លោក អូបាម៉ា ផ្អាកគណនី Instagram បន្ទាប់ពីមានអ្នកចូល Comment ភ្លូកទឹកភ្លូកដីឲ្យជួយ អាហ្វហ្គានីស្ថាន

អតីតប្រធានាធិបតី បារ៉ាក់ អូបាម៉ា បានផ្អាកលែងឲ្យមានការចូល Comment មួយរយៈខ្លីនៅលើទំព័រ Instagram របស់លោកកាលពីថ្ងៃចន្ទ បន្ទាប់ពីអ្នក Follow បានចូលទៅ Comment ភ្លូកទឹកភ្លូកដី ទាមទារឲ្យលោកធ្វើអ្វីមួយដើម្បីជួយប្រជាជនអាហ្វហ្គានីស្ថាន បន្ទាប់ពីក្រុមតាលីបង់ កាន់កាប់ប្រទេសរបស់ពួកគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកចូលមើលបណ្តាញសង្គម Instagram របស់លោក អូបាម៉ា រួមជាមួយ Page របស់ភរិយា មីឆែល ប្រហែលពីរម៉ោង ត្រូវបានស្វាគមន៍ដោយ សារ ថា “Comment លើការបង្ហោះនេះ ត្រូវបានកំណត់”។

មនុស្សម្នាក់បានចូល Comment ថា “អាហ្វហ្គានីស្ថានត្រូវការជំនួយពីអ្នក។ សូមជួយអាហ្វហ្គានីស្ថានផង”។

ម្នាក់ទៀតសរសេរថា “ឈាមរបស់ប្រជាជនអាហ្វហ្គានស្ថិតនៅលើដៃរបស់អ្នកទាំងឡាយណាដែលនៅស្ងៀម មិនប្រឈមមុខនឹងការដាក់សម្ពាធ ហើយបានបង្កើតមិត្តជាមួយតាលីបង់។ ប្រវត្តិសាស្រ្តនឹងមិនបំភ្លេចឧក្រិដ្ឋកម្មរបស់អ្នកឡើយ”។

នៅមានការ comment ជាច្រើនទៀត រួមទាំងការអង្វរ និងស្តីបន្ទោសឲ្យលោក អូបាម៉ា ផងដែរ។

ទោះបីជាយ៉ាងណាក៏ដោយ លោក អូបាម៉ា មិនទាន់ចេញសេចក្តីថ្លែងការណ៍ជាសាធារណៈណាមួយ អំពីស្ថានភាពកាន់តែអាក្រក់ឡើងនៅប្រទេស អាហ្វហ្គានីស្ថាន នោះទេ។

គួរបញ្ជាក់ថា កាលពីខែមេសា លោក អូបាម៉ា បានសរសើរលោក ចូ បៃដិន ចំពោះភាពជាអ្នកដឹកនាំដ៏ក្លាហានរបស់លោក ដែលសម្រេចចិត្តដកទ័ពចេញ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ តើ តាលីបង់ និង ISIS ត្រូវជាអ្វីនឹងគ្នា?