FIVB Men's Volleyball World Championship Archives - Kampuchea Thmey Daily

កីឡាករវ័យក្មេង Alex Nikolov មានសមត្ថភាពជាប់ជាស្មាត់កំពូលក្នុងពានបាល់ទះពិភពលោក

Kosal Sem — Wed, 01 Oct 2025 06:59:18 +0000

ការប្រកួតកីឡាបាល់ទះជើងឯកពិភពលោក FIVB Men’s Volleyball World Championship ឆ្នាំ ២០២៥ បានបញ្ចប់ជាផ្លូវការ ដោយក្រុមជម្រើសជាតិ អ៉ីតាលី ក្លាយជាម្ចាស់ជើងឯក ប៉ុន្តែអ្វីដែលចាប់អារម្មណ៍បំផុតមួយទៀត គឺស្មាត់វ័យក្មេងរបស់ក្រុមជម្រើសជាតិ ប៊ុលហ្គារី កីឡាករ Aleksandar Nikolov បានរះឡើង ដោយជាប់ឈ្មោះ ជាស្មាត់កំពូលបំផុតម្នាក់នៅក្នុងព្រឹត្តិការណ៍នេះ។

កីឡាករ Aleksandar Nikolov

Aleksandar Nikolov ដែលបច្ចុប្បន្នមានវ័យ ២១ ឆ្នាំ បានក្លាយជាកម្លាំងចលករដ៏សំខាន់ ក្នុងការជួយឱ្យក្រុមជម្រើសជាតិ ប៊ុលហ្គារី ឡើងមកកាន់វគ្គផ្តាច់ព្រ័ត្រពានបាល់ទះជើងឯកពិភពលោក ២០២៥។ ថ្វីដ្បិតអ្នកលេងតួនាទីស្មាត់ស្តាំរូបនេះ មិនអាចជួយឱ្យ ប៊ុលហ្គារី ឈ្នះជើងឯក បន្ទាប់ពីចាញ់ អ៉ីតាលី នៅវគ្គផ្តាច់ព្រ័ត្រក្នុងលទ្ធផល ៣ សិត ១ ក៏ពិតមែន ប៉ុន្តែកំណត់ត្រាដ៏លេចធ្លោរបស់គេ ត្រូវបានចារទុកជាដរាបនៅក្នុងព្រឹត្តិការណ៍ដ៏ធំក្នុងពិភពលោកមួយនេះ។

នៅក្នុងព្រឹត្តិការណ៍បាល់ទះជើងឯកពិភពលោក ឆ្នាំ ២០២៥ កីឡាករ Aleksandar Nikolov បានធ្វើរឿងមិននឹកស្មានមួយ ដោយរូបគេបានស្ថិតនៅចំណាត់ថ្នាក់លើស្មាត់កំពូលៗក្នុងពិភពលោកជាច្រើន ក្នុងនាមជាអ្នករកពិន្ទុច្រើនបំផុតសម្រាប់ព្រឹត្តិការណ៍។ កីឡាកររកពិន្ទុសរុបបានរហូតដល់ទៅ ១៧៣ ពិន្ទុ ខណៈស្ថិតិនេះបានធ្វើឱ្យគេវ៉ាដាច់អ្នកលេខ ២ គឺស្មាត់របស់ជម្រើសជាតិ ប៊ែលហ្ស៊ិក កីឡាករ Ferre Reggers ដល់ទៅ ៦៧ ពិន្ទុឯណោះ ដែលរកបាន ១០៦ ពិន្ទុ។

កីឡាករ Aleksandar Nikolov

ពិន្ទុទាំង ១៧៣ ពិន្ទុរបស់ Aleks Nikolov គឺរកបានពីការវាយផ្តាច់ចំនួន ១៥៤ ពិន្ទុ ការបាំងបាល់ ៧ ពិន្ទុ និងវាយសេវា ចំនួន ១២ ពិន្ទុ។ តាមរយៈស្ថិតិនេះ បានធ្វើឱ្យស្មាត់ស្តាំកម្ពស់ ២.០៧ ម៉ែត្ររូបនេះ ឈ្នះពានឯកត្តជនមួយផងដែរ នោះគឺពានស្មាត់ស្តាំល្អបំផុត។

ក្រៅពីភាពលេចធ្លោក្នុងពានបាល់ទះជើងឯកពិភពលោក ២០២៥ កីឡាកររបស់ក្រុម Cucine Lube Civitanova ក្នុងលីគ អ៉ីតាលី រូបនេះ ធ្លាប់បង្ហាញភាពលេចធ្លោរួចមកហើយ តាំងពីនៅក្រុមយុវជន ប៊ុលហ្គារី។ រូបគេធ្លាប់ឈ្នះពានឯកត្តជន អ្នករកពិន្ទុល្អបំផុត និងអ្នកវាយសេវាល្អបំផុតក្នុងពាន World Championships អាយុក្រោម ២១ ឆ្នាំ។ ដោយឡែកក្នុងពាន European Championships អាយុក្រោម ២០២១ ឆ្នាំនៅឆ្នាំ ២០២២ រូបគេធ្លាប់បានឈ្នះពានស្មាត់ស្តាំល្អបំផុតចំនួន ១ លើក៕

កីឡាករ Aleksandar Nikolov

អត្ថបទ៖ សេម កុសល

The post កីឡាករវ័យក្មេង Alex Nikolov មានសមត្ថភាពជាប់ជាស្មាត់កំពូលក្នុងពានបាល់ទះពិភពលោក appeared first on Kampuchea Thmey Daily.

ហ្វីលីពីន បំបែកកំណត់ត្រាថ្មីអ្នកមើលច្រើនបំផុតវគ្គផ្តាច់ព្រ័ត្រ ជើងឯកបាល់ទះពិភពលោក

chean virakbot — Tue, 30 Sep 2025 07:15:34 +0000

ប្រទេសហ្វីលីពីន ក្នុងនាមជាម្ចាស់ផ្ទះរៀបចំការប្រកួតកីឡាបាល់ទះជើងឯកពិភពលោក ឆ្នាំ ២០២៥ ដោយមានអ្នកទស្សនាច្រើនជាងគេបំផុតសម្រាប់វគ្គផ្តាច់ព្រ័ត្រ បើប្រៀបធៀបនឹងប្រទេសផ្សេងៗដែលម្ចាស់ផ្ទះនៅក្នុងសតវត្សរ៍ទី២១។

បើទោះជាវគ្គផ្តាច់ព្រ័ត្រមិនមែនជាក្រុមជម្រើសជាតិរបស់ខ្លួន ក៏អ្នកគាំទ្រហ្វីលីពីនបានចូលទស្សនាផ្ទាល់រហូតដល់ ១៦ ៤២៩នាក់ សម្រាប់វគ្គផ្តាច់ព្រ័ត្រ រវាង ក្រុមជម្រើសជាតិ អ៉ីតាលី និង ប៊ុលហ្គារី កាលពីថ្ងៃអាទិត្យ ទី២៨ ខែកញ្ញា ឆ្នាំ ២០២៥។

ការប្រកួតមួយព្រឹត្តិការណ៍ទាំងមូលចំនួន ៦៤ ប្រកួត ដោយមានអ្នកទស្សនាផ្ទាល់សរុប ២១៦ ៩៣០នាក់។ នៅវគ្គផ្តាច់ព្រ័ត្រ មានចំនួន ១៦ ៤២៩នាក់ ហើយជាមធ្យមភាគគឺមានអ្នកទស្សនាផ្ទាល់ចំនួន ៣៣៩០នាក់។

ស្ថិតិអ្នកទស្សនាវគ្គផ្តាច់ព្រ័ត្រ

ឆ្នាំ ២០២៥ ម្ចាស់ផ្ទះ ហ្វីលីពីន មានទស្សនាផ្ទាល់ ចំនួន ១៦ ៤២៩នាក់
ឆ្នាំ ២០១៤ ម្ចាស់ផ្ទះ ប៉ូឡូញ មានអ្នកទស្សនាផ្ទាល់ ចំនួន ១២ ៥២៨នាក់
ឆ្នាំ ២០១០ ម្ចាស់ផ្ទះ អ៉ីតាលី មានអ្នកទស្សនាផ្ទាល់ ១២ ២១១នាក់
ឆ្នាំ ២០១៨ ម្ចាស់ផ្ទះ អ៉ីតាលី មានអ្នកទស្សនាផ្ទាល់ ចំនួន ១២ ០១១នាក់
ឆ្នាំ ២០០៦ ម្ចាស់ផ្ទះ ជប៉ុន មានអ្នកទស្សនាផ្ទាល់ ចំនួន ៩ ៦៥០នាក់
ឆ្នាំ ២០០២ ម្ចាស់ផ្ទះ ប៉ូឡូញ មានអ្នកទស្សនាផ្ទាល់ ចំនួន ៩ ៦៣៩នាក់
ឆ្នាំ ២០០២ ម្ចាស់ផ្ទះ អាហ្សង់ទីន មានអ្នកទស្សនាផ្ទាល់ ចំនួន ៨ ៧៧៧នាក់

អត្ថបទ៖ វីរបុត្រ

The post ហ្វីលីពីន បំបែកកំណត់ត្រាថ្មីអ្នកមើលច្រើនបំផុតវគ្គផ្តាច់ព្រ័ត្រ ជើងឯកបាល់ទះពិភពលោក appeared first on Kampuchea Thmey Daily.

នៅតែខ្លាំង! Leon ស្ថិតនៅលំដាប់កំពូលទាំង ៥ ជាស្មាត់ល្អបំផុតប្រចាំព្រឹត្តិការណ៍បាល់ទះពិភពលោក

Kosal Sem — Tue, 30 Sep 2025 02:21:00 +0000

ស្មាត់ធំរបស់ក្រុមបាល់ទះជម្រើសជាតិ ប៉ូឡូញ កីឡាករ Wilfredo Leon នៅតែរក្សាភាពខ្លាំងរបស់ខ្លួនក្នុងការប្រកួតកីឡាបាល់់ទះជើងឯកពិភពលោក FIVB Men’s Volleyball World Championship ឆ្នាំ ២០២៥ បើទោះបីជាមានអាយុច្រើនជាងគេក្នុងចំណោមស្មាត់កំពូលទាំង ៥ ប្រចាំព្រឹត្តិការណ៍។

កីឡាករ Wilfredo Leon

ការប្រកួតពានបាល់ទះជើងឯកពិភពលោក ២០២៥ បានបញ្ចប់ជាស្ថាពរហើយ កាលពីថ្ងៃទី២៨ ខែកញ្ញា ឆ្នាំ ២០២៥ នៅប្រទេសហ្វីលីពីន ក្នុងនោះក្រុមជើងឯកបានទៅលើ ក្រុមបាល់ទះជម្រើសជាតិអ៉ីតាលី ចំណាត់ថ្នាក់លេខ ២ បានទៅក្រុមប៊ុលហ្គារី និងលេខ ៣ បានទៅក្រុមប៉ូឡូញ។

ក្រុមជម្រើសជាតិ អ៉ីតាលី ឈ្នះជើងឯកបាល់ទះពិភពលោក ២០២៥

ក្រឡេកមកមើលការប្រកួតក្នុងព្រឹត្តិការណ៍នេះ គឺមានកីឡាករឆ្នើមៗលេចធ្លោជាច្រើន ហើយបើមើលទៅលើកីឡាករលេងក្នុងតួនាទីស្មាត់វិញ គួរឱ្យចាប់អារម្មណ៍ច្រើនទាំងក្មេង និងចាស់វស្សា។ ស្មាត់ចំនួន ៧ រូប បានជាប់នៅក្នុងចំណាត់ថ្នាក់កំពូលទាំង ៥ ជាអ្នករកបានពិន្ទុច្រើនជាងគេបំផុតប្រចាំព្រឹត្តិការណ៍បាល់ទះជើងឯកពិភពលោក ឆ្នាំ ២០២៥។

ក្រុមប៊ុលហ្គារី ចំណាត់ថ្នាក់លេខ២

ស្មាត់របស់ ប៊ុលហ្គារី Aleksandar Nikolov អាយុ២១ឆ្នាំ ស្ថិតនៅចំណាត់ថ្នាក់លេខ ១ ដោយរកបានពិន្ទុច្រើនជាងគេ រហូតដល់ទៅ ១៧៣ ពិន្ទុ។ ស្មាត់របស់ ប៊ែលហ្ស៊ិក Ferre Reggers អាយុ ២២ឆ្នាំ និង ស្មាត់របស់ឆេក Patrik Indra អាយុ ២៧ឆ្នាំ ស្ថិតនៅលេខ ២ រកពិន្ទុបានចំនួន ១០៦ ពិន្ទុដូចគ្នា។ ស្មាត់របស់ឆេក Lukas Vasina អាយុ២៦ឆ្នាំ ស្ថិតនៅលេខ ៣ រកបានចំនួន ៩៨ ពិន្ទុ។

ក្រុម ប៉ូឡូញ ចំណាត់ថ្នាក់លេខ៣

ស្មាត់របស់ក្រុមជម្រើសជាតិ អ៉ីរ៉ង់ Hajipour ស្ថិតលេខ ៤ រកបានចំនួន ៩៤ ពិន្ទុ។ កីឡាករ Wilfredo Leon ស្មាត់របស់ក្រុមជម្រើសជាតិ ប៉ូឡូញ អាយុ ៣២ឆ្នាំ ដែលមានវ័យច្រើនជាងគេក្នុងចំណោមស្មាត់កំពូលទាំង ៥ រកបាន ៩៣ ពិន្ទុ ស្មើនឹង ស្មាត់របស់ អ៉ីតាលី Alessandro Michieletto អាយុ ២៣ឆ្នាំ ដែលស្ថិតនៅចំណាត់ថ្នាក់លេខ ៥ ដូចគ្នា ៕

ក្រុមល្អបំផុតប្រចាំព្រឹត្តិការណ៍

តារាងចំណាត់ថ្នាក់ស្មាត់លំដាប់កំពូលទាំង ៥

កីឡាករ ប៊ុលហ្គារី Aleksandar Nikolov

កីឡាករ Alessandro Michieletto

កីឡាករ Wilfredo Leon លោតវ៉ៃ

អត្ថបទ៖ សេម កុសល
Photos by Volleyball World

The post នៅតែខ្លាំង! Leon ស្ថិតនៅលំដាប់កំពូលទាំង ៥ ជាស្មាត់ល្អបំផុតប្រចាំព្រឹត្តិការណ៍បាល់ទះពិភពលោក appeared first on Kampuchea Thmey Daily.

ក្រុមក្តីស្រមៃ ប្រចាំព្រឹត្តិការណ៍ជើងឯកបាល់ទះពិភពលោក ឆ្នាំ ២០២៥

chean virakbot — Mon, 29 Sep 2025 02:48:56 +0000

ព្រឹត្តិការណ៍ប្រកួតកីឡាបាល់ទះ ជើងឯកពិភពលោក ឆ្នាំ ២០២៥ បានបញ្ចប់ជាស្ថាពរកាលពីថ្ងៃទី២៨ ខែកញ្ញា ឆ្នាំ ២០២៥ នៅប្រទេសហ្វីលីពីន ដោយជើងឯកបានទៅ ក្រុមបាល់ទះជម្រើសជាតិអ៉ីតាលី ចំណាត់ថ្នាក់លេខ ២ បានទៅក្រុមប៊ុលហ្គារី និងលេខ ៣ បានទៅក្រុមប៉ូឡូញ។

ក្រុមអ៉ីតាលី ជើងឯក

នេះជាការការពារជើងឯកឆ្នាំចាស់របស់ខ្លួនបានជោគជ័យរបស់ អ៉ីតាលី បន្ទាប់ពីពួកគេបានឈ្នះជើងឯកកាលពីឆ្នាំ ២០២២។ អ៉ីតាលី បានគ្រងជើងឯកចំនួន ៥ លើកហើយក្នុងប្រវត្តិសាស្ត្រ ដោយតាមពីក្រោយអតីតសហភាពស៊ូវៀត ធ្លាប់ឈ្នះជើងឯកចំនួន ៦ លើក ដែលស្ថិតនៅចំណាត់ថ្នាក់លេខ១។

ក្រុមប៊ុលហ្គារី លេខ២

ងាកមកចាប់អារម្មណ៍ពានឯកត្តជនចំនួន ៨ ពានវិញ គឺមានកីឡាករអ៉ីតាលី ចំនួន ៥នាក់ កីឡាករប៊ុលហ្គារី ២នាក់ និងកីឡាករប៉ូឡូញ ១ នាក់។ ស្មាត់ស្តាំរបស់អ៉ីតាលី គឺកីឡាករ Alessandro Michieletto បានឈ្នះពានឯកត្តជន ២ ម្នាក់ឯងគឺ ពានកីឡាករល្អបំផុតប្រចាំព្រឹត្តិការណ៍ និងពានស្មាត់ស្តាំល្អបំផុត។

ក្រុមប៊ូឡូញ លេខ៣

ពានរង្វាន់ឯកត្តជន

កីឡាករល្អបំផុតប្រចាំព្រឹត្តិការណ៍៖ កីឡាករ Alessandro Michieletto (អ៉ីតាលី)
អ្នកប៉ះសេល្អបំផុត៖ កីឡាករ Simone Gianelli (អ៉ីតាលី)
ស្មាត់ស្តាំល្អបំផុត៖ កីឡាករ Alex Nikolov (ប៊ុលហ្គារី) និង កីឡាករ Alessandro Michieletto (អ៉ីតាលី)
ស្មាត់ឆ្វេងល្អបំផុត៖ កីឡាករ Yuri Romanov (អ៉ីតាលី)
អ្នកបាំងកណ្តាលល្អបំផុត៖ កីឡាករ Aleks Grozdanov (ប៊ុលហ្គារី) និង កីឡាករ Jakub Kochanowski (ប៉ូឡូញ)
លីប៊ើរ៉ូល្អបំផុត៖ កីឡាករ Fabio Balaso (អ៉ីតាលី)

ម្ចាស់ពានឯកត្តជនទាំង ៧ រូប

កីឡាករ Alessandro Michieletto ឈ្នះពានឯកត្តជន ២ ម្នាក់ឯង

អត្ថបទ៖ វីរបុត្រ
Photos by Volleyball World

The post ក្រុមក្តីស្រមៃ ប្រចាំព្រឹត្តិការណ៍ជើងឯកបាល់ទះពិភពលោក ឆ្នាំ ២០២៥ appeared first on Kampuchea Thmey Daily.

ទីបំផុតរកឃើញក្រុមខ្លាំងឡើងវគ្គពាក់កណ្តាលផ្តាច់ព្រ័ត្រពានបាល់ទះជើងឯកពិភពលោក

Kosal Sem — Fri, 26 Sep 2025 02:04:29 +0000

ការប្រកួតបាល់ទះជើងឯកពិភពលោក FIVB Men’s Volleyball World Championship ២០២៥ បានបញ្ចប់ការប្រកួតវគ្គ ៨ ក្រុមចុងក្រោយហើយ ខណៈក្រុមដែលឡើងមកកាន់វគ្គពាក់កណ្តាលផ្តាច់ព្រ័ត្រ ក៏ដូចជាគូប្រកួតនីមួយៗ ដែលត្រូវជួបគ្នាក្នុងវគ្គនេះក៏បានរកឃើញរួចរាល់ហើយដែរ។

ក្រុមជម្រើសជាតិ ប៊ុលហ្គារី

ការប្រកួតវគ្គ ៨ ក្រុមចុងក្រោយ បានបញ្ចប់កាលពីយប់មិញ ថ្ងៃទី ២៥ ខែ កញ្ញា ឆ្នាំ ២០២៥។ ក្នុងនោះក្រុមជម្រើសជាតិ អ៉ីតាលី បានយកឈ្នះលើក្រុម ប៊ែលហ្ស៊ិក ៣ សិតទល់ ០។ ក្រុម ប៉ូឡូញ បានយកឈ្នះលើក្រុម តួកគី ក្នុងលទ្ធផល ៣ សិតទល់ ០។ ចំណែក ប៊ុលហ្គារី យកឈ្នះលើក្រុម អាមេរិក ៣ សិតទល់ ២ និងចុងក្រោយក្រុម សាធារណៈរដ្ឋឆេក យកឈ្នះលើក្រុម អ៊ីរ៉ង់ ក្នុងលទ្ធផល ៣ សិតទល់ ១។

ក្រុមជម្រើសជាតិ សាធារណៈរដ្ឋឆេក

សរុបមក ការប្រកួតក្នុងវគ្គពាក់កណ្តាលផ្តាច់ព្រ័ត្រ នៅថ្ងៃសៅរ៍ ទី២៧ ខែកញ្ញា ឆ្នាំ ២០២៥ ក្រុមជម្រើសជាតិ ប៉ូឡូញ នឹងត្រូវជួបជាមួយក្រុមជម្រើសជាតិ អ៉ីតាលី ខណៈ ក្រុមជម្រើសជាតិ ប៊ុលហ្គារី ត្រូវជួបជាមួយក្រុម សាធារណៈរដ្ឋឆេក៕

ក្រុមឡើងវគ្គ ៨ ក្រុមពានបាល់ទះជើងឯកពិភពលោក

ក្រុមជម្រើសជាតិ ប៉ូឡូញ

ក្រុមជម្រើសជាតិ អ៊ីតាលី

អត្ថបទ៖ សេម កុសល

The post ទីបំផុតរកឃើញក្រុមខ្លាំងឡើងវគ្គពាក់កណ្តាលផ្តាច់ព្រ័ត្រពានបាល់ទះជើងឯកពិភពលោក appeared first on Kampuchea Thmey Daily.

តើ ប៉ូឡូញ ឬ អ៊ីតាលី ឡើងវគ្គផ្តាច់ព្រ័ត្រ ជើងឯកបាល់ទះពិភពលោក?

chean virakbot — Fri, 26 Sep 2025 00:30:00 +0000

ក្រុមបាល់ទះជម្រើសជាតិលំដាប់លេខ១ និងលេខ២ លើលោកត្រូវជួបគ្នាក្នុងវគ្គពាក់កណ្តាលផ្តាច់ព្រ័ត្រ នៃការប្រកួតជើងឯកបាល់ទះពិភពលោក យប់ថ្ងៃសៅរ៍ ទី២៧ ខែកញ្ញា ឆ្នាំ ២០២៥ នៅប្រទេសហ្វីលីពីន។

ក្រុមជម្រើសជាតិ ប៉ូឡូញ

ជំនួបរវាង ប៉ូឡូញ និង អ៉ីតាលី ត្រូវបានចាត់ទុកជាការប្រកួតធំបំផុតក្នុងព្រឹត្តិការណ៍កីឡាបាល់ទះពិភពលោក ឆ្នាំ ២០២៥ ស្ទើរតែមានការចាប់អារម្មណ៍ខ្លាំងជាងការប្រកួតវគ្គផ្តាច់ព្រ័ត្រទៅទៀត។ ប៉ូឡូញ ជាក្រុមលេខ១ក្នុងតារាងចំណាត់ថ្នាក់ពិភពលោក ខណៈ អ៉ីតាលី ជាក្រុមចំណាត់ថ្នាក់លេខ២ ដែលក្រុមទាំងពីរមានគុណភាព សមត្ថភាព និងកីឡាករលំដាប់កំពូលដូចគ្នា។

ក្រុមជម្រើសជាតិ អ៉ីតាលី

ប៉ូឡូញ មិនទាន់ស្គាល់បរាជ័យឡើយក្នុងការប្រកួតជើងឯកបាល់ទះពិភពលោកឆ្នាំនេះ។ វគ្គសន្សំពិន្ទុក្នុងពូល ពួកគេបានយកឈ្នះ រ៉ូម៉ានី ៣-០, ឈ្នះ កាតា ៣-០ និង ឈ្នះ ហូឡង់ ៣-១ ដើម្បីឈរលេខ១ក្នុងពូល B ឡើងទៅកាន់វគ្គ ១៦ ក្រុមចុងក្រោយ។

នៅវគ្គ ១៦ ក្រុមចុងក្រោយ ពួកគេទទួលបានជ័យជម្នះ ៣-១ លើក្រុម កាណាដា និងបានយកឈ្នះកាន់តែស្រួលក្នុងវគ្គ ៨ ក្រុមចុងក្រោយ លើក្រុម តួកគី ដោយលទ្ធផល ៣-០ ដើម្បីឡើងទៅកាន់វគ្គពាក់កណ្តាលផ្តាច់ព្រ័ត្រជួប អ៉ីតាលី។

ស្ថិតិរបស់កីឡាករ Kurek រកបានពិន្ទុ ពីការប្រកួត ៥ លើកន្លងមក

អ៉ីតាលី ស្គាល់បរាជ័យ ១ លើកក្នុងព្រឹត្តិការណ៍ឆ្នាំនេះដែលធ្វើឲ្យពួកគេស្ថិតនៅលេខ ២ ក្នុងពូល F បន្ទាប់ពីឈ្នះ អាល់ហ្សេរី ៣-០, ចាញ់ ប៊ែលហ្ស៊ិក ២-៣ និងឈ្នះ អ៊ុយក្រែន ៣-០។ នៅវគ្គ ១៦ ក្រុមចុងក្រោយ ពួកគេ បានយកឈ្នះ អាហ្សង់ទីន ដោយលទ្ធផល ៣-០ និងបានសងសឹកលើ ប៊ែលហ្ស៊ិក វិញដោយលទ្ធផល ៣-០ នៅវគ្គ ៨ ក្រុមចុងក្រោយ ដើម្បីឡើងទៅកាន់វគ្គពាក់កណ្តាលផ្តាច់ព្រ័ត្រ។

ប្រវត្តិជួបគ្នាគ្រប់កម្មវិធីទាំងអស់រវាងក្រុមទាំងពីរគឺចំនួន ៣២ ដង ក្នុងនោះ ប៉ូឡូញ ឈ្នះ ១៦ ដង និង អ៉ីតាលី ឈ្នះ ១៥ដង។ បើនិយាយតែការជួបគ្នាក្នុងការប្រកួតជើងឯកពិភពលោក World Championship មានតែ ៣ លើកប៉ុណ្ណោះគឺ នៅឆ្នាំ ២០១៤ ប៉ូឡូញ ឈ្នះ អ៉ីតាលី ៣-១, ឆ្នាំ ២០១៨ អ៉ីតាលី បានឈ្នះ ប៉ូឡូញ ៣-២ និងចុងក្រោយបំផុត ឆ្នាំ ២០២២ វគ្គផ្តាច់ព្រ័ត្រ ជើងឯកពិភពលោកនេះតែម្តង ដោយ អ៉ីតាលី បានឈ្នះ ៣-១ ដើម្បីក្លាយជាជើងឯក ហើយពួកគេជាក្រុមការពារជើងឯកឆ្នាំចាស់។

ស្ថិតិរបស់កីឡាករ Michieletto រកបានពិន្ទុ ពីការប្រកួត ៥ លើកកន្លងមក

កីឡាករលេចធ្លោកំពុងរកពិន្ទុបានច្រើនជាងគេសម្រាប់ក្រុមទាំងពីរគឺ Alessandro Michieletto ជាស្មាត់ស្តាំរបស់ អ៉ីតាលី ដោយរូបគេរកបាន ៧០ ពិន្ទុ ពីការប្រកួត ៥ លើកកន្លងមក។ ចំណែកប៉ូឡូញ មានស្មាត់ Bartosz Kurek រកបានសរុប ៥៧ពិន្ទុ ពីការប្រកួត ៥ លើកកន្លងមក។

សូមបញ្ជាក់ថា ក្រុមបាល់ទះជម្រើសជាតិ អ៉ីតាលី ធ្លាប់គ្រងជើងឯកបាល់ទះពិភពលោក ៤ លើក ខណៈ ប៉ូឡូញ ធ្លាប់ឈ្នះ ៣ លើក។ អ្វីដែលគួរឲ្យចាប់អារម្មណ៍គឺ ប៉ូឡូញ បានឡើងដល់វគ្គផ្តាច់ព្រ័ត្រ ៣ លើកចុងក្រោយ ក្នុងនោះឈ្នះ ជើងឯក ២ លើក និង១លើកទៀតចាញ់ អ៉ីតាលី។

រវាង ប៉ូឡូញ និង អ៉ីតាលី តើក្រុមណាឡើងវគ្គផ្តាច់ព្រ័ត្រ ហើយពួកគេបញ្ចប់ត្រឹម៣សិត ៤សិត ឬ៥សិត? កុំភ្លេចរង់ចាំតាមដានលទ្ធផលទាំងអស់គ្នានៅយប់ថ្ងៃសៅរ៍នេះ៕

អត្ថបទ៖ វីរបុត្រ
Photos by Volleyball World

The post តើ ប៉ូឡូញ ឬ អ៊ីតាលី ឡើងវគ្គផ្តាច់ព្រ័ត្រ ជើងឯកបាល់ទះពិភពលោក? appeared first on Kampuchea Thmey Daily.

កីឡាករ Reggers កំពុងជា Top Scorer ក្នុងការប្រកួតបាល់ទះជើងឯកពិភពលោក ២០២៥

chean virakbot — Wed, 24 Sep 2025 08:45:08 +0000

កីឡាករបាល់ទះជម្រើសជាតិប៊ែលហ្ស៊ិក Ferre Reggers កំពុងឈរលើគេក្នុងនាមជាអ្នករកបានពិន្ទុច្រើនជាងគេ (Top Scorer) ក្នុងការប្រកួតបាល់ទះជើងឯកពិភពលោក ឆ្នាំ ២០២៥ គិតត្រឹមការប្រកួតចប់វគ្គ ៨ ក្រុមចុងក្រោយ។

កីឡាករកម្ពស់ ២.០២ម៉ែត្រ រកបានពិន្ទុសរុប ៩៣ពិន្ទុ ពីការប្រកួតចំនួន ៤ លើកកន្លងមក។ រូបគេរកពិន្ទុបានតាមរយៈការវាយផ្តាច់រកបាន ៨០ពិន្ទុ រកបានតាមរយៈការលោតបាំង ៩ពិន្ទុ និងតាមរយៈការវាយសេវា បាន ៤ពិន្ទុ។

លំអិតតាមការប្រកួតនីមួយៗ ចំនួន ៣ លើកនៅវគ្គសន្សំពិន្ទុក្នុង Ferre Reggers រកបាន ២៣ពិន្ទុ នៅពេល ប៊ែលហ្ស៊ិក ឈ្នះ អ៊ុយក្រែន ៣-០, រកបាន ១៩ ពិន្ទុ នៅពេលឈ្នះ អាល់ហ្សេរី ៣-០ និង រកបាន ៣១ពិន្ទុ នៅពេលក្រុមចាញ់ អ៉ីតាលី ២-៣។

នៅវគ្គពាក់កណ្តាលផ្តាច់ព្រ័ត្រ Ferre Reggers រកបាន ២០ ពិន្ទុ នៅពេល ប៊ែលហ្ស៊ិក បានយកឈ្នះ ហ្វាំងឡង់ ដោយលទ្ធផល ៣-០។ រូបគេនៅមានឱកាសរកបានពិន្ទុបន្ថែមទៀត នៅពេលក្រុមឡើងដល់វគ្គ ៨ក្រុមចុងក្រោយ៕

អត្ថបទ៖ វីរបុត្រ

The post កីឡាករ Reggers កំពុងជា Top Scorer ក្នុងការប្រកួតបាល់ទះជើងឯកពិភពលោក ២០២៥ appeared first on Kampuchea Thmey Daily.

ក្រុមអាស៊ី១គត់ អ៉ីរ៉ង់ ហាក់មានពន្លឺវែងឆ្ងាយក្នុងការប្រកួតបាល់ទះ ជើងឯកពិភពលោក

chean virakbot — Wed, 24 Sep 2025 02:46:11 +0000

ការប្រកួតកីឡាបាល់ទះជើងឯកពិភពលោក ឆ្នាំ ២០២៥ បានរកឃើញក្រុមឡើងវគ្គ ៨ ក្រុមចុងក្រោយហើយ បន្ទាប់ពីបញ្ចប់ការប្រកួតវគ្គ ១៦ ក្រុមចុងក្រោយ កាលពីយប់ថ្ងៃទី២៣ ខែកញ្ញា ឆ្នាំ ២០២៥។

ក្រុមអ៉ីរ៉ង់

ក្រុមបាល់ទះជម្រើសជាតិ អ៉ីរ៉ង ជាក្រុមអាស៊ីតែមួយគត់ដែលបានឆ្លងផុតវគ្គសន្សំពិន្ទុក្នុងពូល ហើយពេលនេះ ពួកគេបានឆ្លងផុតវគ្គ ១៦ ក្រុមចុងក្រោយទៀត បន្ទាប់ពីបានយកឈ្នះលើក្រុមជម្រើសជាតិ ស៊ែប៊ី ដោយលទ្ធផល ៣-២ ដើម្បីឡើងទៅកាន់វគ្គ ៨ ក្រុមចុងក្រោយ។

ក្រុមឆែក

តាមសង្កេតមើលតាំងពីវគ្គសន្សំពិន្ទុក្នុងពូល រហូតដល់ វគ្គ ៨ ក្រុមចុងក្រោយឃើញថា អ៉ីរ៉ង់ ហាក់ដូចមានសំណាងក្នុងការជួបដៃគូដែលមានកម្រិតសមត្ថភាពមិនលើសខ្លួនប៉ុន្មានឡើយ។ នៅក្នុងពូល ពួកគេជួប ហ្វីលីពីន អេហ្ស៊ីប និង ទុយនេស៊ី។ នៅវគ្គ ១៦ ក្រុមចុងក្រោយ ពួកគេជួប ស៊ែប៊ី ហើយនៅវគ្គ ៨ក្រុមចុងក្រោយ ជួប ឆែក។ ដូច្នេះ ពួកគេអាចសាងស្ថិតិថ្មីបន្តទៀត ក្នុងការឡើងទៅកាន់វគ្គពាក់កណ្តាលផ្តាច់ព្រ័ត្រ តាមរយៈការជួប ឆែក ដែលមានចំណាត់ថ្នាក់ទាបជាងខ្លួន។

ក្រុមប៊ុលហ្គារី

គូប្រកួតផ្សេងទៀតនៅវគ្គ ៨ ក្រុមចុងក្រោយ គឺ ប៉ូឡូញ ជួប តួកគី និង អ៊ីតាលី ជួប ប៊ែលហ្ស៊ិក នៅថ្ងៃទី២៤ ខែកញ្ញា។ សម្រាប់ ២ គូនេះ ក្រុមណាឈ្នះ ប៉ះគ្នានៅវគ្គពាក់កណ្តាលផ្តាច់ព្រ័ត្រ។ ប្រសិនបើ អ៉ីតាលី និង ប៉ូឡូញ ឈ្នះនៅវគ្គ ៨ ក្រុមចុងក្រោយ ពួកគេនឹងជួបគ្នានៅវគ្គ ពាក់កណ្តាលផ្តាច់ព្រ័ត្រ ហើយរវាងក្រុមខ្លាំងទាំងពីរនេះ គឺមាន១ត្រូវធ្លាក់ចេញ ហើយមិនជួបគ្នានៅវគ្គផ្តាច់ព្រ័ត្រឡើយ។

ក្រុមអាមេរិក

ចំណែក១គូទៀត គឺ សហរដ្ឋអាមេរិក ប៉ះ ប៊ុលហ្គារី នៅថ្ងៃទី២៥ ខែកញ្ញា។ គូនេះ ក្រុមណា ឈ្នះ នឹងទៅប៉ះក្រុមឈ្នះរវាង អ៉ីរ៉ង់ និង ឆែក នៅវគ្គពាក់កណ្តាលផ្តាច់ព្រ័ត្រ៕

គូប្រកួត វគ្គ៨ក្រុមចុងក្រោយ

ប៉ូឡូញ vs តួកគី (ថ្ងៃទី២៤ កញ្ញា)
អ៉ីតាលី vs ប៊ែលហ្ស៊ិក (ថ្ងៃទី២៤ កញ្ញា)
អ៉ីរ៉ង់ vs ឆែក (ថ្ងៃទី២៥ កញ្ញា)
អាមេរិក vs ប៊ុលហ្គារី (ថ្ងៃទី២៥ កញ្ញា)

អត្ថបទ៖ វីរបុត្រ

The post ក្រុមអាស៊ី១គត់ អ៉ីរ៉ង់ ហាក់មានពន្លឺវែងឆ្ងាយក្នុងការប្រកួតបាល់ទះ ជើងឯកពិភពលោក appeared first on Kampuchea Thmey Daily.

FIVB Men's Volleyball World Championship Archives - Kampuchea Thmey Daily

កីឡាករវ័យ​ក្មេង​ Alex Nikolov មានសមត្ថភាពជាប់ជាស្មាត់កំពូលក្នុងពានបាល់ទះពិភពលោក

ហ្វីលីពីន បំបែក​កំណត់​ត្រា​​ថ្មី​អ្នក​​​មើល​​​ច្រើន​បំផុត​វគ្គ​ផ្តាច់​ព្រ័ត្រ ជើង​ឯក​បាល់ទះពិភព​លោក

នៅតែខ្លាំង! Leon ស្ថិតនៅលំដាប់កំពូលទាំង ៥ ជាស្មាត់ល្អបំផុតប្រចាំ​ព្រឹត្តិការណ៍​បាល់ទះពិភព​លោក

​ក្រុម​ក្តីស្រមៃ​ ​ប្រចាំ​ព្រឹត្តិការណ៍​ជើង​ឯក​បាល់ទះ​ពិភព​លោក ឆ្នាំ ២០២៥

ទីបំផុតរកឃើញក្រុមខ្លាំងឡើងវគ្គពាក់កណ្តាលផ្តាច់ព្រ័ត្រពានបាល់ទះជើងឯកពិភពលោក

តើ ប៉ូឡូញ ឬ អ៊ីតាលី ឡើង​វគ្គ​ផ្តាច់​ព្រ័ត្រ ជើងឯក​បាល់ទះ​ពិភព​លោក?

កីឡាករ Reggers កំពុងជា Top Scorer ក្នុង​ការ​ប្រកួត​បាល់ទះ​ជើង​ឯក​ពិភព​លោក ២០២៥

ក្រុម​អាស៊ី១គត់ អ៉ីរ៉ង់ ហាក់​មាន​ពន្លឺ​វែង​ឆ្ងាយ​​ក្នុង​ការ​ប្រកួត​បាល់ទះ​ ​ជើង​ឯក​ពិភព​លោក

កីឡាករវ័យក្មេង Alex Nikolov មានសមត្ថភាពជាប់ជាស្មាត់កំពូលក្នុងពានបាល់ទះពិភពលោក

ហ្វីលីពីន បំបែកកំណត់ត្រាថ្មីអ្នកមើលច្រើនបំផុតវគ្គផ្តាច់ព្រ័ត្រ ជើងឯកបាល់ទះពិភពលោក

នៅតែខ្លាំង! Leon ស្ថិតនៅលំដាប់កំពូលទាំង ៥ ជាស្មាត់ល្អបំផុតប្រចាំព្រឹត្តិការណ៍បាល់ទះពិភពលោក

ក្រុមក្តីស្រមៃ ប្រចាំព្រឹត្តិការណ៍ជើងឯកបាល់ទះពិភពលោក ឆ្នាំ ២០២៥

តើ ប៉ូឡូញ ឬ អ៊ីតាលី ឡើងវគ្គផ្តាច់ព្រ័ត្រ ជើងឯកបាល់ទះពិភពលោក?

កីឡាករ Reggers កំពុងជា Top Scorer ក្នុងការប្រកួតបាល់ទះជើងឯកពិភពលោក ២០២៥

ក្រុមអាស៊ី១គត់ អ៉ីរ៉ង់ ហាក់មានពន្លឺវែងឆ្ងាយក្នុងការប្រកួតបាល់ទះ ជើងឯកពិភពលោក