អ្នកស្រាវជ្រាវជាង៣០០នាក់ មកពីទ្វីបអាហ្រ្វិក អាស៊ី អឺរ៉ុប អាមេរិកខាងជើងនិងអាមេរិកខាងត្បូង បានបង្កើតរូបថតជាទីចាប់អារម្មណ៍នេះ ដោយប្រើតេឡេស្កុប Event Horizon ដែលបង្ហាញឲ្យឃើញនូវរលកពន្លឺពណ៌ទឹកក្រូចនៅជុំវិញប្រហោងខ្មៅ។

ដើមឡើយ កាលពីរូបថត Sgr A* ត្រូវបានគេបញ្ចេញដំបូងក្នុងខែឧសភាឆ្នាំ២០២២ គឺមិនសូវច្បាស់ទេ ទើបតែខែមីនាឆ្នាំ២០២៤នេះប៉ុណ្ណោះ ដែលក្រុមអ្នកវិទ្យាសាស្រ្ត ខិតខំធ្វើឲ្យរូបកាន់តែច្បាស់ បង្ហាញរលកពន្លឺនិងដែនម៉ាញេទិករបស់ប្រហោងខ្មៅ មិនធ្លាប់ឃើញពីមុន។

ចំពោះរបកគំហើញដែលបង្កភាពភ្ញាក់ផ្អើលគឺថា ដែនម៉ាញេទិចរបស់ Sgr A* គឺស្រដៀងទៅនឹងប្រហោងខ្មៅមួយទៀតឈ្មោះ Messier 87 (M87) ដែរប៉ុន្តែបើគិតពីម៉ាសវិញប្រហោងខ្មៅទាំងពីរមានម៉ាសខុសគ្នាឆ្ងាយណាស់ ពោលគឺ Sgr A* របស់កាឡាក់ស៊ី Milky Way មានម៉ាសធ្ងន់ជាងព្រះអាទិត្យ ៤.៣លានដង ចំណែក M87* របស់កាឡាក់ស៊ី M87 មានម៉ាសធ្ងន់ជាងព្រះអាទិត្យដល់ទៅ ៦.៥ពាន់លានដងឯណោះ។

អ្នកស្រី Sara Issaoun សហប្រធានគម្រោងនៃសាកលវិទ្យាល័យ Harvard និយាយថា “អ្វីដែលយើងកំពុងឃើញនៅពេលនេះគឺថា មានដែនម៉ាញេទិករឹងមាំនិងបត់បែនខ្លាំង នៅជិតប្រហោងខ្មៅ កណ្តាលនៃកាឡាក់ស៊ី Milky Way។ ជាមួយការសិក្សារវាង Sgr A* និង M87* យើងបានដឹងច្បាស់ថា ដែនម៉ាញេទិកដ៏រឹងមាំ គឺមានសារៈសំខាន់ចំពោះរបៀបដែលប្រហោងខ្មៅ ធ្វើអន្តរកម្មជាមួយឧស្ម័ននិងអ្វីៗនៅជុំវិញខ្លួនវា។

សូមបញ្ជាក់ជាថ្មី ជាមួយនឹងម៉ាសធ្ងន់ជាងព្រះអាទិត្យ ៤.៣លានដង, Sgr A* គឺស្ថិតនៅចម្ងាយប្រហែល២៦ ០០០ឆ្នាំពន្លឺ ពីភពផែនដី៕

អត្ថបទ៖ សុខ សុវណ្ណ

ចុចអាន៖ រកឃើញ Black Hole មួយទៀត មានពណ៌ក្រហមឆ្អិនឆ្អៅ ធ្ងន់ជាងព្រះអាទិត្យ ៤០លានដង

The post អ្នកវិទ្យាសាស្រ្ត បញ្ចេញរូបភាពថ្មីនៃ Black Hole មហាធំមហិមា ជាមួយរបកគំហើញ យ៉ាងភ្ញាក់ផ្អើល appeared first on Kampuchea Thmey Daily.

តាមការឲ្យដឹងពីក្រុមអ្នកវិទ្យាសាស្រ្តអ៊ីស្រាអែល, Black Hole ដ៏ធំមហិមានេះ គឺបានកើតឡើងក្រោយព្រឹត្តិការណ៍ Big Bang ប្រហែល៧០០លានឆ្នាំ ហើយមានចែងចាំងពន្លឺពណ៌ក្រហមឆ្អិនឆ្អៅនៅជុំវិញវាថែមទៀត។ 

ដោយពិនិត្យមើលទិន្នន័យពីតេលេស្កូប James Webb, ក្រុមតារាសាស្ត្រ ដែលដឹកនាំដោយលោក Lukas Furtak និង Adi Zitrin នៃសាកលវិទ្យាល័យ Ben-Gurion នៅតំបន់ Negev ប្រទេសអ៊ីស្រាអែល ក៏អាចកំណត់ម៉ាស់នៃ Black Hole នេះបានផងដែរ ពោលគឺវាធ្ងន់ជាងព្រះអាទិត្យ៤០លានដង ហើយវាមានទំហំធំបំផុត មិនអាចប្រៀបផ្ទឹមបាន បើធៀបទៅនឹងកាឡាក់ស៊ីផ្សេង។

ក្រុមអ្នកវិទ្យាសាស្រ្តក៏បានរកឃើញផងដែរថា Black Hole នេះស្ថិតនៅចម្ងាយប្រហែល ១២.៩ពាន់លានឆ្នាំពន្លឺពីភពផែនដី ហើយវាកំពុងតែសាយភាយឧស្ម័ននិងធូលីនៅជុំវិញវាយ៉ាងក្រាស់ ជាហេតុនាំឲ្យវាប្រែក្លាយទៅជាពណ៌ក្រហម ខណៈគេសន្និដ្ឋានថា វាកំពុងរីកមាឌថែមទៀត។

លោក Furtak បាននិយាយក្នុងសេចក្តីប្រកាសព័ត៌មានមួយថា “យើងរំភើបចិត្ត នៅពេលតេលេស្កូប James Webb ចាប់ផ្តើមបញ្ជូនទិន្នន័យដំបូងរបស់ Black Hole នេះមកឲ្យយើង។ យើងកំពុងស្កេនទិន្នន័យដែលបានមកដល់សម្រាប់កម្មវិធី UNCOVER ហើយវាពិតជាទាក់ភ្នែករបស់យើងណាស់។ យើងនឹងបន្តសិក្សាឲ្យកាន់តែលម្អិតជាងនេះ ពាក់ព័ន្ធ Black Hole ខាងលើ”។

សូមបញ្ជាក់ថា ការរកឃើញនេះ កើតឡើងមួយសប្តាហ៍ បន្ទាប់ពីក្រុមតារាវិទូ បានរកឃើញវត្ថុភ្លឺបំផុតនៅក្នុងចក្រវាល ដោយពួកគេចាត់ទុកថា នោះជា Black Hole កំណាច ដែលមួយថ្ងៃ ស៊ីផ្កាយអស់មួយ។

Black Hole នោះ ត្រូវបានគេឲ្យឈ្មោះ J0529-4351 ស្ថិតនៅចម្ងាយ១២ពាន់លានឆ្នាំពន្លឺពីប្រព័ន្ធព្រះអាទិត្យរបស់យើង និងធ្ងន់ជាងព្រះអាទិត្យប្រហែល១៧ពាន់លានដង ហើយក៏មានពន្លឺភ្លឺជាងព្រះអាទិត្យ ៥០០ទ្រីលានដងផងដែរ។

J0529-4351 ត្រូវបានរកឃើញដោយក្រុមអ្នកវិទ្យាសាស្រ្តដឹកនាំដោយសាស្ត្រាចារ្យរង Christian Wolf នៅសាកលវិទ្យាល័យជាតិអូស្ត្រាលី (ANU) ក្នុងទីក្រុងកង់បេរ៉ា៕

អត្ថបទ៖ សុខ សុវណ្ណ

ចុចអាន៖ រកឃើញ Black Hole កំណាច មួយថ្ងៃ ស៊ីផ្កាយអស់មួយ និងភ្លឺជាងព្រះអាទិត្យ ៥០០ទ្រីលានដង 

The post រកឃើញ Black Hole មួយទៀត មានពណ៌ក្រហមឆ្អិនឆ្អៅ ធ្ងន់ជាងព្រះអាទិត្យ ៤០លានដង appeared first on Kampuchea Thmey Daily.

តាមការចេញផ្សាយដោយ​ Daily Mail, ដោយសារតែទំនាញដ៏មហិមារបស់វា  Balck Hole នេះកាន់តែរីកធំឡើងៗដោយលេបអ្វីនៅជិតៗ មិនថាជាផ្កាយ ភព និងសូម្បីតែប្រហោងខ្មៅផ្សេងទៀតនោះទេ។

វត្ថុដែលកំពុងទាញចូលទៅក្នុង J0529-4351 បង្កើតបានជាឌីសដ៏អស្ចារ្យ ដែលមានអង្កត់ផ្ចិតប្រាំពីរឆ្នាំពន្លឺ ហើយនោះគឺស្មើនឹងប្រហែល១៥០០០ដងនៃចម្ងាយពីព្រះអាទិត្យ ទៅភពណិបទូន។

J0529-4351 ត្រូវបានរកឃើញដោយក្រុមអ្នកវិទ្យាសាស្រ្តដឹកនាំដោយសាស្ត្រាចារ្យរង Christian Wolf នៅសាកលវិទ្យាល័យជាតិអូស្ត្រាលី (ANU) ក្នុងទីក្រុងកង់បេរ៉ា។

ទោះបីជាយ៉ាងណាក៏ដោយ លោកសាស្រ្តាចារ្យ Wolf អះអាងថា “Balck Hole នេះមិនមានអ្វីត្រូវខ្លាចទេព្រោះវាស្ថិតនៅឆ្ងាយពេកហើយ។ បើតាមការគណនា ចម្ងាយពីប្រព័ន្ធរបស់យើងទៅទីនោះ ត្រូវចាយពេលជាង ១២ពាន់លានឆ្នាំឯណោះ ទើបដល់”។

លោកបានប្រាប់ទស្សនាវដ្តី Nature Astronomy ថា ចំពោះមូលហេតុដែល J0529-4351 ទើបត្រូវបានគេប្រទះឃើញឥឡូវនេះ និងចាត់ទុកថាវាជាវត្ថុដែលភ្លឺបំផុតនៅក្នុងចក្រវាល គឺដោយសារតែចក្រវាល ពោរពេញទៅដោយ Black Hole ភ្លឺៗមិនងាយនឹងសម្គាល់។ អ្នក​ជំនាញ​រូប​នេះ​បន្ត​ថា តេឡេស្កុប​របស់​ពិភពលោក ត្រូវទទួលបន្ទុក​ផលិត​ទិន្នន័យ​យ៉ាង​ច្រើន​ដែល​ក្រុម​តារាវិទូ ត្រូវផលិត​ឧបករណ៍​រៀន​សូត្រទំនើបៗជាបន្តបន្ទាប់​ដើម្បី​មើល​វាឲ្យបានគ្រប់លក្ខណៈ។

គួរបញ្ជាក់ថា នេះគឺជា Balck Hole ដែលលូតលាស់លឿនបំផុតមិនធ្លាប់ត្រូវបានរកឃើញសោះដោយតេឡេស្កុបប្រវែងជាង២ម៉ែត្រ នៅមជ្ឈមណ្ឌល ANU Siding Spring Observatory។ បន្ទាប់មកក្រុមស្រាវជ្រាវ បានប្រើប្រាស់កែវយឺតដ៏ធំបំផុតមួយលើពិភពលោក ឈ្មោះ ESOVLT ដើម្បីបញ្ជាក់ពីលក្ខណៈពេញលេញនៃប្រហោងខ្មៅ និងវាស់រូបរាងរបស់វា៕

អត្ថបទ៖ សុខ សុវណ្ណ

ចុចអាន៖ ក្រុមតារាវិទូ មើលឃើញបាតុភូត Black Hole លេបផ្កាយ ដ៏កម្របំផុត

The post រកឃើញ Black Hole កំណាច មួយថ្ងៃ ស៊ីផ្កាយអស់មួយ និងភ្លឺជាងព្រះអាទិត្យ ៥០០ទ្រីលានដង  appeared first on Kampuchea Thmey Daily.

ព្រឹត្តិការណ៍នេះកើតឡើងនៅក្នុងកាឡាក់ស៊ី NGC 7392 ដែលស្ថិតនៅចម្ងាយប្រហែល ១៣៧ លានឆ្នាំពន្លឺពីផែនដី។

​គិតត្រឹមមកត្រឹមពេលនេះ មានតែ១ដងប៉ុណ្ណោះក្នុងចំណោម១០០ដងដែលព្រឹត្តិការណ៍ខាងលើឬ TDE ត្រូវបានក្រុម​តារាវិទូ​សង្កេតឃើញ ហើយលើកនេះគេបានមើលឃើញ​ពន្លឺ​ ​នៅ​ពេល Black Hole បញ្ចេញ​វិទ្យុសកម្ម​ដ៏​ច្រើន​សន្ធឹក​សន្ធាប់​ខណៈ​កំពុងលេបផ្កាយ។

យោងតាមសេចក្តីប្រកាសព័ត៌មានរបស់ MIT បានបញ្ជាក់ថា ព្រឹត្តិការណ៍ TDE បានប្រទះឃើញនៅក្នុងកាឡាក់ស៊ី NGC 7392 ហើយបានក្លាយជាព្រឹត្តិការណ៍ដែលគេមើលឃើញបានជិតបំផុតគិតត្រឹមបច្ចុប្បន្ន៕

ប្រែសម្រួល៖ Vann Vann

ប្រភព៖ Sputnik

ចុចអាន៖ លើកដំបូង! អ្នកវិទ្យាសាស្ត្រ បង្ហាញរូបភាពផ្ទាល់ឲ្យឃើញ Black Hole យក្ស ជះចេញកំសួលថាមពល

The post ក្រុមតារាវិទូ មើលឃើញបាតុភូត Black Hole លេបផ្កាយ ដ៏កម្របំផុត appeared first on Kampuchea Thmey Daily.

ក្រុមតារាវិទូសង្ឃឹមថា ការសង្កេតឃើញដ៏ល្អឥតខ្ចោះរបស់ពួកគេចំពោះវត្ថុដ៏ធំសម្បើមនៅចំកណ្តាលកាឡាក់ស៊ី Messier 87 (M87) នេះ អាចជួយបង្ហាញពីរបៀបដែល Black Hole ធ្វើសកម្មភាព និងបង្ហាញពីអ្វីដែលជំរុញឲ្យវា ជះចេញកំសួលថាមពលដ៏ខ្លាំងក្លា នៅទូទាំងកាឡាក់ស៊ី។

លោកវេជ្ជបណ្ឌិត Ru-Sen Lu អ្នកដឹកនាំក្រុមអ្នកសង្កេតការណ៍តារាសាស្ត្រសៀងហៃបាននិយាយថា “យើងដឹងថា កំសួលថាមពលត្រូវបានបញ្ចេញពីតំបន់ជុំវិញ Black Hole ប៉ុន្តែយើងនៅតែមិនយល់ច្បាស់ថាតើវាកើតឡើងយ៉ាងដូចម្តេច។ ដើម្បីសិក្សារឿងនេះដោយផ្ទាល់ យើងត្រូវសង្កេតមើលប្រភពដើមនៃកំសួលថាមពលនេះឲ្យបានជិតបំផុតតាមដែលអាចធ្វើទៅបាន ទៅនឹងប្រហោងខ្មៅ”។

គួរបញ្ជាក់ថា Black Hole យក្សនៅចំកណ្តាល M87 នេះគឺជារូបភាពដំបូងបង្អស់ដែលត្រូវបានថតផ្ទាល់ដោយមនុស្សជាតិ ហើយវាមានទំហំធំជាងព្រះអាទិត្យដល់ទៅ ៦.៥ពាន់លានដង និងស្ថិតនៅចម្ងាយ៥៥លានឆ្នាំពន្លឺពីផែនដី។

កាលពីមុន អ្នកវិទ្យាសាស្រ្តក៏ធ្លាប់ចាប់យករូបភាពនៃកំសួលថាមពល និង Black Hole ផងដែរប៉ុន្តែមិនធ្លាប់ថតជាប់រូបភាពទាំងពីរនេះក្នុងពេលតែមួយនោះទេ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ អ្នកវិទ្យាសាស្រ្ត រកឃើញ Black Hole មានទំហំធំជាងព្រះអាទិត្យ ៣០ពាន់លានដង

The post អ្នកវិទ្យាសាស្ត្រ បង្ហាញរូបភាពផ្ទាល់លើកដំបូង ឲ្យឃើញ Black Hole យក្ស ជះចេញកំសួលថាមពល appeared first on Kampuchea Thmey Daily.

លោកវេជ្ជបណ្ឌិត James Nightingale នៅសាកលវិទ្យាល័យ Durham នៃប្រទេសអង់គ្លេស ដែលដឹកនាំការសិក្សានេះនិយាយថា Black Hole នេះមានម៉ាសធំជាងព្រះអាទិត្យ ៣០ ពាន់លានដង ហើយប្រហោងខ្មៅនេះ ធំជាងកាឡាក់ស៊ីភាគច្រើននៅក្នុងសកលលោកទៅទៀត ។

លោកនិយាយថា “ប្រសិនបើអ្នកងើយមើលមេឃពេលយប់ ហើយរាប់ផ្កាយ និងភពទាំងអស់ដែលអ្នកអាចមើលឃើញ ហើយដាក់វានៅក្នុងចំណុចតែមួយ វានឹងស្មើត្រឹមតែមួយភាគរយប៉ុណ្ណោះនៃទំហំរបស់ប្រហោងខ្មៅនេះ”។

គួរបញ្ជាក់ថា ការ​រក​ឃើញ​នេះ​ត្រូវ​បាន​ចុះ​ផ្សាយ​ក្នុង​ទស្សនាវដ្តី Monthly Notices of Royal Astronomical Society ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ ត្រៀមខ្លួន! ព្យុះព្រះអាទិត្យ កំពុងបោះពួយសំដៅមកផែនដី វាយប្រហារមនុស្សលោក

The post អ្នកវិទ្យាសាស្រ្ត រកឃើញ Black Hole មានម៉ាសធំជាងព្រះអាទិត្យ ៣០ពាន់លានដង (មានវីដេអូ) appeared first on Kampuchea Thmey Daily.