CTT Archives - Kampuchea Thmey Daily

អធិជ័យ ច័ន្ទរាជ្យ នាំពានរង្វាន់លើកទី១ ចូលក្លឹបក្នុងអាជីពប្រដាល់ និងមិនភ្លេចគុណលោក ហ៊ុន ច័ន្ទរាជ្យ

Sina Noun — Mon, 25 May 2026 08:57:53 +0000

កីឡាករ អធិជ័យ ច័ន្ទរាជ្យ បង្ហាញអារម្មណ៍ត្រេកអរជាខ្លាំងក្រោយឈ្នះពានរង្វាន់លើកទី១ ក្នុងអាជីពប្រដាល់រយៈពេល ៤-៥ឆ្នាំកន្លងមកនេះ និងមិនភ្លេចឡើយគុណបំណាច់លោក ហ៊ុន ច័ន្ទរាជ្យ ដែលបានបង្ហាត់បង្រៀនផ្តល់កន្លែងស្នាក់នៅហ្វឹកហាត់។

អធិជ័យ ច័ន្ទរាជ្យ ពេលឈ្នះពាន

អធិជ័យ ច័ន្ទរាជ្យ បានលើកឡើងថា រូបគេពិតជាសប្បាយចិត្តជាខ្លាំងដែលអាចឈ្នះពានរង្វាន់ជាលើកទី១ ក្រោយចូលហ្វឹកហាត់ប្រដាល់នេះប្រហែល ៤-៥ឆ្នាំកន្លងទៅនេះ។ រូបគេតែងតែធ្វើឲ្យគ្រូខកចិត្តចំពោះការប្រកួតកន្លងមក ប៉ុន្តែឥលូវនេះធ្វើបានល្អវិញហើយ និងឈ្នះពានថែមទៀតផង។

ពានរង្វាន់ ៤ Man លើវិញ្ញាសារ Kick Boxing នេះរូបគេសុំជូនទៅលោក ហ៊ុន ច័ន្ទរាជ្យ លោក ជា នាគា លោកគ្រូ រិន សារ័ត្ន ដែលបានបង្ហាត់បង្រៀនអស់រយៈពេលជាច្រើនឆ្នាំមកនេះ។ ការផ្ដល់នៅទីកន្លែងហ្វឹកហាត់ និងការផ្ដល់ឱកាសជាបន្តបន្ទាប់ចំពោះរូបគេ ឥលូវនេះបានសម្រេចបំណងដែលចង់ឈ្នះសមិទ្ធផលជូនក្លឹប និងលោក ហ៊ុន ច័ន្ទរាជ្យ ដែលជាគ្រូវិញហើយ។

អធិជ័យ ច័ន្ទរាជ្យ ពេលឈ្នះពាន

បញ្ជាក់ដែរថា កីឡាករ អធិជ័យ ច័ន្ទរាជ្យ កាលពីថ្ងៃទី២៤ ខែឧសភា ឆ្នាំ២០២៦ នេះរូបគេបានប្រកួតឈ្នះពានរង្វាន់ ១គ្រឿងក្នុងកម្មវិធី ៤ Man លើវិញ្ញាសារ Kick Boxing ទម្ងន់ ៦០គីឡូក្រាមនៅសង្វៀនថោន។ នេះជាពានរង្វាន់ទី១ សម្រាប់រូបគេបន្ទាប់ពីមករួមរស់នៅក្លឹប Cambodian Top Team ដើម្បីសិក្សាបរិញ្ញាបត្រផង និងហ្វឹកហាត់ប្រដាល់ផង៕

អត្ថបទដោយ នួន ស៊ីណា

The post អធិជ័យ ច័ន្ទរាជ្យ នាំពានរង្វាន់លើកទី១ ចូលក្លឹបក្នុងអាជីពប្រដាល់ និងមិនភ្លេចគុណលោក ហ៊ុន ច័ន្ទរាជ្យ appeared first on Kampuchea Thmey Daily.

ណារ៉ាន់តាន់ ច័ន្ទរាជ្យ៖ ប៉ាខ្ញុំគាត់ស្រឡាញ់ចូលចិត្តប្រដាល់ ប៉ុន្តែមិនចង់ឲ្យកូនហាត់នោះទេ

Sina Noun — Wed, 13 May 2026 08:32:23 +0000

សិស្សនៃក្លឹបប្រដាល់ Cambodian Top Team កីឡាករ ណារ៉ាន់តាន់ ច័ន្ទរាជ្យ ថាប៉ារបស់ខ្លួនស្រឡាញ់ និងចូលចិត្តវិស័យប្រដាល់គុនខ្មែររហូតមក ប៉ុន្តែមិនឲ្យកូនចូលហ្វឹកហាត់ ឬប្រកួតនោះឡើយបារម្ភពីការបែកបាក់ដោយចៃដន្យផ្សេងៗ។

កីឡាករ ណារ៉ាន់តាន់ ច័ន្ទរាជ្យ

ណារ៉ាន់តាន់ ច័ន្ទរាជ្យ បានឲ្យដឹងថា ការចូលចាប់អាជីពប្រដាល់គុនខ្មែរនេះបានប្រាប់ក្រុមគ្រួសារខ្លះៗដែរ។ ដោយសារតែប៉ាម៉ាក់មិនគាំទ្រចំពោះការចង់ចាប់អាជីពប្រដាល់នេះទេ ព្រោះបារម្ភពីការឈឺខ្លួន ឬមានការបែកបាក់ដោយចៃដន្យណាមួយ។

កីឡាកររូបនេះបន្ថែមទៀតថា មែនទែនទៅប៉ារបស់ខ្លួនជាអ្នកស្រឡាញ់គាំទ្រ និងតាមដានមួយរូបនៅកម្ពុជា។ ការលួចចូលមកហ្វឹកហាត់ប្រដាល់នេះគឺប៉ាម៉ាក់មិនបានដឹងច្បាស់នោះឡើយរហូតរូបគេបានប្រកួត ២-៣ប្រកួតរួចហើយទើបប្រាប់បញ្ជាក់ និងបង្ហាញវីដេអូរបស់ខ្លួន។ អំឡុងពេលនៅរៀនវិទ្យាល័យឯខាងភ្នំបាសិតនោះរូបគេក៏ធ្លាប់ប្រាប់ក្រុមគ្រួសារខ្លះៗដែរ ប៉ុន្តែមិនសូវមានអ្នកចាប់អារម្មណ៍ និងបានគិតថាត្រឹមនិយាយលេងនោះទេ។

កីឡាករ ណារ៉ាន់តាន់ ច័ន្ទរាជ្យ

កូនសិស្សលោក ហ៊ុន ច័ន្ទរាជ្យ រូបនេះបន្ថែមទៀតថា ឥលូវនេះមានការយល់ព្រមពីក្រុមគ្រួសារហើយ ប៉ុន្តែក៏មានការបារម្ភខ្លះៗដែរ។ យ៉ាងណាលោកប៉ារបស់ខ្លួនតែងតែប្រាប់ឲ្យខំប្រឹងប្រែង និងបានប្រាប់ពីចំណុចល្អនៃការប្រកតរបស់អ្នកផ្សេងៗដើម្បីឲ្យយកទៅពង្រឹងសមត្ថភាពបន្ថែមទៀត។

កីឡាករ ណារ៉ាន់តាន់ ច័ន្ទរាជ្យ

បញ្ជាក់ដែរថា ណារ៉ាន់តាន់ ច័ន្ទរាជ្យ ពីមុនមកធ្លាប់ហ្វឹកហាត់ជាមួយលោក ផាត សូដា នៅឯភ្នំបាសិតដែលមានទីតាំងជិតផ្ទះនោះបានប្រហែល ១សប្ដាហ៍ដែរ។ ដោយសារតែខ្លួនបានបញ្ចប់បាក់ឌុប និងចង់រៀនបន្តនៅភ្នំពេញក៏សម្រេចសុំគ្រូចាកចេញដើម្បីរៀនបន្តផង និងរកក្លឹបហ្វឹកហាត់ដែលនៅជិតៗនោះផង។ រូបគេចូលមករួមរស់នៅក្លឹបប្រដាល់ Cambodian Top Team នេះអំឡុងដើមឆ្នាំ២០២៥ រហូតដល់ពេលនេះ។ កូនអ្នកប្រសិទ្ធិរូបគេប្រកួតបានជាង ២០ដងហើយ និងមានសមត្ថភាពប្រកួតល្អថែមទៀតផង៕

កីឡាករ ណារ៉ាន់តាន់ ច័ន្ទរាជ្យ

អត្ថបទដោយ៖ នួន ស៊ីណា

The post ណារ៉ាន់តាន់ ច័ន្ទរាជ្យ៖ ប៉ាខ្ញុំគាត់ស្រឡាញ់ចូលចិត្តប្រដាល់ ប៉ុន្តែមិនចង់ឲ្យកូនហាត់នោះទេ appeared first on Kampuchea Thmey Daily.

អធិជ័យ ច័ន្ទរាជ្យ៖ ក្លឹបប្រដាល់ CTT ជួយឲ្យខ្លួនមិនអស់ថ្លៃជួលផ្ទះ និងបានរៀនបញ្ចប់បរិញ្ញាបត្រច្បាប់

Sina Noun — Thu, 07 May 2026 05:10:17 +0000

អ្នកប្រដាល់គុនខ្មែរ និងគុនចម្រុះ អធិជ័យ ច័ន្ទរាជ្យ ថាក្លឹបប្រដាល់ Cambodian Top Team (CTT) បានជួយខ្លួនបានច្រើនតាំងតែពីដំបូងម្ល៉េះ ពោលជួយដល់ផ្ដល់កន្លែងស្នាក់នៅដោយមិនចាំបាច់ជួលផ្ទះ និងអាចរកថវិកាជួយដល់ការសិក្សាបញ្ចប់បរិញ្ញាបត្រច្បាប់ទៀតផង។

កីឡាករ អធិជ័យ ច័ន្ទរាជ្យ

កីឡាករ អធិជ័យ ច័ន្ទរាជ្យ បានឲ្យដឹងថា បន្ទាប់ពីចប់វិទ្យាល័យឯស្រុកកំណើត និងត្រូវបន្តការសិក្សាបរិញ្ញាបត្រផ្នែកច្បាប់ថែមទៀតនោះរូបគេក៏សម្រេចឡើងមករាជធានីភ្នំពេញ។ ដោយសារតែដឹងពីការត្រូវចំណាយច្រើនលើការសិក្សាបរិញ្ញាបត្រនេះ និងការរស់នៅប្រចាំថ្ងៃ អធិជ័យ បានរកដំណោះស្រាយផ្សេងៗរហូតសម្រេចចូលហាត់ប្រដាល់។

កីឡាករ អធិជ័យ ច័ន្ទរាជ្យ

អ្នកខេត្តឧត្តរមានជ័យខាងលើនេះបន្ថែមទៀតថា ដោយសារតែខ្លួនស្រឡាញ់ប្រដាល់ផង និងយល់ឃើញថាកីឡាមួយនេះល្អអាចជួយជ្រោមជ្រែងខ្លួនដល់ការរស់នៅប្រចាំថ្ងៃ និងអាចបន្តការសិក្សាផងទើបសម្រេចសុំលោក ហ៊ុន ច័ន្ទរាជ្យ មកចូលហ្វឹកហាត់នៅក្លឹបប្រដាល់ Cambodian Top Team ដល់សព្វថ្ងៃនេះ។

លោក ហ៊ុន ច័ន្ទរាជ្យ

ក្លឹបប្រដាល់នេះជួយខ្លួនបានច្រើនដូចជាការស្នាក់នៅ ហូបចុក និងការផ្ដល់អាជីពប្រដាល់ដែលអាចរកប្រាក់ចំណូលបានថែមទៀត។ រូបគេមិនចាំបាច់ចំណាយលុយលើការជួលផ្ទះរស់នៅនោះទេចាប់តាំងពីចូលរៀននៅសកលវិទ្យាល័យអំឡុងឆ្នាំ២០២១ រហូតមកដល់ពេលបច្ចុប្បន្ននេះ។ បើទោះជាមិនសូវល្បីឈ្មោះ និងបានប្រកួតច្រើនដូចកីឡាករដទៃ ប៉ុន្តែកីឡាកររូបនេះអាចយកជំនាញខាងប្រដាល់មកបង្ហាត់សិស្សរកចំណូលបានមួយផ្នែកទៅជួយផ្គត់ផ្គង់ការបង់ថ្លៃសាលាផង និងអាចជួយដល់ក្រុមគ្រួសារឯស្រុកកំណើតផង។ រូបគេក៏មានលទ្ធភាពទិញសម្ភារប្រើប្រាស់ផ្សេងៗដូចជាម៉ូតូដោយថវិកាខ្លួនឯង។ ដូច្នេះហើយក្លឹបប្រដាល់ CTT ជាកន្លែងដែលជួយខ្លួនឲ្យបានបញ្ចប់ការសិក្សាបរិញ្ញាបត្រ និងជួយឲ្យខ្លួនបានរស់នៅដោយមិនអស់ថវិកា មានជំនាញច្បាស់លាស់រហូតក្លាយជាអ្នកប្រដាល់មួយរូបក្នុងវិស័យគុនខ្មែរ និងគុនចម្រុះរហូតដល់ពេលនេះ។

កីឡាករ អធិជ័យ ច័ន្ទរាជ្យ

បញ្ជាក់ដែរថា អធិជ័យ ច័ន្ទរាជ្យ បានមករួមរស់ជាមួយក្លឹបប្រដាល់ CTT របស់លោក ហ៊ុន ច័ន្ទរាជ្យ អំឡុងឆ្នាំ២០២១ រហូតមកដល់ពេលបច្ចប្បន្ននេះ។ រូបគេបានបញ្ចប់ការសិក្សាបរិញ្ញាបត្រច្បាប់ជាងមួយឆ្នាំមកហើយ និងមានគម្រោងបន្តថ្នាក់អនុបណ្ឌិតនៅពេលខាងមុខទៀតដែរ។ កូនសិស្សលោក ហ៊ុន ច័ន្ទរាជ្យ រូបគេដោយសារតែជាប់ការសិក្សាផង និងបង្ហាត់សិស្សបែបសុខភាពផងធ្វើឲ្យរូបគេមិនសូវបានឡើងប្រកួតតាមស្ថានីយទូរទស្សន៍នោះឡើយ។ រូបគេអាចប្រកួតគុនខ្មែរផង និងប្រកួតគុនចម្រុះផង។ បច្ចប្បន្ននេះអ្នកប្រដាល់ម្នាក់នេះក៏ជាប់ជាកីឡាករជម្រើសជាតិផ្នែកគុនចម្រុះផងដែរ៕

អធិជ័យ ច័ន្ទរាជ្យ ពេលឈ្នះនៅវៀតណាម

អត្ថបទដោយ៖ នួន ស៊ីណា

The post អធិជ័យ ច័ន្ទរាជ្យ៖ ក្លឹបប្រដាល់ CTT ជួយឲ្យខ្លួនមិនអស់ថ្លៃជួលផ្ទះ និងបានរៀនបញ្ចប់បរិញ្ញាបត្រច្បាប់ appeared first on Kampuchea Thmey Daily.

ក្រោយចំណាយពេលខំប្រឹងអស់ ២ឆ្នាំទីបំផុត ជ័យយ៉ាន់តៈ ច័ន្ទរាជ្យ ឈ្នះពានចូលក្លឹប CTT ហើយ

Sina Noun — Mon, 04 May 2026 01:44:33 +0000

សិស្សគុនក្លឹបប្រដាល់ Cambodian Top Team កីឡាករ ជ័យយ៉ាន់តៈ ច័ន្ទរាជ្យ ទីបំផុតឈ្នះពានរង្វាន់ម៉ារ៉ាតុងចូលក្លឹបហើយក្រោយរូបគេតស៊ូហ្វឹកហាត់រយៈពេល ២ឆ្នាំមកនេះ។

កីឡាករ ជ័យយ៉ាន់តៈ ច័ន្ទរាជ្យ

នេះបើតាមការបញ្ជាក់នៅលើផេក Cambodian Top Team រយៈពេល ២ឆ្នាំហើយដែលកីឡាករ ជ័យយ៉ាន់តៈ ច័ន្ទរាជ្យ ខំប្រឹងប្រែងតស៊ូហ្វឹកហាត់ និងប្រកួតសន្សំបទពិសោធរហូតទម្រាំអាចឈ្នះពានរង្វាន់ទី១ ក្នុងអាជីពនរបស់គេនេះ។ ការឈ្នះពានរង្វាន់នេះជាសមិទ្ធផលធំធេង និងពានទី១ ដែលរូបគេរកបានដើម្បីដាក់ចូលក្លឹបដែលរូបគេរស់នៅ និងហ្វឹកហកាត់រាល់ថ្ងៃនេះផងដែរ។

តំណាងក្លឹបប្រដាល់ Cambodian Top Team បានថ្លែងអំណរគុណដល់ខាងស្ថានីយដែលផ្ដល់ឱកាសដល់ ជ័យយ៉ាន់តៈ ច័ន្ទរាជ្យ ជាសិស្សរបស់ខ្លួន និងកីឡាករក្នុងក្លឹបដទៃទៀតបានប្រកួតរហូតមក។ ជាមួយគ្នានោះដែរអរគុណដល់គ្រូៗ និងមិត្តភ័ត្ររួមក្លឹបទាំងអស់ដែលបានជួយបង្ហាត់ និងលើកទឹកចិត្តរហូតអាចឈ្នះ ឬមានភាពជោគជ័យដូចពេលនេះជាដើម។

រូបភាព CTT

បញ្ជាក់ដែរថា កីឡាករ ជ័យយ៉ាន់តៈ ច័ន្ទរាជ្យ កាលពីថ្ងៃទី៣ ខែឧសភា ឆ្នាំ២០២៦ នេះបានឈ្នះពានរង្វាន់ម៉ារ៉ាតុងឃីកបុកស៊ីង (Kick Boxing) ទម្ងន់ ៥១គីឡូក្រាមនៅសង្វៀនថោន។ នៅប្រកួតទី១ ជ័យយ៉ាន់តៈ ច័ន្ទរាជ្យ យកឈ្នះកីឡាករ រិទ្ធី អ៊ីចយ និងប្រកួតផ្ដាច់ព្រ័ត្រយកឈ្នះកីឡាករ រិទ្ធ មច្ឆា។ ជ័យយ៉ាន់តៈ ច័ន្ទរាជ្យ កំពុងរស់នៅ និងហ្វឹកហាត់ក្នុងក្លឹបប្រដាល់ Cambodian Top Team របស់លោក ហ៊ុន ច័ន្ទរាជ្យ៕

អត្ថបទដោយ៖ នួន ស៊ីណា

The post ក្រោយចំណាយពេលខំប្រឹងអស់ ២ឆ្នាំទីបំផុត ជ័យយ៉ាន់តៈ ច័ន្ទរាជ្យ ឈ្នះពានចូលក្លឹប CTT ហើយ appeared first on Kampuchea Thmey Daily.

មិនធម្មតា! ក្រុមការងារ GMA របស់វៀតណាមមកថតផ្សព្វផ្សាយក្លឹប Cambodian Top Team ដល់កម្ពុជា

Sina Noun — Thu, 18 Sep 2025 06:46:56 +0000

ក្លឹបប្រដាល់ Cambodian Top Team មិនធម្មតាទេមានកេរ្តិ៍ឈ្មោះល្បីជាខ្លាំងនៅឯក្រៅស្រុក ខណៈពេលថ្មីៗនេះមានក្រុមការងារសង្វៀន GMA របស់ប្រទេសវៀតណាមបានមកដល់កម្ពុជាដើម្បីថត និងសម្ភាសយកទៅផ្សព្វផ្សាយទៀតផង។

សកម្មភាពថត

បើតាមការឲ្យដឹងពីលោក ហ៊ុន ច័ន្ទរាជ្យ ថាប៉ុន្មានថ្ងៃនេះមានក្រុមការងារសង្វៀន GMA របស់ប្រទេសវៀតណាមបានមកដល់ក្លឹបនៅឯទួលទំពូង ខណ្ឌចំការមន នេះតែម្ដង។ ការមកដល់ក្លឹបផ្ទាល់នេះគឺដើម្បីថតពីសកម្មភាពហ្វឹកហាត់ ទិដ្ឋភាពផ្សេងៗក្នុងក្លឹប និងសម្ភាសដើម្បីយកទៅផ្សព្វផ្សាយពិសេសត្រៀមសម្រាប់ការប្រកួតដណ្ដើមខ្សែក្រវាត់នៅខែធ្នូ ឆ្នាំ២០២៥ ខាងមុខ។

សកម្មភាពថត

គ្រូបង្វឹករបស់ក្លឹប Cambodian Top Team ខាងលើបង្ហើបប្រាប់ទៀតថា កីឡាករឆ្នើមរបស់កម្ពុជា គោរមៈ ច័ន្ទរាជ្យ អាចនឹងប្រកួតដណ្ដើមខ្សែក្រវាត់ ១គ្រឿងទៀតនៅអំឡុងខែធ្នូខាងមុខនេះ។ ខ្សែក្រវាត់ទី២ នេះអាចនឹងអស្ចារ្យ និងរៀបចំធំជាងលើកមុខទៅទៀត។

ឃួន ឡាំងកូស៊ីន និងក្រុមការងារ GMA

បញ្ជាក់ដែរថា កាលពីថ្ងៃទី១៥ ខែកញ្ញា ឆ្នាំ២០២៥ នេះក្រុមការងាររបស់សង្វៀន GMA (God Of Martial Arts) បានមកថតដល់ក្លឹប Cambodian Top Team។ សង្វៀន GMA ជាកម្មវិធីប្រដាល់គុនចម្រុះធំមួយនៅឯប្រទេសវៀតណាម និងកំពុងរៀបចំការប្រកួតធំៗជាច្រើនដែលទទួលបានប្រជាប្រិយភាពជាខ្លាំងពីប្រជាជនវៀតណាម និងបរទេសនៅទីនោះ៕

អត្ថបទដោយ៖ នួន ស៊ីណា

The post មិនធម្មតា! ក្រុមការងារ GMA របស់វៀតណាមមកថតផ្សព្វផ្សាយក្លឹប Cambodian Top Team ដល់កម្ពុជា appeared first on Kampuchea Thmey Daily.

CTT Archives - Kampuchea Thmey Daily

អធិជ័យ ច័ន្ទរាជ្យ៖ ក្លឹបប្រដាល់ CTT ជួយឲ្យខ្លួនមិនអស់ថ្លៃជួលផ្ទះ និងបានរៀនបញ្ចប់បរិញ្ញាបត្រច្បាប់

ក្រោយ​ចំណាយ​ពេល​ខំប្រឹង​អស់​ ២ឆ្នាំ​ទីបំផុត​ ជ័យយ៉ាន់តៈ​ ច័ន្ទរាជ្យ​ ឈ្នះ​ពាន​ចូល​ក្លឹប​ CTT ​ហើយ

មិន​ធម្មតា! ក្រុម​ការងារ​ GMA​ របស់​វៀតណាម​មក​ថតផ្សព្វផ្សាយ​​ក្លឹប​ Cambodian Top Team ដល់​កម្ពុជា​

ក្រោយចំណាយពេលខំប្រឹងអស់ ២ឆ្នាំទីបំផុត ជ័យយ៉ាន់តៈ ច័ន្ទរាជ្យ ឈ្នះពានចូលក្លឹប CTT ហើយ

មិនធម្មតា! ក្រុមការងារ GMA របស់វៀតណាមមកថតផ្សព្វផ្សាយក្លឹប Cambodian Top Team ដល់កម្ពុជា