អ្នកជំនាញ WHO បញ្ជាក់ច្បាស់ៗពីប្រភពដើមជំងឺកូវីដ ១៩ និងបដិសេធថាមិនមែនមនុស្សអ្នកបង្កើតឡើយ

អ្នកវិទ្យាសាស្ត្រខាងភាគល្អិតរុស្ស៊ី និងជាអ្នកជំនាញនៅឯ អង្គការសុខភាពពិភពលោក (WHO) លោក Dmitry Lvov បាននិយាយថា ការព្រួយបារម្ភអំពីប្រភពដើម នៃជំងឺកូវីដ ១៩ ដែលថាមនុស្សជាអ្នកបង្កើត មិនមានតម្លៃនោះទេ ។

លោកបាននិយាយថា “កូវីដ ១៩ គឺជាវីរុសដែលមានទំនាក់ទំនង ជាមួយសត្វប្រចៀវ ។ អ្នកនឹងឆ្លងមេរោគ បើសិនអ្នកនៅក្នុងបន្ទប់ ដែលមានសត្វប្រចៀវ រស់នៅពេលយប់ ឬនៅក្នុងរូងភ្នំ ដែលមានសត្វប្រចៀវរស់នៅច្រើន” ។

លោក Lvov បានប្រាប់កម្មវិធីទូរទស្សន៍ របស់ប្រទេសរុស្ស៊ីកាលពីសប្តាហ៍មុនថា វីរុសប្រហែល ១៥០ បានឆ្លងទៅមនុស្សពីសត្វ ក្នុងអំឡុងពេល នៃការធ្វើចិញ្ចឹមសត្វព្រៃ ។

លោកបានបន្ថែមថា “មនុស្សម្នាក់អាចបរិភោគសាច់ខ្លះពីសត្វ ដែលមានទំនាក់ទំនងអេកូឡូស៊ីបរិស្ថានមិនល្អ ជាមួយសត្វប្រចៀវ ដូច្នេះវាក្លាយជាប្រភពដំបូងនៃការបង្ករោគ” ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ ក្រោយ WHO អនុម័តវ៉ាក់សាំងទាំងពីររួច ចិន ប្តេជ្ញាជួយពិភពលោកលែងឲ្យមានការបែងចែកវ៉ាក់សាំងដោយមិនស្មើភាពគ្នា

ចុចអាន ៖ មេ WHO ព្រមានថា ពិភពលោកនឹងបន្តជួប “វីរុសដែលសាហាវជាងនេះ” ទាំងការឆ្លង និងស្លាប់ នាពេលខាងមុខ