ក្នុងអំឡុងពេលសន្ទនា ពិធីករ Jimmy បានផ្តល់ឲ្យតារា Friends star នូវច្បាប់ចម្លងនៃទស្សនាវដ្តី InTouch ចេញផ្សាយខែសីហា ដែលបានបោះពុម្ពរូបថតរបស់នាង និងលោក Obama នៅក្បែរគ្នាជាមួយនឹងចំណងជើងថា «​ ការពិតអំពី Jen និង Barack» ។

បន្ទាប់​ពី​ទស្សនិកជន​ផ្ទុះ​សំណើច​ចំពោះ​រូបថត​ក្រប​មុខ Jennifer បាន​បដិសេធ​ចំពោះ​របាយការណ៍​ដែល​ថា​​ នាង និង​លោក Obama មាន​ទំនាក់ទំនង​ស្និទ្ធស្នាល​ដែល​លើស​ពី​បទដ្ឋាន​សីលធម៌។

តារាសម្តែងកើតឆ្នាំ ១៩៦៩ បានបង្ហើបថា នាងបានឮការចលាចលពីអ្នកទទួលខុសត្រូវផ្នែកទំនាក់ទំនងសាធារណៈហើយមានអារម្មណ៍ភ្ញាក់ផ្អើលបន្តិច ប៉ុន្តែមិនខឹងចំពោះការផ្សព្វផ្សាយពាក្យចចាមអារ៉ាមមិនពិតនោះទេ។ Jennifer បាន​បញ្ជាក់​ថា ពាក្យ​ចចាមអារ៉ាម​នេះ​គឺ​មិន​ពិត​ទាំង​ស្រុង។ នាង​បាន​ជួប​លោក​អូបាម៉ា​តែ​ម្តង​ប៉ុណ្ណោះ ប៉ុន្តែ​ស្គាល់និងដឹងកាន់​តែ​ច្រើន​ អំពី​អតីត​ភរិយា​ប្រធានាធិបតី​សហរដ្ឋ​អាមេរិក គឺ​លោកស្រី Michelle Obama។

ត្រលប់មកវិញក្នុងឆ្នាំ ២០១៥ នាងបានប្រាប់ CBS Sunday Morning ថា នាងបានរៀនដកខ្លួនចេញ និងមិនអើពើនឹងការយកចិត្តទុកដាក់របស់សារព័ត៌មាន។ នាងពេលនោះនាងបាននិយាយថា “កុំយកចិត្តទុកដាក់ពេក មានសម័យកាលដែលខ្ញុំត្រូវនរកដោយនិយាយថា គ្រប់យ៉ាងវាមិនពិតនិងមិនត្រឹមត្រូវទាំងអស់ទេ។ ពេលខ្លះរឿងរសើបវាគ្រាន់តែជា​ល្ខោន​អូប៉េរ៉ា​នៅ​លើ​ក្រដាសមួយសន្លឹកប៉ុណ្ណោះ៕

អត្ថបទ៖ សាង ស្រីល័ក្ខ

ចុចអាន៖ប៉ូលិសអាមេរិកយក Diddy ទៅដាក់គុកដែលល្បីថាជា នរកលើផែនដី

The post Jennifer Aniston ស្រាយចចាមអារ៉ាមពាក់ព័ន្ធស្នេហា ជាមួយលោក Obama appeared first on Kampuchea Thmey Daily.

ក្នុងសេចក្តីថ្លែងការណ៍មួយដែលបង្ហោះលើគេហទំព័រ Medium លោក អូបាម៉ា និយាយថា សកម្មភាពទាំងនោះ អាចបំផ្លាញការគាំទ្រជាសកលសម្រាប់អ៊ីស្រាអែល សត្រូវរបស់អ៊ីស្រាអែលលូកដៃចូលអន្តរាគមន៍ក្នុងសង្គ្រាម និងធ្វើឲ្យខូចដល់កិច្ចខិតខំប្រឹងប្រែងរយៈពេលវែង ដើម្បីសម្រេចបាននូវសន្តិភាពនិងស្ថិរភាពនៅក្នុងតំបន់។

ទោះបីជាយ៉ាងណាក៏ដោយ លោកក៏បានថ្កោលទោសការវាយប្រហាររបស់ក្រុមហាម៉ាស់កាលពីថ្ងៃទី ៧ខែតុលាផងដែរ ដោយនិយាយថា លោកគាំទ្រយ៉ាងពេញទំហឹងចំពោះការអំពាវនាវរបស់ប្រធានាធិបតី ចូ បៃដិន ឲ្យសហរដ្ឋអាមេរិកប្រកៀកស្មាអ៊ីស្រាអែល ក្នុងការប្រឆាំងក្រុមប៉ាឡេស្ទីន។ លោក​បន្ថែម​ថា​ “​អ៊ីស្រាអែល​មាន​សិទ្ធិ​​ការពារ​ពលរដ្ឋ​របស់​ខ្លួន ​ប្រឆាំង​នឹង​អំពើ​ហិង្សា​បែប​នេះ”​។

សូមបញ្ជាក់ លោក អូបាម៉ា គឺជាប្រធានាធិបតីទី៤៤របស់សហរដ្ឋអាមេរិក កាន់តំណែងពីឆ្នាំ២០០៩ដល់២០១៧។ លោកជាសមាជិកនៃគណបក្សប្រជាធិបតេយ្យ និងជាប្រធានាធិបតីមានដើមកំណើតអាហ្វ្រិកដំបូងគេ របស់សហរដ្ឋអាមេរិក។

ក្នុងនាមជាប្រធានាធិបតី លោក អូបាម៉ា បានប៉ះទង្គិចជាញឹកញាប់ លើគោលនយោបាយជាមួយនាយករដ្ឋមន្ត្រីអ៊ីស្រាអែល Benjamin Netanyahu ដែលនាំឲ្យកិច្ចខិតខំប្រឹងប្រែងបន្តការចរចាសន្តិភាពអ៊ីស្រាអែល-ប៉ាឡេស្ទីនឡើងវិញ ត្រូវបរាជ័យ”៕

ប្រែសម្រួល៖ Vann Vann

ប្រភព៖ Aljazeera

ចុចអាន៖ ក្រុមហាម៉ាស់ ដោះលែងចំណាប់ខ្មាំង២នាក់ទៀត សុទ្ធជាស្រ្តីវ័យចំណាស់

The post លោក អូបាម៉ា៖ ទង្វើរបស់អ៊ីស្រាអែល នៅហ្គាហ្សា នឹងធ្វើឲ្យប្រជាជនប៉ាឡេស្ទីន គុំកួន តជំនាន់ appeared first on Kampuchea Thmey Daily.

លោកប្រៀបធៀបបែបនេះ ក្នុងការថ្លែងមួយនៅឯកម្មវិធីមូលនិធិ Stavros Niarchos ពោលគឺប៉ុន្មានម៉ោងប៉ុណ្ណោះ បន្ទាប់ពីលឺដំណឹងថា ឆ្មាំសមុទ្រអាមេរិកបានបញ្ជាក់ជាផ្លូវការអំពីការផ្ទុះយានជ្រមុជទឹក Titan សម្លាប់មនុស្សចំនួន ៥នាក់។

អតីតប្រធានាធិបតីរូបនេះបាននិយាយថា មិនគួរណាព្រឹត្តិការណ៍យានជ្រមុជទឹក Titan មានការចាប់អារម្មណ៍ច្រើនជាងគ្រោះថ្នាក់លិចទូកកណ្តាលសមុទ្រក្រិក ដែលសម្លាប់មនុស្សរាប់សិបនាក់សោះ។ គ្រោះថ្នាក់លិចទូកជនអន្តោប្រវេសន៍នេះត្រូវបាន អង្គការអន្តោប្រវេសន៍អន្តរជាតិ ហៅថាជា «សោកនាដកម្មដ៏អាក្រក់បំផុតមួយក្នុងទសវត្សរ៍ចុងក្រោយនេះ»។

លោក អូប៉ាម៉ា បន្តថា លើពិភពលោកមានសោកនាដកម្មជាច្រើនកើតឡើងតំណាលគ្នានឹងហេតុការណ៍បាត់យានជ្រមុជទឹក Titan នេះ ប៉ុន្តែការដែលគ្រោះថ្នាក់លិចទូកកណ្តាលសមុទ្រមេឌីទែរ៉ាណេ មិនសូវមានសារព័ត៌មានចុះផ្សាយបែបនេះ បានបង្ហាញពីភាពលម្អៀងរួចទៅហើយ។ លោកយល់ឃើញថា កម្រិតនៃជីវិតរបស់មនុស្សពិតជាមានភាពខុសគ្នាខ្លាំង ព្រោះចំណាប់អារម្មណ៍របស់មនុស្សភាគច្រើនងាកទៅរកការបាត់យានជ្រមុជទឹក Titan ស្ទើរទាំងស្រុង។

គ្រោះថ្នាក់លិចទូកនេះបានកើតឡើងកាលពីថ្ងៃទី ១៤ មិថុនា ឆ្នាំ ២០២៣ ពោលគឺមុនការផ្អើលបាត់យានជ្រមុជទឹក Titan ប៉ុន្មានថ្ងៃ។ ការលិចទូកកណ្តាលមហាសាគរនេះបានបណ្តាលឱ្យមនុស្សចំនួន ៨២នាក់ បាត់បង់ជីវិត មនុស្សចំនួន ១០៤ នាក់ ត្រូវបានជួយសង្គ្រោះ ចំណែកកុមារជាង ១០០នាក់ កំពុងបាត់ខ្លួន។

អ្នកដែលស្លាប់ក្នុងហេតុការណ៍លិចទូកនោះសុទ្ធសឹងតែជាជនអន្តោប្រវេសន៍មកពីបណ្តាប្រទេសនានាដូចជា ប៉ាគីស្ថាន ស៊ីរី អេហ្ស៊ីប និងប៉ាឡេស្ទីន។ យោងតាមឆ្មាំសមុទ្រ កងទ័ពជើងទឹក ដែលប្រតិបត្តិការស្វែងរក និងជួយសង្គ្រោះនេះបានឱ្យដឹងថា ជនអន្តោប្រវេសន៍រាប់រយនាក់នេះបានធ្វើដំណើរពីប្រទេសលីប៊ី ឆ្ពោះទៅកាន់ប្រទេសអ៊ីតាលី៕

ប្រែសម្រួលដោយ៖ កញ្ញា ហ្សូលី

ប្រភព៖ Daily Mail

The post លោក អូប៉ាម៉ា៖ ហេតុអ្វី ព័ត៌មានយាន Titan ផ្សាយព្រោងព្រាត តែរឿងលិចទូកស្លាប់មនុស្សរាប់សិបនាក់ ស្ងាត់ឈឹង? appeared first on Kampuchea Thmey Daily.

អ្នកចូលមើលបណ្តាញសង្គម Instagram របស់លោក អូបាម៉ា រួមជាមួយ Page របស់ភរិយា មីឆែល ប្រហែលពីរម៉ោង ត្រូវបានស្វាគមន៍ដោយ សារ ថា “Comment លើការបង្ហោះនេះ ត្រូវបានកំណត់”។

មនុស្សម្នាក់បានចូល Comment ថា “អាហ្វហ្គានីស្ថានត្រូវការជំនួយពីអ្នក។ សូមជួយអាហ្វហ្គានីស្ថានផង”។

ម្នាក់ទៀតសរសេរថា “ឈាមរបស់ប្រជាជនអាហ្វហ្គានស្ថិតនៅលើដៃរបស់អ្នកទាំងឡាយណាដែលនៅស្ងៀម មិនប្រឈមមុខនឹងការដាក់សម្ពាធ ហើយបានបង្កើតមិត្តជាមួយតាលីបង់។ ប្រវត្តិសាស្រ្តនឹងមិនបំភ្លេចឧក្រិដ្ឋកម្មរបស់អ្នកឡើយ”។

នៅមានការ comment ជាច្រើនទៀត រួមទាំងការអង្វរ និងស្តីបន្ទោសឲ្យលោក អូបាម៉ា ផងដែរ។

ទោះបីជាយ៉ាងណាក៏ដោយ លោក អូបាម៉ា មិនទាន់ចេញសេចក្តីថ្លែងការណ៍ជាសាធារណៈណាមួយ អំពីស្ថានភាពកាន់តែអាក្រក់ឡើងនៅប្រទេស អាហ្វហ្គានីស្ថាន នោះទេ។

គួរបញ្ជាក់ថា កាលពីខែមេសា លោក អូបាម៉ា បានសរសើរលោក ចូ បៃដិន ចំពោះភាពជាអ្នកដឹកនាំដ៏ក្លាហានរបស់លោក ដែលសម្រេចចិត្តដកទ័ពចេញ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ តើ តាលីបង់ និង ISIS ត្រូវជាអ្វីនឹងគ្នា?

The post លោក អូបាម៉ា ផ្អាកគណនី Instagram បន្ទាប់ពីមានអ្នកចូល Comment ភ្លូកទឹកភ្លូកដីឲ្យជួយ អាហ្វហ្គានីស្ថាន appeared first on Kampuchea Thmey Daily.

កីឡាករ Rashford ជា​សមាជិក​ក្រុម​បិសាច​ក្រហម Manchester United និង​ជា​ខ្សែ​ប្រយុទ្ធ​ជម្រើស​ជាតិ​អង់គ្លេស​បាន​ជួប​ពិភាក្សា​ជា​មួយ​អតីត​ប្រធានាធិបតី​​សហរដ្ឋ​អាមេរិក​ទី​៤៤លោក អូបាម៉ា តាម​រយៈ​វីដេអូ Zoom មួយ​ដែល​រៀប​ចំ​ដោយ​ Penguin Books។

កិច្ច​ពិភាក្សា​របស់​ពួក​គាត់​បាន​ផ្តោត​លើ​​សារៈ​សំខាន់​នៃ​ការ​ផ្តល់​ជូន​​សហគមន៍​ និង​ផល​វិជ្ជមាន​នៃ​ការ​អាន ព្រម​ទាំង​ប្រធាន​បទ​ផ្សេង​ៗ​ទៀត​ពី​បទ​ពិសោធ​​នៅ​ក្នុង​សៀវភៅ A Promised Land របស់​អតីត​ប្រធានាធិបតី។ ពួក​គាត់​ក៏​បាន​ជជែក​គ្នា​អំពី​ការ​ចែក​រំលែក​បទ​ពិសោធ​​​ដល់​សង្គម រាប់​ទាំង​ការ​ចិញ្ចឹម​​បីបាច់​ថែរក្សារបស់​ម្តាយ​ម្នាក់​ឯង។

Rashford អាយុ​២៣​ឆ្នាំ​កាល​ពី​ឆ្នាំ​មុន​បាន​ដឹក​នាំ​យុទ្ធនាការណ៍​លេច​ធ្លោ​មួយ​ដើម្បី​ដោះ​ស្រាយ​ភាព​ក្រី​ក្រ​កុមារ​ដែល​​ខ្វះ​អាហារ​នៅ​ចក្រភព​អង់គ្លេស​កំឡុង​ពេល​ការ​រាត​ត្បាត​ជំងឺ​កូវីដ-១៩​ខ្លាំង។ យុទ្ធនាការណ៍​នេះ​បាន​ផ្តល់​ឲ្យ​កុមារងាយ​រង​គ្រោះ ១.៧​លាន​នាក់​ទទួល​បាន​ការ​ឧបត្ថម្ភ​ពី​គម្រោង​រដ្ឋាភិបាល​ដែល​មាន​ទឹក​ប្រាក់ប្រមាណ ៧៣៧​លាន​ដុល្លារ​អាមេរិក និង​គម្រោង​​ផ្សេង​ៗ​ទៀត​ដែល​បាន​ជួយ​​ផ្តល់​អាហារ​១៣០​លាន។ កីឡាករ​​ក៏​បាន​​រៀប​ចំ​គម្រោង​អប់រំ និង​ចំអិន​អាហារ​សម្រាប់​កុមារ “Full Time Meals”​ផង​ដែរ។

លោក អូបាម៉ា មាន​ប្រសាសន៍​ថា ៖«មនុស្ស​វ័យ​ក្មេង​ច្រើន​ណាស់​ដែល​ខ្ញុំ​បាន​ជួប រាប់​ទាំង​ Marcus ផង ពួក​គេ​​បាន​ឈាន​មុខ​នៅ​កន្លែង​ដែល​ខ្ញុំ​ទើប​អាយុ​២៣​ឆ្នាំ។ ពួក​គេ​បាន​កំពុង​ផ្លាស់​ប្តូរ​ហើយ ហើយ​កំពុង​ក្លាយ​ជា​កម្លាំង​វិជ្ជមាន​នៅ​ក្នុង​សង្គម​របស់​ពួក​គេ»។

កិច្ច​សន្ទនា ដែល​ត្រូវ​បាន​សម្រប​សម្រួល​ដោយ​អ្នក​និពន្ធ និង​ពិធីករ June Sarpong​ នឹង​ចេញ​ផ្សាយ​ពេញ​លេញ​តាម​រយៈ​យូធូប​របស់ Penguin UK នៅ​ថ្ងៃ​សុក្រ​នេះ វេលា​ម៉ោង​២​រសៀល។

ខ្សែ​ប្រយុទ្ធ​វ័យ​ក្មេង Rashford បាន​និយាយ​ថា ៖«វា​ពិត​ជា​អស្ចារ្យណាស់ មិន​ថា​អីចឹង? ខ្ញុំ​កំពុង​អង្គុយ​​ក្នុង​ផ្ទះ​បាយ​របស់​ខ្ញុំ​ នៅ​ទី​ក្រុង Manchester និយាយ​ជា​មួយ​​អតីត​ប្រធានាធិបតី​ អូបាម៉ា។ តែ​ភ្លាម​ៗ​នោះ លោក​បាន​ធ្វើ​ឲ្យ​ខ្ញុំ​មាន​អារម្មណ៍​ធូរ​ស្រាល»។

«វា​មិន​យូរ​ប៉ុន្មាន​ទេ មុន​ពេល​ខ្ញុំ​ដឹង​ថា របៀប​ដែល​បទ​ពិសោធ​របស់​យើង​​ចែក​រំលែក​គឺ​​ស្រប​ទៅ​នឹង​កុមារ​​កំពុង​មាន​បែប​ផែន​ដែល​យើង​ឃើញ​សព្វ​ថ្ងៃ​នេះ​គឺផល​វិបាល ឧបសគ្គ និង​អ្វី​ៗ​ទាំង​អស់។ ខ្ញុំពិត​ជា​រីក​រាយ​គ្រប់​នាទី។ នៅ​ពេល​លោក​ប្រធានាធិបតី អូបាម៉ា ​មាន​ប្រសាសន៍ យើង​ទាំង​អស់​គ្នា​ពិត​ជា​ចង់​ស្តាប់​»៕

ប្រែ​សម្រួល៖ វីរបុត្រ
ប្រភព៖ theguardian

The post ពិត​ជា​រំភើប​ ខ្សែ​ប្រយុទ្ធ​វ័យ​ក្មេង​ Rashford​ ជជែក​ជា​មួយ​លោក​ អូបាម៉ា​ ពី​កម្លាំង​យុវជន​ appeared first on Kampuchea Thmey Daily.

លោក Donald Trump ទេ លោក Joe Biden កំពុងតែជ្រើសរើសអ្នកជំនាញៗក្នុងវិស័យផ្សេងៗជាជាងការយកសាច់ញាតិនិងមិត្តភក្តិដើម្បីកសាងក្រុមរបស់គាត់។

ការងារសំខាន់មួយគឺឯកអគ្គរដ្ឋទូតប្រចាំចក្រភពអង់គ្លេសហើយលោក Biden ប្រហែលជាកំពុងតែធ្វើការជ្រើសរើសដ៏ចម្រូងចម្រាស។

លោក Barack Obama ទើបតែមានអាយុ៥៩ឆ្នាំប៉ុណ្ណោះហើយក្មេងជាងលោក Biden និងលោក Trump ជិត២០ឆ្នាំហើយនៅតែមានការងារជាច្រើនដែលត្រូវធ្វើក្នុងជីវិតរបស់គាត់។

យោងតាមមន្ត្រីជាន់ខ្ពស់ម្នាក់បានឲ្យដឹងថា លោក Biden កំពុងតែគិតគូរអំពីការតែងតាំងមេចាស់របស់គាត់ឲ្យធ្វើជាឯកអគ្គរដ្ឋទូតរបស់សហរដ្ឋអាមេរិកប្រចាំចក្រភពអង់គ្លេស៕

ប្រែសម្រួលដោយ៖ Vann Vann

ប្រភព៖ Daily Star

The post លោក Biden ត្រៀមប្រគល់តំណែងសំខាន់មួយដល់លោក Obama appeared first on Kampuchea Thmey Daily.

អំឡុង​ពេល​ថ្លែង​ទៅ​កាន់​អ្នក​គាំ​ទ្រ​ ដើម្បី​កៀងគរប្រជាប្រិយភាពសម្រាប់​បេក្ខភាព​ប្រធានាធិបតីមក​ពី​គណបក្សប្រជាធិបតេយ្យ លោក ចូ ប៊ីដិន លោក អូបាម៉ា និយាយថា “តើអ្នក​ទាំង​អស់គិត​ថា គាត់កំពុង​គាំទ្រ​ដល់​ជន​ផ្តាច់​ការ​ដែរអត់?”។

ការ​បញ្ចេញ​ប្រតិកម្ម​ប្រឆាំង​លោក ត្រាំ ពីសំណាក់​អតីតប្រធានាធិបតី​ស្បែក​ខ្មៅ​រូប​នេះ ធ្វើ​ឡើងក្រោយ​លោក ត្រាំ អះអាង​ថា លោកមើលច្បាស់ “គោលនយោបាយ” លោក គីម ជុងអ៊ុន ក៏ដូច​ជា​ប្រធានាធបិតី​រុស្ស៊ី វ្ល៉ាទីមៀ ពូទីន ប្រធានធិបតីចិន ស៊ី ជីនពីង និង​មេដឹកនាំ ៤០ប្រទេស​ផ្សេង​ទៀត ខណៈ​លោក ប៊ីដិន គ្រាន់ជាមនុស្ស​គ្មាន​សមត្ថភាព មិន​អាច​ដោះ​ស្រាយ​កិច្ចការងារ​ជាមួយ​ពួក​គេ​ទាំង​នោះ​បាន​ទេ។

ត្រាំ ថែម​ទាំង​អះអាង​ថា មេដឹកនាំ​ធំៗ​ទាំង​នោះ មិន​ចង់​ធ្វើ​ការ​ជាមួយ​លោក ប៊ីដិន នោះ​ឡើយ ប៉ុន្តែ​ពួក​គេ​ចង់​ធ្វើ​ការ​ជាមួយ​ខ្ញុំ ដោយ​សង្ឃឹម​ថា​ខ្ញុំ​ឈ្នះ​ក្នុង​ការ​បោះឆ្នោត​អាណត្តិថ្មី​នេះ ព្រោះ​ថាពួកគេ​មិន​ចង់​ធ្វើ​ការ​ជាមួយ​ក្រុម​មនុស្ស​ល្មោភ​ដេក​គ្រប់​ពេល​នោះ​ឡើយ។

ជាការ​ឆ្លើយ​តប ថ្លែងក្នុង​យុទ្ធនាការ​ឃោសនា​ជាមួយលោក ប៊ីដិន នៅ​ឯទីក្រុង Orlando រដ្ឋ Florida លោក​អូបាម៉ា បាន​ទទួល​ស្គាល់​ថា លោក ត្រាំ​ និយាយ​ត្រូវ លោកថា “ពួកយើងដឹង ពួកគេចង់​ធ្វើ​ការ​ជាមួយលោក ព្រោះ​ ៤ឆ្នាំមកនេះ លោក​ផ្តល់​អ្វី​ដែល​ពួក​គេ​ចង់​បាន ទៅ​ឲ្យ​ពួក​គេ។ រឿង​នេះ ពួក​គេ​ច្បាស់ជា​ចង់​ឲ្យ​លោក​ឈ្នះ​មិន​ខាន៕

ប្រែសម្រួល៖ សុភា
ប្រភព៖ Korea Times

អត្ថបទពាក់ព័ន្ធ៖

• លោកស្រី Hillary Clinton ថា លោក Trump និងប្រព័ន្ធផ្សព្វផ្សាយរុស្ស៊ី​បានលួចការបោះឆ្នោតរបស់ខ្លួន
• មេដឹកនាំទួរគីស្នើឲ្យជនរួមជាតិធ្វើពហិការទំនិញបារាំង

The post អូបាម៉ា៖ ជនផ្តាច់ការចង់ឲ្យ Trump ឈ្នះឆ្នោត ព្រោះ​ពួក​គេ​នឹងទទួល​បានអ្វី​ពួក​គេចង់​បាន! appeared first on Kampuchea Thmey Daily.