ថបទដោយ៖ នួន ស៊ីណា

The post អ្នកចង់សាកល្បងសមត្ថភាពខ្លួនឯងអាចចុះឈ្មោះចូលរួមរត់ប្រណាំងឆ្លងកាត់ឧបសគ្គ Ultra Trail Angkor 2026 appeared first on Kampuchea Thmey Daily.

ស្ត្រីខ្មែរ៥នាក់ចុះឈ្មោះរត់ចម្ងាយឆ្ងាយបំផុត១០០គីឡូម៉ែត្រនៅ Angkor Ultra Trail 2025

chean virakbot — Wed, 08 Jan 2025 03:12:34 +0000

គណៈកម្មការរៀបចំការរត់ប្រណាំងចម្ងាយឆ្ងាយអន្តរជាតិអង្គរ លើកទី៨ (Angkor Ultra Trail 2025) បានឲ្យដឹងពីស្ត្រីខ្មែរ៥រូបបានចុះឈ្មោះចូលរួមរត់លើវិញ្ញាសាចម្ងាយ១០០គីឡូម៉ែត្រ ក្នុងព្រឹត្តិការណ៍លើកទី៨ ដែលនឹងប្រព្រឹត្តទៅនាថ្ងៃទី១៨ ខែមករា នៅខេត្តសៀមរាប។

លោកទេសរដ្ឋមន្ត្រី ថោង ខុន ប្រធានគណៈកម្មាធិការជាតិអូឡាំពិកកម្ពុជា បានឲ្យដឹងនៅក្នុងសន្និសីទសារព័ត៌មានកាលពីថ្ងៃទី៦ ខែមករា ឆ្នាំ២០២៥ថា គិតត្រឹមថ្ងៃទី៥ ខែមករា កន្លងទៅនេះមានអ្នកចុះឈ្មោះចូលរួមចំនួន១៣៦៨នាក់ មកពី៤៤ប្រទេសទូទាំងពិភពលោក។ តាមការប៉ាន់ស្មានរបស់អ្នករៀបចំព្រឹត្តិការណ៍នឹងមានអ្នកចូលរួមប្រមាណ១៧០០នាក់។

លោក ថោង ខុន បានបន្តថា ៖«សម្រាប់វិញ្ញាសាចម្ងាយបំផុតហៅ Ultra Trail គឺ១០០គីឡូម៉ែត្រ មានប្រជាជនកម្ពុជាបានចុះឈ្មោះ២៥% ក្នុងនោះមានស្ត្រីខ្មែរ៥នាក់គឺពិតជាមិនធម្មតាទេដែលមានស្ត្រីខ្មែរចូលរួមរត់ចម្ងាយ១០០គីឡូម៉ែត្រ»។ ក្រៅពីស្ត្រីខ្មែរ៥នាក់ ក្នុងចំណោមអ្នកចុះឈ្មោះជាប្រជាជនខ្មែរ២៥%គឺជាបុរសខ្មែរ។

ការរៀបចំ៧លើកកន្លងមកគឺមិនសូវមានស្ត្រីខ្មែរច្រើនទេដែលចូលរួមរត់ចម្ងាយ១០០គីឡូម៉ែត្រ ប៉ុន្តែភាគច្រើនជាបុរសខ្មែរ។ ទើបតែឆ្នាំ២០២៥ មានស្ត្រីខ្មែរចុះឈ្មោះ៥នាក់។ ប្រទេសដែលបានចុះឈ្មោះចូលរួមច្រើនជាងគេគឺបារាំងបានចុះឈ្មោះជាង៤០០នាក់។ បន្ទាប់មកមានប្រជាជនកម្ពុជា អង់គ្លេស ថៃ វៀតណាម សិង្ហបុរី និងប្រទេសជាច្រើនមកពីតំបន់អឺរ៉ុប។

គោលបំណងសំខាន់នៃការរៀបចំព្រឹត្តិការណ៍រត់ចម្ងាយឆ្ងាយបំផុតនៅកម្ពុជានេះមាន៣គឺទី១ ផ្សព្វផ្សាយវិស័យទេសចរណ៍កម្ពុជាឲ្យពិភពលោកបានស្គាល់, ទី២ ផ្សព្វផ្សាយពីប្រាសាទបុរាណខ្មែរឲ្យពិភពលោកបានស្គាល់ និងទី៣ ដើម្បីកិច្ចការសប្បុរសធម៌សម្រាប់ចំណូលដែលទទួលបានពីរការចូលរួម។

ឆ្នាំ២០២៥ ជាព្រឹត្តិការណ៍លើកទី៨បានកើនឡើងនូវចំនួនអ្នកចុះឈ្មោះប្រមាណជាង២០% បើប្រៀបធៀបនឹងឆ្នាំមុនៗ។ កាលពីឆ្នាំ២០១៦ មានអ្នកចូលរួមតែ២៣២នាក់, ឆ្នាំ២០១៧ មានអ្នកចូលរួមជាង៥០០នាក់, ឆ្នាំ២០១៨ មានអ្នកចូលរួមជាង៧០០នាក់, ឆ្នាំ២០១៩ មានអ្នកចូលរួមជាង៨០០នាក់, ឆ្នាំ២០២០ មានអ្នកចូលរួមចំនួន១១១០នាក់, ឆ្នាំ២០២៣ មានអ្នកចូលរួម១៣០០នាក់ និងឆ្នាំ២០២៤ មានអ្នកចូលរួម១២០០នាក់ មកពី៥១ប្រទេស។

ព្រឹត្តិការណ៍រត់ប្រណាំងចម្ងាយឆ្ងាយអន្តរជាតិអង្គរ លើកទី៨ ឆ្នាំ២០២៥ មាន៦វិញ្ញាសាដែលមានការចេញដំណើរខុសម៉ោងគ្នា និងទីកន្លែងផ្សេងគ្នា។ វិញ្ញាសា១០០គីឡូម៉ែត្រ ចាប់ផ្តើមរត់មុនគេនៅវេលាម៉ោង៣:៣០នាទីទៀបភ្លឺ ចេញពីលានជល់ដំរី, វិញ្ញាសា៦៤គីឡូម៉ែត្រ ចេញដំណើរនៅប្រាសាទបាយ័ន, វិញ្ញាសា៤២គីឡូម៉ែត្រ ចេញដំណើរនៅស្ពានជិតប្រាសាទបន្ទាយសំរ៉ែ ហើយមានវិញ្ញាសា៣២គីឡូម៉ែត្រ, វិញ្ញាសា១៨គីឡូម៉ែត្រ និងវិញ្ញាសា៨គីឡូម៉ែត្រ។

តាមការបញ្ជាក់ពីលោក ថោង ខុន ថា ការចាប់ផ្តើមរត់ចេញដំណើរគឺមិនមានរៀបចំពិធីអ្វីឡើយពោលគឺមានតែក្រុមការងារបច្ចេកទេស និងអ្នករត់ទៅដល់ទីកន្លែង ហើយដល់ម៉ោងចាប់ផ្តើមរត់តែម្តង ប៉ុន្តែពិធីបិទ ប្រគល់មេដាយ និងរង្វាន់ផ្សេងៗរៀបចំធ្វើពិធីផ្លូវការនៅយប់ថ្ងៃទី១៨ ខែមករា ឆ្នាំ២០២៥ នៅទីលានជល់ដំរី៕

អត្ថបទ៖ វីរបុត្រ

The post ស្ត្រីខ្មែរ៥នាក់ចុះឈ្មោះរត់ចម្ងាយឆ្ងាយបំផុត១០០គីឡូម៉ែត្រនៅ Angkor Ultra Trail 2025 appeared first on Kampuchea Thmey Daily.

អ្នកចុះឈ្មោះបរទេស៧០%នឹងហោះមកចូលរួមរត់ចម្ងាយឆ្ងាយនៅអង្គរចុងខែនេះ

chean virakbot — Mon, 08 Jan 2024 06:59:03 +0000

ក្នុងចំណោមជនបរទេសដែលបានចុះឈ្មោះចូលរួមប្រកួតរត់ចម្ងាយឆ្ងាយឆ្លងកាត់ឧបសគ្គច្រើន Angkor Ultra Trail លើកទី៧ នៅតំបន់អង្គរ ខេត្តសៀមរាប នាចុងខែមករា ឆ្នាំ២០២៤គឺមាន៧០%នឹងហោះមកពីប្រទេសផ្ទាល់ខ្លួនរបស់ពួកគេមកចូលរួមនៅទឹកដីកម្ពុជា។

ក្នុងសន្និសីទសារព័ត៌មាន ព្រឹកថ្ងៃចន្ទ ទី៨ ខែមករា ឆ្នាំ២០២៤ នៅទីស្នាក់ការគណៈកម្មាធិការជាតិអូឡាំពិកកម្ពុជា លោក ថោង ខុន ប្រធានគណៈកម្មាធិការជាតិអូឡាំពិកកម្ពុជាបានឲ្យដឹងថា ព្រឹត្តិការណ៍នេះរួមចំណែកដ៏សំខាន់ក្នុងការទាក់ទាញជនបរទេសឲ្យចូលមកប្រទេសកម្ពុជា។ នេះជាព្រឹត្តិការណ៍កីឡាទេសចរណ៍ ជនបរទេសទាំងអ្នកទេសចរ និងអ្នកកីឡាសុទ្ធតែអាចចូលរួមប្រកួតដើម្បីសុខភាព និងកម្សាន្ត។

លោក ថោង ខុន បានសង្កត់ធ្ងន់ថា ការរៀបចំលើកនេះមានអំណោយផលច្រើនសម្រាប់ការចូលរួម ពីព្រោះជនបរទេសអាចហោះហើរផ្ទាល់ពីប្រទេសរបស់ពួកគេចូលមកខេត្តសៀមរាបតាមអាកាសយានដ្ឋានអន្តរជាតិដែលទើបតែបើកសម្ពោធកាលពីពេលថ្មីៗនេះ។

លោក Edouard George អ្នកទទួលបន្ទុករៀបចំព្រឹត្តិការណ៍រត់ចម្ងាយឆ្ងាយ Angkor Ultra Trail បានឲ្យដឹងថា រហូតដល់ពេលនេះមានអ្នកបានចុះឈ្មោះចូលរួមប្រកួត១០៧៦នាក់ទាំងក្នុង និងក្រៅប្រទេស។ ក្រុមការងារនឹងជំរុញឲ្យមានការចុះឈ្មោះបន្ថែម៤០០ទៅ៥០០នាក់ទៀតមុនពេលថ្ងៃប្រកួតមកដល់។ ក្នុងចំណោមអ្នកចុះឈ្មោះចូលរួមទាំងអស់មកពី៤៣ប្រទេសផ្សេងគ្នាក្នុងពិភពលោក។ ប្រទេសចំនួន៥ដែលមានអ្នកចុះឈ្មោះច្រើនជាងគេគឺម្ចាស់ផ្ទះកម្ពុជា បារាំង វៀតណាម កូរ៉េខាងត្បូង និងសហរដ្ឋអាមេរិក។

លោក Edouard George បានឲ្យដឹងថា ក្រៅពីសាធារណជន កីឡាករ កីឡាការិនីទូទៅដែលបានចុះឈ្មោះចូលរួមប្រកួត ក្រុមការងារបានសហការជាមួយអង្គភាពរដ្ឋាភិបាលនានាក្នុងនោះមានមន្ត្រីរដ្ឋាភិបាល អាជ្ញាធរខេត្តសៀមរាប ស្នងការប៉ូលិសខេត្ត ប៉ូលិសអន្តោប្រវេសន៍ មន្ទីរសុខាភិបាល និងអាជ្ញាធរអប្សរាជាដើមបានចុះឈ្មោះចូលរួមប្រកួតដោយសេរី។

អ្នកទទួលបន្ទុករៀបចំព្រឹត្តិការណ៍កីឡាទេសចរណ៍នេះបានប្រាប់ថា ក្នុងចំណោមអ្នកចុះឈ្មោះជាជនបរទេសគឺមាន៧០%ដែលមកពីប្រទេសរបស់ពួកគាត់ផ្ទាល់ហោះមកចូលរួមប្រកួតរត់ចម្ងាយលើកទី៧។ ប្រហែលជា៣០%ទៀតគឺមានជនបរទេសដែលមកពីតំបន់អាស៊ាន និងជនបរទេសដែលកំពុងធ្វើការនៅប្រទេសកម្ពុជា។

លោកបានបញ្ជាក់ថា ៖«ជនបរទេសទាំងនោះ មិនមែនមកដើម្បីតែចូលរួមរត់ប្រណាំងតែម្យ៉ាងនោះទេ ប៉ុន្តែមកកម្សាន្តនៅប្រទេសកម្ពុជាច្រើនថ្ងៃទៀត។ ទាំងនេះហើយដែលរួមចំណែកជួយដល់វិស័យទេសចរណ៍នៅក្នុងព្រះរាជាណាចក្រកម្ពុជា»។

ព្រឹត្តិការណ៍ប្រកួតនេះមាន៨វិញ្ញាសាគឺរត់ចម្ងាយ ចម្ងាយ៨គីឡូម៉ែត្រ ១៨គីឡូម៉ែត្រ ៣២គីឡូម៉ែត្រ ៤២គីឡូម៉ែត្រ ៦៤គីឡូម៉ែត្រ ១០០គីឡូម៉ែត្រ ហើយវិញ្ញាសាច១៨គីឡូម៉ែត្រសម្រាប់ដើរ និងចម្ងាយ១៨គីឡូម៉ែត្រសម្រាប់ដើរផងកាន់ឈើច្រត់ឆ្លងភ្នំ។

តាមកាលបរិច្ឆេទ ព្រឹត្តិការណ៍រត់ចម្ងាយឆ្ងាយ Angkor Ultra Trail លើកទី៧នេះ នឹងធ្វើនៅថ្ងៃសៅរ៍ ទី២៧ ខែមករា ឆ្នាំ២០២៤ ក្នុងនោះវិញ្ញាសាចម្ងាយ១០០គីឡូម៉ែត្រ អ្នករត់ត្រូវឆ្លងកាត់ឧបសគ្គជាច្រើនដូចកាត់ទីប្រជុំជន វាលស្រែ និងត្រូវរត់ទាំងយប់-ថ្ងៃដើម្បីឲ្យសម្រេចគោលដៅដ៏សែនឆ្ងាយក្នុងរយៈពេលខ្លី៕

អត្ថបទ៖ វីរបុត្រ

The post អ្នកចុះឈ្មោះបរទេស៧០%នឹងហោះមកចូលរួមរត់ចម្ងាយឆ្ងាយនៅអង្គរចុងខែនេះ appeared first on Kampuchea Thmey Daily.

Angkor Ultra Trail Archives - Kampuchea Thmey Daily

ព្រឹត្តិការណ៍​រត់​ប្រណាំង​ Ultra Trail Angkor 2026 ​រៀបចំឡើង​​ក្នុង​គោល​បំណង​សំខាន់​ពីរ​

អ្នក​ចង់​សាកល្បង​សមត្ថភាព​ខ្លួន​ឯង​អាច​ចុះឈ្មោះ​ចូលរួម​រត់​ប្រណាំង​ឆ្លងកាត់​ឧបសគ្គ​ Ultra Trail Angkor 2026

ស្ត្រី​ខ្មែរ​៥​នាក់​ចុះ​ឈ្មោះ​រត់​ចម្ងាយ​ឆ្ងាយបំផុត​១០០​គីឡូម៉ែត្រ​នៅ​ Angkor Ultra Trail 2025

អ្នកចុះឈ្មោះបរទេស៧០%នឹងហោះមកចូលរួមរត់ចម្ងាយឆ្ងាយនៅអង្គរចុងខែនេះ

ព្រឹត្តិការណ៍រត់ប្រណាំង Ultra Trail Angkor 2026 រៀបចំឡើងក្នុងគោលបំណងសំខាន់ពីរ

អ្នកចង់សាកល្បងសមត្ថភាពខ្លួនឯងអាចចុះឈ្មោះចូលរួមរត់ប្រណាំងឆ្លងកាត់ឧបសគ្គ Ultra Trail Angkor 2026

ស្ត្រីខ្មែរ៥នាក់ចុះឈ្មោះរត់ចម្ងាយឆ្ងាយបំផុត១០០គីឡូម៉ែត្រនៅ Angkor Ultra Trail 2025