កីឡា

អ្នកចង់សាកល្បងសមត្ថភាពខ្លួនឯងអាចចុះឈ្មោះចូលរួមរត់ប្រណាំងឆ្លងកាត់ឧបសគ្គ Ultra Trail Angkor 2026

បានផុស

៦ ខែ មុន

នៅ

ថ្ងៃអង្គារ ៦ មករា ២០២៦

ដោយ

ព្រឹត្តិការណ៍រត់ប្រណាំងឆ្លងកាត់ឧបសគ្គឆ្នាំ ២០២៦ Ultra Trail Angkor បានប្រកាសទទួលការចុះឈ្មោះហើយសម្រាប់មហាជនដែលចង់សាកល្បងសមត្ថភាពខ្លួនឯងអាចចូលរួមបាននៅថ្ងៃទី២៤ ខែមករា ឆ្នាំ២០២៦ នៅខេត្តសៀមរាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពរត់កន្លងទៅ

លោក វ៉ាត់ ចំរើន អគ្គលេខាធិការ នៃគណៈកម្មាធិការជាតិអូឡាំពិកកម្ពុជា បានឲ្យដឹងថា ឆ្នាំ២០២៦ នេះជាលើកទី៩ ហើយដែលព្រឹត្តិការណ៍រត់ចម្ងាយឆ្ងាយឆ្លងកាត់ឧបសគ្គបានរៀបចំឡើងនៅឯខេត្តសៀមរាបកន្លងទៅ។ ជាមួយគ្នានោះដែរកំណើននៃការចូលរួមមានកាន់តែច្រើនផងដែរ។

Ultra Trail Angkor ជាព្រឹត្តិការណ៍រត់ប្រណាំងមួយដែលផ្សារភ្ជាប់ជាមួយធម្មជាតិ ព្រោះមិនមែនរត់នៅតាមផ្លូវកៅស៊ូស្អាតនោះទេ ពោលអ្នករត់ត្រូវរត់ឆ្លងកាត់ភូមិ វាលស្រែ ក្រោមដើមឈើ និងជួបផ្លូវដែលលំបាកៗជាច្រើនអំឡុងពេលប្រកួតនេះ។ ដូច្នេះអ្នកដែលចង់ទទួលបាននូវអ្វីដែលថ្មី ប្លែកអារម្មណ៍ និងចង់សាកល្បងខ្លួនឯងអាចចុះឈ្មោះចូលរួមបានទៅតាមប្រភេទវិញ្ញាសាទាំង ៨ដែលមាននេះ។

ទិដ្ឋភាពរត់កន្លងទៅ

បញ្ជាក់ដែរថា ព្រឹត្តិការណ៍រត់ប្រណាំងចម្ងាយឆ្ងាយ Ultra Trail Angkor 2026 នេះនឹងធ្វើឡើងនៅថ្ងៃទី២៤ ខែមករា ឆ្នាំ២០២៦ ខាងមុខនេះ។ ការប្រកួតធ្វើឡើងនៅឯខេត្តសៀមរាប ដោយមាន 8 វិញ្ញាសាគឺ 8km, 18km, 32km, Marathon 42 km, 64 km, 100 km, 18 km Nordic walking, 18 km Walk and Hike។ អ្នកចង់ចុះឈ្មោះចូលរួមអាចទំនាក់ទំនងទៅកាន់អ្នករៀបចំកម្មវិធី [email protected] ឬ www.ultratrail-angkor.com៕