ការធ្វើមាតុភូមិនិវត្តន៍នេះ ត្រូវបានរៀបចំឡើងដោយក្រសួងការបរទេសវៀតណាម ដោយមានការសម្របសម្រួលជាមួយក្រសួងសន្តិសុខសាធារណៈ បេសកកម្មការទូតរបស់វៀតណាមប្រចាំនៅមីយ៉ាន់ម៉ា និងថៃ ព្រមទាំងអាជ្ញាធរក្នុងស្រុករបស់មីយ៉ាន់ម៉ា និងថៃ ដែលពាក់ព័ន្ធ។

បុគ្គលទាំងនេះគឺជាក្រុមដំបូងក្នុងចំណោមក្រុមធំនៃជនជាតិវៀតណាមដែលកំពុងរង់ចាំការធ្វើមាតុភូមិនិវត្តន៍ពី តំបន់​ប្រជុំជន​ Myawaddy ប្រទេសមីយ៉ាន់ម៉ា។ ក្រសួងការបរទេសវៀតណាម​ក៏​កំពុងធ្វើការ​ជាមួយប្រទេសពាក់ព័ន្ធ ដើម្បី​ជួយសម្រួលដល់ការវិលត្រឡប់របស់ពលរដ្ឋដែលនៅសេសសល់ឱ្យបានឆាប់តាមដែលអាចធ្វើទៅបាន។

ក្រសួងការបរទេសវៀតណាមក៏បានជំរុញឱ្យពលរដ្ឋវៀតណាមប្រុងប្រយ័ត្នចំពោះការទៅធ្វើនៅបរទេសដែលសន្យាថា ការងារងាយស្រួលជាមួយប្រាក់ខែខ្ពស់ មិនទាមទារលក្ខណៈសម្បត្តិ កិច្ចសន្យា និងមិនមានបណ្តាញជ្រើសរើសផ្លូវការ។

ក្រសួងបានណែនាំដល់បុគ្គលទាំងឡាយឱ្យស្រាវជ្រាវឱ្យបានហ្មត់ចត់នូវព័ត៌មានលម្អិតអំពីការងារ ទីតាំង លិខិតសម្គាល់អ្នកជ្រើសរើស គោលនយោបាយធានារ៉ាប់រង និងអត្ថប្រយោជន៍ ព្រមទាំងពិគ្រោះជាមួយអាជ្ញាធរពាក់ព័ន្ធមុនពេលទទួល​យក​ការងារ​នៅក្រៅប្រទេស ដើម្បីចៀសវាងការក្លាយជាជនចំណាកស្រុកខុសច្បាប់។

​ចាប់​តាំងពី​ខែ​មករា​មក​​​ប្រតិបត្តិការ​សង្គ្រោះ​​​អ្នក​ធ្វើការ​នៅ​​​ល្បែង​អនឡាញ​​បាន​ជាច្រើន​ករណី។​ ប្រទេសថៃ ចិន និងមីយ៉ាន់ម៉ាកំពុងធ្វើការរួមគ្នាដើម្បីបិទ​មជ្ឈមណ្ឌល​​ឆបោកតាម​អនឡាញ​ (Call-Center) នៅតាមព្រំដែនថៃ-មីយ៉ាន់ម៉ា។

អាជ្ញាធរថៃកំពុងត្រួតពិនិត្យការជម្លៀស និងដំណើរការជាច្រើន ដោយកម្មករត្រូវបានបញ្ជូនពីមីយ៉ាន់ម៉ាទៅកាន់ប្រទេសថៃជាក្រុមតូចៗ ហើយធ្វើមាតុភូមិនិវត្តន៍បន្តទៅកាន់ប្រទេសផ្សេងៗ ដែលក្នុងនោះមានជនជាតិចិនច្រើនជាងគេ។

អង្គការសហប្រជាជាតិបានប៉ាន់ប្រមាណថា មនុស្សរហូតដល់១២ម៉ឺន​នាក់អាចកំពុងធ្វើការនៅក្នុងមជ្ឈមណ្ឌលបោកប្រាស់តាមអ៊ីនធឺណិត( Call-Center) ក្នុងប្រទេសមីយ៉ាន់ម៉ា ដែលក្រុមឧក្រិដ្ឋជនបានទាញយកផលប្រយោជន៍ពីអស្ថិរភាពនិងសង្គ្រាមស៊ីវិលដែលកំពុងបន្តក្នុងប្រទេសមីយ៉ាន់ម៉ា។ ​

អង្គការ​សហ​ប្រជាជាតិ ក៏​បាន​ឲ្យ​ដឹង​ថា មនុស្ស​១០​ម៉ឺន​នាក់​ទៀត​អាច​នឹង​ជាប់​​ក្នុង​ប្រទេស​កម្ពុជាពាក់ព័ន្ធនឹងករណីនេះ ខណៈ​រាប់​ពាន់​នាក់​ទៀត​នៅ​ក្នុង​កន្លែង​ស្រដៀង​គ្នា​នេះ​នៅ​ទូទាំង​អាស៊ីអាគ្នេយ៍៕

អត្ថបទ៖ ប៊ុន សុភាព

The post ជនជាតិ​វៀតណាម ៣៩​នាក់ធ្វើមាតុភូមិនិវត្តន៍​ពី​មីយ៉ាន់ម៉ា ដែលមាន​មណ្ឌលឆបោក​ច្រើន​ appeared first on Kampuchea Thmey Daily.

កងកម្លាំងឆ្មាំព្រំដែនរដ្ឋ Karen (BGF) ដែលមានសម្ព័ន្ធមិត្តរបស់របបយោធា បានផ្ទេរជនជាតិចិនចំនួន៣៦៥នាក់ទៀតដែល​ត្រូវបានជួយសង្គ្រោះពីកន្លែងឆបោកតាមប្រព័ន្ធអ៊ីនធឺណេតក្នុងសង្កាត់ Myawaddy នៃរដ្ឋ Karen ទៅ​ឱ្យ​អាជ្ញាធរ​ថៃកាលពីថ្ងៃព្រហស្បតិ៍។ ជនជាតិចិនទាំងនោះនឹង​ធ្វើ​ដំណើរ​ចូល​ទឹកដី​ថៃ តាមច្រក Mae Sot រួច​បន្ត​​ចេញទៅ​​ចិន។

BGF បានឃាត់ខ្លួនជនបរទេសចំនួន ៧៥២៣នាក់មកពីប្រទេសចំនួន ៣០ ក្នុងអំឡុងពេលនៃការបង្រ្កាបរបស់ខ្លួនលើក្រុមអ្នកឆបោកនៅ Myawaddy កាលពីខែមុន។ BGF បាននិយាយថា មានការពន្យារពេលក្នុងការផ្ទេរជនបរទេសពីប្រទេសដូចជា រូម៉ានី អ៊ូសបេគីស្ថាន កាមេរូន កុងហ្គោ អាល់ហ្សេរី និងទុយនីស៊ី ដែលមិនមានបេសកកម្មការទូតនៅក្នុងប្រទេសមីយ៉ាន់ម៉ា ឬប្រទេសថៃ។

គួរបញ្ជាក់ថា ប្រតិបត្តិការឆបោកតាមអ៊ីនធឺណិត (Call-Center) បានរីកដុះដាលនៅក្នុងតំបន់ព្រំដែនគ្មានច្បាប់របស់ប្រទេសមីយ៉ាន់ម៉ាអស់រយៈពេលជាច្រើនឆ្នាំ បានទាក់ទាញពលករបរទេសដោយសន្យាថានឹងធ្វើការងារដែលមានប្រាក់ខែខ្ពស់ ប៉ុន្តែចាប់ពួកគេធ្វើជាចំណាប់ខ្មាំង ហើយបង្ខំពួកគេឱ្យធ្វើការបោកប្រាស់តាមអ៊ីនធឺណិត។

អាជ្ញាធរ​ក្នុង​ប្រទេស​មីយ៉ាន់ម៉ា​ដែល​ស្ថិត​ក្រោម​សម្ពាធ​ពី​ប្រទេសចិន​​ជា​សម្ព័ន្ធមិត្ត​​​ដ៏ជិត​ស្និទ្ធ​ បាន​បង្ក្រាប​លើ​ប្រតិបត្តិការឆបោកក្នុង​ប៉ុន្មានខែ​ចុង​ក្រោយ​​ ជនបរទេសសរុបចំនួន៦១៦៣នាក់ដែលភាគច្រើនមកពីប្រទេសចិនត្រូវបានផ្ទេរទៅប្រទេសថៃចាប់តាំងពីថ្ងៃទី ២០ ខែកុម្ភៈ។

បើតាមអង្គការសហប្រជាជាតិបានប៉ាន់ប្រមាណថា មនុស្សរហូតដល់ ១២០ ០០០នាក់ ដែលភាគច្រើនជាបុរសជនជាតិចិន ប្រហែលជាកំពុងធ្វើការនៅក្នុង Call-Center នៅមីយ៉ាន់ម៉ាទាំងបង្ខំ៕

អត្ថបទ៖ ប៊ុន សុភាព

The post កងកម្លាំងឆ្មាំព្រំដែនរដ្ឋ Karen មីយ៉ាន់ម៉ាប្រគល់​ ជនជាតិចិន​​៣៦៥​នាក់​ឱ្យ​​ថៃ appeared first on Kampuchea Thmey Daily.

អ្នកនាំពាក្យក្រសួងការបរទេសលោកស្រី Pham Thu Hang បានបង្ហាញព័ត៌មាននេះនៅក្នុងសន្និសីទសារព័ត៌មានកាលពីថ្ងៃព្រហស្បតិ៍ នៅពេលសួរអំពីការការពារពលរដ្ឋ​វៀតណាម​ដែលត្រូវបានសង្គ្រោះ។ លោកស្រី​បាន​លើក​ឡើង​​ថា​ អាជ្ញាធរ​មីយ៉ាន់ម៉ា​បាន​ឃុំខ្លួន​ជនជាតិ​វៀតណាម​ជាច្រើន​នាក់​ជា​បណ្ដោះអាសន្ន​ពី​បទ​បំពាន​ច្បាប់​ចេញ​-ចូល បន្ទាប់​ពី​ការ​បង្ក្រាប​ប្រតិបត្តិការ​ឆបោក​តាម​អ៊ីនធឺណិត​នៅ​ក្រុង Myawaddy ជិត​ព្រំដែន​ថៃ។

ក្រសួងការបរទេសវៀតណាមកំពុងសម្របសម្រួលយ៉ាងជិតស្និទ្ធជាមួយភ្នាក់ងារក្នុងស្រុកដើម្បីផ្ទៀងផ្ទាត់អត្តសញ្ញាណបុគ្គលដែលត្រូវបានឃុំខ្លួន។ ទន្ទឹមនឹងនោះ ស្ថាប័នតំណាងរបស់វៀតណាមនៅមីយ៉ាន់ម៉ា និងថៃក៏ត្រូវបានបញ្ជាឱ្យបន្តធ្វើការជាមួយអាជ្ញាធរមូលដ្ឋាន ដើម្បីអនុវត្តវិធានការការពារឱ្យបានឆាប់រហ័ស និងរៀបចំការធ្វើមាតុភូមិនិវត្តន៍ប្រជាជន វៀតណាមទាំងនោះ។

គួរបញ្ជាក់ថា ប្រតិបត្តិការឆបោកតាមអ៊ីនធឺណិត (Call-Center) បានរីកដុះដាលនៅក្នុងតំបន់ព្រំដែនគ្មានច្បាប់របស់ប្រទេសមីយ៉ាន់ម៉ាអស់រយៈពេលជាច្រើនឆ្នាំ បានទាក់ទាញពលករបរទេសដោយសន្យាថានឹងធ្វើការងារដែលមានប្រាក់ខែខ្ពស់ ប៉ុន្តែចាប់ពួកគេធ្វើជាចំណាប់ខ្មាំង ហើយបង្ខំពួកគេឱ្យធ្វើការបោកប្រាស់តាមអ៊ីនធឺណិត។

អាជ្ញាធរ​ក្នុង​ប្រទេស​មីយ៉ាន់ម៉ា​ដែល​ស្ថិត​ក្រោម​សម្ពាធ​ពី​ប្រទេសចិន​​ជា​សម្ព័ន្ធមិត្ត​​​ដ៏ជិត​ស្និទ្ធ​ បាន​បង្ក្រាប​លើ​ប្រតិបត្តិការឆបោកក្នុង​ប៉ុន្មានខែ​ចុង​ក្រោយ​​ ដោយ​សង្គ្រោះ​បាន​​កម្មករ​សរុប​ប្រហែល៧០០០នាក់មកពីប្រទេសយ៉ាងតិច​២០ និង​ត្រូវបានដោះលែងក្នុងរយៈពេលប៉ុន្មានសប្តាហ៍ថ្មីៗនេះមានទាំងប្រជាជនប្រទេសជិតខាងដូចជា វៀតណាម ថៃ កម្ពុជា ផងដែរ តែភាគច្រើនជាជនជាតិចិន និងកំពុងស្នាក់នៅក្នុងជុំរុំ​បណ្តោះអាសន្ននៅព្រំដែនរវាងមីយ៉ាន់ម៉ានិង​ថៃ។

បើតាមអង្គការសហប្រជាជាតិបានប៉ាន់ប្រមាណថា មនុស្សរហូតដល់ ១២០ ០០០នាក់ ដែលភាគច្រើនជាបុរសជនជាតិចិន ប្រហែលជាកំពុងធ្វើការនៅក្នុង Call-Center នៅមីយ៉ាន់ម៉ាទាំងបង្ខំ៕

អត្ថបទ៖ ប៊ុន សុភាព

The post វៀតណាមស្នើឲ្យមីយ៉ាន់ម៉ាធានាសុវត្ថិភាពពលរដ្ឋខ្លួន​ដែលត្រូវ​បាន​ជួយសង្គ្រោះពី Call-Center appeared first on Kampuchea Thmey Daily.

យោងតាមរដ្ឋមន្ត្រីសម្របសម្រួលឥណ្ឌូណេស៊ីសម្រាប់កិច្ចការនយោបាយ និងសន្តិសុខ លោក Budi Gunawan បាន​និយាយថា ជនជាតិឥណ្ឌូណេស៊ី៤០០នាក់បានធ្វើមាតុភូមិនិវត្តន៍ពីប្រទេសថៃវិញកាលពីថ្ងៃអង្គារ ហើយយ៉ាងហោចណាស់​១៥៤នាក់នឹងធ្វើមាតុភូមិនិវត្តន៍នៅថ្ងៃពុធនេះ។

រដ្ឋាភិបាលឥណ្ឌូណេស៊ីបានសហការជាមួយរដ្ឋាភិបាលថៃ និងរដ្ឋាភិបាលចិនសម្រាប់ការជួយសង្គ្រោះ​និងធ្វើមាតុភូមិនិវត្តន៍​ជនជាតិឥណ្ឌូណេ​ស៊ីចំនួន​៥៥៤​នាក់ មានបុរស៤៤៩ នាក់និងស្ត្រី១០៥​នាក់ដែលជាជនរងគ្រោះនៃការឆបោកតាមអ៊ីនធឺណិតទ្រង់ទ្រាយធំ នៅក្នុងទីក្រុង Myawaddy ជិតព្រំដែនថៃ។

ជនរងគ្រោះទាំងនោះបានជួបប្រទះនឹងសម្ពាធផ្សេងៗដូចជា អំពើហិង្សាលើរាងកាយ ដូចជាការវាយដំ និងការឆក់ខ្សែភ្លើង រួមទាំងគំរាមកំហែងយកសរីរាង្គរបស់ពួកគេចេញទៀតផង។

អាជ្ញាធរ​ក្នុង​ប្រទេស​មីយ៉ាន់ម៉ា​ដែល​ស្ថិត​ក្រោម​សម្ពាធ​ពី​ប្រទេសចិន​​ជា​សម្ព័ន្ធមិត្ត​​​ដ៏ជិត​ស្និទ្ធ​ បាន​បង្ក្រាប​លើ​ប្រតិបត្តិការឆបោកក្នុង​ប៉ុន្មានខែ​ចុង​ក្រោយ​​ ដោយ​សង្គ្រោះ​បាន​​កម្មករ​សរុប​ប្រហែល៧០០០នាក់មកពីប្រទេសយ៉ាងតិច​២០ និង​ត្រូវបានដោះលែងក្នុងរយៈពេលប៉ុន្មានសប្តាហ៍ថ្មីៗនេះ ដែលភាគច្រើនជាជនជាតិចិន និងកំពុងស្នាក់នៅក្នុងជំរំបណ្តោះអាសន្ននៅព្រំដែនរវាងមីយ៉ាន់ម៉ានិង​ថៃ។

គួរបញ្ជាក់ថាប្រតិបត្តិការឆបោកតាមអ៊ីនធឺណិត (Call-Center) បានរីកដុះដាលនៅក្នុងតំបន់ព្រំដែនគ្មានច្បាប់របស់ប្រទេសមីយ៉ាន់ម៉ាអស់រយៈពេលជាច្រើនឆ្នាំ បានទាក់ទាញពលករបរទេសដោយសន្យាថានឹងធ្វើការងារដែលមានប្រាក់ខែខ្ពស់ ប៉ុន្តែចាប់ពួកគេធ្វើជាចំណាប់ខ្មាំង ហើយបង្ខំពួកគេឱ្យធ្វើការបោកប្រាស់តាមអ៊ីនធឺណិត។

ប្រជាជនឥណ្ឌូណេស៊ីរាប់ពាន់នាក់ត្រូវបានទាក់ទាញឲ្យទៅធ្វើការនៅទៅកាន់ប្រទេសអាស៊ីអាគ្នេយ៍ក្នុងរយៈពេលប៉ុន្មានឆ្នាំចុងក្រោយនេះ ដើម្បីទទួលប្រាក់ខែប្រសើរជាងមុន តែត្រូវបានចាញ់បោកប្រតិបត្តិករឆបោកឆ្លងដែន។

រវាងឆ្នាំ ២០២០ដល់ខែកញ្ញាឆ្នាំមុន ទីក្រុងហ្សាកាតាបានធ្វើមាតុភូមិនិវត្តន៍ជនជាតិឥណ្ឌូណេស៊ីជាង ៤៧០០នាក់ដែលជាប់ពាក់ព័ន្ធក្នុងប្រតិបត្តិការបោកប្រាស់តាមប្រព័ន្ធអ៊ីនធឺណេតពីប្រទេសនានារួមទាំងប្រទេសកម្ពុជា មីយ៉ាន់ម៉ា ឡាវ និងវៀតណាម នេះបើយោងតាមទិន្នន័យរបស់ក្រសួងការបរទេស។

បើតាមអង្គការសហប្រជាជាតិបានប៉ាន់ប្រមាណថាមនុស្សរហូតដល់ ១២០០០០នាក់ ដែលភាគច្រើនជាបុរសជនជាតិចិន ប្រហែលជាកំពុងធ្វើការនៅក្នុង Call-Center នៅមីយ៉ាន់ម៉ាទាំងងបង្ខំ៕

អត្ថបទ៖ ប៊ុន សុភាព

The post ​ប្រជាជន​ឥណ្ឌូណេស៊ី៥០០​នាក់​ត្រូវ​​ចាប់​បញ្ជូន​ទៅ​​ស្រុក​វិញ​​​ពី​មីយ៉ាន់​​រយៈពេល​២ថ្ងៃ​​​ appeared first on Kampuchea Thmey Daily.

កាលពីថ្ងៃទី១១ខែមីនា ជនជាតិឥណ្ឌានិងម៉ាឡេស៊ី២៩១នាក់ដែល​សមត្ថកិច្ច​​​បង្ក្រាប​​និង​រំដោះ​ពី​Call-Center នៅ​មីយ៉ាន់ម៉ា​ត្រូវបានផ្ទេរឆ្លងកាត់ស្ពានមិត្តភាពមីយ៉ាន់ម៉ា-ថៃ​ទី២។ ពិធីប្រគល់នេះមានការចូលរួមពីមន្ត្រីរដ្ឋាភិបាលរដ្ឋ Kayin របស់មីយ៉ាន់ម៉ា ស្ថានកុងស៊ុលឥណ្ឌាប្រចាំប្រទេសថៃ ស្ថានទូតម៉ាឡេស៊ីប្រចាំទីក្រុង Yangon និងមន្ត្រីអន្តោប្រវេសន៍មកពីខេត្ត​ Tak ប្រទេសថៃ។ មន្ត្រីមីយ៉ាន់ម៉ាក៏បានប្រគល់​នូវឯកសារចាំបាច់សម្រាប់ដំណើរការធ្វើមាតុភូមិនិវត្តន៍ផងដែរ។

ជាមួយគ្នានេះ នៅថ្ងៃដដែលនោះ ជនបរទេសចំនួន​២៤៧នាក់ ដែលបានចូលមកខុសច្បាប់នៅតំបន់ Myawaddy-Maehtawthalay ត្រូវបានគេកំណត់អត្តសញ្ញាណ និងឃាត់ខ្លួន។ កិច្ចខិតខំប្រឹងប្រែងនេះកំពុងដំណើរការដើម្បីប្រមូលព័ត៌មានផ្ទាល់ខ្លួនរបស់ពួកគេ ដើម្បីជួយសម្រួលដល់ការធ្វើមាតុភូមិនិវត្តន៍ឲ្យបានឆាប់រហ័សទៅកាន់ប្រទេសពួកគេរៀងៗខ្លួនវិញ។

គួរបញ្ជាក់ថាចាប់ពីថ្ងៃទី៣០ខែមករា ដល់ថ្ងៃទី១១ខែមីនា ជនបរទេសសរុបចំនួន៥៤៤៦នាក់ដែលបានចូលប្រទេស​មីយ៉ាន់ម៉ា​ដោយខុសច្បាប់ត្រូវបានកំណត់អត្តសញ្ញាណ និងឃាត់ខ្លួន។ ក្នុង​នោះ​មាន​ចំនួន ២៧៦៣​នាក់ ត្រូវ​បាន​បញ្ជូន​ទៅ​ប្រទេស​កំណើត​វិញ​តាម​រយៈ​ប្រទេស​ថៃ។ នៅសល់ ២៦៨៣នាក់ កំពុងត្រូវបានរៀបចំសម្រាប់ការផ្ទេរ និងកំពុងត្រូវបាន​​ដាក់​នៅ​ទីតាំង​ប្រមូលផ្តុំ​​​ថែទាំ​​​។

ប្រតិបត្តិការនេះគឺជាផ្នែកមួយនៃកិច្ចសហប្រតិបត្តិការត្រីភាគីរវាងមីយ៉ាន់ម៉ា ចិន និងថៃ ក្នុងគោលបំណងរុះរើបណ្តាញ​បោកប្រាស់​តាមអ៊ីនធឺណិត និងបណ្តាញល្បែងអនឡាញ រួមទាំងអ្នកនៅពីក្រោយគម្រោងទាំងនេះ។ បន្ថែមពីលើនេះ កិច្ច​ខិតខំប្រឹងប្រែងនេះក៏ជួយដល់ជនបរទេសដែលមានទុក្ខលំបាក រួមទាំងជនរងគ្រោះពីការជួញដូរមនុស្ស តាមរយៈការសម្របសម្រួលការធ្វើមាតុភូមិនិវត្តន៍ភ្លាមៗដោយសហការជាមួយប្រទេសពាក់ព័ន្ធ៕

អត្ថបទ៖ ប៊ុន សុភាព

The post ​មីយ៉ាន់​ម៉ាប្រគល់​ជនជាតិ​ឥណ្ឌានិងម៉ាឡេស៊ី​២៩១​នាក់ ​និងឃាត់ខ្លួន២៤៧នាក់ថ្មីទៀត​​ appeared first on Kampuchea Thmey Daily.

ជនជាតិឥណ្ឌាទាំងនោះស្ថិតក្នុងចំណោមជនបរទេសរាប់ពាន់នាក់ដែល​ធ្លាប់​ធ្វើ​ការ​ឲ្យ​ Call- Center នៅ KK Park នៅជិតព្រំដែនថៃ-មីយ៉ាន់ម៉ា ដែលភាគច្រើនដំណើរការដោយក្រុមអ្នកលេងចិន។

ក្រសួងកិច្ចការបរទេសថៃ​​ (MEA) បានបញ្ជាក់ថា ជនបរទេសចំនួន៧,១៤១នាក់ កំពុងត្រូវបានធ្វើមាតុភូមិនិវត្តន៍ទៅកាន់ប្រទេសកំណើតរបស់ពួកគេ​ដោយ​ឆ្លង​​កាត់​​ប្រទេសថៃ។ ក្នុង​នោះ មាន​ជនជាតិ​ចិន​ចំនួន​៤.៨៦០​នាក់ ជនជាតិ​វៀតណាម មាន​៥៧២​នាក់ ឥណ្ឌាមាន​៥២៦​នាក់ និង​ជនជាតិអេត្យូពីមាន​៤៣០​នាក់​ ឥណ្ឌូណេស៊ីមាន​ ២៨៣នាក់ ម៉ាឡេស៊ី មាន​៧០នាក់ និងប៉ាគីស្ថាន​​មាន​៦៨នាក់។

ដំណើរការ​ធ្វើមាតុភូមិនិវត្តន៍នេះមានប្រជាជនមកពី ២៩ប្រទេស កំពុងត្រូវបានជួយ ខណៈមានប្រជាជនរហូតដល់ទៅ ៦៦​ប្រទេសធ្វើការនៅក្នុងកន្លែងឆបោកទាំងនេះ។

គួរបញ្ជាក់ថាប្រតិបត្តិការ​នេះ​ត្រូវ​បាន​គេ​រាយការណ៍​ថា​បាន​ធ្វើ​ឡើង​ដោយ​មាន​ការ​ការពារ​ពី​កងកម្លាំង​ឆ្មាំ​ព្រំដែន (BGF) គាំទ្រដោយយោធា​មីយ៉ាន់ម៉ា​ក្នុង​រដ្ឋ Karen ។

​អាជ្ញាធរ​ឥណ្ឌា​ក្នុង​ប្រទេស​មីយ៉ាន់ម៉ា និង​ថៃ​កំពុង​ធ្វើ​បេសកកម្ម​ជួយ​សង្គ្រោះ​នោះ ការ​ប៉ាន់​ប្រមាណ​បាន​បង្ហាញ​ថា មាន​មនុស្ស​ប្រហែល២ពាន់​នាក់មានវត្តមាននៅក្នុង Call-Center ទូទាំងប្រទេសមីយ៉ាន់ម៉ា។ ទោះយ៉ាងណាមានតែ ៥២៦​នាក់​ប៉ុណ្ណោះ ដែលបានយល់ព្រមចាកចេញ ខណៈអ្នកផ្សេងទៀតហាក់ដូចជាស្ម័គ្រចិត្តធ្វើការនេះនិងមិនព្រមចាកចេញត្រឡប់ទៅប្រទេសខ្លួនវិញទេ។

មកដល់ពេលនេះកិច្ចខិតខំប្រឹងប្រែងជួយសង្គ្រោះ និងការធ្វើមាតុភូមិនិវត្តន៍នៅតែបន្ត ហើយអាជ្ញាធរ​ឥណ្ឌា​នៅ​តែ​ចូលរួម​ក្នុង​ការ​ចរចា​ដើម្បី​ជួយ​ជនជាតិ​ខ្លួនបន្ថែម​ទៀត​ក្នុង​ការ​វិល​ត្រឡប់​មក​ប្រទេស​កំណើត​វិញ៕

អត្ថបទ៖​ ប៊ុន សុភាព

The post ជនជាតិឥណ្ឌាចំនួន​៥២៦នាក់ដែលធ្វើការឲ្យCall- Center នៅមីយ៉ាន់ម៉ា​នឹងបញ្ជូន​ទៅស្រុកវិញ​ appeared first on Kampuchea Thmey Daily.

ក្នុង​អំឡុងទស្សនកិច្ចនាពេលថ្មីៗនេះ ទៅកាន់ព្រំដែនកម្ពុជា-ថៃ ក្នុងខេត្តស្រះកែវ ឧបនាយករដ្ឋមន្ត្រីថៃ លោក Phumtham Vechayachai បានពិនិត្យមើលថាតើប្រទេសថៃនឹងឆ្លើយតបយ៉ាងណា ប្រសិនបើក្រុមជនឆបោក Call-center ត្រូវផ្លាស់ទីពីប្រទេសមីយ៉ាន់ម៉ាមកក្រុងប៉ោយប៉ែតប្រទេសកម្ពុជា។

លោកថា ការត្រៀមរៀបចំត្រូវបានធ្វើឡើងរួចហើយ ដើម្បីបង្អាក់ប្រតិបត្តិការឆបោកក្នុងតំបន់ ប៉ុន្តែលោកមិនអាចបញ្ជាក់បាន ថាតើវិធានការនេះដូចគ្នាដែលប្រើនៅតាមព្រំដែនមីយ៉ាន់ម៉ាឬយ៉ាងណានោះទេ ដោយសារស្ថានការណ៍នៅកម្ពុជាខុសគ្នា។

លោក បញ្ជាក់ថា សកម្មភាពទាំងនោះដែលរួមមានកាត់ផ្ដាច់ចរន្តអគ្គិសនី សេវាអ៊ីនធឺណិត និងប្រេងឥន្ធនៈមិនទាន់បានអនុវត្តនៅឡើយទេ ព្រោះលោកកំពុងរកពេលវេលាបន្ថែមទៀតសម្រាប់ការបន្តអនុវត្តវិធានការបច្ចុប្បន្ននៅក្នុងប្រទេស​មីយ៉ាន់ម៉ាសិន។

គួរបញ្ជាក់ថាប្រទេសថៃបានចាប់ផ្ដើមចំណាត់ការកាត់ផ្ដាច់ចរន្តអគ្គិសនី សេវាអ៊ីធឺណិតនិង ប្រេងឥន្ធនៈកាន់តំបន់តំបន់៣នៅតាមព្រំដែនមីយ៉ាន់ម៉ាថៃដើម្បីជាការគម្រាមឲ្យមីយ៉ាន់ម៉ាបង្ក្រាបក្រុមឆបោក Call-Center។ ជាលទ្ធផលមកដល់ពេលនេះថៃបានទទួលជនរងគ្រោះប្រមាណ៧០០០នាក់និងកំពុងដំណើរការធ្វើមាតុភូមិនិវត្តន៍ពួគគេទៅកាន់ប្រទេសកំណើតវិញ៕

អត្ថបទ៖ ប៊ុន សុភាព

The post ​ក្រោយ​ផ្តាច់​ភ្លើង​​និង​អ៊ីនធឺណិត​នៅ​ព្រំដែន​មីយ៉ាន់ម៉ា ថៃត្រៀម​ធ្វើ​ដូចគ្នា​នៅ​ព្រំដែន​កម្ពុជា​ appeared first on Kampuchea Thmey Daily.

ឧបនាយករដ្ឋមន្រ្តីថៃលោក Phumtham Wechayachai បានឲ្យដឹងថា ​កងទ័ព​ពុទ្ធសាសនា​ Karen ប្រជាធិបតេយ្យ (DKBA) បាន​បញ្ជូន​ជនរងគ្រោះ​ចំនួន ២៦១នាក់​មក​ប្រទេស​ថៃ​ដើម្បី​ធ្វើ​មាតុភូមិនិវត្តន៍។ ដំបូងបញ្ជូនជនបរទេសចំនួន ៥៣ នាក់តែប៉ុណ្ណោះ ដោយសារតែវាមិនមានលទ្ធភាពមើលថែពួកគេ ប៉ុន្តែក្រោយមកក្រសួងការពារជាតិបានបំភ្លឺថា ចំនួនបានកើនឡើងដល់ ២៦១នាក់។

ជនបរទេសចំនួន​៥៣នាក់ដែលមានឈ្មោះនៅក្នុងបញ្ជីដើមរួមមាន​ជនជាតិ​បង់ក្លាដែស អេត្យូពី កេនយ៉ា និងហ្វីលីពីន។ ពួកគេ​បាន​មក​ដល់​ស្រុក Phop Phra ខេត្ត Tak ប្រហែល​ម៉ោង ៤ និង ៣០ នាទី​រសៀល បន្ទាប់​ពី​ត្រូវ​បាន​គេ​ជួយ​សង្គ្រោះ​ពីតំបន់ KK Park និង​ទីក្រុង​កម្សាន្ត Shwe Kokko។

អាជ្ញាធរ​ថៃ​ បាន​និយាយ​ថា ជនបរទេស​ទាំង​នោះ​នឹង​ត្រូវ​បាន​សាក​សួរ និង​បញ្ជូន​ត្រឡប់​ទៅ​ប្រទេស​កំណើត​វិញ​ដោយ​មាន​ការ​សម្របសម្រួល​ពី​ស្ថានទូត​របស់​ពួកគេ​។ អាជ្ញាធរនឹងសាកសួរអ្នកទាំងអស់អំពីបទពិសោធន៍របស់ពួកគេ ឬការជាប់ពាក់ព័ន្ធដែលអាចកើតមានក្នុងការជួញដូរ និងពិនិត្យមើលប្រវត្តិរូប។

ប្រសិនបើពួកគេមិនមែនជាអ្នកបោកប្រាស់ទេ វានឹងចំណាយពេលពីបីសប្តាហ៍ទៅមួយខែដើម្បីរៀបចំបញ្ជូនពួកគេត្រឡប់ទៅប្រទេសកំណើតរបស់ពួកគេវិញ។ ចំណែក អ្នក​ផ្សេង​ទៀតដែលជាប់ពាក់ព័ន្ធ​អាច​នឹង​ត្រូវ​ឃុំ​ខ្លួន​ដើម្បី​ចាត់​ការ​តាម​ផ្លូវ​ច្បាប់។

ទោះយ៉ាងណារដ្ឋមន្ត្រីក្រសួងការពារជាតិលោក Phumtham ថា ៖«ក្រុមឆបោកកំពុងរៀបចំដោះលែងពលករដែលជាប់គាំង ហើយបញ្ជូនពួកគេមកប្រទេសថៃ ប៉ុន្តែប្រទេសថៃមិនអាចទទួលយកពួកគរបានទាំងអស់នោះទេ។ ប្រសិន​បើ​ប្រទេស​កំណើត​របស់​ពួកគេ​មិន​ទទួល​យក​ពួកគេ​ទេ ថៃ​នឹង​មិន​ទទួល​ពួកគេពី​ប្រទេស​មីយ៉ាន់ម៉ាឡើយ»។ លោកបានបន្ថែមថា ប្រទេសថៃនឹងមិនបង្កើតជំរុំជនភៀសខ្លួនសម្រាប់ជនបរទេសដែលមកពីមជ្ឈមណ្ឌលឆបោកនោះទេ។

រដ្ឋាភិបាលថៃក៏បានដាក់ពង្រាយកម្លាំងសន្តិសុខបន្ថែមទៀតនៅតាមព្រំដែនផងដែរ ដើម្បីដោះស្រាយរាល់លំហូរចូលនៃមនុស្សដែលត្រូវបានដោះលែងពី Call-Center។ ជាមួយគ្នានេះប្រទេសថៃនឹងបន្ធូរបន្ថយទណ្ឌកម្មលើការផ្តល់សេវាអ៊ីនធឺណិត ប្រេងឥន្ធនៈ និងអគ្គិសនី ប្រសិនបើមីយ៉ាន់ម៉ាបោកសម្អាតមជ្ឈមណ្ឌលបោកប្រាស់។

យោងតាមប្រភពនៅព្រំដែន ជនរងគ្រោះនៃការឆបោកតាម Call- Center ជាង១៧០០០នាក់ នៅតែស្ថិតក្នុងប្រទេសមីយ៉ាន់ម៉ា ក្នុងនោះប្រហែល ១ ម៉ឺន​នាក់​ជា​ជនជាតិ​ចិន ហើយ​អ្នក​នៅសល់​ជា​ជន​បរទេស​ផ្សេង​ទៀត៕

អត្ថបទ៖ ប៊ុន សុភាព

The post ក្រុម​ឆបោក​មីយ៉ាន់ម៉ា ដោះលែង​មនុស្ស ២៦១​នាក់ ក្រោយថៃផ្ដាច់អគ្គិសនី appeared first on Kampuchea Thmey Daily.