ព័ត៌មានអន្ដរជាតិ
មេដឹកនាំទួរគីស្នើឲ្យជនរួមជាតិធ្វើពហិការទំនិញបារាំង
កាលពីថ្ងៃចន្ទ មេដឹកនាំទួរគីលោក Tayyip Erdogan បានស្នើឲ្យជនរួមជាតិរបស់លោកបញ្ឈប់ការទិញទំនិញរបស់បារាំងដែលនេះជាការបង្ហាញកំហឹងចុងក្រោយបំផុតនៅក្នុងពិភពមូស្លីមជុំវិញរូបភាពព្យាការី Mohammad ដែលត្រូវបានបង្ហាញនៅក្នុងប្រទេសបារាំងដែលប្រជាជនមូស្លីមមួយចំនួនចាត់ទុកថាជាការប្រមាថ។
នៅប្រទេសបង់ក្លាដែសកាលពីថ្ងៃចន្ទ ក្រុមអ្នកតវ៉ាបានកាន់ផ្ទាំងបដារបស់ប្រធានាធិបតីបារាំងលោក Emmanuel Macron និងពាក្យថា “Macron គឺជាសត្រូវនៃសន្តិភាព” ខណៈដែលសភាប៉ាគីស្ថានបានអនុម័តសេចក្តីសម្រេចមួយដែលជំរុញឲ្យរដ្ឋាភិបាលកោះហៅប្រេសិតរបស់ខ្លួនមកពីទីក្រុងប៉ារីសវិញ។
លោក Erdogan ដែលមានប្រវត្តិទំនាក់ទំនងមិនល្អជាមួយលោក Macron បាននិយាយថា ប្រទេសបារាំងកំពុងបន្តរបៀបវារៈប្រឆាំងសាសនាឥស្លាម។
លោក Erdogan បន្តថា “ខ្ញុំសូមអំពាវនាវដល់ពលរដ្ឋរបស់ខ្ញុំទាំងអស់ពីទីនេះ កុំជួយម៉ាកយីហោបារាំងឬទិញវាឲ្យសោះ”។
ប្រធានាធិបតីទួរគីបានអំពាវនាវឲ្យធ្វើពហិការស្រដៀងគ្នានេះដែរក្នុងពេលកន្លងមករួមទាំងការអំពាវនាវកុំឲ្យទិញទំនិញអេឡិចត្រូនិករបស់សហរដ្ឋអាមេរិកផងដែរនៅឆ្នាំ២០១៨ប៉ុន្តែមិនបានជោគជ័យទេ។
ប្រទេសបារាំងគឺជាអ្នកនាំចេញគ្រាប់ធញ្ញជាតិទៅកាន់ប្រទេសអាហ្វ្រិកខាងជើងដែលកាន់សាសនាឥស្លាមភាគច្រើនហើយក្រុមហ៊ុនបារាំងនៅក្នុងផ្នែកលក់រថយន្តនិងផ្នែកលក់រាយក៏មានការប៉ះពាល់ច្រើនផងដែរដល់បណ្តាប្រទេសដែលមានប្រជាជនមូស្លីមភាគច្រើន។
រដ្ឋមន្រ្តីក្រសួងពាណិជ្ជកម្មបារាំងលោក Franck Riester បាននិយាយថា វាលឿនពេកហើយក្នុងការដាក់តួលេខលើផលប៉ះពាល់នៃយុទ្ធនាការធ្វើពហិការប៉ុន្តែរហូតមកដល់ពេលនេះ វានៅមានកម្រិតនិងប៉ះពាល់យ៉ាងខ្លាំងដល់ការនាំចេញកសិកម្មរបស់បារាំង៕
ប្រែសម្រួលដោយ៖ Vann Vann
ប្រភព៖ Reuters
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង