ឆ្នាំនេះ COVAX គ្រោងផ្តល់វ៉ាក់សាំងឲ្យបាន៥២០លានដូសទៅអាហ្វ្រិក

chean virakbot — Thu, 08 Jul 2021 23:30:00 +0000

កម្មវិធីចែកចាយវ៉ាក់សាំងសកល COVAX គ្រោងនឹងផ្តល់វ៉ាក់សាំងបង្ការកូវីដ-១៩ឲ្យបានចំនួន៥២០លានដូសទៅទ្វីបអាហ្វ្រិកនៅក្នុងឆ្នាំនេះ។ នេះជាការឲ្យដឹងពីប្រធានគម្រោងកាលពីថ្ងៃព្រហស្បតិ៍ ទី៨ ខែកក្កដា។

លោក Aurelia Nguyen នាយកគ្រប់គ្រងគម្រោង COVAX បានប្រាប់សន្និសីទសារព័ត៌មានដែលរៀបចំឡើងដោយអង្គការសុខភាពពិភពលោកប្រចាំតំបន់អាហ្វ្រិកថា រហូតដល់ពេលនេះ គម្រោងមិនសប្បាយចិត្តនឹងដំណើរការផ្គត់ផ្គង់វ៉ាក់សាំងរបស់ខ្លួនឡើយ ប៉ុន្តែថា ការផ្គត់ផ្គង់នឹងបង្កើនចាប់ពីខែកញ្ញា។

ផែនការផ្គត់ផ្គង់ត្រូវបានពន្យាពេលផ្នែកខ្លះដោយសារប្រទេសឥណ្ឌាបានរឹតត្បិតក្នុងការនាំចេញវ៉ាក់សាំងដែលបានរាំងស្ទះដល់គម្រោងដើម្បីទទួលបានវ៉ាក់សាំងពីវិទ្យាស្ថានឥណ្ឌា Serum ដែលជាស្ថាប័នផលិតវ៉ាក់សាំងបំផុតមួយក្នុងពិភពលោកដែលកំពុងផលិតវ៉ាក់សាំង AstraZeneca។

លោក Nguyen បានឲ្យដឹងថា រហូតដល់ពេលនេះ COVAX ទើបតែចែកចាយវ៉ាក់សាំងបង្ការកូវីដ-១៩បានចំនួន២៥លានដូសប៉ុណ្ណោះទៅកាន់ប្រទេសអាហ្វ្រិកចំនួន៤៤។

នៅត្រឹមបំណាច់ឆមាសទី១ ឆ្នាំ២០២២ គម្រោង COVAX គ្រោងនឹងបង្កើនការផ្គត់ផ្គង់ឲ្យបានជិត៨៥០លានដូសទៅទ្វីបអាហ្វ្រិកដែលជាកន្លែងមានអត្រាវ៉ាក់សាំងបង្ការកូវីដ-១៩ទាបជាងគេបំផុតក្នុងពិភពលោក។

កាលពីខែមីនា នាយកប្រតិបត្តិសម្ព័ន្ធវ៉ាក់សាំង Gavi ដែលជាអង្គការមួយសហការដឹកនាំគម្រោង COVAX បាននិយាយថា គម្រោងមានគោលដៅចែកចាយវ៉ាក់សាំងឲ្យបាន៧២០លានដូសទៅអាហ្វ្រិកនៅក្នុងឆ្នាំ២០២១។

លោក Nguyen បានឲ្យដឹងថា COVAX បានកំពុងពិភាក្សាជាមួយរដ្ឋាភិបាលឥណ្ឌា និងវិទ្យាស្ថានឥណ្ឌា Serum ដើម្បីបន្តទទួលបានវ៉ាក់សាំងនៅឆ្នាំនេះ បើទោះជាស្ថានភាពប្រែប្រួលក៏ដោយ៕

ប្រែសម្រួល៖ វីរបុត្រ
ប្រភព៖ Reuters

The post ឆ្នាំនេះ COVAX គ្រោងផ្តល់វ៉ាក់សាំងឲ្យបាន៥២០លានដូសទៅអាហ្វ្រិក appeared first on Kampuchea Thmey Daily.

WHO ដាក់កំហិតដល់ប្រទេសអ្នកមានចាំបាច់ត្រូវផ្ដល់វ៉ាក់សាំងភ្លាមៗដើម្បីសម្រេចគោលដៅ ២៥០ លានដូសត្រឹមខែកញ្ញា

Sok Chivon — Sat, 05 Jun 2021 02:42:22 +0000

អង្គការសុខភាពពិភពលោក (WHO) បាននិយាយកាលពីថ្ងៃសុក្រថា ប្រទេសអ្នកមានចាំបាច់ត្រូវ ផលិតវ៉ាក់សាំងការពារជំងឺកូវីដ ១៩ ភ្លាមៗ ដើម្បីផ្តល់ជូនឲ្យគ្រប់គោលដៅ នៃការឈានដល់ការចាក់ឲ្យបាន ១០ ភាគរយនៃប្រជាជនពិភពលោក ជាមួយនឹងវ៉ាក់សាំងចំនួន ២៥០ លានដូស នៅត្រឹមខែកញ្ញា ។

លោកវេជ្ជបណ្ឌិត Bruce Aylward ទីប្រឹក្សាជាន់ខ្ពស់របស់ WHO បានថ្លែងទៅកាន់អ្នកសារព័ត៌មាន នៅឯសន្និសីទសារព័ត៌មានរបស់ WHO នៅទីក្រុងហ្សឺណែវថា រហូតមកដល់ពេលនេះ មានតែវ៉ាក់សាំងមួយចំណែកប៉ុណ្ណោះ ដែលបានសន្យា ឬគ្រោងនឹងចែកចាយ ។

លោក Aylward បាននិយាយថា “WHO ចង់ឲ្យមានការចាក់វ៉ាក់សាំង យ៉ាងតិច ៣០ ទៅ ៤០ ភាគរយនៃពិភពលោក នៅឆ្នាំនេះ ហើយយើងត្រូវចាក់វ៉ាក់សាំងចំនួន ២៥០ លាននាក់ទៀត នៅចន្លោះពេលនេះ និងចុងខែកញ្ញា” ។

លោកវេជ្ជបណ្ឌិត Bruce Aylward

លោក Aylward ដែលក៏ជាប្រធានផ្នែកទទួលបន្ទុក ជំងឹកូវីដ ១៩ របស់ WHO បានបញ្ជាក់ថា វ៉ាក់សាំងចំនួន ២ ពាន់លានដូស ត្រូវបានចែកចាយទូទាំងពិភពលោក នៅក្នុងប្រទេសចំនួន ២១២ ហើយគម្រោង COVAX របស់ WHO បានចែកចាយវ៉ាក់សាំងដល់ ១២៧ ប្រទេស ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ អ្នកជំនាញ WHO បញ្ជាក់ច្បាស់ៗពីប្រភពដើមជំងឺកូវីដ ១៩ និងបដិសេធថាមិនមែនមនុស្សអ្នកបង្កើតឡើយ

ចុចអាន ៖ ក្រោយ WHO អនុម័តវ៉ាក់សាំងទាំងពីររួច ចិន ប្តេជ្ញាជួយពិភពលោកលែងឲ្យមានការបែងចែកវ៉ាក់សាំងដោយមិនស្មើភាពគ្នា

The post WHO ដាក់កំហិតដល់ប្រទេសអ្នកមានចាំបាច់ត្រូវផ្ដល់វ៉ាក់សាំងភ្លាមៗដើម្បីសម្រេចគោលដៅ ២៥០ លានដូសត្រឹមខែកញ្ញា appeared first on Kampuchea Thmey Daily.

COVAX Archives - Kampuchea Thmey Daily

ឆ្នាំនេះ​ COVAX​ គ្រោង​ផ្តល់​វ៉ាក់​សាំង​ឲ្យ​បាន​៥២០​លាន​ដូស​ទៅអាហ្វ្រិក

WHO ដាក់កំហិតដល់ប្រទេសអ្នកមានចាំបាច់ត្រូវផ្ដល់វ៉ាក់សាំងភ្លាមៗដើម្បីសម្រេចគោលដៅ ២៥០ លានដូសត្រឹមខែកញ្ញា

ឆ្នាំនេះ COVAX គ្រោងផ្តល់វ៉ាក់សាំងឲ្យបាន៥២០លានដូសទៅអាហ្វ្រិក